MAG-AMA NANAGA NG KAPITBAHAY SA AWAY-PAMILYA

(NI SIGFRED ADSUARA)

MAGKASAMA sa kulungan ang mag-ama matapos pagtulungan saksakin at tagain ang kanilang kapitbahay dahil sa matagal ng awayan ng pamliya sa Trece Martires City, Cavite.

Nakakulong ngayon sa Trece Martires Custodial Center ang mag-amang suspek na si  Lauro Landicho, 56, isang security guard at anak nitong si Laurence, 28, kapwa ng Block 9 Lot 41 Cuidad Adelina Brgy Conchu, Trece Martires City, Cavite.

Nagpapagaling naman na sa Gen Emilio Aguinaldo Hospital ang biktima na si Wilfred Digo, driver ng Blk. 3 Lot 21 Ciudad Adelina Brgy. Conchu TMC Cavite sanhi ng tama ng saksak at taga sa iba’t ibang bahagi ng kanyang katawan.

Sa ulat ni PSSgt Romeo Damance ng Trece Martires City Police Station, naglalakad si Emily Digo, asawa ng biktima sa Ciudad Adelina, Brgy Conchu ng naturang Lungsod dakong alas-10:30, Sabado ng umaga nang kamuntik na nasagi ng minamanehong motorsiklo ni Laurence kung saan angkas nito ang kanyang nanay.

Subalit imbes na humingi ng pasensiya ang panig ng suspek, nagsigawan pa si Emily at nanay ng suspek, na naungkat dahil sa matagal nang alitan ng pamliya.

Nagsumbong naman si Laurence sa bahay ng kanyang lola na malapit lang sa lugar at nang bumalik ito ay kasama na niya ang kanyang amang si Lauro na armado ng patalim at itak at pinagtulungan saksakin at pagtatagain ang biktima.

Sa isinagawang follow up operation, naaresto si Lauro pero ang anak na si Laurence ay tumakas at nagtago sa Amadeo pero sa isinagawang follow up operation ay naaresto si Laurence ilang oras matapos ang krimen.

 

Please follow and like us:
Read More

LALAKI TINAGPAS NG BESTFRIEND

(NI ANNIEL PINEDA)

HINDI inakala ng isang lalaki na ang mismong matalik pa nitong kaibigan ang maglalagay sa kanya sa bingit ng kamatayan, matapos pagtatagain habang nag-inuman nang hindi magkaunawaan, sa lalawigan ng Capiz.

Kinilala ang bikitmang si Marlon Frio, 40, ng Barangay Duran, habang nadakip naman ang suspek na kinilalang si Noel Fabuna, 56, ng Bgy. Sto. Angel, Dumalag, Capiz.

Batay sa report ng Dumalag Police Station, naganap ang insidente sa Barangay San Miguel, Dumalag, Capiz, habang nag-iinuman ang magkakaibigan .

Subalit, makalipas ang ilang oras, nagkaroon ng hindi pagkakaunawan ang dalawa na nauwi sa pagtatalo, kaya kumuha ng itak ang suspek at pinagtataga ang biktima sa ulo at iba’t ibang parte ng katawan.

Kaagad naman dinala sa ospital ang biktima para lapatan ng lunas at patuloy na inoobserbahan.

Nadakip naman ang suspek ng mga rumespondeng awtoridad at nahaharap sa kasong frustrated murder.

 

Please follow and like us:
Read More

BITIN SA ALAK; TANOD PINATAY SA TAGA

(NI ANNIE PINEDA)

PATAY ang isang lalaki makaraan pagtatagain ng kainuman na nabitin umano sa alak sa isang inuman, iniulat kaninang umaga sa probinsya ng Balete, Aklan.

Kinilala ang biktimang si Ronnie Sarandin, 48, barangay tanod, habang nadakip naman ang suspek na kinilalang si Robert dela Cruz, 27, at kapwa residente ng Barangay Guanco, Balete.

Batay sa report ng Balete Police Station, dakong alas 6:00 ng gabi nang maganap ang insidente sa nasabing lugar.

Lumabas sa imbestigasyon ng pulisya, nag-iinuman ang biktima at suspek sa kapitbahay nilang si Randy Cuadrante at makalipas ang ilang oras ay natapos na ang inuman dahil ubos na ang alak.

Nagpasyang umuwi ang biktima at sumama na rin ang suspek kahit pa nabitin ito sa inuman . Habang naglalakad, bigla na lamang inaway ni dela Cruz si Sarandin na nauwi sa mainitang pagtatalo.

Dito, walang habas na pinagtataga ng suspek ang biktima sa iba’t ibang parte ng katawan na agad nitong ikinamatay.

Matapos ang pananaga bumalik ang suspek sa bahay ni Cuadrante , pero nakita niya itong puno ng dugo ang itak kaya isinara nito ang pintuan ng bahay sa takot na pati siya ay pagtatagain.

Nadakip naman ang suspek ng mga rumespondeng pulis at kasalukuyang nakakulong sa Balete-PNP at nahaharap sa kasong pagpatay.

 

Please follow and like us:
Read More

LALAKI TINAGA SA ULO NG SINAWAY NA LASING 

(NI ANNIE PINEDA)

NASA balag ng alanganin ngayon ang buhay ng isang lalaki makaraang tagain sa ulo ng lasing na kapitbahay na nagwawala dahilan para kanya itong sawayin, Sabado ng gabi, sa Capiz.

Kinilala ang biktimang si Lot Labetoria, 31,  habang tugis naman ang suspek na kinilalang si Reneboy Victor, 39, kapwa residente ng Brgy Roxas, Tapaz, Capiz.

Batay sa report ng Tapaz-PNP, dakong alas 8:20 ng gabi nang maganap ang insidente sa nasabing lugar.

Lumabas sa pagsisiyasat ng pulisya, lasing ang suspek at nagwawala ito sa labas ng kanilang bahay. Dahil sa maingay at nakabubulahaw na ito, tinangkang awatin ng biktima ang suspek pero sa halip na makinig sa kanya ay kumuha ito ng itak at tinaga sa ulo si Labetoria saka tumakas.

Kaaagad naman isinugod sa Western Visayas Medical Center, Iloilo City ang biktima at patuloy na inoobserbahan.

 

Please follow and like us:
Read More

SYOTA NG ANAK, TINAGA NG LASING TATAY 

(NI JUN V. TRINIDAD)

QUEZON – Bugso ng galit sa kalapastanganan sa kanya ay tinaga ng isang 34-anyos na tatay ang syota ng kanyang anak sa bayan ng Infanta sa lalawigang ito noong Biyernes.

Sa report ng pulisya, dumating si Rose Jean Gurango, kasama ang kanyang lasing na boyfriend na kinilalang si John Mark Atendido, 20, sa kanilang tahanan sa Barangay Pulo, bandang 10:00 ng gabi.

Agad na nagwala at minura ng lasing din na tatay na kinilalang si Alexander Joven si Rose Jean kung bakit kasama ang nobyo.

Dahil parehong nasa ilalim ng ispiritu ng alak, nagkaroon ng mainit na pagtatalo si Joven at Atendido hanggang sa mapundi ang huli, dumampot ng bato at isinampal sa mukha ni Joven.

Sa ginawang paglapastangan at pananakit sa kanya, agad na kumuha ng itak si Joven at pinagtataga si Atendido na sinalag naman ng kanyang kanang braso.

Kung hindi niyapos ni Rose Jean ang nobyo ay baka napatay ito ng galit na galit na tatay.

Sumaklolo ang mga kapitbahay at isinugod ang duguang si Atentido sa Claro M. Recto Hospital sa kabayanan at nabigyan agad ito ng karampatang gamutan.

Agad na dinakip ng mga pulis si Joven at ikinulong sa piitan.

 

Please follow and like us:
Read More

70-ANYOS LOLO TINAGA NG KAPWA LOLO SA SELOS  

(NI ANNIE PINEDA)

HINDI inakala ng isang 70-anyos lolo na pagseselosan ito ng kanyang kapitbahay na kapareho ng edad na nauwi sa pananaga, habang nakikipag-inuman ang una, iniulat kaninang umagsa sa lalawigan ng Isabela.

Inoobserbahan ngayon sa ospital ang biktimang si Pablo Tagao, biyudo, habang nadakip naman ang suspek na kinilalang si Casamiro Madela, 70, at kapwa residente ng Bgy. Ibujan, San Marian , Isabela.

Batay sa report ng San Mariano Police Station, nakikipag-inuman ang biktima sa bahay ng kanyang stepson nang bigla na lamang dumating ang suspek na armado ng itak.

Dito, pinagtataga ng suspek ang biktima sa iba’t ibang parte ng katawan habang tumulong naman umawat ang mga kainuman ng biktima na nagresulta sa pagkakadakip sa suspek.

Agad na isinugod sa San Mariano Community Hospital si Tagao para lapatan ng paunang lunas at kalaunan ay inilipat din sa Gov. Faustino N. Dy Memorial Hospital sa Ilagan City.

Sinabi naman ng misis ng suspek na nagseselos ang kanyang asawa sa biktima sa hinalang may relasyon sila nito.

Nakatakda naman sampahan ng kasong frustrated murder ang suspek.

 

Please follow and like us:
Read More

LASENGGONG ANAK, TINAGA NI ITAY

(NI ANNIE PINEDA)

HINDI umubra ang tapang ng isang anak nang sugurin nito ang kanyang ama sa bahay at nagwala, dahilan para tagain ito, sa Roxas City.

Kinilala ang biktimang si Genesis Evangelio, 29, habang sumuko sa pulisya ang suspek at ama nitong si Jaime, 66, at kapwa residente ng Barangay Sinamongan, Pilar, Capiz.

Batay sa report ng Pilar Municipal Police Station, lango sa alak ang biktima nang sugurin nito ang kanyang ama sa bahay at nagwawala. Sa inis ng matandang Evangelio, kumuha ito ng itak at tinaga sa dibdib ang anak .

Kaagad naman dinala sa ospital ang biktima pero dineklara na rin itong patay ng umatending doktor.

Kusa naman sumuko sa pulisya ang suspek at inaantay na lamang ang desisyon ng pamilya kung magsasampa ng kaso.

 

Please follow and like us:
Read More

KUYA TINAGA SA LEEG NI BUNSO

romblon murder

(NI AMIHAN SABILLO)

MULI na naman nangyari ang makasaysayang isinasaad sa bibliya na pagpaslang sa sailing kapatid, pero sa pagkakataong ito ay nakatatandang kapatid ang pinaslang ng nakakabata sa lalawigan ng Romblon, Miyerkoles ng gabi.

Base sa report ng Romblon PNP sa Camp Crame, nangyari ang krimen sa isang inuman sa bahagi ng Barangay Ilaruan lalawigan ng Romblon, pasado alas-7:00 ng gabi.

Nakikipag-inuman umano sa kanilang kapitbahay ang biktima na si Federico Montajo 39, nang dumating ang nakababatang kapatid na si Fernin, 34.

Mainit na umano ang ulo ng suspect at nakipagtalo sa kuya. Nang hindi umano matalo ang kuya ay umalis ito, subalit ilang sandali lamang ang lumipas nang bumalik ang suspek at agad na tinaga ang biktima sa leeg.

Agad namang isinugod sa Romblon District Hospital ang biktima subalit ideneklara itong dead on arrival dahil sa lalim ng pagkakataga sa leeg nito.

Sumuko sa pulisya at nahaharap sa kasong murder si Fernin.

Inaalam pa ang motibo nito sa pagpatay sa kapatid.
 

Please follow and like us:
Read More

MISIS, TINAGA, SINAKSAK NG SELOSONG MISTER

(NI NILOU DEL CARMEN)

NASAWI ang isang ginang matapos pagsasaksakin ng kanyang mister dahil sa pagseselos na nauwi sa trahedya sa Sto. Tomas, Batangas, Linggo ng hapon.

Kinilala ang biktima na si Juvy Lozon, 33, residente ng Blue Isle Subd., Brgy. Sta. Maria,  Sto Tomas.

Batay sa report ng Sto Tomas police, dakong alas 2:30 ng hapon nang magkasagutan ang biktima at ang mister nitong si Rodrigo Lozon, 57, sa loob mismo ng kanilang bahay.

Ayon kay PMSgt. Teresa de los Santos, may hawak ng kaso, matagal na umanong nagseselos ang mister at naghihinala na may ibang lalaki  ang kanyang misis na itinatanggi naman ng huli.

Nauwi ang sagutan  sa pagkuha ng lalaki ng balisong at itak at sa bugso ng galit  ay  nasaksak  at pinagtataga nito ang  kanyang misis na nagtamo ng mga tama sa iba’t ibang bahagi ng katawan.

Agad nasawi ang babae samantalang nadatnan  ng mga awtoridad sa loob pa rin ng bahay ang hindi makapaniwala sa pangyayari  na  suspek na naghihintay  kasama ang dalawang anak.

Inihahanda na ngayon ang kasong parricide laban dito.

Please follow and like us:
Read More

ANAK PUMALAG SA KAAWAY NG TATAY, 2 TINAGA SA ULO

(NI JUN V. TRINIDAD)

QUEZON — Dalawang senglot na magkapatid ang parehong tinaga ng nabuwisit na anak matapos na hamunin ng away ang kanyang tatay sa bayan ng Infanta sa lalawigang ito noong Sabado.

Sa report ng pulisya, kinilala ang mga biktima na sina Jayson Leynes, 29, at Marte Leynes, 29, parehong residente ng Barangay Banugao sa nasabing bayan.

Parehong lango sa alak ang dalawang biktima na nagtungo sa bahay ni Vilmar Soltura, 33, bandang 10:50 ng gabi.

Naging magulo ang magkapatid sa tapat ng bahay at pilit na hinahamon ng suntukan ang tatay ni Soltura, ayon sa report.

Dahil sa magkahalong galit at kabuwisitan, kumuha ng itak si Soltura sa loob ng bahay at pinagtataga sa ulo ang dalawang lasenggo.

Isinugod sa Claro M. Recto District Hospital sa kabayanan ang dalawang biktima na parehong nakaligtas sa kamatayan.

Kusang sumuko ang suspek sa pulisya.

Please follow and like us:
Read More

AMA, BINARIL, TINAGA NG ANAK

(NI DONDON DINOY)

DAVAO CITY–Matapos pagbabarilin pinagtataga pa ng itak ng kanya mismong anak ang kanyang ama matapos silang magkaalitan sa loob kanilang kubo sa Sitio Panaga, Barangay Colasas, Paquibato District,  Lunes ng gabi.

Kinilala ng Paquibato Police Station ang biktima na si Freddie Lumantad, 55, at ang suspek na anak ay si Joseph Lumantad, 26, pawang nakatira sa lugar.

Sa inisyal na imbestigasyon ng otoridad, napag-alaman na magkasama pa ang mag-ama sa pagbebenta ng kanilang produktong mais sa sentrong parte ng lugar.

Matapos nito ay nakipag-inuman ang biktima sa kanyang mga ka-barkada habang ang suspek ay mag-isang naglasing sa kanilang kubo.

Dagdag ng pulis, biglang umuwi ang ama ng suspek na bitbit ang isang itak at itinutok ito kay Joseph kasabay sa pagsasalita na “ngayon na talaga kita mapapatay.”

Doon agad na kinuha ng anak ang kanyang baril at dalawang beses na pinaputukan ang kanyang ama dahilan upang bumulagta ito.

Kinuha rin ng suspek ang itak at pinagtataga ang ama hanggang sa tuluyang mamatay.

Agad namang sumuko ang suspek sa mga opisyal ng barangay na siyang naghatid nito sa istasyon ng pulisya.

Lumilitaw din sa imbestigasyon na matagal nang may alitan ang mag-ama na siyang naging dahilan ng madugong krimen.

 

 

Please follow and like us:
Read More

LASING NAGHAMON NG AWAY, PINATAY SA TAGA 

(NI ANNIE PINEDA)

HINDI umubra ang tapang ng lasing na kinuha lamang sa alak, nang sugurin at hinamon ng away ang kapitbahay makaraan pagtatagain ito ng ng anak ng huli, iniulat kaninang umaga sa probinsya ng Capiz.

Kinilala ang biktimang si Marlon Villasin, 38, habang kusa naman sumuko sa pulisya ang suspek na si Alfredo Villanueva, 56, at kapwa residente ng Barangay Alasaging, Maayon, Capiz.

Batay sa report ng Maayon Municipal Police Station, naganap ang insidente sa labas ng bahay ng ni Villanueva sa nasabing lugar.

Lumabas sa pagsisiyasat ng pulisya, armado ng itak nang sumugod ang lasing na biktima sa bahay ng suspek at naghamon ng away.

Dito, lumabas ang anak ni Villanueva para pauwiin ang suspek at matulog na ito , pero sa halip na makinig ay tinaga nito ang batang Villanueva na tinamaan sa kamay.

Nagalit ang matandang Villanueva kaya nilabas nito si Villasin at pinagtataga sa ulo at iba’t ibang parte ng katawan na agad nitong ikinamatay.

Matapos ang insidente, kusa naman sumuko sa pulisya ang suspek at nakatakdang maharap sa kaukulang kaso.

 

Please follow and like us:
Read More

MAG-AMA PINAGTATAGA NG KAPITBAHAY

(NI SIGFRED ADSUARA)

LUMALA ang alitan  imbes na maayos nang pagtatagain  ang mag-ama ng isang 35-anyos na suspek ng pinuntahan ang huli upang makipagkasundo sa Dasmarinas City, Cavite.

Ginagamot ngayon sa Pagamutan ng Dasmarinas ang mag-amang Eduardo Maliksi, 52, at anak nitong si Kim Roun, 25, may-asawa, driver, kapwa residente ng  Brgy Paliparan 1, Dasmarinas City, Cavite matapos pagtatagain ng suspek na si Michael Gunda, 35, ng Island Park Excess Lot., Brgy. Paliparan 1, Dasmariñas City, Cavite.

Sa ulat ni PSSgt Richard Domingo ng Bacoor City Police Station, dakong alas-12:40 Linggo ng hapon nang nagtungo ang mag-ama sa bahay ng suspek upang alamin at ayusin ang hindi nila pagkakaintindihan sa kanilang pamilya.

Gayunman, imbes na magkaayos ay sinalubong sila ng suspek ng samurai at tinaga ang matandang Maliksi sa panga habang ang anak nito ay tinamaan sa tuhod.

Naaresto naman ang suspek sa isinagawang follow-up operation ng Bacoor City police.

Please follow and like us:
Read More

MAGSASAKA PATAY SA TAGA NG MAGTATAY

crimebolo123

QUEZON – Parang puno ng saging na pinagtataga hanggang sa mamatay ang mag-ama ng nakaalitan nilang magsasaka sa bayan ng Lopez sa lalawigang ito noong Biyernes.

Sa report ng pulisya ay kinilala ang biktima na si Lito Jariño, 47, residente ng Barangay Jongo sa bayang nabanggit.

Bandang alas-6:30 habang patungo ang biktima sa isang tindahan para bumilina ng hapunan hapunan ay bigla na lang sumulpot sa daan ang naghihintay na si Anthony Ayana kasama ang anak na si Christian na parehong may hawak na itak.

Bigla na lang umanong sunud-sunod na pinagtataga ng dalawang suspek si Jariño.

Naliligo na sa sariling dugo ang biktima nang tantanan ng dalawa na agad na tumakas.

Mabilis na isinugod ng mga taga-barangay ang biktima sa Magsaysay Memorial District Hospital sa kabayanan subalit hindi na ito umabot nang buhay sanhi ng mga tinamong grabeng sugat sa iba’t ibang bahagi ng katawan.

Sa follow-up operation ng pulisya sa bahay ng mga nakilalang suspek ay natagpuan ang dalawang kaluban subalit wala ang mga itak na pinaniniwalaang ginamit sa pagpatay sa biktima.

Sa imbestigasyon ng pulisya, napag-alaman na ilang araw na ang nakalilipas ay nagkaroon ng alitan at pag-aaway ang mga suspek at si Jariño na posibleng siyang naging motibo sa pamamaslang.

Please follow and like us:
Read More

ULO NG MATANSERO SINIBAK SA SELOS NG AMO

crimebolo123

(NI JESSE KABEL)

HINDI na nagising ang isang  matansero nang tagain ito sa ulo habang natutulog nang nagseselos niyang  amo sa Brgy. Zone 7, Bulan, Sorsogon.

Hinihinalang isang crime of passion ang pagkasawi ni Rodrigo Gueta, alyas Tutay, 36, matapos siyang pagtatagain ng among si Roger Hermosa, 54.

Sa impormasyong ibinahagi ni P/Maj. Joel Trinanes, hepe ng Bulan Municipal Police Station, selos ang sinasabing  motibo ng suspek nang  sumuko ito sa awtoridad matapos ang insidente.

Ayon sa hepe, nagtungo na sa himpilan ng pulis ang suspek upang isumbong ang umano’y pakikiapid ng asawang babae kay Gueta, base sa sumbong ng kanyang anak.

Subalit dahil salat sa ebidensya, hindi masampahan ng kaukulang kaso  ang umano’y magkalaguyo.

Laking gulat ng hepe nang  muling bumalik si  Hermosa para  kusa itong sumuko dahil sa umanoy  pagpatay niya kay Tutay na kanyang pinagtataga  habang natutulog.

Sa salayasay ng mister hindi na umano niya napigilan ang sarili lalo na at  mismong ang anak niya ang kumumpirma sa relasyon ng biktima sa kanyang misis.

Kasalukuyang nakapiit na ang suspek sa Bulan Municipal Police Station at nahaharap ngayon sa kasong murder.

 

Please follow and like us:
Read More