ESTUDYANTE PINATAY SA RIDO

(NI DONDON DINOY)

DAVAO CITY-“Rido” o away ng pamilya ang tinitingnang anggulo ng mga otoridad sa motibo ng pagpatay sa isang estudyante, Huwebes ng umaga.

Kinilala ang biktima na si Rasul Salaban, 21, estudyante ng Cotabato Foundation College of Science and Technology (CFCST) sa bayan ng Pikit, North Cotabato.

Ayon kay Pikit chief of police Captain Mautin Pangandigan, naglalakad ang biktima sa Barangay Batulawan ng nasabing bayan papuntang paaralan na pinapasukan nito, nang bigla na lang sumulpot ang dalawang lalaking motorsiklo.

Sinabi ni Pangandigan na bigla na lang pinagbabaril ang biktima gamit ang kalibre .45.

Mabilis namang humagibis ng takbo ang mga suspek papunta sa hindi malamang direksyon.
Patay agad ang estudyante matapos magtamo ng sugat sa ulo, mukha at gilid na parte ng katawan.

Inilarawan ng ilang mga nakasaksi na nakasuot ng helmet at naka-jacket ang mga suspek kaya’t nahirapan silang kilalanin ang mga ito.
Patuloy pa ang malalim na imbestigasyon ng Pikit Municipal Police Station sa kaso ng biktima.

 

Please follow and like us:
Read More

ESTUDYANTE LAGPAK KAY PROF, TUMALON SA SCHOOL, TODAS

crime12

(NI JG TUMBADO)

HINIHINALANG problema sa pamilya at paaralan ang dahilan ng pagpapakamatay sa pamamagitan ng pagtalon nito mula sa mismong gusali ng paaralan ng 19-anyos na college student sa Olongapo City, Lunes ng umaga.

Idineklarang dead on arrival ni Dr. Raymond Ramos, City Health Physician sa ospital, ang biktimang mag-aaral sa Gordon College sa Barangay Tapinac, residente ng San Jose St., Bangal, Dinalupihan, Bataan.

Ayon kay Olongapo City Police Office (OCPO) Director Lt. Col. Benjamin Sembrano, alas 8:20 ng umaga nang wala nang buhay na madiskubre ni Allan Mallari, internal security ng paaralan, ang bangkay ng estudyante sa loob ng compound ng nabanggit na paaralan.

Lumalabas sa imbestigasyon, nahagip ng CCTV camera ang biktima na umupo umano sa railings ng ikatlong palapag at saka tumalon at diretsong bumulusok sa ground floor ng gusali.

Nabatid na may iniinda umanong problema sa pamilya ang biktima base na rin sa ilang impormasyon na nakita sa kanyang cellphone at napag-alaman din na nakadagdag pa sa problema ng estudyante ang isinumiteng school project nito na umanoy tinanggihan naman ng kanyang professor.

Sinisiguro naman ng pulisya na walang naganap na foul play sa insidente.

Please follow and like us:
Read More

RESBAK NG INAPI

(NI ANNIE PINEDA)

SABOG ang bungo ng isang electrician sa munisipyo makaraan barilin ito ng estudyante na kapitbahay na labis umanong minamaliit ang estado ng kanilang pamumuhay na isang mahirap, sa Tacloban City.

Kinilala ang biktimang si Artemio Brazil, 58, municipal electrician at residente ng Brgy. Cayare, San Miguel Leyte.

Nadakip naman ang suspek na kinilalang si Jorent Greg Labaclado, 20, at senior high school student sa San Miguel National High School at nakatira sa nasabing lugar.

Batay sa report ng San Miguel Municipal Police Station, dakong alas 7:00 ng umaga nang maganap ang insidente sa labas ng bahay ng biktima sa naturang lugar.

Lumabas sa pagsisiyasat ng pulisya, matagal na umanong may sama ng loob ang suspek sa biktima dahil sa labis nitong pagmamaliit sa kanilang pamumuhay na isang mahirap lamang.

Napuno na umano ang suspek sa palaging panunukso ng suspek sa tuwing nagkakasalubong sila sa daan kaya binaril na niya ito sa ulo na naging dahilan ng agaran kamatayan.

Hindi naman nagawang makatakas ng suspek matapos itong maputukan ng kanyang .38 kalibre na baril sa paa bago maiputok sa suspek.

Ginamot sa ospital ang suspek para lapatan ng lunas ang tinamong sugat at nahaharap sa kasong pagpatay at illegal possession of firearms.

 

Please follow and like us:
Read More

ESTUDYANTE HUMINGI NG TULONG SA TSERMAN, BINARIL

crimeshooting12

(NI KIKO CUETO)

POLANCO , Zamboanga del Norte — Timbog ang isang barangay chairman na inaakusahan na namaril umano sa 16-anyos na estudyante na humihingi umano ng tulong.

Sa report ng pulis, sinabi na itinuturo si Marianito Paalisbo, kapitan ng Barangay New Sicayab, na namaril sa biktima na umano’y humihingi ng tulong sa suspect.

Sinabi naman ni PCpt. Arcelito Derama, hepe ng Polanco Police Station, kinailangan ng menor de edad ng tulong dahil napaaway ito kaya pumasok ang biktima sa loob ng barangay hall kung saan naroroon si Paalisbo.

“May pa-disco kasi sa kanilang barangay. Itong biktima dumalo doon sa disco pero may nakasagutan kaya’t hinahabol ng isang grupo. Sa takot na baka mapaano siya, doon ito dumiretso sa may barangay hall para sana humingi ng saklolo,” sabi ni Derama.

Pero imbes na maghatid ng tulong ay nakuha umanong bumunot ng baril si Paalisbo at gamit ang kanyang 9mm na baril at inutusan niya na dumapa ang estudyante.

Doon ay binatukan pa umano ng kapitan ang biktima gamit ang nasabing baril.

“Pinadapa siya ni kapitan, at hanggang sa naputukan ng baril,” ani Derama. Tinamaan umano sa tuhod ang biktima.

Ayon sa suspek, nagbigay lang siya ng warning shot pero aksidenteng tinamaan ang biktima.

Kasalukuyang nagpapagaling sa Zamboanga del Norte Medical Center ang biktima.

Nahaharap si Paalisbo sa mga kasong attempted murder, illegal possession of firearms and ammunition at grave threat.

 

Please follow and like us:
Read More

STUDENT PATAY SA OUTING NG BARKADA

lunod1

NALUNOD ang isang estudyante matapos maligo nang nakainom ng alak, Linggo ng madaling araw sa isang resort sa Buruanga, Aklan.

Natagpuang nakadapa at palutang-lutang ang biktimang si John Policarp Betita, 19, ng Barangay Caticlan , Malay, Aklan.

Ayon sa Buruanga Police Station, bandang alas- 3:30 ng madaling-araw ay hinanap ang biktima ng mga kaklase nito nang matuklasang wala sa kanyang higaan.

Sa paglabas ng kwarto sa Hinugtan Resort sa Brgy. Bel-is, Buruanga, ay nakita na nila ang biktimang wala nang malay.

Lumabas sa pag-imbestiga ng pulisya, kasama ng biktima ang dalawa nitong kaklase na sina Rey Victor Buncaras, 20, residente ng Brgy. Aras-asan, Sebaste, Antique at Joseph Magsipoc, 20, residente ng Brgy. Panagatan, Caluya, Antique.

Kuwento nina Buncaras at Magsipoc, habang nasa resort sila ay nagpasya silang mag-inuman at pagsapit ng pasado alas 11:00 ng gabi nitong Sabado ay nagpasya na silang pumasok sa kanilang inupahang cottage sa nasabing resort para matulog.

Pero, bandang alas 3:30 ng madaling araw ay nagisnan nilang wala sa kanyang higaan ang biktima dahilan para lumabas sila at hinanap ito, dito na nila nakitang nakadapa na nagpalutang-lutang ang biktima sa tabing dagat.

Kaagad naman dinala sa Buruanga Municipal health office ang biktima ngunit patay na ito nang idating.

Patuloy na inaalam ng pulisya kung may foul play na naganap.

 

Please follow and like us:
Read More

EROPLANO NAGLAHO;  ESTUDYANTE, PILOTO NAWAWALA

baron12

(NI DAVE MEDINA)

PATULOY na pinaghahanap ngayon ang piloto at estudyanteng Arabyano na  sakay ng Beechcraft Baron 55 (BE55) trainer aircraft na iniulat na nawawala matapos ang takeoff nito, Linggo ng umaga sa San Jose Airport, sa Mindoro.

Ayon sa Civil Aviation Authority of the Philippines (CAAP), ang Beechcraft Baron ay ino-operate ng Orient Aviation Corporation na may registry number RP-C9078 at sakay ang Filipino pilot-in-command at isang estudyanteng  Saudi Arabian national.

Makaraan umano ang take off ng maliit na eroplano ay hindi na nakarinig ng ulat mula sa piloto simula sa departure nito sa San Jose Airport bandang  alas-8:13 ng umaga.

Huling lokasyon ng eroplano na naitala ng radar ay  16 Nautical Miles timog ng  San Jose Airport.

Kasama sa aktibong paghahanap sa posibleng lokasyon sa mga nawawala ang apat na grupo ng Philippine Air Force (PAF) gamit ang kanilang Angel 922 Helicopter,  ang Philippine Navy sa kanilang 310 Islander aircraft, isang  King Air private jet, at ang Philippine Coast Guard (PCG) sa pagsuyod sa karagatan.

 

Please follow and like us:
Read More

ESTUDYANTE BINOGA SA MUKHA

crimebaril1

(NI KOI HIPOLITO)

BINARIL sa mukha at hindi na umabot nang buhay sa ospital ang isang estudyante sa Pasay City, Linggo ng tanghali.

Si John Ray Tolentino, 23, ay binaril nang malapitan ng suspect na si Toto Marcelino bandang alas-11 ng tanghali.

Tumakas si Marcelino matapos ang pamamaril.

Sinabi ng pulisya na posibleng matagal nang away ang dahilan ng pamamaril at nitong Linggo lamang nagkaroon ng pagkakataon ang suspect na itumba ang biktima.

Ikinasa na ang manhunt operation laban sa suspect.

Please follow and like us:
Read More

ESTUDYANTE HULI SA MARIJUANA SA HARAP NG SCHOOL  

mari

(NI SIGFRED ADSUARA)

HINDI na nakapalag pa ang isang 18-anyos na estudyante nang kapkapan at mahulihan ng pinatuyong marijuana sa harapan ng eskuwelahan sa Silang, Cavite.

Hawak ngayon ng Silang Police Station ang suspek na si Christian John Obsid, alias G-boy, ng Purk 3 Brgy Lumil, Slang, Cavite.

Sa ulat ni PO3 Marcelino Fuller ng Silang MPS,  nagsagawa ng foot patrol sina SPO2 Louie Sanches at PO2 Marc Pecundo, kapwa nakatalaga sa Silang MPS  sa harapan ng Lumi National High School sa Bgry Lumi, Silang Cavite dakong  alas-4:30 ng hapon nang napansin ang kakaibang ikinikilos ng suspek.

Nang kapkapan ay nakuha sa kanyang pag-iingat ang isang plastic sachet na naglalaman ng pinatuyong marijuana.

Kasong paglabag sa RA 9165 ang isinampang kaso  laban sa suspek.

 

Please follow and like us:
Read More

STUDENT TINARAKAN SI SIR

isabela

(NI JG TUMBADO)

PATAY ang isang head teacher makaraang burdahan ng sunod sunod na saksak ng kanyang grade 7 student sa loob mismo ng bahay ng una sa Aurora, Isabela.

Agad namang nadakip sa isinagawang follow up operation ng mga awtoridad ang suspek na menor de edad na lalaki na nasa pangangalaga ngayon ng municipal social welfare and development matapos na mai-turn over ng pulisya.

Batay sa nakarating na ulat kay Police Senior Insp. Villamor Andaya, hepe ng Aurora municipal police station, nakilala ang biktima na si Bobby Galiza, head teacher V ng Donya Aurora National High School at residente ng Barangay Camarunggayan.

Si Galiza ay natagpuang nakahandusay at wala ng buhay sa labas ng kanyang bahay bunsod ng maraming tama ng saksak sa ibat ibang katawan nito.

Nakatakbo pa umano palabas ng bahay ang guro subalit bigla itong bumulagta sa kalsada.

Lumalabas sa pagsisiyasat ng pulisya na bago pa pagsasaksakin ang biktima ng menor de edad na studyante ay una munang nilooban nito kasama ang isa pang mag-aaral na grade 10 student ang bahay ni Galiza.

Balak lamang umanong pagnakawan ng mga suspek ang bahay ng guro subalit nanlaban umano ito sa kanila kung kayat nagawa ang pananaksak gamit ang kutsilyo sa naturang tahanan ng biktima.

Mismo ang kasamahan ng suspek na pinangalanan lamang na “Arnulfo” ang nagturo dito na siyang umatake sa guro matapos naman na matukoy sila sa CCTV habang papalabas sa bahay ni Galiza.

Ang perang naipon na pondo sa isang palahok sa naturang paaralan ang sanay pakay na nakawin ng mga estudyanteng suspek.

 

Please follow and like us:
Read More