CARGO TRUCK BUMAGSAK SA BAHAY; 3 MAG-AAMA, PATAY, 9 SUGATAN

accident121

(NI NICK ECHEVARRIA)

TATLONG miyembro ng isang pamilya, kabilang ang apat na taong gulang na bata, ang nasawi habang sugatan naman ang siyam na iba pa matapos na mabalaho sa kalsada ang isang cargo truck at magtuluy-tuloy na dumausdos sa mga kabahayan sa Zamboanga del Norte.

Nangyari ang insidente nitong Linggo bandang alas-7:20 ng gabi sa kahabaan ng National Highway sa Sitio Lipubo, Limpapa, Sibuco, Zamboanga del Norte, na ikinasawi ng mag-aamang  sina Dwayne Santiago, 4, James Bryan Santiago, 18-anyos, at Rodolfo Santiago, 60, ng Sitio Lipuno, Barangay Limpapa, Sibuco sa nabanggit na lalawigan.

Ginagamot naman sa Labuan Public Hospital Medical Center ang mga nasugatan na sina  Zyramae Santiago, 11 buwang gulang; Allan Jailani; Domiciano Roxas Estenzo, 60; Roceny Calago Marcial, Sherry Jane Bulalang Estenzo, 8; Sarah Jane Bulalang Estenzo, 29; Mary Rose Estenzo Reso-Or, 37; Delmar Estenzo Reso-or, 8 at Roderick Guevara Estenzo, 4.

Bahagya namang nasugatan si Jayson Tejeros De Leon, 35, driver ng cargo truck, na ngayon ay nakakulong sa Sibuco Municipal Police Station (MPS) at nahaharap sa kasong reckless imprudence resulting to multiple homicide at multiple physical injuries.

Sa ipinarating na ulat ng Police Regional Offcie (PRO) 9  sa Camp Crame, patungo sana ang trak na minamaneho ni De Leon sa Zamboanga City nang aksidenteng mabalaho sa kalsada at mawalan ng kontrol hanggang sa magtuluy-tuloy na bumulusok sa mga kabahayan na nasa  ibabang bahagi ng gilid ng kalsada kungsaan napuruhan ang bahay ng pamilya Santiago at Entenzo.

 

Please follow and like us:
Read More

RESULTA NG PROBLEMA SA PAMILYA

FAMILY PROBLEM

(Ni Mac Cabreros / Huling labas)

Mga Batang Ama’t Ina

HINDI maikakaila na bagaman marami na sa mga kabataan ang may mga kaalaman na ukol sa teenage pregnancy, hindi pa rin nawawala sa mga ito na mahulog sa patibong ng buhay. Marami pa rin sa kanila ang nararahuyo sa pag-ibig na sa bandang huli ay kanilang pinagsisisihan.

Dahil nga sa pagkahulog sa patibong ng buhay, patuloy ang pagdami ng mga kabataang sa murang gulang ay nagiging mga magulang na at nagkakaroon na ng obligasyon sa sarili niyang pamilya.

Sa summit na isinagawa noong August 22 sa Philippine International Convention Center na pinamagatang “Kapit-kamay: Empowering the Youth to Make Informed Choices,” layon ng pagpupulong na pagtuunan ng pansin ang maagang pagbubuntis ng mga kabataang babae at mga epekto nito sa kanilang buhay.

Motibo rin nang pagsasagawa ng summit at maturuan ang kabataan na labanan ang tukso at tawag ng laman upang maiwasan ang maagang pagsubo sa pagkakaroon ng sariling pamilya. Hindi lang ang mga kabataang babae ang binigyan ng pagkakataon sa summit na magkaroon ng aral sa buhay subalit maging ang mga kabataang lalaki upang maiwasan ang pagiging batang ama ng mga ito.

 Problema sa pamilya

Natukoy ng mga eksperto na problema sa pamilya ang dahilan para maligaw ng landas ang mga kabataan. Kung hindi man natutulak sa paggamit ng iligal na droga ay nabubulid mapanuksong kapaligiran kung saan nagreresulta sa maaga o wala sa panahong pagbubuntis.

“Teenage pregnancy is one of the biggest factors when it comes to dropout rates,” paha­yag Sec. Briones sa panayam ng manunulat ng Diaryo Bomba.

“Compared to the use of illegal drugs – which is only in particular areas or regions, the prevalence of teenage pregnancy is higher,” paliwanag pa ng kalihim.

“When we started, the foremost cause of dropout rates is financial but what we want to emphasize now is that the lea­ding cause of dropout rates is family – early marriage, teenage pregnancy and others,” pagdidiin ni Briones.

Mga nakiisa sa pagpupulong

Dahil dito, pinirmahan ni Secretary Briones ang memorandum noong Agosto 8 para idaos ang nasabing summit, kung saan bawat regional office ng DepEd ay magpadala bilang kinatawan ang anim na mag-aaral mula Supreme Student Government; Batang Ama at Ina; Alternative Learning System (ALS) at Indigenous People’s Group o Special Education classes.

Dumalo rin ang mga out-of-school youths, kinatawan ng national government agencies (NGAs) , local government units (LGUs), Civil Society Organizations (CSOs), academe at private organizations.

Para kay Sec. Briones, napakahalagang tutukan ang nabanggit usapin dahil napakalaki ang epekto nito sa buhay ng kabataan, ng kanilang  pamilya, sa komunidad at maging sa bansa.

“Early marriage and teenage pregnancy – these are now among the biggest problems when it comes retaining our learners in school and we have to address this concern because the girls and boys will have to drop out of school later on because of this,” dagdag pa ni Briones.

Ang summit ay sinuportahan ng National Youth Commission (NYC); Commission on

Higher Education (CHED); Likhaan Center for Women’s Health; YPEER Pilipinas; Save the Children Philippines (SCP); United Nations International Children’s Fund (UNICEF); United States Agency for International Deve­lopment (USAID); Reach Health Philippines; Volunteer Youth Leaders for Health (VYLH) at Center for Health Solutions and Innovations (CHSI).

Please follow and like us:
Read More

3 MIYEMBRO NG PAMILYA PATAY SA LANDSLIDE

(NI DONDON DINOY)

JOSE ABAD SANTOS, DAVAO OCCIDENTAL- Tatlong kasapi ng isang pamilya ang naiahon matapos makitang wala nang buhay ng mga kasapi ng Municipal Disaster Risk Reduction and Management Council (MDRRMC) dito sa bayan noong Lunes.

Ayon kay Mayor Jason John Joyce, malakas ang ulan sa kanilang bayan noong Linggo ng gabi ngunit naisipan ng pamilyang Serna na lumabas ng bahay upang bumili ng makakain dakong alas 8:00 ng gabi.

Nakilala ang mga biktima na sina Efrencio Serna Sr., asawang si Mateya, pawang 53 ang edad, at anak na si Efrencio Jr., 23, mga residente ng Purok Mangga, Barangay Nuing.

Sa panayam kay Joyce sinabi nito na nangyari ang landslide dakong alas 8:00 hanggang alas 10:00 ng gabi kung saan pauwi na ang mga biktima sa kanilang tahanan.

Nasa tabing ilog ang daang tinatahak ng pamilya pauwi sa kanilang bahay kung saan bigla na lang umanong nahulog ang malaking tibag ng bato kasama ng gumuhong lupa kung kaya’t nadaganan ang tatlong biktima.

Dagdag ni Joyce na umaga na noong Lunes, Hulyo 15, nang matagpuang patay ang tatlo.

Agad na nagbigay ng hollow blocks, semento at salaping P20,000 ang lokal na gobyerno para mabigyan ng disenteng libing ang pamilya.

Ngunit sinabi ni Joyce na hihingi rin sila ng tulong sa lokal na gobyerno ng probinsiya upang mabigyan ng tulong pinansyal ang mga iniwang pamilya lalo na at mayroong 5-taong gulang na anak pa si Efrencio Jr., na kasamang iniwan sa kanyang asawa.

Inabisuhan din ng alkalde ang publiko na manatili na lamang sa bahay kung masama ang panahon at agad na lumikas sa mga evacuation center kung nakatira sa mga river banks at landslide prone areas upang maiwasan ang sakuna.

Patuloy na nakararanas ng masamang panahon ang lugar na nakaharap sa Dagat Pasipiko dahil sa epekto umano ng bagyong ‘Falcon’.

Please follow and like us:
Read More