PINTOR BINURDAHAN NG SAKSAK

SAKSAK-4

BATANGAS City – Walang buhay nang matagpuan noong Martes ng umaga ang isang pintor makaraang tadtarin ng saksak ng hindi kilalang suspek sa lungsod na ito.

Bukod sa mga tama ng saksak, ginilitan pa sa leeg ang biktimang si Rommel Manalo, 50-anyos, residente ng Barangay  Sta. Rita Karsada.

Ayon sa report ng Batangas City police, natagpuan ng isang residente ang bangkay sa gilid ng maliit na daan patungo sa kanyang bahay bandang alas-7:00 ng umaga.

Posible umanong hinarang ng suspek ang biktima habang pauwi sa kanilang bahay noong Lunes ng gabi.

Huling nakitang buhay ang biktima habang nakikipag-inuman sa hindi natukoy na kalalakihan noong gabing yun.

Inaalam pa ang posibleng motibo sa krimen at kung sino ang suspek. (NILOU DEL CARMEN)

Please follow and like us:
Read More

KAPWA INMATE KINATAY DAHIL SA SINAMPAY

KUTSILYO-2

BAYOMBONG, Nueva Vizcaya: Pinagsasaksak ng isang inmate ang kapwa preso sa provincial jail nang dahil lamang sa sinampay na damit.

Sa report, sinasabing nataon na naglalaro ng basketball ang biktimang si Alvin Buscas, nang tamaan niya ng bola ang sinampay ng 29-anyos na suspek na naglalaba noon.

Sinabi ng pulis na nagkasuntukan ang suspek at biktima hanggang sa makarating sila sa loob ng selda.

Doon na sinaksak ng suspek si Buscas gamit ang isang improvised na kutsilyong ginagamit sa paggawa ng handicraft.

Naawat ng mga jail guard ang suspek at naisugod sa ospital ang biktima ngunit namatay dahil sa mga sugat sa sa ulo at dibdib.

Napag-alaman ng mga imbestigador, na dati nang nagkaalitan ang biktima, na may kasong carnapping, at ang suspek, na nakulong dahil sa frustrated homicide. (KIKO CUETO)

Please follow and like us:
Read More

TATAY GINILITAN NG ANAK 

crime43

(NI ANNIE PINEDA)

INUNAHAN na ng isang anak, bago pa man siya mapatay ng kanyang ama, matapos niyang bagsakan ng bato at gilitan sa leeg ang kanyang tatay habang natutulog, iniulat kaninang umaga sa Zamboanga del Sur.

Kinilala ang biktimang si Fernando Bulaga Mercado, 54, habang nadakip naman ang suspek na kinilalang si Robert Cabrera Mercado, 24, kapwa residente ng Sitio Tambulian, Barangay Malim, Tabina, Zamboanga del Sur.

Batay sa report ng Tabina Police Station, himbing na natutulog ang biktima sa kanilang bahay nang bagsakan ito ng malaking bato sa ulo ng anak saka ginilitan sa leeg na agad nitong ikinamatay.

Lumabas sa imbestigasyon, bago ang insidente, lasing na umuwi ang matandang Mercado sa kanilang bahay at pinagbantaan ang anak (suspek) na papatayin at tinutukan niya ito ng airgun.

Pagkatapos ay natulog na ang biktima. Dito na isinakatuparan ng suspek ang pagpatay sa ama.

Kusa naman sumuko sa pulisya ang suspek at nahaharap sa kasong murder.

 

Please follow and like us:
Read More

KAINUMAN SINAKSAK SA LEEG, ITINAGO SA BASEMENT; SUSPEK SUMUKO

(NI RENE CRISOSTOMO)

MATAPOS patayin ang kainuman dahil sa pambu-bully, nakonsensiya at sumuko sa pulisya ang isang electrician at itinuro ang pinagtaguan sa bangkay sa basement ng isang eskuwelahan sa Maynila.

Noong Disyembre 24, nag-iinuman ang suspek na si Zaldy Gabelo, 47, ng Gate 10, Area-B, Parola Compound at biktima na si Kin alyas “Luther”, nasa 30 hanggang 35 anyos , pansamantalang nanuluyan sa barracks ng mga empleyado ng Dr. Celedonio A. Salvador Elementary School sa Merced St., sa  Paco.

Sa gitna ng inuman ay nagkaroon umano ng mainitang pagtatalo ang dalawa at nanakot pa umano ang biktima na siga at kinatatakutan ito sa kanilang lugar.

Dahil dito, sinabi ng suspek na inunahan lamang niya ang pagbabanta ng biktima kaya’t inundayan niya ito ng saksak.

Sa takot, nagpasiya ang suspek na itago sa basement ng eskuwelahan ang duguang bangkay.

Gayunman, makalipas ang ilang araw ay hindi na napapakali ang suspek at hindi na rin napagkakatulog dahilan para kusang sumuko sa awtoridad at isuko rin ang ginamit na patalim.

Dahil sa pagbubulgar,natuklasan ng mga tauhan ng Manila Police District-homicide section, sa basement ang duguang bangkay ng biktima.

Batay sa ulat na isinumite ni Det. Roderick Magpale kay MPD-Homicide Section chief, P/Captain Henry Navarro, bandang alas-5:45 ng hapon nitong Disyembre 24, nang maganap ang krimen sa loob ng campus ng nasabing paaralan.

“Sir may nasaksak ako,” ayon sa suspek habang isinuko din ang patalim na ginamit sa krimen.

Piinuntahan naman ang  tinukoy na lugar kung saan nasa erya na rin ang mga tauhan ng Paz Police Community Precinct (PCP) na katulong  ni Det. Magpale ,na siyang may hawak ng kaso at dito nadiskubre ang biktima sa  basement.

Nagtamo ng isang  saksak sa leeg si Kin.

Please follow and like us:
Read More

TRAHEDYA SA ‘TONG ITS’ 

(NI ANNIE PINEDA)

PATAY ang isang lalaki matapos pagsasaksakin ng kanyang kalaro sa tong its nang mapikon umano dahil sa pagkatalo, iniulat kaninang umaga sa Capiz.

Kinilala ang biktimang si Rondily Tupaz, 26, at residente ng Brgy. Mabini at kasalukuyang nakatira sa Brgy. Roxas, Tapaz Capiz.

Tugis naman ang suspek na kinilalag si Raymond Gardose, 30, residente ng Brgy. Agpalali, Tapaz, Capiz.

Batay sa report ng Tapaz Police Station, naganap ang insidente sa tinitirhan ng biktima sa nasabing lugar.

Lumabas sa imbestigasyon, bago ang insidente , masaya pang na-iinuman ang biktima at suspek habang naglalaro ng tong its .

Subalit, makalipas ang ilang oras ay natatalo na ang suspek hanggang sa napikon na ito at inaway ang biktima hanggang sa saksakin niya ito balikat na tumagos sa dibdib.

Matapos ang pananaksak mabilis na tumakas ang suspek habang dinala naman sa Tapaz District Hospital ang biktima pero kalaunan ay inilipat sa ospital sa Iloilo City .

Habang nasa daan ay nalagutan din ng hininga ang biktima sanhi ng malalim na saksak sa dibdib na tinamaan ang puso nito.

 

Please follow and like us:
Read More

AWAY NG 3 LASING; 2 PATAY SA SAKSAK

crime34

(NI JESSE KABEL)

PATAY ang dalawang lalaking nag-iinuman nang  pagsasaksakin ng hindi inaasahang bisita sa Barangay Gimarco, Palompon, Leyte.

Kapwa idineklarang dead on the spot sanhi ng mga tinamong saksak sa katawan sina Richard Samson at Ruel De Guzman, parehong residente ng nasabing lugar.

Matapos ang krimen kusang sumuko ang suspek na kinilalang si Rene Almerino, 33, ng Sitio Calunasan, Barangay Mabini, Palompon Leyte.

Ayon kay P/MSgt. Alvin Auman, duty investigator ng Palompon Police Station, nag- iinuman ang dalawang biktima sa labas ng kanilang bahay nang dumaan ang suspek galing sa isang party at niyaya nilang makipagkuwentuhan sa kanila.

Nagkwento umano ito na kaapelyido ng nanay niya ang biktimang si Richard pero hindi ito naniwala kaya’t paulit-ulit na tinanong ang suspek kung totoo ang kanyang sinasabi.

Sinasabing napikon sa kakatanong ang suspek at bigla itong nagbunot ng dalang kutsilyo at  pinagsasaksak ang magbayaw na biktima.

Kasalukuyang nakadetine sa Palompon lock up facility at nahaharp sa kasong double homicide  ang suspek.

Please follow and like us:
Read More

LOLO ARESTADO SA SINAKSAK NA 17-ANYOS

arrested

(NI FRANCIS SORIANO)

KALABOSO ang isang 61-anyos matapos itong manaksak ng isang 17-anyos na Grade 11 student sa Malabon City, Linggo ng umaga.
Kinilala ng Malabon Police Community Precinct (PCP)-7 ang suspek na si Joel Cruz, ng 64 A De Jesus St. Brgy. Concepcion habang ang biktima ay kinilala lamang sa pangalang ‘Roger’ ng Burgos St. Brgy. Concepcion.

Ayon sa ulat, dakong alas-5 ng madaling araw nang maganap ang pananaksak ng suspek sa biktima sa Samson St. Brgy. Baritan.

Agad naisugod ang biktima sa Tondo Medical Center.

Matapos ang insidente, nagtungo pa ang suspek sa Malabon Police Community Precinct (PCP)-7 para magsampa ng reklamo kontra sa apat katao na nambugbog umano sa kanya bandang alas-8:20 ng umaga.

Subalit, matapos ang imbestigasyon ay lumabas na siya umano ang suspek sa naturang pananaksak dahilan upang arestuhin ito at sampahang ng kaukulang kaso.

 

Please follow and like us:
Read More

SAKSAK SA LEEG, PASALUBONG NG MISTER SA OFW NA MISIS

SAKSAK-4

(NI ANNIE PINEDA)

BUMULWAK  ang dugo mula sa leeg ng isang misis na Overseas Filipino Worker (OFW) at kauuwi lamang ng bansa nang salubungin ito ng saksak sa leeg ng kanyang mister, iniulat kaninang umaga sa probinsya ng Cauayan City.

Kinilala ang biktimang si Mylene Baingan, 34, habang tugis naman ang suspek at asawa nito na kinilalang si Melchor Baingan, at kapwa residente ng San Francisco Benito Soliven, Isabela.

Batay sa report ng San Mariano Police Station, naganap ang insidente sa bahay ng mga magulang biktima sa Dipusu,San Mariano.

Lumabas sa imbestigasyon ng pulisya,  galing Saudi Arabia ang biktima at dumiretso ito sa bahay ng kanyang mga magulang sa naturang lugar.

Nagalit umano ang suspek dahil hindi ito umuwi sa kanilang bahay , kaya pinuntahan niya ito sa bahay ng kanyang biyenan para sunduin.

Subalit, nagpasya ang biktima na makipaghiwalay na sa suspek dahil winaldas ng suspek ang perang pinaghirapan nito sa ibang bansa na ipinapadala sa kanyang mister para sana ipagawa ng kanilang bahay.

Dito, kumuha ng kutsilyo ang suspek at pinagsasaksak sa leeg ang biktima.

Kuwento naman ng ina ng biktima narinig niyang may kumalabog sa kuwarto ng kanyang anak (biktima) at tila may umiiyak kaya sinilip niya ito.

Nagulat na lamang siya nang makita ang anak na bumubulwak ang dugo sa leeg nito habang papatakas naman ang suspek.

Nagawa pang isugod sa ospital ang biktima pero idineklara na rin itong patay ng mga doktor.

Please follow and like us:
Read More

MAG-INA KINATAY NG KALAGUYO SA SELOS

crime34

(NI JG TUMBADO)

DAHIL sa matinding selos ng isang lalaki  kaya’t nagawang pagtatagain hanggang sa mapatay nito ang isang mag-ina na kanyang kapitbahay sa Davao City.

Sa presinto na nahimasmasan at sising sisi ang 37-anyos na suspek na si Renuel Habillo, dahil sa nagawa nitong karumal- dumal na krimen at handa umanong pagbayaran ito.

Nabatid sa inisyal na report ng pulisya, ang suspek at ang biktima na nakilalang si Evelyn Lapera ay may limang buwan nang lihim na relasyon.

Sinabi ni Davao City Police Office (DCPO) chief Col. Kirby John Kraft, matinding selos ng suspek ang dahilan ng brutal na pagpatay sa biktima at kanyang 11-anyos na anak na babae na si Joy.

Inabutan ng suspek na may kasamang lalaking kainuman na ka-trabaho ng biktima sa labas ng bahay ng huli.

Dito na nagkaroon ng pagtatalo ang dalawa hanggang sa makakuha ng itak si Habillo at pinagtataga ng ilang beses ang biktima gayundin din ang anak nito na naglalaro lamang sa labas ng bahay.

Mahal na mahal umano ni Habillo ang biktima at ayaw niya umano itong mawala sa kanya.

Nahaharap si Habillo ng two counts of murder kaugnay sa krimen.

Please follow and like us:
Read More

PASLIT KINATAY NG KALARO 

crime34

(NI ANNIE PINEDA)

HINDI inakala ng isang batang babae na ang pakikipaglaro nito sa kanyang kapitbahay na binatilyo ang magiging dahilan ng maaga nitong kamatayan makaraan pagsasaksakin ng huli, iniulat kaninang umaga sa lalawigan ng Laguna.

Kinilala ang biktimang si Eleona Mychie Remoquillo, 7, habang nadakip naman ang suspek na si Danilo Ebajo, ng Barangay Cuyab, San Pedro Laguna.

Batay sa report ng San pedro police station, Miyerkoles ng hapon nang maganap ang insidente sa loob ng bahay ng suspek sa nasabing lugar.

Lumabas sa pagsisiyasat ng pulisya, nakaupo lamang ang biktima sa labas ng kanilang bahay ng tawagin ito ng suspek at inayang maglaro.

Tumungo naman ang biktima sa bahay ng suspek sa pag-aakalang maglalaro sila subalit habang nasa loob ng bahay ay pinagsasaksak ito sa iba’t ibang bahagi ng katawan.

Kaagad naman dinala sa ospital ang biktima pero nalagutan na rin ng hininga habang nadakip ng suspek ng mga rumespondeng awtoridad.

Iniimbestigahan na ng mga awtoridad ang suspek para alamin ang motibo nito sa pagpatay sa biktima.

 

Please follow and like us:
Read More

TATAY PINATAY SA SAKSAK NG ANAK

crime34

(NI HARVEY PEREZ)

NASAWI ang isang 59-anyos na lalaki nang pagsasaksakin ng kanyang sariling anak na dumaranas ng depresyon, kahapon ng tanghali sa Tondo,Maynila.

Hindi na naisalba pa sa Gat Andres Bonifacio Memorial  Medical Center (GABMMC) ang biktimang si Nonito Orlain, 59,  dahil sa mga tama ng saksak sa mukha, dibdib, at iba pang bahagi ng katawan .

Naaresto naman ng mga nagrespondeng tauhan ng Manila Police District-Police Station 2 ,ang suspek  na si Oliver Orlain, 30.

Sa inisyal na ulat ng MPD-homicide section,naganap ang insidente alas 12 ng
tanghali  sa  bangketa ng Tondo Sport Complex, sa N. Zamora Street, malapit  sa panulukan ng Chacon Street, sa Tondo, kung saan naninirahan ang mag-ama.

Naghahanda na umanong kumain ang biktima, at live-in partner nito, at niyaya pang kumain ang suspek.

Sa halip na sumalo sa pagkain ay umalis si Oliver pero maya-maya ay bumalik na armado na ng isang patalim, na may habang 12-pulgada at kaagad na pinagsasaksak ang sariling ama.

Kumuha naman ng payong ang kinakasama ng biktima at hinambalos ang suspek para pigilan sa ginagawa sa ama pero nagpatuloy pa rin sa pagsaksak.

Duguan na umano at nakalugmok na ang biktima nang tigilan ng anak ang pananaksak at saka kaswal lamang na naglakad palayo sa lugar.

Agad naman humingi ng tulong ang kinakasama ng biktima para isugod ito  sa pagamutan.

Please follow and like us:
Read More

TIYUHIN BINURDAHAN NG SAKSAK NG PAMANGKIN

(NI JG TUMBADO)

NAPATAY sa saksak ng pamangkin ang kanyang tiyuhin sa isang pagtatalo sa loob ng kanilang bahay sa Tubod, Surigao del Norte, nitong Lunes.

Pitong tama ng saksak sa ibat ibang bahagi ng katawan ang tumapos sa buhay ni Eugene Cortes habang nakilala naman ang pamangkin nitong suspek sa krimen na si Jason Biol.

Batay sa imbestigasyon, lango sa alak ng umuwi ng bahay si Cortes Lunes ng gabi at nagbababasag at nagsisigaw ito kaya’t inawat ng suspek.

Subalit nagbitiw umano ng mga masasakit na salita si Cortes kay Biol na dahilan naman para ikagalit nito hanggang kumuha na ng kutsilyo at sunud-sunod na inundayan ng saksak ang una.

Matapos ang krimen ay nagtungo na ng himpilan ng pulisya si Biol para isuko ang sarili sa pagpatay sa tiyuhin.

Sa piitan ng Tubod Municipal police, sinabi ng suspek na sobrang sama ng kanyang loob dahil sa paulit-ulit nang ginagawa ang pagwawala ni Cortes sa tuwing umuuwing lasing ito sa kanilang bahay.

 

Please follow and like us:
Read More

UTOL KONTRA SA RELASYON, SUITOR NI ATE SINAKSAK

crime34

(NI ANNIE PINEDA)

SAKSAK sa katawan ang inabot ng isang lalaki makaraan pagsasaksakin ito ng utol ng babaeng kanyang nililigawan na ikinasugat din ng kapatid ng suspek matapos salagin ang mga saksak, iniulat kaninang umaga sa lalawigan ng Pangasinan.

Kinilala ang mga biktimang sina Anthony Sabarillo, 33, at Maricris Valenton, 30, habang nadakip naman ang suspek na si Noel Valenton, 29, pawang residente ng Brgy. Salomague Norte Bugallon Pangasinan.

Batay sa report ng Bugallon Police Station, tumungo si Sabarillo sa bahay ng magkapatid na Valenton para umakyat ng ligaw kay Maricris, subalit naabutan sila ni Noel na magkatabing nakaupo.

Dahil lasing sa alak si Noel, kumuha ito ng kutsilyo at tinangkang saksakin si Sabarillo subalit sinalag ito ni Maricris na nagtamo ng sugat sa kamay habang nagtamo naman ng saksak sa iba’t ibang parte ng katawan si Sabarillo.

Agad naman nadakip ang suspek ng mga rumespondeng pulis at nahaharap sa kasong physical injuries.

 

Please follow and like us:
Read More

MISIS KRITIKAL SA SAKSAK NI MISTER

(NI ANNIE PINEDA)

KRITIKAL sa ospital ang isang misis makaraan pagsasaksakin ito ng kanyang mister nang mahuling may naghahatid sa kanya ng naka-motorsiklo pag-uwi galing sa trabaho, iniulat kaninang umaga sa Roxas City.

Kinilala ang bikima sa pangalan Jenny, service crew, habang nadakip naman ang suspek na 43-anyos, electrician, at kapwa residente ng Barangay Bago, Roxas City.

Batay sa report ng pulisya, dakong ala 1:00 ng madaling araw nang maganap ang insidente sa loob ng bahay ng mag-asawa.

Lumabas sa pagsisiyasat ng pulisya, nakita ng suspek ang biktima pag-uwi ng kanilang bahay na may naghatid na isang lalaking nakamotorsiklo.

Pagpasok ng biktima sa bahay, kinompronta ito ng kanyang mister na nauwi sa mainitang pagtatalo dahilan para kumuha ng kutsilyo si John at pinagsasaksak ang biktima na tinamaan sa leeg at braso.

Kaagad naman dinala sa ospital ang biktima para lapatan ng lunas habang nadakip ang suspek at nakatakdang sampahan ng kaukulang kaso.

Depensa ng suspek matagal na siyang nagdududa na may ibang lalaking kinalolokohan ang misis dahilan makailang beses na nitong nahuling may naghahatid sa kanya galing sa trabaho na nakamotorsiklo.

 

Please follow and like us:
Read More

MISIS, TINAGA, SINAKSAK NG SELOSONG MISTER

(NI NILOU DEL CARMEN)

NASAWI ang isang ginang matapos pagsasaksakin ng kanyang mister dahil sa pagseselos na nauwi sa trahedya sa Sto. Tomas, Batangas, Linggo ng hapon.

Kinilala ang biktima na si Juvy Lozon, 33, residente ng Blue Isle Subd., Brgy. Sta. Maria,  Sto Tomas.

Batay sa report ng Sto Tomas police, dakong alas 2:30 ng hapon nang magkasagutan ang biktima at ang mister nitong si Rodrigo Lozon, 57, sa loob mismo ng kanilang bahay.

Ayon kay PMSgt. Teresa de los Santos, may hawak ng kaso, matagal na umanong nagseselos ang mister at naghihinala na may ibang lalaki  ang kanyang misis na itinatanggi naman ng huli.

Nauwi ang sagutan  sa pagkuha ng lalaki ng balisong at itak at sa bugso ng galit  ay  nasaksak  at pinagtataga nito ang  kanyang misis na nagtamo ng mga tama sa iba’t ibang bahagi ng katawan.

Agad nasawi ang babae samantalang nadatnan  ng mga awtoridad sa loob pa rin ng bahay ang hindi makapaniwala sa pangyayari  na  suspek na naghihintay  kasama ang dalawang anak.

Inihahanda na ngayon ang kasong parricide laban dito.

Please follow and like us:
Read More

LADY ENGINEER NILOOBAN, PINATAY SA SAKSAK

(NI BONG PAULO)

BRUTAL na kamatayan ang sinapit ng isang 41-anyos na engineer matapos pagsasaksakin hanggang sa mapatay sa loob mismo ng kanyang bahay sa Barangay Benetiz, Banga, South Cotabato, gabi nitong Lunes.Kinilala ni Banga Chief of Police, Major Joseph Forro III ang biktima na si Madelyn Rendon 41, residente ng nasabing lugar.

Nagtamo ng 15 malalaki at malalalim na saksak sa katawan si Rendon na isinugod pa sa pagamutan subalit binawian ng buhay.

Sa imbestigasyon ng pulisya, nagpasaklolo pa ang biktima kung saan naabutan itong duguan ng mga kapitbahay habang nakita naman ang isang tao na tumatakas, pasado alas-9:00.

Inihayag naman ni Forro na maaring hindi iisang tao lamang ang may kagagawan ng krimen.

Maaring nakapasok ang suspek sa pamamagitan ng pagsira ng grills sa bahay ng biktima.

Sa ngayon, nagpapatuloy pa ang imbestigasyon ng kapulisan sa pagkakakilanlan at motibo ng mga suspek sa pananaksak sa biktima.

Isa sa mga sinusundang mga suspek ay posibelng ang mga trabahador ng biktima sa kanyang hardware store matapos makatanggap ito ng pagbabanta dahil sa nagkaroon umano ng komprontasiyon sa pagitan nito at mga trabahador hinggil sa nawawalang semento sa hardware store bago pa man nangyari ang krimen.

 

Please follow and like us:
Read More

ALAGANG MANOK KINATAY; 3 ANAK TINANGKANG KATAYIN NG TATAY

crime34

(NI ANNIE PINEDA)

NAGAWA pang makailag ng magkakapatid ang mga wasiwas ng kutsilyo ng kanilang sariling ama nang magwala ito sa kinatay nila ang alaga nitong manok, sa Kalibo, Aklan.

Kinilala ang magkakaptid na sina Jayme Nacino, 21, Jomar, 20, at Jason 19,  habang ipinaaresto naman nila ang sariling ama na si Leonilo Nacino,  53, mga residente ng Brgy. Bubog, Numancia, Aklan.

Batay sa report ng pulisya, dakong alas 4:45 ng hapon nang maganap ang insidente sa loob ng bahay ng mag-aamang Nacino sa nasabing lugar.

Lumabas sa pagsisiyasat ng pulisya, bago ang insidente, nakipag-inuman ang suspek sa Brgy. Pook, Kalibo at nang malasing ay umuwi na ito sa kanilang bahay.

Dito, naabutan niya ang mga anak na sina Jomar at Jason at kinompronta bakit nila kinatay ang alaga nitong manok, saka kumuha ng kutsilyo at tinangkang saksakin ang dalawa na mabilis naman nakailag.

Dumating naman ang isa pang anak na si Jayme, at tinanong ang ama (suspek) kung bakit mainit ang ulo nito, dito, tinangkay din siyang saksakin at nailagan naman ito ni Jayme.

Agad naman nagtungo sa Numancia Police Station ang magkakapatid at inireklamo ang ama ng tangkang pagpatay .

Naaresto naman ng mga pulis ang suspek sa bahay nito at nakuha ang kutsilyo na ginamit na may habang 7-pulgada .

Please follow and like us:
Read More

ANAK KRITIKAL SA SAKSAK NG AMA

aklan12

(NI ANNIE PINEDA)

KRITIKAL sa ospital ang isang anak nang pag-uundayan ito ng saksak ng kanyang sariling ama dahil sa sinitang bitbit na kutsilyo, iniulat kaninang umaga sa probinsya ng Aklan.

Kinilala ang biktimang si Josegani Santillan, Jr, 25, habang nadakip naman ang suspek at ama nitong si Josegani Santillan, Sr., 60, kapwa residente ng Sitio Laguna, Brgy. Union, Nabas, Aklan.

Batay sa report ng Nabas Police Station, pauwi na ang mag-ama galing inuman nang sitahin umano ng batang Santillan ang matanda tungkol sa dala nitong kutsilyo.

Sa halip na itabi ng matandang Santillan ang dala nitong patalim, itinarak niya sa kanyang anak na tinamaan sa tiyan, dibdib, balikat at mga kamay.

Nagtulung-tulong naman magkakapitbahay na dalhin sa Aklan Baptist Hospital ang biktima para lapatan ng paunang lunas at kalaunan ay inilipat din sa Aklan Provincial Hospital at patuloy na inoobserbahan.

Nadakip naman ng mga rumespondeng pulis ang suspek at nakatakdang sampahan ng kaukulang kaso.

Please follow and like us:
Read More

BANGKAY NG BEBOT ITINAPON SA GILID NG LAWA 

stab

(NI NILOU DEL CARMEN)

INAALAM pa ngayon ng mga awtoridad ang pagkakakilanlan sa bangkay ng isang babae na natagpuan sa gilid ng kalsada malapit sa Taal lake sakop ng Lipa City.

Ayon sa Lipa City police,  natagpuan ng isang residente ang bangkay sa barangay road ng Barangay Halang, alas 7:30 ng umaga ng Lunes.

Ayon kay Lipa City police chief,  PLtCol.  Ramon Balauag,  may mga tama ng saksak ang biktima na siyang ikinamatay nito.

Posible umanong sa ibang lugar ito pinatay at itinapon lamang doon ang bangkay para iligaw ang imbestigasyon.

Hindi umano taga-Lipa City ang biktima at wala ring nakakikilala rito sa mga katabing bayan.

Isinailalim na sa pagsusuri ng SOCO ang bangkay upang alamin kung biktima ng rape ang bangkay.

 

Please follow and like us:
Read More