8 PUSHERS TIKLO SA P3-M SHABU

SHABU BUYER

DAVAO City – Arestado ang walong hinihinalang tulak ng ilegal na droga makaraang matiktikan sa isang checkpoint ang P3 milyong halaga ng umano’y shabu na tangkang ipasok sa lungsod na ito, dakong alas-5:00 ng hapon noong Sabado.

Sa ulat ng Davao City Police Office (DCPO), kinilala ang mga suspek na sina Abolkaer Cabugatan, 48; Oden Busran, 45; Mohammad Gubat, 32; Jerry Ali, 51; Lando Ali, 50; Rosalyn Abdulgani, 40; Eddie Acop, 44, at Norlayla Dipatuan, 19-anyos.

Napag-alaman, tinatayang 178.61 gramo ng umano’y shabu ang nakumpiska sa inilatag na checkpoint ng Task Force Davao sa Barangay Lacson sa bayan ng Calinan.

Sinabi ng DCPO, nakasakay sa isang Toyota Innova ang walong suspek na mula sa Lanao del Sur at papasok sana sa lungsod.

Nang tingnan ang sling bag na dala ng mga suspek, nakita umano ng mga awtoridad ang droga sa loob nito.

Agad itinuro ng anim na mga suspek ang kanilang kasama sa sasakyan na si alyas Abdulkaer na siya umanong nagmamay-ari ng mga droga na agad ding umamin na siya nga ang may dala nito.

Nasa kustodiya na ng Calinan Police Station ang mga suspek na sasampahan ng kasong paglabag sa RA 9165 o Comprehensive Dangerous Drugs Act of 2002. (DONDON DINOY)

Please follow and like us:
Read More

2 ‘SMALL-TIME PUSHERS’ TIKLO SA 9 PULIS-QC

KULONG-2

(Ni NELSON S. BADILLLA)

DALAWANG pinaniniwalang ‘small-time pushers’ ang nahuli ng siyam na pulis sa buy-bust operation sa Quezon City kaninang madaling araw.

Sina Rex Garcia at Querobin Chico ay nasakote sa isinagawang buy-busy operation bandang 3:30 a.m. sa kanto ng Kaliraya at Manungal Streets sa Brgy. Tatalon.

Ayon sa ulat ng Quezon City Police District – Galas Police Station, ang tropa ng mga pulis dumapot kina Garcia at Chico ay sina Senior Inspector  Jovito Guevarra, SPO2 Edel Cañaveral, PO1 Darrel Tomas, PO1 Jayson Salleng, PO1 Domingo Tamang, PO1 Jan Kenneth Sacay, PO1 Marvin Paul Marfil, PO1 Frederick Passilan, at PO1 Marlon Balais.

Nadakip nila Guevarra sina Garcia at Chico matapos mag-abot umano nito ng tatlong sachet na naglalaman ng shabu sa pulis na nagpanggap na bibili ng iligal na droga kapalit ang P200.

Pinaniniwalang hindi lumaban ang dalawa sa mga pulis, kaya sa presinto ang bagsak nila.

Nakumpiska  mula sa dalawa ay tatlong sachet na naglalaman ng shabu, 2 pirasong tig-P100 na ginamit na buy-bust money, at isang pang P100.

Nahaharap sa kasong paglabag sa Republic Act 9165 sina Garcia at Chico.

Please follow and like us:
Read More