P1.2-M SHABU NASABAT SA TAMBAY

shabu-1

RIZAL – Nakumpiskahan ang isang tambay ng tinatayang P1.2 milyong halaga ng umano’y shabu sa ikinasang buy-bust operation ng mga tauhan ng Binangonan Municipal Police Station’s Drug Enforcement Unit dakong 4:45 ng hapon noong Huwebes sa Brgy. Mahabang Parang ng nabanggit na bayan.

Ayon sa report na nakarating kay Rizal Police Provincial Director P/Col. Renato Sanao Alba, matagal na umanong minamanmanan ang suspek na kinilalang si Mark Louie Garcia alyas “Macky”, nasa hustong gulang, bagama’t hindi pa ito kabilang sa drug watchlist ng Rizal Police at baguhan lamang.

Nakuha mula sa suspek ang 18 sachet na naglalaman ng 180 gramo ng umano’y shabu na umaabot sa P1,224,000 ang market value, cellphone, timbangan, P3,500 marked money, at P5,000 drug money.

Kasalukuyang nakadetine ang suspek sa nasabing himpilan at nahaharap sa kasong paglabag sa RA 9165 o Comprehensive Dangerous Drugs Act of 2002. (KNOTS ALFORTE)

Please follow and like us:
Read More

NO.4 SA NPD DRUGLIST KULONG SA P.2-M SHABU

shabu22

KALABOSO ang tatlo, katao kabilang ang isang Tsinoy na ikaapat sa 10 most wanted drug personalities sa Caloocan City, nang masakote sa buy-bust operation at makumpiskahan ng mahigit sa P.2 milyong halaga ng ilegal na droga at baril nitong Miyerkoles ng madaling-araw

Ibinalibag sa selda ang suspek na si Tristan Steve Wong y Tupasi, no. 4 sa top 10 drug personalities ng NPD, 27-anyos, ng 21 Esperanza St., Brgy. Marulas, Valenzuela City, at kakasuhan ng paglabag sa Comprehensive Dangerous Drugs Act of 2002 at illegal possession of firearms and ammunitions.

Dinakip din ang kanyang dalawang alalay na sina Mark Ryan Raymundo y Absalon, 37, ng No. 38, Blk. 5, Phase III D, Brgy. 28, Dagat-dagatan, Caloocan City, at Dianne Kathleen Miraran y Sevilla, 25, ng Blk. 54, Lot 29, Brgy. MRC Mabalacat, Pampanga City.

Isinagawa ang operasyon laban sa mga suspek dakong ala-1:00 ng madaling araw sa No. 38, Blk. 5, Phase III D, Brgy. 28, Dagat-dagatan, Caloocan City at nakumpiska sa mga suspek ang 30  gramo ng umano’y shabu na tinatayangP204,000 ang halaga at pitong ecstacy tablets na P11,900 ang street value.

Bukod dito, nakumpiska rin kay Wong ang isang Colt caliber .45 pistol na kargado ng magazine at may pitong bala. (ALAIN AJERO)

Please follow and like us:
Read More

2 BIGTIME DEALER NAKORNER SA P17-M SHABU

P17M SHABU

ARESTADO sa mga tauhan ng Follow-up Section and Station Drug Enforcement Unit  (SDEU) ng c na pinamumunuan ni P/Col.  Segundo C. Lagundiang, ang dalawang hinihinalang bigtime drug dealer sa buy-bust operation sa isang subdibisyon sa Las Piñas City noong Miyerkoles ng gabi at nakumpiska ang dalawang kilo ng umano’y shabu na tinatayang P17 milyon ang street value.

Sa ulat ng mga operatiba, target ng operasyon ang isang alyas Ikon Tanda noong Enero 15 sa Verdant Acres Ave., Verdant Acres Subdivision, Brgy. Pamplona Tres, Las Piñas City ngunit ang dalawang suspek na sina Jerrymias Suson at Miguel Castillo ang inabutan na galing sa Sta. Mesa, Manila at tumawid ng Pasay City.

Nakumpiska sa pag-iingat ng dalawang suspek ang tatlong bloke ng large-size heat-sealed transparent plastic na nababalutan ng candy wrapper foil at naglalaman ng shabu, at P1,500,000 budol money bilang ebidensya.

Dinala sa SPD Crime Lab para sa chemical analysis ang nakumpiskang tatlong bloke ng hinihinalang shabu na sa record ng SPD ay pinakamalaking nakumpiska sa taong 2020, habang inihahanda ang pagsasampa ng mga  kasong paglabag sa Comprehensive Dangerous Drugs Act laban sa mga suspek. (DAVE MEDINA)

Please follow and like us:
Read More

4 KATAO ARESTADO SA ARMAS AT SHABU

DROGA-BARIL

NADAKIP ang apat na kataong pawang hinihinalang tulak ng ilegal na droga, makaraang mahulihan ng umano’y shabu, pampasabog, baril at bala sa ikinasang buy-bust operation ng mga tauhan ng Quezon City Police District (QCPD) nitong Miyerkoles ng madaling araw sa nasabing lungsod.

Kinilala ni QCPD Director, P/Brig. Gen. Ronnie Montejo ang mga suspek na sina Michael Meneses alyas “Warlito”, 38-anyos,  ng Caloocan City; Marineil Santos alyas “Robert”, 35; Angel Retiro, 18, kapwa ng Malabon City, at Von Edgar Barrientos, 27, ng  Pandacan, Manila.

Base sa ulat, dakong 2:30 ng madaling araw nang ikasa ng mga operatiba  ng Station Drug Enforcement Unit (SDEU) ng Novaliches Police Station (PS-4), sa pangunguna ni P/Lt. Col. Hector Amancia, ang operasyon laban sa apat sa tapat ng Shell Gas Station sa Susano Rd., Novaliches, Quezon City.

Isang pulis ang nagpanggap na bibili ng shabu at nang magkabutan ay agad naglabasan ang nakakubling mga pulis at dinakip ang mga suspek.

Nakumpiska sa apat ang 15 gramo ng umano’y shabu na P102,000 ang street value, buy-bust money, mga cellular phone na ginagamit sa  transaksiyon, caliber .38 revolver, caliber .45 pistol, mga bala at pampasabog.

Nakakulong na ang mga suspek sa Novaliches Police detention cell at nahaharap sa kasong paglabag sa RA 9165 o Comprehensive Dangerous Drugs Act of 2002 at paglabag sa  RA 10591 o Comprehensive Firearms and Ammunition Regulation Act. (TJ DELOS REYES)

Please follow and like us:
Read More

DALAGITA, 3 PA TIKLO SA P136-K SHABU

SHABU-BABAE

KALABOSO ang tatlo katao kabilang ang isang 16-anyos na dalagita makaraang madakip sa buy-bust operation at makumpiskahan ng baril at P136,000 halaga ng umano’y shabu sa Caloocan City, nitong Martes ng gabi.

Ibinalibag sa selda ang mga suspek na sina Christopher Cristobal, 24, construction worker, ng Phase 1, Palmera Homes Spring, Brgy. 175, Camarin, Caloocan City; Percy Alvarez, 43, istambay, ng MBHNAI, Phase 6, Brgy. 178, Camarin, Caloocan City, habang ililipat sa pangangala ng City Social Welfare Office ang 16-anyos na si alyas “Bekbek.”

Alas-9:00 ng gabi nang masakote ang mga suspek sa Pechayan, Brgy. 178, Camarin, Caloocan City nang bentahan ng isang sachet ng umano’y shabu ang isang undercover cop kapalit ang isang tunay na P500 bill na kabungkos ng pitong huwad na P1,000 bills.

Tinatayang 20 gramo ng shabu na tinatayang P136,00 ang halaga, ang nakumpiska sa mga suspek.

Bukod dito, nakumpiskahan din si Alvarez ng  isang .22 caliber revolver na kargado ng apat na bala. (ALAIN AJERO)

Please follow and like us:
Read More

P5-M SHABU NASABAT SA CAVITE

shabu432

CAVITE – Mahigit P5 milyong halaga ng umano’y shabu ang nakumpiska sa 11 katao, kabilang ang limang babae, sa magkakahiwalay na buy-bust operations sa loob ng 24-oras sa Bacoor City sa lalawigang ito.

Sinampahan ng kasong paglabag sa Sec. 5 at 11 ng Article 2 ng RA 9165 (Comprehensive Dangerous Drugs Act of 2002) ang arestadong mga suspek na sina Joey Evangelista, 37; Irene Legaspi, 29; Mercelito Gonzaga, 30; Bruno Montibon, 36; Alma Sumague, 26; Roger Calinisan, 40; Ramona Punyong, 31;  Aisa Juiamalo, 58; Bainot Saidali, 40; Nasser Makalpal, 38, at Baebon Mohammad, 25-anyos.

Sa ulat ni SMsgt. Christian Rosales ng Bacoor City Police Station, ikinasa ang buy-bust operation sa pagitan ng alas-2:00 noong Lunes ng hapon hanggang alas-3:20 nitong Martes ng madaling araw, ng mga elemento ng Station  Drug Enforcement Unit sa Brgy. San Nicolas, Brgy. Molino 4 at Brgy. Molino 3, pawang sa Bacoor City.

Sa kabuuan, tinatayang P5,956.680 halaga ang nakumpiskang hinihinalang shabu mula sa mga suspek sa magkakahiwalay na mga  operasyon.

Ang mga suspek ay kasalukuang nakakulong sa Bacoor City Custodial Center. (SIGFRED  ADSUARA)

Please follow and like us:
Read More

2 ESTUDYANTE  NASAKOTE SA P.9-M SHABU

SHABU-24

CAVITE – Upang makatapos umano ng pag-aaral, nagsideline bilang tulak ng droga ang dalawang estudyante subalit minalas na naaresto at nakuhanan ng mahigit P.9 milyong halaga ng shabu sa isang buy-bust operation sa Dasmariñas City.

Sinampahan ng kasong paglabag sa Comprehensive Dangerous Drugs Act of 2002 ang mga suspek na sina Akmad Saripada, 22, alyas “Mads”, ng Area 1, Barangay San Dionisio at Jay Gravoso, 23, ng Area D, Barangay Luzviminda, kapwa sa Dasmarinas City.

Sa ulat ni P/SSgt Christian Cuevas, ng Dasmarinas City Police Station,  ilang impormante ang nagtungo sa pulisya at inginuso ang dalawang estudyante na sangkot sa bentahan ng droga sa lugar kung kaya’t ikinasa ang buy-bust operation sa Barangay Datu Esmael, Damarinas City Cavite bandang alas-11 ng gabi ng Sabado.

Nasa aktong iniaabot ni Saripada sa poseur buyer cop ang 30 gramo ng shabu kapalit  na may street value na P280,000 kapalit ng marked money nang arestuhin siya.

Inaresto rin si Gravoso na nakuhanan ng tinatayang 100 gramo ng shabu na may street value na P680,000 na nakalagay sa isang kulay asul na eye glasses case.

Nakuha rin mula kay Gravoso ang ilang drug paraphernalia.

(Sigfred Adsuara)

 

Please follow and like us:
Read More

2 TULAK TIKLO SA P220-K SHABU

SHABU BUYER

SWAK sa hoyo ang dalawang hinihinalang tulak ng ilegal na droga makaraang makumpiskahan ng P220,000 halaga ng umano’y shabu sa isinagawang buy-bust operation sa Navotas City, nitong Sabado ng madaling araw.

Ibinalibag sa selda sina Tirso Arevalo, 49, construction worker, at Jay Ar Dublin, 25, pedicab driver, kap-wa residente ng Brgy. 12, Caloocan City.

Nakumpiska sa dalawa ang tinatayang 32.5 gramo ng hinihinalang shabu na P220,000 ang halaga, P300 buy-bust money at isa pang P300 bill.

Ayon sa ulat, dakong alas-12:35 ng madaling araw nitong Sabado nang isagawa ng mga awtoridad ang operasyon laban sa mga suspek sa Area 1, Dalagang Bukid St., Brgy. North Bay Boulevard South,  Dagat-dagatan sa nasabing lungsod.

Isa mga operatiba ang nagpanggap na buyer at nakaiskor sa mga suspek ng isang sachet ng umano’y shabu na P300 ang halaga.

Nang tanggapin ng mga suspek ang marked money mula sa poseur buyer ay agad lumapit ang back-up na mga operatiba at sinunggaban ang mga suspek.

Sasampahan ang mga suspek ng kasong paglabag sa Comprehensive Dangerous Drugs Act of 2002. (ALAIN AJERO)

Please follow and like us:
Read More

PARAK INALOK NG SHABU, MANGINGISDA KALABOSO

SHABU-13

PUNO ng pagsisisi ang isang mangingisda matapos na bukod sa binibiling isdang pampulutan para sa inuman ay alukin pa ng umano’y shabu ang isang pulis para tumagal umano ito sa tagayan sa Navotas City.

Sa karsel humantong ang suspek na si Lerick Razon, 26, ng Barangay San Roque, ng lungsod, matapos makumpiskahan ng halos P40,000 halaga ng shabu sa isinagawang buy-bust operation sa nasabing barangay.

Isinagawa ng Navotas City Police Station Drug Enforcement Unit at Philippine Drug Enforcement Agency ang nasabing operasyon dakong alas 10:30 ng gabi.

Isang parak ang lumapit sa mangingisda at sinabing kukuha ng malalaking isdang pang-ihaw at sasabawang ulo.

Sa tagpong ito, lakas-loob na ibinida ni Razon na bukod sa isda ay mayroon pa siyang ibang panindang “pang mahaba-habang inuman”.

Tinindihan naman ng poseur buyer ang pagganap na adik at sinabing kukuha siya ng halagang P300 saka iniabot sa suspek ang marked money.

Nang iabot ni Razon ang isang sachet ng shabu sa undercover cop ay agad na siyang dinamba nito.

Sa kabuuan ay 11 sachet ng shabu na tumitimbang ng 5.8 gramo at may street value na P39,440, ang ang nakuha sa suspek na kakasuhan ng paglabag sa Comprehensive Dangerous Drugs Act of 2002. (ALAIN AJERO)

Please follow and like us:
Read More

3 KALABOSO SA P.4-M SHABU

shabu kulong 12

NAKUMPISKAHAN ng halos P.4 milyong halaga ng shabu ang tatlong lalaking kabilang sa drug watchlist sa ikinasang buy-bust operation sa Navotas City, nitong Huwebes ng gabi.

Magkakasunod na isinelda ang mga suspek na sina Ronaldo Papa alyas “Buboy”, 49;  Ofelia Bernabe alyas “Opel”, 45, at Shaira Dequiña alyas “Aira”, 20-anyos.

Dakong alas-11:45 ng gabi nang isagawa ng mga awtoridad ang operasyon kontra sa mga suspek sa  E. Mariano St., Brgy. Tangos North.

Nakaiskor ng isang sachet ng shabu ang isang poseur buyer kapalit P300 marked money at nang magkaabutan ay agad dinaluhong ang mga suspek.

Nang kapkapan, nakuha sa mga suspek ang tinatayang 57.60 gramo ng shabu na P391,680  ang street value, at ang P1000 buy-bust money. (ALAIN AJERO)

Please follow and like us:
Read More

MAGDYOWA NA NA-DEVELOP SA SHABU, SWAK SA SELDA

JAIL-1

NA-DEVELOP sa umano’y shabu ang relasyon ng isang magdyowa ngunit ang ilegal na droga rin ang naghiwalay sa kanila makaraang maasakote sa buy-bust operation sa Navotas City.

Ibinalibag sa magkahiwalay na selda ang mga dinakip na sina Chona Negapata, 27, at Kenneth Estrabela, 24, makaraang nalambat sa operasyon sa Barangay North Bay Boulevard North sa nasabing lungsod dakong alas-12:50 ng madaling araw nitong Miyerkoles.

Ang mga suspek ay nakumpiskahan ng limang sachet ng umano’y shabu na tinatayang P27,000 ang halaga. 

Kakasuhan ang mga suspek ng paglabag sa Comprehensive Dangerous Drugs Act of 2002. (ALAIN AJERO)

Please follow and like us:
Read More

18-ANYOS, NAHULIAN NG P.7M SHABU

SHABU-ARRESTED

HINDI nakuntento sa kinikita kaya luminya sa pagbebenta ng hinihinalang shabu ang isang 18-anyos na service crew na nahulian ng tinatayang P.7 milyon halaga ng shabu sa isang buy bust operation sa Imus City, Cavite.

Kasong paglabag sa Sec 5 at Sec 11 ng Art. 2 ng RA 9165 ang isinampa laban sa suspek na si Kobe Andrei Rivera, alias Kobe ng  B1L2 Phase 5 Woodlane Subd Brgy Malagasang 1-B, Imus City, Cavite.

Sa ulat ni Corporal Wilfredo Villanueva ng Imus City Police Station, dakong alas-2:50 kahapon ng madaling araw nang nagsagawa ng buy bust operation ang mga elemento ng Drug Enforcement Unit (DEU) ng Imus CPS at PDEA Cavite sa Brgy Malagasang  1-B, Imus City, Cavite kung saan target ang suspek.

Nabatid na kagagaling lamang sa trabaho ang suspek at agad na kinontak ang ka-transaksiyon upang agad na madispatsa ang tinatayang 103.06 na gramo ng shabu na may street value na P700,400  para sa kanyang karagdagag kita.

Pero hindi nito sukat akalian na ang iniisip na pandagdag sa kanyang kita ay habang-buhay na pagdurusa sa rehas na bakal dahil pulis pala ang kanyang ka-transaksiyon sa kanyang illegal na gawain na nagresulta sa kanyang pagkakaaresto.

Nakakulong ngayon sa Imus City Custodial Center ang suspek. (SIGFRED  ADSUARA )

Please follow and like us:
Read More

6 DRUG PERSONALITIES HULI SA SHABU, MARIJUANA

SHABU-MARIJUANA

ANIM katao na sinasabing sangkot sa operasyon ng droga ang inaresto matapos mahulihan ng P320,000 halaga ng ilegal na droga sa magkahiwala na drug operations sa Caloocan City kahapon ng madaling araw.

Unang inaresto ng mga rumespondeng pulis ang mga suspek na sina Anthony Justine Ebio, 18; Reynaldo Galves Jr., 37 at Bernie Grande, 36 sa Barangay 155, Bagong Barrio bandang 12:30 ng umaga.

Nabatid na may tumawag na impormante sa pulisya at ipinagbigay alam na may transaksyon ng droga ang tatlong suspek na nakuhanan ng apat na plastic ng shabu na may timbang na 17.82 gramo na may street value na P121,176 at isang bloke ng pinatuyong dahon ng marijuana na may timbang na 250 gramo at market price na P30,000.

Naaresto rin ng mga pulis sina Emrinor Tenorio, 54; Jennifer Bugante, 45 at Victor Barajas, 19, sa isinagawang buy-bust operation sa kanto ng Ilang-ilang St sa Barrio Concepcion sa Barangay 188.

Aktong iniaabot ng mga suspek ang shabu sa isang poseur buyer cop kapalit ng buy bust money na P1,000 nang biglang lagyan ng posas ang mga kamay ng mga ito.

Mabawi mula sa tatlong suspek ang 25 gramo ng shabu na  may street value na P170,000.

Pawang nakapiit ang mga suspek at nahaharap sa kasong paglabag sa Comprehensive Dangerous Drugs Act of 2002. (Alain Ajero)

Please follow and like us:
Read More

P.6-MILYON SHABU NASABAT SA CAVITE

SHABU-ARRESTED

(NI SIGFRED ADSUARA)

CAVITE – Umaabot sa mahigit P.6 milyong halaga ng hinihinalang shabu ang nakumpiska makaraang madakip ang pito katao sa magkakahiwalay na operasyon sa lungsod na ito.

Kinilala ni P/Col. Marlon Santos, Cavite Provincial Director, ang mga arestado na sina Ronnie Mendoza, 42, driver; Carlito Paz II, 46; Roberto Bayani, 36, butcher; Amos Camantigue, 34;  Gilbert Butingan, 43; Mark Joseph Dichoso, 19, at Jennielyn Reyes, 43-anyos.

Ang mga suspek ay nadakip sa magkakahiwalay na operasyon sa Gen. Trias City at Imus City.

Sa kabuuan, tinatayang 90.54 gramo ng shabu ang nakumpiska, na may street value na P613,700.

Ang pitong mga suspek na nakakulong sa Cavite Custodial Center ay sinampahan ng kasong paglabag sa  Section 5, 11 at 26 ng Article 2 ng  RA 9165 (Comprehensive Dangerous Drugs Act of 2002).

 

Please follow and like us:
Read More

P34-M SHABU NASABAT SA MAG-ASAWA SA CAVITE

(NI ROSS CORTEZ)
AABOT sa P34 milyon ang halaga ng nasabat na shabu ng pinagsanib na puwersa ng PNP Drug Enforcement Group, Region 4A Drug Enforcement Unit, Imus Component Police Station at PDEA Cavite, sa mag-asawang suspek, sa parking lot ng isang mall, sa lungsod ng Imus, Cavite.

Kinilala ang mga naarestong suspek na sina Emard Jimenez at Gretchen Jimenez , mga residente ng Ususan, Taguig City, na umano’y kinuha nila sa isang lugar sa Manila ang humigit kumulang sa 5 kilong shabu, para i-deliber sa kanilang katransaksyon sa Imus Cavite, pasado alas 10:00 Sabado ng gabi.

Lingid sa kaalaman ng mag-asawang suspek, operatiba na pala ang kanilang katransaksyon kaya agad silang inaresto matapos tanggapin ang buy bust money na ibinayad ng poseur buyer

Tumangging humarap sa kamera at magbigay ng pahayag ang mga suspek, maliban sa pagsasabing transporter lang daw sila ng mga nakumpiskang shabu.

Nahaharap sila sa reklamong paglabag sa sec 5 at 11 ng RA 9165 kaugnay sa mga nabawing 5 kilo ng shabu, 10 bundle ng P1,000 boodle money at gamit nilang kotse na may plakang NIN 654.

Please follow and like us:
Read More

INIWAN NG MAGULANG PARA MAG-SHABU; 3 PASLIT NALUNOD SA RESORT

lunod2

(NI GINA BORLONGAN)

HINDI na umabot ng pasko ang tatlong batang babaeng magpipinsan makaraang malunod sa private pool ng isang resort nang iwanan ng kanilang bantay para mag-shabu sa inokupahang kuwarto sa Barangay Abangan Sur,Marilao,Bulacan kamakailan.

Kinilala ni P/Lt.Col.Amado  Mendoza Jr, Marilao police chief, ang mga biktimang  sina Akihiro Lucanas, 4, kapatid nitong si Aileen, 6, at pinsang si Princess Lyka Lucanas,6, pawang ng Dagat-Dagatan, Caloocan City.

Hindi na naisalba ng mga manggagamot ang mga biktima dahil sa dami ng nainom na  tubig.

Sa pagsisiyasat ni Sgt. Ariel Gacutan, bandang alas 5:30 ng hapon noong Huwebes nang maganap ang insidente makaraang pumasok sa loob ng resort sa Barangay Abangan Sur, Marilao ang magkalive-in partner na sina Ederlyn Lucanas, 30 at kinakasamang si Joel Manulit  kasama ang tatlong paslit at umokupa ng isang silid bago nagtungo sa swimming pool si Ederlynn kasama ang dalawang anak na sina Akihiro at Aileen at pamangkin.

Dito  ay pinaalalahanan ng mga tauhan ng resort si Lucanas na bawal maligo sa swimming pool dahil ginagawa ito at bantayang mabuti ang mga bata ngunit iniwan nito ang mga biktimma para kunin ang cellphone sa kanilang inokupahang silid at dito na sinamantala ng mga batang lumusong sa swimming pool kaya pawang nilamon ng tubig.

Mga 10 minuto na ang nakalipas nang madiskubre ng kinakasama ni Lucanas na si Manulit na nalulunod ang mga bata kaya kaagad itong dinala sa pagamutan ngunit hindi na nailigtas matapos sumabog ang mga baga sa dami ng nainom na tubig samantalang nakakita ang awtoridad ng shabu residue at drug paraphernalias sa basurahan ng silid ng magkalivein at sinasabing pag-aari ito ni Manulit na hindi na nagpakita sa awtoridad mula nang maganap ang insidente.

 

Please follow and like us:
Read More

CHRISTMAS GIFT SA DYOWANG PRESO; DALAGA KALABOSO

(NI GUILLERMO OCTAVIO)

DINAMPOT ang isang dalaga matapos tangkaing magpuslit ng shabu sa himpilan ng pulisya para ibigay sa kanyang nakapiit na nobyo, sa Caloocan City.

Kakasuhan ng paglabag sa Comprehensive Dangerous Drugs Act of 2002 si Raj Ericka Romero, 19, ng Block 12 Lot 23, KS17 Brgy-Navarro, Lancaster New City, Gen. Trias Cavite City.

Ayon sa pulisya, naganap ang insidente alas-3:30 ng hapon nitong Huwebes sa receiving/searching area ng Caloocan City Police Station sa Samson Road, Brgy 80,  Caloocan City.

Bilang bahagi ng standard operating procedure ay isinailalaim sa body search si Romero bago padalawin sa kanyang dyowang preso.

Habang isinasagawa ang body search ay napuna ng mga pulis ang nakatuping aluminum foil sa pouch ng bebot at nadiskubre ang isang sachet ng shabu na tumitimbang ng 0.5 gramo at may tinatayang halagang Php. 3,400.

Kapwa nakakulong na ang magkasintahan sa parehong kaso.

Please follow and like us:
Read More

BRGY KAGAWAD, 3 PA, HULI SA P.5- M SHABU

SHABU-22

(NI SIGFRED ADSUARA)

SA kulungan na magpa-Pasko ang isang barangay kagawad at tatlong iba nang mahulihan ng mahigit P.5 milyon halaga ng shabu sa isinagawang buy bust operation sa Dasmarinas City, Cavite.

Kasong paglabag sa Sec 5 & Sec 11 Article 2 ng  RA 9165 ang isinampang laban sa naarestong suspek na si Bammy Hadji Azis, 53, tubong Marawi City, ng Brgy. Datu Esmael, Dasmarinas City, Cavite.

Sa ulat ni PSSgt Kristian Vega, ng Dasmarinas City Police Station, dakong alas-12:55, Huwebes ng madaling araw nang magsagawa ng buy bust operation ang mga elemento ng Drug Enforcement Team ng Dasmarinas CPS, sa pangunguna ni Capt Christel Carlo Villanueva sa Brgy Victoria Reyes Dasmarinas City, kung saan target ang suspek na itinuring na Top 6 Drug personalities ng Cavite PPO.

Matapos makipag-transaksiyon ang suspek sa poseur buyer ay dinampot ito kung saan nakuha sa kanya ang ilang sachet ng hinihinalang shabu.

Nang kapkapan, narekober din sa kanya ang isang kulay brown na pouch kung saan naglalaman ng tinatayang 50.09 gramo ng shabu na may katumbas na halagang P340,000.

Narekober din sa kanya ang buy bust money.

Samatala, naaresto rin sina  Pocholo Derick Tiongson, 25, ng Brgy Paliparan 3 Dasmarinas City, Cavite; Ryan Jay Narvaez, 33, ng Blk 1 Excess Lot Brgy St Claire H2, Dasmarinas City Cavite at  Raynard De Leon, 33, ng Blk 167 Lot 4 Phase 1 Mabuhay City, Brgy Paliparan 3, Dasmarinas City Cavite sa isinagawang buy bust operation, dakong alas-12:30 ng madaling araw sa  Brgy Paliparan 3, Dasmarinas City, Cavite.

Nakuha sa kanila ang tinatayang 25.12 gramo ng shabu o may street value na P170,000.
Kasong paglabag sa Sec 5 in relation Sec 26 at  Sec 11 Article 2 ng  RA 9165, ang isinampa laban sa tatlong naarestong suspek.

Ang apat  ay kasalakuyang nakakulong sa Dasmarinas City Custodial Center.

Please follow and like us:
Read More

COP KILLER INGINUSO NG KAANAK, HULI

(NI GUILLERMO OCTAVIO)

NAGTAPOS ang mahigit apat na taong pagtatago ng isang lalaking nakapatay sa isang pulis at nakabaril sa lima pang ibang parak matapos inguso ng kaaank ang kanyanga lungga sa Visayas Region.

Nalambat sa Iloilo City si Arnel Perolina alyas Jojo Aswang, 39, ng Market ,3 Brgy. North Bay Boulevard North (NBBN) na wanted sa mga kasong Direct Assault with Murder, Direct Assault with Frustrated Murder at Illegal Possession of Firearms, bukod sa pagkakasangkot niya sa illegal na droga.

Ayon sa Navotas Police, nakumpirma ang pinagtataguan ng suspek makaraang ipagkanulo ng sariling kaanak, bukod pa sa impormasyong ibinahagi sa kanila ng Iloilo City Police.

Ayon sa pulisya, pinagbabaril at napatay ni Perolina noong Abril 13, 2015 si PO1 Julius Mendoza na kasamang nagsasagawa ng anti-drug operations sa Market 3, Brgy. NBBN.

Bukod ka Mendoza, nabaril din ng suspek sina PO1 Isaac Orillanes, PO2 David Santos, PO2 Aldeen Legaspi, PO1 Rolando Cruz at PO1 Rollie Balena na nagsagawa ng follow-up operation laban sa kanya.

Isinagawa ang pagdakip sa suspek sa tulong ng mga tauhan ng Iloilo police sa bisa ng inilabas na warrant of arrest ni Malabon City Regional Trial Court (RTC) Judge Zaldy Docena ng Branch 170.

Nakumpiska sa suspek ang isang kalibre .45 baril at mga bala at anim na maliit na plastic sachet ng shabu na kanyang naging hanapbuhay sa naturang lungsod.

 

Please follow and like us:
Read More

P141-M SHABU GALING AMERIKA NASABAT

(NI KOI HIPOLITO)

MULI na naman nakasabat ang mga pinagsanib na elemento ng Bureau of Customs (BOC-NAIA), NAIA Inter-Agency Drug Interdiction Task Group at ang Philippine Drug Enforcement Agency (PDEA) ng mga panibagong kontrabando ng iligal na droga na nagkakahalaga ng hindi bababa sa P141 milyon nitong araw ng Miyerkoles sa loob ng FEDEX warehouse sa lungsod ng Pasay City.

Ayon sa ipinadalang report ni BOC-Port of NAIA District Collector Carmelita Talusan kay BOC Commissioner Rey Leonardo Guerrero, nadiskubre ang mga pinaghihinalaang shabu na idineklarang mga speaker sound system  galing sa Amerika matapos itong isailalim sa physical examination ng mga BOC personnel at tumambad sa kanila ang 20.8 kilo ng mga pinaghihinalaang shabu na may standard street market value na P141,440.000.

Dadalhin sa opisina ng PDEA ang mga nakumpiskang droga at nakatakdang isailalim sa masusing imbestigasyon ang mga posibleng importer ng mga kontrabando para kasuhan ng paglabag pag-aangkat ng mga iligal na droga sa ilalim ng RA 9165 (Comprehensive Laws on Dangerous Drugs Act.of 2002) in relation to RA 10863 (Customs Modernizatioe Tariff Act.)

Please follow and like us:
Read More

JAPINOY, 4 PA KULONG SA SHABU

SHABU-ARRESTED

(NI GUILLERMO OCTAVIO)

POSIBLENG sa piitan mag-Pasko ang isang Filipino-Japanese at apat niyang alipores matapos masakote sa pagsalakay ng mga parak sa isang drug den kung saan P170,000 halaga ng shabu ang nakumpiska sa Caloocan City.

Swak sa selda Kazuyoshi Tanaka, 19; Katherine Sunga, 28; Rosemarie Carpio, 39; Salvacion Balaor, 51; at Sonny Roberto, 29, pawang ng 1st Avenue, BMBA Compound, Brgy. 120,  Zone 10, Caloocan City, at kakasuhan ng paglabag sa Comprehensive Dangerous Drugs Act of 2002.

Nilusob ng mga pulis alas -6:30 ng umaga ang isang bahay na ginagawang drug den sa. 69 1st Avenue, BMBA Compound, sa nasabing barangay nang matiyak na parang ukay-ukay na ibinebenta ang shabu sa naturang bahay at ginagawa ring batakan ng adik.

Isang pulis ang nakaiskor ng shabu sa mga suspek at paghudyat nito sa mga kasama ay dinakma na ang mga suspek.

Please follow and like us:
Read More

P400-K SHABU NABAWI, DRUG SUSPECT NANLABAN, PATAY!

(NI NILOU DEL CARMEN)

PATAY ang isang hinihinalang bigtime pusher matapos manlaban sa mga otoridad sa bayan ng Lumban, Laguna, Huwebes ng madaling araw.

Kinilala ni Laguna police director Col. Eleazar Matta ang suspek na si Jeffrey Brosas, na residente ng Barangay Oogong sa Sta. Cruz.

Ayon kay Matta, isang pulis ang nagpanggap na bibili ng shabu kay Brosas.

Habang nagaganap ang transaksyon bandang ala-1:45 ng madaling araw, bigla na lamang umanong bumunot ng baril si Brosas nang mahalata na pulis ang katransaksyon.

Nagpaputok ito sa pulis dahilan para gumanti ng putok ang mga otoridad.

Nakuha sa suspek ang 14 sachet ng hinihinalang shabu na tinatayang aabot sa P460,000 ang halaga.

Si Brosas ay nagsusuplay umano ng ilegal na droga sa mga bayan ng Lumban, Sta. Cruz, Pila, at Liliw.

Naaresto na rin siya noon sa parehong kaso at nakulong ng limang taon sa Laguna Provincial Jail.

 

Please follow and like us:
Read More

P44.2- M SHABU NASAMSAM NG PDEA SA DRUG OPS SA METRO

(NI LILY REYES)

HULI  sa magkahiwalay  na drug operation  ng Philippine Drug Enforcement Agency (PDEA) ang apat na personalities kung saan ay nakumpiska  ang shabu na nagkakahalaga ng P44,2 milyon sa iba’t-ibang lugar sa Metro Manila.

Kinilala ni PDEA Director , Aaron  Aquino  , ang mga naarestong suspek na sina  Hamodine Ibrahim, alias Bebeng; Datunot Magelna, alias Boknoy; Eric Musa, at  Mary Ann Rose Francisco, alias Madam.  Sina Ibrahim, Magelna, at  Musa ay naaresto sa isinagawang buy bust operation ng mga operatiba ng  PDEA Regional Office-National Capital Region (PDEA RO NCR)  sa pamumuno ni Director Joel Plaza, at local police bandang alas  8:30 sa  No. 819 Isabelle Grand Villas, Barangay Moonwalk, Paranaque City.

Nakumpiska sa tatlo ang  shabu  na tinatayang  nasa anim na kilo  na tinatayang humigit kumulang sa P40.8 milyong halaga.

Sa isa pang buy bust operation ay naaresto naman ng PDEA-NCR  si Francisco  bandang alas 8:00 ng gabi sa may  Farmers market Expo parking, Araneta City, Barangay Socorro, Quezon City .

Nakumpiska dito ang 500 gramo ng shabu na nakalagay sa isang plastic bag na nagkakahalaga ng  Php3.4 milyon at buy-bust money.

Ang mga suspek ay sasampahan ng kasong  violation of Republic Act 9165, or The Comprehensive Dangerous Drugs Act of     2002.

 

Please follow and like us:
Read More

P40-M SHABU NASAMSAM SA 3 SA PQUE CITY

(NI KOI HIPOLITO)

NASAMSAM sa tatlong suspek na big time tulak ng mga ipinagbabawal na gamot ang kabuuan na P40.8 milyon ng umano’y shabu sa isinagawang drug buy-bust operation ng mga operatiba ng PDEA Regional Office-National Capital Region (RO-NCR), Southern District Office (SDO) at ng Station Drug Enforcement Unit (SDEU) ng Paranaque City police station, Biyernes ng gabi sa Isabelle Grand Villas, Brgy. Moonwalk ng Paranaque City.

Nakilala ang mga naarestong suspek na sina Hamodine Ibrahim, 26, tricycle driver, Datunot Magelna, 22, at si Eric Musa, 20.

Base sa ipinadalang report ni PDEA NCR-Regional Director Joel B. Plaza, nakipagtransaksyon  ang isang undercover agent kay “Ibrahim” na target ng operasyon at nagkasundo na magkita sa nasabing lugar. Nang magpalitan ng pera at droga ay agad ng inaresto ang mga suspek.

Narekober sa tatlong suspek ang anim na kilo ng mga pinaniniwalaang shabu na may street market value na P40,800.000, 3 unit ng cellular phone at buy-bust money.

Kasong paglabag sa violation of Sec.5 at 11 ng RA 9165 (Comprehensive Laws on Dangerous Drugs Act.2002) ang kakaharapin ng mga nakakulong ng suspek at walang inirekomendang piyansa.

 

Please follow and like us:
Read More