MISIS, ANAK LUMAYAS; MISTER NAGBIGTI  

(NI ANNIE PINEDA)

HINDI umano nakayanan ng isang mister ang pag-iwan sa kanya ng misis nito at dalawa nilang anak, dahilan para wakasan ang sariling buhay sa pamamagitan ng pagbigti, sa Cagayan de Oro City.

Kinilala ang biktimang si Jeffrey Cognito, 27, ng Adela drainage, Pinikitan, Camaman-an sa nasabing lungsod.

Batay sa report ng Cogon Police Station, natagpuan na lamang ang biktima sa kanyang silid na nakabigti at wala nang buhay.

Sa pagsisiyasat ng pulisya, bago ang insidente, naglasing ang biktima nang layasan ito ng kanyang misis, kasama ang mga anak.

Naniniwala naman ang mga kaanak ng biktima na totoong nagpakamatay si Cognito dahil sa depresyon at hindi nakayanan ang pag-iwan sa kanya ng binuo nitong pamilya.

Please follow and like us:
Read More

GRADE 10 STUDENT BAGSAK SA SUBJECT, NAGBIGTI

(NI ANNIE PINEDA)

HINDI umano matanggap ng isang dalaga ang pagbagsak nito sa isang subject dahilan para tapusin ang sariling buhay sa pamamagitan ng pagbigti, iniulat kaninang umaga sa Iloilo City.

Wala nan buhay nang matagpuan ang biktima na kinilala sa alyas Nene, 18, grade 10-student at residente ng Bgy. Datagan, Calinog Iloilo City.

Ayon kay Police Staff Sergeant Jerson Pulmones, imbestigador ng Calinog Municipal Police Station, nakita na lamang ang biktima na nakabitin sa loob ng kanyang silid gamit ang lubid. Lumabas sa imbestigasyon ng pulisya, bago ang insidente, tinawagan ng biktima ang kanyang mga magulang na pumunta sa paaralan nito dahil may bagsak itong subject.

Hindi umano tumalima ang mga magulang ng biktima kaya nagtampo ito sa mga magulang at nagkulong na sa kanyang silid at  nagpakamatay.

Nagkuwento rin ang biktima sa kanyang pinsan na labis niyang dinamdam ang kawalan ng suporta ng kanyang mga magulang sa kanyang pag-aaral.

Nabatid, na ilang beses na rin umanong nagtangkang magpakamatay ang biktima at sa huling pagtangka nito ay natuluyan na ito.

Please follow and like us:
Read More

TRIKE DRIVER NANGMOLESTIYA, NAGBIGTI SA SELDA

(NI NICK ECHEVARRIA)

NAGBIGTI ang isang tricycle driver sa loob ng selda dahil sa labis na kahihiyan makaraang maaresto ito at makulong sa kasong pangmo-molestiya sa isang menor-de-edad sa Oriental Mindoro, Sabado ng umaga.

Nakilala ang preso na nagbigti gamit ang tali ng kanyang sapatos sa detention cell ng Criminal Investigation and Detection Group-Regional Force Unit (CIDG-RFU) 4B sa Brgy. Suqui, Calapan City sa nasabing lalawigan na si Fernando Bahia Rivera, 52, tricycle driver, residente ng Barangay Lazareto, sa parehong lungsod.

Nagawang magbigti ng nasabing preso matapos umanong pagdugtungin  ang sintas ng kanyang sapatos at saka itinali sa kanyang leeg habang ang kabilang dulo naman ay ipinalupot sa rehas na bakal ng kulungan na nagresulta sa kamatayan nito.

Ayon sa imbestigasyon si Rivera ay inaresto ng mga awtoridad noong Biyernes ng gabi sa kasong Sexual Assault in Relation to 7610 , bagamat hindi na binanggit ang pangalan ng biktima na minolestiya nito.

Ipinalalagay ng pulisya na hindi nakayanan ng nagbigting preso ang labis na kahihiyan sa nagawang kasalanan kaya naisipan nitong kitilin ang sariling buhay sa pamamagitan ng pagbibigti.

Hindi naman inaalis ng pulsiya ang posibleng pagkakaroon ng foul play kaya dinala muna sa Crime laboratory ang bangkay ng preso sa kaukulang pagsusuri.

 

Please follow and like us:
Read More

LAGING SAWI; OBRERO BASTED SA BABAE, NAGBIGTI

suicide12

(NI ANNIE PINEDA)

HINDI umano matanggap ng isang construction worker na palaging nababasted sa mga babaeng kanyang nililigawan dahilan para wakasan ang sariling buhay sa pamamagitan ng pagbigti, sa Baguio City.

Ang biktima ay kinilala lamang sa alyas Boy, 23, ng  Sison Pangasinan at nagtatrabaho sa Purok 9, Pinsao Proper, Baguio City.

Batay sa report ng Baguio City Police Station, nakita na lamang ang biktima na nakabitin gamit ang electrical cord sa construction site na pinagtrabahuan nito.

Kuwento ng mga kasamahan ng biktima, bago ang insidente, nakipag-inuman pa ito at nang malasing ay pumasok na sa kanilang higaan sa pag-aakalang matutulog na ito.

Pero, pagpasok ng mga katrabaho ng biktima ay nakita na nila itong nakabigti at wala nang buhay.

Nabatid, na madalas umanong nakikitang tulala ang biktima dahil sa problema nito sa mga babaeng kanyang nagugustuhan.

Tumanggi naman ang pamilya na isailalim sa otopsiya ang bangkay ng biktima.

 

Please follow and like us:
Read More

MISTER NABURYONG SA NAGGER NA MISIS, NAGBIGTI

(NI HARVEY PEREZ)

WALA nang buhay nang madiskubre ng kanyang misis  ang isang 37-anyos na lalaki matapos pagbintangan na may ibang ‘babae’ , Martes ng umaga sa Tondo,Maynila.

Kinilala ni PSSg Niño Baladjay, ng Manila Police District-homicide section, ang biktima na  si  Christopher Pincas , ng Gate 14 Area –B Parola Compound.

Alas 7:45 ng umaga nang makita ni Analyn, misis ng biktima, ang mister na nakabigti sa kanilang bahay, gamit ang  isang nylon cord .

Alas 12:00 umano ng madaling araw nang huling makita ang biktima matapos nitong makipagkwentuhan sa ilang  kapitbahay.

Nabatid kay Analyn na na nagkaroon umano  silang hindi pagkakaunawaan ng mister dahil sa umano’y pambabae ng biktima.

Wala namang direktang inamin ang misis ng biktima na mayroon babae ang mister.

Posible umanong  naburyong ang biktima sa pagseselos ng kanyang misis kaya nagpakamatay.

Please follow and like us:
Read More

ESTUDYANTE LAGPAK KAY PROF, TUMALON SA SCHOOL, TODAS

crime12

(NI JG TUMBADO)

HINIHINALANG problema sa pamilya at paaralan ang dahilan ng pagpapakamatay sa pamamagitan ng pagtalon nito mula sa mismong gusali ng paaralan ng 19-anyos na college student sa Olongapo City, Lunes ng umaga.

Idineklarang dead on arrival ni Dr. Raymond Ramos, City Health Physician sa ospital, ang biktimang mag-aaral sa Gordon College sa Barangay Tapinac, residente ng San Jose St., Bangal, Dinalupihan, Bataan.

Ayon kay Olongapo City Police Office (OCPO) Director Lt. Col. Benjamin Sembrano, alas 8:20 ng umaga nang wala nang buhay na madiskubre ni Allan Mallari, internal security ng paaralan, ang bangkay ng estudyante sa loob ng compound ng nabanggit na paaralan.

Lumalabas sa imbestigasyon, nahagip ng CCTV camera ang biktima na umupo umano sa railings ng ikatlong palapag at saka tumalon at diretsong bumulusok sa ground floor ng gusali.

Nabatid na may iniinda umanong problema sa pamilya ang biktima base na rin sa ilang impormasyon na nakita sa kanyang cellphone at napag-alaman din na nakadagdag pa sa problema ng estudyante ang isinumiteng school project nito na umanoy tinanggihan naman ng kanyang professor.

Sinisiguro naman ng pulisya na walang naganap na foul play sa insidente.

Please follow and like us:
Read More

‘UMUWI KA NA, BABY!’ 

(NI ANNIE PINEDA)

LABIS umanong pangungulila na nauwi sa hindi pagkakaunawaan ang nag-udyok sa isang mister para tapusin ang sariling buhay sa pamamagitan ng pagbaril sa ulo, iniulat kaninang umaga sa probinsya gn Camarines Sur.

Kinilala ang biktimang Ronelo Piel, 42, at residente ng San Fernando, Camarines Sur.

Batay sa report ng Camarines Sur -PNP,  naabutan na lamang ng kanyang pinsan ang biktima sa loob ng bahay nito na naliligo sa sariling dugo at wala nang buhay.

Agad naman ipinagbigay-alam sa pulisya ang insidente at nakitaan ng tama ng bala ng baril sa ulo ang biktima na naging dahilan ng kamatayan nito.

Nakuha sa biktima ang hawak pa nitong cellphone. Nakuha rin sa pinangyarihan ng insidente ang ilang basyo ng bala at magazine na may mga laman na bala.

Kuwento ng pamilya ng biktima, nagkaroon ng hindi pagkakaunawaan ang biktima at asawa nito na nagtatrabaho sa ibang bansa at gusto na umano nitong pauwiin ng bansa.

Nagpapatuloy naman ang imbestigasyon ng pulisya para alamin kung totoong nagpakamatay ang biktima o kung may naganap na foul play sa nasabing insidente.

Please follow and like us:
Read More

MAY SUITOR ANG LIVE-IN PARTNER; LALAKI NAGBIGTI

bigti

(NI BONG PAULO)

PINANINIWALAANG sobrang selos ang dahilan kung bakit kinitil ng isang 28-anyos na construction worker ang sarili sa Brgy. Hayanggabon, sa bayan ng Claver, Surigao del Norte, Miyerkoles ng madaling araw.

Batay sa ulat ng Claver Municipal Police Station, kinilala ang biktima na si Sonny Saraos, isang construction worker at ng Purok 10, Brgy. Aupagan sakop ng lungsod ng Butuan.

Lumalabas sa imbestigasiyon na bago nagpakamatay ang biktima ay nag-away umano sila ng kanyang live-in partner dahil sa pagseselos ni Saraos sa kasama din nitong construction worker.

Nagbanta din ito sa kanyang asawa na aalis na lamang.

Gayunman, ilang minuto ang nakalipas ay nakita itong nakabitin sa ilalim ng tulay gamit ang isang cord.

Inaalam pa kung may foul play sa pagkamatay ng biktima.

 

Please follow and like us:
Read More

SYOTA NAGPAPALIGAW PA SA IBA; BF NAGBARIL SA ULO

crime55

(NI ANNIE PINEDA)

MINSAN pang napatunayan na walang mabuting dulot ang matinding selos, makaraan tapusin ng isang binata ang sariling buhay sa pamamagitan ng pagbaril sa sarili dahil matinding pagseselos, sa Isabela.

Kinilala ang biktimang si Clifford Nazzer Bustamante, 22, residente ng P2, Brgy. Lusod, Maddela, Quirino.

Batay sa report ng Maddela-PNP, naganap ang insidente sa tabi ng ilog sa Brgy. Lusod, Maddela, Quirino.

Lumabas sa pagsisiyasat ng pulisya, may pinagseselosan umano ang biktima na nanliligaw sa kanyang nobya kaya niyaya nito ng inuman ang mga kaibigan para sana maibsan ang nararamdaman.

Kuwento ng mga kaibigan ng biktima na sina Ronald Bugaoisan, Paul Jeffrey Medina at Kleynard Secolles, pawang residente sa naturang lugar, masaya pa silang nag-iinuman at naibulalas ni Bustamante sa kanila ang sama ng loob na may pinagseselosan siya.

Saglit lamang nagpaalam ang biktima at tumungo ito sa kanyang sasakyan na nakaparada malapit sa kanilang pinag-iinuman at may kukunin lamang siya.

Pero, laking gulat na lamang nila ng makarinig ng putok ng baril mula sa sasakyan ng biktima kaya kanila itong pinuntahan.

Tumambad sa kanilang harapan ang naliligo sa sariling dugo at wala ng buhay ang biktima sanhi ng tama ng bala ng .38 revolver sa kanyang ulo.

 

 

 

Please follow and like us:
Read More

SUMUKO SA SELOSANG MISIS; MISTER NAGBIGTI

Ni FRANCIS SORIANO

PINILING magpatiwakal kaysa magtiis ang isang 44-anyos na mister matapos umanong manawa sa pagbubunganga ng kanyang asawa at malimit nilang pagtatalo dahil sa pagseselos sa Valenzuela City, Linggo ng gabi.

Kinilala ng awtoridad ang biktimang si William Aquino na nakabigti ng sinturon sa kanilang bahay sa 87 Santos Compound, Malinta Bukid.

Ayon sa ulat,  natagpuan ng anak nitong Nejohn, 11 ang bangkay ng ama na nakabigti ng sinturon sa kanilang bahay dakong alas-10:30 na siya rin nadaanan ng kanyang anak na si Althaea ng itoy umuwi galing sa trabaho.

Dahil dito ay agad na pinutol ng ginang ang nakapulupot na sinturon sa leeg ng kabiyak at itinakbo ito sa Valenzuela Medical Center kung saan siya idineklarang dead-on-arrival.

Lumabas din sa imbestigasyon na bago nangyari ang insidente ay nagkaroon ng pagtatalo noong nakaraang Sabado ang mag asawa dahil sa selos.

Please follow and like us:
Read More

PAMANGKIN PINATAY; TIYUHIN NAG-SUICIDE

(NI HARVEY PEREZ/PHOTO BY KIER CRUZ)

KAPWA namatay ang  magtiyuhin matapos unang barilin sa ulo ang  kanyang 64-anyos na pamangkin bago nagbaril rin  sa ulo ang isang 72-anyos na lalaki dahil sa matagal nang alitan, Linggo ng umaga sa Pandacan, Maynila.

Sa imbestigasyon ni PMSg Dennis Suba, ng Manila Police District-Police Station 10, namatay noon din ang biktimang si Eduardo Magalona, taxi driver, residente ng 1832 Int 22 Dapo St. Pandacan, Maynila dahil sa tama ng bala sa ulo mula ng .38 kalibre ng baril.

Habang nagbaril rin sa sarili ang suspek na si  Arnulfo Gaton,72, OFW, at residente rin sa nabanggit na lugar at tiyuhin ng biktima.

Ang  insidente ay naganap dakong alas 8:40 ng umaga sa harap ng bahay ng magtiyuhin habang nagdidilig ng kanyang halaman ang biktima.

Nilapitan umano ito ng suspek at saka binaril sa ulo at nang makitang napuruhan ang  pamangkin ay nagbaril na rin ito sa sentido.

Ayon sa  impormasyon, nalaman na may matandang alitan ang magtiyuhin na siyang tinitingnan motibo ng pagpaslang sa biktima.

Patuloy naman iniimbestigahan ang insidente.

Please follow and like us:
Read More

SA DULO NG WALANG HANGGAN

suicide12

(NI MAC CABREROS)

MATINDING depression nang mamatay ang asawa noong Abril ang dahilan ng isang Japanese upang tapusin ang kanyang buhay sa pamamagitan ng pagbigti, sa Marikina City.

Isang suicide note ang nakita nang matagpuan ang nakabigting bangkay ni Hisashi Onodera, 70, sa Room 1008 10th Floor, Cordova Tower, Marquinton Residences, Cirma St., Brgy. Sto. Nino.

Nakasaad sa sulat na lubhang nalulungkot si Onodera dahil sa pagpanaw ng asawa noong Abril 10, ayon sa awtoridad.

Ang nakabitin na bangkay ni Onodera ay natagpuan ni Salvacion Cosca upang kunin ang bayad sa upa.

Samantala, natagpuang nakahandusay ang bangkay ni Rudy Santos, 81, sa Dorm 1 ng Marikina City Social Welfare and Development Office sa Jacamar St., Brgy. Sta. Elena, Marikina City, alas-9:30 umaga nitong Biyernes.

Walang nakitang external injury sa bangkay kaya’t pinapalagay na nasawi ito sa natural na paraan.

Si Santos ay dinala sa CSWDO noong Agosto 15 dahil palaboy ito sa kalsada.

 

Please follow and like us:
Read More

MAG-ASAWA NAGBARIL SA SARILI SA P2-M UTANG

crime

(NI HARVEY PEREZ)

MALAKING pagkakautang ang tinitingnan na dahilan ng pagpapakamatay ng isang mag-asawa sa pamamagitan ng pagbaril  sa sentido sa loob ng kanilang sasakyan, Huwebes ng hapon sa Quiapo, Maynila.
Wala nang buhay nang makita ng security guard ang biktimang si Ellaine Timola, 32, ng  942 Interior 17, Bilibid  Viejo Street, Quiapo, Maynila.

Hawak pa nito ang isang .38 kalibre ng baril na ginamit sa pagbaril sa sentido.

Habang isinugod naman sa Mary Chiles Hospital ang kanyang mister na si Alex Timola, 32, na nasa driver seat nang mapansin ng mga barangay tanod na humihinga pa pero walang malay.

Ayon sa imbestigasyon ni PSSG Roderick Magpale, ng Manila Police district-homicide section, hinalang unang binaril ni Ellaine ang asawa bago niya binaril ang sarili.

Sinabi ng security guard na si Michael Apellido, 31, ng RBB Security Agency na nakatalaga sa Yunitrade Residences YMCC Building, makarinig umano siya ng magkasunod na putok dakong alas 5:30 ng hapon sa loob ng nakaparadang  sasakyan na kulay pulang Mitsubishi Mirage na may plakang NBY 2826, sa may Bilibid Viejo St., Quiapo, Manila, harap of YMCC Building.

Pinuntahan ni Apellido ang pinanggalingan ng putok  at dito niya nakita ang mga duguang biktima kaya kaagad siyang humingi ng tulong sa Barangay Tanod.

Ayon sa impormasyon ng pulisya nanggaling  umano sa barangay hall ang mag-asawa bago naganap ang pagbaril sa sarili  dahil sa isyu ng kanilang mga utang na aabot sa P2 milyon.

Nalaman na lulong umano sa casino ang mag-asawa.

Patuloy ang MPD sa imbestigasyon sa naganap na insidente.24

Please follow and like us:
Read More

PIPI ‘DI MAKAPANGLIGAW SA CRUSH NAGBIGTI

(NI ANNIE PINEDA)

DAHIL umano hindi maisabi ang kanyang pagmamahal sa kanyang nililiyag na babae, tinapos na lamang ng isang binata na pipi ang sariling buhay sa pamamagitan ng pagbigti , sa Roxas City.

Kinilala ang biktimang sa alyas Noy Dala, at residente ng Barangay Cagay, ng nasabing lungsod.

Batay sa report ng pulisya, nakita ang biktima na nakabitin sa puno ng kahoy sa labas ng kanilang bahay gamit ang lubid.

Kuwento ng ina ng biktima na si Madelyn Dala, nagulat na lamang siya nang makita ang anak na nakabitin sa punong kahoy at wala nang buhay.

Sinabi nito na wala naman problema ang kanyang anak sa kanilang pamilya maliban sa pag-ibig nito.

Posible umanong desperado ang biktima na masabi ang mga matatamis na pag-ibig nito sa babaeng kanyang nililiwagan at tiyak na hindi rin siya sasagutin kaya nagawa na lamang nitong magpakamatay.

Patuloy naman ang imbestigasyon ng pulisya para alamin kung totoong nagpakamatay ang biktima o kung may naganap na foul play sa nasabing insidente.

 

Please follow and like us:
Read More

KOREANO NAG-SUICIDE SA HOTEL

(NI KOI HIPOLITO)

PATAY ang isang Korean national na may tama ng bala sa ulo nang matagpuan sa loob ng hotel sa Pasay City nitong Sabado ng hapon.

Nakilala ang biktima na si Gunhyung Kim, 19. Isang tama ng bala sa ulo ang tumapos sa buhay nito.

Batay sa ulat nakatanggap ng tawag sa telepono bandang 6:45 ng gabi ang Pasay City Police Station tungkol sa natagpuang bangkay ng isang Koreano sa loob ng Winston Hotel sa Pasay City.

Ayon sa supervisor na si Ayie Calcena, tinawagan nila ang biktima para ipaalam na tapos na ang oras nito sa pag-okupa ng kuwarto subalit wala umanong sumasagot ng telepono. Minabuti ni Calcena at ng isang staff na katukin ang kuwarto ng biktima subalit hindi pa rin ito lumalabas kaya’t napilitan na ang mga empleyado na buksan ang pinto gamit ang isang duplicate key.

Doon ay tumambad ang wala nang buhay na biktima. Nasa tabi nito ang isang isang cal.22 na baril.

Nagsasagawa na ang SOCO Camp Crame ng technical investigation sa crime scene para alamin kung may foul play sa biktima.

Please follow and like us:
Read More

MISTER NAG-SUICIDE HABANG KA-VIDEO CHAT ANG MISIS

(NI ANNIE PINEDA)

HINDI nakayanan ng isang janitor ang labis na pangungulila sa kanyang asawa dahilan para tapusin ang sariling buhay nito sa pamamagitan ng pagbigti, sa Iligan.

Kinilala ang biktimang si Lindif Lungtad Ligutom, 26, janitor sa paaralan ng MSU IIT at residente ng Purok 7 Tambo, Hinaplanon, Iligan City.

Batay sa report ng pulisya, dakong alas 9:30 ng umaga nang matagpuan ang biktima na nakabitin sa pintuan ng kanilang bahay.

Sa pagsisiyasat ng pulisya, Agosto 14, nang umalis papuntang ibang bansa ang misis ng biktima para doon magtrabaho.

Ipinakita pa ng biktima sa kanyang asawa sa pamamagitan ng video chat ang kanyang pagpapakamatay.

Kuwento ng kapitbahay ng biktima na si Rogel Bacus, nagulat ng lamang siya nang makita si Ligutom na nakabigti sa pintuan ng bahay nito gamit ag nylon cord at wala nang buhay.

 

Please follow and like us:
Read More

DALAGA, TIYUHIN, SABAY NAGBIGTI SA BARRACKS

suicide

(NI ROSE PULGAR)

PALAISIPAN ngayon sa mga imbestigador ng Paranaque City Police pagkamatay ng mag-tiyuhin na sinasabing nagpatiwakal umano sa pamamagitan ng sabay pagbigti sa kanilang sarili nitong Lunes ng madaling araw sa isang construction barracks sa Paranaque City.

Kinilala ang mga biktima na sina Marlon Barredo Esmundo,22, construction worker at stay in sa barracks sa Philip Extension St. Multinational Village Barangay Moonwalk, ng nasabing lungsod at si Alexandra Esmundo, dalaga at residente ng Barangay Sta Monica , San Pablo Laguna.

Base sa naantalang isinumiteng report ni Police Col. Rogelio Rosales, hepe ng Paranaque City Police, dakong alas-12:00 ng hatiggabi nang kapwa matagpuan ang bangkay ng mga biktima ng ilan nilang kasamahan sa trabaho sa Sonny Lagon Construction Barracks, Philip Extension St. Multinational Village Barangay Moonwalk, ng nasabing lungsod, na nakabigti

Lumalabas sa imbestigasyon, base sa pahayag ni Ryan Canoog, 29, construction worker at stay-in din sa nasabing lugar, hindi umano siya makatulog dahil sa sobrang lakas ng tugtog ng radyo ng mga biktima na kalapit kuwarto niya ang mga ito.

Kinatok niya ang mga biktima para makiusap na hinaan ang volume ng radyo ngunit hindi sumasagot ang dalawa, sinilip niya ito sa bintana at laking gulat na lamang niya nang kapwa makitang nakabigti ang mga biktima ng lubid.

Agad naman ipinagbigay alam sa kanyang mga kasamahan ang insidente at inireport din sa pulisya.

Hanggang sa kasalukuyan ay hindi pa alam ng mga awtoridad ang dahilan ng pagpapakamatay ng dalawang biktima dahil sa wala naman silang nakitang suicide note sa mga labi nito.

Patuloy pa rin nagsasagawa ng malalimang imbestigasyon hinggil dito at habang ang mga labi ng dalawang biktima ay pansamantalang inilagak sa Peoples Funeral Homes upang isailalim sa awtopsiya at masigurong walang naganap na foul play sa pagkamatay nito.

Hindi pa nagbibigay ng pahayag ang mga kaanaak ng mga biktima hinggil sa naganap na insidente.

Please follow and like us:
Read More

DALAGITA NAGTAMPO SA NANAY, NAGBIGTI

suicide12

(NI ANNIE PINEDA)

DALA ng tampo sa kanyang ina, hindi nakayanan ng isang dalagita ang damdamin nito dahilan para tapusin ang sariling buhay sa pamamagitan ng pagbigti, sa Lambunao, Iloilo City.

Kinilala ang biktima sa alyas MM,14 anyos, grade 9 student at residente ng nasabing lugar.

Batay sa report ng Lambunao Municipal Police Station, natagpuan na lamang ang bangkay ng biktima nakabitin sa gilid ng pintuan gamit ang lubid.

Kuwento ng pinsan ng biktima, nagulat na lamang siya nang makita ang biktima na nakabitin at wala nang buhay.

Nabatid na nakatira ang biktima sa bahay gn kanyang tiyahin dahil nagtatrabaho ang ina sa ibang lungsod.

Nakita naman ang suicide ng bitkima at nakalagay ang sama ng loob sa kanyang ina, pero hindi binanggit kung ano ang ikinasasama nito.

Patuloy naman ang imbetigasyon ng pulisya para alamin kung totoong nagpakamatay ang biktima o kung may nagana na foul play sa nasabing insidente.

 

Please follow and like us:
Read More

LOLO NAGBARIL SA ULO

(NI FRANCIS SORIANO)

DAHIL sa matinding depression, tinapos na ng isang lolo ang kanyang buhay sa pamamagitan ng pagbaril sa kanyang ulo sa Caloocan City, Martes ng hapon.

Kinilala ng awtoridad ang biktima na si Justiniano Malinana, 81, residente ng No. 98 Salvador St. Brgy. 150, Baesa.

Ayon sa imbestigasyon, naganap ang insidente dakong alas-5 ng hapon nang matagpuan ng kanyang anak na si Marivic Enriquez, 54, ang kanyang ama sa loob ng kuwarto nito na duguan na may tama ng bala sa ulo at wala na itong buhay.

Dahil dito ay agad humingi ng tulong sa kanyang mister si Enriquez bago mabilis na isinugod ang biktima sa Quezon City General Hospital subalit, hindi na rin ito umabot nang buhay.

Narekober ng pulisya sa crime scene ang isang cal. 22 revolver na kargado ng isang basyo ng bala at dalawang hindi pumutok na bala at suicide note kung saan nakasaad ang dahilan ng kanyang pagpapakamatay.

 

 

 

Please follow and like us:
Read More

‘AKIN KA LANG!’ 

suicide12

(NI ANNIE PINEDA)

MATINDING selos umano ang nagtulak sa isang babae na tapusin ang sariling buhay sa pamamagitan ng pagbigti sa hinalang may ibang kinalolokohan babae ang kinakasama nito, iniulat kaninang umaga sa probinsya ng General Santos City.

Kinilala lamang ang biktima sa alyas na Angelica, residente ng Barangay San Isidro, ng nasabing lungsod.

Batay sa report ng pulisya, dakong alas 7:50 ng gabi nang matagpuang nakabitin ang biktima sa kusina ng kanilang bahay.

Kuwento ng kapatid ng biktima, hindi siya makapaniwalang makitang nakabigti si Angelica.

Bago ang insidente, nagtalo umano ang biktima at kanyang live-in partner na hindi pinangalanan, dahil sa selos, nagbitiw rin ng salita si Angelica na magpapakamatay siya.

Pero , binalewala ng kinakasama ang biktima ang bantang pagpapakamatay ni Angelica hanggang sa nakita na lamang itong wala nang buhay at nakabitin gamit ang lubid.

Patuloy naman ang imbestigasyon ng pulisya para alamin kung totoong nagpakamatay ang biktima o kung may naganap na foul play sa nasabing insidente.

 

Please follow and like us:
Read More

‘DI KO KAYANG TANGGAPIN NA MAWAWALA KA NA SA AKIN’ 

suicide12

(NI ANNIE PINEDA)

HINDI matanggap ng isang binata ang pakikipaghiwalay ng kanyang nobya dahilan para wakasan ang sariling buhay  sa pamamagitan ng pagbigti, sa Midsayap Cotabato.

Kinilala ang biktimang si Jerome Borbe Jison, 22, residente ng Bagong Silang Caloocan City, at nangungupahan sa isang boarding house sa Brgy. Sadaan Midsayap, Cotabato.

Batay sa imbestigasyon ng Midsayap PNP, nakita na lamang ang biktima ng kanyang kasamahan sa trabaho na nakabigti sa loob ng kanyang silid gamit ang kumot.

Kuwento ng saksi, nagtataka na sila kung bakit hindi pa lumalabas sa kanyang boarding house ang biktima para pumasok sa trabaho, dahilan para pasukin na nila ito.

Tumambad sa kanilang harapan ang nakabitin na biktima at wala nang buhay.

Sa pagsisiyasat ng pulisya, posibleng labis na dinamdam ng biktima ang pakikipaghiwalay ng nobya na nauwi sa pagpapakamatay nito.

Nakuha naman sa tabi ng biktima ang cellphone nito at nabasa ang mga palitan ng text messages ng kanyang girlfriend bago ginawa ang pagpapakamatay.

 

 

Please follow and like us:
Read More

SUNDALO NABIKTIMA NG INVESTMENT SCAM, NAG-SUICIDE 

suicide16

(NI ANNIE PINEDA)

DAHIL umano sa malaking halagang pagkakautang, nagawa umanong tapusin ang sariling buhay ng isang kasapi ng Philippine Army (PA) sa pamamagitan ng pagbaril sa sarili, iniulat nitong Miyerkoles sa Cagayan de Oro City.

Kinilala ang biktimang si Army Technical Sgt Rogelio Asuncion, 43, miyembro ng 4th ID, Philippine Army , tubong Negros Occidental ng Western Visayas, at naka-assign sa Camp Edilberto Evangelista, Barangay Patag, ng nasabing lungsod.

Batay sa report ng pulisya, nakita na lamang ang biktima sa loob ng nasabing kampo na naliligo sa sariling dugo at may tama ng bala ng .45 kalibre na baril sa dibdib.

Sa pagsisiyasat ng pulisya, duda noong una na posibleng aksidente lamang nakalabit ng biktima ang kanyang baril habang nililinis.

Ngunit lumabas sa imbestigasyon, problemado umano si Asuncion sa kanyang mga kasamahan na mabayaran ang higit sa P300,000 halaga na kanyang kinolekta at na-invest umano sa KAPA.

Para mabayaran ang mga kasamahan , sinubukan umanong mag-loan ng biktima sa AFPSLAI pero hindi umano ito naaprubahan.

Nabatid na 23-taon na sa serbisyo si Asuncion.

Nagpapatuloy naman ang imbestigasyon ng mga awtoridad sa insidente.

Please follow and like us:
Read More

BANGKAY NG MISIS NG EX-MAYOR, LUMUTANG SA ILOG

crime500

(NI ANNIE PINEDA)

PALAISIPAN ngayon sa mga awtoridad ang pagkakatagpo sa bangkay ng misis ng dating alkalde na nagpalutang-lutang sa ilog, malapit sa kanilang bahay, sa Mandulog River, Iligan City.

Kinilala ang biktimang si Salma Theresa Bersales Gerona-Quijano, ng Manadulog, Iligan City.

Batay sa report ng pulisya, bago ang insidente, nauna nang ipina-blotter na nawawala ang ginang noong Hunyo 27, 2019 at makalipas ang isang buwan ay isa na itong bangkay nang matagpuan.

Sinabi naman ni dating Iligan City mayor Franklin Quijano na may problema sa pag-iisip ang kanyang maybahay.

Inaalam na ng awtoridad kung aksidente ang pagkamatay ng biktima o kung may naganap sa foul play sa nasabing insidente.

 

Please follow and like us:
Read More

KONSEHAL, NAGBIGTI

suicide

(NI ANNIE PINEDA)

TINAPOS ng isang konsehal ang sariling buhay sa pamamagitan ng pagbigti, nang matagpuan itong walang buhay sa loob ng kanyang silid, iniulat kaninang umaga sa probinsya ng Bohol.

Kinilala ang biktimang si Augustus Ceasar Omaña, 35, residente ng Purok 4, Taguihon, Bohol, incumbent councilor at college professor sa naturang bayan.

Batay sa report ng Baclayon Police Station, dakong alas 11:00 Lunes ng gabi, umuwi sa kanilang bahay ang biktima at diretso na ito sa kanyang kuwarto para matulog.

Kinabukasan (Martes), bandang alas 9:00 ng umaga nagtaka ang kapatid na babae ng biktima kung bakit hindi pa ito lumalabas sa kanyang kuwarto dahilan para katukin niya ito pero walang sumasagot.

Sapilitang binuksan ang silid ng biktima at bumulaga sa kanyang harapan ang nakabitin na si Omaña sa kisame gamit ang lubid.

Ayon sa kaanak, hindi nila maisip ang dahilan ng pagpapakamatay ng biktima dahil wala naman itong naikukuwentong problema.

Wala naman nakikitang foul play ang mga awtoridad sa naturang insidente.

 

Please follow and like us:
Read More