SUNUD-SUNOD NA BEST ACTRESS TAPOS FLOP ANG PELIKULA

(NI GORGY RULA)

MAHIGIT kalahating bilyon na ang kinita ng Hello, Love, Goodbye na dalawang linggo na sa mga sinehan.

Patuloy pa rin itong nagpapakita ng lakas sa takilya, dahil ang dami palang mga nag-uulit na panoorin.

Domestic gross pa lang iyun, at hindi pa kasali ang mga international screenings talagang dinadagsa pa  rin daw ng mga manonood.

Kaya malaki raw talaga ang posibilidad na maabot nito ang record ng The Hows of Us.

Kasabay nang pananalasa sa takilya ng HLG, meron namang pa-hashtag ngayon ang mga JaDine fans ng #JusticeforIndak.

Ang pagkakaintindi ko lang sa hashtag na iyun ng mga fans ni Nadine ay nawawalan na raw sila ng mga sinehan, dahil ibinibigay na raw sa ibang pelikula na ang karamihan ay ibinalik pa sa HLG.

Obvious naman kung bakit nawawalan na sila ng mga sinehan, dahil mahina talaga at hindi na pumalu-palo nung weekend.

May iilang sinehan pa namang naiwan sa Indak nina Nadine Lustre at Sam Concepcion pero slide na lang ang iba.

Nakalulungkot talaga ng sinapit nito sa takilya na tila hindi naman inalagaan nang husto ng Viva Films.

Ang latest na narinig namin, magbabakasyon daw muna si Nadine.

Hindi lang kinlaro kung saan siya pupunta at kung gaano katagal, pero tama ngang ibakasyon muna niya para ilabas muna lahat na mga kamalasan na tinamo ng mga pelikula.

Sayang kasi, dahil sunud-sunod pa naman siyang nag-Best Actress, tapos flop naman ang mga pelikula niya.

Kaya dapat merong magandang maisip ang Viva para makabawi na si Nadine.

Nakakapanghinayang naman kasi ang galing niyang umarte.

REP. ALFRED, SHAINA & CO. MUNTIK MA-STRANDED SA HK AIRPORT

Nalagpasan ng team ni Cong. Alfred Vargas ang gulo sa Hongkong nang mag-shooting sila roon para sa pelikulang MNL/HK/NY na working title nito.

Kasama ni Alfred na nag-shoot doon si Shaina Magdayao under the direction of Mac Alejandre.

Apat na araw daw silang nag-shoot doon na ilang beses ding naantala dahil sa kabi-kabilang protest rally na ginagawa roon.

Mabuti at cooperative naman daw ang mga kababayan nating OFW na nagtatrabaho roon, kaya nakunan nila ang mga mahahalagang eksenang dapat kunan.

Medyo tensyonado na raw sila nung nakaraang Lunes, August 12 dahil kailangang makabalik na sila ng bansa.

Natatakot na raw silang baka ma-cancel ang mga flights at stranded na sila roon.

Buti na lang daw maaga ang nakuha nilang return flight at nakalipad na sila bago nakansela ang mga flights.

“Pagdating ko ng bahay, nakatulog agad ako sa sobrang pagod,”text sa kin ni Alfred.

Marami pa raw siyang ikukuwento kapag magkita kami.

Susubukan pa naming kapanayamin sa radio program naming Showbiz Talk Ganern sa DZRH.

Kasali rin sa pelikula si Iza Calzado, at mabuti na lang daw hindi siya kasali sa  mga eksena sa Hongkong, at kung nagkataon baka doon daw siya sa Hongkong mag-birthday.

Next week na raw siya lilipad patungong New York para ipagpatuloy ang shooting nila roon.

Excited si Cong. Alfred sa project na ito dahil ang ganda raw ng kuwento na sinulat ni Ricky Lee.

 

Please follow and like us:
Read More

SHAINA INIRERESPETO ANG PANANAHIMIK NG EX NA SI LLOYDIE

ANG GARA NI VINIA(NI VINIA VIVAR)

Nilinaw ni Shaina Magdayao na wala namang lipatan na magaganap sa kanya at Kapamilya pa rin siya up to now.

May dalawang buwan na rin yatang lumulutang ang tsika na lilipat na raw sa GMA-7 si Shaina at pahulaan pa nga noong una, pero natukoy din ng iba na ang kapatid ito ni Vina Morales.

Sa presscon niya last Tuesday para sa iWant’s digital series na “Past, Present, Perfect?”, aniya ay may project nga siya sa ABS-CBN now, kaya hindi naman totoong lilipat siya.

“Sa ngayon, wala, and meron akong ‘eto, Past, Present Perfect and kakauwi ko lang the other night from CANNES Filmfest, so nilulunok ko pa, dina-digest ko pa lahat ng pangyayari dahil hindi ko ine-expect lahat ng nangyayari sa akin ngayon,” sabi ni Shaina.

When asked kung nagkaroon ba ng offer sa kanya ang GMA-7, at aniya, sa ngayon daw talaga ay Kapamilya siya.

“Sa ngayon, wala po, I am a Kapamilya, I am here in ABS, we are all in ABS and I just finished doing another project for ABS, which is Past, Present, Perfect and sa buong karera ko, sa buong pinagdaanan ko, hindi naman natin maalis na magpapasalamat ako, number one, sa ABS dahil dito na ako lumaki but number 2, also sa kabilang istasyon dahil doon ako nagsimula.”

Ayon kay Shaina, kung may offer naman daw ay malalaman din naman natin. Basta sa ngayon daw ay sa ABS-CBN siya.

“Walang galaw na nangyayari,” sambit pa niya.

Sa presscon ay natanong ang direktor na Past, Present, Perfect na si Dwein Baltazar kung sino pa ang artistang gusto niyang maidirek at sinabi nitong si John Lloyd Cruz na as we all know ay ex-boyfriend ni Shaina.

Kaya naman natanong ang aktres na kung sakali ba ay willing ba siyang maging leading lady ni Lloydie.

“Hindi naman sinabi ni direk Dwein na kasama ako,” natatawang sagot ni Shaina.

Pero dugtong din niya, parang hindi naman daw mangyayari ‘yun.

“Parang hindi ko siya nakikitang mangyayari, hindi, eh. I mean, itong mga ganitong tanong, gusto ko siyang sagutin kapag nangyayari na talaga siya.

“Parang nananahimik ‘yung tao, irespeto natin kung nasaan siya ngayon. So, I think it will be very unfair if dadalhin ko ‘yung pangalan niya. I mean, ang dami ko ring ibang ginagawa na wala rin namang kinalaman siya. So, siguro, gusto ko na lang iwan do’n. Gusto kong irespeto kung nasan man siya sa buhay niya ngayon,” pahayag ni Shaina.

Samantala, ginagampanan ng aktres ang papel na si Shantal sa “Past, Present, Perfect?” Isa siyang manunulat na na-in-love sa kanyang professor na ginagampanan naman ni Vin Abrenica.

Kasama rin sa 7-part series si Loisa Andallo bilang young Shantal. Also in the cast are Awra Briguela, Amy Nobleza, Angelie Sanoy, Elijah Canlas, VJ Mendoza, Romnick Sarmenta, Allan Paule at marami pang iba.

The series is now streaming for free on iWant.

 

Please follow and like us:
Read More

SHAINA AT PIOLO, MAY PAST AT PRESENT

shaina12

AKO PA BA NI ROSE GARCIA(NI ROSE GARCIA)

HINDI naman itinanggi ni Shaina Magdayao na nagkaroon sila ng pagkakataon ng nali-link dito na si Piolo Pascual na lumabas o magkasama nang pareho silang umattend sa Cannes Film Festival sa France.

Sila ang nag-represent sa pelikulang “Ang Hupa” film ni Lav Diaz.

“Marami po, marami… marami kaming nandoon. Actually, maraming producers na Filipino na nagpunta ron, pati directors, nagpunta po.

“Malaki-laki ang delegation this year. Oo, may oras po… pero yung oras sobrang hectic at kailangan mong magpakilala. Unfortunately, yung director namin, he’s in Cuba, yung school sa Cuba, hindi siya napabayaan.

“So nasa amin ang pressure pero wala e, grabe yung paniniwala ng director namin na kaya namin.”

May ilang pictures nga na lumabas na nakita rin na magka-holding hands ang dalawa.

Matagal na silang nali-link sa isa’t isa at katulad ng title ng pinagbibidahan at mapapanood na iWant ni Shaina, ang “Past, Present, Perfect” saan na nga bang kabanata ng buhay niya ang actor.
“Nasa present, nasa past. Fortunately, magkasama kami sa Cannes. Hindi rin naman namin naisip na makakarating kami sa Cannes.

Sabi pa niya, “Nilagay siya ni Lord sa past ko, nandiyan din siya sa present ko.”
Itinanggi rin ni Shaina na nagkaroon nga ng “something” sa kanilang dalawa.
Aniya, “Hindi ko alam ang future. Pero nagpapasalamat ako na nandiyan siya sa past at present ko.”

Sa isang banda, maraming baon si Shaina mula sa naging karanasan niya sa Cannes Film Festival in France.
Ayon dito, “Kapag tinatanong sa akin, how was your experience? I think it’s overwhelming. Yung crowd from Hollywood to Bollywood to Asian filmmakers.

“It opened my eyes to different world so ngayon, parang gigil na gigil tuloy akong mag-trabaho at parang gusto kong sabihin na kung kaya nila, kaya rin ng Filipino.”

LOISA MATAPANG SA MURANG EDAD NIYA

Bukod kay Shaina Magdayao, bida rin sa iWant’s “Past, Present and Perfect” si Loisa Andalio.

Inamin nito na broken family na sila dahil naghiwalay ang mga magulang niya.

Isa raw ito sa recent past niya lang or present pa rin na masasabi na pinagdadaanan niya.
“Sa parents ko, hiwalay na sila. Bago lang, ngayong March lang. Pero dahil sa nangyari, tinuruan din akong maging matibay.
“Since I’m the breadwinner, naging matatag ako. Hindi mo puwedeng dalhin sa trabaho ang problema mo.”

Naluha naman si Loisa nang matanong ito tungkol sa naging recent controversy niya. Pero hindi na niya ito nagawang sagutin.

Pero sabi nga, mukhang matapang ito sa murang edad at never na sumuko sa hamon ng buhay.

 

Please follow and like us:
Read More

SHAINA NANIBAGO SA PAGGAWA NG DIGITAL PROJECT

shaina12

boy abunda(NI BOY ABUNDA)

SIMULA sa May 31 ay mapapanood na sa iWant ang digital series na ‘Past, Present, Perfect’ na pinagbibidahan nina Shaina Magdayao, Loisa Andalio at Vin Abrenica. Ayon kay Shaina ay talagang napahanga siya sa kanilang direktor na si Dwein Baltazar na siya ring sumulat ng istorya ng nasabing proyekto. Kinilala bilang Best Director kamakailan ng FAMAS o Filipino Academy of Movie Arts and Sciences si Dwein para sa pelikulang ‘Gusto Kita with All My Hypothalamus.’

“Dahil nga ang galing sumulat ng direktor ko, parang tuloy ang sarap ma-in love dahil sa mga lines niya,” nakangiting bungad ni Shaina.

Aminado ang aktres na talagang nanibago siya sa paggawa ng isang digital series dahil ibang-iba ito sa kanyang mga ginagawa sa mga teleserye. “Parang nanibago ako kasi I came from ‘The Better Half’ and then I did ‘Asintado’ after three weeks. So two years straight ‘yon na mahirap ‘yung roles ko. And then bigla na lang akong binigyan ng light role. Internally lang naman ‘yung struggle ko na parang feeling ko hindi ako umaarte. Kasi sanay ako nang nagagalit, umiiyak, sumisigaw, puro hugot lagi,” pagbabahagi ng dalaga.

Kakilala rin daw ni Shaina ang production team ng ‘Past, Present, Perfect’ kaya naman hindi na siya nagdalawang-isip na tanggapin ito. “I do not regret saying yes. I’m very happy that I said yes. It’s really nice working with people you trust and people that you know na hindi ka pababayaan. I guess at this point, gano’n na ‘yung hinahanap ko. Kung ano ‘yung relationship ko sa mga tao behind it and why I’m doing it,” paliwanag niya. -Reports from JCC-

 

Please follow and like us:
Read More