INIWAN NG MAG-IINA, TATAY NAGPAKAMATAY

(NI DANN RIVERA)

LUCENA CITY,QUEZON – Nangangamoy na nang matagpuan ng kanyang mga kapitbahay ang bangkay ng lalaking nagbigti matapos iwan ng mag-iina sa loob ng kanyang bahay sa Sitio Masagana,Brgy Talao-Talao, Lucena City, Miyerkoles ng hapon.

Sinabi ni P/LTCOL Romulo Abacea, hepe ng pulisya, na minabuting tapusin ni  Freddie De Castro, 40, ang kanyang buhay nang iwan siya ng  kanyang mag-iina.

Ayon sa kapitbahay ng biktima lunes ng umaga ng huli nilang makitang buhay si De Castro na nakahiga pa sa duyan na nasa harapan ng kanyang bahay,matapos nito ay halos dalawang araw na nilang hindi ito
nakikita.

Base sa imbestigasyon ng Lucena PNP, tinatayang tatlong araw nang nakabigti ang biktima sa loob ng kanyang bahay bago natuklasan ang biktima.

Base sa salaysay ng kapatid na babae ni De Castro,simula ng mamatay ang isa nitong anak at iwanan ng asawa kasama ang isa pa nitong anak ilang buwan na ang nakalilipas, napansin na laging tulala ang biktima.

Hindi na rin ito lumalaot sa dagat para makapangisda at maghanap buhay at solo ng namumuhay sa kanilang bahay.

Ayon pa rin sa kapatid una nang nagtangka itong magpakamatay noong dumalaw sa kanyang kamag-anak sa ospital nang tangkain na tumalon sa ospital subalit napigilan
ng security guard.

Please follow and like us:
Read More

ESTUDYANTE NAG-SUICIDE SA DORM

crime12

(NI RENE CRISOSTOMO)

MALALIMANG imbestigasyon ang isinasagawa ng mga awtoridad sa motibo ng pagpapatiwakal ng isang 25-anyos na estudyante ng University of Sto. Tomas, makaraan umano itong tumalon sa tinutuluyang domitoryo sa Sampaloc,Manila, Lunes ng umaga.

Nakilala ang biktimang si Paul Justine Tensioco, binata, may kursong BS Accountancy at nanunuluyan sa Adelina Dormitory sa 1117 Adeline St.,. Sampaloc.

Batay sa ulat na isinumite ni Det. Donald Panaligan, kay P/Capt. Henry Navarro hepe ng Manila Police District-Homicide Section , bandang  alas-8:50 ng umaga, nang makarinig ng malakas na kalabog ang isang Bemars  Endino, 41, caretaker ng nasabing dormitoryo.

Salaysay ni Endino, habang nagkakape ito sa harap ng dormitoryo nang makarinig ito ng malakas na kalabog at nakita nitong duguan at wala nang buhay na biktima.

Patuloy ang imbestigasyon sa insidente gayundin sa dalawang roommates ng biktima.

Please follow and like us:
Read More

BADING BUMIGAY SA PROBLEMA, NAG-SUICIDE 

(NI ANNIE PINEDA)

TINAPOS ng isang bading ang sariling buhay sa pamamagitan ng pagbigti bilang solusyon sa matinding problemang iniinda nito, sa Guimaras.

Kinilala lamang ang biktima sa alyas na ‘Ash’, 32, ng Buenavista , Guimaras.

Batay sa imbestigasyon ng Buenavista PNP, umaga ng Linggo, nang matagpuan ang katawan ng biktima na nakabitin sa loob ng kanilang bahay gamit ang lubid.

Nabatid, bago ang insidente, nag-text pa ang biktima sa kanyang pamangkin na gusto na niyang magpahinga dahil sa mga problema.

Wala naman nakikitang foul play ang pamilya ng biktima sa insidente.

Please follow and like us:
Read More

YOSI KAPALIT NG BUHAY

suicide12

(NI ANNIE PINEDA)

MINABUTI na lamang ng isang binatilyo na tapusin ang sariling buhay sa pamamagitan ng pagbigti nang pagbawalan umano ito ng kanyang nobya na magsigarilyo, iniulat kaninang umaga sa Iloilo City.

Kinilala ang biktima sa pangalan Nico, 17-anyos at residente ng Brgy. Divinagracia, La Paz, Iloilo City.

Batay sa report ng Lapaz Police Station, nakita ang biktima sa labas ng kanilang bahay nakabitin gamit ang nylon cord at wala nang buhay.

Lumabas sa imbestigasyon, bago ang insidente, sinabi ng pamilya, nahuli ang biktima ng kanyang nobya na kinilala sa pangalan Nene, na naninigarilyo na naging dahilan ng kanilang hindi pagkakaunawaan.

Dahil dito, nagbanta umano ang nobya na maghihiwalay sila kapag hindi nito tinigilan ang nasabing bisyo, hanggang sa nakita na lamang ang biktima ng kanyang kapatid na nakabigti.

Sinubukan pang isugod ng kanyang pamilya ang biktima sa ospital pero idineklara na rin itong patay ng umatending doktor.

Please follow and like us:
Read More

KANO TUMALON MULA 8TH FLOOR NG HOTEL

(NI ANNIE PINEDA)

BASAG ang bungo at bali-bali ang katawan ng isang American national matapos umanong magpakamatay sa pamamagitan ng pagtalon sa ika-8 palapag ng hotel, iniulat kanina sa Cebu City.

Kinilala ang biktimang si Michael Douglas Hunter, 66, may karelasyon  na Filipina, at naka-check in sa isang hotel sa Brgy. Mabolo, Cebu.

Batay sa report ng Mabolo Police Station, hapon ng Oktubre 29, nabulabog ang mga tao nang bumulagta ang katawan ng biktima mula sa 8th floor ng hotel.

Nagawa pang dalhin sa ospital ang biktima pero wala na rin itong buhay nang idating.

Lumabas sa imbestigasyon, naka-check in umano ang biktima kasama ang girlfriend na hindi na pinangalanan .

Ayon sa nobya, ilang araw na niyang napapansin na aburido ang biktima at nagsabing magpapakamatay ito at hindi niya inaasahan totohanin pala ni Hunter ang sinabi sa pamamagitan ng pagtalon sa gusali.

Sinabi pa nito, na nagulat na lamang siya nang tumungo sa balkonahe ang biktima saka tumalon .

Sa ngayon nagpapatuloy ang ginagawang imbestigasyon ng mga awtoridad kung totoong nagpakamatay ang biktima o kung may naganap na foul play sa nasabing insidente dahil wala naman nabanggit ang nobya ng dahilan ng pagpapakamatay ng biktima.

 

Please follow and like us:
Read More

LIVE STREAMING SUICIDE

suicide12

(NI ANNIE PINEDA)

PAGKALUBOG sa utang ang nagtulak sa isang ginawang para tapusin ang sariling buhay sa pamamagitan ng pagbigti at idinaan pa nito sa Facebook Live, iniulat kaninang umaga sa Cagayan de Oro City.

Kinilala ang biktimang si Evangeline de Lapuz, 40 anyos, online seller at residente ng Phase 2 Villa Trinitas, Brgy Bugo, bayan ng Puerto Cagayan de Oro City.

Batay sa report ng Puerto Police Station , natagpuan na lamang ng kanyang dalawang anak ang biktima nakabitin gamit ang lubid sa loob ng silid nito at wala nang buhay.

Lumabas sa imbestigasyon ng pulisya, nag-facebook live pa umano ang biktima sa ginawa nitong pagpapakamatay sa pag-aakalang nagbibiro lamang subalit totohanan na pala.

Nag-iwan rin umano ng dalawang pahinang suicide letter ang biktima para sa kaniyang dalawang anak na nag-aaral sa kolehiyo.

Ayon pa sa mga anak ng biktima, malaki ang problema ng kanilang ina sa pera dahil sa hindi mabayad-bayaran pagkakautang at lalo pa umanong nalulubog.

Wala naman nakikitang foul play ang mga awtoridad sa nasabing insidente.

 

Please follow and like us:
Read More

SELOS NG MISTER TINAPOS SA LUBID

(NI ANNIE PINEDA)

HINDI umano nakayanan ng isang mister ang matinding selos dahilan para wakasan ang sarilign buhay sa pamamagitan ng pagbigti, Biyernes ng gabi sa probinsya ng Aklan.

Kinilala lamang ang biktima sa alyas Boy, 50-anyos, tubong Sipalay, Negros Occidental at residente ng Brgy. Catabana, Madalag, Aklan.

Batay sa report ng Madalag-PNP, dakong alas 10:00 ng gabi nang matagpuan ang biktima na nakabitin sa biga ng kanilang bahay gamit ang lubid.

Sinubukan pang dalhin sa ospital ang biktima pero dineklara na rin itong patay ng umatending doktor.

Kuwento ng 46-anyos na asawa ng biktima, simula umuwi sa kanilang bahay si Boy, ay palagi na lamang silang nag-aaway at sa pagseselos.

Dito, sinabihan niya ang biktima na kapag palagi na lamang siyang nagseselos ay mabuting pang umuwi na lamang ito sa kanila sa Negros.

Bago ang insidente, uminom pa ng alak ang biktima hanggang sa nakita na lamang niyang nakabitin ang asawa sa biga ng kanilang bahay at wala na itong buhay.

 

Please follow and like us:
Read More

DALAGA HINIWALAYAN NG NOBYO, NAG-SUICIDE

(NI ANNIE PINEDA)

HINDI umano nakayanan ng isang dalaga ang pakikipagkalas ng kanyang nobyo dahilan para tapusin ang sariling buhay nito sa pamamagitan ng pagbigti, sa Cebu City.

Kinilala ang biktimang si Jessica Olivar Monterde, 19, ng Sitio Lutaw, Barangay Tuble, Moalboal, Cebu.

Batay sa report ng Moalboal PNP, dakong alas 4:00 ng madaling araw nang matagpuan ang katawan ng biktima na nakabitin sa loob ng kanilang bahay gamit ang lubid.

Dinala pa ang biktima sa ospital pero idineklara na rin itong patay.

Kuweto ng ina ng biktima, bago ang insidente nag-text pa sa kanya ang anak na hindi na sila magkikita, subalit binalewala niya ito .

Tatlong beses na rin umanong nagtangkang magpakamatay ang biktima subalit naagapan pa ito makalipas ang isang buwan nang nagkahiwalay sila ng kanyang nobyo.

Paniwala ng ina ng biktima na labis ang dinamdam ng anak ang paghihiwalay ng nobyo nito.

Please follow and like us:
Read More

ENGINEER NAHIWALAY SA PAMILYA, NAG-SUICIDE 

suicide12

(NI ANNIE PINEDA)

HINDI umano nakayanan ng isang engineer ang labis na pangungulila sa kanyang pamilya dahilan para wakasan ang sariling buhay sa pamamagitan ng pagbigti nang madestino sa lugar ng Ilagan City.

Kinilala ang biktimang Engineer Jesherwin Mataui Gutierrez, 23, ng Baguio City, nagtatrabaho sa isang construction company at nakadestino sa Naguilian, Isabela.

Batay sa report ng Naguilian Police Station, dakong alas 4:00 ng madaling araw nang matagpuan sa banyo ng bahay na inuupahan sa Magsaysay ang nakabigting biktima.

Lumabas sa pagsisiyasat ng pulisya, tatlong araw pa lamang simula nang dumating ang biktima sa nasabing lugar kasama ang ibang trabahador.

Kuwento ng kanyang kasamahan, nakita nilang nakaluhod ang biktima sa banyo at inakalang may ginagawa lamang ito hanggang sa napansin nila ang lubid na nakatali sa leeg ng biktima.

Agad naman dinala sa ospital ang biktima pero dineklara na rin itong patay ng mga doktor.

Nabatid, bago ang insidente, kausap pa umano ng biktima sa cellphone ang kasintahan at nagsabing labis ang kanyang pagkalungkot sa pagkakalayo sa kanyang pamilya.

Patuloy naman ang imbestigasyon ng mga awtoridad sa nasabing insidente.

 

Please follow and like us:
Read More

NEGOSYANTE LUBOG SA UTANG, NAG-SUICIDE

(NI ANNIE PINEDA)

LUBOG sa malaking pagkakautang ang nagtulak umano sa isang negosyante para tapusin ang sariling buhay sa pamamagitan ng pagbigti, iniulat sa Tuguegarao City.

Kinilala ang biktimang si Rodel Tagibao, 38, at residente ng Centro, Enrile,  Tuguegarao City.

Batay sa report ng Tuguegarao Police Station, natagpuan na lamang ang biktima na nakabitin sa loob ng kanilang silid at wala nang buhay.

Sa pagsisiyasat ng pulisya, bago ang insidente tumungo pa ang biktima sa bahay ng kanyang kapatid na si Ricardo sa San Gabriel ng nasabing lungsod at problemado umano hinggil sa mga utang nito at apektado na rin ang kanilang hanapbuhay na catering services.

Ayon naman sa ina ng biktima, nagkuwento sa kanya ang anak na may malaki itong pagkakautang.

Sinabi naman ng kasosyo at kaibigan, na problemado si Tagibao kung paano nito mababayaran ang mga pagkakautang .

Dagdag pa rito, lulong rin umano sa sugal ang biktima na isa sa mga dahilan ng pagkabaon nito ng malaking pagkakautang.

Iniimbestigahan na ng pulisya ang insidente para alamin kung totoong nagpakamatay ang biktima o kung may naganap na foul play.

 

Please follow and like us:
Read More

ESTUDYANTE IPINAHIYA NG TEACHER, NAGTANGKANG MAG-SUICIDE

suicide

(NI ANNIE PINEDA)

HINDI pa rin nagigising ang isang 16-anyos na estudyanteng nakaratay sa ospital matapos tinangkang magpakamatay sa pamamagitan ng pagbigti, nang ipahiya umano ng kanyang guro matapos mahuling nangongopya sa kalagitnaan ng eksaminasyon, iniulat kaninang umaga sa Balete, Aklan.

Problemado ang lola ng biktima kung saan kukuha ng pambayad sa pribadong ospital dahil sa halos isang buwan na rin nasa Intensive Care Unit (ICU) ang apo nitong binatilyo.

Batay sa report, naganap ang insidente Setyembre 21, ng hapon sa loob ng silid-aralan ng biktima at kumuha ng exam.

Habang nag-iikot ang kanilang guro ay nahuli umano itong nangongopya kaya kinuha ang kanyang test paper, nilamukos at pinalabas ng silid.

Dahil dito, labis umanong dinamdam ng biktima ang ginawa ng kanyang guro dahil napahiya siya sa kanyang mga kaklase at pag-uwi ng bahay nito, kumuha siya ng lubid saka itinali sa leeg at nagbigti.

Agad naman itong nakita ng kanyang lola ay nakahingi ng tulong sa mga kapitbahay saka dinala sa ospital ang biktima at patuloy pa rin inoobserbahan.

Aminado naman ang guro sa kanyang ginawa, pero hindi siya naniniwalang iyon ang dahilan ng tangkang pagpapakamatay ng kanyang estudiyante.

Nabatid, na transferee ang biktima sa paaralan at ang lola nito ang tumatayong guardian dahil ang kanyang ina ay nagtatrabaho.

 

Please follow and like us:
Read More

WALANG TEXT, TAWAG SI MISIS; 74-ANYOS LOLO NAGBIGTI

(NI ANNIE PINEDA)

HINDI na nakapaghintay pa ang isang lolo na matatawagan pa ito ng kanyang misis, dahilan para wakasan ang sariling buhay sa pamamagitan ng pagbigti, sa Roxas City.

Kinilala ang biktima sa pangalan Teddy, 74, ng Barangay Lawaan, Roxas City.

Batay sa report ng pulisya, natagpuan na lamang ang biktima ng kanyang kapatid na si Mary sa kusinang bahagi ng bahay nito na nakabigti gamit ang nylon cord.

Kaagad naman siyang humingi ng tulong sa kanilang kaanak na si Adelina Arciga at dinala pa sa ospital ang biktima pero wala na rin itong buhay nang idating.

Lumabas sa imbestigasyon, wala naman naikuwentong problema ang biktima maliban sa pagdamdam nitong hindi na siya tinatawagan ng kanyang misis na nagtatrabaho sa Metro Manila.

Nabatid na kasama ng biktima ang kanyang anak na lalaking namamasada ng tricycle .

Posible umanong na-depress ang biktima sa pag-iisip sa kanya ng asawa at naisip na kinalimutan na siya nito.

Please follow and like us:
Read More

BIGO SA PAG-IBIG; MATANDANG BINATA NAG-SUICIDE

suicide12

(NI FRANCIS SORIANO)

DAHIL sa labis na pagmamahal at depresyon ay nawala sa katinuan ang isang binata na nagresulta sa pagpapatiwakal nito sa Malabon City.

Sa ulat nina P/Cpls, Joenel Claro at Michael Oben na isinumite kay Malabon police chief P/Col. Jessie Tamayao, kinilala ang biktima  na si Eric Corre, 44, at residente sa Blk 10B Lot 12 Phase 3 E-1 Dagat-Dagatan, Brgy. Longos.

Ayon sa awtoridad, mismong ang ina n Eric na si Basilisa Corre, 78, biyuda, ang nakadiskubre sa bangkay ng anak na nakabitin, gamit ang isang kawad ng kuryente na ipinulupot sa kanyang leeg at itinali ang kabilang dulo sa kahoy ng kisame dakong alas-5:30 ng hapon.

Inamin din umano ng ina ng biktima sa pulisya na nagsimulang mawalan ng sigla ang makulay na buhay ng anak nang tuluyang iwan ng dalaga ang anak na naging dahilan umano sa pagpapatiwakal nito.

Please follow and like us:
Read More

NAKALIGTAS SA MURIATIC, ALCOHOL; NATULUYAN SA NYLON CORD

(NI ANNIE PINEDA)

SA ikatlong pagkakataong pagtatangka sa kanyang buhay, natuluyan ang isang lalaki na may problema sa pag-iisip nang magpakamatay sa pamamagitan ng pagbigti, iniulat kaninang umaga sa probinsya ng Leyte.

Kinilala ang biktimang si Jay Cayubit, 24, ng Brgy. Caltayan, La Paz Leyte.

Batay sa report ng La Paz Municipal Police Station, nakabitin  at wala nang buhay nang matagpuan ng kanyang ina ang biktima sa kusina ng kanilang bahay matapos magbigti gamit ang nylon cord.

Kuwento ng ina ng biktima, may problema sa pag-iisip ang biktima at tatlong beses na rin itong nagtangkang magpakamatay sa pamamagitan ng pag-inom ng muriatic acid at alcohol, pero naagapan ito.

Nabatid na una na rin nagpakamatay ang lola at tiyuhin ng biktima.

Wala naman nakikita ang mga awtoridad na may foul play sa nasabing insidente.

 

Please follow and like us:
Read More

13-ANYOS BABAENG ESTUDYANTE NAGBIGTI

(NI ANNIE PINEDA)

PALAISIPAN ngayon sa mga awtoridad ang pagpapakamatay ng isang 13-anyos na babae sa pamamagitan ng pagbigti, sa probinsya ng Capiz.

Natagpuan ang bangkay ng grade 7-student na nakabigti sa pinagagawang kubo ng kanyang tiyuhin sa Barangay Sublangon, Pontevedra, Capiz.

Lumabas sa imbestigasyon, nagulat na lamang ang mga batang naglalaro sa kubo nang makita nilang ang biktima na nakabigti gamit ang nylon cord.

Agad dinala sa ospital ang biktima pero idineklara na rin itong patay ng umatending doktor.

Sa paunang imbestigasyon ng pulisya, nakita sa lugar ng pinangyarihan ng insidente ang Christmas card na inihabilin ng biktima.

Nagpapatuloy naman ang imbestigasyon ng pulisya para alamin kung totoong nagpakamatay ang biktima o kung may naganap na foul play sa nasabing insidente.

 

Please follow and like us:
Read More

MASALIMUOT NA BUHAY TINAPOS SA LUBID

(NI MAC CABREROS)

DALA ng matinding galit, tinapos ng isang tricycle driver ang kanyang buhay sa pamamagitan ng pagbigti sa Pasig City.

Nakapulupot ang nylon cord na nakabitin sa biga ng comfort room nang matagpuan ang bangkay ni Gregorio Caguicla, 50, ng Unit C, Block 62 Lot 5, KC 27 Kaayusan St., corner Kaluwagan St., Karangalan Village, Brgy. Mangahan, Pasig City.

Alas-6:30 ng gabi ng Biyernes nang makita ang bangkay ng biktima ng kanyang anak na si John Wesley at walang nakitang external injury sa katawan ng biktima, ayon SOCO-EPD chief Lt. Col. Marriance
Ebdane.

Bago ang insidente, may pagtatalong naganap sa kanyang ive-in partner, dagdag LtCol. Ebdane.

Samantala, bangkay nang lumutang sa Marikina River si Jamal Soliman, 26, construction worker, matapos ang paulit-ulit na pag-dive mula sa Tumana bridge sa Barangay Tumana, Marikina City.
Sa ulat, huling nakitang buhay si Soliman na ilang beses na tumalon sa tulay at lumangoy hapon ng Huwebes.

Sa huling dive nito ay hindi na ito lumutang kaya nagresponde ang Rescue 161 ngunit nabigo.

Alas-kuwatro ng hapon ng Biyernes nang makita ang lumubog bangkay ng biktima at naiahon gamit ng backhoe.
Pinigilan ng pamilya ni Soliman ang mga awtoridad na magsagawa ng karagdagang imbestigasyon.

Please follow and like us:
Read More

ARCHITECTURE STUDENT, NAGBIGIT SA DOUBLE DECK BED 

(NI ANNIE PINEDA)

POSIBLE umanong depresyon ang nagtulak sa isang Architecture student matapos magpakamatay sa pamamagitan ng pagbigti , sa Iloilo City.

Hindi muna pinangalanan ng mga awtoridad ang 21-anyos na biktima, nag-aaral sa isang unibersidad sa Iloilo City at residente ng Culasi, Antique.

Ayon sa pulisya, nagulat na lamang ang boardmates ng biktima nang makita  sa double deck na nakabigti gamit ang nylon cord at wala nang buhay.

Kaagad naman ipinalaam sa mga awtoridad ang nasabing insidente.

Paniwala ng mga kakilala ng biktima, maaring na-depress ito dahil sa madalas nilang nakikitang nahihirapan ito sa pag-aaral.

Nagpapatuloy naman ang imbestigasyon ng pulisya sa naturang pangyayari.

Please follow and like us:
Read More

GINANG TUMANGGI SA MENTAL HOSPITAL, NAG-SUICIDE

suicide12

MINABUTI pang wakasan ang sariling buhay ng isang ginang sa pamamagitan ng pagbigti sa halip magpagamot sa mental hospital, sa Banga, Aklan.

Nakabitin at walang buhay nang matagpuan ang 64-anyos na ginang at residente ng Brgy. Bacan, Banga, Aklan.
Batay sa report ng Banga Municipal Police Station, nadiskubre na lamang ng kanyang kapatid ang biktima sa likod ng kanilang bahay na nakabitin sa puno ng pomelo gamit ang electrical wire.

Ayon sa mga kapatid ng biktima, nakatakda na sana nilang dalhin kinabukasan ang kanilang kapatid sa mental hospital sa Iloilo City para ipagamot dahil lumalala na ang kondisyon nito.

Subalit, hindi nila akalain magpapakamatay ito.

Isinailalim naman otopsiya ang bangkay ng biktima para alamin kung totoong nagpakamatay ang biktima o kung may naganap na foul play sa nasabing insidente.

 

Please follow and like us:
Read More

KALABAW RAPIST, NAG-SUICIDE SA KAHIHIYAN

(NI ANNIE PINEDA)

HINDI umano nakayanan ng isang mister ang labis na kahihiyan sa kanilang lugar dahilan para wakasan ang sariling buhay sa pamamagitan ng pagbigti, nang pag-usapan ito hinggil sa umano’y panggagahasa nito sa kalabaw ng kanilang kapitbahay, sa Zamboanga del Norte.

Kinilala ang biktimang si Victor Balangas, 28, residente sa bayan ng Jose Dalman, ng nasabing lungsod.

Batay sa report ng pulisya, umaga ng Miyerkoles, nakita na lamang ng kanyang asawa ang biktima na nakabigti sa puno ng makopa sa labas ng kanilang bahay, gamit ang pisi.

Ayon sa misis ni Balangas, minsan na rin umanong nagtangkang magpakamatay ang biktima dahil sa matinding problema sa pamilya pero naagapan ito.

Subalit, nitong nakaraan araw, naging usap-usapan sa kanilang lugar ang umano’y panggagahasa ng biktima sa isang alagang kalabaw ng kanilang kapitbahay at labis itong dinamdam ni Balangas.

Paniwala naman ng misis ng biktima, maaring nadagdagan ang problema ng mister at labis na kahihiyan kaya nagawa nitong magpakamatay.

 

Please follow and like us:
Read More

NAGSAWA SA HIRAP

(NI ANNIE PINEDA)

TINAPOS  ng isang magsasaka ang paghihirap umano nito sa buhay sa pamamagitan ng pagbigti, iniulat kaninang umaga sa lalawigan ng Cagayan.

Kinilala ang biktimang si Santiago Capili, 34, ng Cabatakan West Lasam, Cagayan.

Batay sa report ng PNP Lasam, natagpuan ang bangkay ng biktima na nakabigti sa kanilang terrace at wala nang buhay.

Kuwento ng misis ng biktima, bago ang insidente Set. 19, ng gabi, habang sila ay natutulog , nagsabi pa sa kanya ang mister tungkol sa problema nito sa hirap ng pamumuhay.

Kinabukasan paggising ng asawa ng biktima, nakita niya ang mister na nakabigti.

Kaagad naman siyang humingi ng tulong sa mga awtoridad at kinalas ang katawang ng biktima mula sa pagkakabitin.

 

Please follow and like us:
Read More

MISIS, ANAK LUMAYAS; MISTER NAGBIGTI  

(NI ANNIE PINEDA)

HINDI umano nakayanan ng isang mister ang pag-iwan sa kanya ng misis nito at dalawa nilang anak, dahilan para wakasan ang sariling buhay sa pamamagitan ng pagbigti, sa Cagayan de Oro City.

Kinilala ang biktimang si Jeffrey Cognito, 27, ng Adela drainage, Pinikitan, Camaman-an sa nasabing lungsod.

Batay sa report ng Cogon Police Station, natagpuan na lamang ang biktima sa kanyang silid na nakabigti at wala nang buhay.

Sa pagsisiyasat ng pulisya, bago ang insidente, naglasing ang biktima nang layasan ito ng kanyang misis, kasama ang mga anak.

Naniniwala naman ang mga kaanak ng biktima na totoong nagpakamatay si Cognito dahil sa depresyon at hindi nakayanan ang pag-iwan sa kanya ng binuo nitong pamilya.

Please follow and like us:
Read More

GRADE 10 STUDENT BAGSAK SA SUBJECT, NAGBIGTI

(NI ANNIE PINEDA)

HINDI umano matanggap ng isang dalaga ang pagbagsak nito sa isang subject dahilan para tapusin ang sariling buhay sa pamamagitan ng pagbigti, iniulat kaninang umaga sa Iloilo City.

Wala nan buhay nang matagpuan ang biktima na kinilala sa alyas Nene, 18, grade 10-student at residente ng Bgy. Datagan, Calinog Iloilo City.

Ayon kay Police Staff Sergeant Jerson Pulmones, imbestigador ng Calinog Municipal Police Station, nakita na lamang ang biktima na nakabitin sa loob ng kanyang silid gamit ang lubid. Lumabas sa imbestigasyon ng pulisya, bago ang insidente, tinawagan ng biktima ang kanyang mga magulang na pumunta sa paaralan nito dahil may bagsak itong subject.

Hindi umano tumalima ang mga magulang ng biktima kaya nagtampo ito sa mga magulang at nagkulong na sa kanyang silid at  nagpakamatay.

Nagkuwento rin ang biktima sa kanyang pinsan na labis niyang dinamdam ang kawalan ng suporta ng kanyang mga magulang sa kanyang pag-aaral.

Nabatid, na ilang beses na rin umanong nagtangkang magpakamatay ang biktima at sa huling pagtangka nito ay natuluyan na ito.

Please follow and like us:
Read More

TRIKE DRIVER NANGMOLESTIYA, NAGBIGTI SA SELDA

(NI NICK ECHEVARRIA)

NAGBIGTI ang isang tricycle driver sa loob ng selda dahil sa labis na kahihiyan makaraang maaresto ito at makulong sa kasong pangmo-molestiya sa isang menor-de-edad sa Oriental Mindoro, Sabado ng umaga.

Nakilala ang preso na nagbigti gamit ang tali ng kanyang sapatos sa detention cell ng Criminal Investigation and Detection Group-Regional Force Unit (CIDG-RFU) 4B sa Brgy. Suqui, Calapan City sa nasabing lalawigan na si Fernando Bahia Rivera, 52, tricycle driver, residente ng Barangay Lazareto, sa parehong lungsod.

Nagawang magbigti ng nasabing preso matapos umanong pagdugtungin  ang sintas ng kanyang sapatos at saka itinali sa kanyang leeg habang ang kabilang dulo naman ay ipinalupot sa rehas na bakal ng kulungan na nagresulta sa kamatayan nito.

Ayon sa imbestigasyon si Rivera ay inaresto ng mga awtoridad noong Biyernes ng gabi sa kasong Sexual Assault in Relation to 7610 , bagamat hindi na binanggit ang pangalan ng biktima na minolestiya nito.

Ipinalalagay ng pulisya na hindi nakayanan ng nagbigting preso ang labis na kahihiyan sa nagawang kasalanan kaya naisipan nitong kitilin ang sariling buhay sa pamamagitan ng pagbibigti.

Hindi naman inaalis ng pulsiya ang posibleng pagkakaroon ng foul play kaya dinala muna sa Crime laboratory ang bangkay ng preso sa kaukulang pagsusuri.

 

Please follow and like us:
Read More

LAGING SAWI; OBRERO BASTED SA BABAE, NAGBIGTI

suicide12

(NI ANNIE PINEDA)

HINDI umano matanggap ng isang construction worker na palaging nababasted sa mga babaeng kanyang nililigawan dahilan para wakasan ang sariling buhay sa pamamagitan ng pagbigti, sa Baguio City.

Ang biktima ay kinilala lamang sa alyas Boy, 23, ng  Sison Pangasinan at nagtatrabaho sa Purok 9, Pinsao Proper, Baguio City.

Batay sa report ng Baguio City Police Station, nakita na lamang ang biktima na nakabitin gamit ang electrical cord sa construction site na pinagtrabahuan nito.

Kuwento ng mga kasamahan ng biktima, bago ang insidente, nakipag-inuman pa ito at nang malasing ay pumasok na sa kanilang higaan sa pag-aakalang matutulog na ito.

Pero, pagpasok ng mga katrabaho ng biktima ay nakita na nila itong nakabigti at wala nang buhay.

Nabatid, na madalas umanong nakikitang tulala ang biktima dahil sa problema nito sa mga babaeng kanyang nagugustuhan.

Tumanggi naman ang pamilya na isailalim sa otopsiya ang bangkay ng biktima.

 

Please follow and like us:
Read More