PULIS BINARIL SA ULO NG TAUHAN SA NEGOSYO

crime

(NI NILOU DEL CARMEN)

LOS BAÑOS, LAGUNA — Patay ang isang pulis matapos barilin ng kanyang sariling tauhan sa kanyang negosyo sa Los Baños, Laguna, Miyerkoles ng gabi.

Kinilala ni PLtCol Louie Dionglay, hepe ng Los Baños Police, ang biktima na si Police Staff Master Sergeant Dominic Obligado, 43, nakatalaga sa Lucena City Police Station.

Batay sa report, nakikipag-inuman ang biktima sa mga kaibigan sa Barangay  Tuntungin-Putho  alas 9:50 ng gabi, nang biglang dumating ang suspek na si Ruel Nabatilan, alyas Burnok at binaril ang biktima gamit ang kalibre 45 baril.

Nagtamo ito ng tama ng bala sa ulo at nasawi matapos mairating sa  Los Baños Doctors Hospital.

Tumakas naman ang suspek at ang kasama nito na si Cresencio Pitogo matapos ang pamamaril.

Napag-alaman na ang dalawa  ay parehong pinagkakatiwalaan o mga  tauhan ng pulis sa kanilang negosyong pautang.

Nagkasa na ng manhunt operation ang mga awtoridad  laban kay Nabatilan at Pitogo.

 

Please follow and like us:
Read More

PULIS NA NAGBANTA, NAPIKON SA VIRAL VIDEO, SINIBAK

(NI KOI HIPOLITO)

IPINAG-UTOS ni NCRPO Chief P/MGen. Guillermo Eleazar kay Eastern Police District (EPD) Director P/BGen. Nolasco Bathan ang agarang pagsibak sa puwesto kay P/SMS Arnulfo Ardales na naka-assign sa San Juan City Police Station (PCP-4) ngayon araw ng Linggo.

Matatandaan na nag- viral sa social media ang pulis na si Sergeant Ardales matapos nitong pagmumurahin at bantaan ang biktimang si Aaron Estrada, 21, call center agent at residente ng Brgy. Ermitaño sa Lungsod ng San Juan, habang bumibili sa isang sari-sari store/karinderya sa Aurora Boulevard.

Hindi umano nagustuhan ng pulis ang umano’y hindi pagrespeto sa kanya ng biktima habang nakasabayan bumili ng pagkain sa tindahan na naging dahilan umano para murahin at pagbantaan ito ng suspek.

Pansamantalang inilipat muna si Ardales sa District Headquarters Service Unit (DHSU) ng Eastern Police District habang iniimbestigahan ang kanyang kaso.

 

Please follow and like us:
Read More

PULIS NA SUSPEK SA QUEZON ‘ROAD RAGE’, SUMUKO NA

arrested12

(Ni JUN V. TRINIDAD)

QUEZON – Sumuko na sa mga otoridad ang isang pulis na umano’y responsable sa naganap na pamamaslang sa dalawang motorista sa bayan ng Candelaria kamakailan.

Ayon kay Lt. Colonel Franco Allex Reglos, Candelaria police chief, imbyerna sa buhay at init ng ulo sa pakikipagtalo ang nagtulak sa suspek na si Staff Sgt. Angel Ilao Jr. na barilin ang dalawang nakagalit na motorista.

“Sabi niya (Ilao) ay dala ng bugso ng damdamin dahil nagkaroon ng pagtatalo sa aksidente. At may mga previous problems siya. Namatayan siya ng kapatid lately,” ani Reglos sa panayam sa telepono.

Ang suspek na nakatalaga sa Sampaloc police station sa lalawigan ay sumuko sa hepe ng pulis ng nasabing bayan noong bago maghating-gabi ng Linggo.

“Kusa siyang sumuko dahil continuous ang hot pursuit operation ng police. Namonitor niya na hinahanting siya,” ani Reglos.

Natunton ang suspek mula sa records ng kanyang ginamit na Toyota Fortuner (ATA 1751) noong araw na ‘yon. Ang nasabing sasakyan ay nakarehistro sa Land Transportation Office (LTO) sa pangalan ng kanyang asawa.

Noong Lunes ng hapon ay isinagawa ang inquest proceeding sa suspek na ngayon ay nakapiit sa Candelaria police jail at nahaharap sa kasong double murder.

Matatandaan na noong Sabado ng gabi ay aksidenteng nagkasagian ng Hyundai EON (AAA 9517) at ang sasakyan ng suspek sa isang bahagi ng bypass road sa Barangay Masin Sur.

Habang nag-uusap ang dalawang tsuper para ayusin ang gusot ay walang sabi-sabing niratsada ng sunod-sunod na pamamaril gamit ang hindi pa nalalamang kalibre ng baril ang katalong tsuper na si Marvin Domenden at ang may-ari ng Hyundai EON na si Domingo Dialino.

Dead on arrival si Domenden sa Peter Paul Medical Center sa kabayanan at namatay naman si Dialino habang ginagamot sa nasabi ring ospital.

Please follow and like us:
Read More

PULIS MAYNILA, TIMBOG SA KIDNAPPING

arrested124

(NI JULIE DUIGAN)

DAHIL sa bisa ng arrest warrant, naaresto Martes ng umaga, ang isang pulis Maynila, sa kasong Kidnapping at Serious Illegal Detention, apat na taon na ang nakakaraan sa Antipolo City .

Si P/Staff Sgt. Alejandro Ruz  ay inaresto alas-9:30 ng umaga , sa harap ng Manila Police District –Ermita Police Station 5 .

Dahil sa bisa ng warrant of arrest na inisyu ni Judge Ma.Consejo Gengos-Ignalaga ng Regional Trial Court Br.B -98 ng Antipolo City, inaresto ng pinagsanib na puwersa ng Integrity Monitoring & Enforcement Group, Manila Police District-General Assignment Investigation Section at ng MPD-PS 5, si Ruz.

Ang kaso ay naganap umano noong July 30, 2015 .

Si Ruz ay dating nakatalaga sa Manila City Hall  and  Action Special Assistant (MASA) sa ilalim ni Manila Joseph Estrada.

Nasa kustodiya na ng  IMEG sa Camp Crame si Ruz, upang mapanagot sa ibinibintang dito.

 

Please follow and like us:
Read More

2 PULIS TIMBOG SA KOTONG

(NI BONG PAULO)

KALABOSO ang dalawang mga pulis matapos  arestuhin ng mga kabaro nila sa inilatag na entrapment operation na ikinasa ng PNP-Counter Intelligence Task Force (CITF) dahil sa pangingikil ng mga suspek sa kanilang inaresto sa bayan ng Wao, Lanao del Sur, nitong Miyerkoles.

Kinilala ang mga pulis na inaresto na sina Police Staff Sergeant Jeffrey Romero Fabros at Police Master Sergeant Erwin Piquero.

Ayon kay CITF commander Police Col. Romeo Caramat, ang dalawa ay kapwa nahuli sa aktong nangongotong matapos na tumatanggap ng P50,000 na marked money mula sa complainant.

Ayon sa nagrereklamong si Laut Madale, naaresto ang kanyang anak nina Piquero matapos salakayin ang kanilang bahay na walang search warrant noong Mayo 17 para sa illegal possession of firearms at nakuhanan ng isang .45 kalibre na baril.

Hiningan umano ng mga nadakip na pulis si Madale ng P200,000 kapalit ng kalayaan ng kanyang anak at mapababa ang kaso.

Sinabi pa ni Madale na nakapagbigay na siya ng P100,000 at pinalabas ang anak. At may balanse pa silang isang daan libo na bumaba sa P50,000.00.

Dahilan para magsumbong si Madale sa CITF at dito naaktuhan tinatanggap nina Piquero ang P50,000 marked money.

Napag-alaman na ang dalawang mga parak ay inilipat sa Midnanao matapos na madawit ang mga ito sa illegal na droga.

 

Please follow and like us:
Read More

SIMBAHAN, PULIS KAPIT-BISIG SA PAYAPANG ELEKSIYON

comelec45

(NI HARVEY PEREZ)

TITIYAKIN ng Simbahang Katolika at Philippine National Police (PNP) na magkakaroon ng mapayapa at maayos na halalan sa midterm elections sa Mayo 13.

Nakipagpulong ang mga kinatawan ng Catholic Bishops’ Conference of the Philippines, Sangguniang Laiko ng Pilipinas at Parish Pastoral Council for Responsible Voting sa mga opisyal ng Philippine National Police (PNP) upang talakayin ang mga paghahanda para May 13 elections.

Pinangunahan ni Rev. Father Jerome Secillano, executive secretary ng CBCP-Permanent Committee on Public Affairs ang pulong na sumentro sa pagtutulungan ng Simbahan at ng pambansang pulisya para tiyakin ang malinis at maayos na midterm elections.

Sinabi  naman ni P/MGen Benigno Durana Jr., head ng PNP Directorate for Police Community Relations (DPCR), bukod sa halalan ay natalakay din kung paano ganap na maipatutupad ng PNP ang programang Ugnayan ng Simbahan at Pulis (USAP).

Layunin ng USAP na magkaroon ng matibay na ugnayan ang mga awtoridad at mga opisyal ng Simbahan hindi lamang ng mga Kristiyano’t Katoliko kundi maging sa iba pang mga relihiyon.

Inaasahan naman ang pagkakaroon ng maayos na relasyon at pagtutulungan ng mga pulis at mga church volunteers partikular na ang PPCRV upang matiyak na masusunod ng mga botante ang panuntunan sa mismong araw ng halalan.

Hiniling rin naman ng pamunuan ng PNP ang suporta ng Simbahan hindi lamang bilang paggabay sa lahat ng mga pulis na maitatalaga para bantayan ang halalan kundi para na rin mismo sa pangkabuuang kapayapaan at kaayusan ng halalan.

Kaugnay nito, sinabi ni Durana na walang anumang impormasyon o banta na natatanggap ang PNP kaugnay sa seguridad sa halalan.

 

Please follow and like us:
Read More

PARAK BINARIL NG SENGLOT NA GF

crimeshooting

(NI TJ DELOS REYES)

SUGATAN ang isang pulis matapos barilin siya ng kanyang kinakasama habang nadamay din ang kasambahay ng dalawa matapos na pumagitna at umawat nitong Linggo sa Quezon City.

Kinilala ang mga biktima na sina Patrolman Wilson Pepito, 34, nakatalaga sa Police Community Precinct 3 (PCP-3) ng  Bagong Silang, Caloocan City, at Janet  Macahilig, 37, kapwa residente ng 65 Sampaguita St., Maligaya Park Subdivision, Brgy. Pasong Putik.

Agad naman naaresto ang suspek na si Angeline Flora, 27.

Batay sa ulat ng Fairview Police Station 5 ng QCPD, dakong alas-5:30 ng hapon nang maganap ang insidente habang nagdiriwang ng kanyang ika-34 na kaarawan si Pepito, sa kanilang tahanan.

Lumalabas na masayang nag-iinuman ang mga biktima, kasama ang isang alyas ‘Marilyn’, subalit nang malasing si Flora ay bigla na lamang nitong sinunggaban ang .9mm service firearm ni Pepito at binaril ang pulis.

Nadamay naman si Macahilig na noon ay nagtatangkang umawat sa kaguluhan, nang tumagos ang balang tumama sa pulis at aksidenteng tumama sa kanya.

Mabilis na isinugod sa Tala Hospital ang mga biktima para magamot ang tinamong mga sugat.

Narekober sa lugar ng krimen ang isang Rock Island cal. 9mm, magazine  na may siyam na live ammunition at isang basyo ng bala.

Sa ngayon ay mahaharap sa kasong frustrated homicide si Flora dahil sa insidente.

Please follow and like us:
Read More

MGA PULIS NA NATUTULOG HABANG NAKA-DUTY, SINIBAK

PULIS-2

(Ni ROSS CORTEZ)

SINIBAK sa puwesto ang ilang pulis sa Cavite matapos mahuling natutulog habang naka-duty sa trabaho at nakasuot pa ng improper uniform.

Ayon kay Cavite Police Director S/Supt. William Segun, personal siyang nag-ikot kaninang madaling araw para mag-inspeksyon sa iba’t ibang himpilan ng pulisya, partikular sa Rosario, Gen. Trias, Imus, Kawit at Tanza Cavite

Inabutan niyang natutulog ang ilang mga naka-duty at pansamantalang inilagay sa Cavite Provincial Admin Holding Unit ang mga pulis at isasailalim sa pre charge investigation.

Hindi ito ang unang pagkakataon na nag-ikot si PD Segun sa mga istasyon ng pulisya, may ilan na ring nasibak sa puwesto noong nakaraang taon sa Bacoor CPS at Dasmariñas CPS dahil rin sa pagtulog habang naka-duty.

Please follow and like us:
Read More

PULIS UMAWAT SA AWAY MAG-SYOTA GINULPI

pnp

(CHERK BALAGTAS)

ARESTADO ang limang kalalakihan matapos pagtulungang gulpihin ang isang pulis na tumugon lang sa tawag ng tungkulin sa Lungsod ng Malabon Biyernes ng madaling araw.

Kinilala ang mga suspek na sina John Jay Bungco, 27 anyos, security guard; Ian Ajoc, 24 anyos; Vicente Jay Carillo, 21 anyos; Benjiel Carillo, 25 anyos at Gilbert Polo, 30, pawang mga residente ng Barangay Tinajeros ng nasabing lungsod.

Sa ulat ng Malabon City Police, ganap umanong alas 2:30 ng madaling araw nang maganap ang insidente sa kahabaan ng Sisa Street, Goldendale, Barangay Tinajeros ng nasabing lungsod.

Pauwi na sana umano noon ang biktimang si PO2 Johnny Camfoli, 30 anyos, na nakatalaga sa Malabon City Police Community Precint 1 sakay ng kanyang motorsiklo nang mapansin ang isang lalaki na kinalaunan ay nakilalang si Bungco na ginugulpi ang babaeng umano’y karelasyon nito.

At dahil sa tawag ng tungkulin ay agad na huminto si Camfoli at nagpakilalang pulis saka inawat si Bungco, ngunit sa halip na kumalma ay lalong nagalit ang huli at pinagbalingan ng galit ang umaawat lang na pulis.

Pinagsusuntok ni Bungco ang biktima at doon na din nakisali ang apat pang suspek na nakibugbog na din, matapos ang insidente ay agad ding nagsitakas ang mga suspek samantalang kahit na hinang – hina ay nagawa pa ring makahingi ng saklolo ng biktima sa kanyang mga kapwa pulis na agad ding nakaresponde na nauwi sa agarang pagkakaaresto sa lima.

Sa ngayon ay nasa kustodiya na ng Malabon City Police Detention Cell ang mga suspek na nahaharap sa kasong Physical Injuries at Direct Assault, kasalukuyan namang nagpapagaling pa ang biktima sa mga pinsalang natamo niya sa pambubugbog.

Please follow and like us:
Read More

PULIS NAGPAKAMATAY SA LOOB NG BANYO

BARIL-9.jpg

DEAD-ON-ARRIVAL sa ospital ang isang pulis matapos itong magpakamatay sa loob ng banyo sa San Francisco, Naga City araw ng Linggo.

Nakilala ang pulis na si PO1 Hector Nepomuceno, 26-anyos na nagbaril sa sarili gamit ang kaniyang kalibre .22 na baril.

Sa inisyal na ulat ng Bicol police, naganap ang insidente bandang alas-11:30 ng umaga

Nagsasagawa na ng imbestigasyon ang Naga City Police Office sa naturang insidente.

Please follow and like us:
Read More

1 PULIS PINATAY NG NPA

PULIS DEDO

PINATAY ng New People’s Army (NPA) ang isang pulis, ayon sa ulat ng Philippine National Police (PNP).

Ang biktima ay si Senior Police Officer 4 Ronald Galap, nakadestino sa Lubuagan Municipal Police Station sa lalawigan ng Kalinga.

Ayon sa PNP, daking 4:10 p.m. binaril si Galap nitong Miyerkules.

Dahil dito, kumbinsido ang pamunuan ng PNP na maghanda upang hindi makapaghasik ng terorismo ang NPA sa iba’t ibang panig ng bansa bilang paghahanda sa ika-50 taong anibersaryo sa pagkakatatag ng Communist Party of the Philippines (CPP) sa Disyembre 26.

Itinatag ang CPP noong 1968 sa Tarlac at Marso 1969 naman annng NPA kung saan ang layunin ay palitan ang kasalukuyang presidential system ng sisyemang sosyalista ang kontrolado ng iilang pinuno ng CPP ang pamahalaan at militar.

Please follow and like us:
Read More

ABUSADONG PULIS NATAMEME NANG MAKULONG

PULIS-2

WALANG maiharap na mukha ang bagitong pulis matapos siyang bugbugin ng taumbayan at ipahuli sa kapwa niya pulis.

Hindi nakaporma ang pulis-Makati na si Police Officer 1 Louiejo Badajos nang arestuhin siya ng mga pulis-Maynila nitong Linggo ng umaga makaraang bugbugin siya ng maraming residente ng Brgy. 411 sa Sampaloc Maynila bunga ng kanyang pagpapaputok ng baril sa ere.

Ayon sa mga residente, maraming natakot sa kanila kay Badajos, lalo na ang mga bata nang magpaputok ito sa ere, kaya napilitan silang pagtulugang bugbugin ang pulis at ipahuli sa mga pulis-Maynila.

Nakumpiska kay Badajos ang kanyang service firearm na ginamit niya sa pagpapaputok.

Nahaharap sa kasong kriminal at administratibo dahil sa paggamit ng kanyang service firearm nang walang wastong dahilan.

Sabi ni Badajos, nagkakatuwaan lamang sila ng kanyang mga kaibigan habang nag-iinuman, kaya nagawa ni-yang magpaputok.

Please follow and like us:
Read More

BAGITONG PULIS-CRAME TIMBOG SA CLUB

PULIS-2

TAPOS na ang maliligayang araw ni PO1 Marlon Villanueva Jr. makaraang maaresto siya sa loob ng isang club sa Quezon City kahapon ng gabi.

Si Villanueva, 28-anyos, na nakadestino sa Headquarters Support Service (HSS) at residente ng Mandaluyong City, ay nahuli ng mga pulis-Cubao na sina SPO4 Vincent Fabreag, PO1 John Ivan Calva, PO1 Orlando Padilla, at PO1 Raymund Tabag dakong 11:40 p.m. sa loob ng Chitpoint Kitchenette sa kanto ng Pinatubo at Arayat Streets, Brgy. San Martin de Porres dahil sa dala-dala nitong baril.

Ayon sa ulat, lasing si Villanueva nang malaglag ang kanyang baril habang nasa loob ng club.

Nang damputin niya ito ay nakatutok pataas ang baril na ikinatakot ng mga nagtatrabaho sa sa nasabing establisimyento.

Kaya, tumawag sila sa Cubao Police Station hanggang damputin si Villanueva.

Batay sa imbestigasyon, walang lisensya ang 9MM Armscor pistol na dala ni Villanueva na mayroong magazine at walong bala.

Nahaharap sa kasong kriminal si Villanueva.

Ang pagkakahuli ni Villanueva ay panibagong kongkretong halimbawa na nakasisira sa Philippine National Police (PNP).

Sa mga nakalipas na araw, ilang pulis ding may ranggong Police Officer 1 ang nasakote dahil naman sa panggagahasa ng anak ng kanilang nahuli sa iligal na droga at nasakote dahil sa paglabag sa ordinansa. NELSON S. BADILLA

Please follow and like us:
Read More

449 BAGONG PULIS-NCRPO, LUSOT SA ISTRIKTONG RECRUITMENT SYSTEM

PULIS-8

NANUMPA kahapon ang 449 pulis bilang bagong kasapi ng National Capital Region Police Office (NCRPO).

Kumbinsido si Director Guillermo Lorenzo Eleazar, hepe ng NCRPO, na ang mga bagong pulis na may ranggong Police Officer 1 ay resulta ng istriktong recruitment system na isinagawa ng Regional Recruitment and Selection board alinsunod sa mahigpit na sistema ng pagrekrut ng mga bagong pulis.

Batay sa rekord ng NCRPO, 135 sa 449 ay kababaihan, samantalang 314 lahat ang lalaki.

Ayon kay Eleazar, makakatanggap na ang 449 ng parehong sahod at benepisyo tulad ng iba pang PO1 kahit sila nasa temporary basis pa lamang.

Matatanggal ang istatus na ito isang taon matapos sila sumailim sa disciplinary training na binubuo ng NCRPO Orientation Program, militaristic at field training on patrol, investigation, and traffic aspect sa trabaho ng pulisya.

Umaasa si Eleazar na ang 449 ay higit na disiplinadong mga pulis.

“Police work is a noble profession. This requires sacrifice, dedication, determination, and most of all discipline. As you took your oath, you have submitted yourselves as public servant,” paliwanag ni Eleazar matapos manumpa ng mga bagong pulis.

“Along this, bear in mind that we do not compromise the standards of our training. Expect an extensive education and rigid training, Therefore, cease this metamorphosing verge to develop your intellect and character towards the realization of professionalism and good governance,” patuloy ni Eleazar.

Please follow and like us:
Read More