OFW PATAY, GURO KRITIKAL SA TANDEM

(NI JG TUMBADO)

DEAD on the spot ang isang 30-anyos na  Overseas Filipino Worker (OFW) habang nasa kritikal na kondisyon ang kasamahang guro matapos silang pagbabarilin ng riding in tandem sa Lucena City.

Nakilala ang mga biktima na sina Marvin Mendoza, isang OFW at ang guro na si Roxanne Reyes, 36, ngayon ay patuloy na inoobserbahan sa Lucena Doctors Hospital bunsod ng tinamong mga tama ng bala ng baril sa kanyang katawan.

Ayon sa report ng Lucena City Police Office (LCPO), pasado alas 10 ng gabi ng Biyernes, lulan umano ang mga biktima sa motorsiklo na minamaneho ni Mendoza habang pauwi na sila galing sa isang dinaluhang pagtitipon.

Subalit , pagsapit sa Barangay Salinas ay dito na sila sinabayan at tinabihan ng riding in tandem at sunod sunod na silang pinaputukan ng mga Ito.

Nabatid na huminto pa ang mga suspek at nilapitan pa ang mga biktima na nakasubsob na sa lupa at malapitan pang binaril si Mendoza bago mabilis na tumakas.

Narekober ng pulisya sa lugar ng pananambang ang siyam na basyo ng bala mula sa .45 baril.

Inaalam pa ng mga awtoridad kung sino ang mga nasa likod ng krimen at ano ang kanilang motibo.

 

Please follow and like us:
Read More

4 PINOY PAPUNTANG LIBYA PINIGIL SA NAIA

tripoli libya12

(NI FROILAN MORALLOS)

NASABAT ng mga taga Bureau of Immigration (BI) sa Ninoy Aquino International Airport (NAIA) ang apat na Pilipino papuntang Libya sa kabila ng ipinatutupad sa deployment ban ng pamahalaan , dahil sa nagaganap na civil war sa bansang ito.

Ayon sa report  mula sa pamunuan ng Bureau of Immigration, pasakay ang apat sa kanilang flight nang masakote ng mga tauhan ng BI sa NAIA Terminal 1.

Ang apat ay na-intercept ng BI noong Biyernes bago makapag-board sa kanilang flight papuntang Abu Dhabi sa United Arab emirates.

Nabatid mula kay BI Travel Control and Enforcement Unit (TCEU) Chief Timotea Barizo , nagkunwari ang apat bilang mga turista, upang mamasyal sa UAE bago tumuloy sa Amman Jordan .

Ngunit nadiskubre ni Barizo na pagkagaling sa Jordan ay sasakay ang apat sa kanilang connecting flight papuntang Libya , kung saan magtratrabaho bilang mga aircon technician at pipe fitters.

Sa inisyal imbestigasyon, inamin nitong apat na-recruit sila ng isang recuiter agency sa Pilipinas para magtrabaho sa Libya sa kabila ng deployment ban na ipinatutupad ng pamahalaan.

Agad nang inalerto ni Commissioner Jaime Morente ang kanyang mga tauhan sa airport, upang mapigilan ang mga Pilipino na nagnanais magtungo sa Libya  upang makaiwas sa disgrasya .

Sa isinagawang imbestigasyon, nabisto ni Barizo na ang mga return tickets ng apat ay hindi valid , kung kaya’t naghinala ang kanyang mga tauhan na hindi mga turista , bagkus magtratrabaho ang mga ioto sa magulong lugar na Libya.

 

Please follow and like us:
Read More

SAKSAK SA LEEG, PASALUBONG NG MISTER SA OFW NA MISIS

SAKSAK-4

(NI ANNIE PINEDA)

BUMULWAK  ang dugo mula sa leeg ng isang misis na Overseas Filipino Worker (OFW) at kauuwi lamang ng bansa nang salubungin ito ng saksak sa leeg ng kanyang mister, iniulat kaninang umaga sa probinsya ng Cauayan City.

Kinilala ang biktimang si Mylene Baingan, 34, habang tugis naman ang suspek at asawa nito na kinilalang si Melchor Baingan, at kapwa residente ng San Francisco Benito Soliven, Isabela.

Batay sa report ng San Mariano Police Station, naganap ang insidente sa bahay ng mga magulang biktima sa Dipusu,San Mariano.

Lumabas sa imbestigasyon ng pulisya,  galing Saudi Arabia ang biktima at dumiretso ito sa bahay ng kanyang mga magulang sa naturang lugar.

Nagalit umano ang suspek dahil hindi ito umuwi sa kanilang bahay , kaya pinuntahan niya ito sa bahay ng kanyang biyenan para sunduin.

Subalit, nagpasya ang biktima na makipaghiwalay na sa suspek dahil winaldas ng suspek ang perang pinaghirapan nito sa ibang bansa na ipinapadala sa kanyang mister para sana ipagawa ng kanilang bahay.

Dito, kumuha ng kutsilyo ang suspek at pinagsasaksak sa leeg ang biktima.

Kuwento naman ng ina ng biktima narinig niyang may kumalabog sa kuwarto ng kanyang anak (biktima) at tila may umiiyak kaya sinilip niya ito.

Nagulat na lamang siya nang makita ang anak na bumubulwak ang dugo sa leeg nito habang papatakas naman ang suspek.

Nagawa pang isugod sa ospital ang biktima pero idineklara na rin itong patay ng mga doktor.

Please follow and like us:
Read More

OFW TINADTAD NG BALA SA KOTSE

CRIME12

(NI JG TUMBADO)

BINARIL hanggang sa mapatay habang nasa loob ng kanyang sasakyan ang isang Overseas Filipino Worker (OFW) sa Sitio Burol, Pambisang Malaki sa bayan ng Pinamalayan, Oriental Mindoro.

Kinilala ang biktima na si Ronnie Dimalibot Mojado, residente ng Barangay Inclanay, sa nasabing bayan.
Batay sa paunang impormasyon, madaling araw ng Lunes nang matagpuan si Mojado na walang buhay sa kanyang kotse at tadtad ng mga tama ng bala ng baril sa katawan.

Mabilis na tumakas ang mga hindi nakilalang suspek matapos ang krimen.

Patuloy nang sinisiyasat ng mga otoridad ang motibo at nasa likod ng pagpatay sa OFW.

Please follow and like us:
Read More

MISIS, LOVER, HULI NG OFW NA MISTER SA MOTEL  

(NI SIGFRED ADSUARA)

HULI sa akto ni mister si misis at ang kalaguyo nito na umuwi lang mula sa kanyang pagtratrabaho sa abroad upang patotohanan  ang pagloloko ng kanyang misis, sa loob ng isang motel sa Kawit, Cavite.

Kasong adultery ang isasampa laban sa 37-anyos na misis at 30-anyos na lover nito dahil sa reklamo ng asawa  na si ‘Alvin’,  40, isang Overseas Filipino Worker (OFW).

Sa ulat ni PSSgt Mark Joseph Arayata ng Kawit Municipal Police station, dakong alas-12:15 kahapon ng madaling araw nang arestuhin ang dalawa sa loob ng Room 31 Intown Motel, Brgy Putol, Kawit, Cavite.

Nauna dito, sinundan umano ni Alvin ang kanyang asawa hanggang sa pumasok ito kasama ang lover sa loob ng nasabing motel.

Dahil dito, humingi  ng tulong sa pulis ang mister at pinuntahan ang motel saka kinausap ang bellboy na siyang kumatok sa pinasukang kuwarto ng dalawa kung saan naabutan pa ang babae na nakahiga sa kama at walang saplot sa katawan dahilan upang sila’y arestuhin.

Ayon kay Arayata, matagal nang may nagsusumbong kay Alvin na may kinalolokohan driver ang kanyang misis kaya nagplano itong umuwi ng Pilipinas upang patotohanan ang sumbong .

“Dumating si Alvin nito lamang Octiober 5 mula abroad upang hulihin ang kanyang misis,” ayon kay Arayata.

Desidido naman si Alvin na kasuhan ang kanyang misis at kalaguyo nito.

 

Please follow and like us:
Read More

TEACHER, 2 ANAK KINATAY NG MISTER; SUSPECT NAG-SUICIDE

(NI ANNIE PINEDA)

PINANINIWALAAN sinumpong sa sakit sa pag-iisip ang isang dating Overseas Filipino Worker (OFW) na mister dahilan para pagsasaksakin hanggang sa mapatay ang kanyang misis at dalawang anak saka nagpakamatay sa pamamagitan ng pagsaksak sa sarili, sa probinsya ng Butuan city.

Kinilala ang nasawing suspek na si Rogelio ‘Jocjoc’ Ravelo Jr, 35, dating overseas Filipino worker (OFW), asawa nitong si Alfonsita Roales Ravelo, 39, elementary school teacher, at dalawa nilang mga anak na sina RJ Ravelo, 9 at CJ Ravelo, 3, pawang mga residente ng Sitio Gapas-Gapas Brgy. San Pedro, Cantilan, Surigao del Sur.

Habang dinakip naman ng mga tauhan ng Cantilan Municipal Police Station ang kapatid ni Alfonsita na si Alex Luarez, 47, residente sa Bagong Silom, Cantilan, Surigao del Sur, na isa rin sa suspek sa pagpatay sa pamilya ni Ravelo.

Batay sa report ng pulisya, natagpuan na lamang ang mga bangkay ng biktima sa loob ng kanilang bahay at tadtad ng saksak sa iba’t ibang parte ng katawan.

Sa pagsisiyasat ng mga awtoridad, nakita ng tig-aapat na saksak sa dibdib ang dalawang bata habang ang kanilang ina ay may mga saksak sa kamay na senyales na nanlaban pa ito sa suspek.

Nakuha rin sa tabi ng bangkay ni Rogelio ang kutsilyo na ginamit sa krimen.

Lumabas sa imbestigasyon ng pulisya, bago ang insidente humingi pa ng tawad si Jocjoc sa kanyang ama na si Rogelio Sr.

Nabatid, na galing sa Middle East ang suspek at pinauwi ito ng kanyang amo dahil sa kakaiba nitong ikinikilos at kumbinsidong may problema ito sa pag-iisip.

Pag-uwi ng bansa ni Jocjoc, napansin na madalas nagsasalita mag-isa at hindi kanais-nais ang lumalabas sa bibig nito ganun din ang kakaibang ikinikilos.

Samantala, isa rin umano sa suspek si Alex dahil minsan na rin umano itong nagbanta sa pamilya ng kanyang kapatid kapag hindi nakapagbayad ng malaking pagkakautang at ang lupa nila ang sinisingil bilang kabayaran.

Ayon sa pulisya, wala rin silang nakikitang puwersahan pinasok ang bahay ng pamilya Ravelo , bukod sa magulong kagamitan sa kusina.

Nagpapatuloy naman ang ginawang imbestigasyon ng mga awtoridad sa pangyayari.

 

Please follow and like us:
Read More

BABAENG OFW, 2 PA HULI SA P3.4-M DROGA 

(NINA ROSE PULGAR, KOI HIPOLITO/PHOTO BY RAFAEL TABOY)

ARESTADO ang tatlo katao, kabilang isang babaeng overseas Filipino worker (OFW) at nakumpiskahan ng halagang P3.4 milyong halaga ng droga sa isinagawang buy- bust operation ng pinagsanib puwersa ng mga tauhan ng Philippine Drug Enforcement Agency (PDEA), Taguig City Police at Quezon City Police, Sabado ng hapon sa Western Bicutan , Taguig City.

Kinilala ni Police Col. Alexander Santos, hepe ng Taguig City Police, ang mga nadakip na sina Joel Undong, 30, tricycle driver,  ng Zamboanga St. Maharlika Village , Taguig City, Zainab Pamansag, 27, isang OFW, ng Victoria St. Intramuros, Manila at si Aiza  Abdul, 29, ng no.10 Basilan St. Salam  Mosque Compound , Culiat, Quezon City.

Ayon kay Santos, dakong alas-2:30 ng hapon nang maaresto ang mga suspect sa FTI Terminal Arca South, Western Bicutan nang nasabing lungsod.

Isang pulis ang nagpanggap na buyer sa mga suspect na bumili ng kalahating kilo ng droga na nagkakahalaga ng isang P1 milyon.

Nang aktong iabot ng tatlong suspect ang nasabing droga dito na dinakma ang mga ito hanggang sa maaresto.

Nakumpiska mula sa mga suspect ang 10 plastic sachet na naglalalaman umano ng droga na may timbang na 500 na gramo na may street value na P3.4 milyong piso.

Agad na dinala sa tanggapan ng PDEA ang mga suspect at sasampahan ng kasong Violation of Section 5 of Article II AT paglabag sa Republic Act 9165 o Comprehensive Dangerous Drug Act of 2002 sa Taguig Prosecutor’s Office.

Please follow and like us:
Read More

‘UMUWI KA NA, BABY!’ 

(NI ANNIE PINEDA)

LABIS umanong pangungulila na nauwi sa hindi pagkakaunawaan ang nag-udyok sa isang mister para tapusin ang sariling buhay sa pamamagitan ng pagbaril sa ulo, iniulat kaninang umaga sa probinsya gn Camarines Sur.

Kinilala ang biktimang Ronelo Piel, 42, at residente ng San Fernando, Camarines Sur.

Batay sa report ng Camarines Sur -PNP,  naabutan na lamang ng kanyang pinsan ang biktima sa loob ng bahay nito na naliligo sa sariling dugo at wala nang buhay.

Agad naman ipinagbigay-alam sa pulisya ang insidente at nakitaan ng tama ng bala ng baril sa ulo ang biktima na naging dahilan ng kamatayan nito.

Nakuha sa biktima ang hawak pa nitong cellphone. Nakuha rin sa pinangyarihan ng insidente ang ilang basyo ng bala at magazine na may mga laman na bala.

Kuwento ng pamilya ng biktima, nagkaroon ng hindi pagkakaunawaan ang biktima at asawa nito na nagtatrabaho sa ibang bansa at gusto na umano nitong pauwiin ng bansa.

Nagpapatuloy naman ang imbestigasyon ng pulisya para alamin kung totoong nagpakamatay ang biktima o kung may naganap na foul play sa nasabing insidente.

Please follow and like us:
Read More

2 PATAY SA BREAK-IN NG MOTORSIKLO

accident121

(NI MAC CABREROS)

NASAWI ang dalawang magkaibigan nang sumemplang ang kanilang sinasakyang motorsiklo, gabi ng Martes sa Marikina City.

Naging huling biyahe nina Derrick Uy Rañola, 37, collector at Benikko Empedrado, 26, isang OFW, nang maaksidente ang mga ito mag-11:00 ng gabi sa M. A Roxas St., Brgy. Calumpang,  nasabing lungsod.

Sa inisyal na imbestigasyon ng awtoridad, lumitaw na magkaangkas ang dalawa sa Yamaha Sniper MX 150 Motorcycle na wala pang plaka at minamaneho ni Ranola.

Binabagtas ang M.A. Roxas St., nang mawalan ng kontrol sa manibela si Ranola hanggang sa bumangga sa konkretong pader.

Mabilis na nagresponde ang Marikina Rescue 161 at nadatnang duguang nakahandusay ang dalawa. Agad na nasawi si Ranola habang dinala sa Amang Rodriguez Medical Center si Empedrado ngunit hindi na ito naisalba ng mga doktor.

Please follow and like us:
Read More

OFW NA MISIS PINATAY NI MISTER SA INIWAN NA UTANG

crime34

(NI ANNIE PINEDA)

HINDI inakala ng isang misis na ang kanyang pag-uwi mula sa ibang bansa, ay kanya na palang huling hininga, matapos itong pagsasaksakin ng kanyang asawa dahil umano sa mga pagkakautang, iniulat sa Zamboanga del Sur.

Kinilala ang biktimang si Emilyn Lariosa, overseas Filipino worker sa bansang Malaysia at residente ng Tabina, Zamboanga del Sur.

Nadakip naman ang suspek na kinilalang si Erwin Lariosa, at residente ng nasabing lugar.

Batay sa report ng pulisya, Agosto 5, kauuwi lamang ng biktima galing sa bansang Malaysia nang salubungin ito ng away ng suspek sa halip na yakap ng pagkasabik at pangungulila habang nasa ibang bansa ang biktima.

Makalipas ang isang araw , muling inaway ni Erwin si Emilyn at kinompronta tungkol sa mga utang na kanyang iniwan na siya naman pinaggastos sa kanyang pag-alis para sa mga dokumento.

Nagdilim ang paningin ng suspek at kumuha ito ng kutsilyo saka pinagsasaksak ng maraming beses ang biktima sa harap mismo ng kanilang tatlong anak na agad nitong ikinasawi.

Sinampahan na ng kasong parricide ang suspek na ngayon at nakakulong sa piitan ng Zamboanga del Sur-PNP.

 

Please follow and like us:
Read More

STAR TOLLWAY TELLER NAGSAULI NG NAPULOT NA P500-K

(NI NILOU DEL CARMEN)

WALANG panghihinayang na isinauli ng isang empleyado ng STAR tollway sa Batangas ang  kalahating milyong pisong laman ng bag na kanyang napulot habang naka-duty sa Malvar toll plaza.

Kinilala ang 23-anyos na teller na si Jaymart Manlimid, residente ng Barangay Palindan.

Ayon dito, nakaduty siya sa toll plaza nang aksidenteng mahulog sa isang sasakyan ang bag.

Nang kanya umanong kunin ang bag ay tumambad sa kanya ang mga lamang US dollar kaya agad niya itong ipinagbigay-alam sa kanyang mga opisyal.

Nang mahanap ang may-ari ng sasakyan, napag-alaman na dalawang magkasintahan na parehong OFW ang may-ari ng bag at gagamitin ang pera sa planong pagpapakasal.

Sa tuwa ng magkasintahan, inalok pa ng mga ito ng pabuya ang binata subalit tinanggihan naman nito.

Nitong nakaraang araw, si Manlimid ay ginawaran ng parangal ng pamahalaang panlalawigan dahil sa katapatang ipinakita nito.

Nabatid pa na pangalawa na ito sa sitwasyong nagsoli ng pera si Jaymart.

“Mahirap po gastusin ang perang hindi mo pinaghirapan,” tapat na banggit pa ng binata sa panayam ng isang radio station sa kanya sa Batangas.

Si Manlimid ay  panganay sa tatlong magkakapatid na ninindigan na gawin ang tama at dapat bilang isang tunay na Pilipino.

 

 

Please follow and like us:
Read More

MAYMAY SOBRANG NAKA-RELATE SA ROLE NIYA SA HELLO, LOVE, GOODBYE

ANG GARA NI VINIA(NI VINIA VIVAR)

MATAGAL na palang OFW (Overseas Filipino Worker) ang ina ni Maymay Entrata sa Japan kaya naman sobrang nakaka-relate siya sa karakter niya sa Hello, Love, Goodbye na isang DH (domestic helper) sa Hong Kong.

“Lumaki po ako na ang nanay ko, OFW. Mahigit na pong 28 years na siya sa Japan, so hindi po talaga kami nagsama sa isang bubong,” kwento niya.

Kaya alam na alam daw niya na talagang hindi maging madali na maging isang OFW na kailangang tiisin ang pangungulila at magsakripisyo talaga para mabuhay ang pamilya sa Pilipinas.

“Sobrang proud na proud ako sa nanay ko, sa lahat ng OFWs, saludo ako sa inyo dahil mahirap ang ginagawa n’yo,” she said.

When asked kung wala ba siyang balak na kunin ang mommy niya sa Japan since may trabaho na rin siya rito sa Pinas, ani Maymay ay may half-brother din daw siya roon kaya hindi rin daw ganu’n kadali. But she’s hoping na someday ay magkasama-sama rin sila.

Samantala, dream come true para kay Maymay na makatrabaho si direk Cathy Garcia-Molina na direktor ng HLG. Aniya ay isa raw talaga ito sa mga pangarap niya kaya sobrang thankful siya na mapasama sa movie na ito topbilled by Alden Richards at Kathryn Bernardo.

ALONE IN HER FAVE COUNTRY SI KRIS

Kris Aquino is in her fave country now and for a change, hindi niya kasama ang kanyang dalawang anak na sina Joshua and Bimby. Ang kasama lang niya ay ang kanyang mga staff.

Umalis si Kris patungong Japan para raw makapag-relax muna siya dahil pinaghahandaan niya ang kanyang surprise on Saturday, July 20.

“We’re taking a short trip kasi, nag-complain kayong lahat sa sobrang kapayatan ko, so aalis ng 5 nights para ma-relax, mag-try na mag-gain nang kaunti because I have a surprise for all of you which I’m super-excited for.

“We’re shooting it on Saturday, para talaga. . .something you’ve all been waiting for, something I’ve wanted all of you to see, and yes, pumayag na lahat and it’s gonna happen,” ang sabi ni Kris sa short video na in-upload niya bago umalis.

Sa caption ay nag-hint siya na may “reunion” na magaganap na aniya ay ipinadasal niya.

“Thanks kuya. Thanks Bimb… for allowing me to take this trip w/ @rbchanco & @bincailuntayao. Thank you MINDSHARE & @unileverphilippines for making a “reunion” i prayed for, a reality on July 20. Bye for now. Flying to my happy place,” ang caption ni Kris.

Nang may magtanong kung ano ba ang reunion na sinasabi niya, sinagot naman ito ng diretso ni Kris.

“It’s a Christmas endorsement BUT they were so accommodating to allow me to shoot early because we won’t be in the (Philippine flag emoji) for the whole of August, and our (christmas tree emoji)  starts pag “ber” month. Reunion with someone we consider “FAMILY,” sagot ni Kris.

 

Please follow and like us:
Read More

DUDANG MAY LOVER; MISIS NA OFW KINATAY NI MISTER

crime34

(NI JG TUMBADO)

DAHIL sa tindi ng galit bunsod ng sobrang selos, nagawang pagsasaksakin ng isang mister ang kanyang misis na isang overseas Filipino worker (OFW) sa Lebak, Suldan Kudarat.

Namatay habang isinusugod sa pagamutan ang 39-anyos na biktima na si Daisy Villar, domestic worker sa United Arab Emirates (UAE), bunsod ng tinamong mga tama ng saksak sa iba’t ibang bahagi ng katawan.

Habang ang suspek naman na si Anjo Villar ay nasa kostudiya na ng pulisya nang sumuko dalawang oras matapos ang krimen.

Ayon sa report ng Sultan Kudarat Provincial Police Office, nangyari ang karumal-dumal na krimen sa bahay ng mag-asawang Villar sa Barangay Poblacion Uno pasado alas-4:00 ng hapon nitong Lunes.

Ayon sa ulat, nagkaroon umano ng matinding pagtatalo ang mag-asawa bago nangyari ang pananaksak.

Naririnig pa umano ng ilang mga kapitbahay ang sigawan at komosyon sa loob ng bahay ng mag-asawa kung kaya’t agad silang tumawag sa pulisya.

Nadatnan na lamang ng mga awtoridad na naliligo sa sariling dugo ang biktima at nakahandusay malapit sa kanilang sala kung saan ay sinubukan pang dalhin sa ospital para isalba ang kanyang buhay.Lumalabas sa imbestigasyon na naghihinala ang suspek na may ibang lalaki ang biktima sa UAE na dahilan ng krimen.

Napag-alaman na nitong araw lamang ng Sabado, Hunyo 22, dumating ng Pilipinas si Daisy mula UAE.

Please follow and like us:
Read More

KALBARYO NG PINAY WORKERS SA DUBAI 

pinayworker12

(NI ROSE PULGAR)

SA isang maliit na kuwarto nagsisiksikan, gamit ang iisang palikuran na wala pang pinto at kapos sa pagkain.

Ito ngayon ang sitwasyon ng daan-dang mga kababayang mga Pinay overseas Filipino workers (OFWs) na nasa pangangalaga ngayon ng konsulado sa Dubai, United Arab Emirates.

Ang mga nasabing OFWs ay pawang mga undocumented domestic helpers na naloko ng mga illegal recruiter.

Habang ang iba naman ay tumakas mula sa pagmamalupit ng kanilang mga employer at ang iba naman ay ibinalik ng kanilang dayuhang amo sa konsulado.

Una na rito ang isang OFW na nakauwi na sa Pilipinas dahil sa  pagmamalupit ng kanyang amo.

Kuwento nito, naloko siya ng isang illegal recruiter, na sinasabing magandang trabaho ang kanyang makukuha sa  Dubai, ngunit pagdating doon ay dumanas ng pagmamaltrato tulad ng overwork, walang pagkain at pinaglilinis ng napakalaking bahay.

Dahil dito, tumakas ang nabanggit na OFW kasama ang ilan pang Pinay at nagtungo sa Konsulada.

Masuwerte naman siyang nakabalik sa Pilipinas sa tulong ng Blas Ople Center sa pangunguna ni Susan Ople.

Kaugnay nito, nanawagan naman ang OFW na itinago sa pangalang  “Cristy”  (hindi tunay na pangalan), sa pamahalaan ng tulungan ang iba pang mga  naiwan na mga OFWs doon, dahil sa kaawa-awang kalagayan ng mga ito.

Binanggit pa na sa mahigit na 300 mga Pinay ang umano’y ibinebenta pa ng mga kapwa Pilipino doon sa Dubai at Abu Dhabi para manilbihan at magkapera.

 

 

Please follow and like us:
Read More

9 sa 24 STRANDED SA RIYADH NAKAUWI NA NG PINAS

ofw12

(NI KIKO CUETO)

NAKAUWI na rin sa Pilipinas matapos ang ilang taon, ang nasa 26 na Pinoy na na-stranded sa Riyadh, Saudi Arabia.

Inakusahan ang mga OFWs ng pagnanakaw ng kanilang kompanya.

Sinabi ni Labor Attache Nasser Mustafa ng Philippine Overseas Labor Office (POLO) sa Riyadh, na napauwi nila ang siyam na OFW matapos silang makakuha ng pahintulot sa Saudi Labor Office na mailagay sila deportation center.

“Masaya kami at may nauna nang siyam na nakauwi kamakailan matapos silang mabilhan ng OWWA ng pamasahe sa eroplano. Habang hinihintay pa namin na maisyuhan ng visa ang 13 pang naiwan,” sabi Mustafa.

Sa report, napag-alaman na nagpasya naman ang apat pang OFW na magpaiwan para ipagpatuloy ang pagharap sa kanilang dating pinagtatrabahuhan sa korte.

Ayon kay Mustafa, humingi ng tulong sa POLO ang grupo matapos silang akusahan ng kanilang kompanya ng pagnanakaw.

Kaagad umano silang nagbigay ng tulong tulad ng pagkakaloob ng mga personal na pangangailangan at pagkain dahil dalawang taon umanong inipit ang kanilang mga sahod.

“Inaasahan namin na makauuwi na sa lalong madaling panahon ang mga naiiwan pa kaya ‘wag po mag-alala ang kanilang mga mahal sa buhay,” pagtiyak ni Mustafa.

 

Please follow and like us:
Read More

OFW NIRATRAT NG RIDING IN TANDEM SA HARAP NG BAHAY

crime55

(NI JESSE KABEL)

NIRATRAT ng riding in tandem ang isang overseas Filipino worker habang nakatayo sa harap ng kanyang bahay sa Cotabato City.

Dead on the spot  si Rahima Balabaran, 30, at residente ng Brgy Datu Balabaran, Cotabato City .

Si Balabaran na dating OFW ay pinagbabaril ng riding in tandem suspects dakong alas 7:09, Lunes ng gabi.

Sa ulat ng Cotabato City Police Office, kasalukuyang nasa  harap ng kanyang tahanan ang biktima nang bigla itong pagbabarilin ng dalawang hindi kilalang suspek gamit ang kalibre .45.

Mabilis namang tumakas ang mga salarin sakay ng motorsiklo patungo sa town proper sa lungsod ng Cotabato.

Inabot ng kanyang dagliang kamatayan ang biktima sanhi ng tinamong tama ng bala sa iba’t-ibang parte ng kanyang katawan.

Patuloy na isinasagawa ng pulisya ang imbestigasyon sa motibo ng pamamaslang.

Please follow and like us:
Read More

LALAKING NAKIPAGLIBING SA KAANAK, BINARIL, PATAY

batangas1

NI NILOU DEL CARMEN)

ISANG tama ng bala sa ulo at isa sa dibdib ang ikinasawi ng isang nagbabakasyong OFW  na binaril sa harap ng sementeryo sa San Pascual,  Batangas, Sabado ng hapon.

Ayon sa San Pascual police,  katatapos lamang makipaglibing sa isang pumanaw na kamag-anak ng biktimang si Dennis Abrahan,  44, ,  residente ng Barangay Manginao Proper,  Bauan,  nang ito ay barilin ng hindi nakilalang gunman sa harap ng Holy Cross Cemetery sa Barangay Sambat,  pasado alas 3:00 ng hapon.

Ayon kay Police Major John Rillian,  hepe ng San Pascual Police,  nakatayo lang sa gilid ng kalsada ang biktima at hinihintay ang kasamang bumibili ng sigarilyo nang lapitan ito ng nag-iisang salarin at malapitang barilin.

Isinugod pa ang biktima sa Bauan Doctor’s Hospital subalit nalagutan din ito ng hininga habang nilalapatan ng lunas.

Nakatakas naman ang suspek matapos pamamaril.

Nagsasagawa pa ang San Pascual police ng malalimang imbestigasyon sa pangyayari at inaalam pa rin kung sino ang suspek at ano ang motibo sa likod ng krimen.

 

 

Please follow and like us:
Read More

LUBID SA DUYAN GINAMIT SA SUICIDE NG OFW

cebu200

(NI JESSE KABEL)

BUMOTO muna bago nagbigti ang isang overseas Filipino worker dahil sa umano’y away nilang mag-asawa sa Toledo, Cebu, Lunes ng gabi.

Ayon sa Toledo City Police Office, kauuwi lamang ng bansa ng biktima sa Brgy. Dinagat Soriano, ng nasabing  lungsod nang maganap ang insidente.

Bago makitang nakabigti ang biktima ay nagtalo umano ang mag-asawa dahil sa madalas nitong pag-uwi ng gabi . Ilang oras pa ay nakita nang nakabigti ang biktima gamit ang lubid ng duyan ng anak.

Please follow and like us:
Read More

ARMAS NA GAGAMITIN SA ELEKSIYON NABAWI, OFW ARESTADO

lanao12

(NI NICK ECHEVARRIA)

INARESTO ng mga tauhan ng PNP-Criminal Investigation and Detection Group (CIDG) ang isang dating overseas Filipino worker (OFW) matapos matagpuan sa bahay nito ang isang arms cache na naglalaman ng iba’t ibang uri ng matataas na kalibre ng mga baril at  bala sa Lanao del Norte, Biyernes ng hapon.

Kinilala ang dating OFW na si Marry Ann Canoy, 36,  na dinakip bandang alas-4:00  matapos halughugin ng mga detectives ng CIDG sa bisa ng isang search warrant ang bahay na tinutuluyan nito sa Brgy. Labuay, Maigo, ng nasabing lalawigan.

Nabatid  kay CIDG Director ni  P/MGen. Amador V. Corpus bago isinagawa ang pagsalakay ay nakatanggap muna sila ng intelligence report na pinagtataguan ng mga ilegal na armas at bala ang bahay ni Canoy na planong gamitin sa 2019 midterm election.

Kabilang sa mga nakumpiskang armas ang (1) Shotgun na may SN: 11204365, (2) Colt M16 A1 w/ SN: 9041044 at  SN:5150035, (1)  Elisco M16 A1, (2) M1 Garand Rifle na may Serial Nos. 4321406 at 1636330, (6) ammunition Bandoliers, (1) Llama Caliber .45 at (3) kahon ng mga assorted ammunitions.

Kasama ng CIDG sa isinagawang operasyon ang mga tauhan ng Misamis Oriental at Iligan City police.

Itinanggi naman ng dinakip na suspek na sa kanya ang naturang bahay at mga natagpuang armas at bala dahil caretaker lamang umano siya habang hindi naman nito maituro ang may-ari.

Nahaharap ngayon sa kasong paglabag sa RA 10591 o ang Comprehensive Firearms and Ammunition Regulation Act  ang dating oFw.

 

Please follow and like us:
Read More

DOLE MAG-IIMBESTIGA SA PANG-AABUSO SA OFWs SA JEDDAH

jeddahmap12

(Ni FRANCIS SORIANO)

GUMUGULONG na ang imbestigasyon  ng Department of Labor and Employment (DoLE), matapos magsumite ng ulat ang Philippine Overseas Labor Office (POLO) na nakabase sa Jeddah na si Labor Attache Nasser Munder, sa pang aabuso umano sa mga sa overseas Filipino workers (OFWs)  ng kanilang recuitment agency sa Jeddah, Kingdom of Saudi Arabia.

Ayon kay Secretary Silvestre Bello III, inatasan na ang Philippine Overseas Employment Administration (POEA) na magsagawa ng imbestigasyon sa  recruitment firms na Madar Al Kharj Recruitment Agency at Lemploy Manpower Services Inc.

Ayon sa ulat,  may apat na household service workers na sina Samra Musa Lidasan, Lyn Silongan Sali, Norhen Gayo Sarat at Noraima Mamadra Bandara na minamaltrato umano  at pinagtratrabaho ng mahigit 10-oras ng kanilang employer.

Dagdag pa nito na isang 22-anyos din na biktima ng pangagahasa noong December 22, 2018 na ang mismong suspek ay ang agency representative.

Ang mga biktima ay lehitimong manggagawa at may hawak na Iqama bago umalis sa kanilang mga amo at kasalukuyang nakatira sa Bahay Kalinga sa Philippine Consulate General (PCG) sa Jeddah simula pa noong March 1, 2019.

Dahil dito ay ni rerekomenda ni Munder ang suspension at cancellation ng mga licenses ng sangkot na ahensiya.

Please follow and like us:
Read More

SILAHIS NA PUMATAY NG KAPWA OFW SA SOKOR ARESTADO

nbi1234

(NI JULIE DUIGAN)

NAHULOG sa kamay ng National Bureau of Investigation -International Operations Division (NBI-IOD), ang isang umano’y silahis na dating overseas Filipino worker (OFW) na inakusahang pumatay at nagbaon sa septic tank ng kapwa nito  OFW sa South Korea noong 2016.

Nitong Huwebes ay ipinirisinta ni NBI Deputy Director for Investigation Jun De Guzman sa mga mamamahayag ang suspek na nakilalang si Yugoslav Magtoto, na inakusahan pumatay sa biktimang si Angelo Camen Claveria sa loob ng Doil Industrial Technology Co. LTD. , isang paint company. Nang mapatay ay itinago ng suspect ang bangkay sa septic tank.

Batay sa ulat ng NBI, una umanong magkasama ang dalawa sa isang pabrika na Shinum Meister Co. Ltd, nagpalipat umano ng kompanya ang biktima dahil hindi nito nagustuhan ang pagpapakita ng motibo sa kanya ng suspek.

Hindi pa umano malinaw sa NBI kung papaano napatay ng suspek ang biktima na pagkatapos mapatay ay nagawa pa nitong nakawin ang bag ; cellphone at debit card ng biktima kung saan ginamit nito ang card. Nakapag-withdraw din umano ang suspect ng halagang P47,000. Noong Mayo 9, 2016 na nila nabatid na nakauwi na ng bansa ang suspect at tumuloy sa Candaba, Pampanga.

Noong Abril 2018, nadiskubre ang mga kalansay ng biktima sa loob ng septic tank kung saan nagawa ng Korean Consulate na maipaalam sa magulang ng biktima at nang isagawa ang DNA test, nakumpirma na ito ang kanyang anak.

Setyembre 2018 ay tinangka nang imbestigahan ng CIDG  ang suspek kaugnay sa krimen matapos na makatanggap ng liham mula kay Soo Bok Lee, consul at police attache of the Embassy of Republic of Korea, na humihiling na maibalik sa kanilang bansa ang suspek para harapin ang kasong murder, exploring tombs, at kasong kriminal may kinalaman sa credit finance.

Ngayon lamang umano naghain ng pormal na extradition ang SoKor kaya ngayon lamang naaresto ang suspek.

Nakadetine sa NBI, ang suspek at inihahanda na ang pagbabalik sa kanya sa South Korea para harapin ang nakasampang kaso.

 

Please follow and like us:
Read More

BI MAGHIHIGPIT VS MENOR DE EDAD NA ‘OFW’

bi12

(NI FROILAN MORALLOS)

HIHIGPITAN ng Bureau of Immigration (BI) ang screening sa mga paalis na overseas contract workers sa Ninoy Aquino International Airport (NAIA) matapos makatangap ang BI sa modus ng sindikato sa pagre-recruit ng mga menor de edad na OFW palabas ng bansa.

Ayon kay Immigration Commissioner Jaime Morente, binigyan niya ng instruction ang BI Port Operations Division Chief na NAIA, na kailangang nasa legal age na ang lalabas na OFW at may kakayahang magtrabaho sa ibang bansa.

Ang mga kahina-hinalang workers ay dadalhin sa Travel Control and Enforcement Unit (TCEU) para imbestigahan.

Ang aksiyon ay upang maiiiwas ang mga batang OFW sa anumang kapahamakang haharapin sa pagtatrabaho sa ibang bansa.

Ipinag-utos ni Morente ang strict screening makaraang masakote ng kanyang mga tauhan sa NAIA Terminal 1 ang isang Filipina household worker bago sumakay sa kanyang Philippine Airlines flight patungong Saudi Arabia na umano’y pineke ang edad para lamang makalabas at makapagtrabaho sa ibang bansa.

Please follow and like us:
Read More

SEAMAN TODAS SA VIDEOKE BAR

shooting

(NI JUN V. TRINIDAD)

INFANTA, Quezon – Isang nagbabakasyon na overseas contract worker (OFW) ang binaril at napatay sa loob ng videoke bar sa bayang ito, Sabado ng gabi dahil lang sa pagtatalo ng dalawang lasing sa mesa na pag-iinuman.

Sa report ni Chief Insp. Lowell Atienza, Infanta police chief, binaril si Christopher Espetero, 34, habang masayang nakikipag-inuman at nagkakantahan sa Sulok Resto Bar sa Barangay Comon bandang 10:15 ng gabi.

Sa imbestigasyon, unang nagkaroon ng mainit na pagtatalo ang biktima at si Kenneth Avellano, 41, dahil sa pag-aagawan sa mesa na pupuwestuhan ng kani-kanilang tropa na pare-parehong lasing na nang dumating sa bar.

Nakuha ng grupo ng biktima ang pinagtalunang mesa.

“Ang balak ay kakanta lang sila at iinom pa ng konti,” ang paliwanag ni Atienza sa phone interview.

Batay sa impormasyon ng mga testigo, nagpatuloy lang ng tahimik na pag-inom ang galit na suspek dahil para siyang nabarakuhan habang ang mga kasama naman ay masayang nagkakantahan sa videoke.

Nang walang sabi-sabi ay biglang nilapitan ng suspek ang biktima at binaril ng dalawang beses gamit ang kalibe 22 na rebolber.

Tinamaan sa dibdib ang seaman at mabilis itong isinugod sa Claro M. Recto Memorial District Hospital subalit hindi na umabot ng buhay sa nasabing pagamutan.

Dinakip ng pulis ang suspek at narekober sa kanya ang baril na may tatak “Black Widow” na may laman na tatlong bala at dalawang basiyo. Nakakulong sa Infanta police jail ang suspek.

Nanlulumong nagpahayag si Atienza na nasayang ang isang buhay nang dahil lang pagtatalo ng dalawang lasing.

“At ang mas lalong malungkot nito ay dahil lang sa pag-aagawan sa bakanteng lamesang pagiinuman,” ang wika pa ng pulis

 

Please follow and like us:
Read More

ISRAEL TATANGGAP NG 1K PINOY WORKERS

ofw1

GUSTO mong magtrabaho sa Israel?

Ito na ang pagkakataong matupad ang pangarap dahil nangangailangan ngayon ang Israel ng aabot sa 1,000 Pinoy na magtatrabaho sa mga hotel sa naturang bansa.

Ayon kay Labor Secretary Sylvestre Bello III, sigurado ang alok na ito dahil nagkaroon na ng kasunduan sa pagitan ng DoLE at Israeli Tourism Ministry.

Patuloy na lumalakas ang industriya ng turismo sa Israel kung saan ang gusto ng kanilang pamahalaan ay mga Pilipino ang maging empleyado nila dahil marunong itong mag-Ingles at napakahusay magsilbi at magtrabaho.

Nagpaalala lamang si Bello na sa Philippine Overseas Employment Administration (POEA) lamang magtungo ang mga interesado dahil ito ang inatasan ng kalihim na mag-asikaso ng mga Pilipino na gustong magtrabaho sa Israel.

Please follow and like us:
Read More