YENG, ‘BORN ACTRESS’ – DIREK CRISANTO AQUINO

(NI LEO BUKAS)

“BORN actress” ang singer na si Yeng Constantino, ayon sa director ng Metro Manila Film Festival entry na Write About Love who is also my schoolmate sa Polytechnic University of the Philippines (PUP) na si Crisanto Aquino.  Si Yeng ang leading lady ni Joem Bascon sa pelikula ng TBA Studios na pinagbibidahan din nina Miles Ocampo at Rocco Nacino.

Opinyon ni Yeng,  “Siguro nakatutulong din yung pagiging singer namin. Kasi po pag kumakanta kami nilalagay din po namin yung sarili namin sa kanta, so in a way it’s also acting.

“Pero iba rin po yung nagde-deliver ng lines na walang melody at saka aaralin mo talaga yung karakter mo sa pelikula, very challenging.”

Naniniwala ba siya na ang magagaling na singer ay posible ring maging magaling na artista?

“Yes po,” tugon ng singer-actress. “Example po niyan si Ms. Regine Velasquez, Ms. Nora Aunor, napakagaling. Napakahusay. Parang sinasabi lang nila yung mga lines. Feeling ko nga yung mga co-singers ko sa ASAP kaya din nilang umarte, kaya nila ito.”

After Write About Love ay gusto ni Yeng na ituluy-tuloy na ang paggawa ng pelikula.

Aniya, “Sana po. Sana po after this film ay makitaan po ako ng potensyal ng ibang production houses. Mag-o-audtion po ako ulit kasi nag-audition po ako para sa aking karakter dito, eh. Hindi po ako titigil kasi I found it talaga na parang naging passion ko na rin ito.”

Samantala, natawa naman si Yeng nang tanungin namin siya kung sino ba sa palagay niya ang mas magaling na aktres sa kanila ng kapwa singer din na KZ  Tandingan na pinasok na rin ang pag-arte sa pelikula.

“Sa akin hindi ko makukumpara kung sinong mas magaling sa amin ni KZ, pero alam ko na… kasi nagbasa din ako ng mga write-up tungkol kay KZ, bilib talaga yung director ni KZ sa kanya.

“Hindi ko nga lang napanood kasi nawala sa cinema kasi ang dami kong ginagawa. Pero even sa manager namin, sinabi nga na ang galing-galing ni KZ do’n, sobrang natural lalo na yung timing niya sa comedy,” huling pahayag ni Yeng.

 

Please follow and like us:
Read More

YENG, MISTER, NA-TRAUMA SA SIARGAO

boy abunda(NI BOY ABUNDA)

KAMAILAN ay nagkaroon ng traumatic experience si Yeng Constantino at asawang si Yan Asuncion nang magbakasyon sa Siargao. Nakaranas ng short-term memory loss ang mister ng singer pagkatapos nitong tumalon sa isang lagoon sa nasabing lugar.

“Pagkatapos niyang tumalon, naging nakakatakot at madilim na ‘yung naging experience namin sa Siargao. Noong umpisa tumatawa pa siya eh. Tapos kinukwento niya pa kung anong feeling nang pagtalon niys. Nagbibiro pa nga siya. ‘Siguro ito ‘yung feeling na masuntok ni Manny Pacquiao. Sobrang sakit, love,’” kwento ni Yeng sa kanyang video blog.

Pagkatapos nito ay nawalan na ng memorya si Yan. Walang naaalala ang mister ni Yeng sa mga nangyari at ilan pang detalye tungkol sa kanilang bakasyon. “Kinabahan na talaga ako. ‘Anong nangyayari?’ Then, I remembered kasi nagwe-wake board kami sa Pradera.

‘Yung nagko-coach sa amin kung paano mag-wakeboard, nasabi niya ‘yun sa amin before, na may mga taong nagkakaroon ng temporary memory loss because of an impact. Meron siyang dalawang client na nagkaroon ng memory loss na nagla-last mga one to two hours. Buti na lang may mga duktor doon sa lagoon kung nasaan kami. Nag-rush sila towards us. Kasi nakikita siguro nila na nag-aalala kaming magbabarkada. Apat sila o tatlo na nagbabakasyon sa Siargao,” kwento ng singer.

Agad namang isinakay si Yan sa bangka ng grupo upang dalhin sa pinakamalapit na ospital sa lugar. “Noong nagbabangka kami going to the main land para sumakay ng ambulansya, si Yan, nag-start na siyang magsabi ng mga paulit-ulit na bagay,” dagdag ni Yeng. Mapapanood sa vlog ng singer ang eksaktong mga sinasabi ni Yan katulad ng mga pangalan ng mga kamag-anak nila ni Yeng, kaarawan at anibersaryo pero hindi nito maalala ang kasalukuyang taon.

Nang makarating ang mag-asawa at mga kaibigan sa Del Carmen Hospital ay pinayuhan ang grupo na pumunta sa isa pang ospital dahil sa kakulangan ng gamit dito. Agad ding sumugod sa isang ospital sa Dapa at dito ay nagkaroon ng masamang karanasan sina Yeng at  Yan.

Pakiramdam ng singer ay walang sense of urgency ang duktor na humarap sa kanila at pinayuhan pa na kumalma dahil masyado raw seryoso si Yeng nang mga sandaling iyon. “Gusto kong sumabog, gusto kong umiyak. ‘How can you say that?’ Pwede nating isipin na she means well naman siguro. She just wants me na ‘wag mag-alala. How can I not worry na nakita mo ‘yung asawa mo na nag-uulit-ulit ng mga bagay at hindi niya maalala ‘yung mga bagay-bagay? Hindi mo alam kung permanente o temporary lang ‘yung nararanasan niya? O kung merong dugo siya sa ulo o kung meron siyang crack sa skull,” emosyonal na paliwanag ni Yeng.

Noong unang X-ray ay nagloko pa ang mismong equipment pero hindi kaagad ito ipinaalam sa singer. Nadiskubreng hindi naka-duty ang X-ray operator nang gawin ang procedure kaya ibang tao ang nagsagawa nito. Napag-alaman ding may iba equipment na kailangang gamitin sa asawa ni Yeng. Inilabas pa umano mula sa kahon ang bagung-bagong makina kaya ito nagamit sa pasyente.

Dahil sa naranasan ay mayroong mensahe ang singer sa pamahalaan ng Siargao para sa ikabubuti ng lugar at mga turistang pumupunta rito. “Mas makakabuti kung ayusin ‘yung mga ospital kasi mayroon kayong mga extreme sports na ganito eh. Malamang talaga maraming maaksidente. Ito ‘yung ilan sa mga tourist attractions ninyo eh. Sana po preparado rin ‘yung isaland para sa mga aksidente,” pagtatapos ng singer. -Reports from JCC-

 

Please follow and like us:
Read More