REMATCH KINA THURMAN, HORN, AYAW NI PACQUIAO: GAME OVER!

WALA nang kailangan pang patunayan si Manny Pacquiao kaya’t tinuldukan na nito ang rematch kina Keith Thurman at Jeff Horn.

“No. Nothing to prove. [Thurman] had his shot. Game over,” sabi ni MP Promotions chief Sean Gibbons sa ulat ng BoxingScene.com.

Mas lalong walang balak ang eight-division world champ na kalabanin si Horn, ayon kay Gibbons. “Horn who? Another desperate guy.”

Ayon pa kay Gibbons, isang boksingero lang ang gusto nilang makalaban. “We want (Floyd) Mayweather.”

Matatandaan na naagaw ni Pacquiao ang WBA “super” welterweight mula kay Thurman sa split decision noong nakaraang buwan.

Bagama’t tinalo ni Horn ang Pambansang Kamao noong 2017, kabaligtaran ang paniniwala ng maraming boxing fans na kumbinsidong si Pacquiao ang tunay na nanalo sa kontrobersyal na laban.

Please follow and like us:
Read More

P12-M HALAGA NG TRUNKS NI PACQUIAO, NAIBENTA

(NI ARIEL BORLONGAN)

NAIBENTA ng tumataginting na $24,750 o katumbas ng P12 milyon ang boxing trunks ni eight-division world champion Manny Pacquiao na ginamit niya nang magwagi laban sa Amerikanong si Keith Thurman noong Hulyo 20 sa Las Vegas, Nevada.

Nabatid na isinubasta ang “Pactrunks” sa Jimmy Kimmel Live Charitybuzz. Ang kita sa naturang charity ay gagamitin para sa paglaban sa amyotrophic lateral sclerosis (ALS).

“The charity auction for the boxing trunks Manny Pacquaio wore in his epic win over Keith Thurman went for $24,750, with dozens of bidders getting in on the action right down the final minutes,” ayon sa ulat ng Fightnes.com.

“The high bid will benefit a group of non-profit organizations fighting against ALS, brought together through the Jimmy Kimmel Live team and Charitybuzz,” dagdag sa ulat.

Ang ALS ay isang uri ng motor neuron disease na nagdudulot ng dysfunction sa nerves na komukontrol sa muscle movement. Wala pang gamot na natutuklasan para dito ngunit maaaring mabawasan ang mga sintomas sa regular na pagpapagamot ng taong mayroong ALS.

Please follow and like us:
Read More

LABAN VS THURMAN MAS PATOK SA PACQUIAO-BRONER

(NI ARIEL BORLONGAN)

SINABI ng Nevada State Athletic Commission (NSAC) na kumita ng $6,260,275  ang sagupaan nina eight-division world titlist Manny Pacquiao at ex-WBA welterweight champion Keith Thurman sa naibentang 11,436 tiket sa mga nanood nang live sa MGM Grand sa Las Vegas, Nevada.

Ayon kay Mike Coppinger, tumabo nang mahigit 500,000 buys ang Fox Sports pay-per-view (PPV) sa naturang laban, nahigitan ang PPV sales ng depensa ni Pacquiao kay Adrien Broner noong nakaraang Enero sa Las Vegas din na 400,000 buys lang.

“If that figure were to stick, not only would it be the highest buy rate for a pay-per-view this year, but also the most for a pro boxing fight in the United States since September 2018 when Canelo Alvarez and Gennadiy Golovkin had their rematch which did at least a million buys,” ayon sa ulat ng BoxingScene.com.

“This was also Pacquiao’s second straight fight on pay-per-view and second since signing a multi-fight deal with PBC. The first fight, which was handled by Showtime and not FOX, saw Pacquiao beat Adrien Broner  in the main event.”

Ayon pa sa ulat, ang susunod na FOX pay-per-view ay magaganap sa Staples Center sa Los Angeles sa September 28 kung saan ang main event ay ang welterweight unification nina IBF titleholder Errol Spence Jr., at WBC titlist Shawn Porter.

Please follow and like us:
Read More

DONAIRE GAGAYAHIN SI PACQUIAO  

GUSTO ni Nonito “The Filipino Flash” Donaire na lumaban hanggang sa kanyang 40s gaya ng kababayang si Senator Manny Pacquiao.

“As long as I take care of myself like Manny has, age is nothing but a number at this point,” sabi ni Donaire sa ABS-CBN News’ North America Bureau.

“What’s important is being healthy and believing in yourself and allowing yourself to prepare in the long term,” dagdag ng 37-anyos na boksingero na na-impressed sa panalo ni Pacquiao kontra sa 10 taon na mas batang American boxer na si Keith “One Time” Thurman sa Las Vegas noong July 20.

Gaya ng Pambansang Kamao, aktibo pa rin si Donaire sa ring. Katunayan ay nakatatlong laban na siya sa loob ng 15 buwan.

Si Donaire, WBA Super Bantamweight title holder, ay kasalukuyang naghahanda sa laban nila ni IBF champ Naoya Inoue para sa finals ng World Boxing Super Series.

Gayunman, wala pang detalye kung kailan at saan gagawin ang unification bout ng dalawa.

“We don’t know yet when or where, we’re just trying to get ourselves physically, mentally ready for anything,” ayon kay Donaire. “We’d like to have two and a half months of training to be mentally physically ready.”

Please follow and like us:
Read More

LOLO PATAY SA PACQUIAO-THURMAN MATCH

(NI KEVIN COLLANTES)

ISANG lolo ang patay nang atakihin ng karamdaman habang nanonood ng live telecast ng pinakaaabangang laban nina Pambansang Kamao at Sen. Manny “Pacman” Pacquiao at Keith Thurman, sa loob ng isang covered court sa Barangay Sto. Niño, Marikina City, Linggo ng tanghali.

Naisugod pa sa Amang Rodriguez Memorial Medical Center ang biktimang si Salvador Abay, 68, ng 60 Aratiles Street, Paradise, Barangay Malanday, Marikina City, ngunit idineklara na rin itong dead on arrival ng mga doktor dakong alas-12:25 ng tanghali.

Batay sa ulat ng Marikina City Police, nabatid na dakong 12:10 ng tanghali nang maganap ang insidente sa Manotoc Covered Court sa Estaquio Street, Barangay Sto. Niño.

Kasalukuyan umanong nanonood ng live telecast ng laban nina Pacman at Thurman sa lugar ang biktima nang bigla na lang itong makaramdam ng paninikip ng dibdib hanggang sa tuluyang mawalan ng ulirat at bumagsak sa lapag.

Isinugod naman ito ng mga nakaantabay na rescue team sa pagamutan ngunit patay na ito.

Sinasabing may sakit sa puso ang biktima at posibleng inatake ito habang nanonood

Please follow and like us:
Read More

CATRIONA GRAY BAHAGI NG ENTOURAGE NI PACQUIAO

LAS VEGAS– Bukod sa kanyang reyna, ang misis na si Jinkee, kasama sa malaking entourage ni Manny Pacquiao si Ms Universe 2018 Catriona Gray nang dumating sa MGM Grand Garden Arena.

Kasamang naglakad ni Catriona si Pacquiao sa arena.

Inagaw din ang atensiyon ng 25-anyos na si Catriona suot ang pink outfit at ang kanyang Miss Universe sash, nang dumating sa Vegas at manood sa inaabangang laban ng pambansang kamao.

Please follow and like us:
Read More

BABALA NI PACQUIAO: THURMAN ‘DI AABOT NG 12TH ROUND

(NI VT ROMANO, Saksi Ngayon, Sports Editor)

LAS VEGAS – “HINDI matatapos ang 12-round.”
Ito ang pag-analisa ni eight division word champion Manny Pacquiao sa kalalabasan ng 12-round WBA welterweight showdown nila ni Keith ‘One Time’ Thurman Sabado (Linggo sa Manila) sa MGM Grand Garden Arena.

“There is a big percentage that this fight will not go 12 rounds.  That is not a prediction, just my analysis,” ani Pacquiao.

Kung tutuparin nga raw ni Thurman ang pahayag nito na makikipagsabayan kay Pacman, dalawang bagay lang ang mangyayari sa Amerikano–mana-knockout o kusang aayaw.

“If he goes toe-to-toe with me that will be lovely.  It will make it a shorter fight.” wika ng Pambansang Kamao.

Nananatiling paboritong magwawagi ang Filipino boxing icon. Sa pinakahuling betting odds, ang 40-anyos na Fighting Senator ay -155, habang +135 naman si Thurman, mas bata ng sampung taon kay Pacquiao.

Nangangahulugan, na ang pustang $155 kay Pacquiao (kung mananalo) ay kakabig lamang ng $100. Habang, ang pustang $100 kay Thurman ay $135 naman ang balik.

Ang pusta namang Pacquiao by KO (1st & 2nd round) ay 50/1 ($1=$50). Kung KO sa 3rd at 4th at 12th round nama’y 40/1 ($1=$40). At 30/1 kung mana-knockout ni Pacquiao si Thurman sa 5th-11th round.

Habang mas mataas na 60/1 naman kung iiskor si Thurman ng 1st o 2nd round KO ($1=$60). 50/1 sa 3rd,  4th at 12th round. At 40/1 ($1=$40) mula round 5th-11th round.

Samantala, hindi na nag-ensayo si Pacquiao kahapon. Sa halip, nagpahinga na lamang ito bilang paghahanda sa official weigh-in ngayong Biyernes (Sabado sa Manila).

Inaasahang magaang na makukuha ni Pacquiao ang 147-pound weight limit.

Aabangan naman kung sosobra sa timbang si Thurman, na napabalitang nahirapang magbawas. Pero agad na pinabulaanan ng kampo nito ang balita.

Please follow and like us:
Read More

UNDERDOG KAY PACQUIAO; PABOR KAY THURMAN  

(NI VT ROMANO, Saksi Ngayon, Sports Editor)

LAS VEGAS – Hindi tinablan si Keith ‘One Time’ Thurman ng binasang bible verse ni eight division world champion Manny Pacquiao hinggil sa pagpapakumbaba.
Matapos ang final press conference, Miyerkoles (Huwebes sa Manila) para sa kanilang 12-round WBA welterweight match, muling umatake ang bibig ni Thurman nang makapanayam ng iba’t ibang sangay ng mga miyembro ng media.
Bilang huling mensahe bago matapos ang press conference, isang verse mula sa bibliya ang binasa ni Pacquiao na hango sa Jeremiah 9:23-24, kung saan nagsasaad na huwag magyabang sa sinuman, sa halip ay maging mapagkumbaba.

Hindi naman ito pinansin ni Thurman, sa halip, umaapaw ang kumpiyansa nitong pinroklama na mananalo siya at pupusta sa sarili na kanyang patutulugin si Pacquiao sa first, second o seventh round ng kanilang sagupaan.

Pero hihintayin pa muna niya umanong tumaas ang ‘odds’ bago niya ilatag ang pusta, upang mas malaki aniya ang kakabigin niyang panalo dahil sa pagiging underdog.

Base sa sports book dito, ang first o second round knockout (pabor kay Thurman) ay 60-1 ang odd. Habang ang Thurman by 7th round KO ay 40-1 naman.

“Well, to be honest, we were waiting because so many people are betting for Pacquiao,” pahayag ni Thurman (29-0, 22KOs). “So, we’re waiting. We believe that the odds are gonna keep being not in my favor, which gonna allow me to really maximize my bets.

“So, I went to the bank today. We got the money ready, but we haven’t gotten the ticket yet. Because, you know, they’re still gonna shift. It’s not Friday night. All the fans aren’t here at the MGM yet. And, you know, them Asians have been getting it in. I think I’ve offended a lot more other Filipinos than I did Manny Pacquiao.
“And then we’re going for first-round knockout, second-round knockout and then, lucky-number-seven-round knockout,” dagdag pa nito.

Nauna nang sinabi ni Thurman na pupusta siya ng $10,000 sa laban.

At ang reaksiyon ni Pacquiao sa tinuran ni Thurman: “Salamat sa donasyon.”

Please follow and like us:
Read More

PACQUIAO ‘DI AABOT NG 6th ROUND –THURMAN 

(NI ARIEL BORLONGAN)

BUONG yabang na sinabi kahapon ni WBA welterweight champion Keith Thurman na patutulugin niya si eight-division titlist Manny Pacquiao bago sumapit ang 6th round ng kanilang unification bout sa Hulyo 20 sa MGM Grand sa Las Vegas, Nevada.

“I bet none of Pacquiao’s sparring partners were going at his body. Keith ‘One Time’ Thurman is going to touch the body. I want to know how he reacts,” sabi ni Thurman sa BoxingScene.com.

“My prediction? Less than six rounds. I would love to be 30-0 with 23 knockouts. We’ve got 22 and we’ve held those 22 knockouts for a little too long. It’s time to get one more knockout,” dagdag pa niya.

Ngunit iba naman ang nasa isip ni Pacquiao, na gustong turuan ng leksiyon ang mabungangang Amerikano.

“I’m so motivated for this fight for all of the trash talk he’s saying and I want to prove him wrong,” sabi ni Pacquiao.

“The most dangerous thing is when you’re not ready and in condition.”

“At this age, at 40, there is a level of adjustment in terms of body recovery, unlike when you were young, you pushed your body in training day by day, you recovered at night,” dagdag ni Pacquiao.

“At this stage, where you are strong, it is difficult to recover the next day, but right now, the speed is there, the power, the speed … by the grace of God.”

 

Please follow and like us:
Read More

PACQUAIO MAGPAPA-IMPRESS SA PRESS

IPAKIKITA ni Pambansang Kamao Manny Pacquiao sa media bukas ang resulta ng kanyang training para sa unification bout niya kay Keith Thurman sa Hulyo 20 (Hulyo 21 sa Manila). Bubuksan ang Wild Card Gym sa Los Angeles para sa media para personal nilang makita ang paghahanda ng 40-anyos na si Pacquaio laban sa kapwa kampeon na si Thurman.

Ayon sa longtime publicist ng fighting senator na si Fred Strernburg ng Sternburg Communications, bibigyang pagkakataon ang press na mainterbyu si Pacquiao bago ito magsimula ng kanyang workout.

Maging ang Team Pacquiao kabilang si head trainer Buboy Fernandez, training adviser Freddie Roach, at strength and conditioning coach Justin Fortune ay magpapaunlak umano ng interbyu.

Si Pacquiao ay nasa huling linggo na ng training sa City of Angels at base sa naging tradisyon na, dederecho siya sa Las Vegas Lunes ng hapon (Linggo sa Manila) para sa fight week.

Target ni Pacquaio na madungisan ang perpektong 29-0, na may 22 knockouts na rekord ng Amerikano at mapag-isa ang kanyang WBA “regular” welterweight at “super” title ng kanyang kalaban.

Samantala, kung noong mga nakaraang linggo ay panay ang “trash-talk” ni Thurman laban kay Pacquaio, nitong Martes ay bigla itong kumambiyo at sinabing napahanga siya sa “one-sided win” nito kontra kay Adrien Broner noong Enero.

“I was impressed by his performance against Adrien Broner. It was inspiring. After watching him, I got out into the streets and ran at one in the morning. Because I just watched a 40-year-old man beat a much younger man. Manny has done so much, but he wants to do more,” sabi ni Thurman.

Please follow and like us:
Read More

PACQUIAO ISUSUNOD NI GARCIA? 

pacman123

(NI ARIEL BORLONGAN)

NANALO ang Amerikanong si ex—WBC welterweight champion Danny Garcia laban kay Mexican Adrian Granados via 7th round knockout kahapon sa Dignity Health Sports Park sa Carson, California sa United States.

Kasunod nito ay tinuya ni Garcia si WBA regular welterweight champion at Pambansang Kamao Manny Pacquiao. “I hope I didn’t scare Manny Pacquiao away.”

Dalawang beses pinabagsak ni Garcia si Granados sa 2nd round at itinigil ang laban nang muling bumagsak ang Mexican eksaktong 1:33 sa 5th round, at naulit sa 7th round. Sa pagwawagi ay natamo ni Garcia ang bakanteng WBC Silver welterweight title.

“I’ve said it before, when Danny Garcia is at his best, nobody can beat him. I had gotten a little comfortable in the past, but I put my 110 percent into this fight and when I do, I beat everyone,” sabi ni Garcia sa Fightnews.com.

Bukod kay Pacquiao gusto rin ni Garcia na makalaban muli si Shawn Porter o Keith Thurman, at bukas din daw siya na makabakbakan si Errol Spence Jr.

Please follow and like us:
Read More

PACQUIAO VS THURMAN KASADO NA

pacman250

(NI ARIEL BORLONGAN)

HALOS kumpleto na ang negosasyon para sa unification bout ng mga kampeon ng WBA sa welterweight division na sina Keith Thurman ng United States at Manny Pacquiao ng Pilipinas.

“According to The Ring Magazine’s Mike Coppinger, Pacquiao and fellow WBA welterweight world champion, Keith Thurman are near a deal for a fight on July 13th,” ayon sa ulat ng Fight Sports.

“The July date is optimal for Pacquiao, as that is when the Filipino Senate is out of session, so both men can fight for the WBA “regular” (Pacquiao) and “super” (Thurman) versions of the title,” ayon pa sa ulat.

Natamo ni Pacquiao ang kanyang WBA “regular” welterweight title noong Hulyo 15, 2018 nang patulugin niya si Argentinian Lucas Matthysse sa Axiata Arena, Kuala Lumpur, Malaysia.

Nakuha naman ni Thurman noong Marso 7, 2015 ang WBA “super” welterweight title sa pagdaig sa puntos sa dating kampeon na Amerikano ring si Robert Guerrero pero halos dalawang taon siyang nabakante sa boksing sanhi ng mga pinsala sa katawan.

“While no other details have emerged, Pacquiao-Thurman would most certainly be a Pay-Per-View, the same way Pacquiao’s win over Adrien Broner was aired on Showtime Pay-Per-View in January, with over 400,000 purchases of the Las Vegas based broadcast,” dagdag sa ulat.

May rekord si Pacquiao na 61-7-2 win-loss-draw na may 39 panalo sa knockouts samantalang may perpektong kartada si Thurman na 29 panalo, 22 sa pamamagitan ng knockouts.

Samantala, masusubukan naman kung may ibubuga pa si dating WBO Oriental super featherweight at lightweight champion Anthony Marcial na lalaban kay Shizuoka-based Brazilian Cristiano Aoqui sa Abril 6 sa Korakuen Hall, Tokyo, Japan.

Galing si Marcial sa limang sunod na panalo, apat sa pamamagitan ng knockouts at umaasa siyang muling mapapalaban sa world ranked boxer makaraang matalo sa kapwa Pinoy at dating IBO super featherweight champion Jack Asis via 3rd  round TKO noong 2009 sanhi ng putok sa kaliwang kilay.

Galing naman sa dalawang sunod na panalo via stoppages si Aoqui kina Duang Hongin ng Thailand at Filipino Joffrey Garcia kaya gusto niyang talunin si Marcial para mapalaban sa Japanese title bout.

May rekord si Aoqui na 13-7-2 win-loss-draw na may  siyam na pagwawagi sa knockouts kumpara kay Marcial na may kartadang 24-3-1 win-loss-draw na may 22 panalo sa knockouts.

Please follow and like us:
Read More

ERROL SPENCE JR. WALA SA RADAR NI PACQUIAO

pakawan12

(NI EM RUBIN)

IPINAHAYAG ng personal trainer at bff ni Senador Manny Pacquaio na si Buboy Fernnadez na wala sa radar ng Pambansang Kamao  si IBF welterweight champion Errol Spence Jr. at kasunod nito’y inamin na matanda na ito kaya’t kailangang paghandaan ng husto kung sino man ang susunod nitong makakalaban.

Mahigit isang linggo ang nakalipas nang tinanggap ni Pacquiao ang hamon ni Spence Jr. matapos ang dominanteng panalo ng Amerikano.

Pero sa pinakabagong survey ng Pinoy ring icon kung sino ang kanyang dapat na sunod na kalabanin, hindi kasama ang pangalan ni Spence Jr. sa mga pagpipilian.

Sa pananaw ng kanyang trainer na si Fernandez, wala umanong mapapala si Pacquiao kung si Spence Jr. ang pipiliin niyang makatapat.

“Kung matalo natin si Spence, ano bang makuha natin? Pero kung tayo ang masilat ni Spence, malaki ang mawawala. Paano ang rematch (kay Mayweather) kung mangyari ‘yon?” ayon kay Fernandez sa panayam ng Radyo Pilipinas 2.

“Para sa akin as a head coach, wala na tayong kailangang i-prove pa eh.”

Kasama naman si Floyd Mayweather Jr. sa nasabing survey, gayundin sina Keith Thurman, Shawn Porter at Danny Garcia. At sa tingin ni Fernandez, si Garcia ang magiging pinakamadaling laban para sa kanyang kababata at best friend.

“Kung gusto mong hindi maghirap Danny Garcia tayo,” ani Fernandez.

Paliwanag niya, hindi sanay ang tulad ni Garcia na isang counter-puncher na nakikipagsabayan ang kanyang kalaban.

“Once na dinikitan na sila, nagsimula na ang kiliti sa katawan, dun na nawawala,” sabi ni Fernandez.

Pero kung sino man ang susunod na makakalaban ni Pacquiao, importante aniyang mapaghandaan ito nang husto dahil na rin sa edad ng WBA champion.

“Kailangang malaman natin sa tamang panahon na hindi tayo nagmamadali sa training. May edad na yung fighter natin, kailangan nating alagaan,” wika ni Fernandez.

 

Please follow and like us:
Read More

MAGANDANG LABAN IBIBIGAY NI PACQUIAO KAY SPENCE JR.

pacman200

(NI EM RUBIN)

“WE’LL give the fans a good fight.”

Ito ang pangako ng 40-anyos na si Pambansang Kamao Manny Pacquiao sa paghaharap nila ni IBF Welterweight World Champion Errol Spence Jr., matapos ang matagumpay na pagdepensa ng Amerikano sa kanyang titulo noong Linggo.

Kasalukuyang hawak ni Pacquiao ang “regular” WBA Welterweight title na personal na nanood ng laban ni Spence kontra Mikey Garcia sa AT&T Stadium sa Texas at umakyat sa loob ng ring pagkatapos ng bakbakan. Dito na siya hinamon ni Spence.

“He’s a legend of the sport. It will be my honor to fight him next,” sabi ni Spence patungkol sa eight-division world champion ng boxing.

Bago pa man ginanap ang labanang Spence at Garcia ay sinabi na ni Pacquiao na target niyang kalabanin kung sino man ang mananalo sa dalawa.

Please follow and like us:
Read More

HIGIT P1-B PREMYO NI PACMAN

pac500

(NI FRANCIS ATALIA)

SINASABING aabot sa mahigit P1 bilyong ang makukuhang premyo ni  Sen. Manny Pacquiao bilang kabuuang premyo sa pakikipagsagupa niya kay Adrien Broner ngayon (Sabado ng gabi) sa Las Vegas, Nevada.

Batay ito sa opisyal na kontrata ng Pambansang Kamao na inihain sa Nevada State Athletic Commission. Nabatid na ang fight purse ni Pacman ay nasa $10 million dagdag pa rito  ang percentage sa kikitain sa mga pay-per-views.

Matapos ang laban ni Pacquiao, agad daw siyang babayaran ng $10 million at pagkaraa’y magbabayad naman siya ng federal income taxes, gayundin ng pagkakautang pa sa Internal Revenue Service (IRS) bukod pa ang pagbabayad ng sanctioning fee sa pagdepensa sa WBA world welterweight title at mga bayarin sa mga miyembro ng Team Pacquiao.

Para sa mga observers, ang dagdag pang mahigit na kalahating bilyong piso na katumbas  na ibabayad kay Manny ay magmumula naman sa share niya sa mga television rights sa Pilipinas, pay-per-view revenue sa Amerika at Showtime sponsorships at iba pa.

Di hamak na mas malaki ang tatanggaping premyo ni Pacquiao kumpara kay Broner na $2.5 million lamang.

Noong huling laban ni Pacman sa ilalim ng Top Rank,  ang naging premyo lamang niya ay $8.5 million kung saan na-upset siya ni Jeff Horn ng Australia noong taong 2017.

Please follow and like us:
Read More

MAYWEATHER AAGAW EKSENA SA ARENA

may200

(NI VIRGI T. ROMANO, SAKSI Sports Editor)

LAS VEGAS – -INAASAHAN ang pagdating ni Floyd Mayweather sa sagupaan nina Manny Pacquiao at Adrien Broner, Sabado ng gabi (Linggo ng umaga sa Manila), kung saan itataya ng Pambansang Kamao ang kanyang WBA welterweight crown sa MGM Grand Garden Arena.

Ayon sa mga taong malalapit kay Pacquiao, kinakailangan lamang umanong manalo ng Fighting Senator kay Broner at kasado na ang rematch nila ni Mayweather.

May mga indikasyon nang matutuloy ang nasabing rematch. Ikinukunsidera ang dalawang beses na pagkikita nina Pacquiao at Mayweather sa magkaibang okasyon at lugar. Ang una’y sa Japan at sumunod naman ay sa Staples Center sa Los Angeles.

Sinasabing ang rematch din kay Mayweather ang kukumpleto sa record ni Pacquiao.

Kamakalawa, binanggit ni Buboy Fernandez, childhood friend at chief trainer ni Pacquiao, na hindi man aminin, ay hinahabol talaga nila si Mayweather.

“Kung mag-rematch sila, manalo, matalo, pwede nang magretire ni Manny,” ani Fernandez. “Pero, alam naman natin na malaking pera ang usapan sa dalawang ‘yan, baka hindi lang rematch ang mangyari, baka may part 3 pa, hindi natin alam,” komento ni Fernandez.

Sina Pacquiao at Mayweather ay nagsagupa noong 2015. Tinalo ni Mayweather si Pacquiao via unanimous decision.

Humihirit ng rematch ang Pambansang Kamao, dahil umano sa hindi siya 100% nang labanan si Mayweather sanhi ng injury sa kanang balikat.

Nabuhay ang usapang rematch nang magkita ang dalawa sa Japan. Mismong si Mayweather ang nagdeklarang babaik siya sa boksing para labanang muli si Pacquiao.

Subalit, tila ginamit lang ni Mayweather ang rematch issue para i-promote ang kanyang exhibition match kay Japanese Tenshin Nasukawa na ginanap noong Disyembre 31 sa Japan.

Gayunpaman, marami ang makapagpapatunay na ang pagpirma ni Pacquiao ng kontrata sa Premier Boxing Champion na pinangangasiwaan ng advisor ni Mayweather na si Al Haymon, ay indikasyon na magaganap ang rematch ng dalawa.

Kung kailan, saan at paano ang magiging labanan, tanging si Mayweather lamang ang nakakaalam.

Please follow and like us:
Read More

TULOY ANG LABAN!

pacman250

PINAKALMA ni Manny Pacquiao ang fans at pinawi ang pangambang makansela ang laban niya kay Adrien Broner sa Enero 19.

Sa pamamagitan ng kanyang PR man na si Aquilez Zonio, ipinaabot ng Fighting Senator sa fans na walang dapat ikabahala at walang katotohanang hindi matutuloy ang laban.

“The fight is a go. Broner was arrested for another brush with the law but he was able to post bail,” pahayag ni Pacquiao matapos ang kanyang road work sa Pan Pacific Park sa Los Angeles, Huwebes ng umaga.

Lumabas ang espekulasyong hindi matuloy ang 12-round WBA welterweight match sa MGM Grand Garden Arena, kasunod ng balitang pagkakaaresto kay Broner nitong weekend, bunga ng kabiguang sumipot sa korte para sa kanyang mga kaso.

“I believe Broner is professional. He knows what is at stake in this fight. So, I’m not worried about him. He will show up during the fight,” dagdag pa ng 40-anyos na si Pacquiao, na balik-gym training matapos magpahinga noong Miyerkoles.

Si Broner, ayon sa TMZ Sports ay inaresto bago mag-Pasko sa Broward County, Florida.

Siya ay may arrest warrant mula sa kaso noon pang Disyembre 2017 bunga nang

driving without license, speeding, no registration or proof of insurance.

Bukod ditto, kinasuhan rin si Broner ng isang alahero sa New York sa kabiguang bayaran ang mga alashas na nagkakalahaga ng $1.1.52M.

“I believe Broner is a professional. He knows what is at stake in this fight. So, I’m not worried about him. He will show up during the fight,” dagdag pa ng 40-anyos na si Pacquiao, na balik-gym training matapos magpahinga noong Miyerkoles.

Pinalabas rin naman si Broner matapos siyang-ibook at magpiyansa.  (VTROMANO)

Please follow and like us:
Read More

BRONER ‘DI MADALING MATALO NI PACQUIO

PACMAN VS BRONER

HINDI dapat kampante si Manny Pacquiao dahil ang makakalaban niyang si Adrien Broner ay hindi madaling talunin, ayon sa strength coach ng boksingerong Pilipino na si Justin Fortune.

Maliban sa pagkokondisyon sa katawan, araw-araw din kinokondisyon ni Fortune ang isip ng “Pambansang Kamao” na hindi madaling talunin si Broner na binansagang “The Problem.”

“Broner is not a bum,” sabi ni Fortune. “He’s coming to fight. He’s a four-time champ.”

Nakita ni Fortune kung paanong makipaglaban ang 29-year-old challenger mula Cincinatti, Ohio, kaya alam niya kung ano ang aasahan sa MGM sa Enero 19.

“He’s a thinking fighter. He’s not going to do anything stupid there. He’s always thinking. So, he’s a dangerous guy,” ani Fortune.

Pero, lahat naman daw ng mga nakakalaban ni Pacquiao ay “dangerous” dahil kailangan nilang maghanda nang husto dahil hindi basta-basta kabangga ang kasalukuyang WBA welterweight champ.

“Everyone’s dangerous when they fight Manny because they always fight 10 times better than what they normally do,” sabi pa ni Fortune.

Nakatakda sa Pacquiao-Broner bout ang WBA welterweight crown ng Pinoy champ na napanalunan niya kontra Lucas Matthysse noong Hulyo sa Kula Lumpur, Malaysia.

Please follow and like us:
Read More

PACQUIAO WALANG INTERES KAY MAYWEATHER

PACQUIAO

AYAW pagusapan ni Manny Pacquiao si Floyd Mayweather hanggang hindi natatapos ang laban niya kay Adrien ‘The Problem’ Broner sa Enero 19.

“Floyd, if he comes out of retirement, we will see after this fight,” ani Pacquiao patungkol sa rematch nila ni Mayweather.

Nakatakdang idepensa ng pambansang kamao ang kanyang WBA welterweight crown na napanalunan niya via 7th round KO kontra  Lucas Matthysse noong Hulyo sa Kuala Lumpur, Malaysia.

Para kay Pacquiao mas  gusto niyang magpokus muna kay Broner kaysa pagusapan si Mayweather.

“We cannot underestimate Adrien Broner, we cannot underestimate this fight. I have to get trough this fight first before we talk about he rematch with Floyd Mayweather.”

Nagretiro si Mayweather, 41, noong 2017 na may malinis na record na 50-0 pero sa kanyang Instagram post noong Setyembre ay nagpahiwatig na magkakaroon sila ng rematch ni Pacquiao, 40, na may 60-7-2 record.

Inamin naman ni Paquiao na nagkausap sila sa Tokyo, Japan ni Mayweather.

“He said he want to come out of retirement to fight me and to challenge me but I told him ‘I got the belt and you have to challenge and come out from retirement.’”

Pero bago si Mayweather ay kailangang depensahan muna ni Pacquia ang kanyang welterweight crown laban kay ‘The Problem’ Broner na may 33-3-1 record.

Sinabi ni Broner n hindi siya natatakot kay Pacquiao at may kakayahan siya na ma-KO ito.

“He’s been knocked out thrice,” sabi ni Broner. “We know he can go to sleep and I got the power to do it.”

Please follow and like us:
Read More