CARLOS YULO NAKAGINTO SA SEA GAMES GYMNASTICS

HINDI binigo ni World champion Carlos Edriel ‘Caloy’ Yulo ang sambayanang Filipino nang makuha ang gold medal sa individual all-around event sa men’s artistic gymnastics, ngayong Linggo sa Rizal Memorial Coliseum.

Ipinakita ni Yulo na walang tatalo sa kanya sa ipinakitang gilas sa floor exercise, ang paborito nitong event. Si Yulo na kuwalipikado sa 2020 Tokyo Olympics sa pamamagitan ng World Championships sa Stuttgart noong Oktubre ay kumpiyansa sa lakas at tikas na ipinakita sa manonood ng Sea games.

Binigyan siya ng mga hurado ng iskor na 14.650 bago pa man sa pommel horse na pumangatlo sa iskor na 13.600. Sa rings ay nakakuha rin ito ng iskor na 13.600.

Si Yuklo ay nakaiskor ng 14.55 sa vault, 14.4 sa parallel bars, at 13.75 sa horizontal bars. (PHOTO BY MJ ROMERO)

 

Please follow and like us:
Read More

YULO SASABAK AGAD SA UNANG GINTO

(NI ANN ENCARNACION)

MANGUNGUNA si Tokyo-Olympics bound Carlos Edriel Yulo sa mga batang miyembro ng  Philippine Skating Union (PSU) sa kampanya ng bansa na maghakot ng ginto, isang araw bago ang pormal na pagbubukas ng 30th Southeast Asian Games sa Philippine Arena sa Bocaue, Bulacan sa Nobyembre 30.

Agad sisimulan ang dalawang qualifying event sa figure skating Senior Ladies-Short Program na susundan ng Senior Men-Short Program sa Nobyembre 29, sa SM Megamall sa Mandaluyong City.

Unang paglalabanan sa Short Program para sa mga uusad sa susunod na kategorya na free skate, bago ang final round kung saan naghihintay ang gintong medalya sa Disyembre 1.

Inaasahang mangunguna sa Senior Men-Short Program ang 2017 SEA Games silver medalist na si Michael Martinez.

Sa Disyembre 1 naman magsisimula ang kampanya ni artistic gymnastics world champion Carlos Edriel “Caloy” Yulo.

Hindi na ibinigay kay Yulo ang dapat sanang responsibilidad na maging torch bearer ng bansa dahil agad siyang sasabak alas-2 ng hapon sa unang gymnastics event na Men’s Artistic Gymnastics (MAG) Individual All-Around Qualification.

Agad igagawad ang gintong medalya sa MAG Individual All-Around winner sa ganap na alas-4 ng hapon.

Please follow and like us:
Read More

7 GINTO TARGET NI YULO

(NI ANN ENCARNACION)

HALOS dalawang dekada na (1991) sapul nang isagawa ni swimmer Eric Buhain na magwagi ng limang gintong medalya sa Southeast Asian Games.

Matapos ito ay wala pang Pilipinong atleta na nakapagwagi ng higit sa tatlong gintong medalya sa mga sumunod na edisyon ng SEAG.

Kaya naman tatangkain ni world gymnastics champ Carlos Edriel Yulo na hindi lang pantayan kundi higitan pa si Buhain sa pamamagitan ng pagsungkit ng ginto sa pitong gymnastic events sa darating na biennial meet na ihohost ng bansa sa Nobyembre 30-Disyembre 11.

Nangako naman ang Philippine Sports Commission (PSC) na ibibigay nila ang kanilang buong suporta kay Yulo upang maabot nito ang inaasam na pitong gintong medalya sa 30th SEAG.

Ayon kay Gymnastics Association of the Philippines secretary general Bettina Pou, ipinabatid sa kanila ng bagong Pinoy pride ang hangarin nito na mawalis ang pitong events sa men’s gymnastics sa SEAG upang matulungan ang bansa na maging pangkalahatang kampeon sa biennial meet.

Ito’y matapos ang makasaysayang pagwagi ng ginto ni Yulo sa 49th FIG Artistic Gymnastics World Championships sa Stuttgart, Germany.

“He promised to sweep all of his seven events in the men’s gymnastics competition of the SEA Games” sabi ni Pou.

Itinala ni Yulo ang makasaysayang pagsungkit ng gintong medalya sa paborito nitong event na floor exercise at maging unang Pilipino na nakagawa nito sa prestihiyosong kompetisyon sa mundol, na nagbigay din sa kanya ng tiket tungo sa Tokyo Olympics.

Ipinangako naman mismo ni PSC Chairman William  ‘Butch’ Ramirez na ibibigay nila kay Yulo ang lahat ng pangangailangan nito kabilang ang pagbubuo ng sarili nitong team na binubuo ng physiotherapist, sports nutritionist at sports psychologist upang bantayan ang kanyang preparations sa SEA Games at Olympics sa Enero 2020.

“The government will go all out in supporting Caloy and other deserving athletes as they prepare for the SEA Games and the Olympics next year,” sabi ni Ramirez, siya rin chief of mission ng Team Philippines.

Please follow and like us:
Read More

DU30 MANGUNGUNA SA HEROES WELCOME KAY CALOY YULO

(NI ANN ENCARNACION)

MULA sa isang mahiyain at maliit na Batang Maynila, hindi na maitatago ang mataas na naabot ni Carlos Edriel  ‘Caloy’  Yulo na iwinagayway ang bandila ng bansa sa makasaysayan nitong pagsungkit ng gintong medalya sa 49th FIG Artistic World Championship sa Stuttgart, Germany.

Kaya naman nakahanda sa pagbabalik sa bansa ng Olympic medal hopeful na si Yulo ang isang simpleng motorcade at  ‘Heroes Welcome’ matapos maging unang Pilipino at una sa Southeast Asia na nagwagi ng gintong medalya sa nasabing torneo.

Nakatakdang dumating sa Pilipinas si Yulo Martes alas-6:45 ng gabi para sa simpleng motorcade patungo sa Malacañang upang mag-courtesy call kay Pangulong Rodrigo Roa Duterte na masayang-masaya sa achievement ng 19-anyos na Pinoy gymnast, ayon kay Philippine Sports Commission (PSC) Chair William ‘Butch’ Ramirez.

“We are all thrilled with the golden performance of Caloy in the World champs. The President is happy. Executive Secretary Salvador Medialdea and Sen. Bong Go have been in touch, monitoring the competition. The Office of the President and the PSC family congratulate Caloy on this achievement. Mabuhay ang atletang Pilipino!”

Sinabi pa ni Ramirez, inihahanda na nila ang insentibong ibibigay kay Yulo matapos makaginto sa paborito nitong floor exercise sa FIG tourney na awtomatikong naging tulay sa kanyang pagsabak sa 2020 Tokyo Olympics.

“We are so proud of him,” dagdag ni Ramirez patungkol kay Yulo na nagsimula sa Philippine National Youth Game-Batang Pinoy bago naging miyembro ng pambansang koponan at ngayo’y world champion na.

Please follow and like us:
Read More

TASK FORCE BINUO SA YULO SLAY

yulo

(PHOTO BY ARTURO SON)

MASUSI pang iniimbestigahan ng Eastern Police District ang pananambang at pagpatay sa isang businessman at driver nito gayundin ang pagkakasugat sa babaeng kasama sa loob ng van, Linggo ng hapon sa Mandaluyong City.

Anggulo ng negosyo umano ang tinututukan ng kapulisan matapos mabatid na maraming negosyo sa Maynila at Laguna ang biktimang si Jose Luis Yulo, 63.

Si Yulo, kasama ang  driver na si Nomer Allan Santos ay hindi na umabot nang buhay nang isugod sa katapat na VRP Hospital sa Barangay Highway Hills, Edsa, Mandaluyong. Binaril ang mga ito ng riding-in-tandem sa kahabaan ng Edsa matapos magpagasolina sa gilid ng ospital.

Nakasuot umano ng itim na jacket at kapwa naka-helmet ang mga suspect.

Kritikal naman si Esmeralda Ignacio na kasama ng mga biktima sa van nang tambangan bandang alas-3:00 ng hapon.

Galing sa drag race ang biktima sa Pampanga at pauwi na sa Ayala, Alabang nang maganap ang krimen. Bumuo na ng special investigation task group ang EPD upang mapabilis ang paglutas sa insidente.

Kinakalap na din ng task force ang mga CCTV sa paligid upang makita ang buong pangyayari.

 

 

 

Please follow and like us:
Read More