PAGPATAY SA TRIBAL LEADER NASAKSIHAN NG 9-ANYOS NA ANAK

cppnpa12

(NI DONDON DINOY)

DAVAO CITY–Nasaksihan ng 9-anyos na batang lalaki ang pamamaril sa kanyang ama ng mga itinuturong miyembro ng New People’s Army (NPA) sa bayan ng Impasog-ong, probinsya ng Bukidnon, alas 9:15 kaninang umaga (Linggo).

Ayon sa ulat ng 8th Infantry Battalion (IB), nangyari ang pamamaril sa pagtatapos ng Enero 7 ceasefire ng Communist Party of the Philippines (CPP).

Ayon kay First Lieutenant Ken Cabbigat, 8th IB Civil Military Operations officer, kinilala ang biktima na si Datu Sammy Diwangan, 45, Indigenous People Mandatory Representative (IPMR) sa bayan ng Impasug-ong.

Sinabi ni Cabbigat na sinabi ng mga nakasaksi na pinuputol ng biktima ang mga kahoy gamit ang chain saw, ilang metro mula sa kanilang tahanan nang biglang dumating ang mga rebelde binaril ito.

Nagtamo ng tama sa noo at iba’t ibang parte ng katawan ang biktima na agad niyang ikinamatay.

Ayon sa militar ibinunyag ng alyas Cardo, isang dating NPA na sumuko kamakailan, na matagal nang plano ng kanilang grupo na patayin si Diwangan dahil aktibo umano ito sa kampanya sa kanilang komunidad laban sa NPA infiltration at recruitment.

Si Cardo, ayon kay Cabbigat, ay isang dating NPA commander ng Sentro De Grabidad Thunder ng Guerilla front 6, na nagsabi sa kanila na malaking hadlang si Diwangan upang maisagawa nila ang kanilang misyon sa Barangay Canangaan kung saan tribal leader ang biktima.

Dagdag ni Cabbigat nasaksihan ng anak nitong si John, ang pamamaril sa kanyang ama dahil pabalik na ito matapos utusan na kumuha ng isang galong gasolina.

“Agad na tumakbo ang bata pabalik sa kanilang tahanan upang magtago,” ani ni Cabbigat sa panayam sa telepono.

Kinondena ni Lieutenant Colonel Ronald Illana, 8th IB commanding officer, ang pamamaslang ng NPA guerilla front Malayag.

“We condemn this barbaric act of the NPAs against a helpless civilian who works for his family and community, this act is a clear manifestation of their evolution into a terrorist organization,” ayon sa opisyal.

Sinabi ni Illana na lagi silang tumutupad sa deklarasyon ng gobyerno na ceasefire laban sa mga NPA ngunit ang mga ito ay lagi namang lumalabag sa kanilang pangako.

Ikinakasa na ng mga pulis at militar ang kaso laban sa grupo ng mga NPA na nasa likod ng pamamaslang.

Sa ngayon, isinailalim na si John sa kustudiya ng Municipal Social Welfare and Development sa Cabanglasan, matapos ma-trauma dahil narinig nito ang mga putok ng armas at nakita sa dalawang mata ang pagpaslang sa kanyang ama.

 

Please follow and like us:
Read More

PULIS ITINUMBA NG NPA SA BDAY PARTY NG ANAK

(NI ANNIE PINEDA)

NABALOT ng kalungkutan ang selebrasyon, nang pagbabarilin at mapatay ang miyembro ng Philippine National Police (PNP) ng mga hinihinalang kasapi ng New People’s Army (NPA) sa mismong kaarawan ng anak ng una sa Surigao del Sur.

Kinilala ang biktimang si Staff Sergeant Emmanuel Lamigo, ng Brgy. Poblacion, Marihatag, Surigao del Sur, at nakadestino sa Marihatag Municipal Police Station.

Batay sa report ng Police Regional Office PRO-13, dakong alas 6:30 ng gabi nang pagbabarilin ang biktima ng mga armadong suspek sa harapan mismo ng kanyang bahay.

Lumabas sa imbestigasyon, pasakay na ang biktima ng motorsiklo para sana bumalik sa kanyang trabaho sa nasabing istasyon nang bigla na lamang itong pagbabarilin ng mga suspek gamit ang .45 na baril.

Umuwi lamang ito upang makisalo sa birthday celebration ng kanyang anak.

Sa kabila ng mga tama ng bala sa iba’t ibang parte ng katawan  ng biktima nagawa pa nitong gumanti ng putok subalit kalaulanan at nalagutan na rin ng hininga.

Patuloy naman ang ginagawang pagtugis ng mga awtoridad laban sa mga suspek na mabilis na tumakas.

 

Please follow and like us:
Read More

BARIL NG PULIS HINDI LALAGYAN NG MASKING TAPE SA KAPASKUHAN

(NICK ECHEVARRIA)

PAIIRALING muli sa ikatlong sunod na taon ang “no muzzle taping of guns” o ang hindi paglalagay ng masking tape sa dulo ng baril ng mga pulis ngayong holiday revelry para patunayan ang pagiging responsable ng mga miyembro ng Philippine National Police (PNP).

Gayunman, sinabi ni PNP Deputy Chief for Operations, Lt. Gen. Camilo Cascolan na masisibak sa puwesto ang mga police commanders at  chief at police na mabibigong umaksiyon sa loob ng 24-oras sa kanilang mga tauhan na masasangkot sa mga indiscriminate firing alinsunod sa “one strike policy” na mahigpit nilang ipatutupad.

“Our ultimate target is to reduce the 33 incidents of indiscriminate firing and 12 cases of stray bullet injuries last year to zero this Christmas season,” pahayag ni Cascolan sa isang press briefing sa Camp Crame nitong Lunes.

Ayon kay Cascolan sa nakalipas na dalawang taon ay walang naitalang mga police officer  na nagpaputok ng kanilang mga baril o nasangkot kaya  sa indiscriminate firing sa panahon ng holiday season.

Inatasan din ni Cascolan ang mga police commanders na paigtingin ang pakikipag-ugnayan sa komunidad bilang partner upang madaling matukoy ang mga trigger happy sa mga Barangay na madalas gumagamit ng mga illegal na armas.

Paiiralin din ang “one strike policy” kaugnay sa inaasahang mga pagsalakay ng mga rebeldeng New People’s Army (NPA) kaugnay sa nalalapit na 51st founding anniversary ng Communist Party of the Philippines sa December 26, na palagiang ginagawa ng mga ito kung saan kadalasang target ang mga pulis.

Naniniwala si Cascolan na sa pamamagitan ng kahalintulad na polisiya, mapipilitan ang mga police commanders na palakasin ang mga security measures sa kanilang nasasakupan laban sa anumang pagtatangka ng mga rebelde.

Inihalimbawa ni Cascolan ang nangyaring pag-atake ng mga NPA noong 2017 sa isang himpilan ng pulisya kung saan nagulantang na lamang at walang nagawa  ang mga ito ng biglang salakayin ng mga rebelde, na ilang araw na palang naniniktik sa ilang mga kabahayan malapit sa nasabing police station bago gawin ang pagsalakay.

 

Please follow and like us:
Read More

5 NPA PATAY SA ENGKWENTRO SA SORSOGON

NPA

(NI NICK ECHEVARRIA)

PATAY ang limang miyembro ng mga rebeldeng New People’s Army (NPA)  matapos maka-engkwentro ang mga tropa ng pamahalaan sa Sorsogon, Linggo ng umaga.

Naganap ang sagupaan sa pagitan ng mga tauhan ng 31st Infantry Battalion ng Philippine Army at hindi pa batid na bilang ng mga armadong NPA bandang alas-7:15 sa Brgy.Calpi, Matnog ng nabanggit na lalawigan na nagresulta sa pagkamatay ng mga rebelde.

Ayon kay P/Major Malou Calubaquib, spokesperson ng Police Regional Office (PRO) 5, kinilala ang isa sa mga nasawi na si Robert Estiller, alias “Cindy at Meyo”,  CO, SDG, L2, KP3, BRPC (PSRL)/ Co, SRYG, KP3, BRPC.

Nabawi din sa lugar ng engkwentro ang isang M16 rifle at M653 na parehong may nakakabit na M203 grenade launcher, at isa pang M16 rifle.

Agad namang naglatag ang  mga unit commanders ng AFP at PNP, partikular ang Regional Mobile Force Battalion (RMFB) 5 ng mga checkpoint at blocking operations sa mga hangganan ng Sorsogon at Albay na posibleng daanan ng mga nagsitakas na rebeldeng komunista.

Inalerto na rin ng mga awtoridad ang  1st at 2nd Sorsogon Police Mobile Force Company (RMFC) para sa posibleng reinforcement.

Matatandaan na nito lamang Biyernes ng gabi tinambangan ng 50 NPA ang patrol car ng mga pulis sa Eastern Samar na ikinasawi ng isang pulis at isang sibilyan habang ikinasugat ng 14 na iba pa na kinabibilangan ng 4 pulis at 10 sibilyan.

 

Please follow and like us:
Read More

NPA COMMANDER, 2 PA, PATAY SA ANTIPOLO ENCOUNTER

(NI JG TUMBADO)

NAISUGOD pa sa ospital pero idineklarang dead on arrival ang tatlong lalaki sa naganap na engkwentro sa mga pulis sa Barangay Cupang, Antipolo City. Ayon kay Police Brig. General Vicente Danao, Regional Director ng Police Regional Office 4A, naganap ang engkwentro, Huwebes ng umaga sa nasabing lugar.

Maghahain lang sana ng warrant of arrest ang mga pulis laban sa target ng operasyon na si Armando Lazarate na may kasong murder pero sa halip na payapang sumuko ay nanlaban ito at pinaputukan ang mga pulis.

Dahil dito, gumanti ng putok ang mga pulis na nagresulta sa pagkakasawi ni Lazarate at sa dalawa pa nitong kasamahan na kapwa walang pagkakakilanlan.

Nakuha mula sa tatlo ang samut saring mga baril, pampasabog at subersibong mga dokumento.

Hinihinalang mga miyembro ng NPA ang mga nasawi.

Please follow and like us:
Read More

MILITARY ASSET, IGINAPOS, NIRATRAT  NG ‘NPA’ 

(NI ANNIE PINEDA)

GINAPOS saka niratrat ng bala ng baril ang isang magsasaka ng mga kasapi ng rebeldeng New People’s Army (NPA) nang paghinalaan umanong asset ng Philippine Army (PA), iniulat kaninang umaga sa Agusan del Norte.

Kinilala ang biktimang si Roy Olmo Biyog, 23, ng Camp Eduard. Alegria, Surigao del Norte.

Batay sa report ng Agusan del Norte-PNP, naganap ang insidente sa Kabanikagan, Brgy. Hinimbangan, lungsod sa Kitcharao, Agusan del Norte.

Lumabas sa imbestigasyon na naghahanap ng mga ligaw na baboy ang biktima kasama ang ilang kaibigan nang biglang dumating ang limang armadong kalalakihan na sinasabing kasapi ng NPA.

Bigla na lamang nilang hinuli ang biktima saka iginapos at walang habas na pinagbabaril sa iba’t ibang parte ng katawan na agad nitong ikinamatay.

Patuloy naman ang imbestigasyon ng mga awtoridad sa nasabing insidente.

 

Please follow and like us:
Read More

‘NPA’ UP GRAD, HULI SA ENKUWENTRO

cppnpa12

(NI AMIHAN SABILLO)

NASUKOL ng mga tropa ng 84th Infantry (Victorious) Battalion ang isang UP graduate na naging New People’s Army leader, sa enkwentro sa Barangay Estrella, Rizal, Nueva Ecija.

Tinukoy ni 7ID spokesperson Maj. Amado Gutierrez, ang nasakoteng NPA leader na si Redsa Balatan, alyas Sining/Julia/Lea, ang political instructor at deputy secretary ng Komiteng Larangang guerrilla Sierra Madre, na nag-ooperate sa Nueva Ecija At Nueva Viscaya.

Si Balatan ang isa sa apat na sugatang terrorista at kabilang sa 5 nahuling NPA ng militar matapos ang 15 minutong bakbakan, kung saan dalawang NPA ang patay.

Narekober ng mga tropa sa encounter site ang 2 M16 rifles, 3 caliber .45 pistols, isang hand grenade,  15 M16 magazines, 2 .45 pistol magazines, 2 handheld Motorola radios, 14 cellphones, isang Samsung tablet, subversive documents at extortion letters.

Nagpahayag naman ng pagkadismaya si Major General Lenard T. Agustin AFP, Commander ng 7th Infantry Division sa nagiging kahinatnan ng mga matatalinong estudyante ng mga unibersidad tulad ni Balatan na napasama sa NPA, na ang karamihan ay nakabaon na lang sa mga hindi markadong libingan sa mga kabundukan.

Nanawagan naman si Agustin sa mga miyemro ng ‘academe’ na suriing mabuti kung ano ang naituturo sa mga kabataan sa mga paaralan na makapanghihikayat sa kanila na sumama sa NPA.

Please follow and like us:
Read More

6 SUNDALO NAPASLANG, 20 SUGATAN SA SAGUPAAN SA SAMAR

(NI AMIHAN SABILLO)

ANIM na sundalo ang napaslang at 20 ang sugatan habang isa sa panig ng New People’s Army (NPA) ang nasawi sa sagupaan ng mga ito, Lunes ng gabi sa Eastern Samar.

Ayon kay P/Col. Lito Abriz, Provincial Director ng Eastern Samar Provincial Police Office, nangyari ang engkuwentro sa Sitio Bangon, Brgy. Pinana-an, Borongan City.

Nagsasagawa umano ng focused military operations ang mga miyembro ng Army’s 14th Infantry Battalion sa lugar ng makasagupa ang humigit kumulang 50 rebelde kung saan isa ang nasawi.

Gayunman, bago sumiklab ang bakbakan, nasa anim na IED muna ang sumabog.

Nasa pagamutan ang mga sugatang sundalo habang nagpapatuloy ang clearing operations sa lugar.

 

Please follow and like us:
Read More

TSERMAN NA ‘NPA’ PATAY SA SAGUPAAN

cppnpa12

(NI JESSE KABEL)

ISANG aktibong barangay chair na sinasabing miyembro ng New People’s Army ang napaslang sa sagupaan sa pagitan ng military at mga komunsitang rebelde sa bayan ng Milagros lalawigan ng Masbate, nitong Miyerkoles, ayon sa ulat ng Philippine Army 2nd Infantry Battalion at 2nd Masbate Provincial Mobile Force.

Dead on the spot si Barangay Chair Wolfert Dalanon, alyas Ka Ompong, matapos ang may isang oras at kalahating bakbakan.

Nakuha ng mga sundalo sa sinagawang clearing operation sa encounter site ang isang M16 rifle, isang M653 rifle, carbine, laptop at mga subversive documents na may high intelligence values.

Nabatid na nirespondehan ng magkasanib na puwersa ng 2nd Infantry Battalion (2IB) at  2nd Masbate Provincial Mobile Force Company (2MPMFC) ang sumbong ng mga residente hinggil sa presensiya ng Communist Terrorist Group (CTG) sa  Barangay San Antonio.

Bago pa malapitan ay nagkaroon na ng palitan ng putok nang lumaban ang grupo ng communist terrorists na nasa ailalim ng Komiteng Seksyon sa Platoon 1 (KSPN 1), Larangan 2, Komiteng Probinsya 4 ng Bicol Regional Party Commitee (BRPC).

Sinasabing si  Dalanon ay miyembro ng communist terrorist group at  aktibong sumusuporta sa mga illegal activities at recruitment schemes ng makakaliwang hanay.

Nabatid na base sa ulat, nagsasagawa ng pagsasanay ang mga rebeldeng NPA sa barangay ni Dalanon nitong mga nakalipas na araw at dapat sana ay araw na ng kanilang graduation nang sumalakay ang military at pulis.

Please follow and like us:
Read More

NPA KINONDENA SA RECRUITMENT NG ‘CHILD WARRIORS’; 2 NA SUMUKO

NPA

(NI JUN V. TRINIDAD)

QUEZON – Mariing kinondena ng militar ang umano’y patuloy na recruitment ng New People’s Army (NPA) ng mga ‘child warriors’ matapos matuklasan na ang tatlo sa 26 na sumukong rebelde sa lalawigang ito noong nakaraang linggo ay mga ‘menor-de-edad’.

“We condemn in strongest sense the NPAs’ evil act of violating our children’s innocence,” ani Brig. General Arnulfo Marcelo Burgos Jr., commander ng Army 2nd Infantry Division sa pahayag.

Binigyang-diin ni Burgos na may ‘written and unwritten rules in warfare’ na nagbibigay proteksyon sa mga babae at bata sa larangan ng armadong tunggalian.

Sa report na inilabas ni Capt. Jayrald Ternio, hepe ng 2nd ID public affairs office, sinabing ang tatlo, kabilang na ang isang 17-anyos na babae, ay kabilang sa 26 na sumukong NPA sa bayan ng General Nakar sa lalawigang ito nitong nakaraang Miyerkoles at Huwebes.

Ayon kay Ternio, ang menor-de-edad na amasona ay pinilit lang umano ng NPA na sumanib sa kilusan at pinagbawalan na umalis ng kampo matapos na samahan ang isang kaibigan sa tinawag na ‘exposure’ sa larangang gerilya.

Wala namang paraan upang makumpirma ang katotohanan ng naratibo ni Ternio at ng sinasabing sumukong amasona.

Ang mga sumukong komunistang gerilya na ang karamihan ay mga katutubong Dumagat mula sa bulubundukin ng Sierra Madre ay kabilang umano sa NPA’s Guerilla Front Cesar na may operasyon sa mga lalawigan ng Quezon, Laguna at Rizal.

Ang mga nagbalik-loob na rebelde ay tatanggap ng ayuda mula sa gobyerno sa ilalim ng Enhanced Comprehensive Local Integration program (E-Clip).

Please follow and like us:
Read More

BABAENG NPA LEADER SA MINDANAO, TIMBOG

npa12

(NI DONDON DINOY)

DAVAO CITY–Ikinagalak ng mga otoridad sa Davao Region ang pagkaaresto ng ikinokonsiderang “top 1 wanted terrorist” sa Mindanao matapos isailalim sa manhunt operation, alas 4:45 ng hapon sa San Francisco Public Market sa Agusan del Sur.

Ayon sa Police Regional Office-11, nahuli ang notoryus na kumander ng New People’s Army (NPA) na si Rachel Cortez Daguman, alyas Kumander Jasmin, 44-anyos, itinuturing secretary ng Front Committee 51 ng rebeldeng komunista.

Kinilala rin ang naaresto na pinuno ng Regional Peasant Bureau at residente sa Brgy. Coronon, Sta. Cruz, Davao del Sur.
Ang suspek ay may warrant of arrest sa kasong robbery with homicide na walang bail bond na nilagdaan ni Judge Carmelita Davin sa Branch 19 ng Digos City noong Nobyembre 28, 2008.
Maliban dito ay may dalawang kasong murder din si Kumander Jasmin mula sa Regional Trial Court (RTC) Branch 18 na ipinalabas ni Presiding Judge Marivic Trabajo-Daray at kasong frustrated murder mula sa RTC Branch 20 na nilagdaan ni Presiding Judge Albert Axalan.

Agad namang dinala sa Bureau of Jail Management and Penology (BJMP) ng Digos City ang nasabing lider ng NPA.

Sa ngayon, ipinapatupad na ng BJMP ang mahigpit na seguridad sa paligid ng kulungan matapos makulong ang high ranking NPA leader.

 

Please follow and like us:
Read More

ROOKIE COP TINUMBA NG TANDEM

(NI BONG PAULO)

PINANINIWALAANG mga rebeldeng New People’s Army ang tumapos sa buhay ng isang bagitong pulis na nilikida ng riding in tandem habang patungo sa kanyang trabaho Purok 1-C, Igangon, San Isidro, Davao del Norte, Martes ng umaga.

Sa report na nakarating sa San Isidro Municipal Police Station, kinilala ang biktima na si Patrolman Alfie Alcano, na nakadestino sa 2nd Davao del Norte Provincial Mobile Force Company sa Malitbog, Panabo City.

Batay sa imbestigasiyon, mula umano sa kanilang bahay ang biktima sa Barangay Monte Dujali at papunta na sa Tagum City nang ito ay pagbabarilin ng mga suspek.

Patay noon din ang biktima kung saan mabilis namang tumakas ang mga suspek sa hindi malamang direksiyon.

Nakuha ng mga otoridad sa crime scene ang basyo ng kalibre .45 na pistol kabilang na ang baril ng biktima na Glock 17 at ang 51 na mga bala na hindi naman kinuha ng mga suspek.

Samantala, naniniwala si Police Brigadier General Marcelo Morales ang hepe ng Police Regional Office (PRO) XI, na grupo umano ng New People’s Army (NPA) ang posibleng responsable sa pagpatay sa pulis.

 

Please follow and like us:
Read More

2 NPA TODAS SA MILITAR

PATAY

(Ni JG Tumbado)

Dalawang miyembro ng New People’s Army (NPA) ang patay sa panibagong engkuwentro sa pagitan ng militar sa bulubunduking bahagi ng Barangay sa bayan ng Panganiban sa Catanduanes araw ng Linggo.

Nabatid kay Army Lt. William Hiponia, company commander ng 83rd Infantry Battalion, nagsasagawa umano ng combat operation ang kanyang tauhan katuwang ang Provincial Mobile Force Company ng Catanduanes Provincial Police Office (CPPO) at Panganiban Municipal police sa Barangay Taopon ng makasagupa ng mga ito ang nasa 7 mga rebeldeng komunista dakong ala-1 ng madaling araw.

Nagkaroon ng pagpapalitan ng putok sa magkabilang panig at matapos ang sampung minutong bakbakan ay bumulagta ang dalawang hindi pa makilalang rebelde.

Umatras ang kalaban kung saan iniwan na ang napatay nilang kasamahan at maging ang ginamit na AR15 assault rifle at ibat ibang mga bala sa encounter site.

Patuloy pa ang pagtugis ng militar at pulisya sa mga nagsitakas na kalaban na sinasabing patungo sa bundok na sakop na ng katabing bayan.

Please follow and like us:
Read More

AMASONA SUMURENDER SA MILITAR

cppnpa12

(NI DANN RIVERA)

QUEZON-Boluntaryong sumuko sa 85th Infantry Battalion  at 201st Infantry Brigade ang isang dalaga na aktibong miyembro ng New People’s Army (CPP-NPA) sa bayan ng General Luna, Linggo ng hapon.

Kinilala ni Lt.Col Arnold L Gasalatan ang sumukong NPA rebel na si Alexandra Padilla Casalda alias  ‘Ka Cosette/Ka Cris’, 23, tubong Lucena City, miyembro ng Platoon Sol, Sub-Regional Military Area(SRMA) Region 4B, Southern Tagalog  Regional Party Committee(STRPC).

Ayon sa military, nagtapos ng kolehiyo si Pacalda sa Enverga University  sa lungsod ng Lucena sa kursong Mass Communication  at isang aktibong miyembro ng Gabriela Youth and College Editors Guild of the Phils. at
laging kasama sa mga inilulunsad na protesta laban sa gobyerno.

Bago pa tuluyang sumama sa mga armadong rebeldeng NPA sa kabundukan, isinurender din ni Palcada ang kanyang armas na Smith and Wesson na revolver na naglalaman ng 6 na bala.

Samantala, ikinukonsedera naman ni Southern Luzon Command (SOLCOM) Commander Lt. General Gilbert Gapay na isa na namang kabataan na na-recruit ng CPP-NPA mula sa paaralan ang kanilang naibalik sa kanyang mga magulang at sa pamahalaan.

Please follow and like us:
Read More

TRIKE DRIVER NA NPA TIMBOG SA PASIG

npa12

(NI NICK ECHEVARRIA)

ARESTADO ang isang aktibong miyembro ng New People’s Army (NPA) na kasama sa listahan ng regional most wanted person ng Department of the Interior and Local Government (DILG) sa Pasig City, Sabado ng hapon.

Ayon sa report ng  Eastern Police District (EPD), nakilala ang  suspek na si  Joselito Naag , 45, na dinakip sa bisa ng  warrant of arrest  mula sa Regional Trial Court ng Legazpi City sa Albay, sa mga kasong murder, frustrated murder at robbery.

Si Naag ay inaresto ng awtoridad sa harap ng kanyang tahanan sa kahabaan ng Christ the King St., Tawiran Extension, Brgy. Santolan, Pasig City, bandang alas-5:30 ng hapon.

Nasa tanggapan ng EPD ang naarestong suspek para isailalim sa booking procedures at medical examination para sa kaukulang disposisyon.

Please follow and like us:
Read More

5 NPA DEDO, 3 SUNDALO SUGATAN SA SAGUPAAN

militarynpa123

(NI JG TUMBADO)

PATAY ang limang miyembro ng teroristang New People’s Army (NPA) habang sugatan naman ang tatlong sundalo sa panibagong engkwentro na  sumiklab sa bayan ng Escalante sa  Negros Occidental nitong Sabado.

Base sa report, sumiklab ang sagupaan sa pagitan ng 79th Infantry Battalion ng Philippine Army at nasa 30 miyembro ng NPA sa bahagi ng Sitio Morino sa Barangay Paitan.

Sinasabing nagpapatrulya sa nabanggit na lugar ang tropa ng pamahalaan ng magkataong maispatan ang presensya ng mga kalaban.

Sa tala ng militar, nasa limang NPA fighters ang agad nasawi habang tatlong sundalo ang nasugatan.

Ayon kay 3rd Infantry Division spokesperson Capt. Cenon Pancito, nasa mahigit 60 pamilya na naninirahan malapit sa combat zone ang inilikas sa takot na maipit sa bakbakan.

Pansamantalang nananatili ang mga bakwit sa Paitan Elementary School.

Please follow and like us:
Read More

POLICE STATION NIRATRAT, HINAGISAN NG GRANADA

NPA

(NI JESSE KABEL)

ILANG ULIT na niratrat at saka hinagisan ng granada ng mga hinihinalang miyembro ng New People’s Army (NPA) ang isang police station sa Legazpi City, Linggo ng gabi.

Target ngayon ng military at pulis ang mga tumakas na rebeldeng responsible sa panghaharas sa istasyon ng pulis kung saan nadamay ang kalapit na simbahan at isang bahay.

Nagtamo ng maraming butas ang  bubungan  ng police community precinct 4 sa Barangay Taysan dahil sa sumambulat na rifle grenade mula sa  M-203 grenade launcher. May ilang bintana rin ang nabasag.

Natamaan din ng bala ang mga katabing bahay at simbahan.

Ayon kay Lt. Col. Aldwin Gamboa, hepe ng Legazpi police, tumagal ng ilang minuto ang pamamaril sa police station na  malapit  sa mga kabahayan.

Nabatid na ilang beses nang hinaras ng mga hinihinalang NPA ang nasabing istasyon.

 

Please follow and like us:
Read More

TSERMAN ‘IMPORMANTE’ NG MILITAR,  ITINUMBA NG NPA

leyte12

(NI JG TUMBADO)

PINAGBABARIL hanggang sa mapatay ng apat na hinihinalang mga miyembro ng New People’s Army (NPA) ang isang kapitan ng barangay sa bayan ng Hilongos sa probinsya ng Leyte.

Nakilala ang biktima na si Juan Loquisa, 43, ng Barangay San Antonio na dead on the spot sa lugar bunsod ng dalawang tama ng bala sa kanyang ulo.

Batay sa inisyal na report ng Hilongos Municipal Police, kasama ng biktima ang kanyang biyenan at dalawa pa nang isagawa ang pagpaslang kay Loquisa sa labas ng bahay nito Huwebes ng hapon.

Bago tumakas ang mga suspek ay sinabihan ng mga ito ang kasamahan ni Loquisa na sila ay miyembro ng NPA at napag-utusang patahimikin ang punong barangay bilang ganti dahil sa umanoy pagiging isang impormante nito ng militar.

Kaugnay nito ay kinondena naman ni General Lope Dagoy, ang commanding officer ng 802nd Infantry Brigade na nakabase sa Ormoc City ang pagpaslang kay Loquias.

“We are calling the people to stand and fight the inhumane, senseless, and brutal actions of this organization (NPA). Do not let this brigands run fear in our community,” pahayag ni Dagoy.

 

Please follow and like us:
Read More

2 NPA SA MASAKER NG 4 PULIS HAWAK NA NG PNP

(NI NICK ECHEVARRIA)

BUMAGSAK na sa kamay ng pulisya ang dalawa sa mga suspek na miyembro ng  New People’s Army (NPA) na  responsable umano sa pagpapahirap at brutal na pagpatay sa apat na pulis sa bayan ng Ayungon, Negros Oriental.

Unang nadakip ang suspek na si Jojo Torres Ogatis, 19,  bandang alas-12:00 ng tanghali sa isang joint combat operation ng militar at pulisya na inilunsad nitong Sabado sa Sitio Sook, Brgy. Mabato sa nasabing bayan, ayon sa ulat ng ng Police Regional Office (PRO) 7, nitong Linggo.

Si Ogatis na nakumpiskahan ng mga baril at pampasabog ay positibong itinuro ng mga saksi na kasama sa mga NPA na nang-torture bago patayin ang apat na pulis nitong July 18 sa Sitio Yamot, Barangay Mabato Ayungon ng nasabing lalawigan.

Itinuro naman ni Ogatis sa isinagawang interogasyon ang isa pang suspek sa malagim na krimen na ngayon ay hawak na rin ng mga awtoridad bagamat hindi pa pinapangalanan.

Sa kasalukuyan, nakakulong ang dalawa sa  704th MC RMFB7 Mabinay, Negros Oriental para sa kaukunang dokumentasyon habang inihahanda ang mga kasong isasampa laban sa kanila.

Tinawag naman ni P/BGen. Bernard Banac, tagapagsalita ng Philippine National Police (PNP), na isang positibong kaganapan sa isinasagawang imbestigasyon sa kaso ang pagkakadakip sa dalawang NPA na kabilang sa mga suspek sa brutal na pagpatay sa apat na pulis sa Negros Oriental.

 

Please follow and like us:
Read More

4 NPA HULI SA NEGROS ORIENTAL

npa12

(NI NICK ECHEVARRIA)

ARESTADO ang apat na armadong miyembro ng New People’s Army (NPA) sa magkakahiwalay na lugar sa inilunsad na joint tactical operations ng Armed Forces of the Philippines (AFP) at Philippine National Police (PNP) sa  bulubunduking bahagi ng mga bayan ng Ayungon, Mabinay at Bindoy sa Negros Oriental.

Nitong July 24, inilunsad ang tactical operations para tugisin at ma-neutralize ang mga suspek sa brutal na pagpatay sa apat na miyembro ng 704th Regional Mobile Force Battalion (RMFB) sa Sitio Yamut, Ayungon ng nasabing lalawigan noong July 18.

Unang nadakip ng militar  sina Onie Bangala, 37, at isang Nerie Boy Bangala, dalawang araw matapos ilunsad ang joint operation sa Brgy. Carol-an, Ayungon, Negros Oriental. Gayunman, nakatakas  si Nerie Boy habang isinasagawa ang tactical interview.

Narekober ng militar mula sa kanila ang homemde shot gun; dalawang .38 calibre revolver na may limang bala; isang 7.62 mm live ammunition ; isang  7.62mm live ammunition, 18 piraso ng 5.56mm live ammunition, 20 piraso ng 7.62 ng mga basyo, 192 piraso ng 5.56 mm empty shells, mga plaster at electronic wires.
Sumunod na naaresto ng mga tauhan ng  RMFB striking force si  Epifanio Romano na residente ng Sitio Sook, Barangay Mabato, Ayungon,  sa isang clearing operations matapos ang 20 minutong engkwentro sa mga rebeldeng grupo sa Sitio Talaptapan, Brgy. Nalundan sa bayan ng Bindoy sa parehong araw na nagsuko ng isang  black bandoleer at isang rifle grenade.

Sabay namang naaresto sina Rico Oracoy at Lito Cadusale, kapwa residente ng Bryg. Mabato sa isang checkpoint sa Sitio Yamut ng nasabing barangay matapos  tumakas sa isang engkwentro sa Brgy. Nalundan.

Narekober mula sa kanila ang dalawang .38 revolver na may 10 bala,
isang rifle grenade at dalawang pampasabog.

Nahaharap ang mga ito sa kasong illegal possession of firearms and ammunition.

Please follow and like us:
Read More

2 OPISYAL NG DEPED, BRGY CAPT, PATAY SA NEGROS

crimeshoot

(NI NICK ECHEVARRIA)

PATAY ang isang school principal at kanyang kapatid, gayundin ang isang barangay captain sa magkakahiwalay na insidente ng pamamaril sa loob mismo ng kanilang mga bahay sa Guihulngan City, Negros Oriental, Huwebes ng madaling araw.

Ayon sa Guihulngan City Police Office, pinasok ng mga hindi nakikilalang suspek ang bahay nina Arthur Bayawa, 55,  Principal ng Guihulngan Science High School  at kanyang kapatid na si Ardale, 49, Curriculum Implementation Division Chief ng DepEd Guihulngan City Division sa Brgy. Hibaiyo, bandang ala-1:00 ng madaling araw at saka pinagbabaril ang mga biktima hanggang sa mamatay.

Samantala, wala pang isang oras ang nakalipas, sinalakay at pinagbabaril din sa loob ng kanyang tahanan ang barangay captain ng Brgy. Buenavista sa nabanggit na lungsod na si Romeo Alipan, 64.

Naisugod pa sa Guihulngan  District Hospital  si Alipan at ang magkapatid na Bayawa subalit hindi na umabot nang buhay ang mga biktima.

Matatandaan na ikinukunsidera ng militar at pulisya ang Guihulngan  na pinamumugaran ng mga komunistang rebeldeng New People’s Army.

Patuloy na iniimbestgahan ng pulisya ang motibo ng insidente at ang pagkakakilanlan ng mga suspek para sa agarang ikadarakip ng mga ito.

Please follow and like us:
Read More

TSERMAN NA DAWIT SA PAGPATAY SA 4 PULIS, NAG-SUICIDE

(NI JG TUMBADO)

TULUYANG nalagutan ng hininga sa Intensive Care Unit (ICU) sa isang ospital sa Dumaguete City, Negros Oriental ang barangay chair matapos umanong magtangkang magpakamatay nitong ng Lunes.

Alas-11:00 ng tanghali ngayong Martes binawian ng buhay si Sunny Calderon, ng Barangay Mabato sa bayan ng Ayungon kung saan nangyari ang  pagpatay sa apat na pulis ng Regional Mobile Force Battalion-7.

Napag-alaman kay Negros Oriental Police Provincial Director Col. Raul Tacaca, natagpuan si Calderon na nakahiga at nagsusuka sa kanyang bahay, Lunes ng hapon at agad dinala sa ospital.

Hinihinala ng mga awtoridad na uminom ng pesticide si Calderon, pero hindi pa matukoy ang dahilan sa pagpakamatay.

Sinasabi sa ulat na maraming testigo ang mga nakakita sa mga suspek dahil tinipon ng NPA ang mga taga-barangay para saksihan ang “execution” o pagpatay sa mga pulis.

Isa si Calderon umano sa mga kakasuhan ng PNP dahil sa pagsisinungaling nito sa isinasagawang pag-iimbestiga kaugay ng pangyayari

Nabatid sa imbestigasyon na hinarap pa ng barangay captain ang mga pulis na nagtungo sa lugar bandang tanghalian, bago naganap ang krimen ng pasado alas 2:00 ng hapon noong Huwebes.

Samantala, isa na ang naaresto sa mga suspek sa brutal na pagpatay sa apat na pulis.

Please follow and like us:
Read More

2 PULIS DINISARMAHAN NG NPA

(NI JG TUMBADO)

DALAWANG pulis ang iniulat na dinis-armahan ng mahigit 20 armadong lalaki na umano’y miyembro ng rebeldeng New People’s Army (NPA) sa Barangay Sindon Bayabo, sa Ilagan City.

Napag-alaman sa impormasyon, Biyernes ng umaga nang mangyari ang insidente sa Sitio Laguis kung saan hinarang ng nasa 25 NPA members sina Police Master Sergeant June Baribad at Police Cpl. Brian Balis, kapwa nakatalaga sa Divilacan Municipal Police.

Base sa imbestigasyon, inutusan ni Police Capt. Francisco Dayag, hepe ng Divilican, ang dalawa na ihatid ang mga sensitibong dokumento sa Provincial Police Office.

Sakay ang dalawang pulis sa isang motorsiklo nang sundan at harangin ng grupo sa naturang lugar at agad kinuha sa mga ito ang kanilang service firearms.

Tumakas ang mga rebelde patungo sa kabundukan ng Sierra Madre.

Patuloy ang pagtugis ng pulisya katuwang ang militar laban sa nasabing grupo.

Please follow and like us:
Read More

1 NPA PATAY, 1 MILITAR SUGATAN SA ENCOUNTER

(NI CYRILL QUILO)

CAMP CAPINPIN TANAY RIZAL-Napatay ang isang miyembro ng New People’s Army at isa naman ang nasugatan sa tropa ng militar sa engkwentro, Sabado ng umaga sa Sitio Cambiswer, Poblacion, Calintaan City,Occidental Mindoro.
Ayon kay Lt.Col.Alex Arbolado, commander ng 4th Infantry Battalion, natuntunton ng militar at pulis ang mga NPA dahil sa sumbong ng isang concerned citizen sa Brgy.Poypoy.

Ito ay dahil sa pangingikil ng pera at panghihingi ng pagkain na may kasama ang bantang pananakot.

Nagpatrulya ang Balintaan Municipal Police Station at tropa ng militar upang beripekahin ang insidente ngunit napag-alamanan na lumipat ng ibang lugar ang mga NPA. Nagpang abot sila sa Sitio Canbiswer at doon nagkaputukan na tumagal ng halos 30 minuto.

Patay ang isang NPA habang marami ang pinanininwalaang sugatan dahil sa mga nagkalat na dugo sa paligid. Habang si Col. Freddie Casinova naman ay bahagyang nasugatan sa kanyang likuran.

Narekober sa lugar ang isang M14 rifle,1 M16 rifle na may 203 grenade launcher,1 bandoleer na may lamang bala,1 binocular,1 handheld Icon Radio,1 improvised explosive device ,mga dokumento at ilang gamit.

Pinuri naman ni Brig.Gen.Marcelino Teofilo ng 203rd Brigade Commander ang magigiting na sundalo dahil sa pagganap sa kanilang tungkulin at pagpoprotrlekta sa mamamayan sa Mindoro.

Lubos din ang kanyang pasasalamat sa mamamayan dahil sa pakikipagtulungan nito sa mga pulis at militar.
Hinikayat naman ni Brig. Gen. Elias Escarcha, ng 2nd Infantry Division na magbalik-loob na sa gobyerno ang grupo ng NPA lalo na ang mga matataas na lider.

Please follow and like us:
Read More