BEST FRIENDS PIA, PAULEEN NAGSOSYO SA BAGONG NEGOSYO

ANG saya ng bonding ng mag-bestfriend na Pauleen Luna at Pia Wurztbach sa bagong negosyong itinayo nila, ang Bestea sa may ground floor ng Festival Mall sa Alabang.

Kasama rin nila rito ang isang best friend din nila na si Nina Almoro.

Ipinost nga nila sa kanilang Instagram ang kanilang milktea na store, nagtatalo ang mga followers kung si Maine Mendoza o si Nadine Lustre ba yung kasama nila.

Matagal na raw nilang pinlano ito, at ngayon lang nagkaroon ng panahong natutukan nila ito nang husto.

Busy naman kasi si Pia na madalas ay nasa ibang bansa, pero na-enjoy daw niya itong bagong negosyong pinagsamahan nila ng mga best friends niya.

Sabi ni Pauleen, soft opening pa lang ito na binuksan nila nung nakaraang Huwebes. Next month daw ang grand opening na pinaghahandaan din ni Pia siyempre.

Post ni Pia sa kanyang  Instagram account; “This is it guys! My besties and I have been workinh hard and really looking forward to this—it’s finally the soft opening of Bestea @bestea_ph in Festival Mall Alabang starting today.

“Come drop by and try the PIA drink—can anyone guess the flavor?”

Halatang sobrang excited si Pia sa pinasok na negosyo nila ni Pauleen.

Pinagsasagot niya ang mga comments ng mga followers niya.

Sabi ng isang nag-comment; “Sana ganyan kasaya uminom ng milktea lol”

Sagot ni Pia; “Ay! Pag natikman mo yung samin baka maiyak ka pa (laugh emoticon).”

Nangako pa siyang nandiyan siya sa kanilang grand opening sa January.

Inaayos na rin daw nila ang branch sa iba’t ibang mall gaya ng Trinoma o sa ibang SM malls.

Iyun naman daw talaga ang gusto ni Pauleen na makapag-start siya ng negosyo.

Pero kapag sinasabi mo sa kanyang sana masundan na si Tali, kaagad niyang sinasagot na sana matuloy na.

Cool lang si Bossing Vic kapag natatanong siya tungkol sa pagbubuntis uli ni Pauleen.

Alam naman daw niyang ibibigay ni Lord kapag gustong bigyan sila ng isa pang baby.

Pero kay Tali, sulit na sulit naman daw sila sa kanilang baby na sobrang bigat na raw.

Tuwang-tuwa siyang kinukuwento sa aming, ang hilig din daw kumanta ng kanilang anak.

Kakaiba raw magdaldal dahil idinadaan daw sa pagkanta.

“Ang daldal niya, idinadaan niya sa kanta. Kasi, putol putol pa yung mga words niya eh.

“Hindi pa siya nakakabuo ng words, kinakanta niya.

“Maghapon yun, kanta lang nang kanta. Pati nga kanta ni Bruno Mars alam niya,”kuwento ni Bossing Vic.

 

Please follow and like us:
Read More

SI PIA ANG UNANG NAGBIGAY NG MOTIBO KAY MARLON

pwede ed deleon(NI ED DE LEON)

NANG lumabas na noon pa lang September na split na sina Pia Wurtzbach at Marlon Stockinger, kanino naman maraming natuwa, para kay Pia o para kay Marlon?

Aminin natin ang katotohanan, sa relasyon ng dalawang iyan ang talagang naging simula ay ang physical attraction. In fact, aminado si Pia na “ako ang unang nagparamdam” dahil nila-like niya ang mga pictures ni Marlon sa social media.

Pero noon pa man, marami ang pumupuna na si Pia ay kayod talaga sa kanyang pagiging isang artista, samantalang si Marlon ay abala lamang sa kanyang car racing, at kung nagmo-modelo rin naman ay hindi nga masasabing lagi. Siguro kumikita rin si Marlon bilang product endorser, pero walang dudang mas malaki ang kita ni Pia.

May kontra rin kay Marlon, lalo na noong lumabas ang katotohanan na siya pala ay mayroon nang mga anak, at may nagsasabi pang hindi niya sinusuportahan ang mga anak niya.

Ang isa pang objections, mas bata kasi si Marlon kaysa kay Pia.

On the other hand, marami rin naman ang natuwa dahil ngayong split na sila, may iba namang magkakaroon ng chances kay Marlon. Hindi naman maikakaila talaga ang kakaibang hitsura ng Filipino-Swiss car racer na noon pa mang una ay dinudumog na ng mga fans. Lalo siyang na-expose sa publiko nang maka-relasyon si Pia, at mas dumami pa ang may crush sa kanya.

In fact,  may nagsasabi ngang nabawasan ang mga endorsements ni Marlon simula nang maging syota si Pia, “kasi nabawasan ang ilusyon ng mga fans dahil may syota na siya.”

Kaninong advantage ngayon ang split?

WALANG PONDO

Simple lang ang naging paliwanag ng dating director-general ng Film Academy of the Philippines na si Leo Martinez, kung bakit pumayag silang makuha ng FDCP ang kanilang taunang Luna Awards sa taong ito. Ayon kay Leo, matagal na naman ang kooperasyon ng FDCP at ng FAP, at sa taong ito, dahil sa centennial nga ng Philippine Cinema kaya ibinigay nila sa FDCP ang Luna Awards.

May mas simple pang mensahe, wala kasing kakayahan ang FAP na itaguyod iyon. Wala na ngang pondo ang FAP.

Iyan sana ang unahin ng ngayon ay director-general na si Vivian Velez.

POGI PA RIN ANG ORIG SEX VIDEO KING NA SI HANS MOTENEGRO

Naging guest sa Unang Hirit anniversary ang isa sa mga original hosts ng show na si Hans Montenegro. Pogi pa rin si Hans, sabi nga nila. Kontrobersiyal din iyan, dahil hindi nga ba si Hans ang isa sa mga unang-unang nagkaroon ng sex video na hinanap talaga ng mga tao noon. Maraming ibang lalaki sa nasabing sex video, dahil siya nga ang pinaka pogi, at pinaka sikat, iyong video ay tinawag na “Hans Montenegro sex video”.

May mga nagbibiro nga, kung si Hans daw ay gagawa ulit ng sex video, baka talunin niya ang mga sex videos na kumakalat ngayon, kung pagbabatayan ay ang naging interest ng mga fans, lalo na ang mga beki noong kanyang panahon.

 

Please follow and like us:
Read More

PIA: VHONG AND I, WE’RE COOL, WE’RE GAME!

boy abunda(NI BOY ABUNDA)

MASAYANG -masaya si Pia Wurtzbach dahil naging bahagi siya ng ‘Hope in A Star’ online campaign. Isa itong adbokasya na mayroong layunin na makatulong sa pag-aaral o edukasyon ng mga batang kapus-palad sa bansa. “Any time that I can offer my time and my help for a good cause, I always offer. I don’t feel like I’m exclusive to one advocacy lang naman. If I can offer my services to other advocacies then I’m game to do it. When I saw the campaign that they were doing Hope in a Star, I said ‘yes!’ right away because I was also a student before. I also had experience in school before,” nakangiting pahayag ni Pia.

Ang dating aktres na si Nanette Medved-Po ang founder ng Hope in A Star. Kasama ni Pia sina Nadine Lustre, James Reid, Iza Calzado at Luis Manzano sa nasabing online campaign. “Growing up I realize na napaka-importante talaga ng education and I wouldn’t be here now without everything that I learned in those four corners of the classroom. Everything that i learned from the teachers and the books and my classmates. So it’s really important that we give these kids a safe space where they can sit down and learn and be comfortable at the same time. It’s not just building classrooms, it’s like really building futures. Sana marami pang ibang artista who can offer also some experience for free for a good cause. Sana dumami pa kami,” paglalahad ng Miss Universe 2015.

Samantala, nilinaw ni Pia ang napabalitang hindi na umano matutuloy ang pelikulang pagtatambalan nila ni Vhong Navarro. Nasimulan na ang shooting ng bagong proyekto pero napahinto raw ang paggawa nito. “They want it to look really good. So they’re still at work up to now. Kami ni Vhong we’re okay but then mabuti na rin siguro ‘yon that we got to shoot an hour’s worth of scenes already then ni-review muna bago dinecide na maybe we need to do some changes. We wouldn’t want it to come out half-baked. We want to make sure that it’s a 100% what we want to show everyone. Para hindi masayang ‘yung pinaghirapang pera ng mga manonood at saka para hindi rin kami mapahiya. Para sa ating lahat ito so mabuti na rin siguro. From what I’ve been told, it is just a delay. Vhong and I are on standby. We’re cool, we’re game to shoot again anytime,” pagdedetalye ng dalaga. -Reports from JCC-   

 

Please follow and like us:
Read More

SEN. BONG PURSIGIDO KAY PIA WURTZBACH

ang kulit ni Lolit(NI LOLIT SOLIS)

PURSIGIDO talaga itong alaga kong si Sen. Bong Revilla na gumawa ng pelikula kasama si Pia Wurztbach.

Hindi ko lang alam kung kasama pa rin diyan si Robin Padilla, pero willing siyang hintayin ang availability ng Miss Universe.

Kung medyo maluwag na raw ang schedule niya sa next year, tamang-tama lang daw dahil iyun na rin ang target nilang magsimula sa paggawa ng pelikula.

Pero alam  ko may commitment pa si Pia sa Star Cinema sa pelikula nila ni Vhong Navarro. Hindi pa raw matapos-tapos iyun dahil na rin sa schedule ni Pia, kaya siguro tatapusin pa muna niya yan.

Ang bongga ni Pia huh! Hindi niya alam ngayon kung alin ang uunahin niya, ang kay Vhong o kay Bong!

Na-inspire kasi si Bong na gumawa na ng pelikula dahil maganda ang feedback sa mga pelikula niyang ipalalabas sa GMA Blockbuster tuwing Linggo ng hapon.

Nung last Sunday lang ito nagsimula na kung saan ipinalabas yung Dugo ng Panday niya, mataas ang rating at for the first time, natalo nito ang pelikula ni FPJ.

Mahirap kasing talunin ang mga pelikula ni FPJ na kahit paulit-ulit, pinapanood pa rin.

Siguro na-miss pa rin naman talaga si Bong ng mga fans niya kaya gustung-gusto na nilang mapanood ito sa TV o sa pelikula.

Siguro next year, okay na ring bumalik na si Bong sa showbiz dahil sabi nga niya, iyun naman talaga ang first love niya.

DATU BARON NA BA ANG DAPAT ITAWAG NATIN KAY GEISLER?

Paano na pala natin tawagin si Barong Geisler, Datu Baron na?

Eh nung nag-Take It per Minute me Ganun kami nina Cristy Fermin at Mr.

Fu nung nakaraang Martes, dumaan dun si Jerry Olea. Naikuwento nga niya sa amin na pupunta raw siya sa seremonya na kung saan gagawaran si Baron ng pagkilala na isa na siyang Datu.

Ang nagkaloob daw nito sa kanya ay ang royal family na sina King Raja Mohammadmamay Hasan Abdurajak at Queen Maria Makiling Helen Fatima Nasaria Panalino Abdurajak.

Nakakaloka! Hindi ko sila kilala kahit napakahaba ng pangalan nila. Pero sabi nila, sila raw ang tagapagmana ng trono ng Royal Imperial Lupah Sug Islamic United Kingdom of Sulu & North Borneo.

May ganun palang kaharian? Hindi ko knows yan mga bakla!

Pero kung ano man yun, baka maganda ang magagawa nito kay Baron dahil sabi nga niya, narinig lang daw ang testimony niya sa isang birthday nitong royal family na ito na sinasabi niyang malaki ang nagawa ng Diyos sa kanya para magbago.

Ngayon ay reformed Baron na siya, kaya pinagkaluuban ito ng Certificate of Royal Appointment and Recognition na may medalya pa at singsing with matching royal ID.

Kaya si Datu Baron Frederick van Geisler na ang turing sa kanya na isa  na raw siyang Ambassador for Peace and Prosperity.

Doon na rin sinagot ni Baron ang tungkol sa napabalitang babaliks siya sa rehab at nagpaalam na raw ito sa Ang Probinsyano.

Sabi niya, tuloy pa rin daw siya sa Ang Probinsyano at pumupunta lang daw siya sa dating pinag-rehab niya para magbigay ng talk at nagka-counseling pa rin.

May mga times daw kasing nadi-depress siya, kaya pumupunta siya roon para makipag-usap sa kanila dun.

Sabi ni Baron sa interview sa kanya ni Jerry; “Whenever I feel depressed, or ina-attack ako ng bad elements, ng demonyo…I have a spiritual family to go to. It’s a house. Penuel Home. We pray. May structure.

“I just go there. I’m a gradute there kasi. So, I’m always welcome.

“So, siguro, people na-misconstrue.”

Sana nga tuluy-tuloy na itong pagbago ni Baron ngayong may posisyon na siya huh!

Magaling pa naman siyang aktor at talagang nagmarka siya sa Ang Probinsyano.

RAYVER AT JULIE ANNE MAY CHEMISTRY 

Marami pala ang nakapansin na may chemistry raw sina Julie Anne San

Jose at Rayver Cruz.

Wala kasi ako dun sa mediacon ng The Clash na nasa second season na. Pero iyun ang sinasabi ng mga bakla dun na bagay silang dalawa.

Nakita kasi yan sa Studio 7 na bagay silang tingnan sa Duets with Me na segment nila.

Kaya kahit nandiyan pa ang Studio 7 tuwing Sabado, sila pa rin ang kinuhang The Clash Masters sa second season ng singing competition na ito.

Sabi ni Julie Anne; “Kasi one of the factors po talaga na kailangan sa isang show ay magkaroon ka ng chemistry dun sa mga katrabaho mo.

“Hindi naman po mahirap katrabaho si Rayver.”

Dugtong naman ni Rayver; “Ang bilis kasi namin  mag-jive. Sa mga prod numbers, natuwa ang mga tao.

“Naging close pa kami sa Studio 7.”

Tuloy pa rin ang mga original na Clash panel na sina Aiai delas Alas, Christian Bautista at Lani Misalucha.

Sina Ken Chan at Rita Daniela naman ang Journey hosts.

Ang layo na nang narating nitong tandem nina Ken at Rita ha?

Meron pa silang primetime series na One of the Baes na malapit na ring magsimula.

 

 

 

 

Please follow and like us:
Read More

MAY ‘MABUO’ KAYA SA PIA-VHONG MOVIE?

vhong12

(NI ROMMEL PLACENTE)

PAGKATAPOS makatambal si Gerald Anderson sa pelikulang “My Perfect You” ang susunod namang makakatrabaho at makakatambal ni  Pia Wurtzbach sa pelikula ay si Vhong Navarro, sa isang dark comedy film. Excited na nga raw ang tinanghal na Miss Universe 2015 na makatrabaho ang komedyante.

“MagsIsimula na kami ng shooting next week,”sabi ni Pia

Nu’ng gawin ni Pia ang “My Perfect You” ay nagkamabutihan sila ni Gerald, na naging dahilan para makipag-break dito si Bea Alonzo. Pero naayos din naman ang gusot sa relasyon ng dalawa, nagkabalikan sila.

Ngayong si Vhong naman ang makakasama sa pelikula ni Pia,  magkaroon din kaya sa kanila ng something? Magka-develop-an din kaya sila? Sinasabing ang mga komedyante ay romantiko,  kaya posibleng ma-fall kay Vhong si Pia, ‘di ba, lalo na’t single ito ngayon?

At si Vhong naman, kahit may live-in partner na, posible rin siyang magkagusto kay Pia dahil  maganda ito. Well, abangan na lang natin kung may mabubuong relasyon kina Vhong at Pia kapag ginawa na nila ang pelikulang pagsasamahan nila.

Tungkol pa rin kay Pia, walang katotohanan na naging girlfriend siya ni Kit Thomson gaya ng napababalita noon. Nilinaw ni Kit sa interview niya sa Tonight With Boy Abunda nu’ng Wednesday, na naging close lang daw sila ni Pia at never nagkaroon ng relasyon, kahit lumalabas sila.

At hindi naman daw siya na-attact dito. O di ba, sa gandang ‘yun ni Pia at tinanghal pa na Miss Universe, ay hindi nagkagusto sa kanya si Kim. Wala pala siyang dating kay Kit.

 

 

Please follow and like us:
Read More

‘SPECIAL TIES’ NI KIT KAY PIA

pia12

boy abunda(BOY ABUNDA)

MALAPIT na magkaibigan sina Pia Wurztbach at Kit Thompson kaya may ilang mga tagahangang nagtatanong kung nagkaroon din kaya ng espesyal na ugnayan ang dalawa. “Hindi, they help me a lot. Both of them si Harley and si Pia. Harley is commercial agent ko. Even though we are managed by different people, we still help each other. Nag-hangout lang kami one time Then suddenly kept hanging out even more,” kwento ni Kit.

Binansagan pa raw ng magkakaibigan na ‘The Lucky Ones’ ang kanilang grupo noon. “Dati wala pa kami sa New York, si Pia nagre-ready pa lang lumaban for Miss Philippines (Binibining Pilipinas). Kasi kung manalo siya, pupunta siyang New York. Ako rin, gusto ko ring mag-aral sa New York. One day, we were all in New York. We’re like, ‘Wow! We’re lucky.’ That’s why we came up with ‘Lucky Ones,’” paliwanag ng aktor.

Magdadalawang taon na ngayon ang relasyon ni Kit sa kanyang non-showbiz girlfriend. Dating modelo ang kasintahan ng binata at kung sakaling gustuhin nitong pasukin ang pagiging artista ay hindi raw pagbabawalan ng aktor. “No, I wouldn’t stop her if she wants,” sabi nito.

“Galing ako sa New York, nag-aral ako doon ng isang taon, Acting for Film. Siguro after being three years in the industry, I want to take it seriously. And I want to know more what acting is all aboutt. I had part-time job, ‘yung mga extra kong gastusin. But my dad supported me all throughout. I thank him so much. I can’t get a full-time job because I want to focus on my acting. So part-time job where I can control my hours,” sabi pa ni Kit.

 

 

Please follow and like us:
Read More

PIA WILLING MAG-AUDITION PARA SA ‘DARNA’

pia w12

boy abunda(NI BOY ABUNDA)

IKINALUNGKOT din ni Pia Wurztbach nang mabalitaang umatras na si Liza Soberano para gawin ang pelikulang ‘Darna.’ Kamakailan ay nagbigay ng pahayag si Liza tungkol sa pagbibitiw niya sa nasabing proyekto dahil sa tinamong injury sa daliri noong isang taon.

“Nalungkot ako talaga, kasi kaibigan ko na rin si Liza. ‘Yung feeling na, sa ‘yo na eh and then may mga things na hindi natin ma-control. I feel bad for her. I also messaged her. I can just imagine what it feels like. I feel really bad for what happened,” pahayag ni Pia.

Naging magkaibigan ang dalawa mula nang gumanap si Liza bilang si Pia sa istorya ng buhay ng beauty queen sa ‘Maalaala Mo Kaya’ noong 2017. Nakapagkuwentuhan din sina Pia at Liza tungkol sa ‘Darna’ nang magkasama sa ASAP sa Sydney, Australia noong isang taon. “I remember talking to her about the movie ‘Darna’ while we were doing ASAP in Australia, her preparation and how she was really excited about it,” nakangiting kwento ni Pia.

Isa sa mga pangalang lumutang na posibleng gumanap bilang ‘Darna’ ay si Pia. Isang malaking karangalan naman daw para sa Miss Universe 2015 kung papalarin siyang makaganap sa nasabing iconic role. “Kung papalarin na ibibigay sa akin ‘yung role na Darna, tatanggapin ko. I will work hard, I will train, I will attend workshops. Ibibigay ko lahat ng lakas ko. But of course, it’s ABS-CBN’s decision in the end to see who is the perfect fit to play the role,” paglalahad ng beauty queen.

Walang problema kay Pia kung kinakailangan niyang mag-audition para magampanan lamang ang pinakaaasam na role. “Yes, of course. If I find out that they’re open to have me audition, then I’m going to try. Why not? It’s everybody’s dream. It’s a dream role for me to play a superhero. If it happens, it happens. If not, then that’s also fine,” pagtatapos ng dalaga. -Reports from JCC-  

 

 

Please follow and like us:
Read More

VICE GANDA ‘INSENSITIVE’ SA SINABI KAY CATRIONA GRAY

cat22

pwede ed deleon(NI ED DE LEON)

ANO nga kaya ang naging pakiramdam ni Pia Wurtzbach nang sabihin ni Vice Ganda na para sa kanya ang pinaka magandang naging Miss Universe ay si Catriona Gray? Ano rin kaya ang kanyang pakiramdam na isa lamang siya sa napakaraming stars na lumabas sa show na iyon na parangal para kay Catriona, ganoon ilang taon lamang ang nakararaan siya iyong Miss Universe at hindi yata siya nabigyan nang ganyang importansiya?

May nakikita kaming malaking kaibahan eh. Kasi iyang si Catriona, hindi natin maikakaila na bago pa man ang Miss Universe ay marami na siyang mga fans, may nagsasabi pa nga noon na makikipag-away sila kung hindi mananalo si Catriona.

Iba talaga ang nakita nating following ni Catriona, kahit na nga iyong bilang ng mga taong nag-abang sa kanyang unang welcome home parade. Matindi iyon. Talo nga ang MMFF eh.

Pero ganyan talaga siguro ang delikado doon sa mga unscripted na mga shows. Mukhang nakalimutan ni Vice na nakinabang din siya kay Pia na isinama niya sa kanyang highest grossing film ever. Mas malaki ang kinita ng kanyang pelikula na kasama sina Pia at Daniel Padilla kaysa sa pelikula niya noong nakaraang festival. Pero iyon ang naramdaman niya noong gabing iyon eh, palagay niya pinaka maganda si Catriona eh di bahala siya.

Pero may nakatawag pa ng pansin namin, nagkaroon na ng official announcement ang Miss Universe Organization na ang Miss Universe pageant sa Pilipinas ay mananatili sa Binibining Pilipinas Charities. Tama ang sinabi ng dating governor Luis Chavit Singson na gagawa ng official announcement ang MUO kasabay ng official homecoming ni Catriona, pero mali pala iyong sinasabi niyang ang franchise ng Miss Universe sa Pilipinas ay ibibigay na sa kanyang LCS Inc., na sinasabi niyang ini-alok sa kanya noon pa man.

 

COCO MARTIN LIKAS ANG PAGKAMATULUNGIN

Oo nga matulungin naman talaga si Coco Martin sa lahat ng mga artista at manggagawa sa industriya ng pelikula na nangangailangan, kaya basta may nalagay sa gipit, kagaya nga ng yumaong si Kristoffer King, ang una nilang naisip lapitan ay si Coco. Pero bakit si Coco? Wala na bang ibang maaasahan?

Hindi ba siya kayang tulungan din ng Mowelfund na ang talagang trabaho ay “movie workers’ welfare” kagaya ng sinasabi sa pangalan nila? Wala man silang pera, hindi kaya maaaring maging guarantor man lang sila sa ospital para mailabas muna ang death certificate ni King at nang maipalibing muna at saka na gumawa ng paraan para makabayad.

Hindi kaya possible rito iyong Actors’ equity kagaya sa ibang bansa kung saan ang mga artista at ibang manggagawa ay nabibigyan kahit na one percent share sa kita ng pelikula, para makatulong kung sila ay nasa gipit na katayuan kagaya nga niyan? Iyan ang dapat tinitingnan ng mga ahensiya ng gobyerno na gumagabay sa industriya, hindi iyong puro pagpapalabas ng pelikulang indie na hindi naman kumikita.

Tingnan ninyo iyan, isang indie star si Kristoffer King, ni hindi man lang matulungan.

Siguro nga tutulong naman si Coco. Siguro may iba pang tutulong din, lalo na iyong mga artistang kumakandidato ngayon, pero wala nga bang ahensiyang maaasahan ang mga manggagawa sa industriya ng pelikulang Pilipino? Tama bang pabayaan silang ganoon na lamang? Tama bang kailangang ipanghingi kung may nangangailangan? Bigyan natin ng dignidad ang maliliit na manggagawa sa industriya

 

Please follow and like us:
Read More