PINOY ATHLETES SASANDIGAN NI RAMIREZ

poc

(NI ANN ENCARNACION)

 

OPTIMISTIKO si Philippine Sports Commission (PSC) William ‘Butch’ Ramirez na ang matinding paghahanda ng mga pambansang atleta ang magiging susi sa inaasam nitong muling pagsungkit sa pangkalahatang titulo sa pagho-host ng bansa sa ika-30 edisyon ng Southeast Asian Games.

Aminado si Ramirez na pinakasusi sa kampanya sa internasyonal na torneo ang planado at mahabang na paghahanda para sa ninanais makamit na tagumpay sa Nobyembre 30 hanggang Disyembre 11.

Ayon kay Ramirez, sa kanyang pagdalo sa SCOOP On Air Forum, halos 75 percent ng mga atleta sa bawat National Sports Association ay mayroong international exposure.

Idinagdag niya na bagama’t walang ‘Sports Godfathers’ ngayon ang ating mga atleta, sinuportahan sila ng PSC sa kinakailangan nilang international training and exposure na kinakailangan nila.

Katulad ng ipinagutos ni President Digong (Rodrigo Duterte), ginawa umano ng PSC ang lahat upang matiyak na magiging matagumpay ang mga atletang Pinoy at ang bansa sa ikaapat na paghohost nito sa biennial meet.

Ito ang ikalawang pagkakataon na tatayo bilang chef de mission si Ramirez. Nauna niyang hinawakan ang nasabing posisyon noong 2005 SEA Games kung saan nakamit ng Pilipinas ang pangkalahatang kampeonato sa kada dalawang taong mulit-sports tournament.

At ngayong 2019 SEA Games, kaisa ni Ramirez ang buong bansa na umaasang magagawang muli ng Pilipinas na maging overall champ sa naturang biennial meet.

Please follow and like us:
Read More

30th SEAG VENUES AABOT- RAMIREZ

poc

(NI ANN ENCARNACION)

KUMPIYANSA si Philippine Sports Commission (PSC) Chairman William “Butch” Ramirez na makukumpleto ang mga isinasagawang konstruksiyon at pagrerepair sa iba’t ibang pasilidad sa 84-taon Rizal Memorial Sports Complex pati na rin sa iba pang pasilidad tulad ng Ninoy Aquino Stadium at Philippine Sports Arena.

“Our target completion time and date is set at October 30,” pahayag ni Ramirez, patungkol sa mga ginagawang pasilidad na pagdarausan ng ilang sports events sa darating na 30th Southeast Asian Games na ihohost ng bansa sa Nobyembre 30-Disyembre 11.

“Umaasa kami na matatapos on time. Sabi nga nila, buzzer-beater or at the last minute pero optimistiko kami na magagamit ang lahat ng mga nasabing pasilidad para sa paghohost natin ng SEA Games,” sabi ni Ramirez.

Maliban sa PhilSports Arena na gagamitin para sa  volleyball sa kada dalawang taong Southeast Asian Games na iho-host ng bansa sa ikaapat na pagkakataon, maraming iba pang pasilidad ang kasalukuyang binubuo pa para sa 56 sports na paglalabanan sa biennial meet.

Tinatapos na rin ang bagong pasilidad para sa Skateboarding sa Tagaytay City, beach volleyball sand court sa loob ng Clark, shooting range sa Subic at ang lugar para sa baseball at lawn balls.

Isasagawa sa loob ng Rizal Memorial Coliseum ang sports na gymnastics habang sa Ninoy Aquino Stadium gagawin ang taekwondo at weightlifting.

 

Please follow and like us:
Read More

SEA GAMES EQUIPMENT PARATING NA — RAMIREZ

poc

(NI ANN ENCARNACION)

GABI at araw na ginagawa ng Philippine Sports Commission (PSC) ang lahat ng paraan upang masiguro na darating sa takdang oras ang lahat ng gagamiting sports equipment para sa ika-30 edisyon ng Southest Asian Games.

Inihayag ni PSC chairman William ‘Butch’ Ramirez na nagkausap ang task force na binubuo ng representante mula Philippine Olympic Committee (POC), Philippine Southeast Asian Games Organizing Committee (PHISGOC) at pinamumunuan niyang PSC, kabilang ang iba’t ibang national sports associations (NSAs), para mapabilis ang proseso sa pagkuha ng lahat ng sports equipment para sa SEAG.

Nakipag-usap ang task force sa mga NSA officials sa billiards, ice skating, dancesport, shooting at windsurfing kaugnay sa procurement ng kanilang mga kailangang equipment.

Mayroon lamang 11 mula sa 57 na kasaling NSAs ang nakuha na ang kanilang kailangang equipment. Ang natitirang 46 ay pinoproseso pa.

Gayunman optimistiko si Ramirez na maidedeliber ang mga kagamitan sa tamang oras. “We’re looking at having everything delivered in our warehouse by November 15.”

Dagdag pa ng Chief de Mission ng Team Philippines, “The cooperation among the PSC, POC and PHISGOC is very solid and they are doing a good job screening all the equipment requirements and other requests of the NSAs. The SEA Games task force had gone full blast. We expect everything to be done by next week.”

Ilan sa kinakailangan pang bilhin ay equipment sa shooting, rowing, athletics, weightlifting, wrestling at gymnastics.

Kasama ang mga baril at bala, at practice ranges sa Subic at Philippine Marines headquarters sa Taguig, gagastos ang bansa sa shooting pa lang ng P73.9 milyon.

Sa rowing tinatayang P58.5 milyon,  athletics P43.1 milyon, weightlifting P35 milyon, wrestling P33.3 milyon, at gymnastics P33.1 milyon na ang gagastusin.

Pinakamura ang gastusin sa surfing P549,000, squash P535,000, netball P1 milyon, taekwondo P2.2 milyon, chess P2.3 milyon, jiu-jitsu P2.3 milyion at triathlon P3.9 milyon.

Nagtakda ang gobyerno ng kabuuang  P6.5 bilyon budget para sa paghohost ng Pilipinas sa 30th SEAG kung saan kalahati ay mapupunta sa procurement ng equipment para sa 57 kasaling NSAs.

Ang kada dalawang taon torneo ay magsisimula sa Nobyembre 30 sa Philippine Arena sa Bocaue,  Bulacan at magtatapos sa Disyembre 11.

Please follow and like us:
Read More

SALUDAR BIGO SA PUERTO RICO

(PHOTO BY DANNY BACOLOD)

HINDI gaya ni John Riel Casimero na na-retain ang kanyang WBO interim bantamweight belt via 10th round knockout win kay Mexican Cesar Ramirez, nabigo si Filipino Vic Saludar na mapanatili ang kanyang WBO world minimumweight crown matapos ang 12-round decision loss sa hometown fighter na si Wilfredo Mendez ng Puerto Rico.

Ginanap ang Saludar-Mendez matchup sa Puerto Rico Convention Center sa San Juan kung saan umiskor ang tatlong hurado ng 117-110, 115-112 at 116-111, lahat pabor sa Puerto Rican fighter.

Ang panalo ng 22-anyos na si Mendez ay nagbigay ng panibagong pagasa sa mga boksingero sa Puerto Rico, na walang natirang world title holder simula nang matalo si Emmanuel Rodriguez sa kanyang IBF bantamweight fight sa Glasgow, Scotland noong May.

Nag-imprub ang record ng bagong world title holder na si Mendez sa 14-1, 5 dito ay sa pamamagitan ng knockouts.

Samantalang ang 28-anyos na si  Saludar ay may 19-4, 10 via stoppage.

Dahil sa pagkatalo ni Saludar,  apat na lang ang natirang Pinoy boxers na titleholders; WBO interim bantamweight belt holder John Riel Casimero, WBA bantamweight champion Nonito Donaire Jr., IBF superflyweight kingpin Jerwin Ancajas at boxing sensation Manny Pacquiao na kasalukuyang WBA welterweight champ.

Nitong Sabado ay matagumpay na nadensahan ni Casimero ang kanyang WBO interim world bantamweight title matapos i-knockout si Ramirez sa 10th round ng kanilang laban sa San Andres Sports Complex, Manila.

Unang pinabagsak ng 30-anyos na si Casimero ang 31-anyos na si Ramirez sa third round. Nasundan pa ito sa fifth, na ayon sa Mexican ay nawalan lang siya ng balanse.

Pagdating ng 7th round ay muling pinatumba ng Pinoy ang Mexican at panghuli ay sa 10th round kung saan tuluyang hininto ng referee ang laban.

Sa kasalukuyan ay may 28-4 win-loss card, 19 sa pamamagitan ng knockout si Casimero, habang si Ramirez ay may 18-4, 11 by stoppage.

Please follow and like us:
Read More

SEAG TULOY NA TULOY–RAMIREZ

poc

(NINA DENNIS INIGO, ANN ENCARNACION)

TINIYAK ni Philippine Sports Commission (PSC) chairman William “Butch” Ramirez na tuloy ang Southeast Asian (SEA) Games sa November 30.

“I would like to inform the Southeast Asian Federation and all our Filipino people and the Filipino sporting world that the order of the President no matter what, it’s of national interest to proceed with the November 30 Southeast Asian Games,” ani Ramirez sa ulat ng Rappler.

Si Ramirez ang itinalaga ni Pangulong Rodrigo Duterte bilang Team Philippines chef de mission sa 2019 SEA Games at inatasan na tiyakin ang maayos na preparasyon ng mga atletang sasabak sa biennial meet.

Sinabi ng PSC chairman na batid ng Pangulong Duterte ang leadership struggles sa Philippine Olympic Committee (POC) na maaaring makaapekto sa nalalapit na paghohost ng bansa sa SEAG.

“He (Duterte) insisted that we expand our energies towards our athletes’ preparation for the Games, and that the issues of the Philippine Olympic Committee to be solved within their ranks,” dagdag ni Ramirez.

Patuloy na pinag-aagawan ang POC chairmanship matapos na biglaang magresign noong Martes (Hunyo 18) ang head nitong si Ricky Vargas.

Napilitang magbitiw sa kanyang posisyon si Vargas dahil sa maraming isyung ipinupukol sa kanya kabilang na ang pagbuo ng Philippine Southeast Asian Games Organizing Committee (PHISGOC) Foundation Inc., pati na ang pagpasok sa kontrata sa sports apparel na Asics.

Pansamantalang humalili kay Vargas si first vice president  Joey Romasanta na kwestyonable naman ang kwalipikasyon, ayon kay POC chairman Abraham “Bambol” Tolentino na may planong magpatawag ng special election.

Ipinunto ni Tolentino na sa ilalim ng POC Bylaws Article 7 section 6, “a special election may be called by the chairman within 30 days from the date the vacancy arises if the named successors – first vice president and second vice president – are not qualified to succeed.

“These two officers must possess the qualifications of a POC president. Among others, they must be an incumbent president of an Olympic Sport-NSA.”

Si first vice president Romasanta ay kasalukuyang  vice president ng volleyball association habang ang second vice president na si Antonio Tamayo ay presidente ng soft tennis, na hindi Olympic sport.

Dati rin pangulo si Romasanta ng defunct Philippine Karate Federation, na sinuspinde ng  World Karate Assocation dahil sa “local officials’ alleged misuse of funds.”

Samantala sa isang sulat ni Pilipinas Sepaktakraw Association Inc. President Karen Tanchanco-Caballero ay iginiit nito na hindi nararapat maupo bilang POC chief si Romasanta.
Ayon pa kay Asian Sepaktakraw Association at International Sepaktakraw Federation Vice President Tanchanco-Caballero, dapat na sundin ang nakasaad sa POC By-Laws hinggil sa mamumuno dito.

Please follow and like us:
Read More

NAGBAGO NG ISIP; SEA GAMES CHEF DE MISSION TINANGGAP NI RAMIREZ

psc12

(NI ANNE ENCARNACION)

MATAPOS tanggihan nitong Martes, Miyerkoles ay nagbago ang isip ni Philippine Sports Commission (PSC) chair William “Butch” Ramirez at tinanggap na ang posisyon bilang chef de mission ng 30th Southeast Asian Games na gaganapin sa Nobyembre 30 hanggang Disyembre 11.

“Last night, I was given firm instructions which I shall carry out, knowing beyond any doubt that national interest is primary concern of government, and should be of all,” paliwanag ni Ramirez sa press conference kasama sina Philippine Olympic Committee (POC) president Ricky Vargas, POC Communications Director Ed Picson, Deputy Secretary General Karen Tanchangco-Caballero at representante ni Executive Secretary Salvador Medialdea na si Undersecretay Kim Raisa Uy.

“I humbly accept the Chef de Mission post for Team Philippines 2019 Southeast Asian Games participation. I accept the challenges of the CDM position, aside from the instructions of my bosses, is to heed the call for help of the Philippine Olympic Committee. As the sports government, we show our readiness to step in, to help in the capacity being requested and if possible, mediate to make unity happen,” dagdag niya.

Nakialam na ang Malakanyang sa gulo sa Philippine sports lalo’t ilang buwan na lang ay sisimulan na ang SEAG na ihohost ng bansa.

“ I always say there is no perfect organization. To one problem, there are different solutions presented by different people. Imperfect as it is, there should always be a balance between mind and heart or chaos ensues. Leaders are bound by duty to perform their tasks. We at the Philippine Sports Commission, being public workers, are bound by duty to deliver, the situation around us notwithstanding,” sabi ni Ramirez, na nanawagan ng pagkakaisa ng lahat para sa ikatatagumpay ng 30th SEA Games.

Please follow and like us:
Read More