CHINA, ‘DI PA KAYANG MAKIPAG-GIYERA

PANALO KA

SA ngayon, hindi pa kayang makipag-giyera ang China sa alinmang bansa lalo na ang US dahil mahina pa siya sa tinatawag na global geopolitics.

May ilang bansa na nalalansi ng China sa pamamagitan ng pautang nito pero hindi ibig sabihin na kakampi sa kanya ang mga ito kapag nag­kagiyera.

Sa personal kong opinyon, lahat ng ginagawa ng China sa West Philippine Sea (WPS) pati na ang lantarang paglabag nito sa soberenya ng ating bansa ay pakitang-gilas. Alam ng US ‘yan, at mukhang ang gobyerno na lamang natin ang hindi nakaaalam.

Ginagamit lamang ng Palasyo ng Malakanyang ang lahat ng isyu sa WPS para mailihis ang mamamayan sa mga tunay na isyung direktang nakaaapekto sa pang-araw-araw na buhay.

“Survival strategy” ito ng kasalukuyang administrasyon dahil hindi matatapos ang gusot sa WPS sa 2022. Bahala naman ang susunod na administrasyon na gumawa ng sarili nitong istratehiya.

Sa madali’t sabi, hindi basta-basta na sasakupin ng China ang Pilipinas dahil alam nitong malaki ang pakinabang ng US at iba pang bansa sa ating bansa.

Sa geo-political-military na perspektiba, malalim ang samahan ng ating Armed Forces of the Philippines (AFP) at US counterpart nito. ‘Yan ang hindi pa nakukuha ng China, ang tiwala ng AFP. At pustahan tayo, pati buong tiwala ng Pangulo ay hindi pa nakukuha ng China.

Bakit biglang ku­mambyo ngayon ang gob­yerno at kinukontra na ang pang-aabuso ng China sa ating soberenya?

Bibisita uli ang Pa­ngulo sa China nitong mga susunod na araw at sinasabi ng Palasyo na babanggitin na niya ang panalo ng bansa sa arbitrasyon laban sa China. Makikinig kaya ang pangulo ng China na si Xi Jin Ping? Hindi nga nito pinakikinggan ang international community.

Sa kabilang banda, ang pagbanggit lamang ng Pangulo sa panalo sa arbitrasyon sa usapan nila ng pangulo ng China ay magpapataas na sa morale ng AFP at ng mamamayang Pilipino. Pero teka, baka naman “press release” lamang ‘yan ni Presidential Spokesman Salvador Panelo. E, alam naman natin ang kanyang kalidad bilang tagapagsalita ang Palasyo.

Sakaling mabanggit nga ito ng Pangulo sa  kanilang usapan, kaabang-abang ang magiging sagot ng pangulo ng China.

Uulitin ko, sa dami ng aking nakausap na eksperto sa larangan ng geo-political-military malabong papasok ang China sa giyerang hindi nito mapapanalunan. Dahil sa bandang huli, magsisimula siya uli, ‘ika nga, “from scratch”.  (PANALO KA! / FLORANTE SOLMERIN)

Please follow and like us:
Read More

NATAUHAN NA BA SILA?

PANALO KA

SA wakas, Pilipinong-Pilipino na ang tono nina National Security Adviser (NSA) Secretary Hermogenes Esperon Jr. at Department of National Defense (DND) Sec. Delfin Lorenzana hinggil sa isyu ng pananakop ng China sa West Philippine Sea (WPS).

Tama ang pagtasa ni Lorenzana na madali lamang ilagay sa opensibang antas ang sinasabi ng China na para depensiba lamang ang pinaglalagay nilang kagamitang pandigma sa mga islang ginawa nila sa loob ng WPS. Sabi nga ni ­Esperon, kung ayaw ng China na ikasa ang unang putok para magkagiyera na, ang Pilipinas pa kaya?

Kung maalala niyo, una nang hinamon ni Pangulong Duterte ang United States (US) na giyerahin na nito ang China para isalba ang Pilipinas. Pero sa salita lang naman ang hamon na ito ng ­Pangulo, hindi sa pirmahan ng dokumento para lubusan nang maging epektibo ang Mutual Defense Treaty ng Pilipinas at US.

Tatlong taon na lamang ang natitira sa termino ng Pangulo. Tatlong taon na ang lumipas sa “pagkakaibigan” ng dalawang bansa. Tatlong taon nang patuloy na paglimas ng China sa yamang-dagat ng ating bansa sa WPS. At kung patuloy ang “pagkakaibigan” sa susunod na tatlong taon, malamang wala nang matitira pang yaman ng WPS para sa ating mga mangingisda, para sa mamamayang Pilipino.

Hindi na mabilang ang ginawang paglabag at patuloy na paglapastangan ng mga China sa atin bilang isang malayang bansa, laban sa ­ating mga mangingisda, at pambabastos sa ating kasarinlan. Humigit-kumulang sa kalahating milyon na ang mga Intsik na kakalat-kalat sa ating bayan, karamihan sa mga ito ay itinuturing na “illegal aliens” pero mga siga sa ating mga lansangan.

Ngayon nagsasalita na sila gaya ni Esperon at Lorenzana. Hindi kaya sila balandrahin ng pangulo? Totohanan na ba ito na sila’y may pagkalinga pala sa sarili nilang bayan? O joke lang ang lahat?

Ang sabi ni Lorenzana, ang China ang nagsimula ng gulo. Tama! Sabi ni Esperon, ipagpapatuloy ng gobyerno ang ­pakikipag-usap sa gobyerno ng China. Tama uli! Pero, ang pag-uusap na ito ay nasa ibabaw ng tubig ang China habang ang Pilipinas ay nasa paanan nito at lubog hanggang leeg. Unfair, di ba? Hintayin natin ang sasabihin ng pangulo kung aprub niya o hindi ang mga tinuran ng dalawang alter ego niya.

Pero ang mahalaga, kahit papaano ay mukhang natauhan na sila at nagsasalita na sila sa tono ng isang Pilipino. Nagbibitaw ng mga katagang noon pa nila dapat sinasabi para sa bansa at mamamayang Pilipino.  (PANALO KA! / FLORANTE SOLMERIN)

Please follow and like us:
Read More

REGULAR FIRING SESSION NG MEDIA

PANALO KA

NAPAKAHALAGA ng gun safety and security seminar gaya ng isinusulong ng Presidential Task Force on Media Security (PTFoMS), lalo na ang mga lehitimo at talagang merong banta sa buhay na mi­yembro ng lehitimong media organizations na hindi aktibo sa practical shooting.

Gusto kong pagtuunan ng pansin ito para sa mga kapwa nasa media na may banta sa kanilang buhay at laging sumasali sa mga seminar, merong License To Own and Possess Firearm (LTOPF), rehistradong baril at Permit to Carry Firearm Outside Residence (PTCFOR) pero silat sa kaalaman at husay kung paano gamitin ang kanilang baril bilang depensa sa sarili sakaling malagay sa alanganin.

Kaiba sa ilang mga kasamahan sa media na talaga namang ginawang sports na ang practical shooting at kung meron man silang banta sa buhay na may kaugnayan sa kanilang trabaho o personal man ay may kaalaman na sila, kung hindi man sapat, kung paano nila depensahan ang sarili gamit ang kanilang rehistradong baril.

Nakausap ko mismo si Firearms and Explosives Office (FEO) chief Police Brigadier General Val de Leon at handa siyang sumuporta sa programang ito para sa media practitioners. May mga indibidwal din sa gun industry na handang sumuporta sa pangangailangan para sa regular na pagsasanay.

Meron din namang grupo gaya ng Philippine Practical Shooting Association (PPSA) at Philippine Shooters and Match Officers Confederation (PSMOC) na tingin ko ay handang sumuporta rin para sa programa.

Ang kailangan lang dito ay mapagbuklod ang mga kasamahan sa industriya ng pamamahayag, gaya ng suhestiyon mismo ni PTFoMS Executive Director Joel Sy Egco at ni Dindo Amparo ng ABS-CBN Channel 2 na panahon na para sa isang bukluran ng mga mamamahayag na magkaisa at sama-samang seryosohin ang gun safety at security seminar and training sa kanilang hanay. Nandiyan din si Raoul Esperas ng DWIZ at timon ng PPSA Media Bureau na handang gu­mabay sa programang ito.

Kaya habang bukas ang pintuan ni Gen. de Leon sa panukalang ito ay dapat simulan nang buuin, pagbuklurin ang media practitioners para sa iisang hangarin. Handa rin akong tumulong para rito.

Sa totoo lang, wala namang problema sa fi­ring range, gagamiting baril para sa regular firing session, gagamiting bala, range officers, at iba pang pangangailangan dahil napakaraming pilantropo sa gun industry na handang tumulong at sumuporta. Ang kailangan lang ay isang maayos na sistema para lahat ng stakeholders ay lubos na makinabang sa programa.

Minsan ko nang nakausap ang pangulo ng PPSA na si Edwin Lim at ang PSMOC na pinamumunuan ni Teng Mangudadatu. Alam niyo bang napakabait ng mga taong ito at talagang hangarin nila na palaganapin ang practical shooting sa ating bansa kaakibat ang pagtulong sa FEO para sa information/education ng responsible gun ownership.

Sige, ayusin natin ang isang media shootfest na pa­ngungunahan ni FEO chief PBGen. de Leon at ang gun industry. Nga pala, willing ang ating nag-iisang batikang shooter na si Jethro “The Jet” Donisio na tumulong at sumuporta.  (PANALO KA! / FLORANTE SOLMERIN)

Please follow and like us:
Read More

‘3 TULOG NA LANG’

PANALO KA

PARANG isang iglap lamang ang tatlong taong nakaraan sa panunungkulan ni Pangulong Duterte. Ang natitirang tatlong taon ay parang “tatlong tulog” na lamang. Pero asahan natin na ang ikalawang yugto ng kanyang panunungkulan ay mas titindi pa ang mga batikos laban sa kanya sa napakaraming usapin lalong-lalo na ang kampanya laban sa droga at sa isyu ng pananakop ng China sa West Philippine Sea (WPS).

Ang isa pang dapat tutukan ng mamamayan ay ang mga bagong samahan at alyansa sa pulitika sa dalawang kapulungan ng Kongreso bilang paghahanda sa presidential election sa 2022. Mas kumplikado ang pulitika sa lokalidad dahil may kanya-kanyang katangian ang mga ito.

Sa usapin ng kurupsyon, naglipana pa rin ang mga kurakot sa gobyerno. Ang ilan sa mga ito ay political appointee mismo ng Pangulo. Habang hinahambalos ng Pangulo ang mga nadatnan niyang mga kurap ay umuusbong din sa kurakutan ang ilan sa mga appointees nito. Sa katunayan, may sinisibak pero hindi kinakasuhan na kanyang appointee. Ang nakapagtataka ay may ilan din na lantaran na ang pngungurakot pero hindi sila nasisibak.

Hindi mahirap basahin ang istratehiya ng Pangulo sa pulitika at istilo ng kanyang liderato. Isa rin siyang pangkaraniwang politiko.

oOo

Sa Setyembre na magreretiro si Armed Forces of the Philippines (AFP) Chief of Staff Benjamin Madrigal Jr. Sino kaya ang mapalad na hihiranging kapalit niya? Ang balita ko ay malakas na contender si Lieutenant General Felimon Santos, ang kasalukuyang commander ng Eastern Mindanao Command (Eastmincom).

Sa Philippine National Police (PNP) naman, matunog ang pangalan ni Police Lieutenant General Camilo Cascolan, kasalukuyang Directorial Staff chief, bilang kapalit ni PNP chief Gen. Oscar Albayalde na magreretiro sa serbisyo sa darating na Nobyembre.

Puwede pala ang isang reservist na maging Public Affairs Office (PAO) chief ng AFP gaya ni retired Col. Noel Detoyato. Si Detoyato ay nagretiro sa serbisyo noong nakaraang Abril. Sa serbisyo, otomatikong reservist ka kapag nagretiro sa active duty.

Sa paliwanag sa akin ng aking napagtanungan, si Detoyato ang kauna-unahang reservist na nagsilbing PAO chief. Nagretiro siya habang nasa posisyong patuloy nitong hawak. Desisyon ni Gen. Madrigal ang pagpanatili sa kanya bilang PAO chief.

Ang siste, nabalam tuloy ang promosyon ng nakalinyang nasa active duty para maging PAO chief, at ng mga nakalinyang kasunod nito sa katulad na posisyon sa iba pang unit ng AFP. (PANALO KA / Bong Solmerin)

Please follow and like us:
Read More

GUN CONTROL ANG FEO

PANALO KA

ANG problema sa “loose firearms” o naglipanang mga iligal na baril (hindi rehistrado na kadalasang nagagamit sa krimen at laban mismo sa gobyerno) ay talagang sakit sa ulo ng Philippine National Police (PNP), lalo na ang Firearms and Explosives Office (FEO) nito.

At para sa kaalaman ng publiko, ang FEO ang siyang REGULATORY BODY pagdating sa baril.

“Alam niyo po, ang baril at bala lalo na ang usapin ng explosives ay hindi ordinaryong mga bagay,” ayon kay FEO chief Police Brigadier General Valeriano T. De Leon sa naganap na isang gun show kamakailan sa SM Megamall.

Kaya meron tayong batas na Republic Act 10591(Comprehensive Firearms and Ammunition Regulation Act) ng 2013 at ang kaakibat nitong 2018 Revised Implementing Rules and Regulations (RIRR).

Sa ating bansa, umuusbong ang ating gun industry kasabay ng pagdami ng mga Pilipinong nahuhumaling sa practical shooting.

“Ang trabaho ko bilang hepe ng FEO ay paliitin o ikontrol ang pagdami ng baril,” sabi pa ng heneral.

Ang hangad naman ng mga negosyanteng nasa industriya ng baril ay makapagbenta ng maraming baril at bala at ibang mga bagay na kaugnay nito para kumita ng malaking halaga ng pera. Napansin ko lang, may ilang suwail sa kanila. Ayon sa aking source, may ilan sa kanila na iniimbestigahan.

No fear, no favor ang liderato ni Gen. de Leon. Kaya umayos kayong mga suwail na nasa gun industry. Naisaayos nga niya ang mala-palengkeng sistema ng aplikasyon ng rehistrasyon/lisensiya sa baril na pinamumugaran noon ng mga fixers.

Online (https://www.feosystem/) na ngayon ang sistema ng FEO, gaya ng aplikasyon para magkaroon ng License To Own and Possess Firearm (LTOPF) at gun registration/licenses. “No contact policy” na ang pagbayad ng fees, diretso mismo ang customer o kliyente sa bangko (LandBank) para dito magbayad. Ito ang inunang inayos ni Gen. de Leon sa FEO na nagpatigil sa sistema ng kurupsyon.

Balik tayo sa loose firearms.

Itong mga negosyante sa gun industry, mahalaga ang role ninyo para matulungan ang gobyerno lalo na ang FEO laban sa paglipana ng loose firearms. Sa panahon ngayon, dumarami ang bumibili ng baril mula sa inyo at pagkuha nila ay rehistrado na, nasa data base na ng FEO.

Kadalasan, ang mga iresponsableng gun holders na ito ay idedeklarang nawala o ninakaw ang kanilang baril, ‘yun naman pala ay binenta na parang kendi. Pagkatapos, bibili uli ng panibagong baril, pagkatapos tatamaring ipa-renew, idedeklarang nawala pero ibebenta na naman. It’s a vicious cycle, ‘ika nga, kung kaya dumarami ang loose firearms.

Sa industriya ng baril, lahat ay may mahalagang role at pananagutan sa paglipana ng loose firearms. Magsasalita ako kung ang baril na nabili sa inyo ay napunta sa irresponsible gun owner at ginamit sa krimen gaya ng walang kuwentang pagpatay ng inosenteng tao.  (PANALO KA! / FLORANTE SOLMERIN)

Please follow and like us:
Read More

KUKURUKUKOO

PANALO KA

CONGRATULATIONS kay Brigadier ­General Arnulfo Marcelo Burgos Jr., ang bagong upong commanding general ng 2nd “Jungle Fighter” Division ng Philippine Army na nakabase sa Camp Capinpin sa Tanay, Rizal.

Si Burgos, mas kilalang “Boyet” o “Bugoy” sa ordinaryong mamamayan, ay miyembro ng Philippine Military ­Academy (PMA) “Maringal” Class of 1988. Bago na-promote sa 2-star position, siya ay commander ng 202nd “Unifier” Brigade.

Dalubhasa si Bugoy sa Civil Military Operations (CMO) dahil sa ­angkin nitong galing sa komunikasyon sa kanyang mga tauhan at sa taumbayan.

Hindi ko na kailangang isa-isahin ang kanyang kagalingan dahil malamang lalabas at lalabas pa ito sa kanyang panunungkulan sa bago nitong posisyon bilang division commander.

At hindi na rin tayo magtataka kung siya ay malakas na contender sa posisyong Army chief hanggang sa Chief of Staff, Armed Forces of the Philippines (CSAFP) sa darating na panahon. Malapit na!

oOo

Isang ­“diversionary tactic” ang usaping ­kudeta sa panahong ito sa gitna ng mga ­nagpuputukang malalaking usapin o isyu sa ating lipunan.

Ang malinaw, inililihis ang malalaking isyu sa mga usaping walang kuwenta gaya ng kudeta na ang intensiyon ay takutin ang taumbayan para manahimik na mambatikos gaya nang isyu ng tahasang pananakop ng China sa West ­Philippine Sea (WPS), ang banta ng United Nations Human Rights Committee (UNHRC) na imbestigahan ang umano’y karahasan sa drug war ng administrasyong Duterte, malalaking isyu sa maruming pulitika, at iba pa.

Gaya ng sinasabi ko, napapangiti na lamang ang mga junior at ­middle-grade officers at kanilang mga senior kung tatanungin kung totoong may namumuro bang ­kudeta sa kanilang hanay.

Ang ilan sa kanila ay napapailing na lamang sa anila’y “propaganda” ng mga nakatataas sa kanila.

Sabi ng ilan na beterano sa kudeta, ang kanilang dating boss ay nakapuwesto na sa ­gobyerno, nasa tabi na ng Pangulo, halos lahat sa kanila ay may hawak nang “juicy position” sa gobyerno. Anong kudeta ang kanilang pinangangalandakan?

Pag-usapan na lamang ang mahahalagang isyu para mas mapanatag ang kalooban ng mamamayan laban sa kasalukuyang administrasyon kaysa buhayin ang hindi na dapat buhayin gaya ng kudeta.

Huwag na nating pilit na ipinaaalala ang adbenturismo sa ating kasundaluhan na matagal na nilang ibinaon sa limot dahil alam nilang walang kahihinatnang maganda para sa bayan, sa kanilang propesyon at sa kanilang pamilya.

Ang malinaw, solido na ang chain of command ng Armed Forces of the Philippines (AFP) at mas lalong hindi mo mapasasama ang hanay ng Philippine National Police (PNP) sa usapin ng kudeta.

Kudeta kayo diyan!  (PANALO KA / FLORANTE SOLMERIN)

Please follow and like us:
Read More

USAPANG RESPONSABLENG GUN OWNER

PANALO KA

NAKATUTUWA ang dumaraming kababayan natin na nakakahiligan ang practical shooting bilang isang professional sports. Sa kabilang banda, nakapangingilabot na malaman na mala­king porsiyento sa bilang ng mga naiuulat, batay sa datos ng Philippine National Police (PNP), na sanhi ng krimeng patayan ay may kaugnayan sa baril.

Sa practical shooting muna tayo. Ako man ay nakakahiligan na ang pagsali sa mga shooting competition ilang taon na ang nakararaan.

Nitong mga nakaraang linggo lamang, aking napag-alaman na may mahigit 200 na re­histradong gun clubs na sa ating bansa. Dumarami na rin ang mga rehistradong guns and ammunition dealers sa ating bansa. Ikinagagalak kong maging isang miyembro ng Philippine Practical Shooting Association (PPSA) na nasa ilalim ng pamumuno ni Edwin Lim. Of course, sa tulong ng PPSA Media Bureau chief na si Raoul Esperas, reporter-broadcaster ng DWIZ radio station.

Ang isa pang malaki at respetadong grupo ng shooters ay ang Philippine Shooters and Match Officers Confederation (PSMOC) na pinamumunuan ngayon ni Teng Mangudadatu.

Hindi uusbong ang practical shooting sa ating bansa kung walang pahintulot ng Firearms and Explosives Office (FEO) na nasa pamumuno ngayon ni Police Brig. Gen. Val de Leon. Napakasigla ang ibinibigay niyang suporta para sa kanila kasabay ng pag-usbong ng industriya ng guns and ammunition dealers sa ating bansa na sa ngayon ay nasa pa­ngunguna pa rin ng Arms­cor Philippines at ang Association of Firearms and Ammunition Dealers of the Philippines (AFAD).

Sa gitna ng mga positibong balita hinggil sa practical shooting, nakapangingilabot na malaking por-siyento sa datos ng krimeng patayan sa ating bansa ay may kaugnayan sa baril. Hindi maipagkakaila na halos nasa 1M pa rin, ayon sa aking source sa PNP, ang bilang ng mga tinatawag na “loose firearms” na nagkalat sa ating bansa. Kadalasan, ang mga di rehistrado at di lisensyadong baril na ito ang sangkot sa krimen. Ang pagbawi sa mga iligal na baril na ito ang sakit sa ulo pa rin ng PNP.

Pero kahit papaano, dumarami na rin ang bilang ng mga nagkukusa na ipa­rehistro at mapalisensyahan ang kanilang mga hawak na baril na ikinagalak ng pamunuan ng FEO.

Mahalagang tip lang po, ang pagkakaroon at paghahawak ng baril sa ating bansa ay hindi isang karapatan, ito’y isang prebilehiyo. Alinsunod ito sa Republic Act 10591 at ang Revised Implementing Rules and Regulations (RIRR) nito. Isa pa, kailangan magka-License To Own and Possess Firearm (LTOPF) ka muna bago ka makabili at maiparehistro at mapalisensyahan mo ito. Ang LTOPF 2 taon ang validity, ang gun registration/license naman ay 4 na taon. Sa RIRR, kapag napaso ang LTOPF mo, otomatik paso na rin ang gun registration/license mo. Kung kaya kailangan mong i-renew agad ang LTOPF mo para ma-restore ang natitira pang 2 taon na validity ng gun registration/license mo.

‘Yan po ang nasa batas kaya sa mga responsible gun owner, susunod at susunod kung ano ang panun-tunan. Hindi yung hahanap ng dahilan makalusot lamang, ito ang mga taong dapat tanggalan ng pre-bilehiyo to own and possess firearm.

Kailangan na rin talaga ng FEO, sa tulong at suporta ng gun industry, na pasiglahin pa ang infor-mation/dessimination hinggil sa responsible gun ownerahip.  (PANALO KA! /FLORANTE SOLMERIN)

Please follow and like us:
Read More

SANA HINDI ‘NINGAS-KUGON’

PANALO KA

SA ngayon, kahanga-hanga ang simulain ni Manila Mayor Isko Moreno. Kaliwa’t kanan na ang papuri at maski na ang Department of Interior and Local Government (DILG) ay binigyan na siya agad ng komendasyon.

Sa kalagayan ng politika sa ating bansa, kadalasan ang tinatawag na “political will” ay nabubura kapag nakaupo ka na at sa “1-to-sawa” na nakatuon ang iyong career bilang politiko. Ang pagkagahaman sa ganitong kapangyarihan ay dahil sa umaapaw na daloy ng pera.

Sabi nga ni Isko, P5 milyon kada araw ang alok sa kanya na payola, panatilihin lamang ang anarkiya sa mga lansa­ngan ng Maynila lalo na ang mga illegal vendor. Tumataginting na humi­git-kumulang P155M ang payola kada buwan!

Patok ang usapin, tamang-tama sa panlasa ng media lalo na ang target na masa. Asahan natin na marami pa ang kasunod na pasabog ni Isko. Huwag na kayong magtaka sa mga ganitong pasabog ni Isko dahil chief of staff niya ngayon si Cesar Chavez, nagbitiw na station manager ng DZRH ng Manila Broadcasting Company (MBC). The right man for the right job kung gusto mong magpakilala nang bongga.

Sa ngayon, pinabuka talaga ni Isko ang mga nagsisikip pero maluluwag na lagusan ng Maynila. Sana manati­ling nakabukaka ang lahat ng mga ito hanggang sa humirit siya muli ng pangalawang termino sa darating na 2022.

Ningas-kugon ang lahat ng ito kung hanggang simula lamang at mauulit sa mga unang buwan ng kanyang panunungkulan sa 2022, kung bibigyan siya uli ng pagkakataon ng mga Manilen­yo.

oOo

Sa mga RESPONSIBLE GUN OWNERS lalo na ang mga mahilig sa Practical Shooting, i-LIKE at i-FOLLOW niyo na ito: https://www.facebook.com/ValDeLeon89. Ito ang personal blog sa Facebook ni Firearms and Explosives Office (FEO) chief Police Brigadier General Val T. De Leon.

Very informative at educational ang page na ito lalo na sa mga usapin ng baril gaya ng paano mag-apply ng License To Own and Possess Firearm (LTOPF), gun registration/license, permit to carry from outside residence (PTCFOR), at iba pa.

oOo

Aking napag-alaman na sa panahon ng sikat na Filipino shooter na si Jethro “The Jet” Dionisio bilang presidente ng Association of Firearms and Ammunition Dealers of the Philippines (AFAD), napakaganda ang tinatakbo ng asosayon.

Sa ngayon, iba na ang liderato ng asosasyon.

Ang multi-bilyong gun industry sa ating bansa ay isang sektor ng ating lipunan na tahimik lamang. Pero kadalasan, ang hindi alam ng mga mamamayan ay malaki ang porsiyento sa araw-araw na krimeng nagaganap ay may kaugnayan sa baril.

Dapat magkaisa ang AFAD na ito at iba pa para tulungan ang FEO para sa tamang information and dissemination hinggil sa kahalagahan ng tamang paggamit ng baril laban sa krimen gaya ng “loose firearms”, hindi ang kita para sa sariling bulsa lamang ang iniisip.  (PANALO KA! / FLORANTE SOLMERIN)

Please follow and like us:
Read More

GIYERA VS CHINA, COUP D’ETAT

PANALO KA

SA tuwing nakokorner ang Palasyo ng Malakanyang sa mga isyung bumabalot sa tahasang pang-aalipusta sa atin ng bansang Tsina, partikular sa loob ng ating teritoryo sa West Philippine Sea (WPS), laging salitang “giyera” ang namumutawi sa Pangulong Rodrigo Duterte.

Alam na alam naman ng bawat mamamayang Pilipino, maski na ang mga nasa pinakaliblib na lugar, na walang laban ang ating Armed Forces of the Philippines (AFP) at Phi­lippine National Police (PNP) pagdating sa giyera laban sa dambuhala at modernong sandatahang lakas ng Tsina.

Halimbawa, nang banggain ng mga Tsino at iwanang palutang-lutang ang bangka at 22 na ma­ngingisda natin sa Recto Bank ay marami ang nabigla nang sabihin ng Pangulo na ayaw niyang makipag-away o makipaggiyera sa Tsina dahil lamang sa nangyayari. Aniya, siguradong ubos ang mga sundalo natin kapag mangyari ‘yun. Oo naman!

Pero ang sigaw ng nakararami at nakaiintindi, hindi naman sila naghahamon ng giyera laban sa Tsina kundi hinahamon ang gobyerno nito na panagutan ang kawalanghiyaan ng ilan nitong mamamayan.

Sa bersyon ng Palasyo ng Malakanyang, giyera na kapag kuwestiyunin ang Tsina; sa bersyon naman ng malawak na mamamayang Pilipino, dapat panagutan ng gobyerno Tsina ang kawalanghiyaan ng ilan nitong mamamayan sang-ayon sa itinatakda ng batas, lokal man o internasyunal.

Ang tanong, bakit kailangang takutin ang mamamayang Pilipino sa usapin ng giyera para lamang mapatahimik ang sigaw ng katarungan o hustisya sa ginagawang pang-aalipusta sa atin ng ilang Tsino?

Ayokong isipin na duwag ang ating Pangulo, hindi siya duwag.

Pero para sa akin, hindi OK na hayaan na lamang natin ang Tsina na ubusin ang lamang-dagat natin sa WPS at sa Exclusive Economic Zone (EEZ). Magugutom ang ating mga mangingisda, magugutom tayong lahat sa darating na panahon.

Maliban diyan, malaking banta ang ginagawang pagsira ng mga Tsino sa ating mga bahura na nagsisilbing depensa laban sa kalamidad. Ang matindi, ang masira nang lubusan ang ating ecosystem sa WPS.

oOo

Kudeta?

Napapangiti na lamang ako sa pakiusap ng Pa­ngulo sa AFP at PNP na ‘wag siyang kudetahin. Sabihin na lamang ng mga sundalo at pulis kung ayaw na sa kanya bilang Pangulo para kusa na siyang bababa sa kanyang puwesto at sila na lamang ang mamumuno sa ating bansa.

Tanungin natin ang mga sundalo’t pulis, propesyunal na ang inyong hanay at institusyon, ‘di ba? Uso pa rin ba sa inyo ang adbenturismo?

Sa katunayan, karamihan sa mga iniidolo ng mga sundalo’t pulis na kanilang mga senyor ay nakapuwesto sa administrasyon ng Pangulo. Ilan nga sa mga ito ay nasa mga tinatawag na “juicy position”.

Halimbawa, sa AFP pa lang ay hindi biro ang bilang ng mga sundalo na umiidolo kay Social Welfare Secretary Rolando “Bote” Bautista. Lumabas ito sa nangyaring gusot ng heneral at ng broadcaster na si Erwin Tulfo.

May punto naman ang Pangulo kung hihingin man nito sa AFP at PNP na huwag siyang patalsikin.

Oo nga naman, doblado na nga ang kanilang suweldo at may puwesto pa sa gobyerno kapag nagretiro tapos magkukudeta pa? Aba, e walang utang na loob!

Kung noon, ang nag-iisang Gen. Fabian Ver lamang ang sandigan ni Ferdinand Marcos. Hindi na ngayon para kay Pangulong Duterte, dahil sangkatutak na heneral na ang umaalalay sa kanya.

Kadalasan, maraming tumitiklop sa “psy-war” pa lang. ‘Yan ang bentahe kung ang Pangulo ay malaki ang kumpiyansa sa mga retirado at aktibong heneral na nakapalibot sa kanya.

Kaya sa natitira pang pa­nahon ng Pangulo sa Palasyo ng Malakanyang, malabo ang kudeta.  (PANALO KA! / FLORANTE SOLMERIN)

Please follow and like us:
Read More

‘BATA-BATA SYSTEM’ SA PNP

PANALO KA

GRABE talaga ang politika pagda­ting sa promos­yon sa Philippine National Police (PNP) dahil kung hindi ka “bata” ng mga nakaupong seniors ay talaga namang dehadong-dehado ka ka­hit na ikaw pa ang pinakamagaling.

Kapag alam nilang magaling ka ay gagawa at gagawa ng paraan ang mga senior na ito para mahila ka pababa – utak talangka – upang sa gayun ay mahila nila pataas ang mga balbal nilang bata.

Halimbawa, bakit kaya pilit nilang hinihila pababa itong si Police Brigadier General Valeriano de Leon, ang kasalukuyang hepe ng Firearms and Explosives Office (FEO).

Ang usap-usapan, dapat daw hindi palabasin ng kampo – ibig sabihin sa Camp Crame – itong si Gen. de Leon. E, bakit naman? Dahil natatakot silang mag-shine sa labas itong heneral at maungusan ang bata ng mga se­nior na ito. Kaya pala!

Si De Leon ay mi­yembro ng Philippine Military Academy (PMA) “Makatao” Class of 1989 at siya ang pinakaunang naging heneral sa kanyang batch.

Binuburo na ng mga senior si De Leon na mahigit dalawang taon na sa FEO. Kung hindi ako nagkakamali, siya na ang may pinakamahabang termino na dumaan sa naturang posisyon.

Ang totoo, hindi guma­gamit ng politika itong si De Leon para sa kanyang promosyon. Ibig sabihin, wala sa personalidad niya ang sipsip o “kissing ass” para ma-promote. Hindi gaya ng ilan sa lower class ni De Leon na sisiraan pa siya maiangat lamang ang kanilang sarili.

Ang utak talangkang paghila pababa kay De Leon ay alam na alam ni PNP chief Gen. Osar Albayalde.

Umayos nga kayo riyan sa PNP.

Nga pala, alam naman ng lahat kung sino ang nagposisyon sa kasalukuyang PNP chief, may inisyal na BP.

oOo

Sino itong lady ng isang PMA class na kung makalustay umano ng pondo ng tanggapan ng kanyang police official na mister ay garapalan na?

Wow ha! Branded ngayon ang mga gamit ni misis na halata namang kahit triplehin pa ang suweldo ni mister ay di magkakasya.

Alam na alam umano ni misis ang kalakaran sa paghawak ng pondo sa tanggapan ni mister dahil dati rin siyang pulis. Kaya pala kung makalustay ng pera ng bayan ay bonggang-bongga!

Oo nga’t nakaambag si mister sa kampanya noong 2016 pero ‘wag namang gawing lisensiya ito upang pagsamantalahan nang todo ang pondo ng tanggapan ni mister.  (PANALO KA! / FLORANTE SOLMERIN)

Please follow and like us:
Read More

CHINA, BANTA SA KALAYAAN

PANALO KA

KUNG sinoman ang magsasabi at ipaggigiitan pa na ang China ay hindi banta sa kasarinlan at kalayaan ng ating bansa ay isang dakilang tanga.

Sa ngayon, kung meron mang nagagawang maganda ang gob¬yerno ng China sa ating bansa sa pamamagitan ng administrasyong Duterte ay marapat lamang na magpasalamat tayo. Pero sabi ko nga, mas malaki ang bantang dulot ng puwersahang pagsakop ng China sa ating teritoryo sa West Philippine Sea (WPS) dahil ‘yan ang tunay na banta sa kalayaan nating mga Pilipino.

Kung totoo ang mga naglalabasang datos na halos nasa kalahating mil¬yong Intsik na ang na¬rito sa ating bansa at iligal na nagtatrabaho sa iba’t ibang sektor ng       ating lipunan, aba e, kabahan ka na!

Bakit? Sakaling sumiklab ang putukan sa pagitan ng US at kanyang mga kaalyadong bansa laban sa mga Intsik sa WPS, ang halos kalahating milyong Intsik na ‘yan ay puwedeng mag-armas at manggulo sa loob mismo ng ating bansa.

Talo pa sa bilang ang pinagsanib na pu¬wersa ng Armed Forces of the Philippines (AFP) at Philippine National Police (PNP).

Sabi nga ng mga magagaling, kasama na ang mga ‘obob’, ay ‘yang bilang na ‘yan ng mga Intsik na nasa ating bansa ay karamihan ay intelligence operatives kung hindi man sundalo mismo ng China na nagsuot sibilyan. Totoo man o hindi ito, nanganganib na ang kasarinlan at kalayaan nating mga Pilipino.

Sakaling sumiklab nga ang digmaan sa WPS, sasaklolo ba ang US sa atin? Hindi, kahit na meron pa ng tinatawag na Mutual Defense Treaty sa pagitan ng dala¬wang bansa. Pansariling interes ng mga Kano ang kanilang uunahin, lalo na ang mas malawak na interes nila sa rehiyon. Hindi nga natulungan ng US na i-modernisa ang kaga¬mitan ng AFP sa tinagal-tagal ng “pagkakaibigan” ng dalawang bansa. Kaya naghahalusinasyon ang mga Amboy sa gobyerno na sasaklolo ang US para sa mga Pilipino.

Walang mangungu¬na sa pagtatanggol sa ating kasarinlan at kala¬yaan kundi tayong mga Pilipino mismo.

oOo

Lalo pang umiinit ang gusot sa pagitan ng retiradong Army Lieutenant General Rolando Bautista at ang broadcaster na si Erwin Tulfo. Mas pinapalala pa nga¬yon ang bangayan ng mga cyber warrior ng magkabilang kampo.

Nagtataka lamang ako kung bakit pinalalawig pa ang bangayang ito na puwede namang ayusin ng magkabilang kampo. Parehas lang naman na masugid na tagasuporta ni Pangulong Duterte. At sa katunayan, mauuwi naman ito sa pag-aayos ng dalawa. Pinatatagal pa e.

Isantabi na muna ang kamalian ng bawat isa. Kung saan-saan na napunta ang usapin hanggang sa may persona non-grata pa. Kung minsan, nakatatawa na ang mga ganitong desisyon na dala siguro ng bugso ng damdamin.

Ang kailangan lang naman ay magkausap nang personal sina Bautista at Tulfo, ‘yan lang. Pustahan tayo, magkakahiwalay ang dalawa na nakangiti at may photo-ops pa. (PANALO KA / Bong Solmerin)

Please follow and like us:
Read More

BARIL NA HAWAK NI MANOY NUNG MATUMBA, KANINO?

PANALO KA

MAY naglabasan na mga ulat na ang ripleng hawak-hawak ng batikang actor na si Eddie Garcia, o mas kilalang Manoy, ang tumama sa kanya na posibleng isa sa mga sanhi ng pinsala sa kanya nang siya ay mapatid sa kable at madapa sa set ng teleserye ng GMA7. Noong Huwebes ng nakaraang linggo, binawian na ng buhay ang aktor makaraan ang ilang araw na pagkaka-ospital.

Sa footage, riple ang hawak ni Manoy nang siya ay madapa. Kung anong klaseng riple ito ay wala pa akong alam. Pero ang akin lang, marami akong tanong gaya nang kanino at rehistrado ba ang riple.

Sa batas, tanging military at pulis at iba pang sangay ng law enforcement units ng gob­yerno ang puwedeng magkaroon ng mataas na kalibre ng baril gaya ng M-16 at M14 at iba pang mataas na klase ng riple. Bawal ito sa sibilyan.

Kaya malamang ang ripleng hawak ni Manoy nang siya ay madisgrasya ay mula sa isang pulis o sundalo, posibleng rumaket ang may hawak nito. O kung hindi naman, “loose firearm” ito.

Tingin ko, dapat magpaliwanag ang production manager ng set ng GMA7. May mga importanteng bagay na dapat ipaliwanag niya sa Firearms and Explosives Office (FEO) ng Philip­pine National Police (PNP) para makaiwas sa anomang pananagutan sa Revised Implementing Rules and Regulations (IRR) ng Republic Act 10591, o ang Firearms Law.

oOo

Para sa Malakanyang, tapos na ang boksing sa trahedyang sinapit ng 22 na mangingisda natin mula sa mga mapang-aping Intsik sa Recto Bank sa West Philippine Sea (WPS). Hintayin na lamang natin ang resulta ng opisyal na imbestigasyon at “pag-aayos” sa gusot sa pagitan ng gob­yerno natin at gobyerno ng China.

Isaksak sa baga niyo ang joint PH-China investigation na ‘yan! Sa puntong ito, kakampi ako ni Teddy Boy Locsin, ang aking dating boss sa pahayagang Today na nga­yon ay kalihim ng Department of Foreign Affairs (DFA).

Dahil sa paulit-ulit na insidenteng ito sa ating karagatan na ang sangkot ay mga Intsik laban sa a­ting mga mangingisda, baka bukas o sa susunod na araw ay ang kinakalawang na barko naman natin sa Ayungin Shoal ang babang­gain ng mga Intsik.

Ang kalawanging barko ay kung saan nagsisilbing detachment ng ilan nating sundalo ng Philippine Marines. Malapit lamang ito sa Pagasa Island kung saan meron din tayong mga sundalong nakadestino doon at mga sibil­yan. Ang Ayungin at Pagasa ay sakop ng munisipalidad ng Kalayaan Island Group (KIG), Palawan.

oOo

Kaabang-abang itong binubuong programa sa tele­radyo hinggil sa ating lumala­gong gun industry na dapat suportahan ng mga lehitimong kompanya na nasa negosyo. Well, nasa kamay ni FEO chief Police Brigadier General Valeriano De Leon kung matutuloy ito o hindi.

Alam niyo po, kapag u­sapin ng baril sa ating bansa ay marami ang natatakot dahil sa umiiral na paglipana ng private armed groups o PAGs. Nariyan din ang di matapos-tapos na rebelyon ng iba’t ibang grupo laban sa ating gobyeno. At mas takot ang mamamayan sa terorismong dala ng mga Islamist group.

Sa binubuong programa, sana matuloy, dito komprehensibong tatalakayin ang U­SAPANG BARIL sa pangu­nguna ng tanggapan ng FEO, paano maging responsible gun owner, ang kasanayan sa baril bilang sports, ang lumalagong gun industry sa ating bansa, at marami pang bagay na dapat talakayin at pag-usapan.  (PANALO KA! /  FLORANTE SOLMERIN)

Please follow and like us:
Read More

WALA NAMANG NAMATAY KAYA OK LANG?

PANALO KA

“THE first sound is the name of the game. The name of the game is the first sound.”

Magandang ice-breaker itong laro na ito sa mga aktibidad dahil hindi lamang masusubok ang iyong mabilis na pagsagot sa tanong kundi masusubok din kung gaano katalas ang iyong utak sa mabilis na pagtasa para tama ang iyong sagot.

Kaso mukhang ‘di uubra ang ice-breaker na ito para sa mga tagapagsalita ng Palasyo ng Malakanyang gaya nina Presidential Spokesman Salvador Panelo, Agriculture Secretary Manny Piñol, Energy Sec. Alfonso Cusi, at pati na si Cabinet Sec. Karlo Nograles.

Bakit? Well, gaya ng mga tagapagsalita ni Chinese President Xi Jin Ping, huli sila mismo na nag-iimbento ng sagot. Sa madali’t sabi, mga sinungaling.

Kung nabasa niyo ang unang pahayag ng embahada ng China na inilagay sa social media at pagkatapos tinanggal, sinasabing kinuyog daw umano ng mga Pilipinong mangingisda ang mga Intsik na sasagip sana sa mga mangingisda natin makaraang banggain nila ang kanilang bangka kung kaya ang mga Intsik na ito ay natakot at tumakas.

Dito pa lang ay sinungaling na ang mga tagapagsalita ng China.

Sa atin naman, sa mga unang pahayag ng mga tagapagsalita ng Palasyo, matapang ang dating pero nang si Pa­ngulong Duterte na mismo ang napilitang magsalita at sinabing “little maritime accident” lamang ang pangyayari, nagbago ang ihip ng hangin.

Kaiba naman ang pagtasa ng ilan nating opisyal sa Armed Forces of the Philippines (AFP), retirado at hindi pa retirado, independenteng personalidad at mga eksperto na talagang sinadya ang pagbangga sa mga ma­ngingisda natin.

Ang ebidensiya? Malinaw pa sa sikat ng araw ang barbarismo ng mga Intsik na sangkot dahil hindi pa sinagip ang mga mangingisda natin makaraang banggain nila ang kanilang bangka!

Lubos na nasaktan ang 22 mangingisda natin dahil pakiramdam nila, sila ang lumalabas na sinu­ngaling. Sabi nga ng ilan sa kanila, siguro dehado sila dahil hindi naman sila namatay sa laot. Tanong nila, kung bangkay na silang nakuha o baka mis­sing pa ano kaya ang magiging pagtasa at posisyon ng ating gob­yerno sa pangyayari?

Hindi na dapat tinatanong pa kung dapat bang depensahan ang sarili nating mga ma­ngingisda pati na ang teritoryo nating pinangingisdaan nila. Dito nakasalalay ang buhay ng ating mga mangingisda, sa a­ting lahat, ng ating bansa.

Pero ang depensahan ang kasakiman at kawalanghiyaan ng mga Intsik ay nakapag-aaklas nga naman ng damdamin at kamalayan ng mga naaapi. Pero, hamon nga ni Pangulong Duterte, OK lang kahit giyera pa sa susunod na 50 taon.  (PANALO KA! / FLORANTE SOLMERIN)

Please follow and like us:
Read More

‘BERLIN WALL’ BINASAG NI FEO CHIEF PBGEN VAL DE LEON

PANALO KA

MASAYA ang la­hat sa na­ging resulta ng UNITY CUP 2 ni Firearms and Explosives Office (FEO) chief Police Brigadier General Valeriano T. De Leon dahil tuluyan nang nabasag ang tila “Berlin Wall” sa pagitan ng Philip­pine Practical Shooting Association (PPSA) at Philippine Shooters and Match Officers Confederation (PSMOC).

“Puwede kong ipag­yabang ‘yan dahil sa a­­king panunungkulan bilang chief, FEO nangyari ito at maraming salamat sa mga taong tumulong sa akin para mangyari ito. The UNITY CUP 2 was really a success for all of us, the shooters who participated, our working horses such as the range and match offi­cers, our sponsors especially the unified efforts of PPSA and PSMOC to make the shooting event successful. For me, what is important here is this is the first time I saw these prestigious practical shooting organizers coming together to a ‘One Goal, One Family and One Sports.’ Congratulations!” sambit ni Gen. de Leon sa ginanap na Range Officers at Match Officers (RO-MO night) noong Hunyo 15, 2019.

Ang awarding sa mga nanalo sa kumpetisyon ay gaganapin na sa Camp Crame na ang iskedyul ay isasaayos pa ng UNITY CUP 2 Secretariat sa pamumuno ng masipag na si Police Staff Sergeant Carl Gonzales at classmate nitong si PSSgt. Angelito dela Cruz, PSSgt. Rustom Ocampo kasama sina Jobelle Mones at Gelene Axalan, lahat sa ilalim ng opisina ni Gen. de Leon.

Espesyal mention ko rito si Raoul Esperas, broadcaster ng DWIZ at siya ang may hawak sa PPSA Media Bureau, dahil sobrang sigasig nito bilang kasama sa mga organizer ng FEO UNITY CUP 2 Secretariat dahil 9 araw lamang ang preparasyon, napakaimposible pero kanilang nagawa!

Ang Armscor, Asso­ciation of Firearms and Ammunition Dealers of the Philippines (AFAD), Trust Trade, Lock ‘n Load, at iba pa ang talaga namang sumuporta nang todo sa UNITY CUP 2.

Napakalaki ng Magnus Front-sight Firing Range sa may Lipa City, Batangas kung saan ginanap ang UNITY CUP 2 mula Hunyo 14-16. Dito nakabahay ang PPSA sa ilalim ng kanilang presidente na si Mr. Edwin Lim. Ako mismo ang nakasaksi kung gaano kagalante si Mr. Lim sa mga RO at MO ng PPSA at PSMOC sa laki ng pinakawalan niyang cash sa raffle dahil aniya, ang mga RO at MO ang gulugod ng alinmang kumpetisyon ng practical shooting.

Sangkaterba rin na goodies ang pinakawalan ng may-ari ng MACMAC Firing Range na si Mr. Ernie Santiago na nakabase sa Plaridel, Bulacan para sa raffle ng mga RO at MO na abot hanggang langit ang kanilang saya at galak dahil sa UNITY CUP 2 lamang anila nangyari ang ganitong pagtitipon.

Siyempre, hindi ma­wa­wala si PSMOC president Teng Mangudadatu na talaga namang humanga ako, gaya ni Mr. Lim, sa galing niya sa riple.

At siyempre, nandiyan si Gina Marie Angangco, presidente ng Armscor; AFAD president Alraic Topacio; Bogie Castro Jr., Corporate Secretary ng PSMOC; Bong Belmes, Range Manager ng Armscor; Pamela Uyami-Comia ng Lock ‘n Load; at marami pang iba na aktibong sumuporta para sa UNITY CUP 2.

Pero ito ang kahanga-hanga kay Gen. de Leon, bahagi ng kinita sa UNITY CUP 2 ay mapupunta sa indigent students sa ilalim ng programang “Happy Eskwela” ng Alagang Kapatid Foundation Inc. (AKFI) ng TV5. Nagpasalamat din ang heneral kina Menchie Silvestre at Nancy Galang ng AKFI sa pag-cover ng TV5 news sa kanyang UNITY CUP 2.

Sana, ang sinimulang pagkakaisa ng PPSA at PSMOC na sinuportahan ng malalaking kompanya ng gun industry sa ating bansa sa pamamagitan ni Gen. de Leon ay magbubunga ng mas maganda pang samahan ng mga ito para sama-sama nilang maisulong at maitaguyod ang mandato ng FEO para sa responsible gun ownership at practical shooting bilang sports.  (PANALO KA! /FLORANTE SOLMERIN)

Please follow and like us:
Read More

CHINA, BANTA SA KALAYAAN

PANALO KA

KUNG sinoman ang magsasabi at ipaggigiitan pa na ang China ay hindi banta sa kasarinlan at kalayaan ng ating bansa ay isa siyang dakilang tanga.

Sa ngayon, kung meron mang nagagawang maganda ang gobyerno ng China sa ating bansa sa pamamagitan ng administrasyong Duterte ay marapat lamang na magpasalamat tayo. Pero sabi ko nga, mas malaki ang bantang dulot ng puwersahang pagsakop ng China sa ating teritoryo sa West Philippine Sea (WPS) dahil ‘yan ang tunay na banta sa kalayaan nating mga Pilipino.

Kung totoo ang mga naglalabasang datos na halos nasa kalahating milyong Intsik na ang nandito sa ating bansa at iligal na nagtatrabaho sa iba’t ibang sektor ng a­ting lipunan, aba e, kabahan ka na!

Bakit? Sakaling sumiklab ang putukan sa pagitan ng US at kanyang mga kaalyadong bansa laban sa mga Intsik sa WPS, ang halos kalahating mil­yong Intsik na ‘yan ay puwedeng mag-armas at manggulo sa loob mismo ng ating bansa.

Talo pa sa bilang ang pinagsanib na pu­wersa ng Armed Forces of the Philippines (AFP) at Philippine National Police (PNP).

Sabi nga ng mga magagaling, kasama na ang mga bobo, ay ‘yang bilang na ‘yan ng mga Intsik na nasa ating bansa, karamihan ay intelligence operatives kung hindi man sundalo mismo ng China na nagsuot sibilyan. Totoo man o hindi ito, nanganganib na ang kasarinlan at kalayaan nating mga Pilipino.

Sakaling sumiklab nga ang digmaan sa WPS, sasaklolo ba ang US sa atin? Hindi, kahit na meron pa ang tinatawag na Mutual Defense Treaty sa pagitan ng dalawang bansa. Pansariling interes ng mga Kano ang kanilang uunahin, lalo na ang mas malawak na interes nila sa rehiyon. Hindi nga natulungan ng US na i-modernisa ang kaga­mitan ng AFP sa tinagal-tagal ng “pagkakaibigan” ng dalawang bansa. Kaya naghahalusinasyon ang mga Amboy sa gobyerno na sasaklolo ang US para sa mga Pilipino.

Walang mangunguna sa pagtatanggol sa ating kasarinlan at kalayaan kundi tayong mga Pilipino mismo.

oOo

Lalo pang umiinit ang gusot sa pagitan ng retiradong Army Lieutenant General Rolando Bautista at ang broadcaster na si Erwin Tulfo. Mas pinapalala pa ngayon ang bangayan ng mga cyber warriors ng magkabilang kampo.

Nagtataka lamang ako kung bakit pinapalawig pa ang bangayang ito na puwede namang ayusin ng magkabilang kampo. Parehas lang naman na masugid na tagasuporta ni Pangulong Duterte. At sa katunayan, mauuwi naman ito sa pag-aayos ng dalawa. Pinatatagal pa e.

Isantabi na muna ang kamalian ng bawat isa. Kung saan-saan na napunta ang usa­pin hanggang sa may persona non-grata pa. Kung minsan, nakatatawa na ang mga ganitong desisyon na dala siguro ng bugso ng damdamin.

Ang kailangan lang naman ay magkausap nang personal sina Bautista at Tulfo, ‘yan lang. Pustahan tayo, magkakahiwalay ang dalawa na nakangiti at may photo-ops pa.  (PANALO KA! / FLORANTE SOLMERIN)

Please follow and like us:
Read More

ROTC, RANGER MATEO, RESERVIST ROBIN

PANALO KA

HINDI ako pabor sa panunumbalik ng Reserve Officer Training Corps (ROTC).

Pero pabor ako sa pagpasok sa training ni showbiz actor Mateo Guidicelli sa Scout Ran­ger ng Philippine Army at ang napapabalitang pagpasok bilang reservist din sa Army ni “Bad Boy” Robin Padilla.

May tinatawag na CAT (Citizenship Advancement Training) noong nasa sekondarya ako. Noon pa man ay may paboritismo o “bata-bata system” na sa pagpili ng mga magiging opisyal dahil kahit mas angat ka sa academics at pisikal na katangian kung wala kang kapit sa mga humahawak ng CAT ay malas mo talaga. Naging first platoon leader ako sa CAT at yung may mga average na 75% hanggang 80% sa academics ay na­ging company at battalion commanders, adjutant at iba pa. Pati sa unipormeng fatigue ay ang may hawak na sundalo sa CAT na rin ang supplier. O, di ba? Dito pa lang may anomalya na! Pero di ko alam ‘yan noon.

Kalakasan noon ng New People’s Army (NPA) sa Cagayan. Tinambangan nga nila ang supply convoy ng Army sa may Kinali, Sta. Teresita at isa lamang daw ang nakaligtas na sundalo. Nakita ko mismo ang mga naka-brip na lamang na mga bangkay ng mga sundalong nakahilera sa tabi ng kalsada pagdaan ng aming sasakyan pagpasok sa eskwela.

Pero masaya ang CAT noong panahon namin sa St. Francis Academy sa Sta. Tere­sita, Cagayan. Sa CAT, natutunan ko ang tamang “kaliwa, kanan”, “harap sa kanan, harap sa kaliwa”, “talupad”, “tikas pahinga”; pagsaludo nang tama; paggamit sa espada at kahoy na riple nang tama sa drill; pagsunod sa utos ng opisyal; at higit sa lahat, disiplina.

Pero ni minsan ay walang nag-indoktrina na sundalo sa aming CAT para ipaliwanag kung ano ang patriotismo at maski na kung ano ang ibig sabihin ng digmaang isinusulong ng NPA.

Noong kolehiyo naman ako sa seminaryo, hindi ako pinaakyat sa entablado ng isang pari noong graduation day namin nang itsinuchu ng ilang sipsip kong ka­klase na binayaran ko ang last semester ng ROTC ko dahil puwede naman palang bayaran para di na pumasok pa kada Sabado. Sa ROTC, sangkatutak na kontribusyon ang sinisi­ngil sa amin. Para raw kay Sir.

Kaya ayokong ibalik ang ROTC kung sa bandang huli ay gagawing raket lamang ito ng mga tiwali sa serbisyo. Kaya sa ating Armed Forces of the Philippines (AFP), dapat natuto na po tayo sa nakaraan na nabahiran pa ng ilang madugong insidente laban sa mga biktimang kadete.

Ergo, para sa akin, mapakikinabangan ang ROTC kung gagamitin ito sa tamang oryentasyon at pakinabang ng bawat estudyante para mapanday sila sa tamang disiplina at pagtatanggol ng kasarinlan ng ating bansa.

oOo

Ayokong isipin na “PR stunt” lamang ng AFP ang pagpasok ni Guidicelli sa Scout Ranger course. Maski na ang pag-iingay ni Padilla na papasok siyang reservist sa Army. Trending nga sa social media si Guidicelli na ngayon ay sumasabak na sa pagka-musang.

Tingin ko, kayang-kaya ni Guidicelli ang pisikal na dala ng training dahil triathlon athlete naman siya. Ang inaabangan ko lang ay magagawa kaya ni Guidicelli sa mga susunod na panahon na maging mouthpiece ng AFP laban sa mga rebelde? Gaya na lamang ang pagkondena sa Communist Party of the Phi­lippines-New People’s Army-National Democratic Front (CPP-NPA-NDF).

Aba, kung magagawa ito ni Guidicelli ay magandang “propaganda machine” siya ng AFP.

Ang isa pa na aking ina­abangan ay ang aktwal na pagsabak ni Guidicelli sa mission. Ipadadala kaya siya sa Sulu o Basilan laban sa Abu Sayyaf Group (ASG) o sa NPA-infested area?

Paano naman si Robin? Marami na siyang nagawang pelikula hinggil sa buhay ng sundalo at maski na pulis. Hayaan na natin siyang ma­ging reservist.  (PANALO KA! / FLORANTE SOLMERIN)

Please follow and like us:
Read More

ERWIN TULFO, PINADEDEPOSITO ANG MGA BARIL

PANALO KA

KABILANG ang kontrobersyal na broadcaster na si Mr. Erwin Tulfo sa mga inatasan ng Firearms and Explosives Office ((FEO) ng Philippine National Police (PNP) na agarang ideposito sa pinakamalapit na istasyon ng pulisya ang kanilang mga pag-aaring baril dahil paso na ang kanilang License To Own and Possess Firearm (LTOPF).

Aking napag-alaman na noong nakaraang Marso 2019 pa napaso ang LTOPF ni Mr. Tulfo, pero siguro naman ay nilalakad na niya ang renewal na madali lang namang gawin. Pero habang wala pa siyang renewal, paliwanag sa akin ng mga tauhan ng Records Section ng FEO na kailangang ideposito na muna sa PNP ang mga hawak na baril.

Sa Revised Implementing Rules and Regulations (IRR) ng Republic Act 10591 (Comprehensive Law on Firearms and Ammunition), hindi ka maaaring magkaroon ng sariling baril kung wala kang LTOPF. Kung paso na ang LTOPF mo kahit na hindi pa paso ang rehistrasyon at lisensiya ng baril mo ay maituturing na itong “loose firearm”. Kaya dapat laging upda­ted ang iyong LTOPF para ‘di magkaproblema sa hawak na baril. Ito ‘yun:

Section 19. Renewal of Licensee and Registration// 19.1 . All types of licenses i.e. License to Own and Possess Firearm, Long Certificate of Registration and Short Certificate of Registration shall be renewed every two (2) years. Failure to renew the license on or before the date of expiration shall cause automatic revocation of the license and of the registration of the firearm/s under said licensee.

Muling naging kontrobersyal si Mr. Erwin Tulfo makarang mapikon ito sa kanyang programa sa radyo at pinagsalitaan ng hindi maganda si Department of Social Welfare and Development (DSWD) Secretary Rolando Bautista dahil sa hindi nito pagpapaunlak sa kanya na siya’y makapanayam live. Si Bautista ay retiradong heneral na naging commanding gene­ral ng Army at siya ang unang Presidential Security Group (PSG) chief ni Pangulong Duterte.

Una nang binawi ng Philippine National Police (PNP) ang police security escorts ng broadcaster sampu ng mga police escort ng dalawa pa niyang kapatid. Sa pagkakaalam ko, mananatili ang mga sundalong escorts ni Ramon Tulfo dahil siya’y Special Envoy to China.

Dalawang beses na ring nag-isyu ng public apology si Mr. Erwin Tulfo kay Bautista kaugnay sa pangyayari.

Sana magsilbing aral at matinding babala sa lahat ng mga kasamahan natin sa industriya ang pangyayaring ito upang ang tinatawag na “4th State” dito sa ating bansa ay hindi kamuhian ng malawak na mamamayan.

Sinabi ni FEO chief Police Brigadier General Valeriano De Leon na hindi maituturing na “panggigipit” ang babala dahil mainit ang isyu kay Mr. Erwin Tulfo dahil hindi lang naman siya ang may expired LTOPF.

“Bukod sa kanya (Erwin) ay meron pang iba. Dahil diyan, ako na mismo na nagsasabi na lahat ng may expired LTOPF ay mabuting pakideposito na muna ang inyong baril sa pinakamalapit na police station dahil maituturing nang ‘loose firearm’ ang inyong mga hawak. Nasa batas po ‘yan. Kaya, para makaiwas tayo sa pananagutan sa RA 10591 ay sumunod po tayo,” paliwanag ng heneral.

Ergo, hindi biro ang makasuhan ng illegal possession of firearm.  (PANALO KA! / FLORANTE SOLMERIN)

Please follow and like us:
Read More

FEO UNITY CUP 2: UNANG PUTOK PAGKATAPOS NG GUN BAN

PANALO KA

DITO natin nga­yon masusubukan ang pagkakaisa ng mga major player ng shooting associations sa bansa sa gagawing Unity Cup 2 ni Police Brigadier General Valeriano De Leon, ang hepe ng Firearms and Explosives Office (FEO) ng Philippine National Police (PNP). Ang heneral ay miyembro ng Philippine Military Academy (PMA) “Makatao” Class of 1989.

Ang kumpetisyon ay nakakasa na sa Hunyo 14-16, isang araw makaraang tatanggalin ng Commission on Elections (COMELEC) ang gun ban policy sa Hunyo 13.

Tatlo ang pinagpi­liang lugar kung saan gaganapin ang kumpetis­yon: Mac Mac sa Plaridel, Bulacan; Armscor sa Marikina City; at Magnus sa Lipa City, Batangas.

Subaybayan lamang natin ang updates sa http://www.facebook.com/PBgen-Val-T-De-Leon-CHIEF-FEO-UNITY-CUP-2-33862440682 4251.

Sa Unity Cup, hangad ng FEO chief De Leon na umpisahan ang pagkakaisa ng Philippine Practical Shooting Association (PPSA), Philippine Shooters and Match Officers Confederation (PSMOC), Armscor Global Defense Inc. at Association of Firearms and Dealers of the Philippines (AFAD).

Nakatutuwa nga kung bakit nabuo ang Unity Cup 2 dahil nagsimula lamang ito sa a­king suhestiyon sa FEO chief makaraang sumagi sa aming usapan na baka kailangang simulan nang pagkaisahin ang samahan ng PPSA at PSMOC. Alam ng lahat na may hidwaan ang dalawang assosasyon sa ilang bagay na puwede namang ayusin alang-alang sa pagsusulong ng pangkabuuang mandato ng FEO para sa promosyon ng responsableng pag-aari at paggamit ng baril para sa kapakanan at pakinabang ng mamamayan.

Ang sabi ko sa he­neral, kung masimulan mo ang pagkakaisang ito ng PPSA at PSMOC katuwang ang AFAD at Armscor ay legacy mo na ‘yan bilang FEO chief. Agad, nag-thumbs up at, sabi niya sa akin, sige simulan mo nang i-organisa.

Biruin mong dalawang linggo lamang ang gagawing preparasyon para sa Level 3 competition at ang minimum pa lamang na dadalong shooters ay 600 na!

Buti na lamang at agad kong natumbok ang batikang DWIZ broadcaster na, shooter pa na si Raoul Esperas, ang vice president for Media Affairs ng PPSA. At sa tulong ni Police Staff Sergeant Carl Gonzales ng FEO, tinumbok na niya rin agad si Rosendo “Bogie” Castro Jr., ang Corporate Secretary ng PSMOC. Malamanlaman ko rin na si Castro ang siyang nagpasimuno para sa organisahin ang PPSA Media Bureau. Ngayon, gusto naman ni Castro na magkaroon ng media bureau ang PSMOC.

Sa pangalawang meeting kahapon na aktibong pinagtulungan ni Esperas at Gonzales, dumalo na rin ang si AFAD president Alaric Topacio at Paldo Belmes Jr., Range Ma­nager ng Armscor. Agad na naisapinal ang plano sa Unity Cup 2 at inaprubahan ni FEO chief ang plano para sa agarang implementasyon.

Napakadali palang pagkaisahin ang PPSA at PSMOC, kailangan lang talaga ng third party. Hindi nga biro ang pagkakaiba ng kanilang sistema pero sa hinaba-haba ng mga usapin ay napagkakaisahan din sa bandang huli.

Shooters, malalaman niyo sa shooting competition mismo kung paano nagkaisa sa mga masalimuot na usapin ang PPSA at PSMOC sa range arrangement pa lang! Nakatutuwa talaga ang nasimulang pagkakaisa ng dalawang magkaibang bakod na grupo na mangyayari lamang sa liderato ni FEO chief De Leon.  (PANALO KA! / FLORANTE SOLMERIN)

Please follow and like us:
Read More

FEO CHIEF HINIHILA PABABA

PANALO KA

BAKIT ba tila may natatakot sa Philippine National Police (PNP) at pilit na hinihila pababa ang promosyon ni Firearms and Explosives Office (FEO) chief Police Brigadier General Valeriano de Leon?

Ayon sa aking matibay-tibay na source, alam na alam ni Police General Oscar Albayalde ang mala-talangkang paghila pababa sa promosyon ni Val. Nitong buwan ng Mayo 2019, mahigit dalawang taon sa FEO si Val, hinog na hinog nang maging regional director.

Pero ang lagi raw chorus ng mga senior ay “bata pa ‘yang si Val”. Baby face kasi, kambal daw ni actor Tonton Gutierrez.

Noong nakaraang Mayo 7, 52-anyos na si Val at apat na taon na lamang ang natitira sa kanyang serbisyo sa PNP. Siya ay miyembro ng Philippine Military Academy (PMA) “Makatao” Class of 1989.

Ang totoo, ayon sa iba ko pang source, pinigilan ang pag-upo ni Val sa Region 11 dahil takot na takot silang mapalapit siya kay Pangulong Rodrigo Duterte. E magkakilala naman sila ng Pangulo, lalo na kay Davao City Mayor Inday Sara dahil si Val ay nadestino na noon bilang Deputy Regional Director for Operations (DRDO) ng Reg. 11 at concurrent pa bilang Officer-in-Charge provincial director ng Davao Occidental. Ang matindi, nang pumutok ang Davao City bombing noong Setyembre 2016, itinalaga bilang concurrent Davao City police chief din siya.

Kapatid ni Val ang kasalukuyang hepe ng Public Safety Security Command Center (PSSCC) ng Davao City na si retiradong Army Major General Benito de Leon (PMA “Dimalupig” Class ’81).

Kaya pala takot na takot silang i-promote si Val sa regional director position!

oOo

Kung maalala natin, kabahagi ng “demolition job” laban kay Val ay nung intrigahin siya sa media na halata namang pina-operate  sa “PR man” sa umano’y maraming katiwaliang nangyayari sa FEO, hinggil sa pag-iisyu ng lisensiya sa baril. Lumabas ang ganitong intriga laban kay Val ilang buwan pa lamang ang nakararaan nang umugong ang pangalan niya na maging RD ng Reg. 11.

Wala namang imbestigasyong ginawa ang pamunuan ni Albayalde at bagkus ang balita ko, sila na mismo ang nagptigil sa intriga dahil hindi nila mapatutunayan ang mga isyung ibinato kay Val. Sa madali’t sabi, siniraan lamang ang pangalan ni Val.

Pagkatapos mapahiya sa pagsira kay Val, eto na, naging awardee ang heneral noong Marso 2019 ng Presidential Anti-Corruption Commission (PACC)! Mas lalong napahiya ang mga senior na humihila pababa kay Val!

Eto ang post ni Val sa kanyang Facebook account sa pagtanggap ng naturang award:

“As I received this award last week on behalf of the PNP FEO Team, let me thank the Presidential Anti-Corruption Commission for making us a part of its 1st Anniversary Celebration after fairly validated FEO’s commitment and effort towards ensuring genuine public service. Let me also acknowledge the past and present PNP leadership for their unselfish support, and friends and those who are “not” who provide both positive and negative criticism that heighten our passion of excellence. May I recognize the untiring support of FEO Team even in the midst of a long cultured, negative systemic, who were wanting to be part of the legacy and turn around history. Special thanks to the core team who worked hard against all odds to achieve the desired goal. Above all, thanks to God Almighty who always provide me strength, knowledge and wisdom to remain steadfast, composed and remain faithful to hurdle challenging tasks along the way.” (PANALO KA)

Please follow and like us:
Read More

ANO BA ANG ‘GAME PLAN’ NI DIGONG SA CHINA? 

PANALO KA

LAHAT ng bansa gaya ng Pilipinas ay gustong makipagkaibigan sa ibang bansa. Sabi nga ni Pangulong Duterte, gusto lamang makipagkaibigan ang China sa ating bansa sa gitna ng pangamba na nananakop na ang “nakikipagkaibigang” bansa.

Kung anoman ang “game plan” ng Pangulo para sa “pagkakaibigang” ito ng kanyang administrasyon sa pagitan ng China ay dapat lang na malaman din ng sambayanang Pilipino.

Ang siste, alam kaya ng Armed Forces of the Philippines (AFP) ang game plan ng Pangulo? Alam natin na mahal na mahal ng Pa­ngulo ang AFP, sabi nga ng ilan e masyado nang “binebebe” ng Pangulo.

Hindi lang sa bukana, nakapasok na mismo ang sandamakmak na mangingisda, militia at pati na militar ng China sa loob ng teritoryo ng Pilipinas. Well, OK lang kung sila’y nakikipagka­ibigan sa atin.

Minsan na akong nakasama sa isang pagbisita ng mga opisyal ng AFP sa Pagasa Island. Marami kami noon, taong 2008 kung ‘di ako nagkakamali, kasama ang local, national at foreign reporters and correspondents. Ngayon, may balita na pinalilibutan ng daan-daang bangka ng China ang isla.

Ang Pagasa ay isang munisipalidad ng Palawan. Ang isla ay isa lamang sa mga barangay nito. Napaganda ang isla at may sistema ng gobyerno doon, gaya rin ng pangkaraniwang barangay.

Sa isla, meron tayong sistemang seguridad para sa mga nani­nirahang sibilyan. May mga tauhan ng ating Philippine Army, Navy/Marines, Coast Guard, Air Force, at Philippine National Police (PNP). Meron ngang Barangay Kapitan, Konseho at Barangay Tanod e.

Ngayon, ano ang ibig sabihin ng pagpapalibot ng mga Instik na kung tawagin ng gob­yerno ng China ay “militia”? Luma na ‘yan, kung hindi man sila nananakot ay may balak na sila talagang sakupin, giyerahin at lipulin ang mga kapwa nating Pilipino doon para mapasakanila ang isla.

Kung ito ang konteksto ng pakikipagkaibigan ng China sa bansa natin ay dapat nang magising ang lahat, lalo na ang ating Pangulo at ang AFP natin. Oo nga’t wala tayong ibubuga kung sa lakas ng sandatahan natin haharapin ang China.

Pero maraming pa­raan sa tulong ng international community para kahit papaano ay makapag-isip-isip din ang China sa kanyang ginagawa laban sa bansa natin.

Alam ‘yan ng ating Pa­ngulo at ng AFP. Ang atin lang ay dapat transparent ang administrasyon, hindi ‘yung ang mamamayan pa ang nakadidiskubre sa mga palihim na pakikipag-usap o pakiki­pagkontrata ng kasalukuyang administrasyon sa China.

Gaya nung dekada ‘70 at ‘80, ang mga ganitong usapin ang bumabasag sa pagkakaisa ng mamamayang Pilipino, isang kondisyon kung saan umuusbong ang ideya ng pag-aklas ng mamamayan laban mismo sa kanilang gobyerno.  (PANALO KA! / FLORANTE SOLMERIN)

Please follow and like us:
Read More

ANO BA ANG ‘GAME PLAN’ NI DIGONG SA CHINA?

PANALO KA

Lahat ng bansa gaya ng Pilipinas ay gustong makipag-kaibigan sa ibang bansa. Sabi nga ni Pangulong Duterte, gusto lamang makipag-kaibigan ang China sa ating bansa sa gitna ng pangamba na nananakop na ang “nakikipagkaibigang” bansa.

Kung ano man ang “game plan” ng Pangulo para sa “pagkakaibiganang” ito ng kanyang administrasyon sa pagitan ng China ay dapat lang na malaman din ng sambayanang Pilipino.

Ang siste, alam kaya ito ng Armed Forces of the Philippines (AFP) ang game plan ng Pangulo? Alam natin na mahal na mahal ng Pangulo ang AFP, sabi nga ng ilan e masyado nang “binebebe” ng Pangulo.

Hindi lang sa bukana, nakapasok na mismo ang sandamakmak na mangingisda, militia at pati na militar ng China sa loob ng teritoryo ng Pilipinas. Well, OK lang kung sila’y nakikipagkaibigan sa atin.

Minsan na akong nakasama sa isang pagbisita ng mga opisyal ng AFP sa Pagasa Island. Marami kami noon, taong 2008 kung ‘di ako nagkakamali, kasama ang local, national at foreign reporters and correspondents. Ngayon, may balita na pinapalibutan ng daang-daang bangka ng China ang isla.

Ang Pagasa ay isang munisipalidad ng Palawan. Ang isla ay isa lamang sa mga barangay nito. Napaganda ang isla at may sistema ng gobyerno doon, gaya din ang pangkaraniwang barangay.

Sa isla, meron tayong sistemang seguridad para sa mga naninirahang sibilyan. May mga tauhan ng ating Philippine Army, Navy/Marines, Coast Guard, Air Force, at Philippine National Police (PNP). Meron ngang Baragay Kapitan, Konseho at Barangay Tanod e.

Ngayon, ano ang ibig sabihin ng pagpapalibot ng mga Instik na kung tawagin ng gobyerno ng China ay “militia”? Luma na ‘yan, kung hindi man sila nananakot ay may balak na sila talagang sakupin, giyerahin at lipulin ang mga kapwa nating Pilipino doon para mapasakanila ang isla.

Kung ito ang konteksto ng pakikipagkaibigan ng China sa bansa natin ay dapat nang magising ang lahat, lalo na ang ating Pangulo at ang AFP natin. Oo nga’t wala tayong ibuguga kung sa lakas sandatahan haharapin natin ang China.

Pero maraming paraan sa tulong ng international community para kahit papaano ay makapagisip-isp din ang China sa kanyang ginagawa laban sa bansa natin.

Alam ‘yan ng ating Pangulo at ng AFP. Ang atin lang ay dapat transparent ang administrasyon, hindi ‘yung ang mamamayan pa ang nakakadiskubre sa mga palihim na pakikipag-usap o pakikipagkontrata ng kasalukuyang administrasyon sa China.

Gaya nung dekada ‘70 at ‘80, ang mga ganitong usapin ang bumabasag sa pagkakaisa ng mamamayang Pilipino, isang kondisyon kung saan umuusbong ang ideya ng pag-aklas ng mamamayan laban mismo sa kanilang gobyerno. (PANALO KA)

Please follow and like us:
Read More

KITA SA STL, ‘DI MALAYONG BUMULUSOK

PANALO KA

MASUSUBUKAN ngayon ang pamunuan ni Chairman Anselmo Simeon Pinili na siya ring OIC-General Manager ng Philippine Charity Sweepstakes Office (PCSO) kung mapapanatili nito sa loob ng tatlo hanggang anim na buwan na humigit-kumulang na P2 bilyon ang buwanang ingreso mula sa Small Town Lottery (STL).

Umupo bilang OIC-GM si Pinili noong Marso 11, kung hindi ako nagkakamali, makaraang magbitiw si General Alexander “Mandirigma” Balutan bilang delicadeza sa mga alegasyon ng kurupsyon sa ahensiya, lalo na ang umano’y kinasasangkutan ng mga opisyal na nasa 4th floor ng PCSO building.

Muli, malinaw na hindi “tinanggal” o “sinipa” ni Pangulong Rodrigo Duterte si Mandirigma sa kanyang puwesto na ayon mismo kay Presidential Spokesman Salvador Panelo ay lumalabas na utos ito ng “someone from the Office of the President”, ito ang direct quote ng media reports sa kanya. Sa bandang huli, mismong ang Palasyo ang naglinis sa unang pahayag ni Panelo na “sinibak” ng Pangulo si Mandirigma. Klaro na po tayo sa isyung ito.

Ang dapat bantayan ngayon ng mamamayang Pilipino ay ang kikitain mula sa STL. Sa aking huling pagkakaalam, merong kasalukuyang 86 na Authorized STL Agents (ASAs) na naglalaro ng STL sa buong bansa. Merong 82 na probinsiya at mahigit 20 na chartered cities ang bansa. Bawat isa sa mga ito ay dapat may isang otorisadong STL agent.

Gaya ng sinabi ko, humigit-kumulang na P2B ang kinikita ng PCSO sa administrasyon ni Mandirigma bago siya nagbitiw sa PCSO. Matatandaan na itinalaga ng Pangulo si Mandirigma bilang general manager noong Setyembre 2016. Pagkatapos ng tatlo at kalahating buwan, tumaas ang kita sa STL mula P4.7B na naging P6.7B dahil sinimulan ni Mandirigma at ng Board na i-expand ang STL na hanggang 18 agents lamang mula noong 2007.

Tumaas pa ang kita ng STL sa P15.7B matapos ang 2017 dahil hanggang 84 na agents na ang naglalaro ng STL. Record-breaking ito para sa palarong STL.

Mas naging kamangha-mangha ang palarong STL nang tumabo ito ng P26.1B noong 2018.

Ngayon, bantayan natin ang pagganap ng liderato ni Pinili kung mapapataas ba niya kasama ang Board ang kita sa STL na sa tingin ay nasa balag ng alanganin na.

Anoman ang mangyari sa kita ng STL ay tanging ang liderato lamang ng PCSO ang makasasagot.

Hindi rin naman dapat ipagmayabang ang naging resulta ng liderato ni Mandirigma dahil ginawa niya lang ang utos ng Pangulo na ayusin ang pamamalakad sa PCSO na rebisahin ang maanomalyang pamamalakad sa STL.

Gaya ng sinabi ko, bantayan natin ang palarong STL. Nagmamatyag kami.  (PANALO KA!/ FLORANTE SOLMERIN)

Please follow and like us:
Read More

‘MEETING SA PALASYO’ 

PANALO KA

KINAGABIHAN bago ipatawag ni Executive Secretary Salvador Medialdea sa Palasyo si Gen. Alexander “Mandirigma” Balutan, ayon sa aking A1 information, naroon na sina Philippine Charity Sweepstakes Office (PCSO) Chairman Anselmo Si­meon Pinili at PCSO Board Member Sandra Cam, ang mga taga-4th floor. Ang kuwento, “pinulutan” na umano nila si Mandirigma.

Kinabukasan, kasama sana ako ni Mandirigma papunta sa Department of Justice (DOJ) para sa isang pulong kasama ang Department of Interior and Local Government Unit (DILG) pero biglang naiba ang ruta sa Palasyo.

Parang walang nang­yari, ito ang nakita ko sa nakangiting mukha ni Mandirigma nang dumaan sa aking cubicle. Nabigla na lamang ang lahat nang malaman na magre-resign na siya. Wala nang puknat ang pagpasok ng mga empleyado sa kanyang opisina, paalaman at nag-iiyakang nakayakap kay Mandirigma. Hindi ko nakita ang mga ganung eksena dahil minabuti kong manatili muna sa aking cubicle, nag-oobserba.

Pero di rin ako nakatiis na di alamin habang papahaba nang papahaba ang pila sa kanyang opisina. Tinawag ko ang isa sa kanyang close-in security at nagtanong. Ang sabi, di na niya masikmura ang gusto ng mga demigods sir; malalaking tao ang kanyang binabangga sa mundo ng illegal gambling at hinihingi ang kanyang ulo sir; ayaw na niya sir, lone soldier in the battlefield fighting the enemy without reinforcement na sir.

Eto na, kasabay ng sitwasyon sa loob ng Office of the General Manager sa 10th floor, hindi po sa 4th floor, ay binagyo na ako ng tawag mula sa media. Gusto kong magpatay ng cellphone, pero di ako nagpatay. Outside office hours na nung pumasok na ako sa opisina ni Mandirigma na umuusok pa rin ang kanyang cellphone. Pagkatapos ng isa pang tawag ay saka niya ako hinarap na ilang minuto na ring nakaupo sa harap ng kanyang mesa.

Simple ang tanong ko at halos kasabay na pinakita ko ang sagot para sa sandamakmak na tanong ng media:

“PCSO General Ma­na­ger Alexander “Mandirigma” Balutan has opted to resign for personal reasons.”

Aba, naunahan na pala kaming maglabas ng palasyo at sinabing “sinibak” ni Pangulong Duterte si Mandirigma dahil sa “serious allegations of corruption!” Siyempre naman, mas may dating ang salitang sinibak kaysa nagbitiw o nag-resign para sa media upang mas maintriga ang publiko. Noong una, iginigiit ko sa mga reporter na tumatawag sa akin na nag-resign si Mandirigma, pero sa ibang reporter na “na­langisan” (media vultures) ay myopic na siyempre.

Napilitan tuloy na maglabas ng personal statement si Mandirigma bilang sagot niya sa isang katanungan ng mga netizen sa social media.

Ayon sa aking source, pati ang Pangulo ay nagtaka sa inisyung sibak statement kung kaya pinabawi niya ito. But the damage has been done! Binawi nga ni Presidential Spokesman Salvador Panelo ang sibak statement makaraang inulan siya ng tanong na hindi niya masagot nang diretsahan sa Malacanang press briefing. Sal-Sal (Salvador at Salvador) ang sagot, nag-resign daw si Mandirigma dahil sa “delicadeza”.

Kinabukasan, muling umamin si Panelo na “someone from the Office of the President” ang nag-utos sa sibak statement. Sal-Sal uli!

At the end of the day, inilabas araw ng Miyerkoles, ang termination order sa tanggapan ni Mandirigma at ang nakapirma ay si “someone”, hindi si Duterte na siyang appointing authority. Sal-Sal pa more!  (PANALO KA! / FLORANTE SOLMERIN)

Please follow and like us:
Read More

15 PROBINSYA LAMANG ANG SAKOP NG NA-TERMINATE NA ‘PERYAHAN NG BAYAN’ 

PANALO KA

HUWAG magpalinlang sa ikinakalat ng mga tauhan ng mga may pasimuno ng iligal na “peryahan ng bayan” na sakop di umano ng kanilang operasyon ang buong bansa.

Sa opisyal na listahan ng Branch Operations Sector ng Philippine Charity Sweepstakes Office (PCSO), 15 na probinsya lamang ang sakop ng Deed of Authority (DOA) ng Globaltech Mobile Online and Gaming Corp. para sa kanyang operasyon ng peryahan, pero binawi ng PCSO ang naturang DOA noong Marso 2016 dahil sa hindi pagre-remit ng Globaltech ng dapat nitong i-remit na kita sa gobyerno. Sa madali’t sabi, lumabag ang Globaltech sa pinirmahan nitong kontrata sa pagitan ng PCSO.

Muli, uulitin ko dito sa aking column ang 15 na probinsiya na ito na sakop lamang ng peryahan at hindi ang buong bansa. Ito ang mga sumusunod:

Quezon City, Panga­sinan, Oriental Mindoro, Marinduque, Palawan, Rizal, Catanduanes, Negros Oriental, Cebu, Bohol, Agusan del Norte, Davao Del Sur, Misamis Oriental, South Cotabato, at Zamboanga del Sur.

Dapat bigyan ng pamunuan ng PCSO ng kopya ng listahan ang mga branch manager. Kailangan nila ang listahan!

Ngayon, magpakita ang mga alipores ng Globaltech ng opisyal na listahan ng PCSO na hawak nila na nagpapatunay na kasama ang Nueva Vizcaya at alinmang probinsya na wala sa opisyal na listahan na legal silang magsagawa ng peryahan.

Gayundin sa Albay, wala sa listahan ang peryahan kaya dapat salakayin at patigilin ng ating provincial police diyan ang iligal na palarong ‘yan. At sa alinmang probinsya na merong peryahan at wala riyan sa opisyal na listahan ng PCSO.

Kaya para sa ating mamamayan na masugid na tagatangkilik ng mga produkto ng PCSO gaya ng Lotto, Keno Digit Games, Sweepstakes, at Small Town Lottery (STL) kailanman ay huwag magpalinlang sa mga alipores ng Globaltech.

Mantakin niyong sinabi pa diumano ng mga alipores nang hanapan sila ng DOA na nagpapakita na kasama ang Nueva Vizcaya na puwedeng paglaruan ng peryahan, sandali lang daw at kukuha sila kay mayor. Hoy mga manlilinlang, ang DOA ay iniisyu ng PCSO, hindi si mayor, governor, congressman o kung sino pa man, kahit na korte ay wala niyan!

Hindi ko rin lubos maisip kung bakit walang pag-alalay sa mga PCSO branch manager pagdating sa usaping legal na may kaugnayan sa kontrobersyal na peryahan.

Nasa legal na ang usapin kung kaya dapat “well verse” sa usa­pin, ‘ika nga, ang bawat branch managers. Kahit sino ay mapapaisip kung bakit kapos na kapos ang legal advise para sa mga taong nasa ground. Anong meron o ganap mga kabeshies?! Balitaan niyo naman kami.  (PANALO KA!/ FLORANTE SOLMERIN)

Please follow and like us:
Read More