2 RIDERS DEDBOL SA TUMAWID NA ASO

accident121

(NI NILOU DEL CARMEN)

NASAWI  ang magkaibigang estudyante matapos bumangga ang sinasakyang motorsiklo sa tumatawid na aso sa Cabuyao, Laguna, Biyernes ng hapon.

Kinilala ang dalawang estudyante na sina John Bryan Mendoza, 18, at Jeff Harvey Tampipi, 17.

Namatay din ang asong nabangga sa aksidente.

Base sa kuha ng CCTV,   minamaneho ni Mendoza sa NIA Road, Barangay Baclaran ang motor nang biglang bumangga sa isang aso.

Dahilan ito para tumilapon ang dalawang nakasakay, na agad namatay matapos ang aksidente.

Lumalabas sa imbestigasyon ng Cabuyao police na mabilis ang takbo ng motorsiklo na minamaneho.

Natuklasan na wala ring lisensya si Mendoza at wala rin itong suot na helmet.

Ayon sa  ina ni Tampipi na si Nida, ayaw umano magsuot ng helmet ng kaniyang anak dahil malapit naman daw ang pupuntahan nito.

Kapwa namang walang balak na magsampa ng kaso ang pamilya ng mga biktima sa may-ari ng aso.

Pero nanawagan ang ama ni Mendoza na si Sofronio na tulungan sila ng may-ari ng aso sa gastusin sa pagkamatay ng kanilang anak.

Paalala ng mga awtoridad, laging magsuot ng helmet ang mga sasakay sa motorsiklo.

 

Please follow and like us:
Read More

RIDER NAKAIDLIP, BABAENG SAKAY, PATAY

accident121

(NI SIGFRED ADSUARA)

DAHIL sa napaidlip na babaeng driver, nahulog  sa pagkaangkas at tumama ang ulo sa semento na nagresulta  sa kamatayan ng isang  41-anyos na Call Center Agent sa Dasmarinas Cavity, Cavite.

amatay habang ginagamot sa Pagamutan ng Dasmarinas City, Cavite si Chester Castisimo, ng Brgy  Pala-Pala Dasmarinas City, Cavite habang ginagamot din sa nasabing ospital ang driver ng motorsiklo na si Sharmaine Fausto, 34, ng Block 34 Lot 5 Tierra Solana Buenavista  3, Gen Trias City, Cavite

Sa ulat ni PSSgt Donato Almenario ng Dasmarinas City Police Station, dakong alas-2:30 Huwebes ng madaling araw nang maganap ang insidente  habang  minamaneho ni Fausto ang kanyang motorsiklo sa kahabaan ng Aguinaldo Highway, Brgy Salitran II, Dasmarinas City, Cavite.

Nabangga umano ng driver ang gutter sa kalsada dahilan upang mahulog si Castisimo na nakaangkas sa kanya.

Dahil sa pagkakahulog, tumama ang ulo nito sa semento  dahilan upang kapwa isugod ang dalawa sa ospital.

Ayon kay Almenario , papauwi na ang dalawa galing sa kanilang trabaho bilang mga call center agent  sa BGC sa Taguig City at sumasabay lang ang biktima dahil pareho ang way ang kanilang inuuwiaan  at bumababa ang biktima sa Pala-Pala (Dasmarinas City).

Dagdag pa ni Almenario na  napaidlip habang nagmamaneho ang driver  kaya bumangga ito sa gutter ng kalsada.

Please follow and like us:
Read More

RIDER NAG-OVERTAKE, PATAY SA PUNO

accident12

(SIGFRED  ADSUARA)

DAHIL sa punongkahoy na hindi pa napuputol sa ginagawang road widening, nasawi ang isang 20-anyos na estudyante habang sugatan ang dalawang angkas nito nang bumangga ang sinasakyang motorsiklo sa puno sa ginagawang road widening sa Silang, Cavite.

Dead-on-arrival sa Tagytay Medical Center ang biktimang si John Rey Erci ng Brgy Ulat, Silang, Cavite habang inoobserbahan pa sa nasabing opsital si Gerald Tamundong, 17 ng  Brgy. Putting Kahoy Silang, Cavite at  John Michael Palino , 19, kapwa estudyante at residente ng Brgy. Iruhin Central Tagaytay City, Cavite.

Sa ulat ni Corporal John Aldrine Patam ng Silang Municipal Police Station, dakong alas-9:00 kamakalawa ng hapon nang naganap ang insidente sa Brgy Pasong Langka, Silang, Cavite kung saan magkaka-angkas ang tatlo sa isang motorsiklong Kawasaki MC.

Ayon kay Patam, galing  ang nga biktima sa anibersaryo ng kanilang kapatiran at papauwi na ang mga ito at pagsapit sa nasbaing lugar nang tinangka nilang mag-overtake sa isang sasakyan, gayunman, pang-arangkada ng kanilang motorisklo nang tumama ito sa isang punong kahoy.

Isinugod ang tatlo sa ospital subalit namatay habang ginagamot si Erci.

Inaalam din kung nakainon ang magbabarkada. .

Ayon kay Patam, ang nasabing punongkahoy ay nasa gitna pa ng kalsada sa isang ginagawang road widening na hindi pa napuputol.

Please follow and like us:
Read More

RIDER PATAY SA KARAMBOLA NG 8 SASAKYAN

accident12

(Ni MAC CABREROS)

Isang babaeng motorcycle rider ang nasawi nang mabangga ng pampasaherong jeep na sinasabing nawalan ng preno at umararo sa anim pang sasakyan sa Shaw Boulevard, Mandaluyong City kamakalawa.

Namatay makaraang maipit sa nagbanggaang sasakyan si Grace Anne Pajemago habang sugatan ang isang driver na si Benjamin Celestra Jr, 42, nang magkarambola ang walong sasakyan alas-8:55 ng umaga ng Sabado sa  EDSA-Shaw Flyover, nasabing lungsod.

Sa imbestigasyon, tinatahak ng mga sasakyan ang Shaw Blvd patungong Silangan kung saan nasa pinakaloob na linya ang nasawing biktima. Pagdating sa pababang bahagi ng flyover ay nawalan ng brake ang PUJ (TXF-916) na minamaneho ni Wilfredo Gigante y Paylan at nasagi ang Subaru Sedan Hatchback (CS-5181) na minamaneho ni Alvin Nathaniel Sy Tan at ang Nisaan Almera (CS-F2 E822) na minamaneho ni Eduardo Aquino y Cruz.

Nagtuloy-tuloy ang jeepney at pagkanan nito ay nabangga ang Toyota Hi-Ace (AAL-5949) na minamaneho ni Celestra na siyang bumangga at maipit ang motorsiklo ng nasawing biktima na Yamaha Mio na walang nakarehistrong plaka.

Nadamay din sa karambola ang ZKU-146 Mitsubishi Outlander  ni Derrick Ferdinand Figueroa y Calzado at TXJ-541 PUJ  ni Narciso Alberto y Dela Paz at AAL-2209 Toyota Innova ni Jay Arcan y Borbon, ayon pa sa ulat.

Bukod kina Pajemago at Celestra, walang tinamong pinsala sa katawan ang iba pang driver ng nagkarambolang sasakyan.

Sinampahan ng kasong Reckless imprudence resulting to Multiple Damages to Property, Physical Injury at homicide si Gigante.

Please follow and like us:
Read More

RIDER BASAG ANG MUKHA SA NAKAPARADANG TRAK

accidentsign1

(Ni ANNIE PINEDA)

BASAG ang mukha ng isang binata makaraan pumailalim sa trak ang minamanehon nitong motorsiklo, iniulat kaninang umaga sa probinsya ng Naga City.

Kinilala ang biktimang si Ryan Ray Margallo Avila, nasa hustong gulang at residente ng Pamukid San Fernando, Camarines Sur.

Batay sa report ng pulisya, dakong alas 4:00 ng madaling araw nang maganapa ng insidente sa Sabang, Mabolo Milaor, Camarines Sur.

Lumabas sa pagsisiyasat ng pulisya, minamaneho ni Avila ang motorsiklo nito nang bigla na lamang siyang sumalpok at pumailalim sa nakaparadang trak sa nasabing lugar.

Kuwento ng residente na si Maenalyn, nakarinig na lamang siya ng malakas na pagsalpok sa labas ng bahay dahilan para lumabas siya at inaalam.

Dito, nakita niya ang biktima sa ilalim na trak at matindi ang tama sa ulo at mukha na naliligo sa sariling dugo dahilan ng agaran nitong kamatayan.

Iniimbestigahan na ng pulisya ang pangyayari at inaalam kung nasa impluwensiya ng alak ang biktima habang nagmamaneho.

 

Please follow and like us:
Read More

LASING NA RIDER NAHULOG, PATAY SA NAKAUSLING BAKAL 

accident12

(NI ANNIE PINEDA)

HINDI na nakauwing buhay ang isang lalaking lasing makaraan mahulog ito sa kanal at matusok sa bakal habang minamaneho ang kanyang motorsiklo, iniulat kaninang umaga sa probinsya ng Ilocos Sur.

Kinilala ang biktimang si Jaster Wurdo Tuquero, 20, ng Sta. Lucia, Candon City.

Batay a report ng Candon City Police Station, Sabado ng gabi nang makita ang biktima sa ilalim ng ginagawang tulay sa nasabing lungsod at nakatusok ang katawan nito sa nakausling bakal.

Lumabas sa imbestigasyon ng pulisya, bago ang insidente nakipag-inuman ang biktima sa isang bar sa Sta. Lucia at nang malasing ay nagpasya na itong umuwi sakay ng kanyang motorsiklo.

Posible umanong nawalan ng kontrol ang biktima sa manibela ng motorsiklo at nahulog sa kanal na may lalim na 2 metro at pagbagsak nito ay natusok ang katawan sa nakausling bakal na naging dahilan ng agaran nitong kamatayan.

Please follow and like us:
Read More

RIDER TODAS SA BUS

accident12

(NI NILOU DEL CARMEN)

PATAY ang isang empleyado matapos araruhin ng bus ang sinasakyan nitong motorsiklo sa Maharlika highway sakop ng Sto.  Tomas,  Batangas, Biyernes ng maghahatinggabi.

Kinilala ang nasawi na si Globert Arellano,  43,  tubong Naujan,  Oriental Mindoro.

Batay sa report ng Sto Tomas police,  bandang alas 11:20 ng gabi,  patungo ang biktima sa direksyon ng Sto. Tomas galing sa San Pablo City at tinatakbo ang highway nang pagdating sa bahagi ng Barangay San Vicente, ay matumbok ito ng kasalubong na bus.

Nag-overtake umano ang bus sa isa pang sasakyan at hindi pa nakakabalik sa kanyang linya nang mangyari ang head on collision.

Nagtamo ang biktima ng mga grabeng pinsala sa ulo at katawan at nalagutan ng hininga bago pa man mairating sa Laurel District Memorial hospital sa Tanauan City.

Tumakas ang driver ng bus na nakilalang si Mario Rambuyong matapos ang insidente.

Pinaghahanap na ito ngayon ng mga pulis at sasampahan na rin ng kasong reckless imprudence resulting to homicide.

 

Please follow and like us:
Read More

ASO NASAGASAAN, RIDER PATAY, 1 SUGATAN

accident121

(NI ANNIE PINEDA)

PATAY ang isang rider habang sugatan ang angkas nito makaraang mabangga ng kanilang motorsiklo ang aso sa gitna ng kalsada, iniulat kaninang umaga sa lalawigan ng La Union.

Kinilala ang nasawi na si Adrian Oler, 18, habang sugatan ang angkas nito na si Emil John Oler, 24, kapwa residente ng Barangay Pao sa nasabing bayan.

Batay sa report ng Balaoan Police, naganap ang insidente sa provincial road sa Barangay Butubot Oeste sa bayan ng Balaoan, La Union.

Lumabas sa imbestigasyon ng pulisya, habang binabaybay nina Oler ang nasabing kalsada, bigla na lamang tumawid ang aso at nasagasaan dahilan para mawalan ng kontrol sa manibela at sumalpok ang mga ito sa concrete marker.

Bumagsak ang dalawang sakay ng motorsiklo at nagtamo ng mga sugat sa ulo at katawan .

Agad naman isinugod sa Balaoan District Hospital ang mga biktima pero habang nilalapatan ng lunas at nalagutan din hininga si Adrian sanhi ng matinding pinsalang tinamo sa ulo .

 

Please follow and like us:
Read More

SHABU SA DRIVER’S LICENSE BUKING, RIDER KULONG

(NI SIGFRED ADSUARA)

BUKING ang nakatagong shabu sa driver’s license ng isang 41-anyos na  motorcycle rider na naunang sinita dahil sa hindi nito pagsusuot ng helmet nang malaglag ang sachet ng shabu sa kanyang lisensiya  sa Bacoor City, Cavite.

Kasong paglabag sa Sec 11 ng RA 9165 ang isinampang kaso laban sa suspek na si Choody Cruz, ng 16 Medicion 2B, Imus City, Cavite.

Sa ulat ni Corporal Christian Jovita ng Bacoor City Police Station, dakong alas-3:00 Martes ng hapon nang parahin ng Bacoor City police  ang minamanehong motorisklo ng suspek habang binabagtas ang kahabaan ng Tirona Highway, Brgy Habay 2, Bacoor City Cavite dahil sa hindi nito pagsusuot ng helmet.

Nang sitahin ito, iniabot ang kanyang lisensiya sa awtoridad nang nahulog ang sachet ng hinihinalang shabu na tumitimbang ng 0.8 gramo na may street value na P800, dahilan upang arestuhin ito.

Ang suspek ay kasalukuyang nakakulong sa Bacoor City Custodial Center.

Please follow and like us:
Read More

RIDER PATAY SA SINALUBONG NA TRUCK

accident121

(NI BONG PAULO)

MAAGANG sinalubong ni kamatayan ang isang 21-anyos na drayber ng motorsiklo matapos na makasalpukan ang isang wing van truck sa road mishap na naganap sa sa Brgy. Ulamian, Libungan, North Cotabato, Linggo ng umaga.

Kinilala ang nasawi na si Nick Kadil Bad, residente ng Supermarket Site, Cotabato City, habang kinilala naman ang drayber ng truck na si Randy Vilos Masil, 51, ng Taal 1, Bangkal, Davao City.

Ayon sa inisyal na pagsisiyasat ng pulisya, alas-10:40 ng umaga nang maganap ang aksidente kung saan galing sa direksiyon ng Cotabato City ang motorsiklo papunta ng Libungan nang masalpok nito ang isang multicab dahilan para mawalan ito ng kontrol hanggang sa bumangga sa isang Fuso wing van truck.

Tumilapon ang biktima at nabagok ang ulo nito habang nagtamo ito ng matitinding pasa at sugat sa katawan na mabilis namang isinugod sa  Mount of Blessing Hospital, sa Brgy Poblacion, Libungan, Cotabato at kalaunan ay inilipat sa Cotabato Regional Medical Center, sa Cotabato City, pero dakong alas-11:45 ng gabi ay binawian ng buhay ang biktima.

 

Please follow and like us:
Read More

RIDER SUMEMPLANG, PISAK SA BUS

accident12

(NI ANNIE PINEDA)

PISAK ang isang rider makaraan magulungan ito ng pampasaherong bus nang sumemplang umano ito sa pag-overtake, sa Iloilo City.Kinilala ng biktimang si John Martinez, 37, at residente ng Barangay Ito Norte, Cabatuan, Iloilo.
Hawak naman ng pulisya ang suspek at driver ng Ceres bus na si Richard Sayat.

Batay sa report ng Dumangas-PNP, dakong alas 4:30 ng hapon ng Linggo nang maganap ang insidente sa kalsada ng Brgy. Balabag, Dumangas, ng nasabing lungsod.

Lumabas sa pagsisiyasat ng pulisya, binabaybay ng biktima ang nasabing lugar nang mag-overtake umano ito sa kasunod na motorsiklo subalit bigla na lamang siyang nawalan ng kontrol sa manibela dahilan para sumemplang ito.

Sakto naman na kasunod rin ang Ceres bus dahilan para pumailalim ito at magulungan ang katawan.

Kaagad naman dinala sa Don Jose Monfort Medical Center sa Barotac Nuevo, Iloilo si Martinez, pero nalagutan din ng hininga makalipas ang ilang oras.

Kusa naman sumuko sa pulisya si Sayat at nakatakdang sampahan ng kaukulang kaso.

Please follow and like us:
Read More

LASING NA RIDER, SHOOT SA MANHOLE, PATAY

accident121

(NI SIGFRED ADSUARA)

DAHIL sa sobrang kalasingan at mabilis na pagmamaneho, nakipagpatintero sa kamatayan ang isang 38-anyos na security guard nang bumulusok ang minamanehong motorsiklo sa isang manhole sa Trece Martires City, Cavite.

Hindi na umabot nang buhay sa MV Santiago Medical Center ang biktimang si Christian Luneta, ng  385 Brgy. Paradahan 1 Tanza, Cavite.

Sa ulat ni Pat. John Gregory Bago, ng Trece Martires City Police Station, dakong ala-1:48 ng madaling araw nang maganap ang insidente sa kahabaan ng Governor’s Drive ng naturang lungsod kung saan  minamaneho ng biktima ang kanyang motorsiklong Yamaha DT125 na may plakang PC 5115.

Binabagtas ng biktima ang nasabing lugar patungo sa direksiyon ng Manggahan sa Gen. Trias City Cavite at pagsapit sa tapat ng Waltermart nang nawalan ng kontrol ang kanyang manibela.

Dahil sa kalasingan ay bumulusok ang kanyang motorsiklo sa isang malalim na manhole dahilan upang mabagok ang ulo na nagresulta sa kanyang kamatayan.

 

Please follow and like us:
Read More

‘TIL DEATH DO US PART

accident121

(NI ANNIE PINEDA)

PATAY ang mag-asawa na nakamotorsiklo makaraan salpukin sila ng humaharurot na motorsiklong minamaneho ng lasing, iniulat kaninang umaga sa lalawigan ng Pangasinan.

Kinilala ang mga namatay na sina George Lomibao at misis nitong si Rosalie Lomibao, kapwa residente ng Brgy Naguilayan, San Carlos City, Pangasinan.

Hawak naman ng pulisya ang suspek na kinilalang si Robinson Bied, 19.

Batay sa report ng pulisya, minamaneho ni George ang kanyang motorsiklo sakay ang asawa nito nang bigla na lamang nag-overtake ang suspek na kasalubong ng mag-asawa.

Sa bilis ng patakbo ng suspek, napunta ito sa linya ng mag-asawa dahilan para masalpok ang mga ito at bumagsak ang mga biktima sa sementong kalsada.

Nagtamo ng matinding pinsala sa ulo at katawan ang mag-asawang Lomibao na agad nilang ikinamatay.

Nabatid na lasing umano sa alak ang suspek habang nagmamaneho na naging dahilan ng aksidente.

Nahaharap ngayon sa kasong reckless imprudence resulting to multiple homicide ang suspek.

 

Please follow and like us:
Read More

MOTORSIKLO, DUMP TRUCK NAGSALPUKAN; 2 PATAY

accident121

(NI KEVIN COLLANTES)

KAPWA dead on the spot ang isang rider at kanyang back rider nang makasalpukan ng kanilang sinasakyang motorsiklo ang isang dump truck sa pakurbadang bahagi ng kalsada sa Barangay San Jose, Antipolo City, Linggo ng madaling araw.

Batay sa ulat na nakarating sa tanggapan ni Rizal Police Provincial Office (RPPO) Director P/Col. Lou Evangelista, nakilala ang mga biktimang sina Vladimir Galvez, nagmamaneho ng motorsiklo, at ang kanyang angkas na si Ryan Haropohop, residente ng Tanza, sa Barangay San Jose.

Samantala, arestado naman na ang suspek na si Charlie Pating, driver ng dump truck at residente ng Marikina City.

Batay sa ulat ng Antipolo City Police, na pinamumunuan ni P/LtCol. Villaflor Bannawagan, lumilitaw na dakong alas-12:10 ng madaling araw nang maganap ang salpukan ng motorsiklo at dump truck sa Marcos Highway, sa Sitio Cabading, sa Barangay San Jose.

Nauna rito, magkaangkas sa isang Sky Go motorcycle ang mga biktima at binabagtas ang naturang highway, patungo sa area ng Boso-boso, nang pagsapit sa pakurbadang bahagi ng kalsada ay makasalubong nito ang dump truck na minamaneho naman ni Pating, na nagresulta sa pagsasalpukan ng mga ito.

Dahil sa tindi ng impact ng salpukan, kapwa tumilapon ang mga biktima mula sa motorsiklo na agarang ikinamatay ng mga ito, habang nadakip naman ng mga rumespondeng alagad ng batas si Pating, na nakapiit na at sasampahan ng kasong reckless imprudence resulting in multiple homicide sa piskalya.

 

Please follow and like us:
Read More

RIDER NA NAKAPATAY SA 16-ANYOS ARESTADO

tondocrime12

(NI HARVEY PEREZ)

NASA kustodiya na ng  mga tauhan ng Manila Police District-Police Station 1, ang rider na bumaril at nakapatay sa isang 16- anyos na binatilyo sa isang follow-up operation, Huwebes ng madaling araw sa  Tondo, Maynila.

Itinurn-over na sa Manila Police District-homicide section,ang suspek na si Mark Joseph Vasquez, 22, at residente ng Barangay 68 sa Tondo.

Alas-2:00 ng madaling araw nang matiyempuhan ng mga pulis sa kanilang bahay ang suspek.

Nabatid na ang suspek ang itinuturong  bumaril at nakapatay sa  biktimang si Kevin Lois Monsod, 16, na residente ng naturang lugar.

Tuluyang nadakip ang suspek sa tulong ng mga CCTV footages mula sa tatlong barangay sa Tondo, kabilang ang sa Barangay 72, kung saan isinagawa ang pagpatay kay Monsod, dakong alas-2:20 ng madaling araw ng Martes sa kanto ng Quezon Street, at  Concha Street, sa Tondo.

Todo tanggi naman ng suspek na siya ang nakapatay kay Monsod dahil nasa bahay lamang umano siya nang maganap ang insidente.

Habang sinabi  naman ni PLT.Col. Reynaldo Magdaluyo,station commander ng MPD-PS 1 na 101% silang sigurado na si Vasquez ang nakabaril at nakapatay kay Monsod.

Kinilala rin ang suspek  ng dalawang menor de edad na kaibigan ni Monsod na siyang nakasaksi sa pangyayari.

Sasampahan naman ng kasong murder sa Manila Prosecutor Office si Vasquez.

Matatandaan na galing sa inuman at papatawid lamang ng kalsada si Monsod at kanyang dalawang menor de edad na kaibigan, nang madaanan sila ng suspek, na may kaangkas na tatlong babae.

Nabatid na  kaklase ng isa sa mga kaibigan ni Monsod ang isa sa mga babaeng angkas ng suspek at binati niya ito ng, “Pangit, kumusta na?”

Hindi naman umano ito nagustuhan ng suspek kaya’t nagbitiw ito ng hindi magagandang pananalita.
Ikinagalit naman ito ni Monsod at dahil nakainom, sinipa nito ang motor ng suspek.

Ilang minuto ay nagbalik ang suspek, bumaba ng motorsiklo , hinabol ang mga binatilyo at saka pinagbabaril dahilan para tamaan si Monsod na nahuli sa pagtakbo.

Tinamaan sa dibdib ang biktima na bumalandra sa kanyang collar bone at tumagos sa baga at tuluyang binawian ng buhay habang ginagamot.

Please follow and like us:
Read More

RESBAK NG RIDER; 16-ANYOS BINARIL SA DIBDIB

crimeshooting12

(NI DAHLIA S. ANIN)

HINDI na umabot nang buhay sa ospital ang isang binatilyo, makaraang barilin ng rider ng sinipa niyang motorsiklo, habang naglalakad sa Tondo, Maynila.

Kinilala ang biktima na si Kevin Lois Mosod, 16, at grade 8 na sana sa pasukan, ng Tondo, Maynila.

Sa kuha ng CCTV sa Barangay 72, naglalakad  ang biktima, kasama ang dalawa pa nitong kaibigan nang dumaan ang motorsiklo na minamaneho ng isang lalaki na may angkas na tatlong babae.

Nagkainitan umano ang rider at ang biktima dahilan para sipain nito ang motorsiklo.

Nakita din sa kuha ng cctv na  hinabol pa ito ng binatilyo.

Umalis ang driver ng motorsiklo at bumalik ito kung nasaan si Monsod at ang kanyang mga kaibigan, saka ito binaril. Isang tama ng bala malapit sa dibdib ng biktima ang tumapos sa buhay niya.

Ayon sa kasama ni Monsod, binati lang umano nila ang isang angkas na babae dahil kaklase ito ng isa sa kanila na tila hindi nagustuhan ng driver, dahil pinagmumura sila. Sinipa umano ni Monsod ang tambutso ng motor nito para gumanti. Pagbalik umano ng rider ay nagtakbuhan sila at napahiwalay sa kanila si Monsod na tinamaan na ng baril.

Sinabi naman ni Police Lt. Col. Reynaldo Magdaluyo, ng Raxabago Police Station, na maaring nagkapikunan ang biktima at salarin kaya nauwi ito sa pamamaril.

Hustisya naman ang hiling ng ina ni Monsod na sana mahanap nila ang salarin. Patuloy namang iniimbestigahan ng pulisya ang kaso.

 

Please follow and like us:
Read More

COUPLE NA RIDER PATAY SA AKSIDENTE SA EDSA

accidentsign1

(NI JEDI PIA REYES)

DEDBOL ang dalawang sakay ng motorsiklo makaraang maaksidente sa EDSA, malapit sa People Power Monument sa lungsod ng Quezon, Linggo ng madaling araw.

Duguang humandusay sa innermost lane ng EDSA ang mga biktima habang tumilapon ng ilang metro pa ang kanilang sinakyang motorsiklo.

Agad na rumisponde sa lugar ang ambulansya ng Metropolitan Manila Development Authority (MMDA) at nadatnan lang ang lalaking biktima dahil naitakbo na ang kasama nitong babae sa Quirino Memorial Medical Center.

Gayunman, wala nang pulso at hindi na rin humihinga ang lalaki nang suriin ng rescue team ng MMDA Road Emergency Group.

Kinumpirma naman ng mga doktor mula sa Quirino Memorial Medical Center na dead on arrival ang babaeng biktima na inaalam pa ang pagkakakilanlan.

Nakuha mula sa lugar ng aksidente ang identification card, cellphone at pera na nagkakahalaga ng higit P4,000 mula sa bag na katabi ng lalaki at mga gamit na nakuha mula sa compartment ng motorsiklo. Batay sa ID, ang biktima ay nakilalang si Dikar Labrador, security guard.

Patuloy nang iniimbestigahan ng mga awtoridad kung ang nangyari ay self-accident o isang kaso ng hit-and-run.

 

 

Please follow and like us:
Read More