3 DEDBOL SA TANDEM

RIDING-IN-TANDEM-5

(Ni JG TUMBADO)

Tatlong indibidwal ang patay sa walang habas na pamamaril ng riding-in-tandem sa bayan ng Bayawan, Negros Oriental Biyernes ng gabi.

Kabilang sa mga pinagbabaril ay ang 60 taong gulang na biyuda na si Heide Rio, ang live-in partner nito na si Richard Billalos, 29 anyos at ang menor de edad na lalaki na tinukoy sa pangalang Jay-R, pawang mga residente ng Barangay Banga sa nasabing bayan.

Nabatid kay Bayawan City Police Station chief Lt. Josue Lungog,  sakay ang mga biktima ng motorsiko na may plakang XR 125 at ilang metro na lamang ang layo sa kanilang bahay nang pagbabarilin sila ng dalawang armadong lalaki na angkas din sa motorsiklo sa Sitio Cancaban.

Base pa sa report, bumagsak na ang mga biktima sa lupa subalit binalikan pa ang mga ito ng mga suspek at ilang beses pa silang pinagbabaril bago tuluyang tumakas sa lugar.

Hindi na umabot ng buhay sa Bayawan District Hospital ang mga biktima.

Isinantabi ng pulisya ang anggulong ilegal na droga sa krimen dahil nagtitinda lamang ang biyudang si Rio ng herbal medicines habang patuloy pa ang imbestigasyon ng pulisya sa insidente.

Please follow and like us:
Read More

BABAENG KAWANI NG LGU ITINUMBA NG TANDEM

sultan kudarat1

(NI BONGN PAULO)

NORTH COTABATO – Patay ang isang empleyado ng pamahalaang lokal ng gobyerno habang naka-angkas sa motorsiklo na minamaneho ng mismong mister nito nang pagbabarilin ng riding in tandem na suspek sa Purok Namnama, Barangay Poblacion, Lambayong, Sultan Kudarat, Miyerkoles ng hapon.

Kinilala ang napatay na si Remesyl Orbigo Valdez, 39, may asawa, isang empleyado ng LGU Lambayong at residente ng nabanggit na bayan.

Sa inisyal na pagsisiyasat ng pulisya, alas-5:30 ng hapon habang sakay umano ang biktima sa motorsiklo nang sundan at tabihan sila ng riding in tandem na suspek at pinagbabaril.

Nagtamo ng apat na tama ng bala sa maraming bahagi ng kanyang katawan si Remesyl na naging sanhi ng agaran nitong kamatayan habang tinutukan naman ng baril ng suspek ang mister.

Tumakas ang mga suspek.

Agad namang dinala sa ospital ang biktima pero hindi na ito umabot pa nang buhay.

Inaalam pa kung personal grudge o anumang motibo ang dahilan ng pagpaslang sa kawani ng LGU.

Please follow and like us:
Read More

LOLO BINISTAY NG BALA

cebu1

(NI JG TUMBADO)

PATAY ang isang lolo makaraang pagbabarilin habang kasama mismo ang kanyang maybahay at 7-anyos na apong babae sa bayan ng Mandaue City, Cebu araw ng Huwebes.
Apat na tama ng bala ng baril sa katawan ang dahilan ng agarang kamatayan ng biktima na nakilalang si Teodoro Mejares, 53, residente sa bayan ng Consolacion.

Ayon kay Police Staff Sergeant Eracleo Cebuco, ng Mandaue City Police Office Precinct 2, katatapos lamang magbayad ng biktima ng kanyang piyansa sa Mandaue City Justice Hall para sa kaso nitong illegal possession of firearms at pauwi na sana nang biglang pagbabarilin ng riding in tandem pasado alas 4:00 ng hapon.

Nasaksihan pa umano ang krimen ng mismong asawa at apo na pawang kasama ng biktima.
Noong 2018, naaresto ng Criminal Investigation and Detection Group (CIDG)-Central Visayas si Mejares dahil sa pag-iingat ng hindi lisensyadong mga baril.

Naglagak ito ng piyansa sa Regional Trial Court Branch 56 nang barilin sa labas ng Mandaue Hall of Justice.
Patuloy ang imbestigasyon ng pulisya at susuriin kung nakunan ng CCTV cameras ang pamamaril.

Please follow and like us:
Read More

PROV’L BOARD MEMBER, PATAY SA RIDING IN TANDEM

ambush

(NI NICK ECHEVARRIA)

PATAY  ang isang 2nd termer  provincial board member ng Dinagat Island province matapos tambangan ng riding in tandem sa Surigao City, Surigao del Norte, Linggo ng umaga.

Kinilala ng Caraga police ang biktima na si Wenefredo Diofernes, 52, na binaril ng mga hindi pa nakikilalang suspek sa Kilometer 2 ng Brgy. Luna bandang alas-9:18  habang minamaneho ang kanyang motorsiklo pauwi ng bahay.

Si Deofernes  ay nahalal at nanguna sa pagiging provincial board member bilang independent candidate sa katatapos na 2019 midterm election sa 1st District ng Dinagat Island na kilalang balwarte ng mga angkan ng Ecleo sa pulitika.

Naisugod pa sa Caraga Regional Hospital ang biktima subalit hindi na ito umabot nang buhay.

Mariin namang kinondena ni Dinagat Governor Arlene “Kaka” Bag-ao ang na pamamaslang sa biktima habang nag-iisa itong lulan ng kanyang motorsiklo.

Si Bag-ao na isang human rights lawyer ay isa lamang sa mga gumawa ng kasaysayan sa larangan ng pulitika matapos pataubin sa nakalipas na May 13 election ang kilalang angkan ng mga Ecleo.

Please follow and like us:
Read More

BABAE BINARIL NG TANDEM

crime43

(NI JUN V. TRINIDAD)

QUEZON – Isang 40-anyos na babae ang bigla agad binaril sa mukha habang nagbubukas ng gate ng kanyang tahanan sa lungsod na ito, nitong Miyerkoles.

Kinilala ang biktima na si Jaclyn Kate Koo Tan, ng AV Marquez Subdivision sa Barangay 6.

Sa report ng pulisya, aktong nagbubukas ang biktima ng kanilang gate nang biglang lumapit ang dalawang hindi nakikilang suspek na nakasakay sa isang motorsiklo.

Nang makadikit na ang dalawa ay bigla na lang inilabas ang hindi pa nalalamang kalibre ng baril ang isa sa mga suspek at binaril sa mukha ang biktima.

Pagkatapos barilin ay mabilis na tumakas ang dalawang kriminal.

Isinugod naman ang biktima sa MMG Hospital at patuloy na nakikipaglaban sa kanyang buhay.

Si Koo Tan ay pang-anim sa rekord ng mga basta na lang binaril – lima na ang napapatay – ng mga hindi pa nakikilang mga gunmen sa magkakahiwalay na insidente pamamaril sa siyudad na ito, bayan ng Tiaong at Sariaya simula noong Martes.

Patuloy ang isinasagawang imbestigasyon ng pulisya upang makilala ang mga suspek at alamin din ang mga motibo sa mga naganap na pamamaslang.

 

Please follow and like us:
Read More

PULIS MAYNILA TINODAS NG RIDING IN TANDEM SA QC

crime

(NI TJ DELOS REYES)

TODAS ang isang pulis-Maynila matapos pagbabarilin ng dalawa katao sakay ng isang motorsiklo, Miyerkoles ng hapon sa lungsod ng Quezon.

Kinilala ang biktima na si  P/MSgt Edgar Morada, nakatalaga sa Manila Police District Ermita Police Station 5.
Base sa ulat, dakong 12:55 ng hapon  nang maganap ang insidente sa harap ng isang gasolinahan sa kanto ng Granada St., at Valencia St., Brgy. Valencia, ng nasabing lungsod.

Lumalabas na sakay ng kanyang motorsiklo si Morada nang tabihan siya ng dalawang suspek sakay din ng motorsiklo at saka walang habas siyang pinagbabaril.

Agad na nasawi sa lugar ng krimen ang pulis bunsod na rin sa dami ng tama ng bala na tinamo nito sa iba’t ibang parte ng katawan.

Mabilis naman na tumakas ang mga suspek nang matiyak na patay na ang kanilang pakay gamit ang kanilang motorsiklo na isang NMAX.

Matatandaan na nalusutan ng tandem ang Cubao PS 7 na pinamumunuan ni P/Lt. Col. Giovanni Hycenth H. Caliao, dalawang linggo na ang nakalilipas makaraang itumba si P/SSgt Fernando Diamson, nakatalaga sa Intelligence Group sa Kampo Crame, sa Boni Serrano Avenue, Brgy. Bagong Lipunan, QC malapit sa Kampo Crame na nasa area at  jurisdiction ng Cubao PS 7.

Nangyari ang pagpaslang kay Diamson, isang araw makalipas na ipag-utos ni QCPD Director, P/Brig. Gen. Joselito  Esquivel, sa hepe ng 12 istasyon ng pulisya ng lungsod na paigtingin ang kanilang police visibility sa kani-kanilang area of responsibility matapos na ibahagi ni Esquivel ang 72 police scooters sa mga istasyon.

Ang police scooters ay gagamitin sa pagpapatrulya sa bawat sulok ng lungsod para masiguro ang seguridad ng mamamayan ng lungsod at para sa peace and order.

Hanggang ngayon, hindi pa nalulutas ang pagpaslang kay Diamson maging ang pagpaslang kay Adam Moraleta, account executive, ng Tribune at miyembro ng National Press Club, na itinumba ng tandem sa Brgy. Holy Spirit, nitong Hunyo 6.

 

Please follow and like us:
Read More

70-ANYOS BABAENG NEGOSYANTE PINATAY

crimeshooting

BINARIL at napatay ng riding in tandem ang isang 70-anyos na babaeng negosyante sa loob mismo ng tindahan nito sa Ermita, Cebu.

Tinadtad ng tama ng bala si Erlinda Garcia na noon ay nagbabantay sa kanyag tindahan nang lapitan ng gunman, Martes ng gabi.

Pinag-aaralan ng pulisya ang anggulong personal na galit o may kinalaman sa negosyo ang motibo sa pamamaslang.

Sinabi ni Police Staff Sergeant Joel Perolino, na naghahapunan ang biktima bandang alas-9 ng gabi nang dumating ang gunman sa tindahan ng biktima.

Agad nilapitan ng gunman ang biktima at pinagbabaril.

Apat na basyo ng bala ng 9mm caliber ang narekober sa pinangyarihan ng krimen.

Please follow and like us:
Read More

BABAE NAHATI ANG KATAWAN, RIDER SUGATAN SA TRAK

quiapo12

(NI HARVEY PEREZ)

KALUNUS-LUNOS ang sinapit ng isang babaeng backrider matapos mahati sa gitna ang katawan nito, habang sugatan naman ang kasama niyang rider matapos masagi ng isang kotse at sumemplang ang motorsiklo at masagasaan pa ng parating na truck, Miyerkoles ng umaga sa boundary ng Quiapo at Sta.Cruz sa Maynila.

Kaagad na binawian ng buhay ang biktimang  si Ederlyn Buclares, habang sugatan naman ang rider na si Julius Tevar, at  residente ng 2000 A Katamanan Street, Tondo, Maynila. Isinugod ng sumaklolong Binondo Rescue team sa pagamutan ang rider.

Habang naaresto naman at nasa kustodiya  ng Manila District Traffic Enforcement Unit(MDTEU), ang  suspek na si Reynan Fajardo, truck driver at residente ng Nueva Ecija.

Nabatid sa ulat ng  Manila Police District-Police Station 3, Sta. Cruz Police Station (PS-3) , naganap ang insidente  dakong alas- 5:41 ng umaga nang maganap ang aksidente sa Quezon Boulevard, sa Quiapo.

Binabagtas umano ng mga biktima ang Quezon Boulevard sakay ng isang kulay orange na Honda Click 125 motorcycle,  nang masagi ng isang kotse dahilan para sumemplang ang dalawa.

Nagkataon na bumagsak ang dalawa  sa direksiyong daraanan ng 14 -wheeler truck, na may plate number na WLQ 197, at minamaneho ni Fajardo, dahilan upang masagasaan ang mga biktima.

Patuloy naman inaalam ng pulisya ang  pagkakilanlan ng tumakas na driver.

Please follow and like us:
Read More

KONSEHAL INAMBUS SA HARAP NG MGA ESTUDYANTE, PATAY

crimeshooting

SINDANGAN, Zamboanga del Norte – Sa harap ng mga inihahatid sa eskuwelahan na mga estudyante, pinagbabaril ng riding in tandem ang isang konsehal ng Sangguniang Bayan, Miyerkoles ng umaga.

Sakay ni Cicero Gurrea ang ilang estudyante para ihatid ng libre sa paaralan sa Barangay Poblacion nang biglang dumating ang tandem at paputukan ang biktima.

Ayon sa hepe ng Sindangan Municipal Police Station na si Maj. Hartzel Peter Billedo, maari umanong alam ng mga suspect ang routine ng biktima dahil tuwing umaga ay inihahatid nito ang mga estudyante nang libre sa kanyang jeep.

Ito umano ang kaniyang pangako nang tumakbo bilang konsehal ng bayan.

“Initially, sakay ng motorsiklo ‘yong bumaril sa kaniya…riding-in-tandem,” sabi ni Billedo.

Iniimbestigahan pa rin ng pulisya ang pananambang habang nanghihinayang naman ang supporters ng biktima dahil sa maganda nitong adhikain sa kanyang nasasakupan.

 

Please follow and like us:
Read More

PARAK TODAS SA TANDEM

ambush12

NI ALAIN AJERO/PHOTO BY JIMMY CARBO)

PATAY ang isang miyembro ng Mobile Patrol Unit ng Navotas Police Station nang tambangan ng riding-in-tandem, Biyernes ng gabi sa Malabon City.

Kinilala ang biktima na si P/Cpl. Alex Sta Ana Vitug Jr., 33, ng Blk. 10, Lot 15, Del Mar Subdivision, Llano, Caloocan City.

Sakay ang pulis ng kanyang motorsiklo patungo sa Navotas Police Station nang pagbabarilin ng dalawang lalaking lulan ng motorsiklo  alas-7:20 ng gabi sa kanto ng Araneta Avenue at Tuazon St. Brgy. Potrero, na agad niyang ikinamatay.

Nang matiyak na patay na ang ang parak ay bumaba ng motorsiklo ang isa sa mga suspek at kinuha ang service firearm ni Vitug at tinangay din ang kanyang motorsiklo saka tumalilis kasama ang kasabwat.

Narekober sa pinangyarihan ng insidente ang 10 basyo ng bala, isang nakuping punglo, at isang bahagi ng ipinutok na bala na dadalhin sa PNP Crime Laboratory para sa ballistic examination.

Patuloy ang imbestigasyon upang matukoy kung sino ang mga salarin at ano ang kanilang motibo.

Please follow and like us:
Read More

OFW NIRATRAT NG RIDING IN TANDEM SA HARAP NG BAHAY

crime55

(NI JESSE KABEL)

NIRATRAT ng riding in tandem ang isang overseas Filipino worker habang nakatayo sa harap ng kanyang bahay sa Cotabato City.

Dead on the spot  si Rahima Balabaran, 30, at residente ng Brgy Datu Balabaran, Cotabato City .

Si Balabaran na dating OFW ay pinagbabaril ng riding in tandem suspects dakong alas 7:09, Lunes ng gabi.

Sa ulat ng Cotabato City Police Office, kasalukuyang nasa  harap ng kanyang tahanan ang biktima nang bigla itong pagbabarilin ng dalawang hindi kilalang suspek gamit ang kalibre .45.

Mabilis namang tumakas ang mga salarin sakay ng motorsiklo patungo sa town proper sa lungsod ng Cotabato.

Inabot ng kanyang dagliang kamatayan ang biktima sanhi ng tinamong tama ng bala sa iba’t-ibang parte ng kanyang katawan.

Patuloy na isinasagawa ng pulisya ang imbestigasyon sa motibo ng pamamaslang.

Please follow and like us:
Read More

LOLONG NEGOSYANTE BINARIL SA LOOB NG TINDAHAN

crimeshooting12

(NI CHERK BALAGTAS)

ISANG matandang lalaking negosyante ang patay matapos barilin sa ulo ng dalawang kalalakihang lulan ng motorsiklo sa Lungsod ng Caloocan hapon ng Martes.

Sa ulat ng Caloocan Police Community (PCP) 4 P/Maj. Rommel Ebarle, kinilala ang biktimang si Jaime Tamayo, 62, negosyante at residente ng Upper Little Baguio Street, Miramonte Heights, Barangay 180 ng nasabing lungsod.

Kasalukuyan umanong abala sa kanyang tindahan ang biktima nang dumating ang mga suspek na pawang mga nakasuot ng face mask at helmet, ganap na alas 3:00 pasado ng hapon.

Ipinarada ng mga ito ang motorsiklo sa tapat mismo ng tindahan ng biktima.

Ayon sa nakasaksing si Christopher Villanueva, 28, ng Kaong Street, Barangay 179, bumibili umano siya nang bumaba umano ang isa sa mga suspek at nilapitan ang biktima saka malapitang binaril sa ulo na agaran nitong ikinasawi.

Please follow and like us:
Read More

KONSEHAL PINATAY NG TANDEM

mamasapano12

(NI JG TUMBADO)

HINDI na pinaporma pa sa darating na May 13, midterm elections ang isang re-electionist sa pagka-konsehal matapos itong pagbabarilin ng riding in tandem sa bayan ng Mamasapano sa Maguindanao araw ng Miyerkoles.

Nakilala ang biktima na si konsehal Berto Guiamadel, 55, residente ng bayan ng Shariff Saydona Mustapha.
Ayon kay Police Col. Ronald Briones, direktor ng Maguindanao Provincial Police Office (MPPO), naisugod pa sa pagamutan ang biktima pero binawian din ng buhay bunsod ng ilang tama ng bala ng baril.

Lumalabas sa imbestigasyon, sakay umano si Guiamadel ng kanyang motorisklo patungong palengke nang siya ay pagbabarilin ng dalawang lalaki na lulan din ng dalawang motorsiklo.

Nabatid na una nang nagdesisyon na hindi na umano siya kakandidatong muli bunsod ng pagkaka-stroke nito noong nakaraang taon.

Subalit nagbago umano ang isip ng biktima at naghayag muli na siya ay tatakbo sa pagka konsehal ng bayan.

Politika umano ang isa sa mga dahilan ng paglikida sa incumbent councilor habang patuloy pa ang imbestigasyon sa insidente.

Please follow and like us:
Read More

LIVE-IN PARTNER TODAS SA RIDING IN TANDEM

crime22

(NI JG TUMBADO)

PATAY ang isang mag live-in partner makaraang pagbabarilin ng armadong lalaking sakay ng motorsiklo sa Barangay Tabunok, Talisay City, Cebu, Linggo ng madaling araw.

Namatay noon din sa lugar ng ambush ang mga biktima na nakilalang sina Felix Yaris, 30, at Carol Dixie Bacalso, 30, naninirahan sa nasabing lugar.

Nabatid sa imbestigasyon ni PO3 Glenn Besande, ng Talisay City Police Station, nangyari ang pamamaril dakong alas 4:00 ng madaling araw habang binabagtas ng mga biktima sakay ng motorsiklo ang kahabaan ng R. Rabaya Street sa Sitio Lansiawan.

Ilang sandali pa ay binuntutan ng dalawang magkaangkas sa motorsiklo ang mga biktima at nang maka-tyempo ay sunud sunod na pinagbabaril ang dalawa.

Ayon pa kay Besande habang nakalugmok na ang dalawa ay binalikan pa ng angkas ang mga ito at pinagbabaril muli bago tuluyang tumakas.

Natagpuan ng SOCO team sa lugar ng pananambang ang nasa siyam na piraso ng basyo ng bala mula sa .45 baril habang nangangalap pa ng footage sa CCTV sa paligid ng mga gusali upang makatulong sa pagtukoy sa mga suspek.

Sinabi naman ni Chief Inspector Ardioleto Cabagnot, deputy police chief ng Talisay City, sinisilip ang dalawang anggulo sa dahilan ng pagpaslang sa dalawa, una ay kung sangkot ang mga ito sa kalakalan ng ilegal na droga o personal na alitan.

Una na kasi umanong nasangkot ang lalaking biktima sa isang gulo dalawang araw ng nakakalipas dahil sa umanoy onsehan sa droga.

 

Please follow and like us:
Read More

RIDING IN TANDAEM KAILAN MATUTULDUKAN? 

RIDING-IN-TANDEM-5

(Ni Odessa Orpilla Posadas/ Huling bahagi)

SA kabila ng dumaraming bilang ng namamatay sa kasamaang dulot ng mga armadong riding in tandem, nananatiling mailap ang hustisya sa marami sa mga ito.

Minsan, pinagdududahan pang “fall guy” ang inilalabas ng mga awtoridad na naa­restong suspek.

Ibig sabihin, hindi lubos ang pagtitiwala ng publiko na nakamtan nga ng biktima ang hustisya.

Naniniwala silang malaya, nakagagala at naghihintay muli ng panibagong target ang mga totoong salarin.

Kadalasan, ang nahuling umano’y kriminal ay ipiprisinta sa media kabilang ang mga nasamsam na baril, bala at ilan pang ebidensya na ginamit sa krimen, subalit minsan, kapansin-pansin na wala sa presentation of evidence ang ginamit na motorsiklo.

Pati ang pagtukoy sa utak o “mastermind” ng krimen ay hindi na rin nabibigyang ha­laga makaraang mapasakamay na ng pulisya ang mga gunman kaya maituturing pa rin itong unsolved crime.

Tulad sa pamamaslang kamakailan lang sa isang opisyal ng Barangay Bagong Silangan sa Quezon City.

Sunud-sunod na putok ng baril ang bumasag sa katanghalian nang pagbabarilin ang puting Ford Everest na may plakang NDO 621.

Nagimbal ang mga tao sa lugar nang makumpirma na si Chairwoman Crisell “Bheng” Beltran ng nasabing barangay ang  lulan ng tinambangang sasakyan. Tumatakbo si Beltran bilang kongresista ng Distict 1 ng Quezon City.

Kasamang napatay sa ambush ang driver nitong si Melchor Salita habang sugatan ang tatlong iba pa.

Nailibing na sina Beltran at Salita ngunit hindi pa rin natutukoy kung sino ang mga nasa likod ng pamamaslang bagaman may mga suspek nang hawak ang pulisya.

Ang pagiging talamak ng mga upahang riding in tandem ay napansin na rin maging ni Senador Richard Gordon na kabilang sa mga nananawagan ngayon sa pulisya upang paigtingin ang kanilang kampanya laban sa kriminalidad.

“Criminals on board motorcycles have really become so bold and fearless. They kill with impunity in broad daylight and even along a very busy thoroughfare such as EDSA! It is high time that we take a bite out of these crimes committed with impunity by riding in tandems,” giit pa nito.

Hindi aniya maaaring ipagwalang-bahala ng pamahalaan ang sunud-sunod na pagpatay sa buong bansa kung saan sa loob ng ilang taon ay marami nang negosyante, politiko, aktibista, at inosenteng sibilyan ang napapatay.

Base sa mismong datos ng PNP, apat katao ang napapatay kada araw ng riding in tandem criminals.

Halimbawa rito ang kabuuang 28,409 motorcycle riding crimes na naiulat noong 2010 hanggang 2017, 13,062 o katumbas ng 46 porsiyento ay pawang may kinalaman sa pamamaril.

Habang sa mahigit umanong 4,000 motorcycle riding crimes na naitala noong 2016, walong kaso lamang ang naresolba.

 

Please follow and like us:
Read More

OPLAN AGAINST RIT SHOOTERS

RIDING IN TANDEM

(Riding in tandem) 

Ni Odessa Orpilla Posadas  (Ikalimang na bahagi)

 

ANG sunod-sunod na pag-atake ng armadong riding in tandem sa mga alagad ng simbahan o pari at elected government officials ay nagsilbing hamon sa Philippine National Police (PNP) kaya noong July 6, 2018, nilagdaan ni PNP Chief

Director General Oscar Albayalde ang “Campaign Plan: Clean Rider.”

Tugon ito ng pamunuan ng PNP sa lumalaking bilang ng mga biktima ng riding in tandem shooters.

Inilunsad ang kampanya sa Metro Manila noong August 1, ng nasabi ring taon.

Ngunit hindi natinag sa kampanyang ito ang mga salarin. Tuloy pa rin ang patayan.

Sa kaparehang buwan at taon, umatake pa rin ang kilabot na riding in tandem. Pinagbabaril sa pampublikong lugar sa  bayan ng Bacolod si Atty. Rafael Atutubo.

Sa isang press statement, sinabing pinaslang si Atutubo matapos nitong iprisinta sa korte ang mga suspek sa iligal na droga.

Dead on arrival naman ang Barangay Secretay ng 114 Zone 14, Paranaque City na si Jacquilyn Antonio matapos ding pagbabarilin. Nakatayo lamang ito sa labas ng Barangay Hall nang may dumaang motorsiklo at bigla na lamang siyang pinaputukan nang sunod-sunod.

Isang tama ng bala naman sa mukha ang ikinamatay ng Japanese National na si Ha­mada Junko na lulan ng kanyang pulang SUV sa C.I.T. University sa Bacaldo Ave., Cebu City nang barilin ng backride ng dumaang motorsiklo.

Kalunos-lunos din ang sinapit ng isang traysikad driver (pedicab) na si Jose Edwin Momzon, 50, makaraang  bistayin ng bala sa Barangay Cambaro, Mandaue City.

Kamatayan naman ang sumalubong kay Nestor Ma­ngahas, 42 anyos, ng Barangay Bahay Toro, Quezon City matapos itong magpaalam sa asawa na may kakatagpuing kaibigan.

‘Di pa umano nakalalayo  si Mangahas nang makarinig ng sunod-sunod na putok ng baril at isang humaharurot na motor siklo  ang maybahay nito. Kinabahan, agad lumabas ng bahay ang ginang at nag-usisa. Dito niya natagpuan ang mister na nakahandusay at duguan.

Motorcycle riding suspects din ang kumitil sa buhay ni Barangay Chairman Demetrio Deomampo Mendoza, ng Buso-Buso, Laurel, Batangas makalipas lang ang nakaraang halalang pambarangay.

Inambush ng riding in tandem ang sinasakyang Izusu Hi-Lander ng biktima na may plakang VAB 761.

Dalawang binata naman ang binawian ng buhay matapos pagbabarilin sa magkahiwalay na lugar sa lalawigan ng General Santos City. Ang mga biktima ay nakilalang sina Philip Bacudo, 19-anyos at Ruel Collado, 22-anyos, laborer, residente ng Ruby Compoundm Llido St., Brgy. Lagao, General Santos City.

Inutas gamit ang kalibre 45 at 9mm pistol ng riding in tandem si Einsenhower Ipac Deocareza, alyas Totoy Bato ng Barangay Rang-ay, Sinait, Ilocos Sur.

Isang drug surrenderee o balik loob sa kanilang barangay ang biktima. Ang motibo umano ng pamamaslang ay upang patahimikin si Deocareza na sinasabing marami nang nalalaman sa operasyon ng droga ng sindikato sa naturang probinsya. (May karugtong)

Please follow and like us:
Read More

PULIS SA LIKOD NG KRIMEN 

RIDING-IN-TANDEM-4

Riding in tandem

(Ni Odessa Orpilla Posadas / Ikaapat na bahagi) 

TAUHAN ng Northern Police District si PO1 MARK Ayeras, ang napatay na isa sa mga ri­ding in tandem na suspek sa pamamaril kay Atty. Arjel Cabatbat.

Napatay si PO1 Ayeras habang nakikipagbarilan sa mga kasama ni Atty. Cabatbat na nagkataong may dala rin na baril nang tambangan ang abogado.

Ipinagpupuyos naman ng kalooban ng mga kasama ng anti-crime crusader na si Zenaida Luz ang brutal na pamamaslang dito ng mga tinagurian ding riding in tandem.

Ito’y dahil ang mga itinuturing na gunman sa krimen ay dalawang opisyal ng lokal na istasyon ng PNP.

Si Luz ay tinambangan noong Oktubre, 2016 sa Gloria, Oriental Mindoro.

Ang biktima ay tumatayong regional chair ng Citizens Crime Watch (CCW), isang non-profit organization na ang programa ay hikayatin ang mamamayan na labanan ang krimen.

Nasa labas ng kanyang bahay si Luz nang dumating ang dalawang salarin na magkaangkas sa motorsiklo. Agad nilang pinagbabaril ang biktima saka tumakas. Nasundan naman ng mga rumespondeng awtoridad ang riding in tandem na mga suspek na humantong pa sa shootout. Nakorner din ang dalawa makalipas ang maikling putukan.

Ang mga suspek ay nag-’disguise’ para hindi makilala. Ngunit nang matanggal ang kanilang ‘props’ ay nabun­yag na sila ay sina Senior Insp. Magdalino Pimentel Jr. ng Provincial Public Safety Company at Insp. Markson Almeranez, noo’y police chief ng bayan ng Socorro, Oriental Mindoro.

Si Pimentel ay nakasuot ng ski mask, habang si Al­meranez ay nakasuot ng wig na pambabae.

Hindi basta opisyal na pulis lang si Almeranez, katunayan, pinarangalan siya ng dating PNP police chief na si Ronald dela Rosa bilang outstanding police commissioned officer sa isang seremonya sa  Calapan City.

Dinismis sa serbisyo ang dalawa habang dinirinig ang kaso laban sa kanila.

Dahil natakot ang pamilya ng biktima, hiniling nila na ilipat ang pagdinig ng kasong murder sa Manila Regional Trial Court na pinagbigyan naman ng Korte Suprema.

Pebrero, 2017 nang ilipat sa kustodiya ng National Bureau of Investigation (NBI) sina Pimentel at Almeranez. Ngunit kalaunan ay pinagbigyan silang makapagpiyansa.

Ayon sa korte, “the evidence against the accused does not appear to be strong.” Dahil dito, pansamantalang nakalalaya ang dalawang pulis. Patuloy pa ang pagdinig ng korte sa kaso laban sa kanila. (May karugtong)

Please follow and like us:
Read More

HUMAHABA ANG LISTAHAN NG MGA PINAPATAY NG RIDING IN TANDEM 

RIDING IN TANDEM-4

(Ni Odessa Orpilla Posadas / Ikatlong bahagi)

LUMALALA at laganap saan mang bahagi ng bansa ang riding in tandem criminals at padagdag nang padagdag naman ang pangalan ng mga nabibiktima ng mga ito sa talaan ng pulisya.

Tulad ng negosyanteng si Alex Yao, 57, na kasama ang kanyang maybahay nang pagbabarilin ng gunman na lulan ng motorsiklo sa mismong compound ng Redemptorist Church sa B.S. Aquino Drive, Barangay 5, Bacolod City. Namatay si Yao habang sugatan ang kanyang maybahay.

Si Maytalang 1, Lumban, Laguna Brgy. Capt. Ramir Evangelista naman ay may kausap sa tulay habang nakaupo sa kanyang motorsiklo nang pagbabarilin ng nakamotorsiklo rin. Binawian ng buhay ang 47 anyos na biktima habang isinasalba sa pagamutan.

Tinambangan naman si Atty. Arjel Cabatbat ng tatlong kalalakihan na sakay ng dalawang motorsiklo sa northbound ng EDSA, Quezon City. Pakanan ng East Ave. ang SUV ni Cabatbat na noon ay may mga kasama nang tabihan sila ng mga suspek at paputukan bandang alas-12:30 ng hatinggabi.

Mabuti na lamang at listo ang mga kasama ng abogado kaya nang pumutok ang isa sa mga suspek ay agad din silang nakaganti ng putok. Dito nasorpresa ang mga suspek dahil gumaganti ang kanilang bibiktimahin.

Nauwi ito sa habulan ng papatay at papatayin. Nagtapos sila pagbaba ng flyover sa Quezon Ave. kung saan inabutan ng SUV ni Cabatbat ang motorcycle gun men at sinagasaan ang mga ito.

Sumemplang ang dalawang motorsiklo, tumagilid din ang SUV ng abogado.

Isa sa mga suspek ay kinilalang si PO1 Mark Ayeras ng Northern Police District. Binawian siya ng buhay sa palitan nila ng putok ng mga kasama ni Atty. Cabatbat.

Nakatakas naman ang iba pang mga suspek.

Si PO1 Dorben Acap naman ay pauwi na bandang alas-4 ng hapon buhat sa kanyang dutu nang pagbabarilin at mapatay ng riding in tandem.

Si Roman Manaois, 20, ay lumabas lang ng bahay para sana bumili ng midnight meal nang pagbabarilin din ng mga hindi nakilalang armadong de-motor. Napatay rin siya.

Ang negosyanteng si Jose Luis Yulo, 62 taong gulang ng Ayala Alabang ay inambus sa mataong lugar sa Efipanio Delos Santos Avenue (EDSA).

Katanghaliang tapat, habang abala ang mga commuter at motorista, inasinta ng riding in tandem ang biktima na noon ay lulan ng kanyang Toyota Hi-Ace Grandia na minamaneho ni Allan Nomer Santos, 51, kasama si Esmeralda Ignacio, 39. Kapwa binawian ng buhay sina Yulo Santos habang sugatan si Ignacio.

Mahaba pa ang listahan ng mga biktima pero isa sa mga maituturing na kontrobersyal ang pagpaslang kay Zenaida Luz, isang anti-crime crusader.

Ito ay dahil ang mga suspek sa pamamaslang ay kinabibilangan ng dalawang opisyal na pulis.  (May karugtong)

Please follow and like us:
Read More

PEKENG DOKUMENTO NG RIDING IN TANDEM 

RIDING-IN-TANDEM-3

(Ni Odessa Orpilla Posadas  / PART 2)

INILAHAD ni Gel Damaso ang mga kinakailangang ihanda para makakuha ng hulugang motorsiklo. Kinabibilangan ito ng cash na P2,500 (pang-downpayment), Barangay Clearance, bill ng ilaw at tubig, payslip, 2×2 picture at co-maker. Kapag nakumpleto na ang mga ito ay magsasagawa naman ng company investigation ang tindahan na bibilhan ng motorsiklo upang masiguro na kakayaning bayaran ng nag-aaplay ang kukuning motorsiklo.

Kapag pumasa ay makukuha na rin agad ng kos-tumer ang motorsiklo.

Ngunit balik na tanong ko, paano halimbawang may mga kakulangang papeles ang nag-aaplay?

“Pwedeng magpagawa sa Recto at pagkatapos ay susuhulan na lamang ang mag-si-C.I. Pipirmahan agad ang papeles mo. Pero may mga kasunduan din ang kumpan-ya tulad ng hindi maaaring ipahiram ang motor sa hindi kamag-anak at ang matindi ay kahit makarnap ito ay patuloy na babayaran ng umutang ang motor,” dagdag pa ni Gel.

Napakadaling makakuha ng motorsiklo ng mga kriminal na kanilang ginagamit sa paggawa ng krimen.

Kasama sa kanilang ‘package’ ang hindi lisensyadong baril at pera na paunang bayad sa kanila para isagawa ang krimen.

Umaabot sa 17 riding in tandem criminals ang nahuli ng Philippine National Police (PNP) sa loob lamang ng 19 araw, hindi pa kabilang dito ang reported crimes sa mga probinsya na kagagawan din ng mga armadong de-motor.

Ang Tactical Motorcycle Reaction Unit (TMRU) ng PNP ay palaging alerto sa pakikipagsagupaan at habulan sa riding in tandem criminals.

Walang pinipili ang  mga kriminal na ito. Tulad ng isang buntis na kinaladkad ng matapos hablutan ng bag ng riding in tandem sa lalawigan ng Samar.

Naglalakad pauwi ang anim na buwang buntis na ginang nang hablutin ang kanyang shoulder bag. Hindi nasiraan ng loob ang buntis at nakipaghilahan sa backrider. Hindi rin nabawi ng ginang ang kanyang bag at walang nagawa kundi bumitaw na lamang dahil puno na siya ng galos at sugat dulot ng pagkaladkad sa kanya.

Nasa bag ng ginang ang ilang alahas na kanyang tinubos sa sanglaan. Nalimas na ang pinaghirapan, muntik pang magbuwis ng buhay ang ginang at sanggol sa kanyang sinapupunan.

Kahit mga alagad ng Diyos ay hindi na rin pinaliligtas ng mga riding in tandem na kriminal.

Tulad sa Gattaran, Cagayan kung saan pinatay si Father Mark Ventura.

Pinagbabaril ang naturang parish priest habang binebendisyunan ang mga bata at kausap ang ilang  miyembro ng Choir. Nangyari ang krimen noong isang taon.

Walang awa ring pinatay si Kevin Reantaso, 16, estuyante ng Village Montesori College at residente ng Paradise Village, Barangay Sangandaan, Quezon City. Naglalakad pauwi ang bina-tilyo buhat sa dinaluhang party nang paulanan ng bala.

Si Rolan Iligan, 17, ay pinagbabaril din habang naglalakad pauwi kasama ang mga kaibigan sa Bagong Barrio, Caloocan City, bandang alas-3 ng umaga.

Sina Raphael Jocas Catalan, 17 at Christian Paul Martin, 18, ay pinatay rin ng mga hindi nakilalang motorcycle-riding gunmen sa Cavite.

Si Alvin Gregorio, 20, ay nakatayo lang sa harapan ng isang tindahan sa Barangay Maliksi 1, Bacoor, Cavite nang pagbabarilin.

Lumabas lang ng bahay para magpahangin nang barilin si Jayross Brondial, 13, sa Pasay.

Ang 17-anyos na si Dave Harold Castro Gallingue, ay pinagbabaril din at napatay ng riding-in-tandem sa Central Bicutan, Taguig.

Si Jason Nazareno, 18, ay napatay rin sa Muntinlupa City pero paniwala ng kanyang ina, ang kaibigan ng binatilyo ang talagang target ng mga riding in tandem.

Si Alimudin Lacman, 19, tricycle driver, ay napatay sa Polomolok, South Cotabato.

Si Kevin Mendez 19, ay pinatay sa Barangay Payatas, Quezon City.

Si Maynard Allan Manalo, 17, ay nakapag-post pa sa Facebook na “Kinakabahan na ako!” at makalipas lang ang halos 30 minuto, pinagbabaril na siya. Nangyari ang krimen sa Makati City.

Si Aldrin Lacaba, 18, ay nakita pa ng kanyang mga kapamilya nang pagbabarilin sa Tondo, Manila.

Sa Navotas, pinagbabaril si Jimboy Empasis, 14, isang out-of-school youth ay pinagbabaril habang patungo sa simbahan, dalawang araw bago mag-Pasko.

Ilan lang sila sa mga kabataang biktima ng malulupit na riding-in-tandem criminals na pikit-mata kung pumatay kahit ng mga kabataan. (May karugtong)

Please follow and like us:
Read More

RIDING IN TANDEM 

RIDING IN TANDEM

(Ni Odessa Orpilla Posadas)

MAPANGANIB…mailap… at kadalasa’y mahirap matukoy ang mga salarin na nasa likod ng mga brutal na pagpatay ngayon.

Itinuturing silang salot sa lipunan. Ang mga hired killer na riding in tandem.

Kaliwa’t kanang patayan hindi lang sa Kamaynilaan kundi maging sa mga probinsyang dati-rati ay takbuhan, bakasyunan  ng mga taong naghahanap ng kapayapaan ng isipan. Ngunit ngayon, ma-ging ang mga liblib na lugar sa ilang lalawigan ay pinipinsala na rin ng riding in tandem criminals.

Halos dekada na ang lumipas mula nang mamayagpag ang ganitong estilo ng mga pagpaslang, gamit ang single motorcycle na walang  plaka, sakay ang driver at ang angkas na hitman.

Iba’t ibang uri ng krimen ang naisasagawa ng mga riding in tandem. Nangunguna na ang pagpatay, na kadalasa’y kinasasangkutan ng gun for hire; pangalawa, ang transaksyon sa iligal na droga o iba pang illegal items o products; pangatlo ang highway robbery, (snatching at hold-up). Nagagamit din sila upang magsilbing back-up o look out sa mga iligal na surveillance at monitoring. Minsan naman ay sa extortion.

Tila nakikipaglaro ng ‘harangang daga’ ang mga awtoridad laban sa mga kriminal na riding in tandem. Aminin man o hindi, mas lamang ang natatakbuhan ang mga pulis ng mga salarin.

Sa isang banda, makikitang hindi kakayaning maki-pagsabayan ng isang mobile car unit sa single motorcycle na gamit ng mga kriminal.

Unang-una na, sa tindi ng trapiko sa Kamaynilaan, mahihirapan ang mga pulis na mahabol ang mga kriminal na puwedeng sumuot kung saan-saan kahit pa sa makikipot na eskinita.

Kung magkaroon man ng checkpoint ay hindi rin ganoon kabilis na ma de-detect na sila ang salarin (riding in tandem) dahil ang mga propesyunal na killer ay madaling mag-disguise, maliliksi ang mga ito at mabilis mag-isip. Itatapon  lang sa imburnal ang baril o kung anong ginamit sa krimen, huhubarin ang pang-ibabaw na damit at malaya na itong makagagalaw.

Ang isa pang nakalulungkot na katotohanan, may ilang tiwaling kagawad ng Philippine National Police (PNP) mismo ang sangkot dito.

Ginagamit din ng riding in tandem sa mga checkpoint ang bata-bata o palakasan system.

Ang namedropping, mga kamag-anak ng matataas na opisyal, nangyayari ito nang paulit-ulit dahil sa pagkunsinte ng pamilyang may sinasabi sa buhay o mayayaman.

Minsan din, nagpapanggap na pulis ang mga riding in tandem para hindi sila mahuli pero may mga pagkakataon na hindi sila nakalulusot gaya ng nangyari sa Mandaluyong City.

Naaresto si Fretzel Geronimo, 46-anyos at angkas nitong si William Ang, 45 anyos matapos sitahin dahil kap-wa walang suot na helmet.

Nakasuot ng camouflage na pantalon na may insignia ng NCRPO si Geronimo habang nakaberdeng T-shirt na may marking na police si Ang. Pero hindi nasindak sa kanila ang mga lehitimong pulis kaya hinanapan sila ng mga patunay na kagawad nga sila ng PNP at tinanong din kung bakit wala silang suot na helmet.

Nang beripikahin ng Mandaluyong police ang dalawa ay doon nabuking na hindi pulis ang mga ito.

Dagdag na rin sa malawakan at malayang pagsasagawa ng krimeng ito ang “cheap” na pagkakaroon ng agarang motor na  kahit na nga kada isang linggo kang magpalit ng motor ay maaari mong gawin dahil sa mababang presyo ino-offer ng mga tindahan ng motorsiklo.

Sa isang kumpanya ng motorsiklo sa Banawe Ave., Quezon City, may mga brand new single motorcycle, iba’t ibang unit at modelo, ang “expensive” ika nga. Ngunit kapansin-pansin na sa harapan ng kumpanya ay okupado ng motorsiklo hanggang sa parking lot dahil sa dami ng mga bumili nito.

Sa pagtatanong ng Diaryo Bomba sa nasabing kumpanya, nalaman natin na hindi pala ganun kamahal ang magkaroon ng magandang motorsiklo sa ngayon. Mura lang pala ang ‘down’ at mabilis ang proseso.

Nagpaunlak na magpainterbyu sa Diaryo Bomba si Gel Damaso, isang driver na nakabili ng single motorcycle bagama’t talamak na ang bagsak presyong behikulo sa nasabing lugar na tinaguriang “hatak” o second hand.

Hinatak sa unang nagmamay-ari dahil hindi nakababayad ng buwanang bayarin.

“Maghahanda ka lang ng halagang P2,500, Barangay Clearance, bill ng ilaw at tubig, payslip, 2×2 picture at co-maker. Kapag kumpleto na ay magsasagawa ng C.I. o Company Investigation… Pagkatapos no’n ay puwede nang kunin ang motor,”  sinabi ni Gel.     (May karugtong)

Please follow and like us:
Read More

CHAIRMAN TINODAS SA HARAP NG BRGY HALL

tondo1

(NI JULIE DUIGAN)

PATAY sa tama ng bala sa ulo at dibdib ang isang  barangay chairman Martes ng hapon sa Tondo, Maynila.

Nakilala ang biktimang si Marcelino Ortega, ng Brgy. 199 Zone 18 sa Pilar St., Tondo, habang mabilis namang tumakas ang magka-angkas sa motorsiklo na kalalakihan sa direksiyon ng Abad Santos Avenue.

Batay sa ulat ng Manila Police District-Homicide Section, naganap ang pamamaril sa harapan ng Barangay hall sa panulukan ng Hermosa at Pilar St., sa Tondo., bandang alas-2:58 ng hapon

Nabatid sa report ng pulisya, habang nasa harapan ng barangay hall si Chairman Ortega ay biglang sumulpot ang riding in tandem saka niratrat ang biktima.

Nagawa pang maisugod sa Ospital ng Tondo si Ortega subalit hindi na ito umabot nang buhay.

Noong Enero 30, tinambangan at napatay din  QC Barangay Bagong Silangan chair Crisell Beltran habang sakay ng kanyang van sa katanghaliang tapat ilang metro ang layo sa barangay hall.

Inilibing na si Beltran habang arestado ang sinasabing suspect sa pananambang. Gayunman, hindi pa rin alam kung sino ang mastermind sa ikinasang pagtumba sa barangay chairman.

Please follow and like us:
Read More

RIDING-IN-TANDEM NAG-TRIP, 6 SUGATAN

riding

(NI TJ DELOS REYES)

MISTULANG nag-trip ang dalawa katao na sakay ng motorsiklo matapos na walang habas na mamaril ng mga bystander Lunes ng gabi sa Quezon City.

Kinilala ang mga biktima na sina Carmen Dionisio, 40, Albert Daymil, 35, Jorlin Bitales, 35, Eden Timbreza, 38, Cecilio Lacsina, 59, at Alfia del Monte,15, pawang residente ng Brgy. Commonwealth.

Nagtamo ang mga biktima ng tama ng bala ng baril sa  paa at isinugod sa East Avenue Medical Center (EAMC).

Base sa ulat, dakong 8:30 ng gabi nang maganap ang insidente sa Adarna Extension coner Pilot Drive.

Sinasabi na mayroon umanong hinahabol na naka-motorsiklo ang mga suspek subalit nang hindi abutan, ang pinagdiskitahan at pinagbabaril ay ang mga bystander sa lugar.

Narekober mula  ang  walong  basyo ng cal. .45 na baril at tatlong  deformed na bala.

Patuloy ang pagisiyasat ng pulisya sa pangyayari at inaalam nila kung may CCTV sa pinangyarihan ng krimen.

Please follow and like us:
Read More

SUSPECT SA PAGPATAY SA DEPUTY POLICE CHIEF IKINASA

gun 100

HINAHABOL na ng pulisya ang suspect sa pamamaril sa Deputy Police Chief sa Guihulngan City Police Senior na si Inspector Porferio Gabuya, Jr. Si Gabuya ay binaril at napatay ng riding-in-tandem habang nasa loob ng tindahan sa national highway, Miyerkules ng umaga.

Naisugod pa sa ospital ang biktima ngunit idineklara nang patay ng mga doktor. Sinabi sa report na walang plaka ang motorsiko ng mga suspect at nakatakip ang mga mukha nang pagbabarilin ang biktima. Gayunman, isang anggulo na ang pinagtutunan ng imbestigasyon upang madakip ang mga suspect.

Please follow and like us:
Read More