GURO, ESTUDYANTE PATAY SA TREN 

(NI ANNIE PINEDA)

PATAY ang guro at mag-aaral habang 15 ang sugatan nang mahagip ng tren ang sinasakyan nilang van, iniulat sa lalawigan ng Camarines Sur.

Kinilala ang mga namatay na sina Glenda Ravago, guro sa pampublikong paaralan at Jaime Victor Olarte, 12-anyos, grade 6 student, at residente ng bayan ng Sipocot, Libmanan.

Dinala naman sa Libmanan District Hospital at Naga City Hospital ang 15 sugatan na pawang mga pasahero ng van.

Kinilala ang dalawang operator ng tren na sina Ian Berina at Domingo Medroso.

Batay sa report ng Libmanan-PNP, dakong alas 11:30 Huwebes ng tanghali nang maganap ang insidente Libmanan Camarines sa Philippine National Railway (PNR) nang mahagip ang tumatawid na UV Express Van.

Sa lakas ng pagkakabangga, tumilapon ng ilang metro ang van at nayupi na nagresulta ng pagkamatay ng dalawa habang dinala naman sa ospital ang mga sugatan.

Patuloy naman ang imbestigasyon ng mga awtoridad sa nasabing insidente.

 

Please follow and like us:
Read More

TEACHER NA TULAK, TIMBOG SA PARAK

SHABU-ARRESTED

(NI JG Tumbado)

NATIMBOG ng pulisya ang isang 40-taong gulang na guro matapos itong magbenta ng shabu sa ikinasang drug bust operation sa bayan ng Dalaguete sa probinsya ng Cebu.

Nakilala ang teacher na tulak na si Roy Ysao, ng Sitio Lalin, Barangay Poblacion at nagtuturo sa Dalaguete National High School.

Si Ysao ay dinakip ng mga operatiba ng Municipal Station Drug Enforcement Group pasado alas 9:00 ng umaga ng Biyernes sa tapat mismo ng nabanggit na paaralan.

Narekober ng pulisya mula sa posesyon ng suspek ang isang plastic sachet na naglalaman ng shabu at nagkakahalaga ng mahigit P2,000.

Sinabi ni Police Sergeant Bricel Ricaborda ng Dalaguete Police, matagal ng isinailalim nila sa surveillance ang guro bago matagumpay na nadakip ito.

Nag-ugat ang operasyon laban kay Ysao nang ituro siya ng isang naarestong lalaki na estudyante na sa kanya nagmumula ang iniiskor nitong shabu.

Please follow and like us:
Read More

TEACHER NAHULOG SA MOTOR, NASAGASAAN NG KASUNOD NA SUV

motoraccident12

(NI JG TUMBADO)

DEDO ang isang 25 taong gulang na guro nang mahulog mula sa pinag-aangkasang motorsiklo sa bayan ng Sariaya, Quezon.

Nakilala ang biktima na si Julia Jimenez, dead on the spot sa lugar ng aksidente sa kahabaan ng national road sa Barangay Talaan Aplaya.

Lumalabas sa imbestigasyon ng Sariaya Municipal Police, naka-angkas umano ang biktima sa motorsiklo na minamaneho ng kanyang kapatid patungong Lucena City pasado alas dose ng tanghali ng Huwebes.

Isang mini tanker umano na nasa kabilang linya ang iniwasan ng motorsiklo habang ito ay mabilis na nagpagewang-gewang sa kalsada at sasalubong sa kanila.

Subalit sa pagpihit ng motorsiklo para maka-iwas sa salpukan sa mini tanker ay biglang nahulog ang biktima sa  pagkaka- angkas nito at napailalim pa ito sa isang SUV na nakasagasa sa kanya.

Mabilis umanong tumakas ang sasakyan na subject ngayon ng pagtugis ng mga awtoridad.

Please follow and like us:
Read More

VAN SUMALPOK SA BAHAY: TITSER PATAY, 4 SUGATAN

accident12

(NI BONG PAULO)

NORTH COTABATO – Dead on arrival sa pagamutan ang isang guro habang sugatan naman ang apat na iba pa, kabilang ang drayber, matapos bumangga ang pampasaherong van sa isang bahay pahingahan sa National Highway Barangay Dalingaoen sa bayan ng Pikit, North Cotabato.

Kinilala ang nasawi na si Leonila Salang Fernandez, guro ng isang paaralan sa Cotabato City at residente ng Amhersia St. NovaTierra Village Lanang Davao City, habang ang nasugatan ay sina Juvil Hermosura, ng Surallah South Cotabato, Czyrie Jade Cariaso na taga Upi Maguindanao, Kamesa Pananggilan, ng Kabuntalan, Maguindanao.

Ayon kay Police Staff Sergeant Ibrahim Langaban Mandas, traffic investigator ng Pikit PNP, alas 3:00 ng madaling araw ng Martes habang binabaybay ng Toyota van  na inamaneho ni  Celso Geromo Gerago Jr ang national highway galing Davao City at patungo sana sa Cotabato City.

Nang pagsapit sa lugar, iniwasan ng drayber ang tumatawid na aso hanggang sa nawalan siya ng kontrol at bumangga sa bahay pahingahan o purok sa lugar.

Dahil sa lakas ng impact, patay ang guro na papunta na sana ng kanilang paaralan at ikinasugat ng apat na iba pang pasahero.

Patuloy ang imbestigasyon ng mga pulis sa nasabing aksidente.

 

Please follow and like us:
Read More

TITSER KINATAY SA LOOB NG BAHAY 

(NI ANNIE PINEDA)

NALILIGO sa sariling dugo at wala nang buhay nang matagpuan ang isang guro sa loob ng kanyang tahanan nang pasukin ng dalawang hindi pa kilalang kalalakihan, Martes ng gabi sa Catanduanes.

Kinilala ang biktimang si Melrose Baloloy, 37, nagtuturo sa Maysuram Elementary School, at residente ng Brgy. Toytoy, Caramoran, Catanduanes.

Batay sa report ng Maysuram Police Station, dakong alas 11:30 ng gabi nang matagpuan ang bangkay ng biktima sa loob ng bahay nito.

Lumabas sa pagsisiyasat ng pulisya, bago ang insidente may dalawang lalaking pumasok sa bahay ng biktima at pag-alis ng mga ito ay nakita nang tadtad ng saksak sa iba’t ibang parte ng katawan ang guro na naging dahilan ng agaran kamatayan nito.

Samantala, nadakip na rin ang 18-anyos na lalaking suspek sa pagpatay kay Donn Carlos Bagadiong, 28, guro sa Brgy. Valencia, sa bayan ng Virac, Catanduanes noong Nobyembre 3.

Sa ngayon nagpapatuloy ang ginagawang pagsisiyasat ng pulisya para alamin ang tunay na motibo sa magkasunod na pagpatay sa dalawang sa nasabing probinsya.

 

Please follow and like us:
Read More

M’DANAO QUAKE: GURO ITINAYA ANG BUHAY SA MGA ESTUDYANTE

(NI DONDON DINOY)

MAKILALA, North Cotabato-Viral ngayon sa social media ang isang guro ng day care matapos itaya ang buhay masagip lang ang mga bata mula sa mga gumuhong pader dahil sa malakas na lindol noong Martes.

Kinilala ang guro na si Erlinda Ajero, residente sa lugar, na nagtamo rin ng mga sugat sa katawan at ulo matapos tamaan ng mga hollow blocks.

Agad dinala sa ospital ang ginang at nasa maayos na ang kalagayan.

Sinabi ng anak nito na si Mark, guro rin sa Kidapawan City, nabigla na lamang siya namg malaman ang nangyari sa kanyang ina.

Ayon sa kanya, may aktibidad umano sa silid-aralan ng ina nang biglang tumama ang magnitude 6.6 na lindol, alas 9:04 ng umaga kung saan ang epicenter nito ay sa Tulunan, North Cotabato.

Sa kasagsagan ng pagyanig ay niyakap umano ng guro ang kanyang mga mag-aaral ngunit natamaan ng nahulog na hollow blocks sa katawan.

Matapos ang pag-uga ng lupa ay isa-isang pinalabas ng guro ang mga bata ngunit nakita nito na may naiwan pa sa loob kung kaya’t kanyang binalikan ngunit nahulog na naman ang ilang hollow blocks kaya tinamaan ito sa ulo.

Please follow and like us:
Read More

TEACHER PISAK ANG ULO SA TRUCK

accident121

(NI CHERK BALAGTAS)

PISAK ang ulo ng isang babaeng guro nang magulungan ng  truck habang angkas  ng  motorsiklo sa Lungsod ng Malabon, Lunes ng hapon.

Kinilala ang biktimang si Elsa May Enrique-Atega, 39, guro sa Maypajo High School at residente ng Block 39 Lot 18 Phase 2 Area 2, Kaunalaran Village, Lungsod ng Navotas, habang sugatan naman ang co-teacher niya na si Leo Cantilang, 31, ng Tindalo Street, Tondo, Lungsod ng Maynila, matapos tumilapon  sa minamanehong motorsiklo.

Agad namang nadakip ng mga awtoridad ang truck driver na si Jaynard Ibuyat, 32, driver ng International Harvester Tractor Head at trailer na may plakang TUE667 at residente ng Rolling Lane, Batasan Hills, Lungsod ng Quezon.
Sa ulat ng Malabon City Police, ganap umanong ala 1:30 ng hapon nang maganap ang insidente sa tapat ng Fishermall sa  C4 Road, Barangay Longos ng nasabing lungsod.

Kapwa binabaybay ng trailer truck at ng motorsiklo na minamaneho ni Cantilang at angkas si Atega ang eastward lane ng nasabing kalsada.

Ayon kay Ibuyat, iniwasan niya umano ang isang pampasaherong jeep na biglang huminto sa kanyang harapan ngunit pagkabig niya ng manibela ay doon niya nasagi ang motorsiklo na kinalululanan ng mga biktima dahilan upang tumilapon ang dalawa sa kalsada.

Doon na pumailalim sa truck si Atega at nagulungan ang kaniyang ulo na naging dahilan ng kanyang agarang kamatayan.

Dinakip ng mga tauhan ng Malabon City Police Community Precinct III si Ibuyat na nahaharap ngayon sa kasong Reckless Imprudence Resulting in Homicide, Physical Injury at Damage to Property.

Please follow and like us:
Read More

TEACHER, 2 ANAK KINATAY NG MISTER; SUSPECT NAG-SUICIDE

(NI ANNIE PINEDA)

PINANINIWALAAN sinumpong sa sakit sa pag-iisip ang isang dating Overseas Filipino Worker (OFW) na mister dahilan para pagsasaksakin hanggang sa mapatay ang kanyang misis at dalawang anak saka nagpakamatay sa pamamagitan ng pagsaksak sa sarili, sa probinsya ng Butuan city.

Kinilala ang nasawing suspek na si Rogelio ‘Jocjoc’ Ravelo Jr, 35, dating overseas Filipino worker (OFW), asawa nitong si Alfonsita Roales Ravelo, 39, elementary school teacher, at dalawa nilang mga anak na sina RJ Ravelo, 9 at CJ Ravelo, 3, pawang mga residente ng Sitio Gapas-Gapas Brgy. San Pedro, Cantilan, Surigao del Sur.

Habang dinakip naman ng mga tauhan ng Cantilan Municipal Police Station ang kapatid ni Alfonsita na si Alex Luarez, 47, residente sa Bagong Silom, Cantilan, Surigao del Sur, na isa rin sa suspek sa pagpatay sa pamilya ni Ravelo.

Batay sa report ng pulisya, natagpuan na lamang ang mga bangkay ng biktima sa loob ng kanilang bahay at tadtad ng saksak sa iba’t ibang parte ng katawan.

Sa pagsisiyasat ng mga awtoridad, nakita ng tig-aapat na saksak sa dibdib ang dalawang bata habang ang kanilang ina ay may mga saksak sa kamay na senyales na nanlaban pa ito sa suspek.

Nakuha rin sa tabi ng bangkay ni Rogelio ang kutsilyo na ginamit sa krimen.

Lumabas sa imbestigasyon ng pulisya, bago ang insidente humingi pa ng tawad si Jocjoc sa kanyang ama na si Rogelio Sr.

Nabatid, na galing sa Middle East ang suspek at pinauwi ito ng kanyang amo dahil sa kakaiba nitong ikinikilos at kumbinsidong may problema ito sa pag-iisip.

Pag-uwi ng bansa ni Jocjoc, napansin na madalas nagsasalita mag-isa at hindi kanais-nais ang lumalabas sa bibig nito ganun din ang kakaibang ikinikilos.

Samantala, isa rin umano sa suspek si Alex dahil minsan na rin umano itong nagbanta sa pamilya ng kanyang kapatid kapag hindi nakapagbayad ng malaking pagkakautang at ang lupa nila ang sinisingil bilang kabayaran.

Ayon sa pulisya, wala rin silang nakikitang puwersahan pinasok ang bahay ng pamilya Ravelo , bukod sa magulong kagamitan sa kusina.

Nagpapatuloy naman ang ginawang imbestigasyon ng mga awtoridad sa pangyayari.

 

Please follow and like us:
Read More

NAMBOSO KAY TITSER, HULI

(NI SIGFRED  ADSUARA)

SWAK sa kulungan ang isang 34-anyos na lalaki nang naaktuhan habang sinisilipan ang isang teacher na naliligo sa Rosario, Cavite.

Kasong Unjust vexation, Disobedience,  resisting arrest to agent of Person in Authority at paglabag sa Sec. 12 Article II of R.A 9165 ang isinampa laban sa suspek na si Rolando Aquino, ng DO Jimenez St., Brgy Wawa 1 Rosario, Cavite,  dahil sa reklamo ng 39-anyos na teacher, ng Brgy Wawa, Rosario, Cavite.

Sa ulat ni Corporal Joeyluz Pulasan ng Rosario Municipal Police Station, naligo ang biktima dakong alas-3:30 Biyernes ng hapon nang napansin na tila nabaklas ang bubong ng kanilang banyo hanggang sa nakita ang mga matang nakatitig sa kanya.

Nagsisigaw ito at tumawag ng saklolo sa kanilang kapitbahay na tiyempo namang napadaan ang ilang barangay Tanod.

Tinangka pa ng suspek na manlaban hanggang sa hindi rin nakapalag nang tuluyan siyang bitibitin.

Nang kapkapan ang suspek, narekober sa kanyang katawan ang 3 pirasong foil strip na naglalaman ng hinihinalang shabu.

Nakakulong ngayon sa Rosario Custodial Center ang naarestong suspek.

 

Please follow and like us:
Read More

TIMBOG SA DROGA SI MA’AM

naga cebu12

(NI JG TUMBADO)

TIMBOG ang isang 27-anyos na public school teacher sa ikinasang anti-drug operation sa Naga City sa Cebu, gabi ng Lunes.

Ayon kay Major Maria Luisa Calubaquib, nahulihan ng shabu si Noemi Iglesia, kasama ang dalawa pa na sina Julius San Vicente, 27 at Bien Patrick Pasibe, 23, nang pagbentahan nila ang isang poseur buyer sa bahagi ng Jacob St. Barangay Bagumbayan Sur dakong alas 11:50 ng gabi.

Bukod sa isang plastic sachet na nakuha sa buy bust ay nasamsam pa mula sa posesyon ng mga suspek ang apat pa na piraso ng plastic sachet na naglalaman ng shabu.

Inamin ng guro na sideline nito ang pagbebenta ng ilegal na droga sa gabi pagtapos nitong magturo sa umaga at hapon.

Samantala, natagpuang wala nang buhay at may tama ng bala sa ulo ang isang lalaki na umanoy sinasabing tulak ng ilegal na droga sa Lucena City.

Dakong alas 4:30 ng hapon araw ng Lunes nadiskubre ang bangkay ng biktima na si Anthony James Villanos, 37, sa tabi ng kalsada sa Barangay Ibabang Talim na sinasabing biktima ng summary execution.

Narekober ng pulisya ang dalawang basyo ng bala ng .9mm pistol sa lugar ng krimen.

Sinabi ni Police Lt. Col. Reydante Ariza, hepe ng Lucena police, si Villanos ay isa sa mga itinuturong sangkot sa ilegal na kalakalan ng shabu mula sa bayan ng Tayabas hanggang Lucena.

Please follow and like us:
Read More

BALA NG KALIBRE .45 TUMAPOS SA BUHAY NG GURO

(NI ANNIE PINEDA)

NALIGO sa sariling dugo sa loob ng sinasakyan tricycle ang isang guro makaraan barilin ng hindi pa kilalang suspek, iniulat kaninang umaga sa probinsya ng Davao del Sur.

Kinilala ang biktimang si Felipe Capisos Niemis Jr., 52, ng Barangay Zone 2, Digos City at isang Senior High School teacher sa nasabing lugar.

Batay sa report ng Sta. Cruz Municipal Police Station, naganap ang insidente sa sakayan ng tricycle sa nasabing lugar .

Kuwento ng driver na si Marvin Jamunan, sumakay sa kanyang tricycle si Niemes para sana magpapahatid sa Integrated Bus Terminal na sakayan patungong Sta. Cruz.

Bigla na lamang siyang nakarinig ng putok sa pag-aakalang gulong ng kanyang tricycle ang sumabog, pero nang silipin ang kanyang pasahero nakita niyang naliligo sa sariling dugo ang biktima habang papatakas ang suspek.

Nagawa pang dalhin sa ospital ang biktima pero idineklara na rin itong patay.

Sa pagresponde ng mga pulis, nakapulot sila ng isang basyo mula sa .45 kalibre na baril.

Patuloy naman ang imbestigasyon ng pulisya para alamin ang tunay na motibo sa krimen.

 

 

Please follow and like us:
Read More

SEX VID SA TEACHER NAGBANTANG IKAKALAT; LALAKI HULI       

sextortion

(NI ALIAIN AJERO)

HULI ang isang pamilyadong lalaki sa isang entrapment operation sa isang motel kung saan niya pinilit na makipagtagpo para magtalik at huthutan ng salapi ang isang may-asawang guro kundi ay ipakakalat niya sa social media ang umano’y sex video nila ng babae, Miyerkoles ng gabi sa Caloocan City.

Sa halip na seksing katawan ay rehas ngayon ang hinihimas ng suspek na si Ric Quemado, 39, may-asawa, , ng  Morning Breeze, Caloocan City.

Kasong robbery extortion ang kinakaharap nito sa pulisya.

Alas-6 ng gabi ay nakikipagtagpo ang suspek sa biktima sa Hotel Sogo sa Bonifacio Monument Circle upang muli silang magsiping.

Bukod dito ay nanghihingi pa ng ‘budget’ ang suspek kundi ay alam na umano ng biktima ang mangyayari sa kanyang reputasyon.

Dala ng pananabik sa sex ay hindi na sumagi sa isipan ng suspek na posibleng magsumbong sa pulis ang biktima.

Nakangising tinanggap ng suspek ang P5,000 marked money mula sa biktima at nang kampante na itong nagkapera na ay makakaisa pa sa guro at  inaakay na ito para mag-check in ay biglang lumaki ang kamay na humawak sa kanya.

Kamay na pala pulis ang dumaklot sa kanyang braso at pinosasan siya saka binawi ang marked money bago siya ibinalibag sa selda.

Please follow and like us:
Read More

 MOTORSIKLO UMILALIM; TEACHER PISAK SA TRUCK

accidentsign1

(NI NILO DEL CARMEN)

MALAGIM na kamatayan ang sinapit ng isang babaeng guro matapos na ito ay magulungan ng cargo truck habang nagmomotorsiklo sa highway sa Pagsanjan, Laguna, Martes ng tanghali.

Agad nasawi ang biktimang si Richella Mapalo na nagtamo ng grabeng pinsala sa ulo at  katawan.

Batay sa report ng Pagsanjan police, galing sa eskwelahan ang biktima at tinatahak ng motorsiklo na minamaneho nito ang kahabaan ng national highway mula sa Pagsanjan patungo sa direksyon ng bayan ng Sta Cruz,  nang bumaligtad ito sa kalsada at tumilapon sa gitnang bahagi ng daan.

Hindi na ito naiwasan ang kasunod na cargo truck na minamaneho ni Romeo Arbues Pareja at direktang nagulungan ang katawan.

Ayon sa mga nakasaksi, sumabit ang motorsiklo sa hulihang bahagi ng nilagpasan nito na isang kotse na nakahinto sa kanang bahagi ng highway kaya nawalan ito ng kontrol sa manibela.

Nasa kostudiya naman ng mga awtoridad ang driver ng kotse na si Marx Louise Dandee Cabantog at ang driver ng truck na pag-aari ng Ray of Gold Trading sa Taguig City.

 

Please follow and like us:
Read More

MISTER NG TEACHER ITINUMBA SA LOOB NG SCHOOL

crimeshooting12

(NI JG TUMBADO)

PATAY sa pamamaril ang isang mister sa loob mismo ng silid aralan sa paaralang pinagtuturuan ng kanyang asawang guro sa Barangay Mabini, Ormoc City, araw ng Linggo.

Nakilala ang biktima na si Bienvinido Casimero Jr., 42, miyembro ng Civil Security Unit ng naturang lungsod habang ang suspek naman ay natukoy bilang si Ronnie Pocson.

Batay sa ulat kay Police Major Joel Talagon, habang abala ang biktima kasama ang kanyang asawa na naglilinis sa loob ng silid-aralan sa paghahanda sa class opening nang mangyari ang pamamaril.

Agad tumakas si Pocson makaraang isagawa ang krimen.

Isa sa mga hinihinalang motibo sa pagpatay ay ang matagal ng alitan sa pagitan nina Casimero at Pocson base na rin sa naging salaysay ng asawa sa pulisya.

Lumalabas na ang biktima ay “asset” ng Ormoc City Police Office – Drug Enforcement Unit (DEU) habang ang suspek ay sinasabing tauhan ng confessed drug lord ng Eastern Visayas na si Rolando “Kerwin” Espinosa.

Tinutugis na ng mga awtoridad si Pocson.

 

Please follow and like us:
Read More

PRENO ‘DI KUMAGAT: TEACHER PATAY, 2 KRITIKAL SA JEEP

accident121

(NI JULIE DUIGAN)

PATAY ang isang hindi muna tinukoy na teacher, habang dalawa ang nasa malubhang kalagayan , makaraang mabundol ng pampasaherong jeep , nitong Lunes sa panulukan ng Ramon Magsaysay Boulevard at  Pureza St. Sta. Mesa, Manila.

Dahil dito, nahaharap sa kasong Reckless Imprudence resulting to Homicide at  reckless imprudence resulting to double serious Physical Injuries at nakapiit ang driver na si Fernando Florida.

Sinabi nito na nawalan siya ng preno at nadale  rin matapos masalpok ng motorsiklo ang closed van na  minamaneho  ni John Lee Espiritu.

Kaugnay nito, aalamin naman ni Master Sgt. Mark Anthony Ramirez, may hawak ng kaso, ang pangalan ng dalawa pang nasa malubhang kalagayan sa pinagdalhang pagamutan.

 

Please follow and like us:
Read More

2 TEACHER BIKTIMA NG AKYAT-BAHAY

akyat15

(NI NICK ECHEVARRIA)

ISINARADO at siniguradong naka-lock ng dalawang guro ang pintuan ng kanilang inuupahang kwarto sa Blk. 19B Welfareville Compound, Bgy. Addition Hills, Mandaluyong City, bago umalis patungo sa paaralan na kanilang pinapasukan noong Huwebes ng umaga bandang alas-5:45.

Ito ang pahayag ng dalawang teacher na sina Lurita Sabulao y Esquierdo, 29, at Theresa Karla Abucot, 28,  nang magtungo sa himpilan ng pulisya sa nabanggit na lungsod para magreklamo.

Ayon sa salaysay ng mga biktima, nagulat na lamang si Lurita ng i-chat siya ng isa nilang kapitbahay habang nasa paaralan at itanong kung naiwan nilang nakabukas ang kanilang pintuan mahigit isang oras pa lamang ang nakalilipas.

Agad ipinaalam ni Lurita sa kasamahang si Theresa ang pangyayari na mabilis namang umuwi ng bahay  na inabutang  nakabukas ang kanilang pintuan at nakakalat ang kanilang mga gamit.

Nadakip naman kaagad ang dalawang akyat bahay  na sina, Al Vadehueza, 24,  at Abel Aniceto, 25, sa isang follow up operations makaraang malinaw na mahagip ng CCTV ang isa sa kanila na bitbit ang backpack ni Theresa.

Kabilang sa mga nabawing ninakaw na gamit ang isang laptop na nagkakahalaga ng P18,000 at ilan pang mga personal na kagamitan ng dalawang biktima, subalit hindi na nabawi ang P8,000 cash mula sa dalawang suspek na nakakulong ngayon sa Mandaluyong City Police.

 

 

Please follow and like us:
Read More

STUDENT TINARAKAN SI SIR

isabela

(NI JG TUMBADO)

PATAY ang isang head teacher makaraang burdahan ng sunod sunod na saksak ng kanyang grade 7 student sa loob mismo ng bahay ng una sa Aurora, Isabela.

Agad namang nadakip sa isinagawang follow up operation ng mga awtoridad ang suspek na menor de edad na lalaki na nasa pangangalaga ngayon ng municipal social welfare and development matapos na mai-turn over ng pulisya.

Batay sa nakarating na ulat kay Police Senior Insp. Villamor Andaya, hepe ng Aurora municipal police station, nakilala ang biktima na si Bobby Galiza, head teacher V ng Donya Aurora National High School at residente ng Barangay Camarunggayan.

Si Galiza ay natagpuang nakahandusay at wala ng buhay sa labas ng kanyang bahay bunsod ng maraming tama ng saksak sa ibat ibang katawan nito.

Nakatakbo pa umano palabas ng bahay ang guro subalit bigla itong bumulagta sa kalsada.

Lumalabas sa pagsisiyasat ng pulisya na bago pa pagsasaksakin ang biktima ng menor de edad na studyante ay una munang nilooban nito kasama ang isa pang mag-aaral na grade 10 student ang bahay ni Galiza.

Balak lamang umanong pagnakawan ng mga suspek ang bahay ng guro subalit nanlaban umano ito sa kanila kung kayat nagawa ang pananaksak gamit ang kutsilyo sa naturang tahanan ng biktima.

Mismo ang kasamahan ng suspek na pinangalanan lamang na “Arnulfo” ang nagturo dito na siyang umatake sa guro matapos naman na matukoy sila sa CCTV habang papalabas sa bahay ni Galiza.

Ang perang naipon na pondo sa isang palahok sa naturang paaralan ang sanay pakay na nakawin ng mga estudyanteng suspek.

 

Please follow and like us:
Read More