RAFFY TULFO KINASUHAN NG BIGAMY

raffy21

(NI JEDI PIA REYES)

SINAMPAHAN ng reklamong bigamy sa Quezon City Prosecutor’s Office ang media personality na si Raffy Tulfo.

Isang Julieta Licup na nagpakilalang asawa ni Tulfo ang dumulog sa piskalya para kasuhan ang broadcaster.

Sa complaint ni Licup, iprinisinta nito ang marriage certificate ng kanilang kasal umano noong Oktubre 1982 na idinaos sa Tarlac at sila ay nagkaroon ng isang anak.

Sinabi ng ginang na dahil isang disc jockey (DJ) nuon si Raffy, may mga pagkakataon na malayo sa kanilang bahay ang nade-destino ang brodkaster at may mga pagkakataon na sila ay nagkakaroon ng argumento.

Dumating aniya sa puntong hindi na nagparamdam ang brodkaster habang siya’y nagdadalang-tao at inakala niyang patay na ang brodkaster dahil sa uri ng propesyon nito. Nagulat na lamang aniya siya na isa nang sikat na brodkaster at TV personality si Raffy.

Iginiit ni Licup na kinasuhan niya si Tulfo hindi para sa kanyang sarili kundi para sa kanilang anak.

Kalakip ng reklamo ay ipinakita rin nito ang Certificate of Marriage ng kasal umano ni Tulfo sa isa pang babae noong 1995.

 

Please follow and like us:
Read More

3 BATA NILAMON NG LAWA 

lunod1

(NI JG TUMBADO)

PATAY ang tatlong bata matapos maligo sa lawa na nabuo sa isang quarrying site na pag-aari ng isang contractor sa Bases Conversion and Development Authority (BCDA) para sa bagong Clark City project sa Tarlac, Tarlac.

Hindi na nagawang makaahon pa mula sa pagkakalunod ang mga biktima na nakilalang sina Richel Bruno, 7, ang kapatid na si Raymar, 9, at ang 10 taong gulang na  kalaro na si Eunice Gutierrez.

Batay sa imbestigasyon ng pulisya, nadiskubre na lamang ang bangkay ng tatlong bata na lumulutang sa lawa ng isang Jelvin Umali nang mapadaan ito sa nabanggit na lugar pasado alas 10:00 ng umaga ng Martes.

Sinasabing ang lawa kung saan umano’y naligo at nalunod ang mga bata ay nabuo sa isang quarry site na may 30 metrong haba, 15 metro lawak at nasa tinatayang 5 hanggang 7 talampakang lalim.

Nasa 1.2 kilometro naman ang layo ng lawa mula sa bahay ng mga biktima sa Sitio Kalangitan, Barangay Cutcut.

Nabatid sa report na maaga umanong pumapasok sa trabaho ang magulang ng mga bata at lingid sa kanilang kaalaman ay nagtutungo ang mga anak sa lawa.

Please follow and like us:
Read More

TRIKE SINALPOK NG VAN, MAG-AAMA PATAY 

accidentsign1

(NI JG TUMBADO)

PATAY ang isang tricycle driver at dalawang anak nang salpukin ang kanilang sinasakyang tricycle ng isang van sa kahabaan ng national highway sa bayan ng Sta. Ignacia, Tarlac.

Nakilala ang mga biktima na sina Eliseo Mariano at mga anak na sina Eloise at Joshua na kapwa naisugod pa sa Tarlac General Hospital subalit binawian din sila ng buhay habang nasa kalagitnaan ng operayon.

Batay sa report kay Police Major Banduarez Lingaling, hepe ng Sta. Ignacia police, naganap ang sakuna sa national highway pasado alas 7:00 ng gabi ng Biyernes habang pauwi ang mga biktima.

Nag-overtake umano ang van sa isang truck pero hindi na nagawa pang makaiwas ang sasakyan sa kasalubong na tricycle at tuluyang sinalpok ito.

Nakapiit na ngayon sa naturang himpilan ng pulisya ang driver ng van habang patung- patong na kaso ang kakaharapin nito dulot ng trahedya.

Please follow and like us:
Read More