HOMEOWNERS TREASURER, NEGOSYANTE PATAY SA PANANAMBANG

GUN FIRE-2

(Ni NILOU DEL CARMEN)

Patay ang treasurer ng homeowner’s association sa isang subdivision at ang kasama nitong negosyante matapos na pagbabarilin habang nasa loob ng sinasakyang van sa Biñan City, Laguna, Martes ng madaling araw.

Kinilala ng Biñan City police ang mga biktima na sina Julie Dantes, 37-anyos, at Roberto Alba, 60-anyos.

Si Dantes ay treasurer ng Olivares Homes na nasa Barangay Sto Tomas.

Ayon kay Police Colonel Danilo Mendoza, hepe ng Biñan City police, nangyari ang pamamaril alas-12:30 ng madaling araw habang ang dalawa ay sakay ng Toyota Innova , ilang bloke lamang ang layo sa bahay ng babae sa nabanggit na subdibisyon kung saan papauwi na ito at ihahatid ng nagmamanehong si Alba.

Inabangan umano ng mga suspek ang pagdaan ng sasakyan at saka pinagbabaril ang mga biktima.

Tumakas din agad  ang mga suspek na naglakad lamang papalayo sa crime scene.

Nasawi naman bago pa makarating sa Perpetual Help Medical Center ang dalawa.

Sa panayam kay Mendoza, tumanggi muna itong tukuyin kung sino ang talagang target ng mga gunmen at sinabing tinitignan nila ang anggulong may kinalaman sa negosyo na motibo sa krimen.

Patuloy pa ang imbestigasyon at pangangalap ng kuha sa mga CCTV sa mga establisyemento at mga bahay sa lugar upang matukoy kung sino ang mga salarin.

Please follow and like us:
Read More

PROVINCIAL PROSECUTOR TINAMBANGAN, KRITIKAL

GUN FIRE-2

(Ni JG Tumbado)

TINAMBANGAN ng hindi pa mabatid na bilang ng mga armadong lalaki ang provincial prosecutor ng Oriental Mindoro kaninang umaga.

Nasa kritikal na kondisyon ngayon sa MMG Hospital sa Calapan City bunsod ng limang tama ng bala ng baril ang biktimang si Josephine Olivar.

Ayon kay Police Lt. Col. Soc Faltado, tagapagsalita ng Police Regional Office 4 B, tinambangan ng armadong grupo si Olivar sa bahagi ng Barangay Bayanan Uno pasado alas-9 ng umaga.
Sakay sa kotse si Olivar at patungo na sa kanyang tanggapan nang isagawa ang tangkang paglikida sa kanya.

Patuloy ang imbestigasyon ng pulisya sa insidente kasabay ang pagsasagawa ng follow-up operation laban sa mga nasa likod ng pananambang.

Please follow and like us:
Read More