3-ANYOS PATAY SA SUNOG; 100 BAHAY NAABO

(NI ROSE PULGAR)

ISANG tatlong taong gulang na batang babae ang nasawi habang sugatan naman ang siyam na taong gulang na batang lalaki nang tupukin ng apoy ang 100 kabahayan at 200 pamilya ang nawalan ng bahay sa isang oras na naganap na sunog sa Barangay Ligid Tipas Taguig City, Sabado ng umaga.

Kinilala ni Taguig City Fire Marshall Supt. Randolph Bides ang labi ng paslit na si Prescious Clarisa Parcarey na sunog na ang katawan.

Habang ang sugatan na si John Rey Mendibel na nagtamo ng minor injury sa katawan at agad naman itong nalapatan ng lunas sa Taguig –Pateros District Hospital.

Ayon kay Taguig City Fire Marshal Supt. Randolf Bides, dakong alas-8:26 ng umaga nang magsimula ang sunog sa ikalawang palapag ng bahay ng isang Norie Maglanoc sa no. 31 Maestrang Pinang St. nang nasabing lungsod.

Dahil sa gawa sa light materials ang nasabing bahay ay mabilis na kumalat ang apoy sa mga katabing bahay na nasa 100 ang naabo at agad itong itinaas sa ikatlong alarma ang naturang sunog.

Mabilis naman nakapag responde ang mga kagawad ng pamatay sunog na kung saan bandang alas-10:28 ng umaga nang ideklarang fire out ang apoy. Nasa 200 pamilya rin ang nawalan ng tirahan.

Umabot sa P350,000 halaga ng mga ari-araian ang natupok na apoy at sa ngayon ay patuloy pa rin nagsasagawa ng mapping operation ang mga kagawad ng pamatay sunog upang masigurong ligtas na ang naturang lugar.

Inaalam pa rin ng mga arson investigador ang sanhi ng sunog.

 

Please follow and like us:
Read More

BANGKAY NG BABAE TINADTAD NG BALA

crime55

(NI ROSE PULGAR)

WALA nang buhay nang matagpuan ang isang hindi pa nakikilalang babae na may tama ng mga bala sa iba’t ibang bahagi ng katawan sa Taguig City, Huwebes ng madaling araw.

Sa ngayon ay patuloy pa rin inaalam ng pulisya ang pagkakilalan ng biktima na tinatayang nasa edad na 35 hanggang 40 taong gulang, may taas na 5’1″ hanggang 5’3″, mahaba ang buhok nakasuot ng pulang blusa, itim na maong na pantalon at may dalang kulay  gray na shoulder bag.

Sa inisyal na ulat ng Taguig City Police, dakong alas-6:00 ng madaling araw nang makatanggap sila ng tawag sa isang concerned citizen ukol sa natagpuang bangkay sa bahagi ng C-6 Road sa Barangay Sta. Ana, ng naturang lungsod.

Kaagad naman rumesponde ang mga pulis at kinordonan ang lugar kung saan natagpuan ang bangkay nito.

Dahil sa kawalan ng saksi sa krimen, blangko pa rin sa imbestigasyon ang pulisya sa pagkakakilanlan at motibo sa krimen.

Pahayag ng pulisya, maaaring pinaslang sa ibang lugar ang biktima at itinapon lamang sa naturang kalsada upang iligaw ang imbestigasyon.

 

Please follow and like us:
Read More

2 HULI SA PEKENG PERA

(NI KIKO CUETO)

TIMBOG ang dalawang suspek na nagbayad umano ng pekeng pera sa isang tindera sa Evangelista Street sa Quiapo, Maynila.

Ayon sa pulis, nangyari ito ng Biyernes ng gabi.

Kwento ng tindera na si Liberty Celis, bumili sa kanya ang suspek na kinilalang si Myla Gudal, at nagbayad ng pekeng P200 bill para sa biniling wall sticker.

Nagawa pa niyang magsukli ng P100 kaya’t lugi pa siya.

Nalaman lang daw niyang peke ang P200 bill na ibinayad sa kanya nang bumili siya sa isa pang tindahan.

Pagbalik umano ni Gudal nitong Biyernes ng hapon, kasama na niya si Norhaina Mantil at bumili ulit sila ng wall sticker at nagbayad ng P100 bill.

Namukhaan daw ni Celis ang mga suspek kaya’t itinawag niya ito sa barangay.

Dito na inaresto ang mga suspek pasado alas siyete ng gabi.

Nakuha sa kanila ang tig-P100, P500, P200 at P50 na pekeng pera.

Inamin ni Gudal na gumagamit siya ng pekeng pera pero itinanggi ito ni Mantil.

Taga-Taguig City ang dalawang suspek at sa Maynila nambibiktima, ayon sa Manila Police District Station 3.

Mahaharap ang mga suspek sa reklamong swindling.

 

Please follow and like us:
Read More

17-ANYOS LAGLAG SA P120-K SHABU

SHABU BUYER

(NI ROSE PULGAR)

ISANG 17-anyos na umano’y tulak ng droga at nakumpiskahan ng mahigit P120,000 halaga ng shabu sa Taguig City, Miyerkoles ng gabi.

Sa detention cell ng Taguig City Police ang bagsak ng suspect naitinago sa pangalang ‘Junie’ na may kinakasama at residente sa no. 47 NP Cruz St., Barangay Ususan sa nasabing lungsod.

Batay sa ulat ni Cpl. Pascual Jile Cherwaken , may hawak ng kaso, nagkasa ng anti-criminality at validation operations ang mga tauhan ng Station Drug Enforcement Unit (SDEU) sa pangunguna ni S/Sg Ericson Aquino sa Kalayaan St., Barangay Ususan sa Taguig City, na ikinaaresto ng suspect dakong alas- 10:00 ng gabi.

Naispatan ang kahina-hinalang ikinilos ng suspect sanhi ng kanyang pagkakasita at makumpiskahan ng dalawang pakete na naglalaman ng hinihinalang shabu na may timbang na 17.7 gramo na nagkakahalaga ng P120,360, cellphone, gray sling bag at P500 cash.

Agad naman itinurn-over ang mga nakumpsikang ebidensiya sa SPD Crime Laboratory para sa chemical analysis habang nakakulong ang suspect upang imbestigahan at masampahan ng kasong paglabag sa Republic Act 9165 o Comprehensive Dangerous Drug Act of 2002.

 

Please follow and like us:
Read More

IRANIAN KALABOSO SA HINIPUANG CALL CENTER AGENT

arrested

(NI ROSE PULGAR)

ARESTADO ang isang Iranian national nang hipuan umano nito sa kaselanang bahagi ng katawan ang isang dalagang call center agent habang naghihintay ng masasakyang tricyle, Martes ng gabi sa Taguig City.

Nakakulong ngayon sa Taguig City Police ang suspect na si Mehdi Esfini Farahani, 29, binata, ng 438 Pio Del Pilar, Makati City.

Ang biktima ay itinago sa pangalang “Loren”, 21, nakatira  sa Barangay Central Signal, nang nasabing lungsod.

Lumalabas sa report na natanggap ng Southern Police District (SPD), naganap ang insidente dakong alas-7:20, sa harap ng Lakay’s Panceteria, MRT Avenue ng nabanggit na barangay.

Naghihintay ang biktima ng kanyang masasakyang tricycle nang lapitan ng suspect at sapilitang hinihingi ang cellphone number nito at sabay na hinipuan sa kaselanang bahagi ng katawan ng dalawang beses.

Kaagad naman nakatakbo ang biktima at kaagad na nagsumbong ang dalaga sa kanyang ina, na humingi naman ng tulong sa mga pulis, na nagresulta  ng pagkakadakip sa suspect.

Nahaharap sa kasong Acts of Lasciviousness ang suspect.

 

Please follow and like us:
Read More

PULIS, MISIS, 5 PA HULI SA TAGUIG BUY BUST

(NI ROSE PULGAR)

ARESTADO ang pitong drug suspects kabilang ang isang aktibong pulis sa buy-bust operation ng mga tauhan ng Station Drug Enforcement Unit (SDEU) ng Taguig City Police, Biyernes ng gabi sa Taguig City.

Iniharap kanina sa mga mamamahayag nina National Capitan Region Police Office (NCRPO) Director Police Major General Guillermo Eleazar , Southern Police District (SPD) Director Police Brig. General  Nalacso Bathan at Taguig City Police Chief Police Col. Alexander Santos ang mga suspect na sina PCMS Rahid Sanguan, nakatalaga sa Police Security Protection Group (PSPG); ng Phase 2 Block 8 Lot 8  Upeer Bicutan , Taguig City, misis na si Normina Sanguan; Alfonso Obejas; Ernie Legaspi; Joseph Denjuan; Ronnie Mark Sueno at Nagrodin Ayob.

Base sa natanggap na report ni Bathan, dakong alas-6:15 ng gabi nang madakip ang mga suspect sa VP Cruz St., Barangay Lower Bicutan, Taguig City.

Nagkasa ng buy-bust operation ang mga tauhan ng SDEU ng Taguig City Police bunsod na rin sa natanggap nilang impormasyon hinggil sa umano’y pagtutulak ng droga ng mga suspect kabilang ang aktibong pulis.

Isa sa mga awtoridad ang nagpanggap na poseur buyer na bumili ng P500 halaga ng droga sa mga suspect hanggang sa maaresto ang mga ito.

Nakumpiska ng mga pulis mula sa pitong suspect ang anim na  transparent plastic sachet na naglalaman ng hinihinalang  shabu, na humigit kumulang na nasa 4 na gramo na ang street value ay nasa P27,200; 1 plastic sachet na naglalaman ng marijuana na nasa  17 gramo na ang halaga ay nasa P2,100; isang cellphone at P500 buy-bust money.

Nakakulong sa nasabing himpilan ng pulisya at sasampahan ng kasong paglabag sa Republic Act 9165 o Comprehensive Dangerous drug act of 2002 sa Taguig Prosecutor’s Office ang mga inaresto.

 

Please follow and like us:
Read More

2-ANYOS BABY TUMAWID SA KALSADA, PATAY SA VAN

accident12

(NI KOI HIPOLITO)

DEAD on arrival sa Taguig District Hospital ang biktimang dalawang taon gulang na batang babae matapos magulungan ng isang SUV, Lunes ng hapon sa Mindanao Avenue, Brgy. Maharlika, Taguig City.

Nakilala ang biktima na si Monaira Sabaan, ng Blk.15 Lot 10 sa nasabing lugar, habang ang suspek na driver ay nakilala lamang na si Charlie Mapandi.

Base sa inisyal na imbestigasyon binabagtas ng suspek ang matarik na bahagi ng Mindanao Aveneue nang hindi mapansin ng suspek na gumagapang patawid ang batang biktima na kanyang aksidenteng nagulungan. Mabilis naman isinugod ng kanyang mga magulang sa pagamutan ang biktima subalit namatay din.

Mahaharap ngayon ang suspek sa kasong Reckless Imprudence Resulting in Homecide.

 

Please follow and like us:
Read More

KAWANI NG TAGUIG CITY HALL HULI SA KOTONG

kotong

(NI ROSE PULGAR)

ARESTADO ang isang kawani ng Taguig City Hall sa ikinasang entrapment operation ng mga awtoridad makaraang ireklamo ng isang retiradong heneral sa kasong robbery extortion at bribery, Huwebes ng hapon sa lungsod.

Sa detention cell ng Taguig City Police ang bagsak ng suspect na nakilalang si Jhon Paul Mabilin, 32, inspector ng Taguig City Hall Assessor Office, nakatira sa no. 139 F Manalo St., Barangay Calsada Tipas ng nabanggit na lungsod.

Kinilala naman ang biktima nito na si retired General Jonathan V. Ablang, nakatira sa Lot 14, Block 94, Phase 6, AFPOVAI Fort Bonifacio ng nabanggit pa ring lungsod.

Base sa report ng Taguig City Police, dakong alas-4:50 Huwebes ng hapon nang maganap ang insidente sa loob ng isang fast food chain  sa C5 Service Road, Barangay. Ususan sa nasabing lungsod.

Lumabas sa report, lumapit ang nakipagtransaksiyon umano ang retiradong heneral sa suspect hinggil sa kanyang propery tax na sobrang taas.

Nakausap umano niya ang suspect na si Mabilin at sinabi nito sa kanya na siya na ang bahala sa problema nito.

Hiningan ng suspect ng mahigit sa P100,000 ang biktima at sinabi sa kanya na siya na bahala at mag-aasikaso sa property tax ng biktima

Tumawad pa umano ang biktima sa suspect ngunit hindi pumayag ito hanggang sa inireklamo ng retiradong heneral ang suspect sa pulisya

Isang entrapment operation ang mga pulis kontra sa suspect na nagresulta nang pagkakadakip dito sa loob ng nasabing food chain.

Mariin naman itinanggi ng suspect ang akusasyon sa kanya ng dating heneral.

Nakatakda namang kasuhan ng robbery extortion at bribery ang nadakip na suspect at kasalukuyang nakakulong.

 

Please follow and like us:
Read More

ANTI-CRIMINALITY OPS: 2 PULIS HINAGISAN NG GRANADA

granada

(NI KOI HIPOLITO)

SUGATAN ang dalawang pulis ng Taguig City Police Station na nagsasagawa ng Simultaneous Anti-Criminality Law Enforcement Operation (SACLEO) matapos na makaengkuwentro ang isang hindi kilalang suspek na namaril at nambato ng granada, madaling araw ng Miyerkules sa Maguindanao St., Road 4 New Lower Bicutan sa Lungsod ng Taguig City.

Nakilala ang mga nasugatan na sina PEMS. Santiago Cordova at PCpl. Alnajim Abduhalim.

Base sa panayam ng Diaryo Bomba kay Taguig City Police Chief, PCol.  Alexander Santos, kasalukuyang nagsasagawa ng anti-criminality operation ang mga biktimang pulis sa nasabing lugar na tinatawag din na Kangkongan nang biglang pagbabarilin ng hindi kilalang suspek at pagbabatuhin ng tatlong hand grenade na isa lamang ang sumabog na nakasugat sa mga biktima sanhi ng mga shrapnels.

Mabilis naman naisugod sa Taguig- Pateros District Hospital (TPDH) ang mga biktima at nagpapatuloy ngayon ang isinasagawang manhunt operation para makilala at madakip ang suspek.

Please follow and like us:
Read More

BINATILYO BINOGA SA SELOS

(NI LYSSA VILLAROMAN)

DAHIL umano sa selos, isang 17 –anyos na estudyante ang namatay matapos barilin ng kanilang kapitbahay, Linggo ng gabi sa Taguig City.
Ang biktima ay nakilalang si  Senator Carit, nakatira sa 26 Apple St., Purok 3, Brgy. New Lower Bicutan.

Si Carit ay nagtamo ng ilang tama ng bala sa ulo at katawan at kaagad namatay.

Ayon sa imbestigasyon ng pulisya, naganap ang krimen ng alas-11:45 kamakalawa ng gabi sa Mulawin st., Purok 3, Brgy. New Lower Bicutan, Taguig.

Sa pahayag ng ina ng biktima, na si Celestina Carit kay Colonel Alexander Santos, hepe ng Taguig City police, bago naganap ang pamamaril ay palihim na lumabas ng kanilang bahay ang biktima matapos na ito ay makatanggap ng isang text message.

Dagdag pa ni Celestina na ilang minuto lamang matapos lumabas ng kanilang bahay ang biktima ay nakarinig siya ng sunud-sunod na putok ng baril at nang kanyang alamin ay tumambad sa kanya ang duguan at wala nang buhay na binatilyo.

Ayon pa sa ina ng biktima nitong nakaraang linggo ay nagka-argumento ng biktima ang  kanilang kapitbahay na si alyas Faisal Abu dahil ito ay naghihinala na ang kanyang misis at biktima ay may relasyon.

 

Please follow and like us:
Read More

PACC INTEL DIRECTOR NANUTOK NG SEKYU, DINISARMAHAN

crime45

(NI KOI HIPOLITO)

DINISARMAHAN ng otoridad ng Taguig City Police Station ang isang opisyal umano ng Presidential Anti-Corruption Commision (PACC) matapos ireklamo ng kanyang nakasagutan na security guard sa harap ng St. Lukes Medical Center sa kahabaan ng Medical Arts Building Drive Way, Bonifacio Global Center sa Lungsod ng Taguig City, Lunes ng madaling araw.

Nakilala ang suspek na si Mariano Jose Villafuerte III, 56, Director for Intelligence and Investigation ng Presidential Anti-Corruption Commision (PACC) at residente ng No. 262 San Rafael Street, Malacanan Complex, Brgy. San Miguel, Manila habang kinilala naman ang biktima na si Raul Raet, ang nakatalagang Security Guard sa nasabing lugar.

Sa inisyal na report sa opisina ni Taguig City Police Station Chief P/Col. Alexander Santos, nagkaroon umano ng mainitan na pagtatalo ang suspek at ang biktima na humantong sa pagbunot ng service firearm ng opisyal na si Villafuerte at itinutok sa guwardiyang si Raet.

Sa pangamba sa kanyang buhay ay agad nagreport sa pulisya ang biktima na agad naman nirespondehan at inimbestigan ang insidente. Pansamantalang kinumpiska ang baril ng suspek na isang P226 Sig Sauer cal.9mm pistol na may laman na 19 bala, tatlong magazine, ekstrang 29 bala, Firearms Registration id’s at LTOPF ID.

Dahil sa nangyari ay agad humingi ng dispensa ang opisyal ng Malakanyang sa biktima na tinanggap naman nito at sinabing hindi na umano siya magdedemanda laban sa suspek.

Please follow and like us:
Read More

LIVE-IN PARTNERS HINOLDAP, PINATAY SA TINDAHAN

crime32

(NI KOI HIPOLITO)

PALAISIPAN ngayon sa mga otoridad ng Taguig City Police Station kung may iba pang motibo sa pamamaril at panghoholdap sa maglive in partner na natagpuang nakahandusay at patay na sa loob ng kanilang tindahan na ukay-ukay at grocery store sa Taguig City.

Nakilala ang mga biktimang sina Marlo Landreza, empleyado ng Taguig City Hall at Girlie Gacer, kapwa ng Blk 141, Lot 14, Maharlika Road, Upper Bicutan ng Taguig City, bandang alas-9:10 ng gabi nitong Lunes.

Base sa panayam ng Diaryo Bomba kay Taguig City chief of police PCol. Alexander Santos, tinitingnan ang iba pang anggulo sa krimen  kung meron pang malalim na dahilan bukod sa panghoholdap sa mag-asawa dahil ayon umano sa  salaysay ng mga witness ay binaril muna ng dalawang hindi nakilalang suspek ang mga biktima at  kinuha ang sling bag na may lamang pera na kinita sa tindahan ni Gacer, bago tumakas sa hindi pa tukoy na direksyon.

Nagpapatuloy ang technical investigation ng SPD-SOCO at inilatag na ang follow up investigation para matunton ang mga suspect.

Please follow and like us:
Read More

P1-M SHABU ‘STOCK’ SA BAHAY; 1 ARESTADO

(NI ROSE PULGAR     )

HULI ang isang binata at nakumpiskahan ng P1 milyong halaga ng shabu sa loob ng kanyang bahay matapos pasukin ng mga tauhan ng Special Weapons and Tactics at Special Drugs Enforcement Unit (SWAT-SDEU) ng Taguig City Police, Linggo ng gabi sa Barangay New Lower Bicutan ng lungsod.

Sa pamamagitan ng search warrant, dakong alas-11:50 ng gabi nang salakayin ng mga tauhan ng SWAT at SDEU, sa pangunguna ni P/Lt. Jesus Padua, hepe ng Police Community Precinct (PCP)-2,  ang bahay ng suspect na nakilalang si John Daryl Pili, 22, binata, at naninirahan sa no. 40 San Diego St. Barangay New Lower Bicutan.

Habang nakatakas naman ang kasamahan nito na si Christian Busa, nakatira din sa nasabing lugar.

Hindi na nakapalag ang suspect na si Pili nang pumasok ang mga pulis na bitbit ang search warrant.

Nakumpiska mula sa suspect ang 53 pirasong plastic sachet na naglalaman ng hinihinalang shabu  na nagkakahalaga umano ng P1 milyon.

Ayon kay Police Col. Alexander Santos, hepe  ng Taguig City Police, umaabot sa 18.0281 grams ng shabu na may street value na mahigit sa isang milyong piso. Sinabi pa ni Santos, bukod sa nakumpiskang shabu, nakakumpiska din sila ng tatlong plastic sachet ng pinatuyong marijuana na nagkakahalaga ng P1,000 at mga drugs paraphernalia.

Ang suspect ay nakakulong at sasampahan ng kasong paglabag sa Republic Act 9166 o comprehensive dangerous drug act of the 2002.

Please follow and like us:
Read More

NANINGIL NG UTANG PINASLANG

crimeshooting12

(NI ROSE PULGAR)

NASAWI ang isang lalaki nang barilin ito ng kanyang sinisingil sa utang sa Barangay Hagonoy, Taguig City Martes ng gabi.

Namatay noon din ang biktima na nakilala lamang sa alyas ‘Cholo’, na nasa edad na 30 hanggang 35 anyos, may taas na 5’9, nakausot ng kulay itim na t-shirt , green sport jacket, blue short pants at may katamtaman ang pangangatawan, makaraang magtamo ng dalawang tama ng bala ng hindi pa mabatid na kalibre ng baril sa dibdib nito.

Base sa isinumiteng report ni Police Colonel Alexander Santos, hepe  ng Taguig City Police, dakong alas-6:00 ng gabi nang maganap ang insidente sa kahabaan ng Capistrano Extension Barangay Hagonoy ng nasabing lungsod.

Batay sa kuwento ng Grab driver na si Rowell Santiago,  sumakay ang biktima sa area ng Pasig at nagpahatid ito sa Taguig para maningil ng pautang.

Pagdating nila sa Capistrano Extension ay bumaba na ang biktima at sinabihan ang Grab driver na hintayin siya saglit para maningil ng pautang.

Subalit makalipas ang sandali ay nakarinig na lamang si Santiago ng sunud–sunod na putok ng baril sa nasabing lugar.

Agad nitong tinungo ang lugar na pinuntahan ng biktima ngunit tumambad na ang duguan at wala nang buhay na biktima.

Tumakas ang hindi pa nakikilalang salarin bitbit ang gamit nitong baril.

Agad naman ipinagbigay-alam ng Grab driver ang insidente at kinuhanan din ng salaysay ng mga awtoridad hinggil sa insidente.

 

Please follow and like us:
Read More

RALIYISTA NA NAKAPERHUWISYO SA C-5 KAKASUHAN

c5

(NI ROSE PULGAR)

PINAG-AARALAN ngayon ng Metropolitan Manila Development Authority (MMDA), na kasuhan  ang ilang supporters ng natalong kandidato sa pagka-alkalde dahil sa isinagawang kilos protesta sa rush hour,  na nagdulot ng matinding trapik sa C-5 Road, Taguig City,  nitong Huwebes ng gabi.

Base sa pahayag ni MMDA General Manager Jojo Garcia, wala umanong permit ang nasa 3,000 supporters nang natalong kandidato  sa pagka-alkalde na si outgoing Taguig Representative  Arnel Cerafica, nang magsagawa ng kilos protesta.

“Pinag-aaralan ng mga abogado natin sa MMDA kung ano ang puwede natin i-kaso diyan. Obstuction, illegal parking, lahat ng puwede sa mga tao, kung may ma-identify tayo, kahit jaywalking kakasuhan ‘yan kasi nakaharang sila diyan”, ani Garcia.

Tinitingnan din aniya ng pulisya kung anong posibleng kaso o paglabag ang pwedeng isampa sa mga organizer ng naturang rally.

“Kung hindi niyo po matanggap ‘yung mga naging resulta ng eleksyon, may  ahensya po para diyan. Kahit kelan po, hindi puwede dalhin sa kalsada ‘yan lalo na sa national road”, ani pa ni Garcia.

Nabatid na nitong  Huwebes (Mayo 23) dakong alas-6:00 ng gabi ay nagsagawa ng kilos protesta ang mga supporters ni Cerafica sa  C-5 Road kontra sa pagkapanalo ni Lino Cayetano sa pagkaalkalde ng naturang lungsod.

Please follow and like us:
Read More

BABAE TINADTAD NG BALA, ITINAPON SA KALSADA

crime

(NI ROSE PULGAR)

WALA nang buhay at tadtad ng tama ng bala sa iba’t ibang bahagi ng katawan nang matagpuan ang isang babae sa Lower Bicutan , Taguig City, Linggo ng gabi.

Sa pamamagitan ng identification card, nakilala ang biktima na si Ramhela Vicente,34, ng Aguho , Pateros, Metro Manila.

Base sa ipinadalang report ng Southern Police District, dakong alas-10:30 ng gabi nang matagpuan duguang at wala nang buhay ang biktima sa kahabaan ng Sitio Ulingan, Purok 3 C-6 Road Barangay New Lower Bicutan.

Nakatanggap ng tawag sa telepono ang desk officer ng Barangay  New Lower Bicutan na si Antonio Betasa mula sa isang concerned citizen ukol sa bangkay ng isang babae na naka-suot ng puting shorts at naka itim na t-shirt , duguang nakabulagta at may mga tama ng bala ng baril sa katawan.

Sa pagsisiyasat ng mga tauhan ng Scene of the Crime Operatives (SOCO) ng SPD nakakuha ng mga bala ng hindi pa mabatid na kalibre ng baril sa pinangyarihan ng insidente.

Patuloy pa rin nagsasagawa ng masusing imbestigasyon ang awtoridad at inaalam na rin ang motibo ng pamamaslang dito.

Hinala naman ng pulisya na malaki ang atraso ng biktima sa suspect dahil galit na galit ito sa ginawa niyang pagpatay sa biktima.

 

 

Please follow and like us:
Read More

4 ‘CARNAPPERS’ PATAY SA HPG COPS

carnap1

PATAY ang apat na hinihinalang carnappers matapos makipagbarilan sa mga pulis sa Barangay Poblacion, Muntinlupa City, Biyernes ng umaga.

Lumutang na rin ang sinasabing biktima ng carnapping.

Tatlo sa apat ang namatay noon din habang ang isa ay naisugod pa sa ospital ngunit namatay din.

Sinabi ni Police Brigadier General Roberto Fajardo, director ng Philippine National Police – Highway Patrol Group (PNP-HPG), na nagpalabas siya ng grupo matapos ang insidente ng dalawang carnapping incident Huwebes ng gabi, sa Taguig at Maynila.

Naispatan umano ang sasakyan kung saan lulan ang mga suspect at nang pinapara ng mga pulis ay agad nagpaputok ang mga ito. Nagkaroon ng habulan hanggang sa masukol ang mga nasawi.

Isa sa mga namatay ang nakasuot ng t-shirt ng PNP ngunit inaalam pa ang pagkakakilanlan nito. Gayunman, agad itinanggi ni Fajardo na miyembro ito ng PNP.

Ilang police uniform pa ang nadiskubre sa sasakyan ng mga suspect.

Please follow and like us:
Read More

ESTUDYANTE TARGET SA P3.4-M SHABU

shabu16

NASAMSAM ng mga awtoridad ang nasa P3.4 milyong halaga ng hinihinalang shabu sa buy-bust operation sa New Lower Bicutan, Taguig City, Biyernes ng hapon.

Ang naarestong si Euela Arguel Rosario, target ng operasyon, ay dati nang nakulong noong 2012 sa droga rin ngunit nakalaya nang maabsuwelto. Nakuha sa suspek ang nasa kalahating kilo ng umano’y shabu na nagkakahalaga ng P3.4 milyon.

Ayon kay Levi Ortiz, direktor ng Philippine Drug Enforcement Agency (PDEA), ilang magulang ang lumapit sa kanila para ireport ang trabaho ng suspect kung saan sa harap ng eskuwelahan ito nakatambay para mang-alok ng shabu sa mga estudyante.

Ilang estudyante din umano ang ginagawa nitong runner at binibigyan ng komisyon sa transaksiyon.

Itinanggi ni Rosario na sangkot siya sa pagtutulak pero aminadong gumagamit ng droga.

Please follow and like us:
Read More