P6-M PUSLIT NA YOSI NAKUMPISKA SA RAID

(NI GINA BORLONGAN)

UMAABOT sa halagang P6 milyong kontrabando ng puslit na sigarilyo ang nakumpiska ng awtoridad makaraang salakayin ng pinagsanib na operatiba ng pulisya at Bureau of Internal Revenue(BIR) ang bodega ng Fonchun Industrial Compound sa Barangay Santol, Balagtas, Bulacan, Martes ng hapon.

Base sa report ni P/Col.Emma Libunao, Bulacan police director kay P/Brig.Gen Rhodel Sermonia, Regional Director ng Police Regional Office 3 (PRO3), patuloy na tinutugis ng awtoridad ang may-ari ng bodega na nakilalang si Johnny Lee at kasama nito makaraang makatunog at makatakas na sasalakayin ng awtoridad ang kanyang bodega.

Bandang ala 1:20 ng hapon nang salakayin ng pinagsanib na operatiba ng Special Concern Unit-Regional Intelligence Division 3,Balagtas Municipal Police, Regional Mobile Force Battallion 3, Japan Tobacco International (JTI) at BIR ang bodega sa Fonchun Industrial Compound sa Barangay Santol, Balagtas.

Nabatid na armado ang Tobacco Striking Force ng mission order na inisyu laban sa may-ari ng bodega at kasama nito at dito na nakumpiska ang 245 master cases ng untaxed cigarettes; Modern Far Star (filter),Far Star (Mentholated).
Ang lahat ng mga nakumpiskang kontrabando ay nasa ilalim ngayon ng kustodiya ng BIR para sa dokumentasyon habang patuloy pa ang follow-up operation ng pulisya para masakote ang may-ari ng warehouse.

Tiniyak ng Bulacan PNP na ipagpapatuloy ang pagpapatupad ng pinatinding kampanya laban sa lahat ng uri ng kriminalidad bilang pagtalima sa direktiba ng PNP Chief at PRO3 Chief Brig.Gen. Sermonia.

 

Please follow and like us:
Read More

BAHAY NG EX-COP VS KIDNAP NI-RAID:  P1.3-M CASH, ARMAS NAKUHA

(NI DAVE MEDINA)

NAKAKUMPISKA ang mga awtoridad ng P1.3 milyong halaga ng pera at ilang armas sa bahay ng isang dating pulis na umano’y sangkot sa kaso ng kidnapping sa limang Chinese national sa Las Piñas City.

Sa bisa ng search warrant, hinalughog ng mga tauhan ng Las Piñas City Police at Philippine National Police-Anti-Kidnapping Group (PNP-AKG) ang bahay ni dating Staff Sgt. Magdaleno Fernandez Pacia Jr. at live-in partner nitong si Andrelyn Gayumali Naldoza sa Barangay Pulang Lupa Uno alas 5:00 ng madaling-araw ng Biyernes.  Naaresto si Naldoza  sa kanilang bahay sa Pulang Lupa Uno ngunit wala si Pacia nang magsagawa ng operasyon ang pulisya.

Maliban sa pera, nakuha rin sa tinitirhang bahay ni Naldoza ang 9mm pistol,  dalawang kalibre .45 na baril, ilang bala para sa iba’t ibang uri ng baril,  granada at ilang cellphone.

Kasamang nasamsam ang police uniform ni Pacia na may name plate, bull cap at mga badge na may logo pa ng National Bureau of Investigaton (NBI).

Nakuha rin sa bahay ang 30 piraso ng credit card , 150 card ng Visa at pitong identification card na may pangalang Angel Vertucio.

Dating nakatalaga si Pacia sa Southern Police District (SPD) pero nasibak sa puwesto noong April 2018 dahil sa kasong pagnanakaw at illegal possession of explosives.

Please follow and like us:
Read More

MAHIGIT P23-M NAKUHA SA INVESTMENT FIRM; STAFF NAKATAKAS 

(NI AMIHAN SABILLO)

SINALAKAY  ng mga kawani ng Criminal and Investigation and Detection Group (CIDG) ng Philippine national Police (PNP), Philippine Army (PA) at Armed Forces of the Philippines (AFP) ang isang investment firm sa Brgy. Cubi-cubi, Nasipit, Agusan Del Norte na nasasangkot umano sa scam dahil sa paglabag sa securities and regulations code.

Ayon kay CIDG Spokesperson Lt. Col. Mary Grace Madayag, alas-8 Miyerkoles ng gabi nang magsagawa ng operasyon laban sa FRX Rice Trading, makaraang makatanggap ng ulat mula sa isang confidential informant na mayroong pay out nitong Miyerkoles ang mga miyembro ng trading company kaya naman nagkasa sila ng operasyon.

Nasaktuhan pa sa lugar ang mga kasapi ng trading company na nakatanggap na ng payout ngunit sa kasamaang-palad ay nakatakas naman ang mga staff ng FRX.

Kabilang sa mga nakuha sa kumpanya ang 5 storage box na naglalaman ng mahigit P23 milyon, tatlong  counting machines, 127 logbooks, tatlong notebook at 5 piraso ng folder.

Matatandaan na bago nito, apat na investment scam company na rin ang nasalakay ng CIDG na karamihan ay nag o-operate sa Mindanao.

 

Please follow and like us:
Read More

LIDER NG ILLEGAL MINING, NAKATUNOG, NAKAPUSLIT SA RAID

camnorte12

(NI NICK ECHEVARRIA)

NAKATUNOG ang lider at tumatayong financier ng Maligat group na subject ng dalawang search warrants ng mga tauhan ng Camarines Norte Police Provincial Office at Criminal Investigation and Detection Group (CIDG)  kung kaya’t hindi na ito inabutan sa kanyang tahanan.

Isinilbi ng mga tauhan ng Jose Panganiban Municipal Police Station (MPS) at mga intelligence operatives ng nabanggit na lalawigan ang dalawang search warrants mula sa sala ni Judge Evan Dizon ng Camarines Norte RTC Branch 40 para halughugin ang tahanan ni Rodolfo Maligat, Sabado, ng alas-11:40 ng tanghali.

Si Maligat ay suspek sa mga kasong paglabag sa RA 10591 at RA 9516, subalit hindi na ito inabutan pa sa kanyang tahanan ng mga raiding team.

Gayunman nakumpiska ng mga awtoridad sa tahanan ng suspek sa Purok 3, Brgy. Sta. Rosa Sur ang (70) piraso ng mga blasting caps; (15) piraso ng mga safety time fuses with blasting caps; (2) vacuum sealed emulsion explosives; at isang rolyo ng safety time fuse detonating cord na may habang 30 metro.

Lumalabas na ang grupo ni Maligat ang pasimuno sa operasyon ng illegal mining activity sa bulubunduking bahagi ng bayan ng Jose Panganiban sa Camarines Norte.

 

Please follow and like us:
Read More

DRUG DEN NA ‘FAMILY BUSINESS’ SINALAKAY

droga9

(NI LILY REYES)

ARESTADO ang  anim katao kabilang na ang 16-anyos na dalagitang ina  na umanop’y  drug runner  nang maaktuhan ng mga operatiba ng Quezon City Police District (QCPD) na gumagamit ng droga  kahapon ng madaling araw  sa Brgy. Pasong Tamo, Quezon City.

Ang mga naaresto ay kinilalang sina alyas Jayson, 35;  kinakasama nitong si alyas Mary Grace,37 at ang kaibigang si Jhocy, 41, Erasto 41;  kinakasama nitong si Melinda 36 at ang 16 anyos na  batang babae na si alyas Samsam.

Ayon kay Barangay Executive Officer Nestor Del Rosario, pinuntahan nila ang  magkakatabing bahay  matapos magsumbong sa kaniya ang isang tricycle driver tungkol      sa nagaganap na drug session sa  nasabing barangay. Pinauupahan din umano ang bahay sa mga residenteng gusting bumatak ng shabu.

Naaktuhan umano na gumagamit sa isang bahay sina alyas Jayson, 35, kinakasamang si alyas Mary Grace, 37, at kaibigang si alyas Jhocy, 41.

Nasa kuwarto naman ng ibang bahay ang ama ng dalagita na si alyas Erasto, 41.

Inaresto  rin ang kinakasama ni  Erasto na si  alyas Melinda, 36, dahil sa pagpapatakbo  umano ng nito ng drug den, at ayon sa Talipapa Police Station 3 ng QCPD nahuli na rin  siya sa kasong may kinalaman din  sa ilegal na droga noong 2018.

Naabutan din  sa labas ng bahay ang alyas Samsam, na nakuhanan ng sachet ng hinihinalang shabu sa kaniyang bag.

Napag-alamang nagdadala umano ng droga ang dalagita sa Caloocan City para may maipambili ng gatas para sa dalawang taong gulang nitong anak.

Please follow and like us:
Read More