GUNRUNNER UTAS SA SHOOTOUT

GUNRUNNER

CAGAYAN de Oro City – Patay ang isang lalaking hinihinalang gunrunner makaraang manlaban umano sa mga awtroidad sa ikinasang operasyon nitong Martes ng umaga sa lungsod na ito.

Kinilala ang napatay na si Klyd Jun Bryan Llamis, nasa hustong gulang, residente ng Zone 4, Barangay Bulua, Camaman-an.

Batay sa report ng Camman-an Police Station, dakong alas-2:00 ng madaling araw nang mangyari ang insidente sa City Public Cemetery sa Barangay Camaman-an ng nasabing lungsod.

Ayon sa pulisya, matagal nilang minanmanan ang suspek sa hinggil sa pagbebenta umano ng mga armas at nang magpositibo ay isang pulis ang umaktong poseur buyer para makabili ng armas.

Ngunit nakatunog ang suspek na pulis ang katransakskyon kaya agad umanong bumunot ng baril.

Gayunman, mabilis umanong kumilos ang pulis at naunahan sa pagpapaputok ang suspek na agad napuruhan.

Dinala sa ospital ang suspek ngunit nalagutan ng hininga habang nilalapatan ng lunas.

Nakuha sa pinangyarihan ng insidente ang isang caliber .45 at caliber .38 na baril.

Patuloy ang imbestigasyon ng pulisya para alamin kung sino ang iba pang mga kasama ng suspek sa kanilang grupo. (ANNIE PINEDA)

Please follow and like us:
Read More

LALAKING NAKAPATAY SA LIVE-IN PARTNER, SUMUKO

(NI JG TUMBADO)

SUMUKO sa mga otoridad at maaaring maharap sa kasong pagpatay ang 27-anyos na lalaki na hinihinalang pumatay sa kanyang live-in partner sa Sitio Mahayahay, Barangay San Vicente, bayan ng Liloan sa Cebu.

Gayunman, tumangging magsalita ang suspek na si Eldie Orquiza patungkol sa detalye ng pagkakapaslang sa biktimang si Bianca Paige Bayang, 25.

Ayon kay Police Master Sergeant Jason Gayo, desk officer ng Liloan Police Station, patuloy pa nilang sinisiyasat ang suspek na batay sa resulta ng paunang pagtatanong ay sinasabing nagselos si Orquiza.

Una rito, narinig ng kanilang mga kapitbahay ang dalawa na nag-aaway dakong ala-1 ng madaling araw o apat na oras bago natagpuan ang bangkay ng babae na ilang metro ang layo mula sa kanilang bahay.

Maliban sa pagtatalo nina Orquiza at Bayang, narinig din ng mga residente sa lugar ang isang putok ng baril ngunit hindi nila direktang matukoy ang pinanggalingan nito.

Nakitang may tama ng bala ng baril sa ulo ang babaeng biktima na pinaniniwalaang naging sanhi ng agaran nitong kamatayan.

Matapos ang insidente ay hindi na natagpuan si Orquiza ngunit isinuko na lamang ng kanyang mga magulang.

Sinabi ni Gayo na inaakusahan ni Orquiza si Bayang na nagtataksil sa kanya kaya’t palaging ginagabi ng pag-uwi ang biktima mula sa pinagtatrabahuan nitong appliance store sa bayan ng Consolacion.

Please follow and like us:
Read More

2 ITINUMBA SA LAMAY

crimeshoot

(NI GUILLERMO OCTAVIO)

HINDI pa matatapos ang lamayan sa isang kalye sa Caloocan City matapos dalawang lalaking nagsusugal sa burol ng kalugar ang pinagbabaril at napatay, Biyernes ng madaling araw.

Agad namatay sina Jasper Esliza, 17,  ng 184 Gen Mascardo Street, Barangay 144, Caloocan City; at Crisanto Santiago, 29, ng Malvar St., Barangay 142, Caloocan City.

Nakaratay naman sa Manila Central University Hospital si Joshua Arcega, 27, binata, ng 64 Gen Mascardo St.,  Barangay 144, Caloocan City.

Alas-12:30 ng madaling-araw ay abala sa pagsusugal ang mga biktima nang biglang mabulabog nang paulanan ng bala ng nag-iisang hindi nakilalang salarin sina Santiago at Eslisa sa Balagtas St., Barangay 143, Bagong Barrio.

Tumakas ang gunman matapos ang insidente.

Ayon sa pulisya, alitan umano sa sugal ang motibo sa pamamaslang kaya’t posibleng tagaroon din sa nasabing lugar ang gunman.

Nabatid na hindi ito ang unang banta sa buhay ni Santiago at dati na rin itong sinaksak at binaril ngunit nakaligtas.

 

Please follow and like us:
Read More

PULIS, 1 PA, DEDBOL SA BUY BUST OPERATION SA BULACAN

(NI JG TUMBADO)

DEDBOL ang isang aktibong pulis at kasabwat nitong lalaki makaraan silang makipagbarilan sa pulisya sa kalagitnaan ng buy bust operation sa San Jose Del Monte City, Bulacan, Huwebes ng gabi.

Nakilala ang dalawang napaslang na sina Police Corporal Jayvee Ancho, at ang target ng operasyon na si alyas “Jun”.

Si Ancho ay nakadestino umano sa Provincial Police Office ng Bulacan Provincial Drug Enforcement Group.

Ayon kay Police Lt. Col. Orlando Castil, Jr., chief of police ng San Jose Del Monte, nangyari ang engkuwentro sa Barangay Gaya-Gaya, pasado alas 10 ng gabi.

Nagawa umano ng poseur buyer na makabili ng P500 halaga ng shabu sa dalawa pero nakatunog ang mga ito na pulis ang kanilang nakatransaksyon kaya bumunot na sila ng baril at pinaputukan ito.

Agad namang nakaganti ang mga pulis kung saan napuruhan ang mga suspek na kapwa wala nang buhay na bumulagta.

Please follow and like us:
Read More

3 HOLDAPER UTAS SA SHOOTOUT

buy-bust dead

(NI BONG PAULO)

Bumulagta ang tatlong pinaghihinalaang mga holdaper matapos na makipagbarilan sa mga pulis nang aarestuhin ang mga ito ng pulisya sa Yapsea Street, Brgy. RH-10, Cotabato City, hapon nitong Biyernes.

Kinilala ang dalawa sa tatlong mga suspek na sina Boy Ali Dilalagan Lumilis alyas Boy, 23-anyos; Jordan Abdullah,  nasa hustong gulang habang patuloy na inaalam ang pagkakakilanlan ng isa pa.

Ayonkay PCaptain Rostum Pastolero, hepe ng police station 2, una silang tumanggap ng impormasyon na may tatlong kalalakihan umano na sakay ng motorsiklo na may kahina-hinalang ikinikilos sa nasabing lugar, pasado alas-5:00 ng hapon.

Agad na rumesponde ang mga ito at naaktuhan na isa sa tatlong mga suspek ang nanutok ng baril sa isang payong-payong driver na may sakay na mga estudyante.

Nilapitan ni Pastolero ang mga ito pero nagpaputok ng baril ang isa sa tatlo hanggang sa mauwi sa shootout.

Nagawa pang maisugod sa ospital ang dalawa sa tatlo pero dead on arrival ang mga ito sa pagamutan.

Inaalam pa ng otoridad kung may iba pang krimen na kinasaangkutan ang mga suspek.

 

Please follow and like us:
Read More

MANDAUE CITY JAIL SHOOTOUT: ‘BATA’ NG DRUG LORD, PATAY

(NI JG TUMBADO)

NAPATAY sa pamamaril ang isang bilanggo na umanoy miyembro ng dating bigtime drug syndicate na naganap mismo sa loob ng Mandaue City Jail sa Barangay Looc, umaga ng Lunes.

Nakilala ang biktima na si Romy Ramas, 33, kilalang miyembro ng sindikato ng ilegal na droga sa pamumuno ng napaslang na bigtime drug lord na si Steven Go.

Agad isinugod si Ramas sa Mandaue District Hospital subalit idineklara itong dead on arrival bunsod ng isang tama ng bala ng baril sa kanyang katawan.

Sinabi ni Police Col. Jonathan Abella, chief of police ng Mandaue City, rumesponde ang ilang jail officers sa komosyon sa basketball court sa loob ng Jail Male dormitory kung saan naabutan na lamang na duguang nakahandusay sa sahig si Ramas pasado alas 10 ng umaga.

Hindi pa umano malaman sa imbestigasyon kung sino ang bumaril kay Ramas habang patuloy pa na inaalam kung sino ang nasa likod ng pamamaril sa loob ng jail facility.

Si Ramas ay nakulong sa nabanggit na piitan sa kasong illegal possession of illegal drugs sa ilalim ng RA  9165 o ang comprehensive dangerous drugs act of 2002.

Bago napatay si Ramas ay una ng binaril at napatay si Go sa Mandaue City Jail noong June 19, 2018 kung saan ay hindi pa rin natutukoy ang nasa likod ng pamamaslang.

 

Please follow and like us:
Read More

BRGY EX-O BINOGA SA ULO

crimeshooting12

(NI HARVEY PEREZ)

HINDI na umabot ng buhay sa pagamutan ang isang Barangay Executive Officer (Ex-O) nang barilin  sa ulo habang nakaupo sa harapan ng kanyang motorcycle repair shop, Martes ng hapon sa Binondo, Maynila.

Patay na nang dumating sa Gat Andres Bonifacio Medical Center, ang biktimang si Dario Habal, 45, negosyante, Barangay Ex-O ng Barangay 275, Zone 25, at nagmamay-ari ng motorcycle repair shop sa 018 Gate 47 Area-B sa Parola Compound sakop ng Binondo.

Nakatakas naman ang hindi  nakilalang suspek na inilarawan na nasa edad 37 -39,  may taas  5’7″, nakasuot ng kulay puting t-shirt, naka-maong na pantalon at dark gray na bullcap.

Ayon sa imbestigasyon ng  Manila Police District –Homicide Section, alas 4:00 ng hapon nang maganap ang krimen sa harap mismo ng repair shop ng biktima.

Lumapit umano ang suspek sa biktima na noon ay  kumakain ng ice candy  at saka ito binaril   gamit ang isang kalibre .9MM pistola.

Dinala  naman ng mga bystander sa pagamutan ang biktima pero hindi na ito  umabot nang buhay.

Samantala, inaalam ng pulisya kung may kinalaman sa kanyang negosyo o sa kanyang trabaho sa barangay, ang motibo sa pagpaslang sa biktima.

Please follow and like us:
Read More

TATLONG ARMADO, BULAGTA SA ENGKWENTRO

batangas1

(NI NILOU DEL CARMEN)

PATAY ang tatlong hindi pa nakikilalang kalalakihan na hinihinalang pawang mga Muslim,  matapos makipagbarilan sa mga tauhan ng Batangas PNP sa Sto. Tomas, Batangas, Sabado ng gabi.

Ayon sa Batangas police, nangyari ang engkwentro sa inuupahang rowhouse ng mga suspek sa Valle Pio  Phase 1, Barangay  San Pablo Nayon, alas 11:30 ng gabi kung saan sa halip na sumuko ay nanlaban umano ang mga ito.

Alas 5:00 ng hapon nang unang mamataan ang mga suspek habang nagsasagawa ng surveillance operation ang mga tauhan ng Sto Tomas PNP Intelligence personnel sa nasabing lugar.

Napasugod din  sa lugar ang mga tauhan ng Sto Tomas MPS, SWAT team,  1st PMFC at PIB Batangas matapos na mapag-alamang armado ang dalawa sa mga suspek.

Nagkaroon ng standoff matapos na magkulong ang  mga ito sa loob ng rowhouse habang kinukumbinsing lumabas at sumuko.

Nagkaroon ng sunod-sunod na palitan ng putok na nagresulta sa agarang  pagkamatay ng tatlo.

Narekober sa crime scene ang dalawang kalibre .45 baril.

 

Please follow and like us:
Read More

GRADE 7 BINARIL SA ULO SA LOOB NG CLASSROOM

crimeshooting12

(NI NILOU DEL CARMEN)

IDINEKLARANG  brain dead na sa ospital  ang isang high school student  na binaril sa ulo habang nasa loob ng classroom sa Calamba City, Laguna, Huwebes ng tanghali.

Kinilala ng Calamba police ang biktima na si Mark Anthony Andres Miranda, 15-anyos, residente ng Barangay Pansol, at grade 7 student sa Castor Alviar National High School sa Barangay Masili.

Batay sa report ng Calamba City police, nangyari ang pamamaril alas 12:30 ng tanghali habang ang biktima ay naka-noonbreak at nagpapahinga sa loob ng classroom.

Bigla na lamang umanong pumasok   ang suspek at binaril ang biktima ng dalawang beses gamit ang isang maiksing baril.

Agad ding tumakas ang suspek habang isinugod naman sa ospital ang biktima.

Pinauwi na rin ang mga estudyante sa paaralan at sinuspinde na rin ang klase para bukas.

Samantala, agad nagsagawa ng manhunt operation ang mga pulis at tinutugis na ang bayan ng Los Baños.

Iniimbestigahan pa rin ang pangyayari at inaalam ang dahilan sa pamamaril.

 

Please follow and like us:
Read More

PUGANTE, PATAY; 1 PA ARESTADO SA SAFEHOUSE

crime43

(NI BONG PAULO)

NORTH COTABATO – Napatay ang isang matagal nang wanted sa batas na isang pugante habang naaresto naman ang isa pang kasama nito sa shootout nang isilbi ng mga otoridad ang warrant of arrest laban sa suspek sa safehouse nito sa barangay Olandang sa bayan ng Midsayap, North Cotabato, ayon sa ulat nitong Linggo.

Kinilala ang nasawing suspek na si Thorag Sandalan Sabal, alias Erick Pasanggalan, habang arestado naman ang kasama nitong si Nasser Makabangen Usman.

Sa ulat na nakarating kay Brig. Gen. Eliseo Tam Rasco, pinuno ng Police Regional Office 12 (Soccsksargen), alas-10:00 ng umaga nitong Sabado nang salakayin ng mga pulisya ang pinagkukutaan ng suspek pero imbes na sumuko si Sabal ay nagpaputok ito sa mga otoridad dahilan para gumanti rin ng putok ang mga pulisya hanggang sa nabaril si Sabal.

Sa ulat, kabilang si Sabal sa mga pugante ng Maguindanao Provincial Jail na pumuga noong Mayo 24 ng nakaraang taon.

Nahaharap ang suspek sa patung- patong na kaso tulad ng murder, illegal drugs possession at illegal possession of firearms.

Nasabat naman ng pulisya ang kalibre .45 na pistol, dalawang piraso ng plastic sachet na naglalaman ng shabu  at bala ng kalibre .45.

Timbog din ang kasama ng suspek na si Usman matapos makuhanan din ng illegal na armas at illegal drug paraphernalia.

 

Please follow and like us:
Read More

BARILAN SA SABUNGAN: CARETAKER, 15-ANYOS, PATAY

south cotabato12

(NI BONG PAULO)

PATAY  ang katiwala ng sabungan at isang menor de edad na lalaki habang dalawang iba pa ang sugatan matapos pagbabarilin ang mga ito sa sabungan na nasa Koronadal Sport Complex sa Purok Kaunlaran, Barangay Sto. Nino, Koronadal City, South Cotabato, Biyernes ng gabi.

Kinilala ni Police Lt. Col. Rey Egos, hepe ng Koronadal City PNP, ang namatay na caretaker na si Reynan Latoza Pagdato, 54, may-asawa, welder at residente ng Koronadal City Sports Complex Compound ng nabanggit na barangay.

Sa follow-up investigation ng kapulisan, binawian din ng buhay habang ginagamot sa ospital ang menor de edad na kinilalang si Harry Ogpon Duplito, 15-anyos.

Sugatan naman sina Johnreal Ogpon Alverio, 22 at Mark John Morong Berameda,12; pawang mga residente ng Purok Malipayon, Sto. Nino, Koronadal.

Ayon kay Egos, bandang alas-10:30 ng gabi nang maganap ang insidente kung saan tatlong mga suspek sa krimen ang nakaabang na sa gate ng sabungan bago pa man dumating ang mag-asawang Pagdato.

Nagkaroon umano ng pagtatalo ang asawa ni Pagdato at ang mga kabataan sa lugar hanggang lumabas ang biktima.

Nang akmang susuntukin ito ng isa sa mga tinatawag na ‘Sukarap’ (gang) na kabataan, dito na pinagbabaril ng tatlong suspek ang mga umano’y ‘Sukarap’ na ikinasugat ng tatlo.

Agad namang binalikan ng mga suspek si Pagdato at binaril sa ulo na ikinamatay nito.

 

Please follow and like us:
Read More

‘DRUG SUSPECT’ PATAY SA CAINTA SHOOTOUT

crime143

(NI KEVIN COLLANTES)

PATAY ang isang drug suspect nang manlaban sa ikinasang buy-bust operation ng mga awtoridad  sa engkwentro sa Taytay, Rizal nitong Biyernes ng gabi.

Dead on arrival sa Taytay Emergency Hospital ang biktimang si Jojo Sandigan, alyas ‘Muslim,’ 43, residente ng Block 37, Sitio Damayan, Barangay San Juan, Taytay.

Lumilitaw sa ulat ng Cainta Municipal Police Station, na alas 7:45 ng gabi nang magkasa ng buy-bust operation ang mga pulis laban sa suspek sa Barangay San Juan, matapos na makatanggap ng tip hinggil sa illegal nitong aktibidad.

Isang pulis ang nagpanggap na buyer at naisagawa ang palitan ng shabu at P1,000 buy-bust money.

Gayunman, bago pa man naaresto ang suspek ay nakahalata ito na mga pulis ang kanyang ka-transaksiyon kaya’t kaagad na nagbunot ng baril at nagpaputok sa direksiyon ng mga alagad ng batas.

Nakaramdam ng panganib sa kanilang buhay, gumanti ng putok ang mga alagad ng batas na nagresulta sa pagkamatay ng suspek.

Narekober ng mga awtoridad mula sa suspek ang isang kalibre .45 pistola, isang pakete ng shabu, 1 bag ng hinihinalang marijuana, na di batid ang halaga at buy-bust money.

 

 

Please follow and like us:
Read More

2 ‘BASAG-KOTSE’ PATAY SA SHOOTOUT

crimebaril1

(NI BONG PAULO)

BUMULAGTA ang dalawang miyembro ng “Basag-Kotse Gang” matapos kumasa nang maaktuhan ng mga pulis na binabasag ang isang kotse sa Ventalacion Street, Barangay Lagao, General Santos City, Martes ng gabi.

Kinilala ang mga nasawi na sina Josefino Emperado at Jan Eric Jaud kapwa residente ng General Santos city.

Ayon kay Senior Supt. Raul Supiter, City PNP Director, alas-11:00 ng gabi nitong Martes nang maaktuhan ng mga nagpapatrulyang pulis ang isang lalaki habang binabasag ang salamin ng nakaparang kotse sa Barangay Lagao.

Nang sitahin ay nagtangkang tumakas ang mga suspek subalit nasukol sila sa isang kalye at doon na nagkapalitan ng putok. Nakuha sa dalawang suspek ang isang kalibre .45 at .38 na revolver.

Napag-alaman na nag-ooperate ang grupo ng dalawa sa lalawigan ng South Cotabato.

Nakuha sa wallet ni Emperado ang dalawang sachet ng shabu, mga dolyar at riyal cash.

Please follow and like us:
Read More

4 PULIS SIBAK SA PAGPATAY SA ANAK NG MAYOR

mayor12

(NI JUN V. TRINIDAD)

TAYABAS CITY – SINIBAK sa puwesto ang hepe ng pulisya sa siyudad na ito kasama ang tatlo pang pulis kaugnay sa kontrobersyal na pagkakapaslang sa anak ng mayor sa lalawigan ng Quezon sa isa umanong engkuwentro noong Huwebes.

Sa order ni P/Col. Osmundo de Guzman, Quezon police director, tinanggal sa pamamagitan ng administrative relief sina P/Lt. Col. Mark Joseph Laygo, dating Tayabas police chief; P/Staff Sgt. Christopher John Siman; P/Patrolmen Perry Malabaguio at William Allan Ricamonte.

Sila ay pansamantalang ibinalik sa Quezon police provincial office sa Camp Nakar sa Lucena City simula Marso 8.

Ginawa ang pagtanggal sa apat na pulis upang bigyang daan ang parehas na imbestigasyon sa pagkakapatay kina Christian Gayeta at Christopher Manalo matapos umanong makipagpalitan ng putok ang dalawa sa mga alagad ng batas noong Huwebes ng umaga.

Si Gayeta ay anak ni Sariaya Mayor Marcelo Gayeta.

Nagsasagawa rin ng hiwalay na imbestigasyon ang National Bureau of Investigation (NBI) batay sa kahilingan ng pamilya Gayeta.

Sa police report, binaril umano ni Gayeta at Manalo ang isang gasoline boy sa PTT gas station sa Barangay Baguio bandang alas-4:00 ng umaga nang walang anumang kadahilanan.

Mabilis na tumakas ang dalawang namaril pagkatapos na hindi tinamaan ang target.

Sa pagresponde ng tropa ng pulis ay nasabat ang dalawa sa bahagi ng Barangay Calumpang at nagkaroon ng palitan ng putok hanggang sa mapatay ang mga ito.

Narekober sa mga napatay ang isang kalibre .45 at isang kalibre .22 na baril.

Please follow and like us:
Read More

LIDER NG DRUG GANG PATAY; 5 ARESTADO

manila boy

(NI FRED SALCEDO/PHOTO BY JACOB REYES)

MAHIGIT P2 milyong halaga  ng shabu ang nalambat ng mga otoridad sa target na tulak ng iligal na droga na nauwi sa barilan kumasa ang suspect na sinasabing lider ng gang.

Nakatunog ang suspek na ang ka-transaksiyon nito ay pulis na bumili ng 300 gramo  ng shabu sa South Signal Village,Taguig City kaya agad na bumunot ng pistolang baril ang suspek na nauwi sa barilan. Limang kasamahan nito ang arestado.

Kiinilaala ang nasawi na si Alex Abdul, alias Manila Boy,  na ayon kay Police Brigadier General Joselito Esquivel, hepe ng QCPD, na  umabot  ang operasyon ng kanyyang mga tauhan hanggang sa Taguig mula Quezon City nang mahuli ang iba pang mga kasama ni Abdul at itinuro ito bilang source ng bulto-bultong droga na ibinebenta sa Quezon City.

Sa bahay naman naaresto ang limang kasamahan ni Abdull na kinilalang sina sina Romeo Santisas , Marissa Silamor,Jennelin Poja,  dalawang kasabwat na suspek

Nabawi rin ang ginamit na motor ng suspek na hinihinalang carnap at ginamit din sa holdapan ng sanglaaan sa Taguig.

Please follow and like us:
Read More

LALAKING ‘SATANISTA’ PATAY SA BALA NG PARAK

gun12

(NI GUILLERMO OCTAVIO)

HINDI umubra sa bala ang sinasabing pagiging Satanista ng isang tulak ng shabu nang makipagbarilan ito at mapatay ng mga pulis sa isinagawang buy-bust operation Martes ng madaling -araw sa Valenzuela City.

Nalagutan ng hininga habang itinatakbo sa Valenzuela Emergency Hospital dahil sa mga tama ng bala sa katawan si Roderick Javier, alyas “Eric Demonyo” , 45, ng 198 Pabilonia St., Brgy. Isla., Valenzuela City.

Isinagawa ang operasyon laban kay Javier ala-1:30 ng madaling araw matapos ang isang lingggong pagmamatyag.

Nang magkaliwaan ng shabu at P500 marked money ang suspek at ang pulis na nagpanggap na iiskor, sumenyas ang poseur-buyer sa mga kasama.

Dito tila nakatunoy ang suspect at agad pinagbabaril ang mga sumasalakay na pulis.

Pagganti ng mga parak ay agad itong nasapul at itinakbo sa nasabing ospital kung saan siya idineklarang dead-on-arrival.

Narekober sa shorts ng suspek ang P500 buy-bust money, P200 at walong plastic sachets ng shabu na tinatayang P20,000 ang halaga.

Please follow and like us:
Read More

7 ROBBERY GROUP MEMBER TODAS SA ENGKWENTRO

batangas1

(NI JG TUMBADO)

PITONG hinihinalang miyembro ng “Baklas Bubong” robbery group ang napatay sa madugong engkwentro laban sa mga pulis sa boundary ng Agoncillo at Laurel, Batangas Lunes ng madaling araw.

Ayon kay Senior Supt.  Edwin Quilates,  director ng Batangas PNP,  tumakas sa checkpoint sa Laurel ang mga suspek na sakay ng isang van subalit naharang sa isa pang checkpoint sa Agoncillo kungsaan naganap ang barilan dakong alas 4:30 ng madaling araw.

Batay sa report ng Batangas police, unang napara ang puting Toyota Hi-Ace van na may plate number TTH 344 sa police checkpoint sa Barangay Berinayan,  Laurel subalit lumagpas ito patungo sa direksyon ng Agoncillo.

Agad nagkasa ng blocking force ang Agoncillo PNP sa Barangay Banyaga subalit sa halip na huminto ay pinaputukan pa ang mga awtoridad.

Nasabat ang van ng isa pang patrol team na nakadeploy ilang metro ang layo sa checkpoint at naganap ang palitan ng putok na nagresulta sa pagkasawi ng pitong sakay.

Batay sa impormasyon,  galing umano ang grupo at nakapanloob sa hindi tinukoy na feed mills store.

Inaalam pa ngayon ng mga awtoridad ang mga pagkakakilanlan sa mga nasawing suspek.

Please follow and like us:
Read More

BENTAHAN NG BARIL: 5 PATAY SA SHOOTOUT

gun

(Ni LILY REYES/PHOTO BY JULIUS CARBO)

LIMANG miyembro  ng kilabot na gunrunning  syndicate  ang napatay  at isang kagawad ng Quezon City Police District  (QCPD)  ang nasugatan  sa naganap na shootout  sa isang  buy-bust operation  Martes ng hapon sa Quezon City.

Sa report ni Quezon City Police District (QCPD) Director, PCSUPT Joselito T Esquivel Jr, kina  PNP Chief, Police Director General Oscar D Albayalde  at  National Capital Region Police Office (NCRPO) Chief,  PDIR  Guillermo Lorenzo T Eleazar, ang limang   napatay ay pawang  mga miyembro ng  gunrunning syndicate.

Sa imbestigasyon ng  Criminal Investigation  and Detection Unit (CIDU) ng QCPD,  makatanggap umano ng impormasyon  si DSOU Chief PSUPT  Gil Torralba  kaugnay sa  rampant na bilihan ng  mga baril sa may Vega Compound, cor Dahlia at Leis St, Brgy. Fairview, Quezon City.

Kaagad na nagkasa ng buy bust operation ang QCPD-DSOU pasado alas 5:00 kamakalawa     ng hapon  sa  Vega Compound  kung saan  ang  poseur buyer  ay  bumili ng  12 unit ng  cal 38 revolver  (Armscor 22).

Napansin umano ng mga suspek na  may mga paparating na pulis  kung kaya pinaputukan   nila ang mga operatiba  ng DSOU  at tinamaan  ang  poseur  buyer na si POI Ronald  Pornea, sa kaliwang braso.

Please follow and like us:
Read More

SANTILLAN ‘RUBOUT’ PAKANA NG GENERAL –CHONG

chong300

(NI NOEL ABUEL/PHOTO BY DANNY BACOLOD)

IBINULGAR ni Atty. Glenn Chong na aabot sa P150 milyon ang pinakawalan para paslangin ang kanyang security aide at patahimikin sa usapin ng Smartmatic issue.

Ayon kay Chong, humarap sa pagdinig sa Senate Committee on Public Order and Dangerous  Drugs, tinukoy nito ang ilang matataas na opisyal ng Philippine National Police (PNP) na nasa likod ng pagpatay sa security aide na si Richard Santillan noong Disyembre ng nakaraang taon.

Partikular na tinukoy ni Chong si PC/Supt. Edward Carranza, hepe ng PNP Region IV-A na sinasabing responsable sa panggigipit umano ng huli sa una para umatras sa pagbubulgar nito sa sinasabing dayaan sa 2016 elections ng Smartmatic.

“I hold Carranza peronally liable for this murder. The motive is Smartmatic. Ang presyo P150M,” sa ambush interview kay Chong.

Tinukoy pa ni Chong na itinatago umano ng PNP ang mga ebidensya tulad ng dashcam na nakakabit sa Toyota Fortuner ni Santillan noong mapatay ito sa Cainta, Rizal.

Sa pagdinig, sinabi ni Chong na ang motibo sa krime  ay may kinalaman sa Smartmatic na nagsimula noong maghain ito ng motion to file candicacy kung saan pinatay si Santillan para pitikin ang una.

Samantala, sinabi naman ni Carranza, hindi nito kilala si Santillan bago pa man ito mapatay kung kaya’t walang basehan ang akusasyon ni Chong na may rubout at hindi shootout ang nangyari.

Ayon pa kay Carranza, handa nitong patunayan na hindi target ng operasyon si Santillan at nagkataon lamang na ito ang nakasakay sa Fortuner.

“One thing for sure, itong grupo ni Santillan na Highway Boys na sangkot sa pagpatay sa ilang pulis. Itong grupong ito ang sangkot,”sabi pa ni Carranza.

Igniit pa nito na walang pulis ang sangkot sa Smartmatic kung kaya’t walang basehan ang akusasyon ni Chong.

Samantala, inusisa rin ni Senador Panfilo Lacson, chair ng komite kay Chong ang koneksyon ng Smartmatic sa PNP.

“Nasa kanila po ‘yan sir. But will show the evidence,” sabi ni Chong subalit hindi ito pinayagan ni Lacson.

 

SECURITY AIDE NEGATIBO SA POWDER BURN

 

IMINUNGKAHI ni Senador Panfilo Lacson na ihiwalay ang medico legal ng Philippine National Police (PNP) at Public Attorneys Office at ng National Bureau of Investigation (NBI).

Sa pagdinig ng Senate Commitee on Public Order and Dangerous Drugs, sinabi ng senador na ito ang nakikita nitong solusyon sa magkakaibang resulta ng isinasagawang medico legal ng PNP, NBI gayundin ng Public Attorneys Office (PAO).

“Baka naman pwede ‘yun,” sabi ni Lacson.

Ngunit sinabi ng PNP na mahirap kung iisa na lamang ang gagamiting medico legal o Scene of the Crime Operatives ( Soco) sa bansa kung saan maraming dapat na ikonsolidera.

Ang rekomendasyo ni Lacson ay kasunod ng pag-amin ng PNP na walang powder burn sa isinagawang parrafin test sa kamay ng napatay na security aide ni Atty. Glenn Chong sa nangyaring shootout sa pagitan nito at ng mga pulis noong buwan ng Disyembre.

Nangyari ang nasabing shootout noong ala-1:00 ng madaling araw Disyembre 10 sa Road 34, Planters Westbank, Bgy. San Andres, Cainta, Rizal kung saan napatay si Richard Santillan at kasama nitong babae.

Inamin ng PNP na walang nakitang powder burn sa kamay ni Santillan na nagpapakita na magpaputok ito ng baril.

Subalit, nilinaw ng PNP na hindi conclusive ang paraffin test kung saan marami umanong pwedeng mangyari tulad ng malakas na hangin kung kaya’t walang naiwang powder burn sa kamay o damit.

Kaugnay nitp, inatasan ni Lacson ang PNP na isumite ang mga ebidensya at iba pang dokumento sa NBI na magsasagawa ng parallel investigation sa nasabing kaso.

 

 

 

Please follow and like us:
Read More

ONSEHAN SA DROGA: 3 MAGBABARKADA NIRATRAT

tupi

(NI JGTUMBADO)

PATAY ang tatlong lalaki nang walang habas na pinagbabaril ng hindi pa matukoy na salarin sa Barangay Poblacion Tupi sa South Cotabato Huwebes ng gabi.

Dead-on-the-spot ang magbabarkada na sina Denver Hipe, Ernemel Jancan at Junjun Heguera.

Nabatid sa inisyal na report, isang armadong lalaki ang lumapit at bumaril kay Hipe kung saan ay tinangka namang tumulong ang mga kaibigan nito at lumaban sa suspek pero maging sila ay pinagbabaril rin.

Mabilis na tumakas ang gunman sakay ng motorsiklo na minamaneho ng isa pang suspek na nagsilbing lookout.

Patuloy pang iniimbestigahan ng pulisya kung ano ang dahilan sa krimen subalit hindi inaalis ang motibo na onsehan sa  ilegal na droga.

Please follow and like us:
Read More

MIYEMBRO NG ‘BASAG-KOTSE GANG’ PATAY SA SHOOTOUT

basag1

(NI DAVE MEDINA)

PATAY sa enkwentro sa mga pulis Parañaque ang isang miyembro ng basag kotse Gang sa SEACOM, Barangay San Antonio, Parañaque City Huwebes ng madaling araw.

Nauna rito, isang  Victor Vargas ang naging biktima ng Basag Kotse Gang  at natangayan ng mahahalagang gamit.
Kwento ni Vargas, may ari ng binasag na  SUV, pumarada lamang siya saglit sa gilid ng Sucat Road upang dumaan sa kanilang bahay pero nang makabalik ay dinatnang basag na ang isa sa mga bintana ng kanyang sasakyan

Natuklasan ni Vargas na nawawala ang kanyang bag na may lamang passport at iba pang mahahalagang gamit kaya agad siyang nagpunta sa malapit na istasyon ng pulis na mabilisang nagkasa ng hot pursuit sa mga magnanakaw na sakay ng motorsiklo.

Sa pagtatanong ng mga nagrespondeng pulis sa mga saksi, napag-alamang dalawang lalaking sakay ng motorsiklo ang may kagagawan ng pambabasag
Gayuman, nakatakas ang isa sa dalawabg suspek sakay ng motorsiklo.
Narekober sa crime scene ang bag na tinangay ng mga suspek, baril, helmet at iba pa.

Please follow and like us:
Read More

2 PATAY SA DRUG BUST, P14-M SHABU NASAMSAM

cebu200

DALAWA katao ang patay sa P14 milyong drug bust sa anti-drug operation ng Cebu Provincial Police Office sa National Road, Barangay Prenza, Balamban, Miyerkoles ng gabi.

Nanlaban umano sina Quazar Bacaltos Quiachon and Don Sevilla San Diego, kapwa ng Talisay City nang matunugan na pulis ang kanilang ka-transaksiyon. May mga naka pending din umanong arrest warrant sa dalawa dahil sa paggamit ng illegal na droga.

Sinabi ni Senior Insp. Alejandro Batobalonos, CPPO-PDEU chief, na agad nagpaputok ang mga suspect na nagbunsod sa shootout. Dinala sa Balamban District Hospital ang mga nabaril ngunit patay na nang idating.

Nabawi sa dalawa ang isang plastic bag na naglalaman ng 2.1 kilong pinaghihinalaang shabu na may halagang P14.5 milyon.

Please follow and like us:
Read More