1 KILONG SHABU NASAMSAM SA BABAENG ‘COURIER’

arrested12

(NI AMIHAN SABILLO)

MAHIGIT sa isang kilo ng hinihinalang shabu ang nakumpiska sa isang babae sa buy bust operation sa Barangay Don Bosco Parañaque City.

Sa ikinasang operasyon ng Drug Enforcement Group ng PNP, sinabi ni

Lt. Col. Remegio Yapes, deputy ng special operations unit ng PDEG, dakong alas-10:00 Miyerkoles ng gabi nang magsimula ang operasyon sa General Trias Cavite kung saan nagpanggap na buyer ang tauhan ng PDEG.

Sa hudyat at tip na din nang nagpanggap na buyer sa Paranaque, magaganap  ang bilihan ng droga at pagdating  sa Russia St. ay dito na sumalubong ang mga otoridad at naaresto ang drug suspek na nakilalang si Alpia Sailaguia.

Sinabi pa ni Yapes na umabot sa street value na P7 milyon ang mga nakumpiskang shabu.

Samantala, sa inisyal na pag-iimbestiga ng PDEA,  sa Calabarzon at ilang bahagi ng Metro Manila ikinakalat ang operasyon ng drug suspect.

Patuloy naman ang imbentaryo sa mga nakumpiskang droga.

Please follow and like us:
Read More

‘QUACK DOCTOR’ NG ABU SAYYAF, 1 PA HULI NG NBI

(NI HARVEY PEREZ/PHOTO BY MAYA FELIZA)

NADAKIP ng mga ahente ng National Bureau of Investigation(NBI) ang dalawang miyembro ng Abu Sayyaf Group (ASG) na may tig-P600, 000 patong sa ulo, kabilang ang isang ‘hilot’ o quack doctor ng kanilang grupo, sa magkahiwalay na pagkakataon sa Zamboanga City at sa Paranaque City .

Nasakote ng mga tauhan ng National Bureau of Investigation-Counter Terrorism Division, ang mga suspek na sina Abdulla Addi Danial alyas ‘Tuma’ at Aluyudan Guru, alyas ‘Abu Tarik’ na kapwa dinakip sa bisa ng warrant of arrest sa kasong kidnapping at serious illegal detention na inisyu ng Pasig Regional Trial Court (RTC) Branch 266.

Ang dalawa ay ipinrisinta ni NBI Deputy Director Vicente De Guzman III, NBI spokeperson Ferdinand Lavin at CTD chief Raoul Manguerra sa ginanap na pulong balitaan.

Nabatid sa NBI na si Tuma ay nadakip noong Hulyo 31 habang papasok sa isang mall sa Zamboanga City, ng pinagsanib na pwersa ng NBI, Philippine Navy at Special Action Force.

Nalaman na si Tuma ay close associate umano nina ASG leaders Khadaffy Janjalani at Isnilon Japilon at nagsilbing manggamot ng ASG, sangkot sa pagdukot sa anim katao sa Patikul, Sulo noong Agosto 20, 2002 kung saan napugutan ng ulo ang dalawang lalaking hostage at ipinanghingi ng ransom ang apat na babaeng hostage, at positibong itinuro ng witness na perimeter guard. Siya ay nakasuhan, kasama ang namatay na si Galib Andang, alyas ‘Kumander Robot’.

Naging manggagamot gamit ang traditional medicine si Tuma nang mamatay ang dating nanggagamot na si ASG leader Gumbahali Abu Jumdail alyas ‘Dr. Abu’.

Si Tuma ay sangkot din sa kidnapping ng 21 katao na kinabibilangan ng 19 na banyaga at dalawang Pinoy sa Sipadan, Malaysia noong Abril 2000 at pagdukot sa tatlong Indonesian sailor na namatay habang hostage pa ng ASG.

Habang si Abu Tarik ay nadakip na nagtitinda ng medyas malapit sa Baclaran LRT station, sa Paranaque City nitong Agosto 15, sa isinagawang follow-up operations ng CTD, PN at SAF matapos makakuha ng impormasyon kaugnay sa pagkadakip kay Tuma.

Si Abu Tarik ay kinilala ng mga biktima na nagsilbing perimeter guard sa mga hostage mula sa Golden Harvest Plantation. Siya rin ay madalas umanong umuwi sa bayan niya sa Lanao Del Norte dahil malapit siya sa pro-ISIS Maute brothers at namataan din sa meeting ng ASG bago pa maganap ang Marawi siege at gumawa ng paraan para mapasok ng Yakan Group ni Isnilon Hapilon ang Marawi.

Nakatakdang i-turn over ng NBI ang dalawa sa Bureau of Jail Management and Penology (BJMP).

Please follow and like us:
Read More

BABAE BINARIL NG EX-BF DAHIL SA SELOS

(NI ROSE PULGAR)

LOVE triangle at selos ang tinitingnan na motibo sa pagpaslang sa isang babae makaraang pagbabarilin  ng kanyang dating nobyo, kahapon ng umaga sa Paranaque City.

Dalawang tama ng bala ng kalibre 45 baril sa katawan at namatay noon din sa pinangyarihan ng insidente ang biktimang si Gigi Despi, ng Barangay Baclaran.          Patuloy naman nagsasagawa ng manhunt operation ang mga awtoridad laban sa tumakas na suspect na nakilala sa pangalang  Arnel Pareno.

Base sa isinumiteng report ni Police Colonel Rogelio Rosales , hepe ng Paranaque City Police, dakong alas-9:06 ng umaga nang maganap ang insidente sa tapat ng bahay ng biktima sa Marso St., Brgy. Baclaran.

Ayon kay Rosales, nakatanggap sila ng report sa pamamaril ng suspect.

Nang respondehan ng mga pulis ay dito na nila naabutan ang duguan at wala nang buhay ang biktima.

Sa pagsisiyasat ng mga nagrespondeng pulis sa ilang nakasaksi ng insidente, na umano’y dating nobyo ng biktima ang may kagagawan ng pamamaril at ito nga ay si Pareño agad tumakas matapos ang insidente.

Sinabi ni Rosales na matagal nang walang elasyon ang suspect at ang biktima kaya’t maaring hindi umano matanggap ng lalaki ang paghihiwalay ng dalawa.

Sa ngayon ay selos at love triangle ang tinitignan na  anggulo ng mga pulis sa pagpaslang sa biktima.

Please follow and like us:
Read More

18 CHINESE RESTAURANT SA P’QUE ISINARA

(NI KOI HIPOLITO)

NAGPALABAS ng kautusan ang Paranaque City government para ipasara ang 18 Chinese owned and managed restaurants at iba pang mga negosyo na pagmamay-ari umano ng mga Chinese nationals na nag-o-operate nang walang mga kaukulang permit .

Ang ginawang closure order ay ipinag-utos ni Paranaque City Mayor Edwin Olivarez na may mga petsang June 20, 21 at 24 na karamihan sa mga nasabing establisimyento ay nasa lugar ng Barangay Tambo at Baclaran na tinatayang may 100 metro ang layo sa Pagcor Entertainment City, nitong Martes.

Sinabi ni Paranaque Business Permit and Licensing Office Chief Melanie Soriano-Malaya na ang mga itinayong restaurant malapit sa Quirino Avenue ay naging pugad na rin ng mga Chinese restaurants na nagsisilbing catering sa Chinese Employees of the Philippine Offshore Gaming Operators (Pogo) na may tanggapan sa gusali ng dating Uniwide Coastal Mall.

Kabilang sa mga ipinasara sa Barangay Baclaran ay ang Wu Pinna Restaurant na nakapangalan kay Roberto Ho; Tuixianglo Restaurant, Sunshie Mart na pareho naman pagmamay-ari umano ng isang Domingo Palmaria; All Things Supermarket na nakarehistro naman kay Robert Ong; at Juzi Mart, na nakarehistro sa isang Vicky Tercenio.

Isinarado rin ang mga establisimyento sa Barangay Tambo tulad ng Shabu-Shabu Restaurant, ng isang Jin Yuan Ji; Chinli Eatery ni Timoteo Devera Lajara; Shaxian Food Pub ng isang Mary Jane Tangan; Cravemouth ng isang Marvin Yabut; Abner and Angels Food House, ni Abner Maestrado at Dao Dao Chinese Restaurant.

Sarado rin ang Yaki-Yaki Homemade Dish, JJ’s Oriental Restaurant, EDC Lavishly Salon, Good Tea, Bayview Prince Grocery Co. Xiao Jun Gan of Chuan Chuan Xiang, at Cuo Cha.

Kabilang sa mga nilabag na local ordinances ay ang ‘requiring business establishments with foreign signs to provide an English translation dahil ang mga paninda dito ay pawang mga nakasulat sa Chinese language at para lamang umano sa mga Chinese citizen ang mga nabanggit na establisyemento na mahigpit naman ipinagbabawal sa nasabing siyudad.

Napag-alaman din ng mga opisyal ng Paranaque na karamihan sa mga Chinese-owned restaurants ay gumagamit ng mga Filipino dummies at ang iba rito ay protektado umano ng mga barangay officials sa mga lugar na kanilang kinatatayuan.

 

Please follow and like us:
Read More

2 CHINESE NATIONAL HULI SA PAGNANAKAW SA KOMPANYA

cell

(NI ROSE PULGAR)

SA rehas na bakal ang bagsak ng dalawang Chinese national nang nakawin umano ang P50, 000 cash sa safety vault ng pinagtatrabahuan nilang kompanya sa Paranaque City, Sabado ng umaga.

Nahaharap ngayon sa kasong qualified theft ang mga suspect na sina Runmo Gao, 24, at Jiyong Fang, 25, kapwa Chinese nationals at empleyado ng Flying Dragon Network Philippines na matatagpuan sa 8th Floor Aseana 3 BPO Building, Macapagal  Boulevard, Barangay Tambo,Paranaque City, mga residente sa Shore Residence Sunrise Drive,Pasay City.

Samantala, nagsilbing complainant naman si Arnold Sumido Sabado, security officer ng kompanya.

Base sa ulat ng Southern Police District (SPD), naganap ang pagnanakaw sa loob ng Flying Dragon Network Philippines sa Paranaque City, dakong alas-11:00 ng umaga.

Base sa inisyal na imbestigasyon, agad na tumawag ang supervisor at translator ng kompanya sa security department kaugnay sa pagtangay ng dalawang suspect sa P50,000 cash sa safety vault na nasa VIP room.

Mabilis na pinigil ng guwardiyang si Francis John Diago Plasabas ang mga suspect bago pa man lumabas ng nasabing opisina.

Narekober sa loob ng bag ni Jiyong Fang ang naturang pera na sanhi ng kanilang pagkakadakip ni Gao na sinasabing kasabwat nito sa insidente.

Isinasailalim naman sa imbestigasyon sina Fang at Gao sa tanggapan ng Station Investigation and Detective Management Branch (SIDMB).

Nakakulong ang dalawang Chinese sa detention cell ng Paranaque City Police.

 

 

Please follow and like us:
Read More

6 CHINESE NATIONAL HULI SA KIDNAPPING, BRIBERY

nbi12

(NI JULIE DUIGAN/PHOTO BY KIER CRUZ)

ANIM na Chinese National ang binitbit ng mga tauhan ng National Bureau of Investigation (NBI), na sangkot sa kidnapping ng kanilang kababayan at panunuhol sa mga awtoridad, sa Paranaque City.

Nauna nang natimbog ng  NBI-Cybercrime Division noong  Mayo 31,ang mga suspek na sina Junrong Jia, Xurjian Li at Quijin Tian makaraan umanong idetine ang tatlo nilang kababayan sa isang hotel sa Paranaque City.

Modus operandi ng grupo na hikayatin ang kanilang kababayan na magsugal at kapag nagkautang na ang mga ito ay idedetine at tatawagan ang kanilang kamag-anak sa Beijing ,China at pagbabayarin ng ransom na higit na mas malaki sa pinahiram nilang pera na ipinang-sugal ng biktima.

Nabatid sa NBI na nakakumpiska sila ng  dalawang skimming devices, mga blangkong cards, security strips, smartphones, USB, holographic stickers at mga identification cards.

Batay kay NBI Deputy Director for Services Ferdinand Lavin, nakautang umano ang mga biktima ng may P1.5 milyon ngunit P7 milyon ang hinihingi nilang kabayaran para mapalaya ang mga biktima.

Nang dalhin sa NBI headquarters para sa imbestigasyon ,inalok umano ng mga suspek ang mga ahente ng NBI ng P500,000 suhol para sila palayain.

Kinabukasan, nagpunta sa tanggapan ng NBI-CCD sina Peter Lim Santos,Wang Liping at Au Pang Liang, para ibigay ang pera, kaya agad na isinagawa ang isang entrapment operation. Nahaharap sa kasong Kidnapping at paglabag sa RA 8484 (Access Device Regulation Act) sa Paranaque Prosecutors Office sina Jia,Li at Tian.

Habang paglabag naman sa Article 212 sa ilalim  RPC,ang isinampa kina Santos sa Manila Prosecutors Office.

 

 

Please follow and like us:
Read More

OLIVAREZ, GOLEZ PROKLAMADO NA SA PQUE

oli23

(NI ROSE PULGAR)

NAIPROKLAMA na ng Commission on Election ang nanalong Mayor at Vice Mayor ng Paranaque City sa naganap na midterm election Martes ng gabi.          Dakong alas-11:00 ng gabi nang itinaas ng City Board of Canvasser ang mga kamay nina Edwin Olivarez na muling wagi bilang alkalde at si Rico Golez sa pagka-bise alkalde.

Si Olivarez ay nakakuha ng 169,224 na boto sa kanyang ikatlong termino bilang mayor ng lungsod habang si Golez naman ay nakakuha ng 141,433 na votes.

Ginanap ang proklamasyon sa Parañaque City Sports and Social Hall na kung saan dumalo ang buong pamilya Olivarez, maging ang kanyang mga supporters.

Naiproklama na rin si Joy Tambunting bilang nagwaging kongresista para sa ikalawang distrito ng Parañaque City, matapos manguna sa botong 103,028.

Matagal ang naging hintayan ng proklamasyon sa mga nanalong kandidato, sa nasabing lungsod dahil kinailangang hintayin ang hash code, na magpapababa sa threshold sa 90 percent, pero sa katunayan ay nasa 99 percent na ang transmission of votes.

Ang isa pang naging opsyon ay mapalitan ang mga pumalyang SD cards na magmumula pa sa Laguna.

Natagalan ang paghihintay dahil maraming lugar sa bansa ang humiling din na babaan ang threshold.

Nagpasalamat naman ang Team Paranaque sa pangunguna ni Mayor Olivarez sa kanilang pagkapanalo sa naganap na halalan 2019.

“ In behalf, therefore of my constituents and fellow Paranaquenos, I now urged everyone to be part of our collective advocacies for a more develop and progressive city,” ani Olivarez.

Samantala, sinabi naman ni Police Colonel Rogelio Rosales , hepe  ng Paranaque City Police na very peaceful ang pagdaraos ng eleksyon sa lungsod.

Ayon kay Rosales, walang untoward incident at wala ring violence o kaharasan na naitala ang pulisya habang isinasagawa ang botohan hanggang sa canvassing o bilangan.

Ngunit aniya, mayroong mga report na nakarating sa kanila gaya ng “hakot” ng mga politiko, at vote buying.

Subalit sa serye ng kanilang monitoring at surveillance,wala namang napatunayan sa mga alegasyon.

Mahigit sa 580 pulis ang ipinakalat sa buong lungsod ng Paranaque, mula noong Sabado hanggang Miyerkoles.

Please follow and like us:
Read More

KASAMBAHAY NG SOLON KULONG SA NINAKAW NA P10-K

ARRESTED-2

(NI KOI HIPOLITO)

INARESTO ng mga operatiba ng Parañaque City Police Station (PCP-5) ang kasambahay ni Parañaque City Second District House Representative Gustavo ‘Gus’ Tambunting matapos mabawi ang P10,000 umano’y ninakaw nito sa kanyang amo sa BF Homes Parañaque City.

Nakilala ang suspek na si Jovelyn Tormis, 26, tubong Valencia, Bukidnon.

Ayon sa report humingi ng tulong sa pulisya ang accountant ni Tambunting, na si Jasmin Campued, 44.

Nagpaalam umano ang suspek na si Tormis, na pansamantalang uuwi sa kanilang probinsya para dumalo sa burol ng kanyang ama at pinayagan naman ito ng kanyang mga amo, subalit nang tingnan ang dala nitong maleta para inspeksyunin ay nakita ang P10,000 kaya’t agad itong ipinaaresto sa mga otoridad.

Mahaharap  ngayon sa kasong Qualified Theft ang suspek at nakatakdang isailalim sa Inquest Proceeding sa Parañaque City Procecutor’s Office.

Please follow and like us:
Read More

MIYEMBRO NG ‘BASAG-KOTSE GANG’ PATAY SA SHOOTOUT

basag1

(NI DAVE MEDINA)

PATAY sa enkwentro sa mga pulis Parañaque ang isang miyembro ng basag kotse Gang sa SEACOM, Barangay San Antonio, Parañaque City Huwebes ng madaling araw.

Nauna rito, isang  Victor Vargas ang naging biktima ng Basag Kotse Gang  at natangayan ng mahahalagang gamit.
Kwento ni Vargas, may ari ng binasag na  SUV, pumarada lamang siya saglit sa gilid ng Sucat Road upang dumaan sa kanilang bahay pero nang makabalik ay dinatnang basag na ang isa sa mga bintana ng kanyang sasakyan

Natuklasan ni Vargas na nawawala ang kanyang bag na may lamang passport at iba pang mahahalagang gamit kaya agad siyang nagpunta sa malapit na istasyon ng pulis na mabilisang nagkasa ng hot pursuit sa mga magnanakaw na sakay ng motorsiklo.

Sa pagtatanong ng mga nagrespondeng pulis sa mga saksi, napag-alamang dalawang lalaking sakay ng motorsiklo ang may kagagawan ng pambabasag
Gayuman, nakatakas ang isa sa dalawabg suspek sakay ng motorsiklo.
Narekober sa crime scene ang bag na tinangay ng mga suspek, baril, helmet at iba pa.

Please follow and like us:
Read More