2 BEBOT SA MOTORSIKLO PATAY SA TRUCK

accidentsign1

KAPWA patay ang dalawang babaeng magkaangkas sa motorsiklo nang masalpok ng isang trailer truck sa Tondo, Manila nitong Huwebes ng madaling araw.

Kinilala ang mga biktimang sina Ana Virginia dela Cruz, 27, residente ng 63 San Roque St., Bagumbayan, Quezon City, at Ilora Joyce Suñer, 25, ng 1783 Yakal St. sa  Tondo.

Samantala, timbog naman ang driver ng trailer truck na kinilalang si Roilan Ruado, 41, ng 232 A. Paz St., Bagumbayan, Pililia, Rizal.

Base sa ulat ng Vehicle Traffic Investigation Section (VTIS) ng Manila Police District (MPD), bandang 1:00 ng madaling araw nang mangyari ang insidente sa northbound lane ng Jose Abad Santos Avenue sa panulukan ng Quiricada St. sakop ng Tondo.

Nabatid sa report ng pulisya, lulan ang dalawa sa isang Yamaha Mio (MVF No. 1380-943235)  na minamaneho ni Dela Cruz, at binabagtas ang westward lane ng Quiricada Street.

Pagsapit sa naturang lugar, bigla itong sumalpok sa  Isuzu Giga na 14-wheeler trailer truck ( AAT-3526)  na minamaneho naman ni Ruado na bumabaybay sa Jose Abad Santos Avenue.

Tumama ang unahang bahagi ng motorsiklo sa kanang hulihang bahagi ng truck at sa lakas ng impact ay kapwa tumilapon ang mga biktima na nagresulta sa kanilang agarang kamatayan.

Hawak na ng pulisya ang driver ng truck na nahaharap sa kasong reckless imprudence resulting in double homicide. (RENE CRISOSTOMO)

Please follow and like us:
Read More

NAGHATID NG RELIEF GOODS SA BATANGAS, TODAS SA TRUCK

TODAS SA TRUCK

INABOT ng malas ang dalawang binata matapos maghatid ng relief goods sa mga biktima ng Taal explosion nang bumangga ang kanilang sinasakyang kotse sa trailer truck na kanilang ikinasawi sa San Jose, Batangas, Martes ng madaling araw.

Ayon sa San Jose police, dead on the spot sina Rio John Abel at ang nagmamanehong si Maximino Alcantara III

na nagtamo ng mga grabeng pinsala sa ulo at katawan matapos maipit sa nagkayupi-yuping kotse.

Malubha namang nasugatan ang isa pang pasahero na si Darwin Lajara.

Pauwi na umano ang mga ito galing sa paghahatid ng relief goods sa isa sa mga evacuation center nang mangyari ang aksidente sa national highway sa Barangay Banay-Banay 1st, ala-1:30 ng madaling araw.

Sumalpok  ang sinasakyang Mitsubishi Lancer ng mga ito sa hulihan ng trailer truck na noon ay nakahinto at papasok sa gate ng isang feedmills.

Kinustodiya ng mga pulis ang driver ng trailer truck na si Chris Charlie Peralta habang isinugod naman at ginagamot pa sa ospital ang sugatang si Lajara. (Nilou Del Carmen)

Please follow and like us:
Read More

DRAYBER, PAHINANTE NAKALIGTAS SA TRAK NA NAHULOG SA BANGIN

(NI DONDON DINOY)

DAVAO CITY- Masuwerteng nakaligtas ang driver at pahinante ng 10-wheeler truck matapos mahulog sa bangin sa Kisolon, Sumilao,Bukidnon, Biyernes ng umaga.

Mula Nayan ng Maramag, papunta sana sa bayan ng Baungon ang truck na minamaneho ni Raymart Briones nang nawalan ng kontrol sa manibela pagtawid sa Alalum Bridge.

Dumiretso ang truck sa pangpang na 50 metro ang lalim.

Agad na rumesponde ang rescue team ng Municipal Disaster Risk Reduction and Management Office para iligtas ang driver at pahinante nitong si Romulo Briones.

Nagtamo ng minor injuries ang dalawa at kasalukuyang nagpapagamot sa Bukidnon Provincial Medical Center sa Malaybalay City.

 

Please follow and like us:
Read More

RIDER NAKATULOG; PISAK SA TRAK

(NI ANNIE PINEDA)

PISAK ang isang rider makaraan pumailalim ito sa trak nang makatulog umano habang minamaneho ang motorsiklo nito, iniulat kaninang umaga sa Davao City.

Kinilala ang biktimang si Jerwin Langcuban Allilian, 29-anyos at residente ng Trento, Agusan del Sur.

Nasa kustodiya naman ng pulisya ang suspek at driver ng wing van truck na kinilalang si Armando BongBong, 53 anyos, at residente ng SIR Phase 1 New Matina, Davao.

Batay sa report ng Talomo Police Station, dakong alas 12:20 ng hatinggabi nang maganap ang insidente sa Catalunan Pequeño nang mawalan umano ng kontrol ang biktima sa manibela.

Dahil dito, sumalpok siya sa kasalubong na trak at pumailalim na agad nitong ikinamatay.

Sumuko naman sa pulisya ang suspek at nakatakdang sampahan ng kaso.

 

Please follow and like us:
Read More

11 SASAKYAN INARARO NG CEMENT MIXER TRUCK

(NI JESSE KABEL)

UMABOT sa 11 sasakyan ang napinsala nang araruhin ng  isang cement mixer truck  sa boundary ng Cotabato City at bayan ng Datu Odin Sinsuat sa Maguindanao.

Sa salayasay ng ilang sundalo na nakatalaga sa isang  checkpoint, papasok ng Cotabato City mula Maguindanao ay napuna nila ang mabilis na  takbo ng cement mixer.

“Binangga niya pa ‘yung mga warning device namin at ‘yung mga nakaharang na gulong,” ani Cpl. Morsal Imam.

Nang makalampas sa checkpoint, sunud-sunod nang inararo ng truck ang mga sasakyan sa Tamontaka Bridge.

Isa sa mga driver ng inararong sasakyan ang nasugatan nang tamaan ng mga nabasag na salamin ng minamanehong sasakyan.

Basag din ang bintana ng ilan sa mga sasakyan habang ang iba ay nagkayupi-yupi ang bumper bunsod ng lakas ng impact kaya nagkabanggaan sila.

Lumabas pa sa pagsisiyasat ng Cotabato City traffic management unit, dahil sa bilis ng takbo ay hindi kaagad bumagal at nakalayo pa   ng mahigit 50 metro mula sa huling nabanggang sasakyan  ang mixer truck bago tuluyang huminto.

Kasalukuyang nakadetini ngayon ang driver ng truck habang inihahanda ang mga kasong kakaharapin nito habang ginagawan ng background check ang pagkatao nito.

Paliwanag ng tsuper, aksidente lamang ang nangyari kaya humihingi ito ng tawad sa mga nabiktima. Hindi umano nito inakalang may problema sa truck dahil nauna na siyang nakapag-deliver ng semento bago pa nangyari ang aksidente.

 

Please follow and like us:
Read More

FOREMAN PISAK; 8 SUGATAN SA BUMALIGTAD NA TRAK 

accident121

(NI ANNIE PINEDA)

PISAK ang isang foreman habang sugatan ang walo nitong kasamahang obrero matapos bumaligtad ang sinasakyan nilang elf truck, sa General Santos City.

Kinilala ang namatay na si Danny Rosales, 34, foreman, ng Barangay Mabuhay sa lungsod habang ang mga sugatan ay kinilalang sina Roldan Rosales, 28, ng Mabuhay; Tani Desierto, 49, ng San Isidro, Gensan; Candelario Rosales, 31; Angelito Bigus, 31; minor injuries naman ang nakuha nina Roy Loquas, 19, ng Mabuhay; Rosierto Ponteres, 59, ng Bula; John Mark Vicente, 25, na taga-Sultan Kudarat at Leonardo Borbon Jr., driver mula Zamboanga.

Batay sa report ng Malungon Municipal Police Station, umaga ng Miyerkoles nang maganap ang insidente sa Nagpan, Malungon, Sarangani province.

Lumabas sa imbestigasyon, galing sa Gensan ang Mitsubishi elf truck na may plate number WEV 609 at papunta ang mga biktima sa Kiblawan, Davao Del Sur.

Pagsapit sa pababang parte ng Nagpan, nawalan ng preno ang driver ng trak at nayupi ang gulong hanggang sa may mga nakasalubong na sasakyan ang mga biktima. Iniwasan ng driver ang mga biktima subalit bigla na lamang bumaligtad ang trak.

Kaagad naman dinala sa ospital ang mga biktima para lapatan ng lunas pero idineklara na rin patay si Danny.

Nabatid, na may mga kargang construction materials ang trak habang nakasakay ang mga biktima sa likod.

Patuloy naman ang imbestigasyon ng mga awtoridad sa nasabing insidente.

Please follow and like us:
Read More

CONTAINER VAN KUMALAS ; TRIKE DRIVER SUGATAN

accident12

(NI RENE CRISOSTOMO)

ISANG 60 footer container van ang kumalas sa isang trailer truck na kung saan sugatan ang isang tricycle boy at madamay din ang isang pick-up, taxi at isang tindahan , Martes ng madaling araw sa Anda Circle, Port Area, Manila.

Batay sa ulat ng Manila District Traffic Enforcement Unit (MDTEU), naganap ang insidente bandang  alas-2:00  ng madaling araw.

Nagtamo ng mga galos at sugat sa iba’t ibang bahagi ng katawan ang tricycle driver na si Menancio Alfino nang umano’y tumilapon ng may ilang metro ang layo.

Sa report ng pulisya , kalalabas lamang sa Port Area ni Arman Mercado, driver ng truck may plate number AUA-4085 nang kumalas sa lock ang 60 footer container van may kargang medical supplies.

Kaagad dinala sa MDTEU si Mercado na dumipensa na hindi naman siya ang nag-lock sa container van pero napag-alaman na amoy alak ito.

Tiniyak naman ng driver na pananagutan nito ang mga napinsalang sasakyan.

Umabot naman ng dakong 7 :00 ng umaga bago  tuluyang naalis ang container van na bumalagbag sa Anda Circle at naging sanhi ng pagsisikip ng daloy ng trapiko.

Please follow and like us:
Read More

10 WHEELER TRUCK NAWALAN NG PRENO, 1 PATAY

(NI NILOU DEL CARMEN)

ISA ang patay at lima   ang sugatan   matapos araruhin ng  isang ten wheeler truck na nawalan ng preno ang apat na sasakyan, isang gasolinahan at isang fastfood store sa  Palico junction, Barangay Luntal, Tuy, Batangas, Sabado ng umaga.

Ayon sa report ng Tuy police, dead on the spot ang biktimang si Ramil Valdez, 39 nang mahagip ng nasabing truck na kargado ng mga grocery goods habang nakatayo sa harap ng Caltex gasoline station na unang sinagasa ng sasakyan.

Sugatan din ang nagmamaneho na si Claudigard Hilario at ang apat pang sakay ng truck na sina Benglen Gepayo, Anthony Bontog, Ronald Daria, at Robert Pascua, na lahat ay isinugod sa Apacible Memorial District Hospital sa bayan ng  Nasugbu.

Batay sa imbestigasyon, galing sa direksyon ng Tagaytay ang Fuso fighter ten wheeler wing van at patungo sa direksyon ng Tuy nang mawalan umano ito ng preno habang tinatahak ang pababang bahagi ng Tagaytay – Nasugbu highway,  dakong alas 8:00 ng umaga.

Sumalpok muna ang sasakyan sa signage ng gasolinahan bago dumiretso sa ng fast food chain.

Nahagip din nito ang tatlong nakahintong sasakyan na isang Toyota Rav 4, isang Toyota HI-Ace commuter van at isang Land cruiser.

Inaresto na rin ng mga pulis ang driver at sasamapahan ng kasong recless imprudence resulting to homicide at damage to properties.

 

Please follow and like us:
Read More

TEACHER PISAK ANG ULO SA TRUCK

accident121

(NI CHERK BALAGTAS)

PISAK ang ulo ng isang babaeng guro nang magulungan ng  truck habang angkas  ng  motorsiklo sa Lungsod ng Malabon, Lunes ng hapon.

Kinilala ang biktimang si Elsa May Enrique-Atega, 39, guro sa Maypajo High School at residente ng Block 39 Lot 18 Phase 2 Area 2, Kaunalaran Village, Lungsod ng Navotas, habang sugatan naman ang co-teacher niya na si Leo Cantilang, 31, ng Tindalo Street, Tondo, Lungsod ng Maynila, matapos tumilapon  sa minamanehong motorsiklo.

Agad namang nadakip ng mga awtoridad ang truck driver na si Jaynard Ibuyat, 32, driver ng International Harvester Tractor Head at trailer na may plakang TUE667 at residente ng Rolling Lane, Batasan Hills, Lungsod ng Quezon.
Sa ulat ng Malabon City Police, ganap umanong ala 1:30 ng hapon nang maganap ang insidente sa tapat ng Fishermall sa  C4 Road, Barangay Longos ng nasabing lungsod.

Kapwa binabaybay ng trailer truck at ng motorsiklo na minamaneho ni Cantilang at angkas si Atega ang eastward lane ng nasabing kalsada.

Ayon kay Ibuyat, iniwasan niya umano ang isang pampasaherong jeep na biglang huminto sa kanyang harapan ngunit pagkabig niya ng manibela ay doon niya nasagi ang motorsiklo na kinalululanan ng mga biktima dahilan upang tumilapon ang dalawa sa kalsada.

Doon na pumailalim sa truck si Atega at nagulungan ang kaniyang ulo na naging dahilan ng kanyang agarang kamatayan.

Dinakip ng mga tauhan ng Malabon City Police Community Precinct III si Ibuyat na nahaharap ngayon sa kasong Reckless Imprudence Resulting in Homicide, Physical Injury at Damage to Property.

Please follow and like us:
Read More

PULIS PATAY SA TRUCK

accident12

(NI DONDON DINOY)

DAVAO CITY–DEAD on the spot ang isang opisyal na pulis matapos madisgrasya ang kanyang sinasakyang motorsiklo alas 5:00 ng umaga ng Lunes sa Lower Tamugan, Marilog District.

Nakilala ang biktima na si Police Lieutenant Aliper dela Camara Mendoza, residente ng Lanao del Sur at nakadestino sa Police Regional Office-Northern Mindanao.

Ayon sa inisyal na imbestigasyon sa traffic section ng Marilog Police Station, isang Saddam truck ang nakabangga sa motorsiklo na minamaneho ng biktima sa madulas na daan sa Lower Tamugan.

Galing sa Lanao ang biktima at papunta ito sa Regional Training Center-Davao sa Mintal, Davao City kung saan nag-schooling para sa Public Safety Officers Basic Course.

Sumuko ang driver ng truck at sasampahan na ng kaukulang kaso.

Please follow and like us:
Read More

MAG-INA PISAK SA PICK-UP TRUCK

accident12

(NI ANNIE PINEDA)

PISAK ang mag-ina makaraan mabangga ang mga ito ng humaharurot na pick-up truck nang pumutok ang gulong ng traysikel na kanilang sinasakyan, sa Koronadal City.

Kinilala ang mga namatay na sina Lucita Etchona, 75, at anak nitong si Ronnie, 35, kritikal naman ang 5-anyos na bata, habang sugatan ang pitong iba pa, at pawang residente ng Bgy. Paraiso, Koronadal City.

Hawak naman ng pulisya ang driver ng trak na kinilalang si Ennis Cris Yap.

Batay sa report ng Koronadal Police Station, dakong alas 9:00 ng umaga ng Huwebes nang maganap ang insidente sa Purok Mesias, Barangay Paraiso, ng nasabing lungsod.

Lumabas sa imbestigasypn, sakay ng isang tricycle na minamaneho ni Reminito Diego Jr. at papunta sa bayan ng Norala, nang pumutok ang unahang gulong ng tricycle, dahilan para mawalan ito ng kontrol sa manibela.

Napalipat sa kabilang lane ang tricycle at saktong nahagip pick-up truck na minamaneho ni Yap.

Sa bilis ng pangyayari hindi na nito naiwasan pang tricycle kaya nasalpok ang mga biktima.

Dinala naman sa ospital ang mga biktima pero nalagutan ng hininga ang mag-inang Etchona.

Please follow and like us:
Read More

TRUCK LUMIPAD SA BUKID; BABAE TODAS

(NI BONG PAULO)

NASAWI ang isang 57-anyos na ginang matapos tamaan ng lumipad sa sakahan na cargo truck, habang nag-aani ang biktima sa Barangay San Jose, Koronadal City, South Cotabato, Sabado ng umaga.

Nakilala ang nasawi na si Tita Arandia, ng Upper Cadidang, Barangay San Jose.  Nag-aani ang biktima ng mais nang mawalan ng preno ang isang Mitsubishi canter cargo truck at dumiretso sa kanyang kinatatayuan, pasado alas-8:00 ng umaga.

Sa imbestigasyon ng Koronadal PNP, lumabas na ang cargo truck na minamaneho ni Kenth Nadera ay patungong Koronadal mula Columbio, Sultan Kudarat.

Paliwanag ni Nadera, nawalan ng preno ang truck habang nasa pababang bahagi ng highway kaya’t ibinangga niya ito sa puno pero tumuloy ito sa malaking bato at sa maisan.

Dead on the spot ang ginang habang sugatan ang driver ng truck at tatlong kasamahan nito.

Kinilala naman ang mga sugatan na sina Arnold Daanton, 56; Aida Daanton, 46; Kent Nadera, drayber at si Warlito Gallos, helper.

Naisugod naman ang mga sugatan sa South Cotabato Provincial Hospital.

Please follow and like us:
Read More

JEEP VS TRAK: 2 PATAY, 14 SUGATAN

(NI FRED SALCEDO)

Dead on the spot ang dalawang pasahero ng jeep habang sugatan naman ang 14 na pasahero nang  salpukin ng rumaragasang cargo truck ang pampasaherong jeep, Miyerkoles ng madalingg  araw sa Mindanao Ave., Quezon City.

Ayon kay Police Staff Sgt. Andy Sotto ng Quezon City Police District (QCPD) Traffic Sector 6, nangyari ang aksidente sa kasagsagan ng maulang panahon galing Sangandaan ang jeep na pa-U-turn sana sa St. James Mindanao Ave.

Namatay agad ang isang lalaking pasahero na kinilalang si Jay Rufino Pamplina, service crew at Mark Angelo Bernardo, na hindi rin nakaligtas habang ginagamot sa ospital

Kinilala ang driver ng jeep (NYD 783)na si Lewelyn Jaud na inararo ng rumaragasang cargo truck na  may plakang WLF 513 na minamaneho naman ni Herjun Panero na patungo sa Valenzuela.

Sa lakas ng pagkakabangga, humampas pa sa poste ang jeep dahilan kaya’t tumilapon ang mga pasahero ng jeep. Nayupi rin ang likurang bahagi nito habang basag ang windshield ng trak. Nagkalat naman sa kalsada ang mga gamit ng mga pasahero.

Samantala nagtamo rin ng sugat sa ulo si Jaud habang naipit naman sa trak si Panero.

Ayon kay Mark Gatchalian, pahinante ng trak, gagarahe na sana sila sa Valenzuela City matapos mag-deliver ng sabon sa Las Piñas City.

Giit pa niya, hindi inaantok si Panero at mabagal din umano ang kanilang takbo. Hindi lang daw nila napansin ang jeep at sinubukan pa nilang mag-preno pero sumalpok na ito.

Kasalukuyan pang inoobserbahan ang mga pasaherong isinugod sa ospital habang patuloy ang imbestigasyon sa insidente.

 

Please follow and like us:
Read More

TRUCK NAGLIYAB SA MAHARLIKA HIGHWAY

(NI JUN V. TRINIDAD)

QUEZON – Isang cargo truck ang biglang nagliyab habang binabagtas ang Maharlika Highway sakop ng bayan ng Atimonan sa lalawigang ito, noong Sabado.

Sa report ng pulisya, ang Fuso wing van truck na minamaneho ni Jimmy Madaraso ay biglang nag-usok kasabay sa pag-apoy sa unahang parte ng sasakyan habang lumulusong sa isang bahagi ng highway sakop ng Barangay Sta. Catalina, dakong alas-3:00 ng hapon.

Mabilis namang nakadalo ang mga lokal na bumbero at naapula ang apoy sa nasabing sasakyan pagkalipas ng isang oras at kalahati. Hindi naman nasugatan ang tsuper at pahinante ng truck.

Napinsala ang kargamentong mga sako ng carbon ng sasakyan

Batay sa imbestigasyon ng pulisya, faulty electrical wiring sa parteng unahan ng truck ang sanhi ng sunog.

Ang sunog sa sasakyan ay nagresulta sa pagkabalam sa biyahe ng maraming motorista na papuntang Maynila at Bikol.

 

Please follow and like us:
Read More

ROOKIE COP PUMAILALIM SA TRAK, PATAY

accident12

(NI ROSE PULGAR)

BINAWIAN ng buhay  ang isang pulis na nakatalaga sa Makati City Police Station nang magulungan ng isang rumaragasang  trak na nakabundol sa kanya, Miyerkoles ng umaga sa lungsod.

Kinilala ang nasawi na si  Patrolman Francis Ecalner, 25, at nakatalaga sa Makati City Police Community Precinct (PCP) 4.

Si Ecalner ay nagtamo ng matinding pinsala sa ulo at sa iba’t ibang bahagi ng katawan na ikinasawi nito.

Agad naman sumuko sa mga awtoridad ang tsuper ng cargo truck na si John Paul Lansang, 24.

Sa isinumiteng report  ni Police Col. Rogelio Simon hepe ng Makati City Police, dakong alas-7:58 ng umaga nang maganap ang insidente sa Northbound lane ng Osmeña Highway, sa Barangay Magallanes, ng naturang lungsod.

Binabagtas ng biktima ang naturang highway sakay ng kanyang motorsiklo para pumasok sa kanyang duty nang biglang masagi ng trak.

Pumailalim ang biktima at nagulungan siya ng trak dahilan ng kanyang pagkasawi.

Ayon kay Duty Desk PMSgt. Aries Alcantara, tinawagan niya ang mobile number ni Ecalner dahil sa hindi pa dumadating sa trabaho ngunit ang tauhan ng  Skyway ang sumagot na nagsabing naaksidente ito at isinugod sa Taguig-Pateros Hospital.

Nagpadala sila ng tauhan sa naturang pagamutan at nakumpirma ang pagpanaw ng kanilang kabaro na dead-on-arrival sa nasabing  pagamutan.

Nahaharap sa kasong reckless imprudence resulting to homicide and damage to property ang tsuper sa Makati City Prosecutor’s Office.

Please follow and like us:
Read More

TRUCK NAHULOG SA BANGIN, DALAGITA PATAY  

(NI ANNIE PINEDA)

HINDI inakala ng isang dalagita na nakisakay lamang sa dump truck ang magiging dahilan ng kanyang kamatayan na ikinasugat ng driver at pahinante nang sumalpok sa poste ang trak at nahulog sa bangin, sa Baguio City.

Wala nang buhay nang makuha sa bangin ang 16-anyos na dalagita, residente ng Mankayan, Benguet.

Ginagamot naman sa ospital ang 55-anyos na drayber na residente ng Isabela at 43- anyos na pahinante nito mula sa Tublay, Benguet.

Sa pagsisiyasat ng Tuba Police, may iniwasang kasalubong na sasakyan ang drayber ng dump truck kaya bumangga ito sa poste at saka tumama sa concrete barrier sa Kennon Road Camp 2, Tuba, Benguet.

Dahil dito, tumilapon ang dalagita at nahulog sa bangin na tinatayang nasa 100 talampakan ang  lalim.

Nabatid na nakisakay lang umano sa dump truck ang biktima na papunta sa Barangay Camp 1.

Dinala naman sa kustodiya ng Tuba Police ang drayber at patuloy na iniimbestigahan ang insidente.

Posible rin maharap ito sa kasong  reckless imprudence resulting to homicide.

Please follow and like us:
Read More

 MOTORSIKLO UMILALIM; TEACHER PISAK SA TRUCK

accidentsign1

(NI NILO DEL CARMEN)

MALAGIM na kamatayan ang sinapit ng isang babaeng guro matapos na ito ay magulungan ng cargo truck habang nagmomotorsiklo sa highway sa Pagsanjan, Laguna, Martes ng tanghali.

Agad nasawi ang biktimang si Richella Mapalo na nagtamo ng grabeng pinsala sa ulo at  katawan.

Batay sa report ng Pagsanjan police, galing sa eskwelahan ang biktima at tinatahak ng motorsiklo na minamaneho nito ang kahabaan ng national highway mula sa Pagsanjan patungo sa direksyon ng bayan ng Sta Cruz,  nang bumaligtad ito sa kalsada at tumilapon sa gitnang bahagi ng daan.

Hindi na ito naiwasan ang kasunod na cargo truck na minamaneho ni Romeo Arbues Pareja at direktang nagulungan ang katawan.

Ayon sa mga nakasaksi, sumabit ang motorsiklo sa hulihang bahagi ng nilagpasan nito na isang kotse na nakahinto sa kanang bahagi ng highway kaya nawalan ito ng kontrol sa manibela.

Nasa kostudiya naman ng mga awtoridad ang driver ng kotse na si Marx Louise Dandee Cabantog at ang driver ng truck na pag-aari ng Ray of Gold Trading sa Taguig City.

 

Please follow and like us:
Read More

MAGKAPATID NASAGI NG TRAK; 1 PATAY

accident12

(NI ANNIE PINEDA)

PATAY ang isang totoy habang kritikal ang kanyang kuya makaraan masagi ng rumaragasang trak ang kanilang motorsiklo na nakahinto sa gilid ng kalsada, iniulat kaninang umaga sa Iloilo City.

Agad na nasawi ang 11-anyos na binatilyo habang ginagamot sa ospital ang kuya nitong si Nikko Doronio, 19-anyos at kapwa residente ng Barangay Sulangan, Dumangas , Iloilo City.

Arestado naman ang suspek na kinilalang si Elmer Viejo, 30, at residente ng Pasil, New Lucena.

Batay sa report ng pulisya, dakong alas 9:30 ng gabi (Hulyo 27) nang maganap ang insidente sa gilid ng kalsada sa nasabing barangay.

Lumabas sa pagsisiyasat ng Dumangas Municipal Police Station, nakahinto ang motorsiklo ng magkapatid na Doronio sa gilid ng kalsada nang bigla silang mahagip ng humaharurot ng 10-wheeler trak na minamaneho ni Viejo.

Sa lakas ng pagkakasagi, nagtamo ng matinding pinsala ang batang Doronio na agad nitong ikinamatay habang dinala naman sa ospital si Nikko.

Tumakas ang suspek dahilan para habulin ito ng barangay at nakuha ang plaka ng truck nito.

Kaagad na nagsagawa ng follow-up operation ang mga awtoridad at makalipas ang ilang oras, nadakip ang suspek sa Dumangas Port habang patakas patungong Bacolod.

Nahaharap ngayon sa kasong reckless imprudence resulting to homicide at physical injuries si Viejo.

 

Please follow and like us:
Read More

TRUCK BUMULUSOK SA KURBADA,  2 NADALE

accident121

(NI NILOU DEL CARMEN)

PATAY ang truck driver habang kritikal ang pahinante matapos na ang sinasakyan nilang truck ay bumangga sa  mga railings ng binabagtas na pababang kalsada sa Ibaan, Batangas, Biyernes ng umaga.

Kinilala ng Ibaan police ang nasawing driver na si Jojit Villanueva,42, ng Caloocan City,  samantalang ang nasugatang pahinante ay si Florido Ortillo Jr.,41, ng Tondo, Manila.

Batay sa report ng Ibaan police, patungo sa Barangay Libjo,  Batangas City ang Fuso dropside truck ng mga ito na kargado ng mga bakal na tubo nang bumulusok ang truck sa mahabang palusong at kurbadang bahagi ng daan sakop ng Barangay Balanga,  Ibaan.

Dahil sa bigat ng karga, hindi na kinaya ng preno ng truck at hindi na rin nakaliko sa matalim na kurbada ang sasakyan at todo-lakas na sumalpok ito sa railings na humaharang at nagpoprotekta sa mga sasakyan patungo sa malalim na ilog.

Nasawi ang driver bago pa man maisugod sa ospital dahil natagalan ito bago nahugot sa nawasak na unahan ng truck.

Batay sa impormasyon,  hindi umano kabisado ng driver ang delikadong kalsada na siyang shortcut na daan mula sa bayan ng Ibaan patungo sa Batangas City-Lobo highway.

Gumamit lamang umano ang driver ng navigational apps kaya napalihis ito sa main highway na mas malayo pero ligtas na daanan ng mga kargadong sasakyan.

Noong buwan lamang ng Abril,  lima naman ang nasawi matapos maaksidente ang isang arkiladong jeep na patungo sa isang resort sa bayan ng Lobo mula sa Laguna sa parehong lugar kung saan sumalpok ang naturang truck.

Please follow and like us:
Read More

DALAGA NADAGANAN NG JEEP

(NI LILY REYES/PHOTO BY ED CASTRO)

MALUPIT na kamatayan ang sinapit ng isang empleyada makaraang madaganan ng tumagilid na pampasaherong jeep habang  sugatan ang pitong pasahero, Sabado ng umaga kahapon sa Quezon City.

Kinilala ni PMajor Aldrin M. Enrico, hepe ng QCDTEU – Traffic Sector 4 ang biktima na si  Jocelyn Flores, 35, dalaga, empleyada at nakatira sa Phase 1, Blk. 1, Lot 11, Makaturing St., Brgy. Manresa, Quezon City.

Si Flores ay binawian ng buhay habang nilalapatan ng lunas sa Capitol Medical Center dahil sa tinamong matinding pagkalasog ng likod nang madaganan ng pampasaherong jeep.

Ang mga sugatang pasahero ng Izuzu Jitney na my plakang PAB- 388 na sina Amit Albent, Catherine Romeo, Jonatahn Baliane, Rosemarie Orgona, Aheryn Tupaz, Jaz Bagumbayan at Dave Cordero.

Nahaharap naman sa kasong reckless imprudence resulting  to homicide, multiple injuries at damage to properties ang nakapiit sa Traffic  Sector 4 na si Angel Fabrero, 53, driver ng jeep (PAB–388) at Alfred Gallosa, 41, driver ng truck na may plakang CAE – 1961.

Base sa report ni Patrolman John Dave Mallilin, may hawak ng kaso, naganap ang aksidente sa kahabaan ng Timog Ave. bandang alas 7:40, ng Sabado. Binabaybay  umano ng pampasaherong jeep ang Timog Ave.  na minamaneho ni Fabrero patungo sa Scout Tuazon St., nang bigla  na lamang itong  sinalpok  ng sumunod na truck na minamaneho ni Gallosa.

Sa lakas ng pagkakasalpok ng truck sa likurang bahagi ng PUJ  ay tumagilid ito.

Please follow and like us:
Read More

8 SASAKYAN INARARO NG TRUCK; 13 SUGATAN

(NI NILOU DEL CARMEN)

LABINGTATLO ang sugatan matapos araruhin ng isang truck ang walong sasakyan sa national highway, Barangay Marawoy, Lipa City Lunes ng hapon.

Batay sa report ng Lipa City police, nawalan ng preno ang six wheeler truck na minamaneho ni Patrick Perillo at sinagasa ang dalawang pampasaherong jeep, isang kotse at limang tricycle, alas 2:30 ng hapon.

Ayon sa mga imbestigador, unang nabangga ng truck ang nakaparadang kotse sa gilid ng highway at kasunod na nasapol ang dalawang namamasaherong jeep na kapwa nasa unahan.

Dumiretso pa ang truck sa shoulder at natumbok naman ang limang nakapilang tricycle sa isang terminal.

Sa lakas ng pagkabangga tumagilid pa ang isang jeep na sinasakyan ng 13 nasaktan kabilang ang nagmamaneho na si Dennis Mantuano.

Isinugod ang mga nasaktan sa Metro Lipa Medical Center samantalang naaresto naman ng mga pulis ang nagmamaneho ng truck.

Please follow and like us:
Read More

TRUCK TUMAGILID; 2 PATAY, 28 SUGATAN

north cotabato 12

(NI NICK ECHEVARRIA)

PATAY ang dalawang sakay habang 28 iba pang mga kasamahan nito ang sugatan matapos mawalan ng kontrol sa manibela ang drayber ng sinasakyan nilang Isuzu Elf cargo truck na nauwi sa isang aksidente sa  North Cotabato, Lunes ng hapon.

Nakilala ang dalawang nasawing sina Akraman Aluyudan, 43, at Huyaan Mamir, 27, kapwa ng Alamada sa nabanggit na lalawigan.

Sa paunang imbestigasyon ni P/Capt.  Pangandigan, acting police chief ng Pikit Municipal Police Station (MPS), patungo sa kabayanan  ang mga biktima sakay ng nasabing truck na minamaneho ni Esmail Manisin Tambag, 43, ng Banisilan,North Cotabato nang mangyari ang insidente.

Dumausdos umano nang patagilid ang truck nang mawalan ng kontrol sa manibela ang drayber sa pababang bahagi ng kalsada sa Barangay Nalapaan, na nagresulta sa pagkamatay ng dalawang biktima ang pagkakasugat ng 28 iba pa.

Ayon sa mga nakasaksi, mabilis umano ang takbo ng naaksidenteng truck lulan ang mga sakay nito habang binabaybay ang naturang lugar bago naganap ang insidente.

Isinugod naman sa Aleosan District Hospital ang biktima na halos pawang magkakamag-anak samantalang mga malubhang nasugatan naman ay dinala sa Cotabato Regional and Medical Center sa Cotabato City.

Please follow and like us:
Read More

2 PATAY, 11 SUGATAN SA NAHULOG NA TRAK SA BANGIN

accidentsign1

(NI JESSE KABEL)

PATAY ang dalawa katao habang 11 iba pa ang malubhang nasugatan nang mahulog ang isang dump truck sa bangin sa Paracelis, Mt. Province, Miyerkoles ng gabi.

Ayon kay Police Staff Sgt. Glen Edchamag  Paracelis Municipal Police Station , may hawak ng kaso, kabilang sa nasawi ang pitong taong gulang  na si Lorea Balkanao at Lolita Bakilan.

Kasalukuyang nilalapatan pa ng lunas ang 11 iba pa na napag alamang pawang nakisakay lamang sa cargo truck.

Sinasabing nawalan ng kontrol ang  driver sa minamanehong truck hanggang sa umatras ito at nagtuluy-tuloy na bumulusok sa may 30 metrong lalim na bangin.

Nabatid na mula sa Tabuk City, Kalinga, ang truck na kumuha ng mga semento at buhangin ay papunta sa Barangay Bunot , Paracelis.

Napag-alamang nakisakay lamang ang mga biktima na nagkataong papunta rin sa Paracelis.

Lumitaw sa pagsisiyasat sa driver ng dump truck na bago pa siya bumiyahe ay naramdaman na niyang parang may problema ang kanyang truck subalit itinuloy pa rin niya ang biyahe hanggang sa bigla itong nawalan ng kontrol sa manibela.

 

Please follow and like us:
Read More

3 TODAS SA SALPUKAN NG AMBULANSIYA, TRUCK

accident121

(NI GUILLERMO OCTAVIO)

TODAS ang tatlong lulan ng ambulansiya ng Valenzuela City, kabilang ang itinatakbo sa pagamutan sa Ilocos para maoperahan, habang tatlo rin ang sugatan, nang sumalpok ang ambulansya sa isang truck sa highway na sakop ng Barangay Ili Norte, San Juan, La Union.

Hindi na umabot na maoperahan si Jessie Acorda, 49,  ng Valenzuela City at kasama niyang namatay sina Cecilia Hufano, 54, ng Veinte Reales,Valenzuela City; at Samuel Hufano, 59, ng Barangay Pao, San Fernando City, La Union.

Idineklarang dead-on-arrival sina Acorda at Cecilia Hufano sa Ilocos Training and Regional Medical Center (ITRMC), habang si Samuel Hufano  ay nalagutan ng hininga habang isinusugod sa Bacnotan District Hospital.

Sugatan naman ang driver ng ambulansiya na si Paulino Delos Santos, 62, Sta. Lucia Village, Valenzuela City; Descyrie Javier Hufano, 15, ng Veinte Reales, Valenzuela; at hindi pa kilalang babae.

Sa ITRMC din itinakbo sina Delos Santos and Descyrie para magamot habang ang hindi kilalang babae na natagpuang walang malay ay dinala sa Loma Medical Center.

Samantala, nasa kustodiya na  ng pulisya ang driver ng truck na si Sebastian Torretio, 50, ng San Jose, Urdaneta City, Pangasinan.

Lumitaw sa imbestigasyon na nasa magkasalubong na direksyon ang truck at ang ambulansiya nang umano ay sakupin ng ambulansya ang kabilang linya kaya’t nakasalpukan ang dalawang sasakyan.

 

Please follow and like us:
Read More