BABAE BINARIL SA SUGALAN

(NI ANNIE PINEDA)

DUGUAN humandusay ang isang babae habang nagsusugal nang lapitan ito at pagbabarilin ng kanyang kalugar, Lunes ng sabi sa lalawigan ng Vigan City.

Kinilala ang biktimang si Jennifer Quintin, habang tugis naman ng pulisya ang suspek na kinilalang si Edgardo Quidolit, residente ng Barangay Salindeg, Vigan City.

Batay sa report ng Vigan City-PNP, dakong alas 10:00 ng gabi nang maganap ang insidente sa nasabing lugar.

Lumabas sa paunang imbestigasyon, abala ang biktima sa pasusugal at hawak-hawak nito ang baraha nang biglang sumulpot ang suspek at walang babalang pinagbabaril si Quintin saka tumakas.

Kaagad naman dinala sa Ilocos Sur Provincial Hospital- Gabriela Silang ang biktima pero idineklara na ring patay.

Nagpapatuloy naman ang imbestigasyon ng pulisya para alamin ang tunay na motibo sa krimen at mabilis na pagdakip sa suspek.

 

Please follow and like us:
Read More

DIGONG NABURYONG SA KORAPSYON, ALL PCSO GAMES PINAHINTO

DUTERTE-PCSO-3

Hindi na napigilan ni Pangulong Rodrigo Duterte ang pagkaburyong dahil sa malawakang korapsyon sa loob ng Philippine Charity Sweepstakes Office (PCSO) kaya ipinahinto niya ngayong araw ang operasyon ng Lotto at iba pang sugal sa bansa.

Sinabi ni Duterte, sa isang video message, na maliban sa Lotto, ipinahihinto rin ang operasyon ng iba pang lisensiyado at may prangkisa na mga sugal, gaya ng STL, Peryahan ng Bayan at Keno.

Ang Philippine National Police (PNP) at ang Armed Forces of the Philippines (AFP) ang inatasan ni Duterte upang tiyaking  maipatutupad ang kanyang kautusan.

Nanindigan ang Pangulo na hindi niya susundin ang anumang utos ng korte na naglalayong pigilan ang gobyerno sa imbestigasyon nito sa malawakang korapsyon sa (PCSO).

Please follow and like us:
Read More

SUGALAN SA LAMAY; 1 PATAY

crimeshooting12

(NI JULIE DUIGAN)

NADILIG ng dugo ang isang lamay sa patay nang magkaroon ng mainitang pagtatalo sa pagitan ng biktima at ng suspek sa Tondo,Manila, Linggo ng madaling araw.

Namatay habang inoobserbahan sa Gat Andres Bonifacio Medical Center ang biktimang si Alexis Encallado, ng Masikap St. sa Brgy.29 sa Tondo.

Mabilis namang tumakas ang suspek na nakilalang si Jr Concepcion ,26, ng Parola Compound.

Base sa ulat ni Det. Charles John Duran kay P/Capt. Henry Navarro, hepe ng Manila Police District -Homicide Section, bandang alas-3:18 ng madaling araw,nang maganap ang pamamaril sa panulukan ng Road 10 at Mabagos St. sakop ng Brgy. 30 sa Tondo.

Sa imbestigasyon, ginising umano si Encallado habang nasa kasagsagan ang lamay ng magkakapitbahay sa lugar nang magkaroon ng mainitang pagtatalo ang dalawa sa sugal na baraha.

Naawat naman ang biktima at ang suspek hanggang sa umalis na si Concepcion at nang magbalik ay armado na ito ng baril.

Dito na umano binaril si Encallado  ang biktima na tinamaan sa kaliwang kilikili.

Agad tumakas ang suspect.

Please follow and like us:
Read More

4 PULIS, 3 PA TIMBOG SA SUGAL, INUMAN

pnp online sabong12

(NI NICK ECHEVARRIA)

ARESTADO  ang apat na aktibong police personnel, isang non-uniformed personnel at  isang ex-policeman sa kasong ilegal na sugal habang nag-iinuman sa loob  ng Belen Lutong Bahay Restaurant, sa ikinasang operasyon ng mga tauhan ng Integrity Monitoring and Enforcement Group (IMEG) sa Quezon City, Miyerkoles ng gabi.

Kinilala ang mga nadakip na sina PSSg Erwin Gobis , PSMS Demetrio Laroya, PCpl Ariel Pasion,  pawang  nakatalaga sa PNP Health Service sa  Camp Crame at  PSSg Gerry Ocampo, ng PNP Crime Lab, habang ang civilian employee ay nakilalang si   Leo Ocinar ng RMD, DPRM at isang dating  pulis na si Fidel Agustin.

Ayon kay  IMEG chief P/Col. Romeo Caramat, ang mga suspek ay naaktuhang tumataya sa isang on-line game na Electronic Sabong (E-Sabong) habang umiinom sa nabanggit na restaurant sa 3rd Ave., Bagong Lipunan, Cubao, bandang alas-10:00 ng gabi.

Kasama ring dinakip ng mga awtoridad ang may-ari ng online game establishment na si Teddy Carpio.

Nakumpiska ng mga tauhan ng IMEG sa operasyon ang  P14,430 na “bet money” mula sa mga suspek,  2 television sets na gamit sa online gambling, digital video recorder para sa CCTV, mga ticket, 2 signal HHD digital box at 23 bote ng alak na gagamiting ebidensya.

Ikinasa ang operasyon matapos makatanggap ng mga ulat ang IMEG kaugnay sa madalas na pagtambay habang nagsusugal at nag-iinom ang ilang mga pulis sa naturang pampublikong lugar.

Nabatid din mula sa Pagcor na tanging ang Phil Cockfigthing International Inc na matatagpuan sa 2nd Flr KACC Philmade Annex Bldg sa panulukan ng  J. Abad Santos & Quirino St. Clarkfield Pampanga, ang binigyan nila ng lisensya para sa operasyon ng online game ng E-Sabong.

Nasa kustodiya na ngayon ng IMEG ang mga naaresto, kasama ang mga nakumpiskang mga ebidensya, habang inihahanda na ang kasong kakaharapin kaugnay sa paglabag sa PD 1602 at pag-inom sa mga pampublikong lugar na mahigpit na ipinagbabawal ng Pangulong Duterte sa mga miyembro ng PNP at AFP.

 

Please follow and like us:
Read More

CALOOCAN: 8 HULI SA DROGA, BOKYA SA SUGAL

caloocan drugs12

(NI NELSON S. BADILLA)

WALO kataong sangkot sa iligal na droga ang nadakip ng mga pulis sa Camanava (Caloocan, Malabon, Navotas at Valenzuela) na pinamumunuan ng Northern Police District (NPD) sa buong magdamag mula hapon ng Abril 26 hanggang umaga kahapon, ngunit walang nasakoteng illegal gambling operators, kolektor nila at maging mismong mga sugarol.

Ayon sa ulat ng NPD na pinamumunuan ni PBrig. Gen. Rolando Anduyan, ang walong nasakote ay mula sa Caloocan.

Ang pagdakip sa kanila ng mga tauhan ni PCol. Restituto Arcangel ay bahagi pa rin ng patuloy na pagsasakaturapan ng kampanya ng administrasyong Duterte laban sa iligal na droga.

Sila ay sasampahan ng kaso dahil sa paglabag sa Republic Act 9165 o Comprehensive Dangerous Drugs Act of 2002 sa piskalya sa Lunes.

Ngunit, malinaw sa parehong ulat ng NPD na walang nahuli ang kahit sinong tauhan ni Anduyan na sangkot sa anumang uri ng iligal na sugal sa buong Camanava.

Kahit ang Criminal Investigation and Detection Group (CIDG) ng NPD na siyang “elite force” laban sa lahat ng uri ng iligalidad ay nangamote rin laban sa illegal gambling.

Kung babalikan din ang mga ulat ng NPD na inilalagay nito sa National Capital Region Police Office (NCRPO) Media Viber Group at ipinapasa sa mismong tanggapan ni NCRPO Director PMajor General Guillermo Lorenzo Eleazar, lumilitaw na nangangamote ang NPD ni Anduyan pagdating sa kampanya ng administrasyong Duterte laban sa iligal na pasugalan.

Madalas bokya ang iskor ng kahit anong Police Station (PS) laban sa illegal gambling.

Kung meron mang nahuli, mga residenteng nagtitiyaga sa cara y cruz ang mga suspek.

Bukas na liham sa mga negosyante at residente ng Camanava na napakatalamak at naglipana ang iba’t ibang uri ng iligal na sugal sa malaking bahaging ito ng Metro Manila.

Alam na alam ng mga negosyante at residente na maraming beterano at matitinik na illegal gambling operators sa Camanava tulad ng jueteng lord na ang ginagamit sa operasyon nito ay ang small town lottery (STL) ng Philippine Charity Sweepstakes Office (PCSO).

Batid din nilang namamayagpag din ang video karera operations, saklaan at lotteng.

Ngunit, ang pamoso at malakas sa buong Camanava ay ang jueteng na nagtatago sa operasyon ng STL.

Nabatid ng DIARYO BOMBA na hindi makaangal ang PCSO sa mababang intrega ng STL operator sa Camanava dahil hindi naman tapat, seryoso at puspusan ang operasyon ng NPD laban sa jueteng lord ng Camanava.

Hindi rin aktibong gumagalaw ang mga tauhan ni Anduyan at mga hepe ng pulisya ng Camanava kahit sa operasyon ng VK, sakla at lotteng.

Ang napakaliit na bilang ng mga nahuhuli ng NPD at mga police station nito laban sa iligal na sugal sa Camanava ay litaw na litaw sa ulat ni Brig. Gen. Anduyan sa tanggapan ni Eleazar.

Nabatid ng DIARYO BOMBA na mayroong umiikot sa lahat ng iligal na pasugalan sa Camanava na isang alyas “Tata Iking” ang ginagamit na pangalan kada isang linggo upang kubrahin ang lingguhang ‘tara’ o ‘parating’ sa mataas na opisyal ng NPD.

Nabatid din ng DIARYO BOMBA na multimilyon ang nakukubra ni alyas Tata Iking para sa opisyal ng NPD, sapagkat sa VK operation pa lang ay P1,500 kada isang makina bawat isang linggong operasyon nito.

Pinakamalaking magbigay ay ang jueteng lord ng Camanava na hanggang ngayon ay hindi pa napapahuli ni Brig. Gen. Anduyan simula nang ilipat siya sa NPD noong Nobyembre 2018 mula sa Manila Police District (MPD).

Ayon sa ulat ng NPD, dalawang yunit ng VK ang nakumpiska ng mga pulisya ng Caloocan sa buong magdamag simula nitong Abril 26 ng hapon hanggang kahapon ng umaga.

Walang nasakoteng may-ari ng VK at manlalaro nito, ayon pa rin sa ulat ng NPD.

Please follow and like us:
Read More