DAHIL SA BAGYONG TISOY; ILANG EVENTS SA SEA GAMES, INILIBAN

ILANG events sa Southeast Asian Games ang iniliban ngayong Martes dahil sa pananalasa ng bagyong Tisoy.

Alas-11 ng umaga, ang mga sumusunod na event ay ipinagpaliban:

SUBIC CLUSTER
• Beach Volleyball (moved to Dec. 4)
• Canoe, Kayak, Traditional Boat Race (moved to Dec. 6-8)
• Muay (moved to Dec. 4-8)
• Pencak Silat (moved to Dec.4)
• Sailing/Windsurfing (moved to Dec. 5)
• Modern Pentathlon (moved to Dec. 5)
• Surfing (moved to Dec. 4)
• Sepak Takraw (moved to Dec. 4)

SOUTHERN LUZON CLUSTER
• Underwater Hockey (moved to Dec. 4, subject to actual conditions)
• Skateboard (moved to Dec. 4, subject to actual conditions)
• Polo (moved to Dec. 4, subject to actual conditions)

METRO MANILA CLUSTER
• ESports (training schedule moved to Dec. 4)

CLARK CLUSTER
• Petanque (moved to Dec. 4)

Hindi pa rin maisapinal ang bagong schedule sa  wakeboarding, golf at iba pang  aquatic events, ayon sa post sa  SEA Games 2019 official Facebook page.

Itinuloy naman ang iba pang  sports competitions tulad ng mga sumusunod:

SOUTHERN LUZON CLUSTER 
• Cycling
• Indoor Hockey
• Netball

METRO MANILA CLUSTER
• Floorball
• Badminton
• Fencing
• Football
• Gymnastics
• Tennis
• Weightlifting
• Wushu
• Volleyball

CLARK CLUSTER
• Rugby 7s
• Archery
• Arnis
• Athletics
• Wrestling
• Kurash
• Baseball
• Softball
• Lawnbowls
• Dancesport
• Water polo

 

Please follow and like us:
Read More

SAN JUAN ARENA KINORDON NA NG PNP

(NI MAC CABREROS)

MAHIGPIT na pagbabantay ang inilatag ng San Juan City Police sa FilOil Flying V Centre para sa pagsasagawa ng anim na events ng eSports sa 30th Southeast Asian Games.

Sa panayam ng media sa induction ng mga opisyal ng PaMaMaRIZSan Press Corps sa Café Laudico Guevarra, sinabi ni Col. Jaime Santos, hepe ng San Juan City Police, na abot sa 100 pulis ang ikakalat nila sa bisinidad ng FilOil Flying V Centre para mangasiwa sa seguridad at kaligtasan ng mga manlalaro, kasama na rin ang maayos na daloy ng trapiko para makarating sa takdang oras ang mga ito.

Inihayag pa Col. Santos, na base sa isinagawang assessment, wala silang nakikitang threat o banta ng mga outside force na maghasik ng kaguluhan at karahasan sa kasagsagan ng SEAG.

Sinabi pa Santos na bagama’t magsisimula ang eSports sa Disyembre 5 ay ipinuwesto na nito ang kanyang mga tauhan. Magtatagal ang eSports hanggang Disyembre 10.

Hinggil sa kumakalat na ulat sa social media na may van na nangunguha ng mga bata, sinabi ni Col. Santos na bagamat hindi pa kumpirmado ito ay nakabubuting bantayan ng mga magulang ang kanilang
mga anak.

Si San Juan City Mayor Francis Zamora ang nagpanumpa sa mga opisyal ng PaMaMaRIZSan Press Corps kung saan hiniling nito ang magandang ugnayan ng media at Pamahalaang Lungsod para maitaguyod ang pag-uulat ng katotohanan at maayos na pamamalakad ng mga opisyal ng Lungsod tungo
sa pag-unlad ng San Juan City.

Naunang nagsagawa ng ‘simulation exercise’ ang mga kapulisan ng Eastern Police District sa pamumuno ni BGen. Johnson Almazan para maitaguyod ang mga SEAG events sa PaMaMariSan.

Ang reporter na ito ang chair ng Board of Directors ng PaMaMaRIZSan Press Corps habang si Neil Alcober ng Tribune ang Pangulo at si Knots Alforte ng Diaryo Bomba ang Auditor. Binubuo ng Press
Corps sina Vick Aquino ng Abante (VP), Christian Oineza (Secretary), Irwin Corpuz ng Police Files (Treasurer).

 

Please follow and like us:
Read More

MEAL, LOAD ALLOWANCE DAGDAG BENEPISYO SA PULIS NG SEA GAMES

PULIS-8

(NI LYSSA VILLAROMAN)

IPINAHAYAG ni National Capital Region Police Office chief, Brigadier Debold Sinas na makatatanggap ng allowance ang mga pulis na nakatalaga sa 30th Southeast Asian Games.

“Lahat ‘yan sa first pa lang na deployment, you receive P500 saka P100, for the allowance and cellphone load tapos daily mayroon pa ‘yang pagkain, P100 per meal—three times po ‘yan,” ayon kay Sinas.

Sinabi ni Sinas na dalawang shift ang kanilang isasagawa bilang bahagi ng security measure ng SEA games.

“Maski sa gabi ka naka-shift, mayroon kang allowance na P300,” ayon kay Sinas at dagdag pa nito na ang meal allowance ay matatangap lamang ng mga pulis sa kanilang isasagawang daily accounting.

Pahayag pa ni Sinas na nasa 10,000 security forces ang naka-deploy na sa ilang bahagi ng Metro Manila na ang 8,000 ay mga pulis samantalng ang 2,000 ay galing naman sa kanilang counterpart na militar.

Sinabi pa ni Sinas na ang mga pulis na naka-deploy sa SEA games ay handa na upang tugunan ang kanilang mga responsibilidad sa panahon ng SEA games.

Nasa 27,000 pulis ang naka-deploy na sa apat  ng region ng bansa kung saan gaganapin ang iba’t ibang sport events.

Ayon pa kay Sinas na nasa 1,680 atleta na ang dumating sa bansa at kasalukuyan ngayong nanunuluyan sa mga hotel sa Metro Manila.

“As of now, 6 a.m., 1,680 athletes na po ang dumating sa lahat ng 27 billet areas. There are 30 billet areas, ‘yung tatlo wala pa po naka-schedule pa po sa December ang arrival noon,” ayon kay Sinas.

Sinabi rin ni Sinas na ang crime rate sa capital region simula November 25 hangang 28 ay bumaba dahil sa heightened police visibility.

 

Please follow and like us:
Read More

EDSA IWASAN MUNA SA PAGBUBUKAS NG SEA GAMES — MMDA

traffic edsa12

(NI LYSSA VILLAROMAN)

INABISUHAN ng Metro Manila Development Authority (MMDA) ang lahat ng motorista na iwasan ang EDSA mula 12:00 ng tanghali hangang 5 ng hapon sa pagbubukas ng 30th Southeast Asian Games.

Ayon kay MMDA EDSA traffic czar, Bong Nebrija, inaasahan na nila ang mabigat na daloy ng trapiko sa mga naturang oras dahil sa isasagawa nilang stop-and-go scheme upang bigyan ng prayoridad ang mga bus na magdadala sa mga atleta sa Philippine Arena sa Bocuae, Bulacan.

Ang mga bus ng mga delagado ay dadaan sa yellow lane dahil ang request para sa special lane kagaya noong ASEAN summit ay huli na ng isinumite.

“From 12 noon up to 5 in the afternoon, ‘yan po ‘yung window hours na we will be expecting different convoys that will start passing through EDSA… Kung pupuwede ang pakiusap po namin sa ating mga kababayan na iwasan po ang northbound ng EDSA,” ayon kay Nebrija .

Nagbigay din ng babala ang MMDA sa mga private vehicles na huwag sumunod sa mga bus ng mag delegado dahil sila ay huhulihin.

“’Wag susunod sa convoy dahil kung hindi po kayo part ng convoy at nahuli po kayo patatabihin po kayo at lalo lang po kayo made-delay,”  ani Nebrija.

Ang mga manonood naman ng SEA games ay inabisuhan din ni Nebrija na sumakay sa mga accredited na buses papunta sa venue ng SEA games.

Sinabi pa ni Nebrija na maaga pa lamang bago mag-12:00 ng tanghali ay magsisimula na ang mga accredited na buses ay magsasakay na papuntang Philippine Area na magmumula sa Trinoma Mall, sa Parañaque Integrated Terminal Exchange, SM Mall of Asia at Ayala Clover Leaf.

Please follow and like us:
Read More

MGA DAPAT BANTAYAN SA SEA GAMES

SEA GAMES-2

Kilala na ng karamihan sa mga sports fans ang mga tulad nina weightlifter Hidilyn Diaz, gymnast Carlos Yulo, boxing champion Nesthy Petecio at syempre ang buong Gilas Pilipinas team na maglalaro sa paparating na Southeast Asian Games.

Hindi lang dahil sa kanilang international success ang dahilan kung bakit nakilala ang mga pangalang nabanggit kungdi dahil na din sa tuloy-tuloy na exposure na nakukuha ng mga ito sa media.

Sa 30th SEA Games na sisimulan bukas, inaasahan na mas maraming atleta ang mabibigyan ng magandang exposure at makilala ang kanilang mga sports na karamihan ay hindi pa pamilyar ang mga pinoy.

Bukod sa lahat ng mga major media entities ng print, online at broadcast, Malaki din ang magiging  kontribusyon ng social media para magkaroon ng awareness ang mga tao sa laro ng mga pambansang atleta ng Pilipinas.

Sa matagal na panahon, dinomina ng basketball, boxing, billiards at volleyball ang sports pages at maging mga broadcast shows na halos matabunan na ang ibang sports.

oOo

Nakatakdang ng ng malaking ingay sa SEA Games si Fil-Am karateka Joane Orbon na dating world-rated sa kaniyang dibisyon.

Ipinanganak si Orbon sa San Jose, California habang ang mga magulang nito ay tubong Ilocos Sur at Bicol na nag-migrate sa United States.

Ang 25-year-old na si Orbon ay 10-time US Open champion bukod pa sa pagiging three-time gold medal winner ng Pan-American Games.

Pinakamataas na ratings ni Orbon sa world rankings at number six sa -61kg ngunit unti-unti itong bumaba dahil sa mga natamong injuries at inactivity.

Nagkaroon ng ilang delays sa activity si Orbon dahil sa trinabaho nito ang mga papeles para maging official member ito ng Philippine national team.

Sa tulong ni Karate Pilipinas Sports Foundation, Inc. (KPSFI) president Richard Lim, pormal na nakuha ng Pilipinas ang recognition ni Orbon bilang official member ng Team Pilipinas buhat sa International federation ng nasabing sport, ang World Karate Federation.

Bukod sa SEA Games, inaasahan din ang pagsabak ni Orbon sa mga Olypic qualifiers sa susunod na taon sa asam na makalaro sa 2020 Tokyo Olympic Games.

oOO

Si skateboarder Jaime De Lange ang nakikita naman na magiging mukha ng kanilang sport matapos ang Southeast Asian Games.

Downhill Skateboarding ang event ni De Lange kung saan ang pagkarera pababa ng kabundukan sakay ang isang mas malapad na skateboarding ang sport ng Muntinlupa-born athlete.

Si De Lange ang maituturing na top skateboarder ng Southeast Asia dahil sa pagiging beterano nito sa mga international events.

Batak din ang 23-year-old na si De Lange sa numerous World Cup qualifiers na ilang beses na din na ginanap sa Pilipinas.

Bukod kay De Lange, gagawa din ng pangalan sa kani-kanilang sports sina Cebuano Andrew “Kim” Remolino ng Triathlon, Wakeboarder Mikee Teh Selga ng Davao at Leyteno Michael Comaling ng Modern Pentathlon.

Please follow and like us:
Read More

BRIBERY SA MEDIA: CAYETANO BINIRA NG FOCAP

BINATIKOS ng foreign correspondents sa Pilipinas ang bribery claims sa mga media ni Philippine Southeast Asian Games Organizing Committee (PHISGOC) head at House Speaker Allan Peter Cayetano.

Sa statement ng Foreign Correspondents Association of the Philippines (FOCAP), sinabi nito: “Independent journalists report problems and issues imbued with public interest as they happen and become evident and do not delay the time to press for accountability. We report defeats and victories, failures and triumphs.”

Hindi umano katanggap-tanggap ang akusasyon ni Cayetano na nabayaran sila para magpalabas ng malisyosong mga balita.

“Such sweeping accusations, without a shred of evidence and laced with threats of libel suits, are totally unacceptable and tend to intimidate journalists from reporting irregularities objectively,” pahayag pa ng FOCAP.

Ito ang tugon ng grupo sa akusasyon ni Cayetano na “smear campaign” ang inireport ng ibang miyembro ng media, na ang ilan ay umamin umanong ilang sites ang binayaran para magpakalat ng fake news kaugnay sa SEA Games hosting.

Nauna nang binanatan ng National Union of Journalists of the Philippines (NUJP) si Cayetano at ang PHISGOC dahil sa umano’y ‘negative’ coverage sa SEAG.

“It is bad enough when trolls are let loose upon media reporting on the disastrous preparations… It becomes ridiculously unacceptable when the officials responsible for the disaster resort to bashing media as well, as if the reports on their shortcomings were to blame for the disaster,” ayon sa grupo.  EBG

Please follow and like us:
Read More

WATER POLO, FLOOR BALL, FOOTBALL, NETBALL: PH ATHLETES MAY LABAN

(NI ANN ENCARNACION)

AGAD mapapasabak sa aksyon ang Philippine men’s water polo team kontra Indonesia sa 2019 Southeast Asian Games na gaganapin sa bagong gawang New Clark City Aquatics Center sa Capas, Tarlac.

Kagagaling lang ng national team mula sa FINA Olympic qualifying event sa Singapore at mapapalaban agad sa matindi nitong karibal na Indonesia sa alas-7 ng gabi.

Bukas naman ng alas-10 ng umaga nakaiskedyul ang laban ng Philippine women’s team kontra powerhouse Singapore.

Magtatapatan naman sa ikalawang araw ng kompetisyon ang Pilipinas at Thailand sa floorball sa U.P. College of Human Kinetics Gym. Magsisimula ang sagupaan sa women’s preliminary round sa ala-una ng hapon, samantalang sa alas-7 ng gabi magaganap ang men’s preliminary round sa pagitan pa rin ng   Thailand at Pilipinas.

Magtatapatan naman ang parehong nakaranas ng “inconvinience” sa hotel accommodation na Philippine women’s football team Under 23 at Myanmar sa alas-8 ng gabi.

Ikalawang araw din ngayon ng netball na ginaganap sa Sta. Rosa Multi-Sports Complex kung saan makakasagupa ng host Pilipinas ang Malaysia sa alas-5 ng hapon.

Mabagal ang pagdating ng mga resulta sa website ng PHISGOC na hanggang ngayon ay wala pa rin resulta sa unang araw ng mga kompetisyon sa polo, netball at floorball.

Please follow and like us:
Read More

DAGDAG 3,000 PULIS-MAYNILA ITATALAGA SA SEA GAMES

PNP150

(NI RENE CRISOSTOMO)

DAGDAG na 3,000 miyembro ng Manila Police District (MPD), ang nakatakdang ikalat sa mga pagdarausan ng SEA Games bago mag-Nobyembre 30.

Ayon kay District  Director P/ Brigadier Geneneral Bernabe Balba ng MPD , bilang pagbibigay ng seguridad sa mga atleta at manonood ng SEA Games nasa 3,000 ang idinagdag na kapulisan ng Maynila.

Nabatid kay Balba, hindi pa kasama rito ang mga pulis sa Region 4-A na pagdarausan din ng palaro at sa Clark.

Napag – alaman pa kay Balba na kabilang ang Rizal Stadium sa Malate ang pagdarausan ng ibang palaro at Manila Hotel na pagdarausan naman ng billiard games at mga hotels na tutuluyan sa lungsod at  babantayan ito  ng mga pulis.

Nalaman na 24/7 ang gagawing pagbabantay sa mga darating na atleta at dayuhan para makiisa at manood ng SEA Games.

Kasunod nito, sinabi ni P/ LT. Col Magno Carlo Manuel, chief ng MPD Public Information Office na magpapatupad ang Manila District Traffic Enforcement Unit (MDTEU) ng road closure sa panahon ng Sea Games.

Nalaman na isasara ang west bound lane ng P.Ocampo mula Taft Avenue hanggang Adriatico St., sa Malate.

Gayundin ang North at Southbound lane ng Adriatico St. mula President Quirino Avenue  hanggang P.Ocampo St.sa Malate.

Ang mga sasakyang daraan ng west bound lane ng P. Ocampo St. at manggagaling mula sa Taft Avenue  ay dapat na dumiretso sa Buendia papunta sa destinayon.

Kung gagamit ng east bound lane ng P. Ocampo St. at daraan sa Adriatico St. ay dapat na dumiretso sa Taft Avenue . papunta sa destinasyon.

Habang ang mga sasakyan na dadaan sa

West bound ng President Quirino Avenue at dadaan sa Adriatico St., ay dapat na dumiretso sa Roxas Blvd papunta sa destinasyon.

Lahat naman ng sasakyang daraan sa President Qiirino Ave. at gagamit sa Adriatico St. ay dapat dumiretso sa Taft Ave.papunta sa destinasyon.

Please follow and like us:
Read More

13 GINTO ASAN NG PH DANCESPORTS

(NI ANN ENCARNACION)

KUMPIYANSA ang danceports association na kaya nilang walisin ang lahat ng nakatayang gintong medalya sa paghohost ng bansa sa ika-30 edisyon ng Southeast Asian Games na magsisimula sa Nobyembre 30.

Inaasahan ang dancesport ang magiging isa sa mga minahan ng ginto ng Pilipinas na tangkang masungkit ang pangkalahatang kampeonato (sa ikalawang pagkakataon) sa ikaapat na beses na paghohost ng bansa sa multi-sports tournament na magsisimula sa Disyembre 1 hanggang 11.

Ipinahayag ni Dancesport Council of the Philippines president Becky Garcia ang kanilang hangarin na hakutin ang ginto sa 13 events upang tulungan ang Team Philippines na maabot muli ang tagumpay sa pangrehiyong torneo.

Sinabi ni Garcia na nag-hire sila ng dalawang foreign coaches upang tulungan na mahasa ang kanilang skills. Ito ay sina Alina Novak ng Poland at Alexander Melnikov ng Russia na dumating sa bansa tatlong linggo na ang nakalilipas upang turuan at ihanda ang mga Filipino athletes.

Si Nowak ay beteranong dancer na nagwagi sa Adult Latin Division ng World Championship habang si Melnikov ay isang seasoned mentor na itinuturo ang kahusayan sa balance, coordination at movement.

Maliban sa pag-aaral sa mga turo ng foreign coaches, nagsanay din ang mga Pinoy dancers sa Italy noong nakaraang buwan at dumalo rin sa dance camp.

Ayon kay Garcia, ayaw niyang mangako ngunit desidido silang makamit ang sweep sa itinuturing na pinakamalaki at pinakaprestihiyosong multi-sports tournament sa rehiyon.

“I don’t want to predict but if we can go for a sweep, we’ll do it,” sabi ni Garcia.
Nagawa ng Pinoy dancesports team na magwagi ng dalawang ginto at dalawang pilak sa SEA Games noong 2005.

“We had a training camp and we hired foreign coaches. We had a good preparation for the SEA Games and the athletes are ready. We just have to keep our fingers crossed and hope for the best,” dagdag ni Garcia, na pinasalamatan ang Philippine Amusement and Gaming Corporation (Pagcor) at Philippine Sports Commission (PSC) sa pagtulong sa kanilang paghahanda.

Una nang nagpahayag ang Skateboarding and Roller Sports Association na kanilang wawalisin ang kabuuang walong medalya sa lahat ng events sa biennial meet.

Please follow and like us:
Read More

30th SEA GAMES: SIMULA NA NG TOTAL GUN BAN

guns

(NI JESSE KABEL)

SIMULA bukas (Nobyembre 20) ay mahigpit nang ipatutupad ng Philippine National Police ang total gun ban sa apat na rehiyon sa Luzon kaugnay sa seguridad na inilalatag para sa idaraos na 30th Southeast Asian Games.

Bahagi ng security blanket na inilatag ng PNP at maging ng Armed Forces of the Philippine ang pagpapairal  ng gun ban sa mga lugar na pagdarausan ng kada dalawang taon na biennial meet.

Ayon kay PNP spokesperson Brig. Gen. Bernard Banac, iiral ang total gun ban partikular sa Region 4A o CALABARZON areas, National Capital Region (NCR)  Region 1 (La Union) at Region 3 (Central Luzon).

Nabatid na magtatalaga rin ang AFP-Joint Task Force NCR ng sapat na puwersa para ayudahan ang may 27, 440 pulis na idedeploy ng PNP para sa  SEA Games security kasama na rito ang mga escort sa mga convoy ng mga delegado ng iba’t ibang mga bansa na kasali sa SEA Games.

Ang gun ban sa apat na rehiyon ay ipatutupad simula sa November 20 (Miyerkules) hanggang sa December 14 (Sabado).

Ang pormal opening ceremony ng 30th SEA Games ay gaganapin sa Philippine Arena sa Bocaue, Bulacan sa darating na Nobyembre 30, 2019 habang ang  closing ceremony ay gaganapin sa December 11.

Sa mga nakalipas na araw ay todo na ang mga aktibidad ng AFP at PNP bilang bahagi ng iba’t ibang uri ng paghahanda, kasama na rito ang send off ceremony sa mga pulis na itatalaga sa mga venues at mga magiging parte ng delegasyon sa biennial meet.

Please follow and like us:
Read More

“ATTRACTION” NG SEA GAMES

seagames12

 SA darating na Southeast Asian Games, kung ikaw ay atleta at hindi basketball, boxing, football o volleyball ang sport mo, malamang ay hindi ka mabigyan ng sapat na pansin.

Alam naman natin lahat na established na ang apat na sports sa Pilipinas dahil ito ang mga paboritong panoorin o laruin ng Pinoy.

Ngunit ngayong SEA Games, pagkakataon na para maipakilala sa mga Pinoy sports fans ang iba pang games sa biennial meet.

Aminin man natin o hindi, may mga sports na imbes na ang laro ang sundan nga mga fans, mas kinagigiliwan nilang masilayan ang kagandahan at kagwapuhan ng mga atleta.

Pero imbes na kutyain natin ang mga sports fans dahil sa tila mali ang kanilang dahilan para manood ng sports, mas mabuti pa na gawin itong pagkakataon para makakuha ng sapat na atensyon.

Hindi naman kaila na ang football, bago tuluyan itong akapin at intindihin ng mga Pinoy, mas unang napansin ang tikas ng magkapatid na Phil at James Younghusband at binudburan pa ng ilang mga European-based Filipino players.

Kinalaunan, natuon na ang pansin ng mga fans sa tunay na ganda ng laro hanggang sa tuluyan nang maka-attract ito ng pure football Pinoy fans.

oOo

Ngayong SEA Games, ilan sa mga sports ay magpaparada ng kanilang mga pambato na hindi lamang magbibigay ng gold medals kungdi sapat na atensyon na din dahil sa kanilang angking kagandahan at kagwapuhan.

Isa na dito si world-rated Karateka Joane Orbon na ipinanganak sa California buhat sa mga magulang na nanggaling ng Bicol at Ilocos.

Umabot sa top 10 ang ratings ng Pinay karateka na mala-Miss Universe ang tindig at itsura nang ito ay miyembro pa ng United States Federation.

Tiyak na mapapamahal agad si Orbon sa mga Pinoy fans dahil sa desisyon nito na iwan ang mas makinang na career sa US at irepresenta ang Pilipinas hindi lamang sa SEA Games kungdi maging sa 2020 Tokyo, Olympics.

Nitong November 13 lamang ay inilabas ng World Karate Federation (WKF) ang desisyon na kilalanin si Orbon bilang atleta ng Pilipinas.

Gaganapin ang mga karate events ng SEA Games sa World Trade Center sa Pasay City

oOo

Sa lahat ng mga sports sa SEA Games, ang skateboarding ang nagnanais na mabago ang imahe pagdating sa paningin ng mga Pinoy.

Sa matagal na panahon, kinunsidera bilang mga “pasaway” sa kalsada ang mga skateboarders ngunit sa Asian Games success ni Margielyn Didal ay unti-unti nang nakakakuha ng respeto ang nasabing sport.

Ngayong SEAG, makakatuwang ni Didal sina Jaime De Lange at Tomas Romualdez pagdating sa paghakot ng medalya at mga karagdagang fans.

Sina De Lange at Romualdez ay maglalaro sa Downhill Skateboarding o ang pagkarera sa kabundukan gamit ang kanilang skateboarding.

Paborito si De Lange sa nasabing event dahil sa international experience kumpara kay Romualdez ngunit tiyak na guguluhin ng dalawa ang isipan ng mga female fans na manonood ng kanilang event dahil wala kang itulak kabigin pagdating sa tikas nilang dalawa.

Please follow and like us:
Read More

YULO SASABAK AGAD SA UNANG GINTO

(NI ANN ENCARNACION)

MANGUNGUNA si Tokyo-Olympics bound Carlos Edriel Yulo sa mga batang miyembro ng  Philippine Skating Union (PSU) sa kampanya ng bansa na maghakot ng ginto, isang araw bago ang pormal na pagbubukas ng 30th Southeast Asian Games sa Philippine Arena sa Bocaue, Bulacan sa Nobyembre 30.

Agad sisimulan ang dalawang qualifying event sa figure skating Senior Ladies-Short Program na susundan ng Senior Men-Short Program sa Nobyembre 29, sa SM Megamall sa Mandaluyong City.

Unang paglalabanan sa Short Program para sa mga uusad sa susunod na kategorya na free skate, bago ang final round kung saan naghihintay ang gintong medalya sa Disyembre 1.

Inaasahang mangunguna sa Senior Men-Short Program ang 2017 SEA Games silver medalist na si Michael Martinez.

Sa Disyembre 1 naman magsisimula ang kampanya ni artistic gymnastics world champion Carlos Edriel “Caloy” Yulo.

Hindi na ibinigay kay Yulo ang dapat sanang responsibilidad na maging torch bearer ng bansa dahil agad siyang sasabak alas-2 ng hapon sa unang gymnastics event na Men’s Artistic Gymnastics (MAG) Individual All-Around Qualification.

Agad igagawad ang gintong medalya sa MAG Individual All-Around winner sa ganap na alas-4 ng hapon.

Please follow and like us:
Read More

159 GINTO HAHAKUTIN SA 30TH SEA GAMES

(NI ANN ENCARNACION)

KUMPIYANSA si Philippine Olympic Committee (POC) president Abraham ‘Bambol’ Tolentino na makakaya ng bawat isang National Sports Association (NSAs) na tuparin ang kanilang medal projection sa isinagawang executive board meeting ng asosasyon noong Biyernes sa Conrad Hotel sa Pasay.

Umabot sa kabuuang 159 gold medals ang inaasahang maisusukbit ng lahat ng miyembro ng Team Pilipinas na sasabak sa 30th Southeast Asian Games base na rin sa ipinangako ng bawat National Sports Association na nagsidalo sa final coordination meeting noong Huwebes sa Century Park Hotel sa Manila. May 45 NSAs ngunit 37 lamang ang nakadalo sa Chef de Mission coordination meeting kung saan ay inaasahang aabot pa sa 264 ang ginto mahahakot ng bansa dahil sa pagdaragdag sa electronic sports o  eSports na inaasahang madodomina ng Pilipinas.

Kumpiyana si Tolentino na magagawa ng Team Pilipinas na maging domintante sa biennial meet ngunit mas realistiko umanong isipin ang 159 gold haul o kalahati ng medal projection ng NSAs sa nasabing CDM meeting.

Naniniwala rin ang POC na makakaya ng host Pilipinas na makapagtapos sa unang tatlong puwesto sa 11 kalahok sa bansa sa 2019 SEA Games na magsimula sa Nobyembre 30 hanggang Disyembre 11.

Bilang dating chairman ng Sports and Rules Committee ng Philippine Southeast Asian Games Organizing Committee (PHISGOC), naging bahagi si Tolentino sa pagpili ng sports na paglalabanan sa SEAG.

Umaabot sa 56 sports at 530 events ang paglalabanan ng mga atleta mula sa mga bansa sa Southeast Asia sa biennial meet.

Nagkasundo naman ang POC Board na isagawa ang huling general assembly sa Disyembre 17, kasunod ang post SEA Games celebration at POC Christmas Party, kasama na rito ang awarding of cash incentives sa mga Pilipinong gold medal winners sa kada dalawang taon multi-sports competition.

Please follow and like us:
Read More

PAGDARAUSAN NG SEAG, BITIN

(NI LOUIS AQUINO)

NASA 80% pa lamang ang kabuuang natatapos sa konstruksyon ng Ninoy Aquino Stadium na isa sa venues sa 30th Southeast Asian Games na iho-host ng bansa sa Nobyembre 30-Disyembre 11.

Paliwanag ni Philippine Sports Commission Commissioner Celia Kiram, kaya naman tapusin ang gusali bago ang SEA Games.

Patuloy pa rin ang renovation ng Rizal Memorial Football Stadium para sa tennis facilities, habang malaki-laki pa ang aayusin sa Rizal Memorial Sports Complex na magiging venue ng taekwondo at weight lifting events.

Samantala, sinabi ni PSC Chairman Butch Ramirez na tuloy ang torch relay sa kabila ng pagtama ng lindol sa Cotabato.

Ito ay dahil mayroon nang grupo ang naka-assign na umasikaso sa kahit anong krisis na maaaring maganap sa clustered areas ng mga venue para sa SEA Games.

Magaganap ang send-off ng mga atleta sa November 13 sa Art Deco Building sa Rizal Memorial Coliseum habang ang opening ceremonies naman ay gagawin sa Philippine Arena sa Bulacan sa November 30.

Please follow and like us:
Read More

SEA GAMES SQUASH ETSAPWERA SA RMSC

SA Manila Polo Club na gagawin ang 30th SEA Games squash dahil hindi matatapo ang building na inilaan para dito sa ginagawa pa rin Rizal Memorial Sports Complex.

Iginiit ni Philippine Sports Commission commissioner Celia Kiram, ang building sa pagitan ng Rizal Memorial Stadium at Ninoy Aquino Stadium ay matatapos naman bago ang SEA Games ngunit ang flooring at equipment na magmumula pa sa Germany ay walang katiyakan na darating sa tamang oras.

“Definitely matatapos yung building but yung ilalatag nila na special flooring, manggagaling yun sa Germany, baka hindi dumating on time,” pagamin ni Kiram.

Ito ang dahilan kaya’t nagdesisyon na umano si Philippine Squash Academy president Robert Bachmann na ilipat ang venue ng naturang sports sa Manila Polo Club, kung saan nagtetraining ang national team.

” Minor na lang ang gagawin sa squash. Pintura na lang at ilaw, maayos na,” sabi ni Kiram.

 

Please follow and like us:
Read More

POLO GAMES MAPANONOOD VIA STREAMING

LAHAT ng polo matches sa 30th Southeast Asian Games ay mapanonood nang live via streaming, ayon sa Philippine National Federation of Polo Players (PNFPP).

Kaya’t mae-enjoy ng participants, officials at special guests, kabilang ang royalties at top government officials ng mga bansang Brunei, Malaysia, at Indonesia, ang free Wi-Fi sa polo competition na gaganapin sa Miguel Romero Field in Calatagan, Batangas.

Gaganapin sa bansa ang biennial meet sa November 30 hanggang December 11 ngunit ang polo competition ay magsisimula sa November 24 kung saan 200 ‘prized horses’ ang darating.

Nakipagpartner ang PNFPP sa PLDT at Smart WiFi para sa streaming services upang mas maraming makapanood sa pakikipagtunggali ng national polo team, na kinabibilangan nina Gus Aguirre, Tommy Bitong, Jay de Jesus, Jam Eusebio, Anthony Filamor, Coco Garcia, Santi Juban, Ed Lopez, Marty Romualdez, Tonio Veloso at Noel Vecimal, sa iba pang teams mula sa Southeast Asia.

Please follow and like us:
Read More

30th SEAG VENUES AABOT- RAMIREZ

poc

(NI ANN ENCARNACION)

KUMPIYANSA si Philippine Sports Commission (PSC) Chairman William “Butch” Ramirez na makukumpleto ang mga isinasagawang konstruksiyon at pagrerepair sa iba’t ibang pasilidad sa 84-taon Rizal Memorial Sports Complex pati na rin sa iba pang pasilidad tulad ng Ninoy Aquino Stadium at Philippine Sports Arena.

“Our target completion time and date is set at October 30,” pahayag ni Ramirez, patungkol sa mga ginagawang pasilidad na pagdarausan ng ilang sports events sa darating na 30th Southeast Asian Games na ihohost ng bansa sa Nobyembre 30-Disyembre 11.

“Umaasa kami na matatapos on time. Sabi nga nila, buzzer-beater or at the last minute pero optimistiko kami na magagamit ang lahat ng mga nasabing pasilidad para sa paghohost natin ng SEA Games,” sabi ni Ramirez.

Maliban sa PhilSports Arena na gagamitin para sa  volleyball sa kada dalawang taong Southeast Asian Games na iho-host ng bansa sa ikaapat na pagkakataon, maraming iba pang pasilidad ang kasalukuyang binubuo pa para sa 56 sports na paglalabanan sa biennial meet.

Tinatapos na rin ang bagong pasilidad para sa Skateboarding sa Tagaytay City, beach volleyball sand court sa loob ng Clark, shooting range sa Subic at ang lugar para sa baseball at lawn balls.

Isasagawa sa loob ng Rizal Memorial Coliseum ang sports na gymnastics habang sa Ninoy Aquino Stadium gagawin ang taekwondo at weightlifting.

 

Please follow and like us:
Read More

BOLICK, PEREZ BABAWI SA SEAG

(NI ANN ENCARNACION)

MOVED on na sina Robert Bolick at CJ Perez sa masaklap na kabiguan ng Gilas Pilipinas sa FIBA World Cup kaya naman pipilitin nilang maibangon ang dangal sa 3×3 basketball sa darating na 30th Southeast Asian Games.

Balewala kay Bolick anuman ang disiplina niyang lalaruin basta makapagsilbi sa bansa bilang kinatawan nito.

“Kahit saan basta i-represent mo lang yung country ok na ako run. Basta kahit saan, huwag lang sa volleyball. Hind naman ako volleyball player, e,” ani Bolick.

Isa ang NorthPort rookie sa anim na players na nagpakita sa unang official practice ng Gilas Pilipinas men’s 3×3 training pool sa Meralco.

Ikinatuwa ni Bolick ang panibagong ibinigay na oportunidad sa kanya na makapaglaro muli para sa bansa matapos ang FIBA World Cup sa China.

“Napakasarap ng feeling na pagkalaro mo sa World Cup, tapos eto naman 3×3, ibang laban naman,” sabi ni Bolick.

“Naglaro ako sa 5-on-5, ngayon lalaro ako sa 3×3. At least napaglaruan ko lahat. Yun ang pinaka-importante,”dagdag niya.

Kasama rin sa Pilipinas men’s 3×3 training pool ang kapwa FIBA World Cupper ni Bolick na si Perez, at Mac Belo, Chris Newsome, Jason Perkins, at Moala Tautuaa.

Ang koponan ay gigiyahan ni coach Ronnie Magsanoc at assistant Alex Cabagnot.

Please follow and like us:
Read More

SEA GAMES EQUIPMENT PARATING NA — RAMIREZ

poc

(NI ANN ENCARNACION)

GABI at araw na ginagawa ng Philippine Sports Commission (PSC) ang lahat ng paraan upang masiguro na darating sa takdang oras ang lahat ng gagamiting sports equipment para sa ika-30 edisyon ng Southest Asian Games.

Inihayag ni PSC chairman William ‘Butch’ Ramirez na nagkausap ang task force na binubuo ng representante mula Philippine Olympic Committee (POC), Philippine Southeast Asian Games Organizing Committee (PHISGOC) at pinamumunuan niyang PSC, kabilang ang iba’t ibang national sports associations (NSAs), para mapabilis ang proseso sa pagkuha ng lahat ng sports equipment para sa SEAG.

Nakipag-usap ang task force sa mga NSA officials sa billiards, ice skating, dancesport, shooting at windsurfing kaugnay sa procurement ng kanilang mga kailangang equipment.

Mayroon lamang 11 mula sa 57 na kasaling NSAs ang nakuha na ang kanilang kailangang equipment. Ang natitirang 46 ay pinoproseso pa.

Gayunman optimistiko si Ramirez na maidedeliber ang mga kagamitan sa tamang oras. “We’re looking at having everything delivered in our warehouse by November 15.”

Dagdag pa ng Chief de Mission ng Team Philippines, “The cooperation among the PSC, POC and PHISGOC is very solid and they are doing a good job screening all the equipment requirements and other requests of the NSAs. The SEA Games task force had gone full blast. We expect everything to be done by next week.”

Ilan sa kinakailangan pang bilhin ay equipment sa shooting, rowing, athletics, weightlifting, wrestling at gymnastics.

Kasama ang mga baril at bala, at practice ranges sa Subic at Philippine Marines headquarters sa Taguig, gagastos ang bansa sa shooting pa lang ng P73.9 milyon.

Sa rowing tinatayang P58.5 milyon,  athletics P43.1 milyon, weightlifting P35 milyon, wrestling P33.3 milyon, at gymnastics P33.1 milyon na ang gagastusin.

Pinakamura ang gastusin sa surfing P549,000, squash P535,000, netball P1 milyon, taekwondo P2.2 milyon, chess P2.3 milyon, jiu-jitsu P2.3 milyion at triathlon P3.9 milyon.

Nagtakda ang gobyerno ng kabuuang  P6.5 bilyon budget para sa paghohost ng Pilipinas sa 30th SEAG kung saan kalahati ay mapupunta sa procurement ng equipment para sa 57 kasaling NSAs.

Ang kada dalawang taon torneo ay magsisimula sa Nobyembre 30 sa Philippine Arena sa Bocaue,  Bulacan at magtatapos sa Disyembre 11.

Please follow and like us:
Read More

30th SEA GAMES; PHL BOXING TEAM, KASADO NA

(NI DENNIS INIGO)

INIHAYAG ng Association of Boxing Alliances in the Philippines (ABAP) ang komposisyon ng Philippine team na makikipagbakbakan sa 30th Southeast Asian Games sa Nobyembre 30 hanggang Disyembre 11.

Mangunguna sa contingent si World Championship at 2-time SEA Games gold medalist Eumir Felix Marcial (middleweight, 75 kg).

Napasakamay ng 23-anyos na airman ang ikalawang ranking sa World Championships na ginanap sa Ekaterinburg, Russia mid-September, ngayong taon.

Nakalinya din sa Philippine team sina Carlo Paalam (light flyweight, 49 kg), Rogen Ladon (flyweight, 52 kg), Ian Clark Bautista (bantamweight, 56 kg) , Charly Suarez (lightweight, 60 kg), James Palicte (light welterweight, 64 kg), Joel Bacho (welterweight, 69 kg) at John Tupas-Marvin (light heavyweight, 81 kg).

Sa distaff side,  sasabak sina Josie Gabuco (light flyweight, 48 kg), Irish Magno (flyweight, 48 kg), Aira Villegas (bantamweight, 54 kg), Nesthy Petecio (featherweight, 57 kg) at Risa Pasuit (lightweight, 60 kg).

Kahit pa ang Even roster ay napili na ngunit sinabi ni ABAP secretary-general Ed Picson na inireserba ng asosasyon ang kanilang karapatan na mapalitan sa ‘last-minute’ ang kanilang pambato.

“This list is not cast in stone. We reserve the right to replace any boxer who does not live up to the criteria set by the coaching staff, which includes not only performance in the ring or the gym, but also in terms of punctuality, attitude and over-all behavior,” ani Picson.

“All the teams are allowed to replace any boxer until the official weigh-in, which is a day before the competition starts on December 3,” dagdag nito.

Nakahanay sa coaching staff si elite men head coach Ronald Chavez, elite women’s head coach Nolito Velasco at foreign consultant Don Abnett.

Please follow and like us:
Read More

30th SEA GAMES: 3 MALAKING TORNEO NG PSL

(NI ANN ENCARNACION)

ASAM ng Philippine Super Liga (PSL) na mapataas, hindi lamang ang level at kalidad ng mga miyembro ng Philippine Women’s Volleyball team, kundi pati na rin ang ibang mga manlalaro sa bansa sa pagtatakda nito ng tatlong malalaking torneo patungo sa paghohost ng Pilipinas sa ika-30 edisyon ng Southeast Asian Games.

Sinabi ni PSL president Adrian Paolo Laurel at Larong Volleyball ng Pilipinas Inc. secretary general Ariel Paredes, ang tatlong magkakadikit na torneo ay ang PSL Invitational Cup, Southeast Asian Grand Prix at PSL Super Cup.

Isasagawa ang PSL Invitational Cup simula Setyembre 24 hanggang Oktubre 17 habang ang ikalawang leg Southeast Asian Grand Prix ay gaganapin simula Oktubre 4 hanggang 6. Ang PSL Super Cup ay isasagawa Nobyembre 5, 7 at 9.

“The PSL Invitational Cup will be the opportunity and give other players the chance to play because some of the players are currently with the national teams. We will have a flexible format and just a short tournament because we have to give way to the country’s hosting of the SEA Games,” sabi ni Laurel.

Nakatakda naman sumabak ang national women’s team sa unang leg ng SEA Grand Prix na gaganapin Setyembre 20,21 at 22 kung saan makakasagupa nito ang karibal na Thailand, Vietnam at Indonesia. Ang ikalawang leg ay isasagawa sa Sta. Rosa, Laguna sa Oktubre 4 hanggang 6.

Hindi makararating sa bansa ang Indonesia para sa 2nd leg ng SEA Grand Prix kung kaya bubuo ng isa pang team ang LVPI mula sa mga iboboto ng mga tagasunod at mahihilig sa volleyball sa Pilipinas.

Tampok naman sa PSL Super Cup ang koponan mula sa Japan na University of Tsukuba na makakasagupa ang Philippine women’s team at dalawang bubuuin na koponan mula sa mga manlalaro ng iba’t ibang liga sa bansa.

Please follow and like us:
Read More

30th SEAGAMES; 5 SPORTS WALA PANG VENUE

(NI ANN ENCARNACION)

HINDI pa handa ang lima sa kabuuang 56 na paglalabanang sports sa 30th South East Asian Games dahil sa kawalan ng competition venue.

Nabatid na ang limang sports na ito ay ang squash, kickboxing, obstacle course, floorball at gymnastics.
Naunang nang inihayag ng Squash and Racquet Association of the Philippines (SRAP) na magkakaroon ang squash

ng playing court sa loob ng Rizal Memorial Sports Complex.

“We are training right now in Manila Polo Club,” sabi ni SRAP president Robert Bachmann. “We asked the contractor about the proposed venue kung kailan matatapos and we were told by November 28. Concerned ako siyempre dahil our competition starts Dec 1.”

Dagdag ni Bachmann, hinihintay pa rin nila ang gagamiting equipment na manggagaling pa sa Germany at Singapore.

Ang kickboxing na unang inulat na gagawin sa Cuneta Astrodome ay hindi nakapasa sa panlasa ng ipinadalang technical director ng SEAG, pag-amin ni Philippine Southeast Asian Games Organizing Committee (PHISGOC) Director for Operations Tom Carrasco.

Ang obstacle course, na apat na beses nang lumipat mula sa Quirino Grandstand, Clark, Subic, UP Sunken Garden at ngayon ay sa Filinvest, Alabang na raw gagawin.

Napag-alama na ang November 30-December 11 SEA Games ay kasabay sa examination ng mga estudyante ng UP kaya hindi puwede ang Sunken Garden, ayon sa Philippine Obstacle Sports Federation (POSF).

Patuloy naman hinahanapan ng PHISGOC ng venue ang floorball, na unang itinakda sa Los Banos, Centro Mall na hindi rin nakapasa sa technical director, ayon kay Carrasco.

Balik ang bowling sa Starmall sa Mandaluyong matapos  na hindi makumpleto ang pakikipag-usap para sa isang pasilidad sa Alabang.

Ang weightlifting at taekwondo ay sa Ninoy Aquino Stadium pa rin na nasa loob ng ginagawa pa rin Rizal Memorial Sports Complex, habang ang gymnastics ay gaganapin sa isinasagawang Rizal Memorial Basketball Court.

Balik sa PhilSports Arena sa Pasig City ang volleyball, habang magsisilbing practice venue para sa football ang Imus football pitch at UP football field.

Please follow and like us:
Read More

77 ARAW BAGO ANG SEA GAMES; HOST PILIPINAS NGANGA PA RIN

seagames12

(NI ANN ENCARNACION)

‘PANIC button’ na ang mga pinuno ng Philippine Sports Commission, Philippine Olympic Committee, Philippine Southeast Asian Games Organizing Committee at Office of the Chef de Mission dahil sa patuloy na natatanggap na mga hinaing hinggil sa kakulangan ng mga kagamitan sa mga lugar na pagdarausan ng sports competitions sa 30th Southeast Asian Games.

Ito ang dahilan kaya’t nagpatawag ng ikalimang konsultasyon ang Office of the CDM kahapon upang plantsahin ang mga gusot sa paghohost ng bansa sa biennial meet.

Sa naturang consultative meeting ay nagbigay na ng ultimatum si PSC Chair at CDM William “Butch” Ramirez sa lahat ng national sports associations (NSAs) na dapat nilang kumpletuhin ang kanilang kailangang equipment at iba pang requests hanggang sa Lunes (Setyembre 16).

“We have urgent and compelling issues na dapat resolbahin and it is a crack time now. I have to rush also to the president to secure how we can fasttrack the needed equipment for all our NSAs,” sabi ni Ramirez.

“We are approaching 77 days and the biggest concern is the procurement of the equipment. We are giving ourselves up to Monday, kapag hindi namin nakuha iyan, malaking problema iyan sa P5M or P6M na kailang equipment. The country is at stake here now, kaya nga sabi ko kanina after the prayer, hindi na ito PSC, POC o PHISGOC, Pilipinas na ang nakataya dito,” dagdag ng opisyal.

Napag-alaman kay PHISGOC Director of Operations Tom Carrasco na mula sa kabuuang 61 requests ng mga NSAs, 18 ang hawak ng PSC na nagkakahalaga ng kabuuang P173 milyon.

“Isa iyon sa pinag-usapan namin para maasikaso ang lahat ng concerns. This is a national endeavor kaya kailangan natin na sama-samang asikasuhin. Alam naman natin na magagaling ang mga Pilipino kapag nagtutulungan,” sabi pa ni Ramirez.

Please follow and like us:
Read More

SEGURIDAD SA SEA GAMES, KASADO NA

(NI AMIHAN SABILLO)

IKINASA na ng Philippine National Police (PNP) ang seguridad sa nalalapit na Southeast Asia Sea Games 2019 na isasagawa sa Clark field sa lalawigan ng Pampanga ngayong Nobyembre.

Ayon kay PNP Chief P/Gen. Oscar Albayalde, kadalasan umanong ibinibigay ng PNP ay manpower upang matiyak ang seguridad gayundin ang kaayusan sa panahon ng prestihiyosong palaro.

Sa ngayon inaasahang aabot sa libo ang bilang ng mga pulis na ipakakalat ng PNP sa mga lugar na pagdarausan ng iba’t ibang mga palaro at paiigtingin din ang intelligence monitoring at gathering para rito.

Sinabi pa ng hepe ng pulisya na ang Police Regional Office 3 o Central Luzon ang siyang mangunguna sa paglalatag ng seguridad at pagbabantay sa anumang posibleng banta mula sa mga grupo na nais manabotahe.

Ginawa ni Albayalde ang pahayag matapos pangunahan nito ang ika-118 anibersaryo ng police service ng Police Regional Office 3 sa Kampo Olivas sa San Fernando, Pampanga, Biyernes ng umaga.

 

Please follow and like us:
Read More