ENCHONG MAGTATAYO NG SARILING ESKWELAHAN

boy abunda(NI BOY ABUNDA)

KAMAKAILAN ay nagpunta si Enchong Dee sa Switzerland para sa isang business trip. May ilang negosyo na ang aktor sa Pilipinas at nagpaplano pang magdagdag ng pwedeng pagkakitaan.

“The trip was good but at the same time I know I’m not yet at that level. I think I have to really work hard and put my laser focus on my businesses before I can actually create an account. But hindi naman siya natuloy. May iba akong nakuha which is good. I will make the announcement soon. But I’m happy that it’s not just earning money but it’s more on giving back. Because if I can give you some hint, it’s about education,” pagbabahagi ni Enchong.

Nakatakdang magbukas ng isang eskwelahan ang aktor para sa layuning makatulong sa mga kabataan at mga kababayan.

“Yes, I’m opening a school but I can’t tell what exactly. Sinasabi nila ang gulo-gulo na ng bansa natin. So be part of the solution. I’m just trying to do that on a personal level. So kung meron akong magagawa to empower our country, gawin natin,” paliwanag ng binata.

Aminado si Enchong na sumasagi rin paminsan-minsan sa kanyang isipan na pasukin o subukan ang mundo ng politika. “Gusto ko talaga siya. Gusto ko pumasok sa politika noon. I graduated Politics in La Salle. Pero sabi ko, parang mas marami akong magagawa na malinis kung wala ako sa politika. Pinagdadasal ko talaga na, ‘Lord, huwag mo sana akong dalhin do’n.’ Kasi marami akong sinasabi, marami akong opinyon. Basically ang gusto ko lang naman, gusto kong umunlad ‘yung bansa natin, na lahat tayo umuunlad. Pero sabi ko baka masyado ako maging bitter kung puro salita lang gagawin ko. So I started diverting my attention to what solutions I can do, what solutions I can give. That’s why I also did the ‘Handog Palangoy’ which is teaching kids basic swimming skills. Kasi at least nakaka-save ng buhay. So ‘yung mga little things na ganyan,” paglalahad ng aktor. -Reports from JCC-  

 

Please follow and like us:
Read More

PHL KUMOLEKTA NG 3 GINTO SA SWIMMING

TATLONG ginto ang napanalunan ng Team Philippines sa unang araw ng kompetisyon sa 43rd Southeast Asian Age Group Swimming Championships Biyernes sa Morodok Techo National Sports Complex, Phnom Penh.

Unang lumangoy ng gintong medalya si Desirae Mangaoang at bago matapos ang araw ay nasundan ito ng panalo nina Georgia Peregrina at Jerard Jacinto sa kanilang first place finish sa boys’ and girls’ 16-18 100m backstroke events.

Ito ang debut competition para sa Team Philippines ng Fil-Australian swimmer na si Peregrina, na nanalo rin ng silver medal sa individual medley.

“I feel very proud to be able to do it (win a medal) for my country and I’m really happy,” sabi ng 18-year-old swimmer. “My times were not very good so that was a bit disappointing but I’m just glad I was able to add to the tally.”

Samantala, gahibla lang (1.6 second) ang lamang ni Jacinto sa second placer na si Hoe Yean Khiew ng Thailand.

Maliban sa tatlong ginto, nakasungkit din ang national team ng anim na silver medals; Rian Marco Tirol (16-18 boys’ 50m breaststroke), Ivo Nikolai Enot (13 & under boys’ 100m backstroke), Sam Banos (14-15 girls’ 100m butterfly), Miranda Renner (16-17 girls’ 50m freestyle) and Adrian Echler, Matthew Alumbres, Juan Daos and Miguel Barreto (18U 4×200 freestyle relay) na pawang nag-second place finish sa sinalihan nilang events.

Panalo naman ng broze medals sina Athena Chang (13 and under girls’ 400-meter freestyle), Renner (100m butterfly) at Mia Tandingan.

Dahil sa medal haul sa unang araw ng kompetisyon ay nasa sixth place ngayon ang Team Philippines.

 

Please follow and like us:
Read More