KOTSE NG MPD OFFICIAL NABAGSAKAN NG DREDGE BARGE

(NI JULIE DUIGAN)

AKSIDENTENG nabagsakan ng dredge barge na karga ng truck ang kotse ng isang opisyal ng Manila Police District (MPD) habang tumatawid sa riles ng tren sa Sampaloc, Manila Sabado ng madaling araw.

Masuwerte namang nakaligtas at hindi nasugatan ang biktimang si P/Lt. Genesis Aliling, 44, ng Pandacan Police Station (PS-10).

Base sa ulat ng Vehicular Traffic Investigation Section (VTIS), ng Manila Police District (MPD), bandang alas-4:40 ng madaling araw nang maganap ang insidente sa riles mismo ng Philippine National Railways (PNR) sa España Boulevard sa panulukan ng Antipolo St.,

Nabatid sa pulisya na  minamaneho ni Lt. Aliling sa  España Boulevard patungong Maceda St.,ang kanyang Toyota Vios (A6 A115), nang makasabay nito ang truck na minamaneho ni Lando Metran, 51, ng 4082 Del Mundo Street, Ugong, Valenzuela City, at may virtual plate no. 0301-731774.

Gayunman, nang mapatapat sila sa riles ay bigla na lang bumagsak ang kargang metal barge ng truck at bumagsak sa hulihang bahagi ng kotse ng biktima.

Ayon kay Metran, dadalhin sana niya ang barge papuntang Quezon City dahil gagamitin ito sa paglilinis ng ilog.

Napag-alaman na may mabilis na jeep umano sa kanan ng truck kaya napakabig siya pakaliwa kung saan nandoon naman ang kotse ng police official.

Hindi nasagi ng truck ang kotse pero nahulog ang kargang barge nito sa likurang bahagi ng sasakyan.

Ayon naman kay Lt. Aliling, mabilis ang takbo ng truck at dumaan pa sa riles ng tren na hindi patag kaya nahulog ang barge.

Laking pasalamat naman ng pulis na hindi nahulog sa harapan ng kotse ang barge at hindi siya nadisgrasya nito.

Dahil naman sa pangyayari ay natigil pansamantala ang operasyon ng Philippine National Railway (PNR) habang nagkaroon rin ng pagsisikip ng daloy ng trapiko sa lugar.

 

Please follow and like us:
Read More

LPG SUMABOG SA TEA HOUSE; 6 SUGATAN

lpgblast12

(NI JULIE DUIGAN)

ANIM ang isinugod sa pagamutan,kabilang ang isang 3 taong gulang na batang lalaki, makaraang sumabog ang LPG sa Sampaloc, Manila, Linggo ng umaga.

Isinugod sa Mary Chiles hospital ang mga biktimang sina Marco Joseph Magabale, 3 taon, ng Paranaque ; ang kaanak nitong si Live Espino ,38; Jeffrey Revilla  Hernandez; Reniel Garcia ,37, Bisig ,Valenzuela; at dalawang hindi pa nakikilala.

Batay sa ulat ng Explosive Ordnance Division ng Manila Police District, bandang alas-8:15 ng umaga nang biglang sumabog ang Liquified Petroleum Gas sa Yogurt and Tea House sa 562 Dalupan St.  sa Sampaloc.

Sa inisyal na imbestigasyon ng pulisya posibleng nagkaroon ng gas leak ang LPG base sa inspeksiyon ng mga imbestigador makaraang matagpuan ang tangke ng LPG, may ilang metro ang layo.

Ginagamot na ang mga biktima habang patuloy ang imbestigasyon sa insidente.

 

Please follow and like us:
Read More

EX-INMATE, NAGBENTA NG DROGA SA MGA PRESO, BALIK-PIITAN

arrested123

(NI DAHLIA S. ANIN)

NAHULI ang isang lalaki matapos tangkain na magpalusot ng droga sa loob ng piitan sa Sampaloc, Maynila.

Kinilala ang suspek na si Allan Aragona, 28, at isa ring dating nakakulong sa nasabing piitan.

Bandang alas 5:30 ng hapon nang mahuli ang suspek matapos na kapkapan ng mga guwardiya papasok sa custodial facility ng Sampaloc Police Station.

Isang sachet ng hinihinalang shabu ang nakuha sa suspek, ayon sa pulisya.

Inamin din naman ni Aragona sa mga pulis na itinitinda niya ang droga sa mga inmate sa nasabing kulungan.

Kinasuhan na ang suspek ng kasong paglabag sa Republic Act No. 9165 o Comprehesive Dangerous Drugs Act of 2002.

Please follow and like us:
Read More

BF KULONG SA ‘RAPE’ NG GF

rape1

NAGSUMBONG sa magulang ang isang 16-anyos na dalagita, nang umano’y gahasain ng kanyang 17-anyos na boyfriend, Linggo ng madaling araw sa Sampaloc,Manila .

Dahil dito, inanyahan sa Manila Police District –Sampaloc Police Station 4 ang menor de edad na suspek, habang desidido naman ang mga magulang ng dalagita na sampahan ito ng kaso.

Batay sa ulat na nakarating kay P/Lt.Col. Robert Domingo, station commander , bandang 1:00 ng madaling araw, nang sapilitang gahasain ng suspect ang dalagita sa bahay ng kaibigan nito sa Gulod St., sa Sampaloc.

Mariin umano ang pagtanggi ng dalagita, pero nagpumilit din ang binatilyo, kaya nagawa nitong mailugso ang murang katawan ng biktima.

Pag-uwi sa bahay ng dalagita, napilitan umano itong magsumbong sa ina nang makitang tulala ang biktima.

Dahil dito, agad na nagparesponde ang magulang ng biktima sa ilang tauhan ng Gulod Police Community Precinct, kaya inaresto ang binatilyo.

Dahil sa menor de edad, pansamantalang inilagak lang sa opisina ng Children and Women Protection Unit si alyas “Totoy “at nakatakda itong ilipat sa DSWD.

Please follow and like us:
Read More

‘HIRED KILLER’ NG NAKADISPALKONG PUSHER ARESTADO

hired killer

(NI JULIE DUIGAN)

BINITBIT ng mga operatiba ng  Manila Police District ang dalawa umanong  hired killer ng  noturyus na drug pusher na hindi nakakapag remit ng benta ng shabu , matapos mabuking ang kanilang transaksiyon Lunes ng hapon sa magkahiwalay na lugar sa Sampaloc at sa Tondo,Manila.

Unang nadakip ang isang  Apolonio Flores,37 anyos ng Sampaloc, Maynila, ng bandang 2:45 ng hapon  sa A.H Lacson Avenue , makaraang ituga ng isang concerned citizen nang makitaan ng baril sa kanyang tagiliran habang nagpapagawa ng motorsiklo

Dito na nagresponde ang mga tauhan ni P/Supt. Robert Domingo , Station  Commnader ng MPD-PS 4 , at nadiskubre sa mobile phone nito na may kausap pang lalaki .

Dahil dito, agad na nakipag-koordina ang mga tauhan ni Supt. Domingo sa tanggapan ni P/Supt. Reynaldo Magdaluyo, Station Commander ng  MPD-Raxabago Police Station 1 at nagsagawa ng follow-up operation  at matimbog ang isa pang suspek  na nakilalang  si  Prince Patrick Cortez, 32, ng Tondo, bandang alas-4:30 ng hapon sa Earnshaw St. at Del Fiero St. sa Tondo.

Sa imbestigasyon ng pulisya nabatid  na si Cortez umano ang nag-uutos kay Flores kung sino ang itutumbang pusher na hindi nakakapag-remit ng kita sa shabu.

Gayunman , nahaharap sa kasong paglabag sa Section 28 Article V of RA 10591 in relation to Sec. 261 Art. 22 ng BP 881 (Omnibus Election Code) at paglabag sa  Sec. 3 PD 1866 as Amended by RA 9516, ang dalawang naarestong suspek.

 

 

Please follow and like us:
Read More

MISTER TINODAS NG LIVE-IN PARTNER

stab

(NI JULIE DUIGAN)

PATAY  ang isang 47-anyos na mister matapos pagsasaksakin ng kanyang ka-live-in na umano’y wala sa katinuan sa Sampaloc, Maynila, Martes ng madaling-araw.

Hindi na umabot ng buhay sa Jose Reyes Memorial Medical Center ang biktimang si Randy Zara, habang nasa kustodiya naman ng Manila Police District-Homicide Section si Rosemarie Regonay, 36, kapwa residente ng 708-J Marzan St., Sampaloc.

Base sa ulat ni Det. Enjason Fernandez, may hawak ng kaso bandang 1:20 ng madaling araw,, nang maganap ang insidente sa J.Marzan St., sa Sampaloc.

Nagkaroon umano ng palitan ng suntok ang magka-live-in sa hindi pa malamang kadahilanan, at bigla umanong pinag-uundayan ng saksak si Zara.

Nagawa pa umano nitong makatakbo sa loob ng bahay, habang nakatayo lamang sa labas ang ginang, kaya nang maisugod ng ilang kaptibahay , agad din nadakip ang natulalang ginang.

Gayunman , hindi na rin naisalba ang buhay ni Zara , habang dinala naman sa MPD-headquarters si Regonay, para isailalim sa interogasyon.

Please follow and like us:
Read More

LALAKI TUMALON SA FOOT BRIDGE

foot

(JULIE DUIGAN/PHOTO BY KIER CRUZ)

NAMATAY noon din ang isang 30-anyos na lalaki matapos  umanong tumalon mula sa sa foot bridge,kahapon ng umaga sa  panulukan ng A. Mendoza Avenue at Paredes St. Sampaloc, Manila.

Dahil sa nakuhang identification card ng Comelec nakilala ang biktimang si Johnny Deinla, tubong Sitio Calauan, Cantoria, Masbate.

Batay sa ulat na isinumite ni Det. Jorlan Taluban kay P/Chief Insp. Rommel Anicete hepe ng Manila Police District –Homicide Section,  naganap umano ang insidente ng bandang  alas-8:10 ng umaga sa naturang lugar. Salaysay ng isang sekyu sa lugar, pabalik balik na naglalakad lamang ang biktima sa foot bridge , at ilang saglit pa lamang nang bigla umano itong tumalon.

Basag ang ulo nang lumundag una ang ulo at pumalo ito sa sementadong kalsada.

Please follow and like us:
Read More

3 PATAY SA SAMPALOC FIRE

SUNOG by MIKE ROMERO

(NI SAMANTHA MENDOZA/PHOTO BY MIKE ROMERO)

PATAY na nang matagpuan sa ikalawang palapag ng kanilang bahay ang tatlo katao dahil sa ‘suffocation’ matapos masunog ang kanilang bahay,kahapon ng umaga sa Sampaloc,Maynila.

Ayon kay   FSInsp Reden Alumno,ng  Bureau of Fire Protection (BFP)  ang mga nasawi ay nakilalang sina Lynn Rose Valentine, 50; Sibjordan Valentine,26; at Grenre Tropicales,17,pawing residente ng 658 Doña Maria St.  Sampaloc,Maynila.

Habang nakaligtas naman si Roselyn Salcedo,anak ni Lyn Rose,na noon ay nasa unang palapag  ng bahay  na nagtamo ng mga paso sa braso at kamay.

“Kahit na masakit na ang mata ko dahil sa usok talagang pinilit kong makalabas ng bahay,”ayon kay Salcedo.

Wala umanong itinaas na alarma ang BFP sa sunog na nagsimula dakong alas 6:17 ng umaga at naideklarang fire-out dakong alas 6:47 ng umaga.

sa inisyal na imbestigasyon ng arson,posibleng faulty electrical  wiring  na nanggaling sa kisame sa ikalawa palapag ng bahay nagsimula ang sunog.

Posible umanong nahirapan na makababa at naharangan na ng apoy ang daraanan  kaya hindi na  nakalabas ang mga biktima na nasa ikalawang palapag bukod pa sa maraming nakaharang sa mga dadaanan.

Patuloy naman ang isinasagawang imbestigasyon ng arson.

Please follow and like us:
Read More