CONTAINER VAN KUMALAS ; TRIKE DRIVER SUGATAN

accident12

(NI RENE CRISOSTOMO)

ISANG 60 footer container van ang kumalas sa isang trailer truck na kung saan sugatan ang isang tricycle boy at madamay din ang isang pick-up, taxi at isang tindahan , Martes ng madaling araw sa Anda Circle, Port Area, Manila.

Batay sa ulat ng Manila District Traffic Enforcement Unit (MDTEU), naganap ang insidente bandang  alas-2:00  ng madaling araw.

Nagtamo ng mga galos at sugat sa iba’t ibang bahagi ng katawan ang tricycle driver na si Menancio Alfino nang umano’y tumilapon ng may ilang metro ang layo.

Sa report ng pulisya , kalalabas lamang sa Port Area ni Arman Mercado, driver ng truck may plate number AUA-4085 nang kumalas sa lock ang 60 footer container van may kargang medical supplies.

Kaagad dinala sa MDTEU si Mercado na dumipensa na hindi naman siya ang nag-lock sa container van pero napag-alaman na amoy alak ito.

Tiniyak naman ng driver na pananagutan nito ang mga napinsalang sasakyan.

Umabot naman ng dakong 7 :00 ng umaga bago  tuluyang naalis ang container van na bumalagbag sa Anda Circle at naging sanhi ng pagsisikip ng daloy ng trapiko.

Please follow and like us:
Read More

SURPLUS APPLIANCE STORES SA PORT AREA, NASUNOG

(NI DAHLIA S. ANIN)

SUMIKLAB ang apoy sa isang commercial complex sa Port Area, Maynila, Sabado ng madaling araw.

Alas 2:40 ng madaling araw nang magsimula ang sunog at agad kumalat sa anim na stalls sa New Port Area Commercial Complex.

Kabilang sa nasunog ang puwesto na may mga panindang, refrigerator, washing machine, helmet sa motorsiklo at mga sewing machine.

Isa rin ang naitalang nasugatan, ayon kay Fire Insp. John Joseph Jalique, ng Manila Fire District, na dinala sa Ospital ng Maynila matapos masunog ang kamay at katawan nito.

Mabilis na kumalat ang apoy sa lugar dahil sa gawa ang mga ito sa light materials at may kalumaan na rin ang complex.

Tinatayang aabot sa 1 milyon ang halaga ng mga nasunog na paninda sa naturang commercial complex.

Umabot sa first alarm ang sunog bago ito naapula.

Pinayuhan naman ng Bureau of Fire Protection ang publiko na i-check ang kable ng kuryente ng mga aplliances sa kanilang mga bahay, upang makaiwas sa disgrasya ng sunog.

 

Please follow and like us:
Read More

BASECO SINUYOD, 2 PATAY; 1,000 BINITBIT

(NI HARVEY PEREZ/PHOTO BY MAYA FELIZA)

BINITBIT ng pinagsanib na puwersa ng Philippine National Police (PNP), Manila Police District at CIDG ang may 1,000 kalalakihan  at dalawa naman ang namatay nang manlaban sa   isinagawang  Simultaneous Anti-Criminality Law Enforcement Operation (SACLEO ), Linggo ng hapon sa Baseco, Port Area, Maynila.

Isinagawa ang pagsalakay sa naturang lugar alas 2:00 ng hapon kung saan nabulaga ang mga residente.

Ang operasyon ay isinagawa sa tugon sa kautusan ni  Manila Mayor Francisco ‘Isko Moreno’ Domagoso na linisin ang Baseco sa kriminalidad at droga.

Nabatid na ang operasyon ay pinangunahan ni PColonel Antonio Yarra, deputy director ng MPD.

Isasailalim umano sa beripikasyon ang lahat ng kalalakihan na inaresto at binitbit sa basketball court.

Ang  mga kalalakihan na may records, warrant of arrest at sangkot sa droga ay ihihiwalay habang pauuwiin naman ang mga walang kaso.

Habang isinusulat ang balitang ito ay patuloy pa rin ang operasyon.

Inaalam pa ng pulisya ang pagkakilanlan ng dalawang nasawi matapos na manlaban sa mga pulis.

 

 

Please follow and like us:
Read More