CARETAKER TODAS SA BAWAL NA RELASYON

crimebolo123

(NI DANN RIVERA)

SARIAYA,QUEZON- Duguan at naghihingalong isinugod sa ospital ang isang farm caretaker matapos itong pagtatagain ng isang construction worker sa loob ng Tuna Boys Farm na nasa bahagi ng Purok 6, Brgy.Sto Cristo, bayan ng Sariaya.

Ang dahilan: Selos. Natuklasan ng suspect na si Ariel Matibag, alyas Paeng, 41, na may lihim na relasyon ang kanyang misis at ang biktimang  si Eufrocino Ferrer,47, residente ng Brgy. Concepcion,Palasan.

Batay sa imbestigasyon ng Sariaya PNP, dakong alas 6:30 ng umaga nakita umano ng kasamahan ng biktima na si Edgardo Panaligan ang pagsugod at pananaga ng ilang beses ni Matibag, gamit ang isang itak, kay Ferrer habang ito ay naglalaba ng kanyang mga damit sa kanyang barracks.

Nagtamo ng maraming sugat sa katawan ang farm caretaker at nagawa pang dalhin ito sa pagamutan subalit binawian ito ng buhay habang ginagamot.

Tumakas naman ang suspect matapos ang insidente.

Please follow and like us:
Read More

TAYABAS POLICE CHIEF, 2 PA, DINAKMA SA MURDER NG ANAK NG MAYOR

sariayanbi 12

(NI JULIE DUIGAN)

DAHIL sa inilabas na warrant of arrest na inisyu ng Executive Judge ng Lucena City sa kasong double murder, binitbit ng mga tauhan ng National Bureau of Investigation (NBI) ,ang hepe ng Tayabas Police at dalawa nitong tauhan na umano’y  itinurong nasa likod ng pagpaslang sa anak ni Sariaya Mayor Marcelo Gayeta at kaibigan nito noong Marso 14 sa Poblacion,Tayabas.

Nasa kustodiya ng NBI-Detention cell sina P/Colonel Mark Joseph Laygo, hepe ng Tayabas PNP; P/Cpl Lonald Sumalpong at Patrolman Robert Legaspi , makaraan ilatag ang arrest warrant nitong Abril 8.

Ang pag-aresto sa tatlong pulis ay nag-ugat dahil sa isinampang reklamo ni Mayor Gayeta dahil sa pagpaslang sa kanyang anak na si Christian at kaibigang si Christopher Manalo matapos arestuhin sa isang  checkpoint sa Poblacion, Tayabas dahil sa paglabag umano sa gun ban.

Ayon sa imbestigasyon ng NBI -Lucena District Office, base sa testimonya ng testigo wala umanong katotohanan nakipagbarilan ang dalawang biktima.

Dinala umano ng dalawang pulis ang mga biktima kay Laygo at binaril ang mga ito nang malapitan.

Lumabas din na ibinalik at inilagay sa tabi ng mga biktima ang armas para palabasin na nanlaban ang dalawa sa isinagawang hot pursuit operation sa dalawang lalaki na sinasabing nangholdap sa PTT gasoline at nagbanta sa mga empleyado nito.

Sinabi rin ng mga gasoline boy na hindi ang dalawang biktima ang dalawang lalaki na nanakot sa kanila at posibleng napagkamalan lamang ng mga pulis.

Nalaman na bukod sa mga inarestong pulis, 14 na pulis Tayabas ang inilagay sa restricted custody ng PNP habang iniimbistigahan ang pagkakasangkot sa nasabing insidente.

Please follow and like us:
Read More

POLICE ‘ASSET’ PINATAY NG KAPWA INFORMER SA QUEZON

sariaya12

(NI JUN V. TRINIDAD)

SARIAYA, Quezon – Isang “police asset” ang binaril at napatay ng kapwa niya informer sa bayang ito, araw ng Linggo.

Kinilala sa report ang biktima na si Edison Sulit, 24, residente ng Barangay Janagdong 2.

Ayon sa imbestigador, nag-uusap ang biktima at ang suspek na Bryan Valenzuela sa Barangay Lutucan 1 bandang alas-11:30 ng umaga nang biglang magkaroon ng mainit na pagtatalo ang dalawa.

Walang anu-ano ay biglang nagbunot ang suspek ng hindi pa nalalaman na kalibre ng baril at niratrat nang sunud-sunod na putok ang biktima.

Agad na natodas si Sulit resulta ng mga grabeng tama ng bala sa iba’t ibang bahagi ng katawan at ulo.

Mabilis namang tumakas ang suspek at pinaghahanap ngayon ng pulisya.

Ipinagtapat ng isang lokal na pulis sa Diaryo Bomba na parehong “police asset” ang biktima at suspek sa pakikibaka ng pulisya sa ibat ibang uri ng kriminalidad sa bayang ito. Patuloy ang pulisya sa isinasagawang imbestigasyon upang alamin ang dahilan ng pagtatalo na humantong sa patayan.

Please follow and like us:
Read More

BGY TANOD NIRATRAT SA BASKETBALL COURT

crimebaril1

(NI JUN V. TRINIDAD)

SARIAYA, Quezon ­– ISANG barangay tanod ang pinagbabaril habang naglalaro ng basketball sa bayang ito, Sabado ng gabi.

Sa report ng pulisya, niratrat si Jaison Laresma,38, ng kalibre .45 baril mula sa hindi pa nakikilalang salarin habang naglalaro ng basketball sa Barangay Castañas, bandang 6:00 ng gabi.

Tumakas ang bumaril sa gitna ng komosyon.

Dinala ang biktima sa Lucena United Doctors Hospital subalit hindi na ito umabot nang buhay bunga ng grabeng tama ng baril sa iba’t ibang parte ng katawan.

Limang basyo ng bala mula sa kalibre .45 baril ang narekober ng mga imbestigador sa lugar ng krimen.

Patuloy ang pulisya sa isinasagawang imbestigasyon at paghahanap ng posibleng motibo sa naganap na pagpaslang.

Please follow and like us:
Read More

4 PULIS SIBAK SA PAGPATAY SA ANAK NG MAYOR

mayor12

(NI JUN V. TRINIDAD)

TAYABAS CITY – SINIBAK sa puwesto ang hepe ng pulisya sa siyudad na ito kasama ang tatlo pang pulis kaugnay sa kontrobersyal na pagkakapaslang sa anak ng mayor sa lalawigan ng Quezon sa isa umanong engkuwentro noong Huwebes.

Sa order ni P/Col. Osmundo de Guzman, Quezon police director, tinanggal sa pamamagitan ng administrative relief sina P/Lt. Col. Mark Joseph Laygo, dating Tayabas police chief; P/Staff Sgt. Christopher John Siman; P/Patrolmen Perry Malabaguio at William Allan Ricamonte.

Sila ay pansamantalang ibinalik sa Quezon police provincial office sa Camp Nakar sa Lucena City simula Marso 8.

Ginawa ang pagtanggal sa apat na pulis upang bigyang daan ang parehas na imbestigasyon sa pagkakapatay kina Christian Gayeta at Christopher Manalo matapos umanong makipagpalitan ng putok ang dalawa sa mga alagad ng batas noong Huwebes ng umaga.

Si Gayeta ay anak ni Sariaya Mayor Marcelo Gayeta.

Nagsasagawa rin ng hiwalay na imbestigasyon ang National Bureau of Investigation (NBI) batay sa kahilingan ng pamilya Gayeta.

Sa police report, binaril umano ni Gayeta at Manalo ang isang gasoline boy sa PTT gas station sa Barangay Baguio bandang alas-4:00 ng umaga nang walang anumang kadahilanan.

Mabilis na tumakas ang dalawang namaril pagkatapos na hindi tinamaan ang target.

Sa pagresponde ng tropa ng pulis ay nasabat ang dalawa sa bahagi ng Barangay Calumpang at nagkaroon ng palitan ng putok hanggang sa mapatay ang mga ito.

Narekober sa mga napatay ang isang kalibre .45 at isang kalibre .22 na baril.

Please follow and like us:
Read More