LPG NAGLIYAB; BOARDING HOUSE, KARINDERYA NATUPOK

(NI KIKO CUETO)

TINUPOK ang isang karinderya maging ang boarding house sa Escriva Drive, Barangay San Antonio, Pasig City Lunes ng gabi.

Sa imbestigasyon, sinabi ng Bureau of Fire Protection (BFP), na nagmula ang apoy sa karinderya nang magliyab ang LPG tank.

“Kapag ‘di nakonekta nang maayos ang hose sa LPG, mapupuno ng fumes ang bahay. Isang spark lang, possible na sumabog,” ani FO3 Donna Faye Mallanta ng BFP-Pasig.

Nadamay sa sunog ang katabing boarding house.

Kuwento ni Michael Barrameda, nag-iinuman sila sa loob ng karinderya nang biglang nagliyab ang LPG tank habang may nagpiprito umano ng itlog sa kusina.

Inaalam pa ng mga bombero ang pinsala ng insidente.

 

 

Please follow and like us:
Read More

BIRTHDAY BOY SINAKSAK NG BISITA SA PARTY

crime34

(NI KEVIN COLLANTES)

SUGATAN ang isang birthday celebrator nang saksakin ng isa sa kanyang mga bisita matapos na  mauwi sa argumento ang kanilang masayang pagdiriwang at pag-iinuman sa Barangay San Miguel, Pasig City, nitong Sabado.

Inoobserbahan sa Rizal Medical Center dahil sa tama ng saksak sa katawan ang biktimang si Rolando Samaniego, 36, pintor, ng Barangay San Miguel.

Samantala,  nadakip naman ng mga tauhan ng Police Community Precinct 5 (PCP-5) ng Pasig City Police, ang suspek na si Eugenio Placido, alyas Jeng, residente rin ng naturang lugar, sa isang follow-up operation, at nakatakdang sampahan ng kasong bigong pagpatay sa piskalya.

Batay sa ulat ng pulisya, lumilitaw na dakong alas-4:20 ng hapon nang maganap ang krimen sa Dr. Pilapil Street, Barangay San Miguel.

Masaya umanong ipinagdiriwang ni Samaniego ang kanyang ika-36 na kaarawan ngunit habang nakikipag-inuman sa kanyang mga bisita, ay nagkaroon ito ng mainitang pakikipagtalo sa bisitang si alyas ‘Anette.’

Sa kasagsagan ng pagtatalo ay nakialam si Placido at bigla na lang sinaksak ang biktima sa katawan, bago mabilis na tumakas, bitbit ang patalim na ginamit sa krimen, habang isinugod ng mga kaanak sa pagamutan ang biktima upang malunasan.

Kaagad namang nagsagawa ng follow-up operation ang pulisya, na nagresulta sa pagkadakip sa suspek.

 

 

Please follow and like us:
Read More

DRIVER PISAK SA 2 SASAKYAN

crime

(NI KEVIN COLLANTES)

DEAD on the spot ang isang tricycle driver nang maipit sa dalawang behikulo, habang palabas sa compound ng isang carwash sa Barangay Oranbo, Pasig City nitong Biyernes.

Ang biktima ay kinilalang si Richard Adonis, 38, na nagtamo ng matinding pinsala sa katawan.

Batay sa ulat ng Pasig City Police, naganap ang insidente dakong 1:50 ng hapon sa loob ng compound ng carwash at junk shop sa Cpt. Henry Javier, sa Barangay Oranbo.

Nabatid na bago ang insidente ay nakaparada sa loob ng compound ng carwash ang Mitsubishi Mirage (AAZ-1661), na pagma-may-ari ni Alfredo Villajuan, 53, paharap sa silangang direksiyon habang nakaparada rin naman sa sidewalk ng Cpt. Henry Javier Street, ang Ford Everest na may conduction sticker na C1 R584, na pagma-may-ari naman ni Frances Marie Saculo, 38, paharap naman sa northeast direction.

Sa hindi pa batid na kadahilanan ay bigla na lang umanong umusad ang Ford Everest patungo sa Mitsubishi Mirage.

Nagkataon namang sakay ng kanyang Suzuki GS 125 na tricycle (EP 7027) ang biktima, at palabas sana ng compound, kaya’t minalas na masagi at makaladkad ito ng umuusad na Ford Everest, bago ito tuluyang bumangga sa nakaparadang Mitsubishi Mirage.

Na-sandwich naman sa dalawang sasakyan ang biktima na nagresulta sa pagkamatay nito.

Please follow and like us:
Read More

LALAKI TINARAKAN NG ICEPICK SA NOO

crime85

(NI KEVIN COLLANTES)

SUGATAN ang isang street sweeper nang pagtulungang barilin at tarakan ng icepick sa noo ng kanyang dalawang dating kasamahan sa trabaho sa Barangay Santolan, Pasig City, Biyernes ng gabi.

Agad na naisugod at nilapatan ng lunas sa Amang Rodriguez Medical Center ang biktimang nakilalang si Jason Palermo, alyas ‘Barabay,’ 29, street sweeper, residente ng naturang lugar.

Samantala, mabilis namang nakatakas ang dalawang suspek, na nakilala lang na sina alyas ‘Nosi’ at alyas ‘Alvin’, kapwa dating kasamahang jeepney barker ng biktima.

Batay sa ulat ng Pasig City Police, nabatid na dakong alas-9:45 ng gabi ay nakatayo lamang ang biktima sa harap ng isang tindahan ng prutas sa Marcos Highway,  Barangay Santolan, nang bigla na lang dumating ang mga suspek.

Kaagad umanong nagbunot ng baril si alyas ‘Nosi’ at binaril ang biktima na tinamaan sa kanang paa habang nilapitan naman ito ni alyas ‘Alvin’ at kaagad na tinarakan ng ice pick sa noo.

Nang makitang sugatan na ang biktima ay naglalakad lamang na tumakas ang mga suspek, patungo sa area ng Marikina City habang mabilis namang tinulungan ng ilang concerned citizen ang biktima at isinugod sa pagamutan upang malunasan.

Ayon sa pulisya, dating magkakasamang barker ang biktima at mga suspek, na nagkaroon ng alitan, at ito anila ang tinitingnan nila ngayong motibo sa tangkang pagpatay.

Tinutugis na ng mga awtoridad ang mga suspek upang mapanagot sa krimen.

Please follow and like us:
Read More

SUNDALO NAGWALA; ARESTADO SA BARIL, BALA

huli

(NI MAC CABREROS)

ARESTADO ang isang security officer at Philippine Army reservist dahil sa pagwawala at pagpapaputok ng baril sa Pasig City.

Sasampahan ng kasong alarm and scandal at paglabag  sa RA10591 si Mark Anthony Garcia, 39.
Sa ulat, alas-4:45 ng hapon ng Linggo nang arestuhin si Garcia sa Sto. Nino St. corner Gate 3, SPS Compound, Brgy. Rosario, Pasig  City.

Nakatanggap ng impormasyon si Michael Mora, barangay security force, na may kaguluhan sa lugar kung saan may nagwawala at nagpaputok ng baril.

Humingi si Mora ng responde mula sa TMRU ng Pasig City Police na agad kumilos at napigilan ang pagwawala ni Garcia kung saan nakumpiska sa kanya ang isang caliber .45 pistol at magazine na may walong bala. Narekober din sa lugar ang isang basyo ng bala.

Nakapiit ngayon sa himpilan ng pulisya si Garcia habang  inihahanda ang dokumento sa pagsasampa ng kaso laban dito.

Please follow and like us:
Read More

14-ANYOS ‘CARNAPPER’ ARESTADO

arrested12

(NI MAC CABREROS)
LALONG tumindi ang kahilingan na ibaba ang minimum age of criminal liability ng menor de edad.

Ito’y matapos maaresto ng awtoridad ang 14-anyos na itinago sa pangalang ‘CP’ na nangarnap ng isang motorsiklo sa Pasig City.

Narekober naman ang motorsiklo ni Dariush Maneses, 40, ng 15 M B Tanangco St. Brgy. Buting, nasabing lungsod.

Alas-2:45 ng madaling araw ng Linggo nang maaresto si ‘CP’ sa Brgy. Buting at umaming siya ang nagnakaw sa motor ni Meneses at dinala sa J.P. Rizal, Makati.

 

Please follow and like us:
Read More

NAKAW NA CELLPHONE IBINIBENTA SA FB, LALAKI HULI

facebook nakaw12

(NI MAC CABREROS)

INARESTO ng awtoridad ang isang lalaki dahil sa pagbebenta ng nakaw na gamit kung saan ipino-post nito sa Facebook ang mga tindang produkto.

Hindi nakapalag nang posasan ng pulis si Asnawi Senuman, 21, ganap alas-6:00 ng gabi nitong Miyerkoles sa loob ng isang supermarket sa Brgy. Palatiw, Pasig City.

Base sa reklamo ni Matt Andrew Agonoy, 24, web developer, nakita niya sa Facebook post ni Senuman na ibinebenta ang kanyang cellphone na Samsung Galaxy S8 na sapilitang kinuha sa kanya ng dalawang holdaper alas-6:00 ng gabi noong Martes habang naghihintay ng masasakyan sa EDSA-Estrella, Makati City.

Nagulat ito nang makita niya sa FB page ng suspect ang kanyang cellphone. Agad siyang humingi ng tulong sa pulisya na agad namang kumilos at naaresto ang suspek at nagkasundong magkita sa isang supermarket.

Kasong paglabag sa Anti-Fencing Law ang isasampa kay Senuman.

Samantala, mangangailangan ngayon ng malaking halaga na pampiyansa si Alfred Castillo, 39, makaraang madakip matapos mag-shoplift ng iba’t ibang uri ng damit na nagkakahalaga sa SM Hypermarket sa Bagong Silang, Mandaluyong City.

 

Please follow and like us:
Read More

BUHAY KAPALIT NG KINAIN NA BALUT

stab100

(NI MAC CABREROS)

NASAWI ang isang lalaki nang saksakin ng balut vendor matapos ang hindi pagkakaunawaan sa kinain nitong balut sa Pasig City.

Nalagutan ng hininga  pagdating sa Taytay Emergency Hospital sanhi ng ilang tama ng patalim sa katawan si Rodrigo Commendador Jr, 32, ng Brgy. Pinagbuhatan.

Pinaghahanap naman ng awtoridad ang suspek na si Renato Buco, balut vendor.

Sa imbestigasyon, nagtalo ang dalawa dahil sa kinaing balut ng biktima. Biglang naglabas ng patalim ang suspek at inundayan ng ilang beses na saksak sa iba’t ibang bahagi ng katawan ng biktima bago ito tumakas dala ang patalim.

Samantala, iniimbestigahan at pinagsisikapan ng Mandaluyong City Police na makilala ang babaeng nasawi nang mahulog sa canopy ng isang mall sa EDSA sa Brgy. Wack-Wack, umaga ng Lunes.

Please follow and like us:
Read More

RAPE NG AMAIN MAY ‘CONSENT’ NG NANAY

rape 12

(NI MAC CABREROS)

KALABOSO ang mag-partner dahil sa kasong rape kung saan may ‘consent’ umano ng ina ang ginagawang kalaswaan ng kinakasama sa kanyang anak, iniulat ng Eastern Police District nitong Linggo.

Sa ulat na nakarating kay EPD director BGEN. Christopher E. Tambungan mula kay PMaj. Darwin Guerrero hepe ng District Intelligence Unit, nakilala ang mga akusadong sina Antonio Briza, 47, mekaniko, at Marilyn Solis, 40, ina ng biktima, kapwa nakatira sa Blk. 15, Lot 3, Mercedes Park, Mercedes Executive Village, San Miguel, Pasig City.

Ayon sa pulisya, sa bisa ng warrant, unang nadakip si Briza sa loob ng kanilang bahay alas-7:30 ng gabi noong Abril 12 at sunod na dinakma si Solis sa harap ng Puregold sa Mercedes Ave., Brgy.
San Miguel, alas-6:45 a.m. ng Abril 13.

Nasasakdal ang mag-partner sa sala ni Pasig City RTC Branch 159 Judge Carmencita Lacandazo Logan dahil sa panggagahasa ng lalaki sa 17-anyos na biktima na anak mismo ng babae.

Nalaman ng pulisya na may ‘consent’ umano ng ina ang pang-aabuso ng lalaki sa dalagita mula nang ito ay 12-anyos pa lamang.

Inilabas ng korte ang warrant sa mag-asawa noong Pebrero 3 at dito nagsagawa ng operasyon ang District Special Operations Unit sa pamumuno ni PSSG Erwin Dela Cruz at nagresulta sa  pagkaaresto ng mga akusado.

“I commend the DIU and DSOU operatives for their relentless effort to subdue these wanted persons  which is in line with PNP Patrol Plan 2030,” papuri Tambungan.

Aniya, ipagpatuloy ng EPD ang paghahanap sa mga wanted at madakip ang mga ito para mabigyan ng hustisya ang mga biktima.

 

Please follow and like us:
Read More

BABY NADAGANAN NG KUTSON, PATAY!

crime

(NI KEVIN COLLANTES)

ISANG 1-taong gulang na sanggol ang binawian ng buhay nang madaganan ng isang malaking kutson habang natutulog sa Barangay Pinagbuhatan, Pasig City, nitong Huwebes.

Dead on arrival na sa Pasig City General Hospital ang biktimang si Austine Tesorero, 1 and 3 months old, dahil sa supokasyon.

Batay sa ulat ng Pasig City Police, naganap ang insidente sa tahanan ng pamilya Tesorero sa Block 1, Lot 7, Masbate Street, Mangga 2, Nagpayong,  Barangay Pinagbuhatan, dakong alas-12:30 ng tanghali.

Ayon sa ama ng biktima na si Joey, natutulog ang sanggol kaya’t panatag ang loob na iniwan nila ito sa kanilang silid habang sila naman ng asawa at iba pang kaanak ay nasa dining area at nanananghalian.

Nagulat na lamang umano sila nang pagpasok ng asawa niya sa silid ay nakitang nabagsakan na pala ang bata ng kanilang queen size bed foam na nakasandal sa kanilang dingding, sanhi upang ma-suffocate ito.

Kaagad nilang isinugod sa pagamutan ang sanggol ngunit idineklara na itong patay ng mga doktor.

 

Please follow and like us:
Read More

DEPRESSED SA SAKIT NA DIABETES, LALAKI NAGLASLAS

suicide16

(NI KEVIN COLLANTES)

PATAY ang isang lalaki nang laslasin ang kanyang kaliwang pulso, bunsod umano ng dinaranas na depresyon dahil sa sakit na diabetes, sa loob ng kanilang tahanan sa Barangay dela Paz, Pasig City nitong Miyerkoles.

Ang suicide umano ni Arvin Adel, 38, ay nadiskubre ng kanyang kapatid na si Erik sa loob ng kanilang tahanan sa 49 Unit E, F. Mariano Avenue, Barangay dela Paz.

Batay sa ulat ng Pasig City Police, galing sa trabaho si Erik at laking gulat nito nang pagpasok ng kanilang tahanan ay madiskubre ang kanyang kapatid na padapang nakahandusay sa sahig at naliligo sa sariling dugo.

Kaagad namang humingi ng tulong sa rescue team ng Barangay Dela Paz si Erik upang maisugod ang kapatid sa Pasig City General Hospital ngunit idineklara na itong patay ng mga doktor.

Ayon kay Erik, dumaranas ng depresyon ang kapatid na dulot ng sakit nitong diabetes, kaya’t ito ngayon ang tinitingnang motibo ng mga awtoridad kung bakit nagawa ng biktima na wakasan ang sariling buhay.

Please follow and like us:
Read More

MAG-LOLO SUGATAN SA SUNOG

fire

(NI KEVIN COLLANTES)

ISANG mag-lolo ang nasugatan nang sumiklab ang isang sunog sa kanilang tahanan sa Barangay Kalawaan, Pasig City, Huwebes ng madaling araw.

Kapwa nagtamo ng second degree burns sa iba’t ibang bahagi ng katawan ang mga biktimang sina Recter Panganiban, 70, at Princess Rebuso, 16, na ginagamot na ngayon sa magkahiwalay na pagamutan.

Lumilitaw sa ulat ng Pasig City Police na dakong alas-4:00 ng madaling araw nang sumiklab ang sunog sa 42 Elisco Road, sa Barangay Kalawaan.

Wala umanonng kuryente sa naturang tahanan kaya’t gumamit sila ng kandila, ngunit minalas namang pinagmulan ito ng sunog.

Tatlo pang kabahayan ang nadamay sa sunog bago ito tuluyang naapula ng mga bumbero dakong 5:31 ng madaling araw.

Inaalam pa ng mga awtoridad ang halaga ng mga ari-arian na natupok sa sunog.

Please follow and like us:
Read More

ANAK DEHADO SA SUNTUKAN; TATAY NANAKSAK

crime

(NI KEVIN COLLANTES)

ISANG truck driver ang sugatan nang pagtulungang gulpihin at saksakin pa ng gunting ng tatay ng nakasuntukan dahil sa selos sa Barangay Maybunga, Pasig City nitong Huwebes.

Inoobserbahan pa ng mga doktor ng Pasig City General Hospital ang biktimang si Felix Maliglig, 49, dahil sa tama ng saksak ng gunting sa kanang bahagi ng tiyan.

Samantala, arestado naman at nakakulong na ang mga suspek na sina Rodel Galleta, 53; at kanyang anak na si Rommel Galleta, 22.

Lumilitaw sa inisyal na report ng Pasig City Police sa tanggapan ni Eastern Police District (EPD) Director P/Chief Supt. Christopher Tambungan, na dakong 10:30 ng umaga ay naabutan ng biktima ang kanyang nobya at si Rommel na nakahiga sa kama at magkatabing nanonood ng telebisyon, sa Yakanle Compound, Dr. Sixto Antonio Avenue, Barangay Maybunga.

Naging dahilan ito upang magselos ang biktima at kumprontahin si Rommel, na nauwi sa suntukan.

Nakita naman ni Rodel ang pag-aaway ng dalawa kaya’t tumulong ito sa anak at sinaksak ang biktima.

Kaagad namang isinugod sa pagamutan ang biktima upang malunasan habang inaresto ng mga rumespondeng tauhan ng Police Community Precinct 4 ang mag-ama, at binitbit sa presinto para ikulong at sampahan ng kaukulang kaso.

 

 

Please follow and like us:
Read More

MARIJUANA DELIVERY: LALAKING SUPPLIER ARESTADO

angkas1

(NI KEVIN COLLANTES)

BILANGGUAN ang binagsakan ng isang 23-anyos na lalaki nang maaresto habang aktong tinatanggap ang ipinadeliber na pakete na may lamang pinatuyong dahon ng marijuana sa isang Angkas driver sa Barangay Rosario, Pasig City Sabado ng madaling araw.

Ang suspek na si Mikko Berino, residente ng naturang barangay, ay nakakulong na at nahaharap sa kasong paglabag sa Republic Act 9165 o The Comprehensive Dangerous Drugs Act of 2002.

Lumilitaw sa ulat ng Pasig City Police, sa Eastern Police District (EPD), na dakong 5:00 ng madaling araw nang maaresto ang suspek sa Amang Rodriguez, tapat ng Gomez Village, sa Barangay Rosario.

Bago ang pag-aresto ay humingi ng tulong sa pulisya ang Angkas rider na si Jeffrey Francisco, nang maghinalang mga pinatuyong dahon ng marijuana ang laman ng pakete na ipinade-deliber sa kanya sa suspek.

Kaagad namang nag-abang ang mga alagad ng batas at inaresto ang suspek habang aktong inaabot ang pakete, na may lamang isang pirasong zip locked na transparent sachet ng dried marijuana leaves, na hindi pa batid ang dami at halaga.

 

Please follow and like us:
Read More

2 OPISYAL SIBAK SA ‘COMMAND RESPONSIBILITY ‘

pnp300

(NI KEVIN COLLANTES)

KAAGAD na ni-relieve sa pwesto ni Eastern Police District (EPD) Director P/Chief Supt. Bernabe Balba ang mga hepe ng dalawang pulis, na naaresto ng mga tauhan ng Philippine Drug Enforcement Agency (PDEA), sa isang drug buy-bust operation sa Pasig City, dahil na rin sa isyu ng command responsibility.

Ayon kay Balba, ang agarang pagsibak kina P/Chief Insp. Abraham Satorre, hepe ng District Special Operations Unit (DSOU) ng EPD at P/Insp. Edward Olmedo, commander ng Police Community Precinct 9 (PCP-9) ng Pasig City Police, ay alinsunod na rin sa kautusan ni National Capital Regional Police Office (NCRPO) chief, P/Director Guillermo Lorenzo Eleazar.

Sinabi ni Balba na si Satorre ay pinalitan sa pwesto ni P/Chief Insp. Darwin Guerrero habang si P/Senior Insp. Mario Benito naman ang magiging Officer-in-Charge (OIC) ng PCP 9 ng Pasig Police.

Nabatid na ipinag-utos ni Eleazar ang pagsibak sa mga naturang hepe ng pulis nang maaresto ang kanilang mga tauhan sa ikinasang anti-drug-buy-bust operation sa Caltex Gas Station, San Guillermo Avenue, Barangay Buting, Pasig City noong hapon ng Pebrero 22.

Ang mga suspek na sina PO2 Marlou Roldan, ng PCP 9 at PO3 Mark Vista ng EPD-DSOU, na naaresto kasama ang sibilyan na si Raymond Ryan Cruz, ay una na ring sinibak sa kanilang pwesto.

Batay sa report ng PDEA, nakipagbarilan pa umano sa kanilang mga tauhan ang mga naturang pulis bago sila naaresto.

Si PO2 Roldan ay nagtamo ng sugat at kaagad na nadakip saka isinugod sa pagamutan, habang si PO3 Vista naman ay nagawa pang makatakas kahit sugatan, ngunit naaresto rin naman nang matunton habang nagpapagamot sa Rizal Medical Center.

Kaagad na ikukustodiya ng PDEA ang mga naturang naarestong pulis, na sinampahan na ng kaso, sa sandaling makalabas na ang mga ito ng pagamutan.

“The NCRPO will be relentless in the implementation of the program. It is right that these rogue cops involved in illegal drugs are caught by any law enforcement agency. Criminal and administrative charges will be filed against them immediately, and  they should be dismissed from the service,” pagtiyak naman ni Eleazar.

“The relief of their commanders is immediate, while internal investigation is in progress. it is hard for me to believe that the immediate commanders of such rogue policemen are totally unaware of their men’s behavior. I expect the commanders to know their men thoroughly. At the least, the commanders must also observe and note  the lifestyles and behavior of their men,” dagdag pa ni Eleazar.

 

 

 

Please follow and like us:
Read More

TEENAGER No. 4 MOST WANTED SA EPD ARESTADO

cuff1

(NI NICK ECHEVARRIA)

NAARESTO ng mga tauhan ng District Special Operations Unit (DSOU) ng Eastern Police District (EPD) ang itinuturing na No. 4 most wanted person sa kanilang nasasakupan, Huwebes ng hapon.

Sa report na nakarating sa tanggapan ni EPD Dir. P/CSupt. Bernabe Balba, nakilala ang suspek na si James Mark M. Villegas, 19, at residente ng Balderama St. Nagpayong, Bgy. Pinagbuhatan, Pasig City.

Si Villegas ay nadakip ng mga tauhan ni P/CInsp. Abrahan Satorre Jr., hepe ng DSOU matapos ang isinagawang manhunt operation sa bisa ng Warrant of Arrest na nilagdaan ni Judge Florian Gregory D. Abalanon ng Pasig City Regional Trial Court (RTC) Branch 261 na may kasong Carnapping sa ilalim ng Criminal Case No. 158277 at kabilang sa EPD’s High Value Target dahil sa pagkakasangkot sa illegal drug trade.

Nabatid na 16-anyos pa lamang  si Villegas nang unang maaresto makaraang masangkot sa carnapping kung kaya’t sa Pasig City Bahay Aruga ito dinala subalit tumakas hanggang sa mapasama naman ito sa operasyon ng droga.

 

Please follow and like us:
Read More

BIGTIME PUSHER HULI SA P1.7-M IDE-DELIVER NA SHABU

bigtime

TINATAYA sa P1.7 milyong halaga ng umano’y shabu ang nasabat ng mga operatiba ng Philippine Drug Enforcement Agency (PDEA) matapos ang buy bust operation Sabado ng gabi ng Barangay Pinagbuhatan, Pasig City.

Sakay ng kanyang motorsiklo ang suspect na kilala lamang sa alyas Lem nang harangin ng mga operatiba.

Bitbit nito ang tatlong plastic bag na may 250 grams ng hininahalaang shabu na may market value na P1.7 milyon.

Gayunman, iginiit ng suspect na hindi umano siya nagbebenta ng droga kundi runner lamang dahil ipinadedeliver lamang umano ang mga ito.

Hindi naman naniwala ang PDEA sa alibi ni ‘Lem’ dahil matagal na umano itong under surveillance ng awtoridad.

Si ‘Lem’ umano ang operator sa eastern part ng Metro Manila at upang hindi mabulilyaso ang lakad ay siya mismo ang naghahatid ng kontrabando sa ‘buyer’.

Please follow and like us:
Read More

CRIME LEADER, 2 ‘SIDEKICK’ ARESTADO SA PASIG

huli

HULI sa bitag ang isang sinsabing lider ng crime gang sa isang buy bust operation sa Greenwoods, Pasig City, Sabado ng umaga.

Sinabi ni Eastern Police District (EPD) na ang Bandal Criminal Gang leader na si John Ryan Suarez, 34 at mga tauhan na sina Amado Gaspar, 39 at Kim Marollano, 30, ay inaresto sa Mulawin St., kanto ng Greenwoods Avenue, Barangay Pinagbuhatan. Isinagawa ang operasyon ng mga tauhan ng Eastern District Field Unit (EDFU) ng Criminal Investigation and Detection Group kasama ang Pasig City Police Station Drug Enforcement Unit.

Ang grupo ni Suarez ay nagsasagawa umano ng operasyon sa naturang lungsod at kalapit na lalawigan ng Rizal at Bulacan. Nabawi sa mga ito ang sachet ng shabu sa loob ng Mitsubishi Montero na sasakyan ng grupo. Kasamang nabawi ang .38 cal Colt revolver, .22 cal., mga bala at ang P2,000 marked money.

Sangkot din umano ang grupo sa gun-running activities, gun-for-hire,robbery hold-up at illegal drug activities.

Please follow and like us:
Read More