KELOT SINAKSAK SA PUWET

SAKSAK-4

AKLAN – Sugatan ang isang lalaki makaraang saksakin sa puwet ng kanyang dating kaalitan, iniulat ni-tong Sabado ng umaga sa bayan ng New Washington sa lalawigang ito.

Kinilala ang biktimang si Jaypee Roberto Crisostomo, nasa hustong gulang, habang tinutugis naman ang suspek na si Biro Oliveros, kapwa residente ng Barangay Puis, New Washington, Aklan.

Batay sa report ng New Washington Municipal Police Station, dakong alas-10:00 ng gabi noong Biyernes nang mangyari ang insidente sa nasabing lugar.

Lumabas sa imbestigasyon, bago ang insidente, unang naka-engkuwentro ng suspek ang bayaw ng biktima.

Nakita umano ni Crisostomo ang pangyayari kaya hinarang niya ang suspek ngunit naungkat din ang kanilang dating hindi pagkakaunawaan.

Pagkaraan ay bigla na lamang umanong sinaksak ng suspek sa puwet ang biktima saka mabilis na tuma-kas.

Agad dinala sa ospital ang biktima para lapatan ng lunas.

Patuloy ang imbestigasyon ng pulisya sa nasabing insidente. (ANNIE PINEDA)

Please follow and like us:
Read More

GRAB DRIVER SINAKSAK NG ANGKAS DRIVER

SINAKSAK

SUGATAN ang 43-anyos na Grab driver matapos pagsasaksakin ng hindi kilalang Motorcycle Angkas driver na napikon umano sa headlights ng biktima sa Mandaluyong City, noong Huwebes ng hapon.

Kinilala ang biktima ng pananaksak na si Rommel Cervantes y Nava, 43, Grab driver, personal na nagtungo sa Victoriano R. Potenciano Medical Center para ipagamot ang sarili.

Ayon sa Mandaluyong City Police Station (CPS), minamaneho ng biktima ang kanyang Toyota Innova habang motorsiklo naman ang dala ng suspek at kapwa nila tinatahak ang iisang direksyon sa  tunnel ng Boni Ave. sa panulukan ng Arayat sa Brgy. Malamig, Mandaluyong City.

Napikon umano ang hindi pa kilalang driver ng Angkas nang magbukas ng headlights ang Grab driver kaya sinadya nitong banggain ang likurang bahagi ng sasakyan ng biktima.

Nang bumaba ang biktima para tingnan ang likurang bahagi ng minamanehong Innova, bigla na lamang umanong bumunot ng patalim ang suspek na may limang pulgada ang haba at saka inundayan ng saksak si Cervantes bago tumakas sakay ng kanyang motorsiklo.

Tinamaan ang suspek ng mga saksak sa pisngi at kaliwang kamay ngunit nasa maayos nang kalagayan habang patuloy na pinaghahanap ang tumakas na suspek.  (NICK ECHEVARRIA)

Please follow and like us:
Read More

UMAWAT SA AWAY, TINARAKAN SA DIBDIB

KUTSILYO

(Ni KOI HIPOLITO)

Nasa malubhang kondisyon ngayon sa Pasay City General Hospital ang isang construction worker na inundayan ng saksak matapos na umawat sa dalawa nitong kasamahan na nagtatalo sa loob ng kanilang barracks sa F. Angeles st., Brgy.77, Zone 10, Baclaran, Pasay City bandang 11:50 ng gabi nitong Martes.

Nakilala ang biktima na si Gilbert Alinsub, 35, isang steelman at tubong Maasin, Leyte at kinilala naman ang suspek na si Jay- Ar Ramos, nasa hustong gulang na kasamahan sa trabaho ng biktima.

Batay sa inisyal na report ng mga otoridad ng Baclaran-Police Community Precinct (PCP) nagtalo umano ang suspek at ang hindi pinangalanan na isa pa nilang katrabaho ng sinubukan awatin ng biktimang si Alinsub ang dalawa subalit siya ang pinagbalingan ng suspek na bumunot ng kutsilyo at sinaksak sa kanan dibdib ang biktima bago tumakas.

Naglatag na ng follow-up investigation at hot pursuit operation laban sa suspek para maaresto at mapanagot sa ginawa nitong krimen.

Please follow and like us:
Read More

MAGSASAKA GRINIPUHAN NG MGA KABARO, PATAY

KUTSILYO

(Ni BONG PAULO)

Dead-on-arrival sa ospital ang isang 58-anyos na magsasaka makaraang undayan ng saksak ng mga kabarong magsasaka na mga senglot na kasama ng una sa tunggaan sa Sitio Matagol, Barangay Kipalbig, Tampakan, South Cotabato, nitong Lunes.

Kinilala ng Tampakan PNP na pinamumunuan ni OIC Police Major Joseph Forro III ang biktima na si Fredo Fuerte, 58 anyos, Biyudo at nakatira sa nasabing lugar.

Unang nakakita sa duguan at nakahandusay sa damuhan na si Fuerte sa kanilang lugar ang nakamotorsiklong OFW na si Jonrey Roa, 34-anyos na nagdala sa kanya sa Tampakan, Municipal Hospital.

Ang biktimang si Fuerte na matapos saksakin ay pinalo pa ng sanga ng Ipil-ipil sa ulo ay hindi na umabot ng buhay sa ospital nang dalhin ng mga kasapi ng rescue Team ng Tampakan LGU sa South Cotabato Provincial Hospital sa Koronadal City.

Ang mga suspek sa pananaksak ay ang mga nakainuman nitong sina Carlo Zaulda, 36 years old; Freddie Ebarbia, 53; at Ellezer Bayat alias “Nognog” pawang mga magsasaka rin at nakatira din sa nasabing lugar.

Ang nasabing mga mga suspek na tinukoy ng saksi na si Arnel Turibio na tumakas matapos ang krimen ay pinaghahanap pa ng mga pulis.

Please follow and like us:
Read More