UE’s REY SUERTE HANDA NA SA PBA

(NI LOUIS AQUINO)

MATAPOS ang kanyang graceful exit sa UAAP, makaraang pangunahan ang University of the East sa panalo kontra National University, 79-77, sa huling laban nila ngayong Season 82, handa na ang 6-foot-3 na si Rey Suerte na subukan naman ang professional league.

Ipinahayag ng tubong-Monkayo, Compostela Valley ang kanyang pagsabak sa 2019 PBA Rookie Draft.
“Siguro aakyat na sa PBA kung papalarin,” sabi ni Suerte kaugnay sa plano niya makaraan ang maikling career sa UE Red Warriors, na tuluyang nagtapos ang kampanya sa UAAP.

Si Suerte ay may average 17.6 points, 6.8 rebounds, 3.9 assists, at 1.2 steals at kasama sa mga kinokonsidera sa Mythical Team ngayong Season 82.

Bago lumipat sa UE, naging maningning ang collegiate career ng 24-year-old guard sa pinanggalingang University of the Visayas na tinulungan niya sa tatlong winning titles, na naging daan sa pagkakamit niya ng dalawang Cesafi MVP awards.

Para kay Suerte, eye-opener sa kanya ang paglalaro sa UAAP. “Grabe ang competition dito, sobrang hirap talaga.

Pero na-amaze ako sa sarili ko kasi kaya ko palang makipagsabayan kaya thankful ako.”

Inaasahang makakabilang si Suerte sa first-round selection sa taunang PBA Rookie Draft sa December 8.

 

Please follow and like us:
Read More

UAAP SEASON 82 MEN’S BASKETBALL: PERFECT ATENEO

NANATILING walang talo ang Ateneo na  tinapos ang kampanya ng University of the East sa UAAP Season 82 men’s basketball tournament  makaraang ilampaso ito, 84-50, Linggo sa Ynares Center, Antipolo.

Dahil sa panalo, nag-imprub ang kartada ng Ateneo sa 12-0 at nangangailangan na lang ng dalawang panalo para awtomatikong makapasok sa finals.

Bumida sa Blue Eagles sina Isaac Go 13 puntos, Ange Kouame 11 points, eight rebounds at three blocks, at Thirdy Ravena 11 points, seven boards at two assists.

Sa simula lang lumamang ang Red Warriors, 4-0, at pagkaraan nito ay rumatsada na ng puntos ang Blue Eagles at lumamang ng 17 puntos, 40-23, sa pagtatapos ng first half.

Sa halip na magrelaks pagpasok ng third quarter, lalo pang kumamada ang Ateneo at pinalaki ang abante sa 28 para sa 53-25 iskor.

Walang awang pinalobo pa ng Blue Eagles ang kanilang lamang sa 36 points, 82-46, sa three-point play ni Go, 1:03 minuto na lang ang nalalabi sa laro.

Bumagsak sa 3-9 panalo-talong record ang UE na pinangunahan ni Alex Diakhite 15 points, 15 rebounds at four assists, habang nagdagdag si Rey Suerte ng 10 points, four boards at two dimes.

Please follow and like us:
Read More

DLSU, MISSION ACCOMPLISHED!

lasalle12

(NI LOUIS AQUINO/PHOTO BY MJ ROMERO)

MISSION accomplished para sa defending champion De La Salle University na nakaseguro ng playoff para sa twice-to-beat advantage sa Final Four round ng UAAP Season 81 women’s volleyball tournament matapos talunin ang University of the East, 25-17, 25-16, 25-19,  kahapon sa Arena, San Juan.

Sa tulong ng back-to-back attacks ni Ynna Hatulan ay tuluyang tinapos ng Lady Spikers ang Lady Warriors na lalong dumausdos sa 3-10 win-loss record.

Dahil sa panalo ay mas tumatag naman ang kapit sa No. 2 spot ng La Salle na ngayon ay may 10-3 win-loss record, sa likod ng league-leading Ateneo (10-2).

Pabor sa Lady Warriors ang  iskor sa third set, 10-12, pero kumamada ng 8-2 run ang Lady Spikers sa pangunguna nina  Rookie Jolina Dela Cruz at Aduke Ogunsanya.

Kapwa nagtala sina De la Cruz at Ogunsanya ng tig-10 puntos habang ang teammate nilang si Tin Tiamzon ay may nine hits. Nag-ambag sina Des Cheng at Lourdes Clemente na tig-walong markers habang ang setter na si Michelle Cobb ay may three points at 20 excellent sets.

“Lagi kong nire-remind yung mga bata na this is an important game. ‘Wag magre-relax, wag sobrang over confident kasi nothing to lose yung UE,” sabi ni La Salle coach Ramil De Jesus.

Ayon kay De Jesus, naging malaking paktor sa aniya’y “sluggish performance” ng Lady Spikers ang Holy Week break. “Mahirap yung nagpapahinga e. Dahil pagdating parang kinakalawang tapos hindi ka maka-tune up dahil sobrang tight ng days para doon sa games. Kumbaga sa sasakyan nagpa-overhaul ka tapos walang tune-up kasi pinahinga mo e.”

Si Judith Abil naman ang nanguna para sa Lady Red Warriors sa kanyang 16 points, 20 excellent receptions at 10 digs, habang si Kath Arado ay may 15 digs at 12 excellent receptions.

Ngayong darating na Linggo ang final elimination-round match ng Lady Spikers kontra Far Eastern University na kasalukuyang may 8-5 kartada.

Samantala sa parehong araw ay haharapin naman ng Lady Red Warriors ang Ateneo sa huling laro nila ngayong season.

 

Please follow and like us:
Read More