MISIS NILOOBAN, PINATAY

crime

(NI KOI HIPOLITO)

WALA nang buhay at naliligo na sa sariling dugo ang isang ginang nang matagpuan ng kanyang mister na pinaslang ng hindi pa kilalang magnanakaw o akyat bahay, hapon ng Martes sa loob ng kanilang bahay sa Lot 5, Block 4, Saint Jude Street, Multinational Village, Brgy. Moonwalk, Paranaque City.

Nakilala ang biktima na si Cristina Torres, 29, habang kinilala naman ang asawa nitong nakadiskubre sa bangkay na si Noel Torres.

Base sa inisyal na imbestigasyon ng Paranaque City Police Station at ayon na rin sa salaysay ng asawa ng biktima, kasalukuyan umano siyang nasa biyahe at kausap sa text ang kanyang misis na kasalukuyan umanong naghahanda ng kanilang hapunan subalit pagsapit umano niya sa kanilang tahanan ay nagsindi muna siya ng ensenso sa altar at tinawag ang biktima subalit hindi umano ito sumasagot kaya agad nitong tinungo ang kanilang kuwarto. Nakita nitong magulo ang kanilang mga gamit sa loob ng master’s bed room at nadiskubreng sira ang kanilang vault.

Subalit laking gulat umano nito nang makita ang wala nang buhay na katawan ng kabiyak at nakahandusay sa sahig.

May mga saksak sa katawan ang biktima. Agad humingi ng tulong ang mister sa kanilang mga kapitbahay at tumawag sa istasyon ng pulisya para ipaalam ang nangyaring krimen.

Patuloy naman ang isinasagawang technical investigation ng SPD SOCO para alamin ang pagkatao ng posibleng suspek na umatake at pumaslang sa biktima, inaalam na rin kung magkano ang halaga ng mga pera at alahas na nilimas ng hindi pa tukoy na salarin.

 

Please follow and like us:
Read More

KAHIT NAG-SORRY NA; ALEX HAHARAP KAY MAYOR OLIVAREZ

alex21

(NI GORGY RULA)

MULA  mismo sa mga taga-Paranaque nanggaling ang balitang idedeklarang persona non grata si Alex Gonzaga dahil sa komento niya sa isang kampanya noon tungkol sa pandurugas daw sa mga taga-Paranaque.

Nasa entablado siya noon ng kalaban ng incumbent Mayor Edwin Olivarez at doon niya sinabing gaya ng kalaban daw ng tatay niya, nadugas din daw sila. Tipong ganun na ang dating pinatatamaan nito si Mayor Olivarez.

Kaya kaagad nagkalat iyun, at nung kamakalawa nang gabi lang sinabing ipa-persona non grata siya.

Nanggaling naman mismo sa Paranaque City Administrator Ding Soriano na wala pa raw ganung order mula kay Mayor Olivarez.

Pero nakatakda nang makipagkita si Alex kay Mayor Olivarez para personal na mag-apologize.

Text naman niya sa isang kaibigang dati niyang nakatrabaho, wala raw siyang sinasabing ganun. Pero makikipag-meet  nga raw siya para mag-apologize.

Nangampanya doon si Alex para sa partylist na Juan Movement na ini-endorse niya.

Suporta na rin niya iyun kay Dominic Ochoa dahil kaibigan niya ang asawa ng aktor na si Denise Go.

Sabi naman ni Arnelli Ignacio na isa rin sa sumusuporta sa Juan Movement, wala raw siya sa kampanyang iyun at tingin daw niya, kung anu-ano lang naman ang lumalabas sa bibig ni Alex.

“Alam nyo naman si Alex kung anu-anong pinagsasabi. Pero wala sa kanya yun,” natatawa na lang na pahayag ni Arnell.

Tingin naman ng ilang staff ni Mayor Olivarez, hindi raw niya pinersonal ang isyung iyun kaya alam nilang maaayos nila yun.

Kahit nga si Toni Gonzaga ay alam niyang haharapin naman daw ng kapatid niya ang pagkakamaling iyun, mag-sorry at mag-move on na.

 

PROMISE NI BACOOR MAYOR LANI MERCADO: ” SUSUKLIAN NI SEN.  BONG ANG SUPORTA NINYO”

 

“Stop the hate, Spread the love,” yun lang ang pakiusap ng reelected

Bacoor Mayor Lani Mercado-Revilla sa lahat na patuloy pa ring umaatake sa asawa niyang si Sen. Bong Revilla

Kaya siya nag-post na tigilan na raw ang ganung pamba-bash kay Sen. Bong dahil sobra na raw ang masasakit na ibinabato laban sa kanya, pati sa buong pamilya.

“Kasi nakakapagod na rin. Feeling mo na the country was so divided. Parang naaawa ako sa mga tao na bumoto kay Sen. Bong at sinasabing bobo sila. Parang, it’s so unfair kasi may mga tao na maliit…yung mga magsasaka na bumoto kay Bong. Meron ding nakakaangat especially yung members ng mga religious sector na sumuporta sa kanya.

“Huwag naman natin sila paratangan ng kung anu-ano. Tao lang sila na may paniniwala na may paninindigan. Sana, huwag naman ganun.

“Basta lahat na bumoto kay Bong, rest assured na susuklian yan ni Sen. Bong Revilla ng tapat na paninilbihan,” pahayag ni Mayor Lani.

Kaya kapag maproklama na raw ang asawa niya, talagang paghahandaan daw niya ang pagbabalik niya sa Senado na parang nagsimula raw ito ulit para linisin lang ang pangalan niya.

“This is his second chance in life eh. Iri-rebuild niya ulit ang pangalan niya from the very beginning…ah hindi naman from the very beginning.

“Kumbaga, meron siyang gagamutin. Kailangan niyang patunayan sa mga tao na mali ang mga akusasyon sa kanya…na mali sila. So, extra effort yun para kay Bong,” seryosong pahayag ni Mayor Lani nang nakausap namin sa radio program namin sa DZRH nung Biyernes nang gabi.

 

Please follow and like us:
Read More

PAGLABAG SA CONDO FIRE IIMBESTIGAHAN

condofire12

(NINA ROSE PULGAR, DAVE MEDINA)

PAGPAPALIWANAGIN ng Paranaque Bureau Fire Protection ang may -ari ng nasunog na Pacific Coast Plaza kung saan isang matandang babae ang nasawi at anim ang sugatan sa Barangay Tambo Paranaque City.

Ayon kay Paranaque Fire Marshall Supt. Robert Pacis, kailangang ipaliwanag ng may-ari ng gusali kung bakit na-atrasadong nabuhay ang sprinkler at kung bakit manual ang kontrol nito samantalang dapat ay awtomatiko itong maglalabas ng tubig sa oras ng sunog. Sinabi ni Pacis na nakipag-usap na sa kanya ang abogado ng may-ari ng condominium na nakilalang si Atty. Arellano para sa kaukulang imbestigasyon.

Iimbitahan din ang mga building administrator, security guard at ilan sa mga tenants ng nasabing gusali upang hingan ng pahayag.

Sinabi pa ni Pacis na bubusisiin din nila ang mga close circuit television (CCTV) camera sa buong gusali na maaaring makatulong sa isinasagawang imbestigasyon.

Dakong alas-11:56 nitong Lunes nang magsimula ang sunog sa ika-21 palapag hanggang sa mabilis na kumalat ang apoy at nadamay ang limang pang palapag (18,19,20,22 at 23).

Bandang alas-5:00 na ng hapon nang matagpuan sa balkonahe ang labi ng ni Zenaida Uno, 80. Sunug na sunog ang katawan nito habang nilapatan ng lunas ang anim pang nasugatan.

Makalipas ang halos limang oras dakong alas-5:22 ng hapon nang ideklarang fire out ang nasabing sunog.

Pahayag pa ni Pacis, hindi muna pinabalik ang ibang mga tenants sa buong gusali hangga’t hindi pa natatapos ang kanilang isinasagawang imbestigasyon.

SINADYA?

Sa panayam ng media sa isang residente ng condominium na hindi napangalanan, sinabi nitong sinadya ang sunog upang muling maipagawa ang gusasli at maibenta sa ilang interesado.

Dalawa namang aso ang naligtas ng mga bumbero sa nasunog na gusali at kasalukuyang pinaghahanap ang mga may-ari ng mga ito.

Please follow and like us:
Read More

ADMIN OFFICER NAHULOG SA GUSALI, PATAY

accidentsign1

HINDI na umabot pa ng buhay sa San Juan De Dios Hospital sa lungsod ng Pasay ang admin officer ng gusaling matapos aksidenteng mahulog ito sa ikalawang palapag ng ginagawang building, Linggo ng umaga sa One Fintich Tower Construction Site, sa No.8 Sunset Boulevard Brgy. Tambo, Paranaque City.

Nakilala ang bikima na si Crispin Ramos Jr., alyas Tonyo, 35, stay-in sa nabanggit na kompanya at residente sa Brgy. Prinza, Lian, Batangas.

Batay sa paunang imbestigasyon, dumaraing ang biktima na masama ang lagay ng kondisyon ng kanyang katawan at humingi umano ito ng permiso na makapagpahinga kahit sandali sa kanyang mga kasama sa site at nagtungo sa second floor kung saan naroon ang kanilang temporary barracks.

Umupo sa isang mono block chair malapit sa hagdan ang biktima subalit bigla na lamang itong nahulog hanggang sa unang palapag. Agad naman tumawag ng tulong ang foreman na si Marlon Niegos para dalhin sa pagamutan ang biktima subalit idineklara na itong dead on arrival sanhi ng mga tinamong sugat sa ulo.

Please follow and like us:
Read More

MISTER PATAY, STEPDAUGHTER SUGATAN SA SAKSAK

stab100

(NI ROSE PULGAR)

PATAY ang isang mister habang sugatan naman ang stepdaughter nito nang pagsasaksakin ng kanilang kapitbahay dahil sa dati nilang alitan, Miyerkoles ng umaga sa Parañaque City.

Namatay noon din ang biktimang si Danilo Roda, 52, sanhi ng mga tinamong tama ng saksak sa ibat ibang bahagi ng katawan.

Habang nilalapatan naman ng lunas sa Las Piñas Doctor’s Hospital sanhi ng saksak sa katawan ang anak-anakan nito na si Julia Leopoldo, 21, kapwa residente ng Alcantara Compound, Sitio Nazareth, Valley 6, Barangay San Isidro ng nasabing lunsod.

Samantala nakakulong naman sa detention cell ng Paranaque City Police ang nadakip na suspect na si Roberto Francisco, 56, nakatira din sa nasabing lugar.

Sa report na natanggap ni Police Col. Jojo Rosales, hepe ng Paranaque City Police, dakong alas-6:30 ng umaga nang maganap ang pananaksak sa nasabing compound.

Bago ang insidente, nabatid na may dati nang away sina Roda at Francisco sa hindi mabatid na dahilan, kung saan pinalalabas ng bahay at hinahamon ng suspect ang biktima.

Nang lumabas si Roda ay dito na siya pinagsasaksak ni Francisco,  na naging dahilan ng agaran nitong kamatayan.

Umawat ang anak-anakan ni Roda na si Leopoldo, ngunit inundayan din ito ng saksak ng suspect.

Si Francisco ay naaresto ng mga kagawad ng Police Community Precinct (PCP) 4, Paranaque City Police sa isang hot pursuit operation.

 

Please follow and like us:
Read More

LOLO BINASTED; NILILIGAWAN SINAKSAK

stabbing1

(NI DAVE MEDINA)

KULUNGAN  ang kinabagsakan ng isang lolo makaraang pagsasaksakin ang nililigawan sa Paranaque City, nitong Miyerkoles. Kinilala ang suspek na si Zenas Cañete, 70, bantay ng isang bilyaran sa Bgy. San Dionisio, Parañaque City.

Sa record ng pulisya, nagalit ang suspect nang bastedin ng nililigawang dalaga sa San Dionisio kaya’t pinagsasaksak niya ang biktima na ikinasugat nito.

Kwento ng biktimang si Michelle Santos, makailang beses na umano siyang pinadadalhan ng inspiring messages ni Cañete at nagpaparamdam na may gusto sa kanya sa pamamagitan ng text.

Nung una ay inakala umano ni Santos na nagbibiro si Lolo Boy pero kinalaunan ay hindi na inspiring messages kundi malalaswang text messages na ang ipinadadala ng inirereklamo.

Sinikap pa umano ni Santos na igalang ang matanda sa kabila nito pero nang sineryoso ng suspek na manligaw, binasted na niya ito, dahilan para magalit ang suspek.

Kagabi ay nagkausap pa umano sila ni Lolo Boy habang lasing ito na nauwi sa mainitang pagtatalo. Tinanggihan umano ng biktima ang panliligaw dahilan para saksakin siya ng suspect.

Hindi man inaasahan ni Michelle na magagawa sa kanya ng manliligaw na sasaksakin siya, pero maagap din niyang nasalag ng kaliwang kamay ang pagsaksak sa kanya ng suspek ng kutsilyo, bago ay sumigaw siya sa paghingi ng saklolo.

Umamin naman si Cañete na nagkakatext sila ni Santos pero itinangging nanliligaw siya dahil hindi naman umano niya gusto ang biktima dahil hindi siya maganda.

Lalo namang nagdesisyon si Santos na hindi iurong ang reklamo laban sa matanda sa takot na bweltahan pa siya ng suspek .

 

Please follow and like us:
Read More

4 ESTUDYANTE, PINAG-DROGA, ‘NILARO’ NG PWD PREXY

rapeman1

APAT na binatilyo na pawang grade 8 at 9 students ang na-trauma matapos ang mga ito ay utusang bumili ng droga at ipagamit sa kanila hanggang sa ang mga ito ay abusuhin umano ng pangulo ng isang asosasyon ng  persons with disability (PWD)  nitong Lunes sa Paranaque City.

Nakakulong ngayon sa  Paranaque City Police  detention facility at nahaharap sa kasong sexual abuse ang suspect na si Nelson Balmores, 31, pangulo ng PWD Association at  nakatira sa  Gk El Dorado Dulo,  Brgy. Don Bosco, Paranaque City.

Ang mga binatilyong naman ay nasa 15-anyos  at grade 8 student samantalng ang tatlong iba pa na pawang nasa grade 9 ay may edad na  14; 17 at 18 at pawang mga residente rin ng naturang barangay.

Ayon sa report na natanggap ng hepe ng Paranaque City Police na si Sr. Supt. Jojo Rosales, naganap ang insidente noong Lunes sa bahay ni Balmores.

Sa salaysay sa mga pulis ng mga biktima inutusan umano silang apat ng suspect na bumili ng droga at pinagamit ito sa kanila.

Dagdag pahayag ng mga biktima na matapos nilang gumamit ng droga ay pinaglaruan umano ng suspect ang kanilang ari at sabay na pinagbantaan  na sila ay papatayin kapag nagsumbong sa kanilang mga magulang.

Matinding takot ang naranasan ng mga biktima kung kaya ipinagbigay-alam nila sa kanilang mga magulang ang insidente.

Sa follow-up operation ng mga kagawad ng Paranaque City Police  dinakip nila ang suspect na si Balmores.

 

Please follow and like us:
Read More

2 DETENTION OFFICER SIBAK SA PINATAY NA INMATE

inmate

(NI DAVE MEDINA)

NI-RELIEVE sa kanilang mga tungkulin ang dalawang detention officers ng Paranaque Detention Facility makaraang mamatay sa bugbog ang isang inmate noong Linggo ng hapon .

Agad na inalis sina SPO2 Jose Arguelles at PO3 Charles Tolentino, duty detention officers , ni Senior Inspector Rogelio “Jojo” Rosales, hepe ng Paranaque City Police, dahil sa kapabayaan ng pambubugog sa inmate na si Benjie Baltazar, 23, ng mga kasamang detainee na sina Richard Baylon 39, na naaresto sa kasong paglabag sa RA 9165; Andrew Barba 40, sangkot sa paglabag sa pagdadala ng patalim; at Belmar Borja, 25,dahil sa pagkakasangkot sa droga,

Batay sa imbestigasyon ng pulisya, naganap ang insidente ng pambubugbog dakong alas 12:30 ng hapon at naulit bandang alas 9:00 ng gabi sa loob ng piitan ng Paranaque Detention Facility.

Ayon sa pulisya, binugbog bandang alas 12:30 ng hapon ng tatlong suspek si Baltazar dahil ito umano ang nagdiin sa kanila sa mga awtoridad kaya silang tatlo ay nangakulong.

Gayunman, dahil sa pag-awat ng isa pang detainee na hindi nabanggit ang pangalan, napayapa at naawat ang tatlong suspek dahilan upang matigil ang pambubugbog kay Baltazar.

Pero bandang alas 9:00 ng gabi, muling nag-init at ginulpi ng tatlong suspek si Baltazar na sinasabing police asset .

Ang nasabing insidente ay ini-report sa duty officers kaya naisugod sa Ospital ng Paranaque ang biktima upang ipagamot , pero idineklara na itong dead on arrival bandang alas 10:07 ng gabi .

Si Baltazar ay nakulong sa kahalintulad na kasong may kaugnayan sa ipinagbabawal na droga.

Please follow and like us:
Read More