MGA KALABAN DINOMINA NG GILAS WOMEN, MEN

(NI DENNIS IÑIGO)

IMPRESIBO ang simula ng kampanya ng Philippine women’s 3×3 basketball team makaraang talunin ang tatlong nakalabang koponan kahapon sa Arena, San Juan City.

Kabilang sa mga tinalo ng Gilas Women ang Myanmar, 21-4; Malaysia, 15-13, at Indonesia, 16-13.
Itutuloy ng Gilas Women na kinabibilangan nina Afril Bernardino Janine Pontejos, Jack Animam, at Clare Castro, ang kanilang laban ngayon (Lunes) sa pagpapatuloy ng elimination round kung saan makakalaban nila ang Vietnam sa alas-9:20 ng umaga, kasunod ang Thailand sa alas-1-:40 ng umaga bago ang semifinals round na magsisimula sa alas-2 ng hapon.

Tiniyak naman ni Bernardino na hindi magiging sagabal ang natamong injury sa right thumb sa laban kontra Indonesia sa magiging laro niya ngayong araw.

“Kumikirot pa rin siya pero siguro hindi ko na iniisip yung sakit kasi lahat naman kami pinagtrabahuan yung event na ‘to, pinaghandaan talaga namin ‘to,” paniniyak niya. “Hindi ito reason para mag-give up.”

Samantala, na-sweep din ng Gilas Men 3×3 team ang unang apat na laban nila kahapon.

Walang kahirap-hirap na tinalo ng team nina  CJ Perez, Jason Perkins, Mo Tautuaa at Chris Newsome ang kanilang mga nakalabang Vietnam, 21-15; Thailand, 21-10; Indonesia, 21-17; at Myanmar, 21-10.

Gaya ng Gilas Women, tatanggkain ng Gilas Men na makaabante sa semifinals ngayong umaga kontra Malaysia sa ala-11:20, bago harapin ang Cambodia sa 12:20 ng tanghali.

Please follow and like us:
Read More

UAAP 82: ATENEO,13-0 NA

(NI LOUIS AQUINO)

TULOY ang pananalasa ng Ateneo de Manila University sa UAAP 82 Men’s Basketball Tournament matapos na durugin ang National University sa iskor na 88-51 kahapon sa Ynares Center, Antipolo.

Nabasa ng Blue Eagles ang laro ng Bulldogs kaya’t maaga pa ay sinamantala na nila ito at nagposte ng sampung puntos na abante sa unang quarter, 22-12. Matapos ang first half ay umangat pa ito sa 17,  44-27.

Imbes na magrelaks, lalo pang hinigpitan ng Ateneo ang depensa sa NU players, lalo na sa top gun ng Bulldogs na si Dave Ildefonso, kaya’t lumobo pa ang lamang ng Blue Eagles sa 29 sa pagtatapos ng third quarter, 65-36.

Sa huling bahagi ng game ay animo isinuko na ng NU ang laban nang hinayaan nilang magpiyesta ang Ateneo para sa 88-51 final score.

“This was satisfying. Two weeks in a row, we’ve come out with a great attitude,” ani Ateneo head coach Tab Baldwin.”Sure we put points on the board and made some shots, but I think what we really focused on was our defense,” dagdag ni Baldwin.

Nanguna para sa Blue Eagles sina Ange Kouame 17 points, 13 rebounds, three blocks, at three assists, Thirdy Ravena 15 points, four boards at three dimes.

Sunod na makakalaban ng Blue Eagles, may perpektong 13-0 panalo-talong kartada, ang pumapangalawa sa kanilang University of the Philippines (8-4) sa Miyerkules sa MOA Arena.

Please follow and like us:
Read More