SA PULA, SA PUTI…

VICO-REGENT WORKERS

Bakit Dalawa ang Mukha ng Barya?

(Ni Mac Cabreros)

KAMAKAILAN, pumaimbulog sa himpapawid ang balita kaugnay sa sinasabing marahas na pagbuwag ng Regent Foods Corporation (RFC) sa Pasig City sa hanay ng mga nagpoprotestang manggagawa nito.

Nakarating ang balita sa tanggapan ni Pasig City Mayor Vico Sotto na nagbigay ng ‘maanghang’ na salita sa pamunuan ng nasabing kompanya na gumagawa ng paboritong snack foods.

“I condemn the misuse of your privileged position to suppress the rights of your protesting workers,” pahayag ni Mayor Sotto.

Aniya, hindi siya dapat makisawsaw sa bangayan ng RFC at mga manggagawa nito dahil ‘labor issue’ ito kung saan ang Department of Labor and Employment (DOLE) ang may hurisdiksyon dito.

“However, when my constituents are being deprived of liberty as they fight for their rights as workers, I cannot sit around and do nothing,” dagdag Sotto.

Hiniling din nito sa pamunuan ng RFC na maging makatao at respetuhin ang karapatan ng mga manggagawa at bawiin ang isinampang kaso laban sa mga nagprotesta.

Pinatungkulan ng batang Alkalde ang puwersahang pagbuwag ng kinuhang serbisyo ng Security Force nitong Nobyembre 9  kung saan 23 ang inaresto;  20 manggagawa, 2 miyembro ng isang grupong taga-suporta at isang tricycle driver na nakipausyoso lamang sa kilos-protesta. Nakalaya naman agad ang labing dalawang katao kasama ang tricycle driver matapos makapaglagak ng piyansa.

“To the management of Regent Foods Corporation, these people are not criminals; they do not have the goal of hurting you. They are fighting for what they believe to be just,” pahayag ng alkalde.

Ang pakiusap ni Mayor Sotto ay  hindi pinakinggan bagaman nakausap niya ang may-ari ng kumpanya na sina Irwin at Susan See na nagsabing ihahain muna nila ang usapin sa mga miyembro ng Board of Director.

At sa inilabas na statement, nanindigan ang pamunuan ng RFC na itutuloy nila ang demanda sa mga nagprotestang manggagawa.

Dahil dito, inulit ni Sotto ang pakiusap: “You can continue with the labor dispute without sending the poor and powerless to jail.”

“Instead, they will ‘just trust the judicial process’– which is of course easy to say as multimillionaires who will eat 3x a day no matter what happens here. While the people they have sued have recently lost their main source of income and are now even torn away from their families,” diin Sotto.

“I will do everything within my power to help these 23 regain/maintain their liber­ty!” deklara ni Sotto.

Sa isang statement, inihayag ng RFC na hindi sila matitinag sa deklarasyon ni Mayor Sotto at binanggit na malamang hindi sila magdalawang-isip upang maghanap ng ibang lugar na paglilipatan at pagtatayuan ng kanilang negosyo.

Naunang inihayag ni Sotto: “If you want to have a healthy relationship with our city, I highly suggest you rethink your position.”

Please follow and like us:
Read More

ODD-EVEN SCHEME INIHINTO NI SOTTO; 45-ARAW SOLUSYON INIUTOS

(NI KEVIN COLLANTES)

TULUYAN nang sinuspinde ni Pasig City Mayor Vico Sotto ang umiiral na ‘odd-even number coding scheme’ sa lungsod.

Ayon kay Sotto, ang suspensiyon ay nakasaad sa kanyang kauna-unahang Executive Order (EO) bilang bagong alkalde ng Pasig, na nilagdaan nitong Lunes.

“This EO includes the suspension of the disjointed and unjust odd even scheme,” anang alkalde.

Nabatid na sa naturang EO ay inatasan na rin ni Sotto ang Traffic Management Task Force para repasuhin at magpanukala ng bagong pamamaraan upang mapaganda ang daloy ng trapiko sa Pasig City.

“The Traffic Management Task Force will review and propose new solutions for the current mobility and traffic situation. We will make decisions based on the data and numbers,” anang alkalde.

Binigyan lamang naman ng alkalde ng 45-araw ang task force upang bumuo ng bagong traffic solutions.

Una nang sinabi ni Sotto na tutol siya sa umiiral na odd-even number coding scheme sa Pasig at isa ito sa mga plano niyang alisin sa sandaling manungkulan na siya sa pwesto.

Naniniwala si Sotto na pahirap sa mga motorista ang naturang iskima at higit pang nakapagpapalala sa daloy ng trapiko sa lungsod.

Please follow and like us:
Read More

KAMPO NANDAYA?  NAKAKATAWA PO ‘YAN —  MAYOR VICO

vico sotto12

(NI KEVIN COLLANTES)

SI incumbent Pasig City Mayor Bobby Eusebio  lamang umano ang mapapahiya kung itutuloy nito ang planong pagsasampa ng election protest laban kay Pasig City mayor-elect Vico Sotto.

Ang pahayag ay ginawa ni Sotto bilang reaksiyon sa akusasyon ni Eusebio na minanipula niya ang eleksIyon at nagbanta pa na maghahain ng kaso.

Sinabi naman ni Sotto na nakakatawa ang pahayag ni Eusebio dahil napakaimposible aniya ng sinasabi ng outgoing mayor.

Paliwanag niya, si Eusebio ang kasalukuyang nakaupo sa pwesto at sila rin ang may hawak ng mga ballot boxes kaya’t imposibleng makapandaya siya.

“If it’s true and if he does push through that, medyo nakakatawa naman. Sila iyung incumbent, hawak nila ang ballot boxes… If he does push through with it, siya naman po ang mapapahiya, hindi naman po kami,” paliwanag pa ni Sotto, sa isang panayam sa telebisyon.

Idinagdag pa ni Sotto na karapatan naman ni Eusebio na magreklamo ngunit kung siya aniya ang tatanungin ay mas makabubuti na tanggapin na lamang ang pagkatalo at sama-sama silang mag-move forward na lang.

Tiniyak rin naman ni Sotto na handa siyang makipagtulungan sa mga Eusebio para sa smooth transition sa kanilang lokal na pamahalaan.

Sa kabilang dako, siniguro rin ng Millennial Mayor na hindi niya tatanggalin sa trabaho ang mga empleyado ng city hall na sumama sa protesta laban sa kaniya, kahit pa loyal ang mga ito sa mga Eusebio.

Aniya, hindi naman kailangang maging loyal sa kanya ang mga ito upang manatili sa kanilang trabaho dahil ang kailangan lamang aniya ay maging tapat ito sa kanilang serbisyo para sa kanilang mamamayan.

Matatandaang tinuldukan ni Sotto ang 27-taong pamumuno ng mga Eusebio sa Pasig nang talunin ang incumbent mayor sa midterm elections.

 

 

Please follow and like us:
Read More