UAAP SEASON 82 MEN’S BASKETBALL: PERFECT ATENEO

NANATILING walang talo ang Ateneo na  tinapos ang kampanya ng University of the East sa UAAP Season 82 men’s basketball tournament  makaraang ilampaso ito, 84-50, Linggo sa Ynares Center, Antipolo.

Dahil sa panalo, nag-imprub ang kartada ng Ateneo sa 12-0 at nangangailangan na lang ng dalawang panalo para awtomatikong makapasok sa finals.

Bumida sa Blue Eagles sina Isaac Go 13 puntos, Ange Kouame 11 points, eight rebounds at three blocks, at Thirdy Ravena 11 points, seven boards at two assists.

Sa simula lang lumamang ang Red Warriors, 4-0, at pagkaraan nito ay rumatsada na ng puntos ang Blue Eagles at lumamang ng 17 puntos, 40-23, sa pagtatapos ng first half.

Sa halip na magrelaks pagpasok ng third quarter, lalo pang kumamada ang Ateneo at pinalaki ang abante sa 28 para sa 53-25 iskor.

Walang awang pinalobo pa ng Blue Eagles ang kanilang lamang sa 36 points, 82-46, sa three-point play ni Go, 1:03 minuto na lang ang nalalabi sa laro.

Bumagsak sa 3-9 panalo-talong record ang UE na pinangunahan ni Alex Diakhite 15 points, 15 rebounds at four assists, habang nagdagdag si Rey Suerte ng 10 points, four boards at two dimes.

Please follow and like us:
Read More

UAAP SEASON 82 MEN’S BASKETBALL: FEU WINALIS NG NU

(NI LOUIS AQUINO/PHOTO BY MJ ROMERO)

WINALIS ng National University ang Far Eastern University sa dalawang beses na paghaharap nila sa UAAP Season 82 men’s basketball tournament.

Unang nanalo ang NU kontra FEU, 61-39, noong September 25. Naulit ito sa game na umabot sa overtime, 85-79, kahapon sa Smart Araneta Coliseum.

Bumida para sa Bulldogs si Dave Ildefonso na kumamada ng 27 points at 11 rebounds para tuldukan ang two-game losing streak ng kanyang team na nananatili sa dulo ng team standings sa 2-7 panalo-talong record.

Mula sa 18 puntos na abante ng Bulldogs sa third quarter ay nagawa ng  Tamaraws na makadikit, 67-65, sa pamamagitan ng 17-0 rally na pinangunahan nina Alec Stockton at Royce Alforque.

Pumasok ang tres ni John Lloyd Clemente ng NU 19.8 segundo ang nalalabi, 71-69, ngunit naitbala ito sa 71 all ni Barkley Ebona ng FEU.

Agad rumemate ng walong puntos ang Bulldogs sa overtime period, 79-71. Ngunit muli itong hinabol ng Tamaraws at naibaba ito sa apat, 83-79, sa nalalabing 24.7 segundo.

Ngunit naibuslo nila Clemente at Shaun Ildefonso ang tig-isa nilang free throw para selyuhan ang panalo ng NU.

Dahil sa talo ay napatid ang two-game win run ng Tamaraws na ngayon ay may 4-5 panalo-talong kartada.

Please follow and like us:
Read More

UAAP MEN’S BADMINTON TITLES; HINAKOT NG NU

(PHOTO BY MJ ROMERO)

PINAKYAW ng National University ang UAAP men’s badminton titles matapos pasukuin ang Ateneo, 3-1, kahapon sa PNP Sports Center Badminton Courts.

Maliban sa nadepensahan ang kanilang titulo sa ikaanim na sunod na pagkakataon, kinuha rin ng Bulldogs ang dalawa pang importanteng titulo sa torneo–Most Valuable Player at Rookie of the Year.

Tinalo ng tandem nina rookie Solomon Padiz Jr at graduating senior Keeyan Gabuelo ang NU sina Keoni Asuncion at Arthur Salvado ng Ateneo para mapanatili ang korona sa UAAP men’s badminton.

Dahil sa impresibong laro, tinanghal na Most Valuable Player si Gabuelo at Rookie of the Year naman si Padiz.

Ang naturang panalo ang ika-51 ng Bulldogs simula pa noong UAAP Season 77.

Napantayan din ng NU ang Ateneo para sa “most championships” (6) sa UAAP men’s badminton tournament.

Please follow and like us:
Read More

GAY MILLIONAIRE OBSSESSED KAY TISOY PLAYER NG UAAP

(NI ED DE LEON)

MADALAS na nanonood ng UAAP ang isang gay millionaire, at talaga raw pinasusundan sa kanyang mga ‘agents’ ang tisoy at magaling na player ng isang universidad. Ang tanong nga ay ‘bibitiwan’ na ba niya ang isa pang poging cager na ka-team pa naman ni tisoy?

Talaga raw excited si gay millionaire basta nakikita ngayon ang tisoy na cager. Nakahanda siyang tambakan iyon kahit isang truck na rubber shoes. Mukhang balak niyang paliguan din ng datung. May nagsabi raw kasi sa kanya na basta nakita niya ang katotohanan, ang makakaharap niya ay si “Incredible Hulk” at hindi lang isang utlom.

Ano say mo Tito KC?

 

Please follow and like us:
Read More

MISFIRING FEU INILAMPASO; NU NANALO RIN

(NI LOUIS AQUINO/PHOTO BY MJ ROMERO)

SA wakas ay nakapitas na rin ng panalo ang National University sa pamamagitan ng halos hindi lumaban na Far Eastern University Tamaraws, 61-39, sa pagpapatuloy ng UAAP Season 82 men’s basketball tournament sa Mall of Asia Arena kahapon.

Matapos ang anim na laro, nakuha na rin ng Bulldogs ang inaasam na panalo laban sa Tamaraws na sa simula pa lang ay halos isinuko na ang laban nang umiskor lang ng 13 points sa first half.

Mula sa 22 points na kalamangan ng NU, 35-13, lumobo pa ito sa 29 o 44-15 sa third quarter.

Nagawang maibaba ito ng FEU sa 18 ngunit naagapan ng Bulldogs ang plano ng Tamaraws at hindi na ito pinayagang makalapit pa hanggang sa pagtatapos ng laro.

Galit na galit naman si FEU coach Olsen Racela sa 39-point loss nila sa NU.

“Bottomline is my team didn’t show up today. Yun lang yun,” ani Racela. “They did not show up and that’s what’s gonna happen if you do not show up in games this season.”

Sa ngayon ay nagimprub sa 1-5 panalo-talong record ang Bulldogs habang 2-4 ang Tamaraws.

Please follow and like us:
Read More

UAAP SEASON 82; UST NAISAHAN NG ATENEO

(NI LOUIS AQUINO/PHOTO BY MJ ROMERO)

NAGTULONG sina Thirdy Ravena at Ange Kouame ng Ateneo Blue Eagles upang maungusan ang UST Growling Tigers, 71-70, sa UAAP Season 82 men’s basketball tournament sa Araneta Coliseum kahapon.

Nadepensahan ni Kouame si Soulemane Chabi Yo ng UST kaya’t naprotektahan ang gahiblang kalamangan ng Blue Eagles hanggang sa huling segundo ng laro.

Nagposte ng double-double 17 points at 10 rebounds, tig-dalawang assists at steals si Ravena at Kouame na gumawa naman ng 11 points, 10 rebounds at tatlong blocks.

Nananatiling perpekto ang rekord ng Blue Eagles sa 3-0 habang nadungisan ang Growling Tigers 2-1.

 

Please follow and like us:
Read More

WARRIORS SINUWAG NG TAMARAWS

(PHOTO BY MJ ROMERO)

NAKASUNGKIT ng panalo ang Far Eastern University laban sa University of the East, 81-65, sa UAAP basketball tournament sa Smart Araneta Coliseum kahapon.

Inakay ang Tamaraws sa panalo nina Wendell Comboy at L-Jay Gonzales nang umiskor ang mga ito ng 24 at 14, ayon sa pagkakasunod.

Ito ang career-best nina Cowboy na nagtala ng 6-of-9 shooting sa tres, at Gonzales na nagposte rin ng walong rebounds, walong assists at tatlong steals.

“At least naka-isa na kami, but sinasabi ko na sa mga players, play every play, play every possession,” sabi ni FEU coach Olsen Racela.

Kinamada ni Senegalese Alex Diakhite ang 19 sa kanyang kabuuang 21 points sa second half, na sinamahan pa ng 15 rebounds at apat na shot blocks, ngunit hindi ito naging sapat para maipanalo niya ang Red Warriors, ngayon ay may 0-2 panalo-talong kartada.

Halos ganito rin ang kinalabasan ng salpukan ng FEU at UE sa UAAP Season 82 women’s basketball makaraang payukuin ng una ang huli, 70-59.

Nanguna si Clare Castro na nagpakawala ng 20 puntos, 13 rebounds, at anim na blocks para sa unang panalo ng Lady Tamaraws.

“Wala silang malaki, so kailangan natin gamitin si Clare,” sabi ni Lady Tamaraws coach Bert Flores. “Pag nilabas mo si Clare, halos bulilit na ang players namin eh.”

Nag-ambag naman si Choy Bahuyan ng 16 points, anim na rebounds, tatlong steals at dalawang assists habang nagdagdag si Fatima Quiapo ng 12 points, anim na rebounds at apat na assists para sa FEU.

Nagtala naman ng double-double si Princess Pedregosa para sa UE sa kanyang 21 points, 14 rebounds, dalawang assists at dalawang steals habang ang teammate niyang si Jearzy Ganade ay may 14 points at 14 boards.

Please follow and like us:
Read More

PBA D-LEAGUE : CIGNAL-ATENEO BYAHENG FINALS

thirdy12

(NI LOUIS AQUINO)

FIRST time lucky.

Ganito ang nangyari sa Cignal-Ateneo na pasok agad sa finals sa unang pagsabak nito sa PBA D-League matapos talunin ang Valencia City Bukidnon-SSCR, 100-73, kahapon sa Ynares Sports Arena, Pasig.

Nanguna para sa Blue Eagles ang two-time UAAP Finals MVP na si Thirdy Ravena na nagbuhos ng 14 sa kanyang kabuuang 19 points sa first half para makaahon ang team mula sa 12 puntos na kalamangan ng Valencia-SSCR.

Nagposte rin si Ravena ng limang rebounds, limang assists, dalawang steals at isang block upang walisin ng Cignal-Ateneo ang best-of-three semifinals series.

Nagsilbing dingas sa apoy si Ravena para sa Blue Eagles na nagpasabog ng 20-2 matapos ang  halftime break upang tambakan ang kalaban na lumobo hanggang 29 puntos, 81-52, sa triple ni Isaac Go pagpasok ng fourth quarter.

Tumapos si Go na may 13 puntos sa 3-of-8 shooting sa tres kasama ang anim na rebounds, habang nagambag ang Ivorian slotman na si Ange Kouame ng double-double 12 points at 18 rebounds.

“Everything that were doing is in preparation for the UAAP. It’s a big help for us entering the Finals, but we can’t be happy with just that,” sabi ni deputy coach Sandy Arespacochaga.

Ito ang kauna-unahang pagsabak ng Cignal-Ateneo sa developmental league at swerteng pasok agad sila sa finals at makakaharap ang sinumang mananalo sa Centro Escolar University o St. Clare College Virtual Reality sa best-of-five titular showdown.

Please follow and like us:
Read More

UAAP SEASON 81 FINALS: KATIPUNAN KAMPEON

champ12

HINDI “kami naman” kundi “kami ulit” ang kinalabasan ng decider game sa pagitan ng UST at Ateneo makaraang manalo ang Lady Eagles 25-17, 25-22, 25-22, sa UAAP Season 81 Finals kahapon sa MOA Arena.

Sa simula pa lang ay naging agresibo na ang Ateneo sa pangunguna ng team captain nitong si Bea de Leon at mga kapwa graduating Lady Eagles na sina Maddie Madayag at Kat Tolentino nang kunin ang unang set, 25-17.

Pilit na bumawi ang Tigresses sa pamamagitan ng tandem nina Season 81 MVP Sisi Rondina at Rookie of the Year Eya Laure pero nagpamalas ng mas balanseng laro ang Lady Eagles na muling inangkin ang second set.

Ilang beses na nagtangkang humabol ng Tigresses sa pangatlo at huling set pero nanaig pa rin ang Lady Eagles at tuluyang sinungkit ang kampeonato.

Matatandaan na kinuha ng UST ang Game 1 nang talunin ang Ateneo sa tatlong sets din 25-17, 25-16, 25-20.

Inakala ng marami na tatapusin na ng Tigresses ang laban nooong Game 2 (Mayo 15) pero sa malas ay nagkaroon ng  left ankle sprain ang kanilang rookie sensation na si Laure, na sinamantala ng Lady Eagles na nakatakas ng panalo 24-26, 25-14, 21-25, 15-25, at nakapwersa ng decider game.

Malaking panghihinayang ang nadama ng garaduating UST team captain na si Rondina matapos ang kanilang pagkatalo sa Game 2.

“Akala ko huli na, hindi pala. Na-extend pa,” ani Rondina na nangakong gagawin ang lahat ng kanyang makakaya upang maibalik sa Tigresses ang championship crown.

Huling nagchampion ang Tigresses noong Season 72 sa panahon nina Rhea Dimaculangan, Angge Tabaquero, at Aiza Maizo na tinalo ang La Salle Lady Spikers.

Huli namang nagkampeon ang Lady Eagles noong Season 77 kaya’t masayang-masaya sila na nabawi ang korona ngayong Season 81.

Please follow and like us:
Read More

UAAP: TIGRESSES INILAMPASO ANG ATENEO 

VOLLEY12

(PHOTO BY MJ ROMERO)

PINATUNAYAN ni University of Sto Tomas Lady Tigresses team captain Sisi Rondina na kaya niya at ng kanyang team na manalo laban sa Ateneo Lady Eagles nang ilampaso ito kahapon sa loob ng tatlong sets sa Game 1 ng best-of-three UAAP Season 81 women’s volleyball Finals.

Ipinakita ng Tigresses ang kanilang bangis at hindi pinaporma ang Lady Eagles simula sa unang set hanggang sa ikatlo at huling set 25-17, 25-16, 25-20.

Ayon kay Rondina wala silang ibang inisip kundi “finals na ‘to” kaya’t ibinigay na nila ang lahat sa laro.

Malaki rin umano ang naitulong ng kanilang coach na si Kungfu Reyes sa pag-motivate nito sa kanya at kanyang mga kasamahan.

Bago ang Game 1 ay kinuwestyon ng ilang kritiko ang kakayanan ng UST na manalo laban sa Ateneo.

“Sabihin na nila na hindi pa kami nanalo sa Ateneo, lalong lalo na ako,” ani Rondina bago ang kanilang Game 1 match up. “Pero andun pa rin yung kagustuhan naming manalo, ilalaban namin team namin.”

“Kayang-kaya nating mag-champion basta puso,” sabi pa ng hinirang na UAAP Season 81 Most Valuable Player.

Huling nanalo ang Tigresses kontra Lady Eagles pitong taon na ang nakararaan kaya’t gano’n na lang ang panggigigil nina Rondina at coach Kungfu Reyes na makabawi.

Ipinakita naman ng graduating na si Rondina at Rookie of the Year Eya Laure na kaya nilang akayin sa finals, at malaki ang posiblidad sa kampeonato, ang UST.

 

Please follow and like us:
Read More