KELOT TUMALON SA CONDO, DEDO

SUICIDE IN CAMPUS

PATAY ang isang hindi kilalang lalaki makaraan umanong tumalon mula sa ika-8 palapag ng isang condominium tower sa Malate, Manila nitong Miyerkoles ng gabi.

Inaalam pa ng mga awtoridad ang pagkakakilanlan ng biktimang inilarawang nasa pagitan ng 20 hanggang 30-anyos, may tattoo sa likod at may taas na  5’6” hanggang 5’7″.

Base  sa ulat na isinumite nina Det. Charles John Duran at Det. Johnsen San Pedro kay P/Capt. Henry Navarro, hepe ng Manila Police District (MPD) Homicide Section, bandang alas-10:15 ng gabi nang mangyari ang insidente sa isang condominium tower sa panulukan ng Roxas Boulevard at  P. Ocampo St. sa Malate.

Nakarinig umano ang isang Rogina Rapadas, treasurer of the board ng naturang condominium tower, ng sigaw ng isang babae mula sa labas ng kanilang unit.

Nang alamin niya ang pinagmulan ng sigaw ay nadiskubre ang biktimang duguan at padapang nakahandusay sa entrance pool side ng ikaapat na palapag ng gusali.

Agad umano nilang ipinagbigay-alam ang insidente sa security guard ng gusali at itinawag sa mga tauhan ng Roxas Boulevard Police Community Precinct (PCP) upang maimbestigahan.

Lumilitaw sa imbestigasyon na tumalon ang biktima mula sa Room 8-I sa ikawalong palapag ng gusali at bumagsak sa ikaapat na palapag ngunit hindi pa batid ang motibo nito sa pagtalon.

Nabasag ang bahagi ng mukha ng biktimang agad na binawian ng buhay sa insidente.

Hindi pa mabatid kung naninirahan sa condo ang biktima o dumayo lamang sa lugar. (RENE CRISOSTOMO)

Please follow and like us:
Read More

KELOT NA MALAKI ANG UTANG, NAGBARIL SA SARILI

VIGAN City – Winakasan ng isang lalaki ang kanyang buhay sa pamamagitan ng pagbaril sa sarili dahil sa hindi mabayarang pagkakautang, iniulat kahapon ng pulisya sa lungsod na ito.

Kinilala ang biktimang si Rupert Amano, 30-anyos, tauhan ng Nueva Segovia Consortium of Cooperatives (NSCC), at residente ng Barangay Don Lorenzo Querubin, Caoayan, ng nasabing lalawigan.

Batay sa report ng Caoayan Municipal Police Station, nangyari ang insidente sa loob ng bahay ng biktima sa nasabing lugar.

Kuwento ng stepmother ng biktima, nakarinig siya ng putok ng baril mula sa kuwarto ni Amano.

Bunsod nito, tinungo niya ang silid ng biktima at bumulaga sa kanya ang nakabulagta at duguang si Amano habang hawak ang .22 kalibreng paltik.

Agad dinala sa Ilocos Sur Provincial Hospital-Gabriela Silang ang biktima ngunit idineklarang dead on arrival.

Naniniwala ang mga kaanak ng biktima na dahil sa malaking utang na hindi mabayaran ang dahilan ng pagpapakamatay ni Amano.

Patuloy ang imbestigasyon ng mga awtoridad sa nasabing insidente. (ANNIE PINEDA)

Please follow and like us:
Read More

TAKOT IWANAN NI MISIS, MISTER NAG-SUICIDE

GEN. Santos City – Sa takot na iwanan ng kanyang misis na pulis, nagpakamatay ang isang lalaki sa pamamagitan ng pagbaril sa ulo gamit ang service firearm ng asawang pulis, iniulat kaninang umaga sa lungsod na ito.

Kinilala ang biktimang si Sernie Castillon Selda, 36-anyos, residente ng Purok 24, Barangay Fatima, General Santos City.

Batay sa report ng Fatima Police Station, nangyari ang insidente sa loob ng bahay ng mag-asawa nang umuwing lasing ang biktima.

Lumabas sa inisyal na imbestigasyon, nagtalo ang mag-asawa hinggil sa nasirang motorsiklo naging dahilan ng paglalasing ng biktima.

Pag-uwi sa kanilang bahay, bigla na lamang umanong inagaw ni Selda ang Glock 17 ng misis at itinutok sa kanyang ulo at kinalabit ito na naging dahilan ng kanyang kamatayan.

Napag-alaman, may rekord na sa nasabing istasyon ang tangkang pagpapakamatay ng biktima kapag nagbabanta ang kanyang asawa na siya ay hihiwalayan.

Nagpapatuloy ang imbestigasyon sa nasabing insidente. ANNIE PINEDA

Please follow and like us:
Read More

SEX BAGO SUICIDE

suicide16

(NI FRANCIS SORIANO)

PATAY noon din ang isang 33-anyos na lalaki nang uminom ng silver cleaner matapos makipagtalik sa kanyang asawa habang patay din ang factory worker makaraan itong magbigti gamit ang nylon cord, sa dalawang insidente ng suicide.

Kinilala ni Malabon City Police Chief Col. Jessie Tamayao ang biktimang resident eng Camus Ext. Brgy. Ibaba.

Ayon sa ulat, dakong alas-9:20 ng gabi, ginigising ng kanyang ina ang biktima sa loob ng kanilang bahay ngunit hindi na ito gumagalaw. Katabi nito ang isang silver cleaner na sinasabing ininom sa pagpapatiwakal.

Hindi naman nagbigay pa ng detalye ang misis nito na naglambing pa at nag-sex sila ng asawa bago ito nakitang patay.

Naisugod pa sa Ospital ng Malabon ang biktima ngunit idineklara na itong dead-on-arrival.

Samantala, dakong  alas-7:10 naman ng gabi ay  nadiskubre naman ng kapwa tenant na si Leonie Sartalan, 35, ang bangkay ng biktimang si Jev Baton, 29, factory worker, habang nakabigti ng nylon cord sa loob ng banyo sa 142 Custodio St. Brgy. Santulan.

Ayon kina police investigators PMSGJulius Mabasa at PSSg Ernie Baroy,  patuloy pa rin ang isinasagawang imbestigasyon upang matukoy ang motibo ng pagpapatiwakal ng mga biktima.

Please follow and like us:
Read More

BINATA MALUNGKOT ANG PASKO, NAG-SUICIDE

suicide12

(NI ANNIE PINEDA)

NAGPASYANG wakasan ang sariling buhay ng isang binata sa araw ng Pasko sa pamamagitan ng pagbigti dahil umano sa kalungkutan, iniulat kaninang umaga sa probinsya ng Victorias City.

Wala nang buhay nang matagpuan ang 25-anyos na biktimang hindi pinangalanan at residente ng nasabing lugar.

Batay sa report ng Victorias-PNP, natagpuan na lamang ang biktima sa loob ng kanyang silid na walang buhay at nakabitin gamit ang pisi.

Kuwento ng ina, bago ang insidente malungkot ang kanyang anak at hindi ito lumabas ng kanyang kuwarto sa araw ng Pasko, Disyembre 25.

Kinabukasan, Disyembre 26, binuksan ng ina ang silid ng biktima para alamin kung tulog pa rin ito, subalit laking gulat na lamang niya nang makitang nakabitin ang biktima at wala nang buhay.

Sinabi naman ng mga kaibigan ng biktima, na nagtaka sila kung bakit hindi dumalo sa kanilang Christmas party at nalaman na lamang na patay na ito.

Iniimbestigahan na ng pulisya ang naturang insidente.

 

Please follow and like us:
Read More

PARAK PATAY SA BEST FRIEND; SUSPEK NAGBARIL SA SARILI  

(NI ANNIE PINEDA)

SABOG ang bungo ng isang kasapi ng Philippine National Police (PNP) matapos itong mabaril sa ulo ng kanyang matalik na kaibigan, saka nagbaril naman sa ulo ang suspek , iniulat kaninang umaga sa Victorias City.

Kinilala ang namatay na si Patrolman Jonel Lutao, 26, ng Batus Brillantes, Brgy. 1, at James Carl Hernal, 26, ng Estrella Village, Brgy. 6 , ng nasabing lungsod.

Batay sa report ng Victorias City Police Station, naganap ang insidente sa bahay ng isang Kelvin John Pedrajas sa nasabing lugar.

Lumabas sa imbestigasyon, nag-iinuman ang magkakaibigan nang bigla na lamang umanong hawakan ni Hernal ang baril ni Lutao at nakalabit ang gatilyo dahilan para tamaan sa ulo ang pulis.

Nabigla umano si Hernal sa pangyayari nang makitang duguan ang kaibigan sabay itinutok sa kanyang baba ang baril at ipinutok na agad nitong ikinamatay.

Sa ngayon nagpapatuloy ang imbestigasyon ng mga awtoridad para alamin kung may naganap na foul play sa nasabing insidente.

 

Please follow and like us:
Read More

DALAGITA, BADING, TODAS SA HOTEL

crime12

(NI NILOU DEL CARMEN)

ISANG manager ng insurance company at isang dalagita ang natagpuang patay sa magkahiwalay na hotel sa Batangas at Laguna, Miyerkoles ng umaga.

Sa Lipa City, nagpakamatay umano sa loob ng  Highlander Inn na nasa  Morada St. Brgy. 1, ang 16-anyos na si “Nina”.
Ayon kay  PLTCOL Antonio   Rotol Jr, hepe ng Lipa City police, nakita ng mga roomboy ang bangkay ng dalagita na nakabitin sa loob ng  comfort room sa isa sa mga kwarto  ng hotel alas 6:30 ng umaga.

Gumamit umano ito ng nylon cord na itinali sa dulo ng shower.

Nagtampo umano ang bata sa kanyang mga magulang kaya nagpakamatay.

Sa San Pablo City, halos ilang oras nang patay ang biktimang si Michael Loreno Asuncion, 38, manager ng insurance company, nang madiskubre ang katawan nito na nakadapa sa kama sa loob ng San Pablo City Inn, sa  Colago Avenue alas 9:00 ng umaga.

Unang inakala ng mga roomboy na natutulog lamang ang biktima nang kanilang unang  mapasukan  subalit nang balikan makaraan ang ilang oras, napansin na hindi ito gumalaw at  nagbabago ang pwesto kaya tumawag na ang mga ito sa pulisya.

Batay sa record ng hotel, dakong alas 6:00 lamang ng umaga nang mag check-in ang biktima kasama ang isang kabataang lalaki.

Sa imbestigasyon, napag-alaman na bading  umano ang biktima at posibleng lover umano nito ang kasama.

Inaalam pa ng mga awtoridad kung ano ang ikinasawi ng biktima.

 

Please follow and like us:
Read More

SEAMAN NILAYASAN NG MISIS, NAG-SUICIDE

(NI ANNIE PINEDA)

HINDI umano matanggap ng isang seaman ang paglayas ng kanyang misis dahilan para tapusin ang sariling buhay sa pamamagitan ng pagbaril sa sarili, sa Camarines Sur.

Kinilala ang biktimang si Glorioso Alicaway, 57, ng Barangay Baya, Ragay Camarines Sur.

Batay sa report ng PNP-Ragay, natagpuan na lamang ng kanyang pamilya ang biktima sa loob ng bahay nito at may tama na bala mula sa .45 kalibre na baril sa dibdib.

Lumabas sa pagsisiyasat ng pulisya, may problema umano ang mag-asawa kaya umalis umano ng kanilang bahay ang misis na labis na dinamdam ni Alicaway dahilan para magpakamatay ito.

Naniniwala naman ang pamilya ng biktima ng nagpakamatay ang biktima dahil sa problema sa pamilya.

Patuloy naman ang imbestigasyon ng otoridad sa nasabnig insidente at inaalam na rin kung totoong nagpakamatay ang biktima o kung may foul play sa nasabing insidente.

 

Please follow and like us:
Read More

PAALAM

(NI ANNIE PINEDA)

HINDI inakala ng misis na ang paalam ng mister na matutulog lamang sa kanilang bahay ay wala ng gisingan matapos magpakamatay sa pamamagitan ng pagbigti, iniulat kaninang umaga sa probinsya ng Capiz.

Kinilala lamang ang biktima sa pangalan Melvin, 36-anyos at residente ng Sitio Terum, Barangay Codingle, Dumarao, Capiz.

Batay sa report ng Dumarao Municipal Police , natagpuan na lamang ang biktima na nakabitin sa kanilang bahay gamit ang pisi.

Tinangka pang dalhin sa ospital ang biktima pero dineklara na rin itong patay ng umatending doktor.

Kuwento ng misis ng biktima, bago ang insidente, uminom pa alak ang mister sa kanilang bahay saka nagpaalam na doon muna ito matutulog sa bahay ng kanyang mga magulang.

Ilang oras ang makalipas, nakita na lamang ang biktima nakabigti gamit ang pisi.

Nagpapatuloy naman ang imbestigasyon ng mga awtoridad sa nasabing insidente.

 

Please follow and like us:
Read More

BIGO  MAKAHANAP NG TRABAHO; NAG-SUICIDE 

(NI ANNIE PINEDA)

SUMUKO na ang isang lalaki na hirap makahanap ng trabaho dahilan para wakasan ang sariling buhay sa pamamagitan ng pagbaril sa sarili, iniulat kaninang umaga sa Iloilo City.

Kinilala ang biktimang si Adrian Andales, 22, at residente ng Brgy. Lanag, Sta. Barbara, Iloilo.

Batay sa report ng Sta. Barbara Municipal Police Station, bago ang insidente nakikipag-inuman pa ang biktima sa kanyang mga kaibigan sa nasabing lugar.

Dito, nagpaalam lamang umano ang biktima na iihi, subalit makalipas ang minuto ay nakarinig sila ng putok na baril.

Inalam nila ang pinagmulan ng putok at doon nakita ang biktimang nakabulagta at may tama na bala sa ulo habang hawak ang baril.

Kuwento naman ng mga kaibigan ng biktima napansin na nila ang kakaibang ikinikilos ni Andales at madalas rin nagsasabing magpapakamatay .

Nagpapatuloy naman ang imbestigasyon ng mga awtoridad hinggil sa insidente para alamin kung totoong nagpakamatay ang biktima o kung may naganap na foul play.

Please follow and like us:
Read More

BINANTAAN NG NPA; MIYEMBRO NG CAFGU NAGBARIL SA SARILI

cafgu15

(NI DONDON DINOY)

MAGSAYSAY, Davao del Sur–Isang miyembro ng Civilian Armed Forces Geographical Unit (Cafgu) ang umano’y nag-suicide nang barilin ang sarili, umaga noong Miyerkukes.

Nangyari ang insidente sa loob ng kanilang detachment sa Brgy. Tacul nitong bayan

Ayon sa ulat ng Magsaysay Police Station, kinilala ang biktima na si  CAA Jimmy Epal Gambin, 47, miyembro ng tribung B’laan at residente sa Brgy. Maibo ng lugar.

Sinabi ni Police Major Jeffmar Tercero, hepe ng Magsaysay Police Station, nakita ang bangkay ng biktima katabi ang M14 riffle.

Sa pagsiyasat ng mga otoridad napag-alaman na may isang tama ng bala ang likod na parte ng ulo nito.

Dagdag sa imbestigasyon, nagsabi na bago mangyari ang krimen ay nagsumbong ito sa kanyang detachment commander na si Sergeant Roger Pineda na binantaan umano ito ng mga rebeldeng New People’s Army (NPA) na papatayin.

Ayon kay Tercero ang biktima ay dating miyembro umano ng NPA ngunit sumuko sa gobyerno noong taong 2001.

Sinabihan pa umano ng kanyang opisyal ang biktima na manatili na lamang sa loob ng detachment para sa kanyang seguridad.

Ngunit ilang gabi na umanong balisa ang biktima at walang tulog.

Bago ang pagpapakamatay ay narinig pa ng mga kasama nito na sumigaw ng “Gaw kamo na bahala sa akong pamilya,” (Pinsan kayo na ang bahala sa aking pamilya) at doon ay narinig na ang putok ng armas.

Narekober din ng mga pulis sa crime scene ang isang basyong bala ng M14 U.S. riffle.

Nilinaw ni Tercero na wala silang nakitang “foul play” sa insidente.

Please follow and like us:
Read More

21-ANYOS NABIGO SA PAG-IBIG, NAGBIGTI

(NI DONDON DINOY)

DAVAO CITY–Nagpatiwakal ang isang 21-anyos na lalaki matapos mabigo sa pag-ibig, sa araw mismo ng kapistahan ng kanilang parokya ng Immaculada Concepcion.

Nangyari ang insidente sa Brgy. Poblacion, sa bayan ng Kiblawan, Davao del Sur, alas 8:00 ng umaga noong Lunes, Disyembre 9.

Sa ulat ng Kiblawan Police.Station sa Davao del Sur, itinali ng biktima ang lubid sa kanyang leeg at ang dulo ay ikinabit sa isang kahoy sa ikatlong palapag ng kanilang bahay.

Mismong ang kapatid ng biktima ang nakadiskubre sa bunsong kapatid.

Sa inisyal na imbestigasyon, sinasabing naikwento ng ina na labis nasaktan ang biktima sa away nito sa kanyang nobya at posibleng sanhi ng kanyang depresyon hanggang nauwi sa pagpapakamatay.

Wala namang nakitang ‘foul play’ ang mga otoridad sa naturang insidente.

 

 

Please follow and like us:
Read More

BUMIGAY SA PROBLEMA; PULIS NAGBARIL SA SARILI 

(NI ANNIE PINEDA)

HINDI umano nakayanan ng isang kasapi ng Philippine National Police (PNP) ang matinding problemang dinaranas nito dahilan para wakasan ang sariling buhay sa pamamagitan ng pagbaril sa ulo, iniulat sa probinsya ng Cagayan de Oro City.

Kinilala ang biktimang si Patrolman Joseph Sherwin Daligdig, 32, miyembro ng Provincial Holding and Accounting Unit (PHAU) at residente ng Purok 5, Baybay, Tinagsa, Kolambugan, Lanao del Norte.

Ayon kay Kolambugan Police Station Officer-in-charge Capt. Marlone Dahili, natagpuan na lamang ang biktima sa loob ng kanyang silid na naliligo sa sariling dugo at wala ng buhay.

Sa pagresponde ng mga pulis, nagbaril sa leeg si Daligdig na tumagos sa ulo gamit ang shotgun na agad nitong ikinamatay.

Kuwento ng ina ng biktima, simula dumating sa kanilang bahay ang anak galing trabaho ay hindi na ito lumabas pa hanggang sa nakarinig na lamang sila ng putok ng baril.

Paniwala ng otoridad personal na problema ang nagtulak sa biktima para magpakamatay.

 

Please follow and like us:
Read More

COLLEGE PROFESSOR TUMALON MULA SA PICKUP VAN, UTAS

(NI BONG PAULO)

KUSANG nagpasalubong kay kamatayan ang isang college professor matapos na tumalon habang sakay sa isang pickup sa bahagi ng national highway ng barangay Binoligan, Kidapawan City, gabi nitong Huwebes.

Kinilala ang nasawi na si Jomar Jose, ng College of Arts and Sciences ng University of Southern Mindanao, Kabacan main campus.

Napag-alamang sinamahan lang umano ng driver ang naturang biktima dahil problemado umano ito ngunit pagdating sa nasabing lugar, agad nitong binuksan ang pintuan ng sasakyan at tumalon, pasado alas-8:00 ng gabi.

Isa sa tinitingnang anggulo sa pagpapakamatay ni Jose ay posibleng dinapuan ito ng matinding depression.

 

Please follow and like us:
Read More

KANO NA BANK EXEC NAGBIGTI SA CONDO

suicide12

(NI MAC CABREROS)

MASUSING ngayon ng awtoridad ang pagkamatay ng isang Amerikano na sinasabing nagbigti sa loob ng tinuluyang condominium sa Mandaluyong City.

Sa ulat, alas-8:30 ng gabi ng Lunes nang matagpuan ang bangkay ni Szymon Radziszewicz, 45, operation coordination specialist ng Asian Development Bank, na nakabitin sa loob ng One Shangri-La Place Condominium South Tower Level 61, Stairwell 10, Fire Exit, Interior Road, Brgy Wack Wack, Mandaluyong City.

Nadiskubre ni Joel Bulatao, security guard, na may nakapulupot na strap na kulay abo sa leeg ng biktima at nakatali sa steel pipe. Agad nitong ipinagbigay-alam sa kanyang nakatataas na opisyal na siya namang nakipag-ugnayan sa pulisya ganap alas-10:30 ng gabi.

Kinordon ng mga nagrespondeng awtoridad ang lugar at nagsagawa ng malalimang pagsusuri sa bangkay at maging sa mga bagay o gamit para makakuha ng mga karagdagang ebidensya na magreresolba sa kaso.

Kasabay ng pangangalap ng karagdagang impormasyon o ebidensya, nakatakdang isailalim sa autopsiya ang bangkay para malaman ang tunay na dahilan ng pagkamatay o mabatid kung nagpakamatay o sinadyang pinatay ang biktima.

 

Please follow and like us:
Read More

GF NAKIPAG-BREAK; LALAKI NAG-SUICIDE

suicide

(NI JG TUMBADO)

LABIS na kalungkutan at pighati ang dahilan ng pagpapatiwakal ng isang 22-anyos na binata kasunod ng pakikipaghiwalay sa kanya ng kasintahan sa Butuan City.

Nakilala ang nag-suicide sa pamamagitan ng pagbigti sa kisame na si Jerry Uy, tubong Cabadbaran City, Agusan del Norte.

Batay sa report ng pulisya, nakita na lamang ang bangkay ng binata sa loob ng kwarto nito na nakabigti gamit ang kumot.

Sinasabing bago ang insidente ay narinig na nag-aaway sa cellphone ang biktima at kanyang nobya nitong Nobyembre 24 dahil sa selos na nauwi sa hiwalayan.

Dito na umano nagtaka ang kaanak  kung bakit hindi lumalabas ng bahay ang biktima hanggang mabulaga nalamang sila sa pagkakadiskubre sa bangkay nito.

Please follow and like us:
Read More

DALAGITA PROBLEMADO SA BUHAY NAGBIGTI 

(NI ANNI PINEDA)

HINDI umano nakayanan ng isang dalagita ang matinding problema nito dahilan para tapusin ang sariling buhay sa pamamagitan ng pagbigti, sa probinsya ng Davao Oriental.

Kinilala lamang ang biktima sa alyas Jennifer, 14, grade 8 student, at residente ng Barangay Lupon, Davao Oriental.

Batay sa report ng Lupon Municipal Police Station, nakita na lamang ng kanyang ama ang biktima na nakabigti sa nilang bahay-kubo gamit ang pisi.

Kuwento ng ama, bago siya umalis ng bahay ay sinabihan niya ang anak na sumama sa kanyang mga kaibigan na mamasyal subalit tumanggi ito at minabuti na lamang na manatili sa loob ng kanilang bahay.

Subalit, pag-uwi niya laking gulat na lamang nang makita ang anak na nakabitin at wala nang buhay.

Nabatid na may problema umanong dinaranas ang biktima at hindi na idinatalye pa ng pamilya.

Naniniwala naman ang mga awtoridad na walang foul play sa nasabing insidente.

 

Please follow and like us:
Read More

MISTER NAG-SUICIDE SA SELOS

suicide

(NI FRANCIS SORIANO)

HINDI na umabot pa nang buhay sa Ospital ng Malabon ang isang 48-anyos na Mister na online seller matapos itong magpatiwakal dahil sa matinding selos at mainitang pagtatatalo ng kanyang misis sa Malabon City, nitong Biyernes.
Kinilala nina PMSg Julius Mabasa at PSSg Ernie Baroy, ang biktima na si Rey Tanabe, ng Dumpsite, Brgy. Catmon.

Ayon sa pulisya, natagpuaan ng kanyang kamag-anak ang biktima dakong alas-8:30 ng gabi na nakasabit sa kisame na may nakapulupot sa kanyang leeg na isang nylon belt sa loob ng kanilang bahay.

Dito ay mabilis na isinugod sa naturang pangamutan ang biktima pero hindi na umabot pang buhay.

Lumabas din sa imbestigasyon na bago naganap ang insidente ay nagkaroon ng mainitang pagtatalo ang biktima at kanyang asawang si Claire dahil umano sa selos.

Please follow and like us:
Read More

BINATA ‘PABIGAT’ SA PAMILYA NAG-SUICIDE

(NI ANNIE PINEDA)

HINDI na hinintay pa ng isang soltero ang pagsapit ng kanyang kaarawan ngayong araw ng (Biyernes) nang magpasyang kitilin ang sariling buhay sa pamamagitan ng pagbigti sa pakiramdam na masyado na siyang pabigat sa kanyang pamilya, iniulat kaninang umaga sa probinsya ng Aklan.

Kinilala ang biktimang si Alyen Fernandez, 47, at residente ng Brgy. Briones, Kalibo, Aklan.
Batay sa report ng Kalibo-PNP, dakong alas 6:00 ng umaga ng Nobyembre 21, nang matagpuan ang biktimang nakabitin sa loob ng kanilang bahay sa nasabing lugar.

Lumabas sa imbestigasyon, nakita na lamang ang biktima nakabitin at iniwan at nag-iwan ng suicide note  “ May nakatago akong pera na P48,000 sa bulsa ng bag ko, palangga ta kamo, indi eon ako kinyo magpakalisod” (May naiwan akong pera na halagang P48,000.00 sa bulsa ng bag ko at mahal ko kayo, hindi na ako magpapahirap na sa inyo).

Nabatid, na matagal na umanong ulila sa mga magulang ang biktima matapos mamatay ng parehong mabagsakan ng makaling puno at lumaki na ito sa kanyang tiyo at tiya.

Kuwento naman ng tiyuhin ng biktima, posibleng nagkaroon ng depresyon ang kanilang pamangkin na naging dahil para magpakamatay.

Please follow and like us:
Read More

INIWAN NG MAG-IINA, TATAY NAGPAKAMATAY

(NI DANN RIVERA)

LUCENA CITY,QUEZON – Nangangamoy na nang matagpuan ng kanyang mga kapitbahay ang bangkay ng lalaking nagbigti matapos iwan ng mag-iina sa loob ng kanyang bahay sa Sitio Masagana,Brgy Talao-Talao, Lucena City, Miyerkoles ng hapon.

Sinabi ni P/LTCOL Romulo Abacea, hepe ng pulisya, na minabuting tapusin ni  Freddie De Castro, 40, ang kanyang buhay nang iwan siya ng  kanyang mag-iina.

Ayon sa kapitbahay ng biktima lunes ng umaga ng huli nilang makitang buhay si De Castro na nakahiga pa sa duyan na nasa harapan ng kanyang bahay,matapos nito ay halos dalawang araw na nilang hindi ito
nakikita.

Base sa imbestigasyon ng Lucena PNP, tinatayang tatlong araw nang nakabigti ang biktima sa loob ng kanyang bahay bago natuklasan ang biktima.

Base sa salaysay ng kapatid na babae ni De Castro,simula ng mamatay ang isa nitong anak at iwanan ng asawa kasama ang isa pa nitong anak ilang buwan na ang nakalilipas, napansin na laging tulala ang biktima.

Hindi na rin ito lumalaot sa dagat para makapangisda at maghanap buhay at solo ng namumuhay sa kanilang bahay.

Ayon pa rin sa kapatid una nang nagtangka itong magpakamatay noong dumalaw sa kanyang kamag-anak sa ospital nang tangkain na tumalon sa ospital subalit napigilan
ng security guard.

Please follow and like us:
Read More

ESTUDYANTE NAG-SUICIDE SA DORM

crime12

(NI RENE CRISOSTOMO)

MALALIMANG imbestigasyon ang isinasagawa ng mga awtoridad sa motibo ng pagpapatiwakal ng isang 25-anyos na estudyante ng University of Sto. Tomas, makaraan umano itong tumalon sa tinutuluyang domitoryo sa Sampaloc,Manila, Lunes ng umaga.

Nakilala ang biktimang si Paul Justine Tensioco, binata, may kursong BS Accountancy at nanunuluyan sa Adelina Dormitory sa 1117 Adeline St.,. Sampaloc.

Batay sa ulat na isinumite ni Det. Donald Panaligan, kay P/Capt. Henry Navarro hepe ng Manila Police District-Homicide Section , bandang  alas-8:50 ng umaga, nang makarinig ng malakas na kalabog ang isang Bemars  Endino, 41, caretaker ng nasabing dormitoryo.

Salaysay ni Endino, habang nagkakape ito sa harap ng dormitoryo nang makarinig ito ng malakas na kalabog at nakita nitong duguan at wala nang buhay na biktima.

Patuloy ang imbestigasyon sa insidente gayundin sa dalawang roommates ng biktima.

Please follow and like us:
Read More

BADING BUMIGAY SA PROBLEMA, NAG-SUICIDE 

(NI ANNIE PINEDA)

TINAPOS ng isang bading ang sariling buhay sa pamamagitan ng pagbigti bilang solusyon sa matinding problemang iniinda nito, sa Guimaras.

Kinilala lamang ang biktima sa alyas na ‘Ash’, 32, ng Buenavista , Guimaras.

Batay sa imbestigasyon ng Buenavista PNP, umaga ng Linggo, nang matagpuan ang katawan ng biktima na nakabitin sa loob ng kanilang bahay gamit ang lubid.

Nabatid, bago ang insidente, nag-text pa ang biktima sa kanyang pamangkin na gusto na niyang magpahinga dahil sa mga problema.

Wala naman nakikitang foul play ang pamilya ng biktima sa insidente.

Please follow and like us:
Read More

YOSI KAPALIT NG BUHAY

suicide12

(NI ANNIE PINEDA)

MINABUTI na lamang ng isang binatilyo na tapusin ang sariling buhay sa pamamagitan ng pagbigti nang pagbawalan umano ito ng kanyang nobya na magsigarilyo, iniulat kaninang umaga sa Iloilo City.

Kinilala ang biktima sa pangalan Nico, 17-anyos at residente ng Brgy. Divinagracia, La Paz, Iloilo City.

Batay sa report ng Lapaz Police Station, nakita ang biktima sa labas ng kanilang bahay nakabitin gamit ang nylon cord at wala nang buhay.

Lumabas sa imbestigasyon, bago ang insidente, sinabi ng pamilya, nahuli ang biktima ng kanyang nobya na kinilala sa pangalan Nene, na naninigarilyo na naging dahilan ng kanilang hindi pagkakaunawaan.

Dahil dito, nagbanta umano ang nobya na maghihiwalay sila kapag hindi nito tinigilan ang nasabing bisyo, hanggang sa nakita na lamang ang biktima ng kanyang kapatid na nakabigti.

Sinubukan pang isugod ng kanyang pamilya ang biktima sa ospital pero idineklara na rin itong patay ng umatending doktor.

Please follow and like us:
Read More