SPORTS SUPERSTAR: SUMIKAT, BUMAGSAK, BUMANGON

MIKE TYSON-2

(Ni Dan Salcedo / Huling bahagi)

WALANG nagmamahal sa isang talunan.

Ito ang isang sikat na linya sa larangan ng palakasan kaya’t ang ilan sa mga sumikat na tao sa mundo kung saan maraming humanga, sumubaybay at rumespeto ay nagnanais na muling makabangon pagkatapos nilang bumagsak.

Naunang tinalakay sa unang bahagi si Luisito Espinosa.

MIKE TYSON

Si Mike Tyson ang pinakamalaking bituin sa boksing noong dekada ‘80 at ‘90 dahil sa malupit ang kanya kamao ngunit ang kanyang karera ay nabahiran ng kontrobersiya na kinabibilangan ng pang-aabusong sekswal, droga, alak hanggang pagsasampa ng bankruptcy.

Bagaman isa sa pinakadakila at pinakamaningning na boksingero sa lahat ng panahon, dumaan sa buhay niya ang maaalong landas.

PINAKABATANG HEAVYWEIGHT CHAMP

Ipinanganak noong Hunyo 30, 1966, si Michael Gerard Tyson ang humawak ng marka bilang pinakabatang boksingero na nagwagi ng heavyweight title sa edad na 20.

Naipanalo niya ang kanyang unang 19 propesyonal na laban sa bisa ng knockout, 12 rito sa unang round pa lang.

Nakuha ni Tyson ang WBC title noong 1986 laban kay Trevor Berbick at sumunod ang WBA at IBF titles nang talunin niya sina James Smith at Tony Tucker noong 1987.

Ang panalo ng sikat na boksingero ang naging daan upang kilalanin siya bilang unang heavyweight boxer na sabay-sabay na humawak ng mga titulo sa WBA, WBC at IBF bukod pa sa nag-iisang heavyweight na nagtagumpay na pag-isahin ang mga ito.

Sa larangan ng 58 na laban, limampu ang kanyang naipanalo kung saan 44 ang knockout, anim na talo at dalawa ang walang kalaban.

Noong 1988, pinatumba ni Tyson ang kalabang si Michael Spinks sa 90 segundo ng unang round. Naidepensa niya ang titulo ng 9 na beses, kabilang ang mga panalo kina Larry Holmes at Frank Bruno.

Subalit natalo ang kanyang mga titulo laban kay Buster Douglas noong 1990 ngunit nabawi nang dalawang beses niyang talunin si Donovan Ruddock noong 1991.

NAHATULAN NG RAPE, LUMIPAT NG ISLAM

Si Mike Tyson ay nahatulan nang anim na taong pagkabilanggo kaugnay sa kasong rape noong Marso 26, 1992 at pinalaya noong Marso 1995 matapos magsilbi ng kulang sa tatlong taon ng anim na taong pagkakakulong.

Nang nasa loob ng piitan, lumipat sa Islam at kinuha ang Muslim na pangalan na Malik Abdul Aziz. Naiulat din na ang kinuha niyang pangalan ay Malik Shabazz.

BUMALIK SA RING

Nang makalaya ay muling bumalik si Tyson sa lona. Nakuha niya ang WBC at WBA titles noong 1996 nang talunin sina Frank Bruno at Bruce Seldon.

Ang panalo kay Bruno ay naglagay kay Tyson sa grupo nina Muhammad Ali, Floyd Patterson, Evander Holyfiield at Tim Witherspoon na tanging mga lalaki sa kasaysayan ng boksing na nabawi ang championship title makaraang matalo.

Ngunit nahubaran siya ng WBC title nang taon ding iyon nang matalo kay Holyfiield. Natalo rin si Tyson sa rematch nila ni Holyfield nang siya ay ma-disqualify sa pagkagat sa tenga ng huli.

TYSON-HOLYFIELD REMATCH: KAGAT SA TENGA.

Muling nagharap sina Tyson at Holyfield noong Hunyo 28, 1997. Sa Las Vegas MGM Grand Garden Arena.

Tumanggap si Tyson ng $30 million at si Holyfiield ng $35 milyon sa laban na tinaguriang The Sound and the Fury.

Naganap ang panga-ngagat sa laban na unang heavyweight title fight sa mahigit 50 taon na humantong sa disqualification.

Pinigil ng Nevada state boxing commission ang $3 milyon mula sa premyo ni Tyson dahil sa insidente.

Hulyo 9, 1997. Pinawalang bisa ng commission ang boxing license ni Tyson at pinagmulta siya ng $3 milyon at pinagbayad ng gastos sa pagdinig sa korte.

Hindi na makapaglaro si Tyson sa Estados Unidos, ngunit ibinalik sa kanya ang lisensya noong Oktubre 18, 1998.

Nang pinawalan ng bisa ang kanyang lisensya, siya ay lumabas sa WrestleMania XIV bilang enforcer para sa main event match sa pagitan nina Shawn Michaels at Steve Austin kung saan ay binayaran siya ng $3 milyon.

PANIBAGONG KASO

ISANG taong pagkabilanggo ang naging hatol kay Tyson noong Pebrero 5, 1999, pinagmulta pa siya ng $5,000 at pinagsilbi ng dalawang taon na probation kasama ang 200 oras ng community service dahil sa pag-atake sa dalawang motorista dahil sa aksidente sa trapiko noong Agosto 31, 1998.

TYSON VS LEWIS

Noong 1984, nag-spar sina Tyson at Lennox Lewis sa training camp na inayos ni Cus D’Amato.

Taong 2002, sumabak si Tyson para sa heavyweight title again sa edad na 35, at natalo kay Lewis via knockout. Hawak noon ni Lewis ang WBC, IBF, IBO at Lineal titles.

Gusto ni Tyson na labanan si Lewis sa Nevada ngunit hindi siya binigyan ng Nevada Boxing Commission ng lisensya na lumaban dahil may kasong sexual assault siyang kinakaharap.

Enero 2002, nasangkot ang dalawang boxer at mga kasama ng mga ito sa gulo sa press conference sa New York para sa nasabing kaganapan. Nang makalipas ang ilang linggo, tumanggi ang Nevada State Athletic Commission na bigyan si Tyson ng lisensya hanggang mangyari ang laban sa Pyramid Arena sa Memphis, Tennessee.

Pinabagsak ni Lewis si Tyson sa ikawalong round.

BANKRUPT

Nagdeklara si Tyson ng bankruptcy noong 2003 kahit kumita ng mahigit $30 milyon sa ilang laban na ayon sa ilang ulat ay may utang ng halos $23 milyon ang boksingero.

RETIREMENT

Nagretiro si Tyson sa professional boxing noong 2006 makaraang ma-knockout sa magkasunod na laban kontra Danny Williams at Kevin McBride.

Binansagan si Tyson na Iron at Kid Dynamite sa kaagahan ng kanyang career. Kalaunan, ang sikat na boksingero ay kinilala bilang The Baddest Man on the Planet.

Nailuklok si Tyson sa International Boxing Hall of Fame at sa World Boxing Hall of Fame.

Please follow and like us:
Read More

SPORTS SUPERSTAR: SUMIKAT, BUMAGSAK, BUMANGON 

LUISITO ESPINOSA.jpg

(Ni Dan Salcedo / Unang bahagi) 

KASAMA sila sa pinakasikat na tao sa mundo.  Marami ang humahanga,  rume­respeto at sumusubaybay.

Sila ang mga bituin ng sports, na nagpapasigla sa mga tagahanga at panatiko ng mundo ng palakasan.

Kasama sa kasikatan ang limpak-limpak na salapi na pumasok sa kanilang kaban na naging dahilan upang magpasasa sa magarbong pamumuhay.

Idolo sila na ginagaya at gustong tularan ng mga tagahanga ngunit sa kabila nito, katulad pa rin sila ng mga ordinaryong tao na dumaranas ng kabiguan kung saan ang pinakamasaklap ay ang pagbagsak sa rurok ng tagumpay.

May ilan sa mga sumikat na atleta ay nakabangon at nakabalik sa larangang kanilang pinagtagumpayan subalit hindi mawawala ang karamihan na tuluyang naglaho sa panahong may pagkakataon pa silang makabalik sa kanilang larangan.

Ayon sa isang linya na ukol sa palakasan – “Walang nagmamahal sa isang talunan.”

Ilan sa mga manlalaro na sumikat, bumagsak at muling nakabangon :

LUISITO ESPINOSA

Ipinanganak ang boksi­ngerong ito noong Hunyo 26, 1967 sa Maynila.

Nagwagi siya ng mga world title sa dalawang magkaibang dibisyon –  WBA bantamweight at WBC featherweight.

Si Espinosa, binansagang “Lindol” at “Golden Boy,” ay may markang 47 panalo,  13 talo at 0 tabla.  Mayroon siyang 26 panalo via Knock Out (KO). Itinuturing siyang “Mukha ng Boxing sa Pinas” noong dekada 90.

Naging propesyunal na boksingero noong 1984 at nasungkit ni Espinosa ang WBA Bantamweight titlle noong 1989  nang pabagsakin niya si Kaokor Galaxy sa u­nang round pa lang.

Naging manager  na niya ang bantog na boxing analyst na si Hermie Rivera.

Dalawang beses niyang naidepensa ang titulo bago naagaw ang kanyang WBA belt ni Israel Contreras ng Venezuela sa Araneta Coliseum noong 1991. Pagkatapos nito, nalagay sa walang katiyakan ang career ni Lindol.

BUMALIK SI LINDOL

NAGING mahirap para kay Espinoza ang muling pagkinang ng kanyang bituin o ang muling pag-akyat sa itaas ng tagumpay. Lumaban siya na kabilang sa kuwadra ni Joe Koizumi.

Inabot ng apat na taon bago nakabawi ang tinaguriang “Golden Boy” at ito ay noong 1995 nang naagaw niya ang WBC Featherweight title kay Manuel Medina ng Mexico na ginanap saTokyo, Japan.

Sa unang depensa, na-knock out ni Espinoza sa ika-apat na round na ginanap sa Mexico si Alejandro “Corbita” Gonzalez.

Ang kasunod na laban ng pambato ng Pilipinas sa boxing noong panahon na iyon ay sa Luneta kung saan tinalo niya si Cesar Soto sa isang unanimous decision.

Pitong beses na nai­depensa ang titulo bago bago nahubaran ng korona si Espinosa noong 1999, nang talunin ni Soto sa kontrobersyal na desisyon.

Makalipas ang isang taon, hinamon ni Golden Boy si Guty Espadas, Jr. para sa bakanteng WBC featherweight title ngunit nabigo ang una.

TUNAY NA LABAN

Tinalikuran ni Espinosa ang boksing matapos hilingin ng publiko lalo na ng kanyang mga taga-suporta na ihinto na niya ang pakikipagbakbakan nang ma-knock out siya ni Cristobal Cruz.

Sa pagtigil sa boxing, ginugol ng boksingero ang kanyang panahon sa Los Angeles at San Francisco lamang ay wala siyang tiyak na pagkakakitaan kung kaya’t diniborsiyo siya ng una niyang asawa.

Upang mabuhay at mu­ling humarap sa hamon, na­ging tagahugas ng pinggan,  naglinis ng carpet at iba pang trabaho  sa Estados Unidos si Espinosa hanggang mapasok niya ang mixed martial arts at naging trainer ng magkapatid na Nick at Nate Diaz.

Umalalay din siya sa pagsasanay ng boxing team ng San Francisco.

Nang muling mawalan ng trabaho sa US,  naimbitahan siyang magtrabaho sa Hong Kong bilang boxing trainer sa Everlast Fight and Fitness Gym kung saan ipinakita niya ang pagiging tunay na kam­peon kahit wala sa ibabaw ng lona.

Mula Hong Kong ay lumipat siya sa Dalian, isang malaking siyudad sa Mainland China.

Maganda ang kanyang buhay sa Dalian. Napagtagumpayan niya ang mga unos sa kanyang buhay kung kaya’t itinuring siyang ‘Kampeon sa tunay na pakikibaka.’

HUSTISYA NAKAMIT NI ESPI

Dumaan sa maraming hirap at karanasan si Espinoza at ang pinakamasarap na tagumpay ay nakamit niya noong 2015 makalipas ang 17 taong pakikipaglaban sa kaso.

Noong 2015, naipanalo ng boksingero ang kasong kanyang isinampa laban sa isang promoter nang idepensa niya ang kanyang korona  sa WBC featherweight title laban kay Carlos Rios ng Argentina noong1997  sa Koronadal, South Cotabato.

Umabot sa mahigit $130,349 ang hindi nasingil ni Espinosa at mga kasama sa kanyang huling laban sa natu­rang bansa. (May karugtong)

Please follow and like us:
Read More