QUIEL UMEXIT NA NG PH

bagyo

NAKALABAS na kaninang alas-5:00 ng madaling araw ng Philippine Area of Responsibility (PAR) ang Bagyong Quiel.

Ayon sa 5am weather update ng PAGASA, huling namataan ang bagyo sa layong 590 kilometro Kanluran ng Coron, Palawan.

May taglay pa rin nito ang lakas ng hanging aabot sa 120 kilometro malapit sa gitna at pagbugsong aabot sa 150 kilometro bawat oras.

Mabagal na kumikilos ang Bagyong Quiel sa direksyong pa-Kanluran at tinatahak ngayon ang bansang Vietnam.

Sa kabila nito, nakakaapekto pa rin ang Tail-End of a Cold Front sa Northern Luzon.

Makararanas pa rin ng kalat-kalat na pag-ulan, pagkulog at pagkidlat sa Ilocos Region, Cordillera Administrative Region (CAR) at Cagayan Valley Region.

Maalinsangang panahon naman ang mararanasan sa Metro Manila at nalalabing bahagi ng bansa. Magkakaroon din ng mga panandaliang pag-ulan sa hapon o gabi na dulot ng localized thunderstorms.

Nakataas ngayon ang gale warning at ipinagbabawal ang paglalayag sa mga baybaying dagat ng mga sumusunod na lugar:
• Batanes
• Calayan
• Babuyan
• Cagayan
• Ilocos Norte
• Ilocos Sur
• Isabela
• La Union
• Pangasinan
• Zambales
• Bataan
• Cavite
• western coast ng Batangas
• Occidental Mindoro
• at Palawan

Please follow and like us:
Read More

2 LPA MINOMONITOR; MAGPAPAULAN SA LUZON, M’DANAO

pagasa

(NI KIKO CUETO)

DALAWANG sama ng panahon ang binabantayan ngayon ng Philippine Atmospheric, Geophysical and Astronomical Services Administration (Pagasa) na magpapa-ulan sa malaking bahagi ng Luzon at Mindanao.

Ang isa ay namataan 240 kilometers east ng Aparri, Cagayan, ayon kay weather specialist Gener Quitlong.

Posibleng maging isa itong bagyo bago tuluyang umalis ng Philippine area of responsibility (PAR).

Sinabi pa ni Quitlong na ang isa pang LPA ay namataan 955 kilometers east ng Hinatuan, Surigao del Sur.

Ngayong Sabado ito pumasok ng PAR.

Ang Ilocos Region, Cordillera Administrative Region, Cagayan Valley, Central Luzon, Bicol Region at Quezon ay magiging maulan.

Ang habagat ay patukloy na hahatakin kaya’t magpapaulan maging sa Metro Manila at sa malaking bahagi ng Luzon.

 

Please follow and like us:
Read More

HABAGAT PATULOY NA MAGPAPAULAN, ‘GORING’ LUMABAS NA

ulan1

(NI ABBY MENDOZA)

TULUYAN nang humina at nakalabas na ng Philippine Area of Responsibility(PAR) ang bagyong Goring, ayon sa Philippine Atmospheric Geophysical Astronomical Services Administration (Pagasa).

Sinabi ni  Pagasa weather specialist Meno Mendoza na makaraang makapasok ng PAR ang bagyong Goring ay tuluyan itong humina, naging Low Pressure Area(LPA) at Biyernes ng gabi ay nakalabas na ng bansa.

Sa ngayon ay wala pang bagong sama ng panahon na namomonitor ang Pagasa ngunit nanatiling aktibo ang hanging habagat na syang magpapaulan sa malaking bahagi ng Luzon.

Uulanin umano ang Luzon lalo sa hapon na epekto ng hanging habagat partikular ang mga lugar ng Batanes, Calayan at  Babuyan Group of Islands, Ilocos Region, Cordillera Administrative Region, Zambales at Bataan habang mahina hanggang katamtamang lakas ng ulan ang mararanasan sa Metro Manila.

Please follow and like us:
Read More

BAGYONG ‘FALCON’ NAKALABAS NA NG PH

NAKALABAS na ng bansa ang bagyong ‘Falcon’, ayon sa weather bureau Pagasa.

Si Falcon ay namataan sa 655 kilometers north northeast ng Basco, Batanes bitbit ang maximum sustained winds ng hanggang 80 kilometers per hour (kph) at bugso na 100 kph, ayon pa sa Pagasa.

Wala na rin ang low-pressure area na namataan nitong Miyerkoles sa bansa.

Namataan ito sa 310 km west northwest ng Sinait, Ilocos Sur.

Ibinaba na rin ang  Tropical Cyclone Wind Signals sa buong bansa.

Gayunman, magkakaroon pa rin ng mga pag-ulan sa Metro Manila at bahagi ng Luzon.

Please follow and like us:
Read More

PAGASA: ‘EGAY’ HIHINA SA LOOB NG 24-0RAS

ulan1

INAASAHANG hihina ang bagyong ‘Egay at magiging isang low pressure area na lamang ito sa susunod na 24-oras, ayon sa Pagasa.

Samantala, ang low pressure area na namataan sa labas ng Philippine area of responsibility ay huling naitala  sa 575 kilometers west ng northern Luzon.

Sinabi ng Pagasa  na ang namumuong bagyo ay hindi papasok sa bansa at sa halip ay tatahak patungong China.

Nananatili ang signal no. 1 sa Batanes habang naitaas na rin ito sa Babuyan Group of Islands.

Bandang alas-4:00 ng umaga ngayong Lunes, ang bagyong Egay ay huling nakita sa 205 kilometers east ng Calayan, Cagayan, na may maximum winds na 45 km per hour at bugso ng hanggang 60 kph.

May bilis ito patungong northwest sa 40 kph, at patuloy na hihila ng hanging habagat.

Ang Metro Manila, Ilocos Region, Cordillera Administrative Region, Central Luzon, CALABARZON, MIMAROPA, Bicol Region, Antique, Aklan, at western Iloilo ay makararanas ng mahina hanggang malalakas na pag-ulan. Ang iba pang bahagi ng Luzon at Western Visayas ay magkakaroon ng kalat-kalat na pag-ulan.

Pinag-iingat din ng Pagasa ang mga residente na nasa delikadong lugar na magmonitor sa weather updates para sa flashfloods at pagbaha.

Please follow and like us:
Read More

BAGYO SA GUAM ‘DI PAPASOK SA PAR

guam21

(NI KIKO CUETO)

PATULOY na lumalakas ang bagyong namataan ng PAGASA sa labas ng Philippine area of responsibility (PAR).

Sinabi ni PAGASA forecaster Loriedin De La Cruz na bagaman malayo pa ang bagyo na may international name Wutip, namataan ito 2,400 kilometero east ng Mindanao.

May dala itong hanging nasa 130 kilometers per hour (kph), at pagbugso na aabot sa 160 kph.

Tinatahak nito ang direksyong northwest sa bilis na 15 kph.

Sinabi ni De La Cruz na base sa current forecast models hindi ito papasok sa PAR.

Kasabay nito, ang northeasterly surface windflow ang kasalukuyang nakakaapekto sa Luzon at sa Visayas.

Please follow and like us:
Read More