NBI, PNP KINALAMPAG SA KASO NG SINUNOG NA EX-SOLON, 2 TAUHAN

Dating Congressman Edgar Mendoza

(Ni NILOU DEL CARMEN)

UMAPELA sa mga awtoridad ang pamilya ni dating congressman Edgar Mendoza na bilisan ang ­paglutas sa brutal na pamamaslang dito at sa dalawa niyang tauhan kamakailan sa Tiaong, Quezon.

Nabatid na nangangamba rin sa kanilang seguridad ang pamilya ng dating mambabatas kaya nagiging mailap sa pagbibigay ng pahayag at hindi rin binabanggit ang iba pang detalye hinggil sa burol ng biktima.

Person of interest tinututukan ng PNP

MAY person of interest na tinututukan ang Philippine National Police (PNP) bukod pa sa patuloy ang kanilang pag-iimbestiga upang malutas ang kaso bukod sa pagkilala sa mga suspek sa pagpatay at pagsunog sa bangkay ng dating kinatawan ng 2nd District ng Lalawigan ng Batangas.

Ayon kay PNP Spokesman P/BGen. Bernard Banac, isinasailalim na rin sa DNA testing ang tatlong sunog na bangkay na sama-samang natagpuan sa loob ng kotse sa Tiaong, Quezon kahit positibo na itong kinilala ng kanilang mga kaanak.

Naunang nagtatag ang Quezon Police ng special investigation task group upang tutukan ang karumal-dumal na krimen bukod pa sa hiwalay na imbestigasyon ng  isinasagawa ng National Bureau of Investigation (NBI)-Calabarzon.

Inaalam pa ng PNP ang motibo sa pagpatay kay Mendoza, isang practicing lawyer by profession,  bukod pa sa back tracking na kanilang ginagawa upang matukoy kung sino-sino ang kanyang huling kausap sa Calamba, Laguna bago natagpuan patay kasama ang dalawang aide sa nasunog na sasakyan sa Quezon noong Enero 8.

Base sa mga footages na nakalap ng NBI at PNP, nakita ang pagdaan ng kotseng kumpirmadong kay Mendoza  kasunod ang isang motorsiklo na lulan ang mga suspek sa pagsunog sa mga biktima noong Miyerkoles, Enero 7,  sa Barangay Cabay, Tiaong, Quezon.

Ayon kay Max Salvador, regional director ng NBI-Calabarzon, ipinagtataka nila ay ang hindi pagsunog sa mga dokumento at isang maleta na natagpuan sa gilid ng tulay dahil posibleng maging tulay ang mga ito upang malutas ang kaso o kaya naman ay iligaw ang mga nagsisiyasat. (Jesse Kabel)

CHR pasok sa  imbestigasyon

PAPASOK na rin ang Commission on Human Rights (CHR) sa pag-iimbestiga sa umano’y pagpatay kay dating Batangas Rep. Edgar Mendoza at kanyang bodyguards na sina Ruel Ruiz at Nicanor Mendoza na sinunog sa loob ng kaniyang sasakyan sa Quezon.

Ayon kay CHR spokesperson Jacqueline de Guia, nakikiisa ang kanilang tanggapan sa pagkondena sa hindi makatao at karumal-dumal na pagpaslang sa ilang kasalukuyan at dating mga opisyal ng pamahalaan.

Kasabay nito, nanawagan ang CHR sa mga law enforcement agencies na bigyang hustisya ang mga biktima at kanilang pamilya.

“Law enforcement agencies should bring justice to the victims and their family,” ayon kay de Guia.

“Vigilante killings, which arbitrarily deprives indivi­duals of the right to life, contributes to the growing culture of impunity,” dagdag pa ng tagapagsalita ng CHR.  (Kiko Cueto)

CCTV basehan

MALAKI ang hinala ng PNP na hindi nakarating sa kanilang pupuntahan sa Calamba City sina Mendoza at dalawang hinihinalang sakay sa sinunog sa kotse sa Quezon.

Nakalap sa CCTV footages na dumaan ang kotse sa Barangay Cabay at Barangay San Juan bago ito pumasok sa maliit na kalsada patungo sa tulay sa Barangay San Francisco, lahat ay sa bayan ng Tiaong.

Sinabi ni P/Maj. Lawrence Panganiban, hepe ng Tiaong Police, base sa kuha ng CCTV, ang kotse ay nanggaling sa direksyon ng bayan ng San Juan, Batangas at lumusot sa  Marcial C. Punzalan Jr. Highway patungo sa direksyon ng Tiaong.

Ang layo ng San Juan mula sa Lipa City ay 37 kilometro kung saan huli siyang nakausap bandang tanghali ng kanyang pamilya at nasabi na patungo siya sa Calamba City sa Laguna habang ang layo naman ng San Juan sa tulay kung saan sinunog ang kotse at 12 kilometro.

Isa sa pinagtutuunan ng pansin ng pulisya ay kung nasaan si Mendoza sa hu­ling 12 oras bago natagpuan ang nasusunog na kotse niya pasado alas-12 ng ha­tinggabi noong Enero 8.

Ayon kay Panganiban, maging ang pamilya ni Mendoza ay hindi masabi kung saan sa Calamba City ito partikular na patungo.

Samantala, napag-alaman na tatagal ng isang linggo bago lumabas ang resulta ng DNA test sa mga labi upang matiyak ang pagkakakilanlan ng mga biktima.

Please follow and like us:
Read More

SARILING BAHAY SINUNOG NG ADIK

SUNOG by MIKE ROMERO

CAVITE – Sinunog ng isang umano’y drug addict ang kanyang sariling bahay nang mapraning dahil sa pagkalango sa ilegal na droga, sa bayan ng Tanza sa lalawigang ito.

Nakakulong na sa Tanza Custodial Center ang suspek na si Rector Enriquez, binata, ng Bagong Pook, Brgy. Calibuyo, Tanza, makaraang ireklamo ng kanyang mga kapitbahay.

Sa ulat ni Corporal Nikko Paul Barranco ng Tanza Municipal Police Station, dakong alas-3:30 kamakalawa ng hapon nang sunugin ng suspek ang kanyang bahay na yari sa light materials.

Dahil dito, naglabasan ang lahat ang kanyang mga kapitbahay, kabilang ang isang 74-anyos na si Lola Cirila dela Cruz, may asawa, bagama’t mahina na ang katawan, dahil sa matinding takot.

Ayon kay Barranco, mabilis namang naapula ng apoy kaya walang nadamay sa katabing mga bahay.

Tinangka ng suspek na tumakas habang nasusunog ang kanyang bahay ngunit agad siyang nadakip.

Sinampahan lamang ang suspek ng kasong alarm and scandal dahil walang nadamay na ibang bahay sa insidente. SIGFRED ADSUARA

Please follow and like us:
Read More

CRIME SCENE SA SINUNOG NA EX-SOLON, 2 PA; KABISADO NG KILLERS

SINUNOG-EX-SOLON

QUEZON – Palaisipan sa mga imbestigador kung bakit sa napakaliblib na lugar sinunog ng hindi kilalang mga suspek ang kotseng lunan si dating Batangas 2nd District Rep. Edgar Mendoza at dalawa pang kasama nito.

Ayon sa mga imbestigador, posibleng kabisado ng kung sino mang mga suspek ang naturang tulay sa ilang na lugar sa pagitan ng Barangay San Juan at Barangay San Francisco sa bayan ng Tiaong kung saan sinunog ang sasakyan na kinaroroonan ng mga biktima.

Batay sa nakuhang CCTV footage ng mga awtoridad, mula sa Punzalan highway na nag-uugnay sa bayan ng San Juan, Batangas at Tiaong, Quezon, dumaan ang kotse sa Barangay naman ng San Juan bago hatinggabi noong Miyerkoles.

Binaybay nito ang dalawang kilometrong hindi sementadong barangay road patungo sa tulay.

Inihinto ang sasakyan sa gitna ng 70 metrong habang tulay at saka sinunog.

Ayon sa naman sa mga residente ng barangay San Juan, walang pumapasok na mga sasakyan sa naturang lugar maliban sa mga nakatira roon lalo na sa ganoong dis-oras ng gabi kaya posibleng  planado umano na talagang doon dadalhin ang sasakyan at mga biktima.

Ayon pa sa mga imbestigador, batay sa pahayag ng isang lalaking nangingilaw o nangingisda sa ilog, hindi kalayuan sa tulay,  nakita umano nito ang paghinto ng kotse sa tulay at makalipas ang nasa 20 minuto ay bigla itong nagliyab.

Kasunod ang pag-alis umano ng dalawang motorsiklo na sumibad pabalik sa direksyon ng Barangay San Juan nang hindi nakabukas ang mga ilaw.

Wala din umano itong narinig na putok ng baril sa lugar bago ang pagsunog.

Natagpuan naman ang isang maleta at iba’t ibang mga dokumento, kasama ang ID ni Mendoza sa dulo ng tulay.

Ayon pa sa imbestigasyon, ang labi ng tatlong mga biktima ay pawang natagpuan sa back seat ng sasakyan kaya posibleng iba ang nagmaneho nito bago sinunog.

Ayon nman kay Antonio Vertido, medico legal officer ng National Bureau of Investigation sa Calabarzon, isinailalim na  sa DNA test ang mga bangkay para makumpirma kung ang mga ito ay si Mendoza, ang driver niyan gsi Ruel Ruiz  at bodyguard na si Nicanor Mendoza.

Nagbuo na rin ang Quezon PNP ng task force na tututok sa malaliman pang imbestigasyon sa  kaso. (NILOU DEL CARMEN)

Please follow and like us:
Read More

EX-SOLON, KASAMA SINILABAN SA KOTSE

SINUNOG

QUEZON – Patay  ang isang dating congressman ng Batangas at ang kasama nito makaraang silaban sa loob ng sasakyan sa bayan ng Tiaong sa lalawigang ito, noong Huwebes ng madaling araw.

Batay sa inisyal na report,  pasado alas-12:00 ng madaling araw nang madiskubre ng mga residente ang isang nasusunog na sasakyan sa ibabaw ng tulay sa Barangay San Francisco.

Nang maapula ang apoy makalipas ang dalawang oras, natagpuan ang dalawang sunog na bangkay na kinilala ang isa na si dating Batangas 2nd district Congressman Edgar Mendoza.

Ayon kay Maj. Lawrence Panganiban, hepe ng Tiaong  police,   nakita sa loob ng sasakyan ang mga ID na nakapangalan sa dating congressman kaya nakipag-coordinate kaagad ang mga ito sa mga awtoridad sa Batangas.

Kinumpirma naman ng mga kaanak ni Mendoza na pag-aari nito ang nasunog na kotse na isang Honda Civic  na may plate number DND 6374.

Sinusuri pa ng mga tauhan ng SOCO ang crime scene upang malaman kung ano ang posibleng ikinamatay ng mga biktima at kung ano ang dahilan ng pagkakasunog ng sasakyan.

Inaalam din kung ilan ang talagang sakay ng kotse dahil ayon kay Panganiban ay sunog na sunog  ang sasakyan at hindi na halos na makikilala ang mga sakay.

Ayon sa pamilya, umalis ang 60-anyos na dating mababatas sa kanilang tahanan sa Batangas noong Miyerkoles kasama ang driver at bodyguard nito upang dumalo sa isang meeting sa Calamba City.

Si Mendoza ay naging kinatawan ng 2nd district ng Batangas mula 1998 hanggang 2001 sa ilalim ng 11th Congress. (NILOU DEL CARMEN)

Please follow and like us:
Read More

AMA PINATAY, SINUNOG, NG ANAK NA MAY ‘SAYAD’

(NI JESSE KABEL)

HINDI pa nakuntento matapos pagtatagin kaya’t sinunog pa ng  isang lalaking may sayad ang  bangkay ng kanyang 78-anyos na ama sa ulat ng pulisya sa Pamplona Negros Oriental.

Sa report ng Pamplona PNP, Biyernes ng umaga nang salubungin ng taga ng suspek na umanoy may diprensiya sa pag-iisip ang kanyang ama sa hindi pa malamang dahilan.

Hindi pa umano nakuntento ay sinunog pa nito ang katawan ng biktima saka tumakas.

Subalit sa isinagawang follow-up operation ay nadakip din ang suspek bitbit pa ang ginamit na itak sa pag paslang sa kanyang ama.

Lumilitaw sa pagsisiyasat na may diperensiya umano sa pag-iisip ang suspek base sa pahayag ng kanyang pamilya kaya hindi pa malinaw kung ano ang motibo nito para patayin ang kanyang tatay.

Nahaharap ngayon sa kasong parricide ang suspek.

Please follow and like us:
Read More