14 GINTO IBINULSA NG PH ARNIS TEAM

(NI VT ROMANO/PHOTO BY MJ ROMERO)

LABINDALAWANG gold medals ang ipinangako ng Pinoy arnisadors na maibubulsa sa 30th SEA Games.

Pero kahapon ay nalampasan na ang target dahil 14 ginto na ang nahakot, nang magdagdag pa ng dalawa sina Crisamuel Delfin at Mary Alin Aldeguer sa men at women’s ng anyo (form) non-traditional arnis competition sa Angeles University Foundation sa Angeles City kahapon.

Nakasuot ng Igorot warrior costume ang tubong Cordillera region na si Delfin na kumulekta ng 9.87 points habang iwinawasiwas ang kanyang espada.

Habang ang beterano ng Palarong Pambansa na si Aldeguer mula sa Rizal Privince ay nagtala ng 9.64 points.

“Naghanda po talaga kami para makuha ‘yung gold,” lahad ni Delfin.

Ang 14 gold medals ng Pilipinas ay pinakamaraming bilang na nasungkit ng isang host team matapos ang tatlong araw na kompetisyon.

Noong 2005 SEA Games kung saan host din ang Pilipinas, dalawang ginto ang naibulsa nito.

Pumangalawa (silver) naman sa men’s si Van Huynh Ngo ng Vietnam at sina Myanmar’s Yar Zar Tun at Sila Chhem ng Cambodia ay tabla sa bronze medal.

Habang sa women’s ay nag-silver si Tho Hoa Trieh ng Vietnman at muli’y tabla sa bronze sina Myanmar’s Waing Sheilar Ming at Cambodia’s Soulmala Eng.

Please follow and like us:
Read More

PEKENG PSC EMPLOYEE HULI SA REKLAMO NG 6 SA ‘SEA GAMES’ 

(NI ROSE PULGAR)

ISANG 48-anyos na lalaki na nagpakilalang kawani ng Philippine Sports Commission (PSC) ang naaresto makaraang tangayin ang salapi ng anim na katao na kanyang pinangakuan ng trabaho sa nagaganap na South East Asian (SEA) Games na katumbas ng malaking sahod, Martes ng hatinggabi sa Makati City.

Kinilala ni Police Col. Rogelio Simon, hepe  ng Makati City Police, ang nadakip na si Rhoderick Malubago na nakatira sa no. 1224 Batangas St. Barangay San Isidro.

Ayon kay Simon, dakong alas-12:30 ng madaling araw nang arestuhin ng kanyang mga tauhan si Malubago sa kanyang tirahan sa Batangas St. bunsod sa reklamo ng mga biktima.

Batay pahayag nina Marlina Azur, 59, Roland Palapus, 34, Lorenze Manigbas, 33, Grace Garalde, 56, Arlene Magaso, 35 at Ronald Bellen, 34 na pawang mga taga Sansibar, Barangay San Isidro, nakuhanan sila ng tig-P10,000 ng suspect kapalit ng pangako na bibigyan sila ng trabaho sa nagaganap na SEA games at sasahod sila ng P20,000 bilang mga messenger.

Ayon pa kay Col. Simon, nakuhanan din ng P10,000 ng suspect ang ilang mga biktima ng sunog sa Makati kaugnay sa proyekto umanong pabahay at lupa ng PSC para sila ang unang makinabang subalit huli na nang matuklasan nilang nalinlang pala sila ni Malubago.

Pagdating sa himpilan ng pulisya, itinanggi ng suspect ang alegasyon laban sa kanya ng mga biktima.

Subalit hindi naman naniwala ang mga awtoridad sa kanya at ito ay ikinulong at sasampahan ng kasong estafa thru swindling sa Makati Prosecutor’s Office laban dito.

 

Please follow and like us:
Read More

ZERO INCIDENT NAITALA SA SEA GAMES OPENING

(NI NICK ECHEVARRIA)

WALANG naitalang untoward incident ang Philippine National Police (PNP) sa pagbubukas ng 30th Southeast Asian Games sa Philippine Arena sa lalawigan ng Bulacan, nitong Sabado.

Ito ang ipinahayag ni PNP Officer in Charge Lt. Gen. Archie Gamboa nitong Linggo kasabay ng pasasalamat sa ipinakitang kooperasyon ng publiko para matiyak ang tagumpay sa opening ceremony sa ng Philippine SEA Games.

Sa naturang  opening ceremony, sinaksihan  ng mga manonood ang parada ng may 8, 750 mga atleta mula sa mga bansang, Brunei, Cambodia, Indonesia Laos, Malaysia Myanmar, Thailand, Leste, Singapore, Timor, Vietnam at Pilipinas kung saan ipinamalas din ng bansa ang magandang kultura at tradisyon nito sa pamamagitan ng sayaw.

Nasa kabuuang 19, 767 na mga police personnel ang ikinalat para tiyakin ang maayos na pangangasiwa ng bansa bilang host country sa pinakamalaking sports event na ito  sa rehiyon.

Gayunman, ayon kay Gamboa, mananatiling naka-alerto ang PNP upang bantayan at maiwasan ang anumang posibleng krimen sa habang idinadaos ang SEA Games.

May nakahanda ring contingency plan ang PNP sakaling makaapekto ang paparating na bagyong Tisoy sa schedule ng mga palaro para tulungan ang Disaster Risk Reduction and Management Council (DRRMC) sakaling mangailangan ng mga preventive evacuation.

Ito na ang ikaapat na pagkakataong nag-host ang Pilipinas ng SEA Games, ang una ay noong noong 1981, 1991 at 2005.

Ang 30th SEA Games ay gaganapin sa iba-ibang lugar sa bansa tulad sa bagong tayong Clark City Sports Hub sa Capas, Tarlac; Subic Zambales; Laguna; Batangas; Tagaytay; Imus, Cavite; at sa bagong renovate na Rizal Memorial Sports Complex sa Metro Manila, kung saan nakataya ang 530 gintong mga medalya.

Sa 11 bansang kalahok sa SEA Games, umaasa ang Pilipinas na mapapasama sa top 3 ng 30th SEA Games.

Please follow and like us:
Read More

8 GINTO SA ARNIS WAWALISIN NG PH

(NI DENNIS IÑIGO)

GIGIL na ang mga mandirigmang Filipino sa arnis na hakutin ang walong nakatayang ginto sa unang araw ng kompetisyon ngayon sa Angeles University Foundation sa Pampanga.

Muling ibinalik ang arnis, na kabilang sa 56 sports na paglalabanan sa 30th Southeast Asian Games. Huli itong nilaro noong 2005 Manila SEAG kung saan naging overall champion ang bansa.

Makikipagsabayan ang mga atleta ng Philippine Eskrima Kali Arnis Federation (PEKAF), sa pamumuno ni Sen. Juan Miguel Zubiri, sa 8 live stick events, apat sa men’s at apat sa women’s.

“Tiyak na kagigiliwan ito ng mamamayan at ito na ang panahon para sa arnis sa bansa. We (PEKAF) are confident that arnis could very well be a gold mine for the country in the SEA Games,” pagmamalaki ni PEKAF executive vice president Gerald Cañete sa Saksi Ngayon at Diaryo Bomba.

“Kaya nating pagwagian ang 11 hanggang 12 gintong medalya sa arnis. Sa katotohanan, baka mawalis natin ang eight golds sa first day pa lang ng competition.”

Sinabi ni Cañete, siya ring competition manager ng arnis, 20 na kinabibilangan ng 10 lalaki at 10 babae ang isasabak ng PEKAF sa tatlong araw na kompetisyon (December 1-3).

“Pinili namin ang pinakamahuhusay at mga madidiskarteng arnis players sa bansa. They were selected after three rigid qualifying tournaments in Luzon, VIsayas and Mindanao, and another one in the National Capital Region,” pagbibida ni Cañete, na ang ama na si Dionisio ay kinukonsiderang  “Father of Arnis “ sa Pilipinas.

Inamin naman ni PEKAF Executive Director Andrus Dominic Lacbayo na Vietnam ang pinakamalaking hadlang sa target ng Pilipinas na makubra ang overall title sa arnis.

“Vietnam is very good in arnis, too. Myanmar and Cambodia can also win a few gold medals. But I am sure we will get most of the gold medals at stake,” sabi ni Lacbayo.

Maliban sa SEA Games, nakapokus ang PEKAF sa darating na World Arnis Championships sa Cebu City sa susunod na taon.

“In the SEA Games, we are bringing in some of the world’s top arnis officials to supervise the competition,” dagdag ni Lacbayo.

Ilan sa sinasabing manlalarong makapagbibigay ng buwenamanong gintong medalya,  ayon kina Cañete at Lacbayo, ay sina national team players Jeric Arce at Jeanette Agapito kung saan ay gagabayan sila ni coach Steven Achita .

Ayon naman kina Arce at Agapito, makikipagpaluan sa kanilang debut game sa SEA Games, ibubuhos nila ang kanilang buong lakas upang mapagwagian ang mga nakatayang medalya, maging ito man ay gold, silver o bronze.

Karagdagang walong ginto pa rin ang paglalabanan sa Disyembre 2 sa padded sticks at apat sa Disyembre 3 sa forms.

Nagtabla ang host Philippines at Vietnam noong 2005 SEAG sa six golds para sa four-nation competition. Nabokya naman ang East Timor at Cambodia.

 

Please follow and like us:
Read More

MAHIGPIT NA SEGURIDAD IPATUTUPAD SA MAYNILA

PNP150

(NI DAHLIA S. ANIN)

SA pagbubukas ng SEA Games bukas, mahigpit na seguridad ang paiiralin ng Manila Police District sa nga venue at hotel sa Maynila kung saan idaraos ang ibang palaro.

Ayon kay Lt. Col. Carlo Manuel Magno, tagapagsalita ng MPD, halos 4,000 pulis ang nakatakdang magbantay sa buong panahon na ginaganap ang SEAG.

Isa na dito ang Rizal Memorial Sports Complex (RMSC), kung saan idaraos ang football. Tinatayang nasa 400 pulis ang magbabantay sa lugar para tiyakin ang seguridad ng mga delegado at atleta.

Maging ang Weightlifting, Taekwondo, Soft Tennis, Tennis, Gymnastics, at Artistic at Rhythmic Aerobics ay sa RMSC din gaganapin.

Sa paligid naman ng Manila Hotel kung saan nakatakdang magcheck-in ang mga delegado at atleta ay babantayan ng 300 na kapulisan.

Ilang nga pulis din ang itinalaga sa iba pang hotel tulad ng Century Park Hotel na pinakamalapit sa RMSC.

Mananatili pa rin naman na nakabantay ang iba nilang puwersa sa kanilang mga trabaho, lalo na’t umiiral sa lungsod ang mahigpit na kampanya kontra droga, maging sa smoking at vaping ban, kahit na nakatutok sa SEAG ang MPD.

Please follow and like us:
Read More

LABADAN, LALABAN SA SEAG

(NI DENNIS IÑIGO)

IBIBIBIGAY ng teenage-wonder gymnasts na si Breanna Labadan ang lahat upang maisakatuparan ang pangarap na makapaglaro sa Southeast Asian Games.

Kinakitaan ng malaking potensyal ang 13-anyos na si Labadan, tubong Butuan City, na ngayon ay nagpapakitang gilas sa rhythmic gymnastics.

Nito lamang Nobyembre ay tatlong gintong medalya ang kinubra niya sa junior Individual All-Around titles mula sa Hungary at Denmark.

Ibinulsa ng dating St. Scholastica’s College student ang titulo sa 2019 Magic Cup Rhythmic Gymnasts meet at RG Friends Masters Gymnastics meet 2019. Nakamit rin niya ang tansong medalya sa Royal Crown Gymnastics sa Greece noong Mayo.

Ang pagningning ng teen-gymnasts’ sa pandaigdigang kompetisyon ay nagsimula sa Palarong Pambansa nang magbulsa siya ng five gold medals sa 2018 Vigan Games kung saan kinatawan niya ang National Capital Region (NCR). Kabilang sa mga napanalunan niya ang All-Around rope, ball apparatus, at club apparatus.

Sa ngayon ay hindi na sasabak pa si Labadan sa Palaro dahil miyembro na siya ng training pool ng Philippine Gymnastics team.

“Nahirapan din po ako dahil sa pagod sa training kaya minsan din po hindi na ako nakakapag-focus nang maayos. Kaya binabawi ko na lang po siya sa tulog para po may energy ako pagkagising ko,” wika ni Labadan sa 50th

“Usapang Sports” ng Tabloids Organization in Philippine Sports sa National Press Club sa Intramuros,  Maynila kahapon.

Gaya ni 2020 Tokyo Olympics-bound Carlos Edriel “Caloy” Yulo, pangarap ng teen-sensation na mapasabak sa Quadrennial Games at maging sa Olympics balang-araw kaya’t matindi ang pag-eensayo niya sa ilalim ng batikang coach na si Dora Vass ng Hungary.

 

 

Please follow and like us:
Read More

ESTUDYANTENG MANONOOD NANG LIVE, ILIBRE–PANELO

(NI CHRISTIAN DALE)

ILIBRE o huwag nang pagbayarin ang mga estudyante na manood ng iba’t ibang games sa 2019 Southeast Asian Games.

Ito ang suhestiyon ni Presidential spokesperson Salvador Panelo upang maraming estudyante ang makapanood ng kada dalawang taong biennial meet.

Kung hindi papayag ang 30th SEA Games organizers, bigyan man lamang ang mga estudyante na gustong manood nang live sa iba’t ibang venues ng kahit 50% discount.

“Baka pwedeng yung mga estudyante  huwag na lang pagbayarin siguro, pero yung mga may sweldo naman, eh, magbayad,” ani Panelo.

Ayon pa sa Presidential spokesman, kailangan ng organizers ng SEAG ng panggastos para sa maintenance kaya okey lang na magbayad ang mga may trabaho, ngunit sana ay libre o kahit bawasan naman ng kalahati ang tiket para sa mga estudyante

Nauna nang hiniling ni Samahang Weightlifting ng Pilipinas president Monico Puentevella kay Pangulong Rodrigo Roa Duterte na kung pupwedeng wala nang bayad ang karamihan sa events sa SEA Games.

Katwiran ni Puentevella, maraming Pinoy ang gustong manood ng mga laro ngunit walang perang pambili ng ticket.

“After watching the exciting football match between our team drawing Cambodia with only half the stadium filled with cheering football Pinoy fanatics, I’m sure there were many more waiting outside who wanted to just experience the games but couldn’t come in because they couldn’t afford the tickets,” sabi ng mambabatas.

Saad pa ng dating Philippine Olympic Committee chairman, sapat naman ang bilyon-bilyong pisong nakuha ng Philippine South East Asian Games Organizing Committee (PHISGOC)  para ma-subsidize ang mga ticket at ibigay na lang sa bawat Pilipinong gustong sumuporta sa aing mga pambansang atleta.

“And since we are using billions of government funds anyway, why are we still commercializing the games? Aren’t these billions enough? How can we avail of the home court advantage in this manner?”

Sinabi pa ni Puentevella, “outside the opening and closing ceremonies and probably our national sport, basketball, it’s about time we free all the games before the official opening. I’m sure the President will approve this for the sake of the sport-loving masses.”

Isang libong piso hanggang P12,000 ang presyo ng tiket sa SEA Games opening ceremony bukas (Nobyembre 30) sa Philippine Arena, habang sa Disyembre 11 naman ang closing ceremony sa New Clark City.

Please follow and like us:
Read More

PH WOMEN VOLLEY TEAMS: DO-OR-DIE EVERY GAME

(NI ANN ENCARNACION)

NGAYONG araw magsisimula ang kampanya ng Philippine men at women’s team sa 30th Southeast Asian Games beach volleyball competition sa Subic Tennis Center.

Pangungunahan ang women pairs nina Sisi Rondina at Bernadeth Pons, at Dzi Gervacio at Floremel Rodriguez. Ang men’s team naman ay binubuo nina Edmar Bonono at Jude Garcia, at Anthony Arbasto at James Buytrago.

Sinusulat ito ay hinihintay pa ang resulta ng draw na dinaluhan ng mga coach at team managers ng mga magko-compete na teams.

“Bawat bansa ay mayroong isinaling 2 teams,” pagbabahagi ni Dzi Gervacio sa Twitter. “Sa Men’s division, dahil 8 ang teams na sumali meron silang semis at finals. Sa Women’s Division, walang semis/finals. Bawat game ay do or die.”

Huling nagwagi ng medalya ang Pilipinas sa women’s beach volley noong 2005 Manila SEA Games kung saan nanalo ng tanso ang pares nina Heidi Ilustre at Diane Pascua.

Ipagpapatuloy naman ng walang talong Malditas ang laban nito patungo sa quarterfinals sa pagsagupa sa Malaysia sa Biñan Football Stadium.

Kailangan naman manalo ng Azkals U23 kontra 2017 SEAG runner-up sa men’s football na Malaysia upang makasama sa apat na koponan na uusad sa cross-over semifinals.

Nabigo ang Azkals U23 sa huli nitong laban kontra sa Myanmar matapos na mabigong pigilan ang kalaban sa huling 11 minuto ng labanan.

Ipagpapatuloy din ng national floorball ang kampanya nito sa ikalimang araw ng kompetisyon kontra Malaysia sa men at women’s category sa U.P. College of Human Kinetics Gym.

Sa unang pagkakataon ay sasabak naman ang mga batang miyembro ng Philippine Skating Union para sa qualifying event sa Ice Skating rink sa SM Megamall.

Unang sasalang ang national skating team sa Senior Ladies – Short Program, bago susundan ng Senior Men -Short Program.

Please follow and like us:
Read More

TEAM ‘PINAS BA TAYO O SA TEAM TALANGKA –JIMMY BONDOC

(NI GORGY RULA)

MAINIT na pinag-usapan itong pagsisimula ng SEA Games na ginaganap dito sa atin, dahil sa ilang kapalpakan na kaagad na kumakalat, pinag-uusapan at naipu-post sa social media.

Ang daming puna at ang dami ring ang gagaling magbigay ng kanilang opinyon.

Kaya nga panay din ang hanash ng VP for Corporate Social Responsibility Group ng PAGCOR na si Jimmy Bondoc para ipagtanggol ang humahawak nitong malaking event, lalo na ang Phisgoc o Philippine SEA Games Organizing Committee.

Sabi nga niya sa kanyang Facebook account, sa Team Filipinas daw ba tayo o sa Team Talangka?

Ang pakiusap lang ni Jimmy, sana tapusin daw muna itong SEA Games bago magputak ang magputak at maghanap ng mali para i-post sa kanilang social media account.

“Sabihin na po natin na kunwari lang na talagang may mali, sa palakad may pagkukulang.

“Tama po ba? Sa isang bayan na we win as one…tama po ba na gawin lahat na paninita na ‘yan bago magka-SEA Games?

Iyun lang sa akin.

“Kasi para sa akin, sabihin nating maraming mali na nangyayari, hindi ba kaya ng taumbayan na hintayin?” pahayag ni Jimmy nang nakapanayam namin sa programa naming Showbiz Talk Ganern sa DZRH.

Sa panahon ngayon na nagsisimula pa lamang, mas mabuting patapusin na lang daw muna ang paghahanda ng SEA Games, bago maglabas ng katakut-takot na puna o obserbasyon.

Agree siyang dapat na magkaroon ng imbestigasyon pagkatapos nito para malaman lang daw ng taumbayan.

“Dapat na dapat na dapat, for transparency and accountability, pagkatapos,” pakli niya.

Mas pinapansin daw kasi ngayon ang pakonti-konti na mga  diperensya, hindi ang pangkalahatan na sana i-focus na lang sa suporta sa mga atleta natin.

“Kunwari lang may mali…ang tanong naman kung merong konting mali eh. Ang tanong kung meron talagan unforgivable o irregular na mga defects.

“Kung talagang pumalpak, hintayin natin pumalpak yung suma tutal nung SEA Games. Kasi we cannot judge the SEA Games,” saad ni Jimmy.

Isa nga sa inaasahan nating muling magbigay ng karangalan ay si HIdilyn Diaz.

Ayaw niya magbigay ng komento sa mga ibinabato sa nag-aayos ng SEA Games dahil mas naka-focus daw siya ngayon sa training.

Pinaghahandaan na raw niya nang husto ang laban niya sa December 2.

“Focus na lang po ako Sir sa laro ko,” sabi ni Hidilyn. “Gagawin ko po ang lahat ng makakaya ko para sa ating mga kababayan,” sabi niya sa kanyang manager na si Noel Ferrer.

Tumanggi na rin si Hidilyn na maging flag bearer  ngayon dahil mas mabuting sa iba na lang daw ibigay.

Nagawa na raw niya ito sa London Olympics kaya mabuting iba naman daw ang maging flag bearer.

UMIWAS SI JUANCHO TRIVINO

Kaagad na umalis si Juancho Trivino sa mediacon ng 20th anniversary ng

Unang Hirit kahapon ng tanghali.

Obvious na iniiwasan na lang niyang pag-usapan ang kumalat na isyung

nag-attitude din siya sa set ng Madrasta.

Naisulat ko naman noon ang panig niya na hindi totoo ang naturang balita,

pero pinilit ko pa rin siyang hingan ng pahayag tungkol sa isyung ito.

Naharang ko naman siya bago siya nakatakas pero kaagad na pinabulaanan ang naturang balita.

Aniya; “Hindi totoo yun. Huwag kayo maniwala dun.

“It blew out of proportion na kuwento ni ganyan, kuwento ni ganyan. But that’s not true.”

Ayaw na lang daw niya magpaapekto sa intrigang iyun dahil hindi naman daw nila pinag-uusapan iyun sa set.

Maayos daw sila ng production staff at pati sa mga co-stars niya.

“It’s irrelevant issue. Hindi naman big deal sa amin, lalo na sa mga people involved.

“Wala naman akong masasabi na beyond that,” tipid niyang sagot na nahahalata na naming irita na ito.

Pero love si Juancho ng mga kasamahan niya sa Unang Hirit, lalo na’t doon na-develop ang magandang pagmamahalan nila ni Joyce Pring.

Hindi ko na maalala kung nag-propose na ba siya kay Joyce, pero sinabi naman ni Arnold Clavio sa amin na tiyak na magni-Ninong siya sa kanilang kasalan.

“Ang sarap na nabubuo yung ganung pag-ibig na sa Unang Hirit.

Nakita ko yung sinseridad ni Juancho.

“Minsan may personal din kaming usapan ni Joyce. Humihingi rin ng payo. Naging maganda naman ang resulta.

“Sabi ko nga, naging bahagi ako ng relasyon na yun na umusbong talaga. Hindi pinilit eh,”pahayag Igan.

Ipinagdiriwang na ng Unang Hirit ang kanilang 20th anniversary, at every morning, meron silang magagandang treat sa kanilang mga viewers.

Hanggang December 6 ito na may mga special episodes silang nagbibigay ng surprises sa kanilang mga loyal viewers, na kung saan nagbibigay sila ng premyo na mga home appliances, furnitures, negosyo packages, gadgets. Meron pang lucky loyal viewer na mabibigyan ng chance na magwagi ng bagong house and lot.

 

 

 

 

Please follow and like us:
Read More

 PH TEAM BIKTIMA RIN NG PALPAK NA PHISGOC

(NI DENNIS IÑIGO)

MAGING ang Philippine football team ay hindi napigilang magpahayag ng kanilang kalungkutan sa kapalpakan ng pamamahala sa 30th SEA Games ng Philippine Southeast Asian Games Organizing Committee (PHISGOC) na pinamumunuan ni House Speaker Allan Peter Cayetano.

Reklamo ni Philippine women’s football team coach Let Dimzon, hindi maayos at hindi napaghandaan ang kanilang accommodations para sa SEA Games, na sinang-ayunan ng coaches mula sa Malaysia, Thailand, Indonesia, Vietnam at Myanmar.

Nauna nang isiniwalat sa Facebook ni Hali Long, miyembro ng Philippine women’s team, ang hindi magandang karanasan nila pagdating sa hotel na tinutuluyan nila.

“Sad that we’re the host team and this is how we’re being treated. I can’t imagine how other countries must feel,” ani Long na nag-post din ng mga larawan habang nasa hotel function room ang team at hinihintay na maisaayos ang kuwarto nila.

Ayon pa kay Dimzon, maging ang pagkain at tubig nila ay kulang na kulang.

“I’m not sure kung paano ang arrangement ng PHISGOC, but the quality and quantity of food is not enough. Sa variety din, like for this morning, hindi enough ‘yung rice and kikiam and egg. Walang nutrients.”

“Supposedly, this is an international competition, it should be international course. Pero I think, baka ‘yung budget na binibigay ng PHISGOC is not enough to cover ‘yung ganoong klase ng food.”
Nakakahiya umano ang mga nangyayari lalo’t hindi naman ito nangyayari sa mga tournament na sinasalihan nila abroad.

“Tayo ang host country, medyo disorganized,” dagdag niya. “It feels bad for us.”

Sinusugan naman ni Malaysian coach Joceph Jacob ang mga pahayag ni Dimzon.

“Today, my breakfast, most of the players eat only bread and some egg. We have a big tournament, I hope they will improve the food,” aniya

Trapik naman ang pinangangambahan ng coach ng Vietnam na si Mai Duc Chung.

“I hope that we have police escorts and don’t have to wait for the bus to arrive. I request to bring more food and escort. We wait for more than one hour for training.”

Noong Linggo ay humingi ng paumanhin ang PHISGOC sa Myanmar, Timor-Leste, Cambodia at Thailand dahil sa kalituhan din transportasyon at hotel accommodations.

“We sincerely apologize to our athlete guests from Timor-Leste, Myanmar and Cambodia for the inconvenience caused to them by the confusion regarding their transportation and hotel arrangements. While PHISGOC strives to ensure proper coordination of the arrival details, airport welcome and transportation provisions of all international teams to their respective assigned hotels, we acknowledge our shortcomings in this particular incident and vow to do better,” parte ng press statement nito.

 

Please follow and like us:
Read More

PHILIPPINE ARENA BANTAY-SARADO NA SA SEAGAMES

(NI GINA BORLONGAN)

HANDANG-handa na ang libu-libong pulis at force multipliers sa opening ng 30th Southeast Asian Games o SEAGAMES  na idaraos sa Nobyembre 30 sa Philippine Arena sa Bocaue,Bulacan dahil nasuyod na ng kapulisan ang palibot ng arena mula sa mga most wanted person(MWP), tulak at adik, posibleng pagtatago ng makakaliwang pangkat at maging ang mga kolorum na pagawaan ng paputok na maaaring umagaw ng atensyon kapag aksidenteng magkaroon ng pagsabog.

Mula noong Lunes ay bantay-sarado na ng 1,083 police personnel ang paligid at loob ng Philippine Arena at bago pa man dumating ang send off ceremony ng Bulacan police sa pagdarausan ng opening ng SEAGAMES ay ay sinigurado nilang malinis na ang paligid ng arena.

Nabatid na pinakamatinding preparasyon at seguridad para sa mga atleta at delegado ng SEAGAMES ang inilatag ng Bulacan PNP kaya inaasahag magiging matagumpay ang magarbong okasyong ito na uukit sa kasaysayan ng arena at ng bayan ng Bocaue.

 

Please follow and like us:
Read More

MARATHON QUEEN TABAL TUTOK SA NEW RECORD

(NI ANN ENCARNACION)

NAKAPOKUS ngayon si defending Southeast Asian Games marathon queen Mary Joy Tabal na maka-back-to-back sa biennial meet na ihohost ng bansa sa Nobyembre 30 hanggang Disyembre 11.

Si Tabal na isa rin Olympian ay puspusan ngayong nagsasanay sa ilalim ng tatlong coaches na sina John Duenas at Japanese Yuhei Sato at Akio Usami para matiyak na maipagtatanggol ang kanyang titulo sa marathon event sa 30th SEA Games.

Si Duenas ang personal coach niya, habang si Sato ang head ng women’s long distance team sa Nippon Sports Science University, at si Usami naman ay marathon veteran sa 1968, 1972 at 1976 Summer Olympics.

Target din ng Cebuanang si Tabal na higitan ang kasalukuyang SEAG marathon record na hawak ni Ruwiyati ng Indonesia na 2:34:29 oras na naitala noong Disyembre 13, 1995 SEA Games sa Chiang Mai, Thailand.
Nanalo ng gintong medalya si Tabal noong 2017 SEA Games sa Kuala Lumpur kung saan nagtala siya ng 2:48:26 oras.

“We’re currently in the thick of our preparations, which means mileage is getting higher, track workouts are getting harder, legs are getting heavier, miles per miles per week, long runs, long intervals, beingable to run on tired legs, mind over matter going to our peak period,” sabi ng 30-anyos na marathon queen.

“I have never been this focused and motivated totrain harder for this was my longest SEA Games preparation,” sabi pa ni Tabal.

Please follow and like us:
Read More

PADIZ BUENA-MANO SA ROOKIE OF THE YEAR AWARD

(NI DENNIS INIGO)

SINUNGGABAN ng bagong badminton sensation player na si Solomon ‘Monchi’ Padiz Jr. ng National University (NU) ang kanyang buwenamanong Rookie of the Year award sa katatapos na UAAP  Season 82 Badminton Championship sa PNP Sports Center sa Camp Crame,  Quezon City.

Hinataw ng 18-anyos na sports education freshman student na si  Padiz ang impresibong 13-sunod na panalo sa Team Tie preliminary round 7 sa men’s singles at 6 sa men’s doubles categories.

Tinampukan ng 2018 Philippine National Games Open gold medalist na si Padiz ang pagdurog sa beteranong karibal na si Keon Asuncion ng Ateneo de Manila University (2-0),  via straight sets 21-9, 21-14,  sa game 2 finals na naging instrumental sa 6-peat na tagumpay ng NU Bulldogs sa Universities Athletics Association of the Philippines badminton tournament.

“Thanks God for everything, for giving me this new breakthrough in my badminton career,” wika  ng bagitong kampeon.

“This RoY award inspires me more in my quest for glory in the coming SEA Games where I will represent our country in badminton event”, saad ni Padiz na inihandog ang tagumpay sa kanyang teammates, mentors, kay NU Bulldogs top brass Hans Sy, Sta. Rosa City Mayor Arlene Arcillas at ever supportive na amang si  Solomon Padiz Sr., dating national athlete sa sepak takraw.

Matapos ang mabungang kampanya ni Padiz sa UAAP 82,  kasalukuyang nasa maigting na pagsasanay naman siya sa Indonesia bilang preparasyon sa kanyang misyon sa SEA Games na papalo sa bansa sa Nobyembre 30-Disyembre 11.

Please follow and like us:
Read More

DAHIL SA BAGYONG TISOY; ILANG EVENTS SA SEA GAMES, INILIBAN

ILANG events sa Southeast Asian Games ang iniliban ngayong Martes dahil sa pananalasa ng bagyong Tisoy.

Alas-11 ng umaga, ang mga sumusunod na event ay ipinagpaliban:

SUBIC CLUSTER
• Beach Volleyball (moved to Dec. 4)
• Canoe, Kayak, Traditional Boat Race (moved to Dec. 6-8)
• Muay (moved to Dec. 4-8)
• Pencak Silat (moved to Dec.4)
• Sailing/Windsurfing (moved to Dec. 5)
• Modern Pentathlon (moved to Dec. 5)
• Surfing (moved to Dec. 4)
• Sepak Takraw (moved to Dec. 4)

SOUTHERN LUZON CLUSTER
• Underwater Hockey (moved to Dec. 4, subject to actual conditions)
• Skateboard (moved to Dec. 4, subject to actual conditions)
• Polo (moved to Dec. 4, subject to actual conditions)

METRO MANILA CLUSTER
• ESports (training schedule moved to Dec. 4)

CLARK CLUSTER
• Petanque (moved to Dec. 4)

Organizers have yet to finalize new schedules for wakeboarding, golf and other aquatic events, according to a post on the SEA Games 2019 official Facebook page.

Other SEA Games events in venues unaffected by Tisoy will be held based on the original time table, organizers said.

As of 11 a.m., to following sports competitions will push through:

SOUTHERN LUZON CLUSTER 
• Cycling
• Indoor Hockey
• Netball

METRO MANILA CLUSTER
• Floorball
• Badminton
• Fencing
• Football
• Gymnastics
• Tennis
• Weightlifting
• Wushu
• Volleyball

CLARK CLUSTER
• Rugby 7s
• Archery
• Arnis
• Athletics
• Wrestling
• Kurash
• Baseball
• Softball
• Lawnbowls
• Dancesport
• Water polo

 

Please follow and like us:
Read More

ALCAZAR BAGONG PHISGOC-OIC NG SEAGAMES

(NI ANN ENCARNACION)

UUPONG  Officer-In-Charge ng Philippine Southeast Asian Games Organizing Committee (PHISGOC) si Jojit Alcazar bilang kapalit ni Chief Operating Officer (COO) Ramon ‘Tatz’ Suzara.

Bago italagang bagong PHISGOC-OIC, si Alcazar ang Director for Support Services head ng naturang organizing committee.

Dati siyang Chief ICT Advisor ng Bases Conversion and Development Authority (BCDA) at Senior Manager sa Mobile Advertising ng Smart Communications, Inc.

Ayon kay Alcazar, nananatili si Suzara na COO at nasa official leave lang habang naghahanda ang bansa para sa paghohost sa 30th Southeast Asian Games sa November 30 hanggang December 11.

“Mr. Ramon Suzara remains as the Chief Operating Officer of the Philippine South East Asian Games Organizing Committee (PHISGOC). As he is currently on official leave from September 11-30, I have been designated as Officer-In-Charge of PHISGOC during the COO’s absence. To date, the current organizational chart remains the same,” sinasaad sa sulat ni Alcazar na may petsang September 18, 2019.

“As we draw closer to the Games, all officials of the Top Management and the respective officials and members of all Functional Areas should perform their regular duties and functions. 73 days to go! We Win as One!,” saad pa nito.
Ang naturang pahayag ay bilang tugon sa mga lumabas na balitang tuluyang pinatalsik na bilang OIC ng PHISGOC si Suzara.

Nag-file ng leave of absence simula Setyembre 11 hanggang 30, 2019 si Suzara dahil sa kanyang naunang commitment sa international association FIVB Volleyball Women’s World Cup bilang isang official ng Asian Volleyball Confederation.

Please follow and like us:
Read More

TEST EVENT SA 6 GAMES  

seagames12

(NI ANN ENCARNACION)

ANIM sa kabuuang 56 sports sa ika-30 edisyon ng Southeast Asian Games ang magsasagawa ng test event bilang bahagi ng paghahanda sa naturang biennial meet na iho-host ng bansa sa Nobyembre 30 hanggang Disyembre 11.

Napag-alaman sa naganap na Chef de Mission (CDM) Consultative Meeting na ang mga sport na magsasagawa ng test event ay ang volleyball, petanque, athletics, aquatics at ang kapwa isasagawa sa unang pagkakataon sa SEA Games na modern pentathlon at electronic sports o eSports.

Pinakaunang magsasagawa ng pre-SEA Games event ang Larong Volleyball ng Pilipinas Inc. simula Oktubre 4 hanggang 6 sa Sta. Rosa, Laguna bago susundan ng modern pentathlon na gaganapin sa Subic Bay Boardwalk Helipad Area sa Oktubre 9-10.

Ang petanque o lawn balls na gaganapin sa Clark ay itinakda sa Oktubre 16-25 habang ang centerpiece event na athletics ay susubukan ang bagong gawa na New Clark City Stadium sa Oktubre 26-27.

Gagamitin naman sa swimming ang modernong New Clark City Aquatics Center na kinabitan ng mga makabagong kagamitan para sa nasabing test event sa Oktubre 26-28.

Pinakahuli ang electronic sports o eSports na gagawin naman sa San Juan Arena sa Nobyembre 4.

Please follow and like us:
Read More

HALOS 15-K PULIS ITATALAGA NG NCRPO SA SEAGAMES 

(NI ROSE PULGAR)

NASA 14,800 unipormadong pulis ang itatalaga ng National Capital Region Police (NCRPO) para magbigay ng seguridad sa gaganapaing ika-30 Southeast Asian Games na iho-host ng Pilipinas ngayong taon.

Ayon kay NCRPO Director Police Maj. Gen Guillermo Eleazar,  nasa 12 sa 22 sports venue na tinukoy ng Philippines SEAG Organizing Committee na gagamitin ay nasa Metro Manila.

Sinabi ni Eleazar, handa na rin ang lahat ng venues maging ang seguridad na ilalatag sa lahat ng venues.

Aniya, ang mga Chief of Police at Station Commanders na nagsagawa na ng Security and Survey Inspection (SSI) sa mga lugar na pagdarausan ng nasabing palaro.

Gaganapin ang iba pang sports events ng SEA Games sa New Clark City Sports Complex sa Capaz, Tarlac, Bulacan, Laguna, Tagaytay at Subic.

Huling nag-host ang Pilipinas ng SEA Games noong 2005 kung saan nakamit ng mga Pilipino ang overall championship.

Opisyal na magbubukas ang SEA Games sa Nobyembre 30 at magtatapos sa Disyembre 11 kung saan inaasahan na higit sa 10,000 atleta ang magtatagisan sa iba’t- ibang sports discipline para sa medalya.

Bukod sa Pilipinas, ang iba pang bansang kalahok sa SEA Games ay ang Brunei, Cambodia, Indonesia, Laos, Malaysia, Myanmar, Singapore, Thailand, Timor-Leste, at Vietnam.

Please follow and like us:
Read More

PHL KARATEKAS SASABAK SA TURKEY

(NI ANN ENCARNACION)

MAGSASANAY at lalahok sa ilang tournament sa Turkey ang national karatekas bilang paghahanda na rin sa pagsabak nila sa 30th Southeast Asian Games sa Nobyembre 20 hanggang Disyembre 11.

Makakasama sa pambansang Karatedo team ang anak ng tinaguriang ‘Skywalker’ ng PBA na si Avelino “Samboy” Lim na si Jaimee Lim.

Ayon kay Karate Pilipinas Inc. president Ricky Lim, naisumite na nila sa Team Pilipinas secretariat ang listahan ng koponan na lalaban sa Kata at Sparring na gaganapin sa World Trade Center at kabilang nga dito si Jaimee.

“She just graduated Suma Cum Laude sa University of the Philippines and she is a very promising athlete,” ayon kay Lim, sasamahan ang 15-kataong delegasyon sa Turkey para sa isang buwang training camp at pre-SEAG tourney.

Kabilang din sa national karatekas sina SEA Games multi-gold medalist Mae Eso Soriano, Mary Anne Montalvo, Miyuki Tacay, at sa men’s team naman ay sina John Paul Bejar, Norman Montalvo, Bryan Agustin, Prince Alejo, Rexor Tacay, Shariff Atif, Oliver Manalac, Engine Dagohoy at Jayson Macaalay.

Sasama rin sa byahe si coach Okay Arfa. “I will leave the team there in Turkey. Kailangan ko lang magbigay ng courtesy call sa presidente ng Turkish Karate Federation at magpapasalamat na rin sa pagbibigay nila ng chance sa atin makapag-training at makalaban ang kanilang national athletes.”

Lilipad sa Turkey ang pambansang koponan sa Setyembre 1 para sa training camp. Magtutungo rin sila sa Ankarra at Istanbul upang sumabak din sa mga gaganaping torneo doon.

Aalis naman ngayon ang walo-kataong miyembro ng Kata team patungo sa Osaka, Japan para sa dalawang buwan na training at paglahok sa mga isasagawang torneo dito.

Ang mga ito ay sina Ricca Torres, Nichole Dantes at Ronaldine Flores; Joko Vasquez, Adam Bondoc at Mark Manantan; at kanilang coach na sina Juan Carlos Veguillas at Rhodee Saavedra.

 

Please follow and like us:
Read More