PADRINO SYSTEM UGAT NG KORAPSYON SA PNP

BINALAAN ng Department of Interior and Local Goverment (DILG) na maparurusahan ang sinomang opisyal ng Philippine National Police (PNP) na mapatutunayang nagpapairal ng “padrino” o “bata bata system” na siya umanong ugat ng korapsyon sa hanay ng kapulisan.

Ayon kay Interior Secretary Eduardo Año, kahit sino ang kaanak o kakilala ng mga nais magpulis, kung hindi sila qualified, hindi sila pwedeng maging pulis.

Papatawan aniya ng kaukulang kaparusahan ang sinomang magpapagamit ng koneksyon para makapasok sa PNP.

Naniniwala ang kalihim na sa hiring process magsisimula ang cleansing program ng pulisya. Malaking ginhawa umano para sa PNP kung masasala agad ang mga aplikante bago makapasok sa serbisyo.

Dapat din aniyang maging transparent ang mga recruiter mula recruitment hanggang sa pagtanggap ng mga ba-gong pulis upang maiwasan ang mga iregularidad.

Nabatid na may 17,000 vacancies ang PNP ngayong 2020 kaya ngayon pa lamang ay higit pang paiigtingin ang ‘internal cleansing’ sa kanilang hanay.

Ito’y kasunod ng pahayag ni Pangulong Rodrigo Duterte tungkol sa ‘nakabaon’ nang korapsiyon sa PNP.

Ayon kay PNP Officer-in-Charge, Lt. Gen. Archie Gamboa, may nakalatag na silang mga programa kaugnay ng internal cleansing upang tuluyang malinis ang kanilang organisasyon. JESSE KABEL

Please follow and like us:
Read More

MATA NG PAMANGKIN BINOGA NG TIYUHIN NA PULIS

(NI ANNIE PINEDA)

NANGANGANIB mabulag ang isang lalaki matapos itong mabaril ng kanyang tiyuhin na kasapi ng Philippine National Police (PNP), dahil umano sa dating alitan, sa Guimaras, Iloilo.

Kinilala ang biktimang si Cyril Magan, 27, habang sumuko naman ang suspek na kinilalang si Police Executive Master Sergeant Jonathan Magan, 48, naka-assign sa Jordan Municipal Police Station at kapwa residente ng Barangay Millan, Sibunag, Guimaras.

Batay sa report ng Guimaras Provincal Police Office , dakong alas 6:40 ng gabi nang maganap ang insidente sa nasabing lugar.

Lumabas sa imbestigasyon, naglalakad ang biktima sa kalsada sa naturang barangay nang magkasalubong ang magtiyuhin at nagkaroon ng sagutan hanggang sa binaril ito ng suspek at tinamaan sa mata.

Agad naman dinala sa Iloilo Doctor’s Hospital ang biktima at patuloy na inoobserbahan dahil sa maselang kalagayan nito.

Makalipas ang dalawang oras, kusa naman sumuko sa pulisya ang suspek at nakatakdang sampahan ng kaukulang kaso.

 

Please follow and like us:
Read More

SIMBANG GABI 2019: PNP NASA FULL ALERT

(NI NICK ECHEVARRIA)

SIMULA December 15 ganap na alas-6:00 ng umaga hanggang January 5, 2020 isasailalim na sa full allert status ang lahat ng units ng kapulisan sa Luzon at Visayas bilang paghahanda sa pagsisimula ng tradisyunal na “Simbang Gabi”.

Batay ito sa kautusan ni Philippine National Police (PNP) Officer-in-Charge Lt. Gen. Archie Francisco Gamboa para palakasin ang police visibility ngayong holiday season kaugnay sa seguridad ng mga magsisimbang gabi kung saan ilalagay sa pinakamataas na antas ng kahandaan ang PNP sa mga nabanggit na mga lugar.

Aabot sa 69,335 na mga personnel ng PNP kasama ang 157,264 na mga force multipliers ang ipapakalat para sa law enforcement at public safety operations, batay sa ipinalabas na  PNP Command Memorandum Circular “Paskuhan” 2019.

“We do not really anticipate major peace and order issues during the Yuletide Season, but, we are deploying more policemen in the field as a crime prevention measure,” sabi ni Gamboa.

Partikular na inatasan ni Gamboa ang kanyang mga Regional Directors na dagdagan ang mga itatalagang pulis kung gabi na magsasagawa ng mga foot patrol para tutukan ang siyam na araw na “Misa de Gallo ngayong yuletide season.

Idinagdag pa ni Gamboa na kailangan din ang koordinasyon sa pagitan ng mga local police units at sa mga opisyal ng barangay para magkatuwang na bantayan ang mga lalabag sa paggamit ng mga ipinagbababawal na paputok.

Inabisuhan din ng PNP OIC ang mga field unit commanders na tiyaking laging bukas ang blinkers ng kanilang mga mobile patrol units para mas madaling makita ng publiko.

Sinabi naman ni PNP spokesman Brig. Gen. Bernard Banac na layunin ng hakbang na ipatupad ang PNP Enhanced Managing Police Operations (E-MPO) Strategy, para sa kaligtasan at sa iba pang security concerns.

Kabilang sa mga tutukan ng PNP ang mga na itinalagang firecracker at display zones sa mga komunidad, assistance hubs, simbahan, commercial centers, road safety points, mga pantalan, istasyon ng mga train at mga paliparan sa bansa.

Gagamitin naman sa mga  anti-criminality operations, anti-motorcycle-riding suspects at bilang reactionary standby support ang iba pang puwersa ng pambansang pulisya.

 

Please follow and like us:
Read More

TOTAL BAN SA PAPUTOK SUPORTADO NG PNP

(NI AMIHAN SABILLO)

SUPORTADO ng  Philippine National Police (PNP) ang total ban sa paputok na iminumungkahi ni Health Secretary Francisco Duque III.

Ayon Kay PNP Spokesperson PBgen Bernard Banac, nakahanda ang PNP na ipasara ang mga pagawaan at tindahan ng paputok sakaling ideklara ni Pangulong Rodrigo Duterte ang total firecracker ban.

Sinabi pa ni Banac, nararapat mawakasan na ang deka-dekadang sitwasyon tuwing magpapalit ang taon kung saan, maraming buhay ang nawawala at nasasayang dahil sa paggamit ng paputok.

Ipinag-utos na ni PNP OIC P/LtG. Archie Gamboa ang mahigpit na pagpapatupad sa EO 28 ng Pangulo na limitahan lamang ang paggamit ng mga paputok sa mga itinalagang lugar.

Palalakasin din umano ang Republic Act 7183 na nagbabawal sa pag-aangkat, paggawa, pagbebenta at paggamit ng mga iligal na paputok.

Batay sa datos, mula sa 929 firecracker related incidents na naitala noong 2016, malaki na umano ang ibinaba nito sa pagpasok ng 2019 kung saan, nakapagtala lamang ng 307 kaso.

MGA BAWAL NA PAPUTOK INANUNSYO Ilang linggo bago ang pagsalubong ng bagong taon inianunsyo na agad ng Philippine National Police ang mga ipinagbabawal na paputok o firecrakers sa bansa.

Ang mga ito ay:
Piccolo
Watusi
Giant whistle bomb
Giant bawang
Large judas belt
Super lolo
Lolo thunder
Atomic bomb
Atomic bomb triangulo
Pillbox
Boga
Kwiton
Goodbye earth
Goodbye bading
Hello Columbia
Goodbye Philippines

Babala naman ni PNP OIC Lt Gen Archie Gamboa sa mga magbebenta at gagamit ng mga ipinagbabawal na paputok  na mahaharap sa kasong paglabag sa Republic Act 7183 o   “An Act of Regulating the Sale, Manufacture, Distribution and Use Of Firecrackers And Other Pyrotechnic Devices.

Ginagawa ng PNP ang mga babala at paalala sa publiko upang mapanatili ang pagbaba ng naitatalang Fireworks-Related Incidents tuwing holiday season.

Please follow and like us:
Read More

BUMIGAY SA PROBLEMA; PULIS NAGBARIL SA SARILI 

(NI ANNIE PINEDA)

HINDI umano nakayanan ng isang kasapi ng Philippine National Police (PNP) ang matinding problemang dinaranas nito dahilan para wakasan ang sariling buhay sa pamamagitan ng pagbaril sa ulo, iniulat sa probinsya ng Cagayan de Oro City.

Kinilala ang biktimang si Patrolman Joseph Sherwin Daligdig, 32, miyembro ng Provincial Holding and Accounting Unit (PHAU) at residente ng Purok 5, Baybay, Tinagsa, Kolambugan, Lanao del Norte.

Ayon kay Kolambugan Police Station Officer-in-charge Capt. Marlone Dahili, natagpuan na lamang ang biktima sa loob ng kanyang silid na naliligo sa sariling dugo at wala ng buhay.

Sa pagresponde ng mga pulis, nagbaril sa leeg si Daligdig na tumagos sa ulo gamit ang shotgun na agad nitong ikinamatay.

Kuwento ng ina ng biktima, simula dumating sa kanilang bahay ang anak galing trabaho ay hindi na ito lumabas pa hanggang sa nakarinig na lamang sila ng putok ng baril.

Paniwala ng otoridad personal na problema ang nagtulak sa biktima para magpakamatay.

 

Please follow and like us:
Read More

SERYE NG KIDNAPPING SA PASAY, FAKE NEWS?

(NI AMIHAN SABILLO)

PINABULAANAN ng Philippine National Police (PNP) ang report na mayroong serye ng kidnapping sa bahagi ng Pasay, na kalimitan sa mga kinukuha ay mga bata base na din sa nagkalat na text at post sa social media.

Ayon kay PNO Public ainformation Office (PIO) Chief Brig.Gen. Bernard Banac, fake news ang lahat at malinaw na walang basehan.

Sinabi pa ni Banac na “tungkol doon sa mga kumakalat sa social media na diumano may mga abduction ng mga kabataan nais po natin pabulaanan ang mga kumakalat na fake news na ito at wala pa pong basehan at hindi ito validated.”

Gayunman, iba-validate ng PNP ang mga post sa social media at text na kanilang matatanggap kasabay ng pakiusap sa publiko na isulong sa pulisya ang anumang report upang ma-check kung tunay o fake news sa halip na i-post agad sa social media.

Paliwanag pa ni Banac na “nananawagan tayo sa lahat ng mga concerned biktima o pamilya ng mga biktima na dumulog kaagad sa pinakamalapit ng police station upang maimbestigahan at huwag pong i-upload kaagad, huwag ipagkalat kung hindi naireport pa sa ating police station para magkaroon ng basis ang ating mga pulis, ma-validate ang information. ”

Katunayan umano ay sinusuri na ng PNP ang nakunan sa CCTV na insidente umano ng abduction sa bahagi ng Pasay. “May mga report na mga missing person, pero walang validated na kidnapping, baka po mga naglayas o kaya ay nagtanan, maliban lang sa isang kaso kung saan nakuhanan ng CCTV ang ginawang pagdukot,” pahayag pa ni Banac.

Kaugnay nito, sinabi pa ni Banac na bumuo na rin ng Special Investigation Task Group (SITG) ang Pasay PNP sa pangunguna ni  Pasay Police Col Bernard Yang na silang tututok sa lahat ng insidente ng umano’y kidnapping habang ang cyber patrol na  Anti Cybercrime Group (ACG) ang nakatuon sa pagmo monitor sa lahat ng communication sa social media para sa pagtukoy  sa fake news at hindi.

Isa rin umano sa tutukuyin ang original na nagpost sa Facebook ng sinasabing serye ng kidnapping

Please follow and like us:
Read More

SAN JUAN ARENA KINORDON NA NG PNP

(NI MAC CABREROS)

MAHIGPIT na pagbabantay ang inilatag ng San Juan City Police sa FilOil Flying V Centre para sa pagsasagawa ng anim na events ng eSports sa 30th Southeast Asian Games.

Sa panayam ng media sa induction ng mga opisyal ng PaMaMaRIZSan Press Corps sa Café Laudico Guevarra, sinabi ni Col. Jaime Santos, hepe ng San Juan City Police, na abot sa 100 pulis ang ikakalat nila sa bisinidad ng FilOil Flying V Centre para mangasiwa sa seguridad at kaligtasan ng mga manlalaro, kasama na rin ang maayos na daloy ng trapiko para makarating sa takdang oras ang mga ito.

Inihayag pa Col. Santos, na base sa isinagawang assessment, wala silang nakikitang threat o banta ng mga outside force na maghasik ng kaguluhan at karahasan sa kasagsagan ng SEAG.

Sinabi pa Santos na bagama’t magsisimula ang eSports sa Disyembre 5 ay ipinuwesto na nito ang kanyang mga tauhan. Magtatagal ang eSports hanggang Disyembre 10.

Hinggil sa kumakalat na ulat sa social media na may van na nangunguha ng mga bata, sinabi ni Col. Santos na bagamat hindi pa kumpirmado ito ay nakabubuting bantayan ng mga magulang ang kanilang
mga anak.

Si San Juan City Mayor Francis Zamora ang nagpanumpa sa mga opisyal ng PaMaMaRIZSan Press Corps kung saan hiniling nito ang magandang ugnayan ng media at Pamahalaang Lungsod para maitaguyod ang pag-uulat ng katotohanan at maayos na pamamalakad ng mga opisyal ng Lungsod tungo
sa pag-unlad ng San Juan City.

Naunang nagsagawa ng ‘simulation exercise’ ang mga kapulisan ng Eastern Police District sa pamumuno ni BGen. Johnson Almazan para maitaguyod ang mga SEAG events sa PaMaMariSan.

Ang reporter na ito ang chair ng Board of Directors ng PaMaMaRIZSan Press Corps habang si Neil Alcober ng Tribune ang Pangulo at si Knots Alforte ng Diaryo Bomba ang Auditor. Binubuo ng Press
Corps sina Vick Aquino ng Abante (VP), Christian Oineza (Secretary), Irwin Corpuz ng Police Files (Treasurer).

 

Please follow and like us:
Read More

ZERO INCIDENTS SA SEA GAMES TARGET NG PNP

PNP by JHAY JALBUNA -2

(NI JESSE KABEL)

TARGET ng Department of Interiors and Local Governments at Philipine National Police na pagkakaroon ng ‘Zero Incidents’ sa buong panahon na idinaraos ang 30th South East Asian Games sa Pilipinas.

Nabatid na bago pa opisyal na mag-umpisa ang paligsahan ay nagpahayag na ang mga banyagang kinatawan ng palaro na kuntento sila sa inilatag na seguridad ng Philippine National Police (PNP) para sa mga delegado at mga manlalaro.

Ayon kay DILG spokesperson Usec. Jonathan Malaya, ramdam ng mga manlalaro ang ipinatutupad na seguridad sa kanila simula nang magdatingan sa bansa ang mga atleta ng 2019 Southeast Asian Games.

Giit ng opisyal, lahat ng mga foreign delegate ay escorted ng mga pulis.

“As of matter of fact noong dumating na yung mga delegado kaagad naroroon yung ating mga security convoys and the foreign delegates have already expressed their satisfaction with the security arrangements.”

“Wala po tayong na-receive na kahit anumang complaints from the foreign delegates about lack of security on their part. They feel secure, kitang-kita po natin on my way here may nakasalubong akong convoy ng mga delegado ng isang bansa na fully secured ng PNP,” pahayag ni Malaya.

Samantala , inihayag naman ni PNP spokesperson B/Gen. Bernard Banac, plano nila na magkakaroon ng special lane para sa SEA Games delegates gaya ng ginawa noong nakaraang APEC summit sa bansa at iba pang international events.

Nabatid na pangunahing concern ng PNP na nagsisilbing escorts at security convoys ng mga atleta ang grabeng trapik na kanilang ipinakita sa nilikhang Multi Agency Coordinating Center (MACC) sa Camp Crame kung saan tinututukan ang traffic situation para sa ibat ibang sports venues sa SEA Games.

Aminado ang PNP  na malaking hamon sa seguridad sa 2019 SEA Games ang nararanasang problema sa trapiko.

Sakaling hindi ma-finalize ang hinihinging special lanes para sa SEA Games ay mananatili sila sa stop and go scheme sa mga daraanang lansangan na  ipatutupad ng PNP.

Ayon kay Banac, target ng PNP ang zero incidents sa buong panahon ng palaro. Kasunod ng pahayag na may nakahanda silang protocols sakaling magkaroon ng aberya.

“So insofar as security preparations are concerned we are 100 percent prepared and ang target talaga natin ay zero incidents so for this to happen this is not simply the problem of the PNP, we enjoin LGUs, barangay officials magtulong tulong na po tayo rito especially kapag tapos na ang games at namamasyal na yung mga delegado sa mga hotels, beaches natin let’s continue to secure them even after the games until such time they return back to their respective countries,” wika ng opisyal.

Please follow and like us:
Read More

HIGIT 200 INARESTO SA VAPE; VAPE GADGETS KINUMPISKA

(NI NICK ECHEVARRIA)

UMAABOT na sa  243 mga indibidwal hanggang nitong Linggo ang naaresto ng Philippine National Police (PNP) dahil sa paggamit ng vape sa mga pampublikong lugar habang nasa 318 piraso ng mga vape gadgets at 666 na  vape juices ang nakumpiska.

Gayunman, ayon kay PNP spokesperson P/BGen. Bernard Banac sa isang press conference sa Camp Crame nitong Lunes, matapos maipa-blotter ang mga nadakip ay agad  din silang  pinalaya.

Nadakip ang nasabing bilang ng mga vape users sa may 2,878 magkakahiwalay na operasyon ng PNP sa buong bansa laban sa mga gumagamit ng electronic cigarretes o vape sa mga ipinagbabawal na lugar.

Ayon kay Banac, ang Central Visayas ang may pinakamaraming bilang ng mga naaresto na nakapagtala ng 195 katao na nadakip sa 280 police operations sa nasabing lugar.

Ibinase ng PNP ang pag-aresto sa Republic Act No. 8749 o ang Clean Air Act at sa Republic Act No. 9211 na mas kilala bilang Tobacco Regulation Act.

Nilinaw naman ni PNP officer-in-charge P/Lt. Gen.Archie Francisco Gamboa, na hindi nila maaaring ikulong ang mga naaresto maliban sa blotter dahil sa kawalan ng kaso na pwede nilang isampa.

Matatandaan na ipinag-utos ni Pangulong Rodrigo Duterte sa PNP ang pag-aresto sa mga mahuhuling gumagamit ng vape sa mga pampublikong lugar upang protektahan ang kalusugan at interes ng publiko.

Samantala, ipinahayag naman ni Senador Migz Zubiri na hinihintay ng senado makausap ang Pangulo para linawin umano ang magkakaibang pahayag ng nito patungkol sa vaping.

 

Please follow and like us:
Read More

OPERASYON LABAN SA KALIWA, LEGAL

PNP-KALIWA

Paniwala ng Philippine National Police

(Ni Nelson S. Badilla / Unang labas)

NAGLUNSAD ng operasyon ang Armed Forces of the Philippines (AFP) at Philippine National Police (PNP) nitong Oktubre 31 at Nobyembre 5 sa mga tanggapan ng mga organisasyong kabilang sa mga kaliwang aktibista, partikular sa mga kasama sa pambansa demokratikong puwersa.

Ang pambansa demokratikong puwersa ay isang pangkat sa kilusang kaliwa.

Ang iba ay sosyalista at progresibong puwersa.

Animnapu at dalawa (62) ang nadakip sa operasyong isinagawa ng AFP at PNP noong Oktubre 31 sa opisina ng Kilusang Mayo Uno (KMU), Gabriela at Negros Federation of Sugar Workers (NFSW) sa Bacolod City at Escalante City.

Anim sa 62 aktibista ay menor de edad.

Ipinasa na sa sila sa Department of Social Welfare and Development (DSWD) alin­sunod sa itinakda at ipinag-utos ng batas.

Tatlong aktibista naman ang nahuli noong Nobyembre 5 sa Tondo Manila.

Sila ay kabilang sa Bagong Alyansang Makabayan (Bayan), Kalipunan ng Damayang Mahihirap (Ka­damay) at Manila Workers Unity (MWU).

Sabi ni Capt. Cenon Pancito III, hepe ng public affairs office (PIO) ng Philippine Army’s 3rd Infantry Division, sa media na legal ang operasyon sa mga tanggapan ng KMU, NFSW at Gabriela na nauwi sa pagkahuli ng 62 aktibista, kabilang ang anim na menor de edad, sapagkat mayroon silang hawak na “search warrants.”

Ang mga warrant ay inis­yu ni Quezon City Regional Trial Court Executive Judge Cecilyn Villavert.

Idiniin ni Pancito na kumuha sila ng search warrant matapos “mapatunayan” ang impormasyong ipinarating sa kanila na mayroong nakatagong mga baril at bomba sa tanggapan ng KMU, NFSW at Gabriela.

Mayroon ding search warrant ang operasyon ng PNP sa Tondo Manila noong Nobyembre 5, ayon naman sa Manila Police District (MPD)

Ang naglabas ng search warrant sa operasyong ito ng MPD ay si Judge Villavert, ang hukom na nag-isyu ng search warrant para sa operasyon ng AFP at PNP sa Bacolod.

Tiniyak ni P/Gen. Bernard Banac, tagapagsalita ng PNP na ang “series of arrests of activist leaders and members shows the rule of law and criminal justice system at work.”

“The PNP performs its mandate to enforce the law following established procedures with utmost respect for human rights,” pahayag pa ni Banac.

Sabi naman ni P/Maj. Titoy Jay Cuden, hepe ng public affairs office (PIO) ng National Capital Region Police Office (NCRPO),  na “walang” operasyong labag sa batas ang anumang yunit ang NCRPO laban sa mga kaliwang orga­nisasyon at ng kanilang mga pinuno.

Nilinaw ni Supreme Court Chief Justice Diosdado Peralta na batay sa impormasyong nakarating sa Korte Suprema, sinunod ni Judge Villavert ang lahat ng alintuntunin sa paglalabas niya ng search warrants laban sa mga kaliwang aktibista sa Bacolod at Manila.

Batay sa Circular AM No. 03-8-02-SC ng Korte Sup­rema ang paglalabas ni Judge Villavert ng search warrants.

Ayon sa naturang dokumento, pinahihintulutan ng mataas na korte ang “executive judges” ng RTC ng Que­zon City at Manila na mag-isyu ng search warrant labas sa dalawang lungsod.

Ipinaliwanag ni Peralta sa mga mamahayag noong Nob­yembre 8 na si Judge Villavert “[has] conducted hearings to determine the existence of probable cause, conducted the required searching questions, extensive questions and when she was satisfied on the exis­tence of probable cause she issued a search warrant.”

“When the search warrant was served, she required the certain policemen or military men to report to the court within 10 days from receipt and she followed,” patuloy ni Peralta na pumalit kay Chief Justice Lucas Bersamin matapos magretiro ito noong Oktubre 18.                      (Itutuloy)

Please follow and like us:
Read More

OPISYAL NG PNP ITINUMBA SA HARAP NG MISIS 

(NI ANNIE PINEDA)

DUGUANG bumulagta sa harap mismo ng kanyang misis ang isang opisyal ng Philippine National Police (PNP) matapos pagbabarilin ng hindi pa kilalang suspek na naka-motorsiklo habang naglalakad kasama ang asawa, Huwebes ng gabi  sa Cebu City.

Kinilala ang biktimang si Police Lieutenant Colonel Joie Yape, dating Provincial Intelligence Branch ng Cebu Provincial Police Office.

Batay sa report ng Police Station 2 ng Cebu City,  bandang alas 6:00 ng gabi nang maganap ang insidente sa Sitio Molave sa Barangay Kamputhaw, Cebu City.

Lumabas sa imbestigasyon, magkasama ang biktima at asawa nitong naglalakad sa nasabing lugar nang biglang dumating ang suspek na nakamotorsiklo.

Dito, hinarang ang kanilang daanan at pinagbabaril ang biktima na agad nitong ikinamatay habang mabilis na tumakas ang suspek.

Nabatid, dumadalo ang biktima ng 3-araw na seminar sa lungsod at bandang alas 2:00 ng hapon ay umatend pa ito ng pagdinig sa CCPO na may kinalaman sa kasong iligal na drorga.

Si Yape ay spokesperson ng Bohol Provincial Police Office at nadestino sa Internal Affairs Services sa Camp Crame.

Nagpapatuloy naman ang imbestigasyon sa insidente at inaalam na ang tunay na motibo sa krimen.

 

Please follow and like us:
Read More

PNP: WALANG BAYAD SA GUSTONG MAG-PULIS

(NI NICK ECHEVARRIA)

PINAALALAHANANG muli ng Philippine National Police (PNP) ang publiko  na libre at walang dapat bayaran ang mga aplikante ng gustong mag-pulis.

Ginawa ni PNP spokesperson B/Gen. Bernard Banac ang  paalala matapos maaresto ang isang pulis sa Parang, Maguindanao na nahuli sa aktong nangongotong sa mga PNP applicants.

Nabatid na nitong Huwebes, nasakote ng mga tauhan ng Police Regional Office ng Bangsamoro Autonomous Region in Muslim Mindanao (PRO-BARMM) sa isang entrapment operation si P/Cpl. Harold Julaton na nakatalaga bilang Liason Officer sa Lanao Del Sur Provincial Police Office at ang sibilyan na kasabwat nitong si  Janet Sarip.

Hinihingan umano ng mga suspek ng P25,000 ang bawat aplikante kapalit ng pangakong tiyak na maipapasok ang mga ito sa serbisyo.

Niliwanag ni Banac na binabalikat ng PNP ang lahat ng gastusin para sa pagpoproseso ng aplikasyon at walang kahit ni singko na sinisingil sa mga aplikante.

Kasunod nito, umapela ang PNP sa publiko na agad ipagbigay-alam sa kanilang mga himpilan  sakaling may mga kabaro silang sinasamantala ang recruitment program ng PNP para kumita.

 

Please follow and like us:
Read More

PULIS, 1 PA TIMBOG SA P25-K  KOTONG SA MGA APLIKANTE NG PNP

(NI NICK ECHEVARRIA)

ARESTADO ang isang police personnel at kasabwat nito na nangongotong ng P25,000 sa bawat aplikante ng PNP sa Parang, Maguindanao kapalit ng pangakong mabilis na mapapasok sa serbisyo.

Sina P/Cpl. Harold Julaton, 31, nakatalaga sa Lanao del Sur Police Provincial Office bilang Liason Offcier at Janet Reyes Sarip, 49, kapwa nakatira sa Brgy, making, Parang, Maguindanao ay dinakip ng mga tauhan ng Regional Intelligence Division ng Police Provincial Offic-Bangsamoro Autonomous Region (PRO-BAR) , RMFB14 at Parang Municipal Police Station sa isang entrapment operation alas-5:00 ng hapon noong November 14.

Sa report na ipinarating sa Camp Crame ni P/BGen. Marni Marcos Jr. Regional Director ng PRO-BAR ang dalawang suspek ay dinakip sa kasong paglabag sa RA 3019, o Anti-Graft and Corruption Practices Act.

Kinikikilan umano ng mga suspek ang mga police applicants ng tig- P25,000, partikular ang mga may problema sa proseso ng Body Mass Index (BMI) ng recruitment program ng PNP para mabilis na matanggap.

Lumalabas sa imbestigasyon na matagal ng ginagawa ng mga naarestong suspek ang maanomalyang transaksyon subalit ngayon lamang natimbog ng mga tauhan ng PRO-BAR makaraang kumagat sa inilatag na entrapment operation.

Nagpahayag naman ng kahandaan ang mga lumutang na nabiktimang  aplikante para tumestigo laban sa dalawang suspek.

Nakakulong  ngayon sa  Parang MPS ang mga naarestong suspek sa kasong katiwalian.

Please follow and like us:
Read More

PULIS NA MAY KASO, WALANG YEAREND BONUS – PNP

(NI AMIHAN SABILLO)

WALANG matatanggap na yearend bonus ang mga pulis na may kasong administratibo.

Ito ang inihayag ni PNP Spokesperson PBgen Bernard Banac kung saan naka-hold ang bonus ng mga pulis na may kaso bilang bahagi ng disciplinary action ng PNP.

Ang pahayag ni Banac ay kasabay ng pag-anunsyo na na-credit na sa ATM accounts ng mga pulis ang kanilang yearend bonus na katumbas ng isang buwang sahod kasama ang P5,000.

Ito’y matapos aprubahan ng PNP-OIC Plt Gen. Archie Francisco Gamboa ang release ng yearend bonus ng mga pulis ngayon.

Nasa P7.48 Bilyon  ang inilaan para sa yearend bonus ng 205,189 uniformed and non-uniformed PNP personnel sa buong bansa.

Please follow and like us:
Read More

P5-M KOTONG SA BIDDER; 3 PULIS SIBAK

(NI JG TUMBADO)

SISIBAKIN na sa serbisyo anumang araw ang tatlong pulis na umanoy magkakasabwat na nangotong sa isang bidder ng 3,000 unit ng body cameras ng Philippine National Police (PNP).

Ito ang ipinahayag ni PNP Officer-in-charge Lt. General Archie Gamboa sa regular na pagpupulong balitaan sa Camp Crame, nitong Lunes.

Kinilala ni Gamboa ang tatlong police officials na pawang mga may ranggong Major na sina Emerson Sales, Rholly Caraggayan, at Angel Beros na miyembro ng Bids and Awards Committee Technical Working Group.

Ayon kay Gamboa, sina Sales at Caraggayan ay nag-AWOL na o absent without leave, habang si Beros naman ay aktibo pa sa serbisyo.

Matatandaang noong 2017, nanawagan ang publiko na dapat magkaroon ng body cameras ang mga pulis kapag sumabak sa anti-illegal drugs operations.

Inilabas ang P334 milyong pondo noong 2018 pero naantala ang pagbili ng body cameras dahil hanggang ngayong patapos na ang 2019 ay nasa bidding process pa rin ang programa.

Sinabi ni Gamboa na ngayong 2019 ay nadiskubre ng pamunuan ng pambansang pulisya ang umano’y extortion kung saan aabot sa P5 milyon ang nakulimbat ng tatlong pulis mula sa isang pribadong kompanya.

Nabulgar lamang ang anomalya nang magsumbong na ang bidder sa kabila ng lahat ng naibigay nitong ‘pampadulas’ sa tatlong pulis ay na-disqualify pa rin ito sa post-evaluation process.

Sa kasalukuyan ay sibak na sa kani-kanilang posisyon ang tatlo habang isinasailalim sa imbestigasyon ng Internal Affairs Service ng PNP.

Please follow and like us:
Read More

CEBU CITY POLICE CHIEF SINIBAK SA MAYOR NAVARRO AMBUSH

cebu200

(NI JG TUMBADO)

TULUYAN nang sinibak sa pwesto bilang direktor ng Cebu City Police Office (CCPO) si Police Col. Gemma Vinluan kaugnay sa pananambang at pagpatay kay Clarin, Negros Occidental Mayor David Navarro.

Ang naturang hakbang ay iniutos mismo ng bagong talagang Police Regional Office 7 Director (Central Visayas) na si Brig. General Valeriano De Leon.

Sa kanyang pahayag, epektibo nitong Miyerkoles, Oktubre 30, 2019, ang suspensyon ni Vinluan para hindi maapektuhan o magkaroon ng white wash ang imbestigasyon ng National Bureau of Investigation (NBI) kaugnay ng pag-ambush sa alkalde.

“I issued administrative relief of Police Colonel Gemma Vinluan, City director of Cebu City police office, to make her available in the investigation being conducted,” pahayag ni de Leon.

“It will provide a perception of impartial investigation sparing us of suspicion of possible whitewash,” dagdag pa ng opisyal.

Napatay si Navarro noong araw ng Biyernes, Oktubre 25, 2019, habang inihahatid sa City Prosecutors Office sa Cebu City sakay sa police mobile patrol  kasama ang ilang police escorts nito at maging ng dalawang nakababatang kapatid na babae.

Una nang inireklamo si Navarro ng pananakit sa isang masahista at pagpapagawa pa ng malaswang akto sa isa pang babaeng masahista sa loob ng spa noong gabi ng Huwebes.

Nasa 10 lalaki na pawang armado ng matataas na kalibre ng baril ang humarang sa convoy at lumikida kay Navarro.

Posible umano na mga miyembro ng PNP ang may kagagawan sa paglikida kay Navarro dahil sa hindi umano umakto ang mga pulis, kabilang ang isang police official, sa pangyayari batay na rin sa naging pahayag ni Pangulong Rodrigo Duterte.

Please follow and like us:
Read More

HIGIT 9,000 PULIS NAPARUSAHAN MULA 2016

(NI AMIHAN SABILLO)

PUMALO sa 9,172 mga kawani ng Philippine National Police (PNP) ang napatawan ng ng disiplinary action mula Hulyo 2016 hanggang Setyembre 2019.

Ito ang inihayag ni PNP OIC Lt. Gen. Archie Gamboa.

Sa bilang na ito, 2,806 ang nadismiss sa serbisyo dahil sa ‘grave offenses’.

Hindi pa kasama sa nasabing bilang ang 7 pulis Antipolo at ang kanilang hepe na pina-dismiss ngayong lingo ng PNP-IAS dahil sa pagtatanim ng ebidensya sa isang drug raid sa Antipolo noong Mayo.

Sa mga iba pang pulis na may mas magagaang na kaso, 535 naman ang na-demote, 4,721 ang na suspinde, 208 ang “forfeited salary”, 762 ang reprimanded, 60 ang restricted, at 80 ang na-withold ang mga pribilehiyo.

Sinabi ni Gamboa na pinag-aaralan ng PNP kung paano pa mas mapalalakas ang Internal Affairs Service, na siyang responsable sa paghahabol sa mga nagkasalang pulis.

Ayon pa kay Gamboa, kinukonsidera nila ang pagnanais ng IAS na mabigyan ng adjudicatory power at kanilang sariling budget.

 

 

Please follow and like us:
Read More

DEMOLISYON SA LOOB NG NBP NAGPAPATULOY

(NI ROSE PULGAR)

HALOS nasa pitong araw na ang isinasagawang demolisyon o clearing operation sa loob ng New Bilibid Prison (NBP) ng pinagsanib puwersa ng mga tauhan ng Bureau of Corrections (BuCor) Bureau of Jail Management and Penology (BJMP), Department of Public Works and Highways (DPWH), Bureau of Fire Protection (BFP), Metropolitan Manila Development Authority (MMDA) at National Capital Regional Police Office (NCRPO) na sinimulan ito noong Oktubre 11 sa Muntinlupa City.

Gayunpaman, nananatili pa rin naka red alert status ang mga quadrant ng NBP dahil sa nagpapatuloy pa rin ang isinasagawang demolisyon sa mga kubol.

Ngayong Biyernes ay personal na  ininspection ni Police Colonel Juan Anonuevo, Deputy District Director for Operation ng Southern Police District (SPD), ang mga personnel ng SPD na itinalaga sa loob ng BuCor.

Nabatid, na itinalaga ang ilang police  sa loob ng BuCor mula sa unang araw ng isinasagawang clearing operation sa loob ng nabanggit na kulungan.

Nakikipagtulungan ang PNP para sa isinasagawang clearing operation sa loob ng BuCor sa ilalim nang pamamahala ng director nito na si Gerald Bantag.

Samantala, ayon naman kay BuCor Spokesperson Major Alberto Tapiru, napasok na ng mga awtoridad ang Quadrant 2 at 3 south and north ng NBP.

Ayon kay Tapiru parte ito ng isinasagawang paglilinis ng maximum security compound kung saan may mga nakuhang kontrabando tulad ng mga cellphone, sigarilyo, tabako at iba pa sa mga dinemolish na kubol sa loob ng nasabing piitan.

Gayunman, itinuturing pa rin na normal ang sitwaston sa NBP kasabay ng pagtiyak nito na sapat na tubig at pagkain sa brigada na pinaglipatan ng mga bilanggo.

Magugunitang nagkaroon ng pagsabog sa NBP kamakailan sa kalagitnaan ng isinasagawang clearing operation.

Please follow and like us:
Read More

P80-M PEKENG MGA PRODUKTO, WINASAK SA PNP

(NI NICK ECHEVARRIA)

UMAABOT sa P80 million na halaga ng mga pekeng produkto na nakumpiska ng mga tauhan ng law enforcement agencies sa ilalim ng National Committee on Intellectual Property Rights (NCIPR), ang winasak sa national headquarters ng Philippine National Police (PNP), Biyernes ng umaga.

abilang sa mga winasak ng tatlong heavy equipment mula sa Department of Public Works and Highways (DPWH) ang mga pekeng Louis Vuitton bags, wallets, cellphone cases; mga pekeng sapatos, rolex at  pirated DVDs; branded cutting blades, pekeng Lacoste shirts, pekeng lotion, seasoning mix,  bogus na sigarilyo, mga pekeng sabon at mga pampaputi na nakumpiska sa ikinasang operasyon noong isang taon..

Ang ginawang pagwasak ay bahagi ng 4th quarter NCIPR ceremonial destruction na pinangunahan ni PNP Officer in Charge P/Lt.Gen. Archie Gamboa at Intellectual Property Office of the Philippines (IPOPHIL) Director General Josephine Santiago sa harap ng PNP grandstand.

Sa naturang seremonya, tiniyak ni Gamboa ang buong supporta ng PNP sa NCIPR na pinamumunuan ni Santiago sa kampanya ng pamahalaan kontra sa mga pekeng produkto.

 

Please follow and like us:
Read More

9 PULIS SIBAK SA PAGGAMIT NG SHABU

(NI JG TUMBADO)

SIYAM na aktibong pulis mula sa Police Regional Office-7 (Central Visayas) ang sabay-sabay na sinibak sa serbisyo  matapos magpositibo ang mga ito sa paggamit ng ilegal na droga.

Batay sa naisumiteng report kay PRO-7 Director Police Brigadier General Debold Sinas, ang na-dismiss na mga pulis ay may ranggong Patrolman hanggang Police Master Sergeant.

Kabilang sa mga natiwalag na sa serbisyo ay sina Patrolman Merlo Daclan Laborte, Patrolman Frances Maucesa, Patrolman Greggy Gica, Patrolman Jayrome Solano, Patrolman Joseph Tabo-tabo, Police Corporal Jose Marie Garcia, Police Corporal Gilfredo Carungay, Police Staff Sergeant Joffrey Mulat at Police Master Sergeant Darwin Gonzales.

Lumalabas sa report na nagpositibo ang nabanggit na mga pulis sa paggamit ng shabu sa isinagawang drug test sa kanila noong 2018 at 2019 kung saan una na silang na-relieve sa pwesto.

Pero nitong Oktubre 4, 2019, araw ng Biyernes ay tuluyan na silang tinanggal sa serbisyo bilang alagad ng batas.

Bukod sa pagkakatanggal sa serbisyo, mahaharap pa ang mga ito sa kasong administratibo dahil sa paglabag sa ilalim ng Republic Act 9165 section 11 o ang possession of dangerous drugs.

Ayon kay Sinas, ang mga pulis na tinanggal ay kabilang sa mga itinuturing na ‘ninja cops’ o sangkot sa pag recycling ng shabu na kanilang nakukumpiska sa anti drugs operations pero muli itong ibinebenta sa lansangan.

Kaugnay nito, sinabi ni Sinas na sa kabila ng kontrobersiya sa Senate hearing patungkol sa ‘ninja cops’ ay ipagpapatuloy nila ang kanilang internal cleansing at sa giyera kontra ilegal na droga at maging ng regular na pagsasailalim sa random drug testing sa buong kapulisan sa PRO7.

Please follow and like us:
Read More

KASO LABAN KAY BALDO, MATIBAY – PNP

baldo pnp12

(NI AMIHAN SABILLO)

KUMPIYANSA ang Philippine National Police (PNP) na ‘air-tight’ ang kaso laban kay dating Daraga mayor Carlwyn Baldo, ang akusado sa pagpaslang Kay Ako Bicol partylist  representative Rodel Batocabe.

Ayon kay PNP Spokesperson PBgen Bernard Banac, ito ay sa kabila ng pagpapahintulot ng korte na makapagpiyansa si Baldo sa kinakaharap nitong double murder case.

Sinabi pa ni Banac na nakapag-piyansa na si Baldo ngunit sinabi naman ni PRO5 Regional Director PBgen Arnel Escobal na hindi pa rin ito pwedeng makalaya kahit nakapagpiyansa na dahil may dapat pang harapin na ibang kaso.

Inihayag pa ni Escobal, kailangan munang hintayin ang desisyon ng korte sa pending na motion for reconsideration ng prosekusyon na tumututol sa pagpapahintulot na makapagpiyansa si Baldo, bago ito pakawalan.

Tiniyak naman ni Banac na kung sakaling pansamantalang makalaya si Baldo,  mahigpit na susubaybayan ng PNP ang kilos nito para masiguro na haharapin nito sa korte ang kanyang kaso.

Ipinunto pa ni Banac, kumpleto ang ebidensyang isinumite ng PNP na magreresulta sa ‘conviction’ ni Baldo korte.
 

Please follow and like us:
Read More

SEGURIDAD SA SEA GAMES, KASADO NA

(NI AMIHAN SABILLO)

IKINASA na ng Philippine National Police (PNP) ang seguridad sa nalalapit na Southeast Asia Sea Games 2019 na isasagawa sa Clark field sa lalawigan ng Pampanga ngayong Nobyembre.

Ayon kay PNP Chief P/Gen. Oscar Albayalde, kadalasan umanong ibinibigay ng PNP ay manpower upang matiyak ang seguridad gayundin ang kaayusan sa panahon ng prestihiyosong palaro.

Sa ngayon inaasahang aabot sa libo ang bilang ng mga pulis na ipakakalat ng PNP sa mga lugar na pagdarausan ng iba’t ibang mga palaro at paiigtingin din ang intelligence monitoring at gathering para rito.

Sinabi pa ng hepe ng pulisya na ang Police Regional Office 3 o Central Luzon ang siyang mangunguna sa paglalatag ng seguridad at pagbabantay sa anumang posibleng banta mula sa mga grupo na nais manabotahe.

Ginawa ni Albayalde ang pahayag matapos pangunahan nito ang ika-118 anibersaryo ng police service ng Police Regional Office 3 sa Kampo Olivas sa San Fernando, Pampanga, Biyernes ng umaga.

 

Please follow and like us:
Read More

1 PULIS PATAY, 77 NAOSPITAL SA DENGUE

(NI AMIHAN SABILLO)

PATAY ang isang kawani ng Philippine National Police (PNP) habang naospital ang 77 pulis makaraang tamaan ng dengue.

Ito ang isiniwalat ni BGen. Joseph Luglug, hepe ng Health Service ng Philippine National Police.

Aniya, isang staff sergeant ang pulis na namatay na nakadestino sa Western Visayas.

Habang ang 24 sa mga pulis na nagka-dengue ay isinugod sa General Hospital sa loob ng Camp Crame, ang 54 iba naman ay naisugod sa iba pang mga ospital sa buong bansa, simula lamang ng buwan ng July hanggang August ngayon taon.

Sinabi naman ni PNP Chief Police General Oscar Albayalde na para maprotektahan ang hanay ng mga pulis mula sa dengue ay regular silang nagsasagwa ng fumigation sa mga kampo.

Matatandaan, na dahil sa tumataas na kaso ng dengue kaya nagdeklara ang Department of Health (DOH) nitong August 6 ng National Dengue Epidemic kung saan mahigit 600 na ang nasawi sa mahigit 100,000 na kaso ng dengue mula January hanggang July 20.

Please follow and like us:
Read More

ZAMBALES-OLONGAPO TUTUTUKAN SA JUETENG 

jueteng 12

(NI JG TUMBADO)

MAS paiigtingin pa ang pagbabantay ng Philippine National Police (PNP) laban sa pamamayagpag ng ilegal na sugal sa bansa, partikular ang jueteng.

Ito’y matapos tanggalin na rin ni Pangulong Rodrigo Duterte ang suspensiyon ng operasyon ng Small Town Lottery (STL) sa bansa.

Ayon kay PNP Spokesperson Police Brigadier General Bernand Banac, batid nilang ginagamit na front ng jueteng ang STL kaya mas matinding monitoring ang kanilang gagawin at huhulihin ang mga masasangkot dito.

Kasabay nito, sinabi ni Banac na mananatili pa rin ang kanilang “one strike policy” sa kampanya kontra illegal na sugal, partikular sa jueteng.

Sa ilalim ng one-strike policy, ang chief of police, precinct commander at station commander ay agad na sisibakin sa puwesto kapag namayagpag ang jueteng sa kanilang lugar.

Sakaling  tatlong chief of police ang nasibak sa isang probinsya dahil sa jueteng operations ay saka naman masisibak ang provincial director.

Kabilang sa ngayon na mahigpit na babantayan ng pambansang pulisya ang lalawigan ng Zambales kung saan sa kabila ng pagpapatigil noon ng Pangulo sa operasyon ng STL ay patuloy na namayagpag sa mala-‘guerrilla’ operations.

Base sa intel report ng pulisya, nasa P1.5 million kada araw ang nakukubra sa nabanggit na jueteng operation sa lugar na pinapatakbo ng isang alyas ‘Arnel’.

Habang ang Olongapo City naman ay pinatatakbo ng isang nagngangalang ‘Etchy’ na umano’y kasalukuyang kapitan ng barangay na tumatabo ng halos P2 milyon kada araw.

Please follow and like us:
Read More