UTOL PINATAY SA SAKSAK NI KUYA

crime34

(NI BONG PAULO)

NORTH COTABATO – Kamatayan ang sinapit ng isang 39-anyos na lalaki makaraang pagsasaksakin mismo ng kanyang nakatatandang kapatid matapos mag-away ang mga ito sa Sitio Bato, Barangay San Mateo, Aleosan, North Cotabato, Huwebes ng gabi.

Kinilala ang biktima na si Randy Calambro, 39, may asawa, habang ang suspek na kanyang nakatatandang kapatid na si Leonard Calambro, 44.

Sa imbestigasyon, alas 9:15 ng gabi nitong Huwebes, lango sa alak ang suspek nang nagkaroon ng mainit na pagtatalo hanggang sa pinagsasaksak nito ang kanyang kapatid gamit ang kutsilyo.

Mabilis na isinugod ang biktima sa pagamutan pero kalauna’y binawian ng buhay habang boluntaryo namang sumuko ang suspek sa PNP.

Sa ngayon, nasa kostudiya na ng Aleosan PNP ang suspek habang nakatakda itong sasampahan ng kasong homicide sa korte.

 

Please follow and like us:
Read More

3 PATAY SA AMBUSH

north cotabato 12

(NI ANNIE PINEDA)

UTAS ang tatlo katao matapos tambangan at pagbabarilin ng mga armadong kalalakihan sa North Cotabato.

Kinilala ang mga biktimang sina Mohamed Ahad, alyas Sito Maan Pananggilan, at Unday Abdulkadir, mga residente ng Brgy Rajamuda Pikit North Cotabato.

Batay sa report ng Pikit Police Station, naganap ang insidente sa Sitio Dingaya Brgy. Bulol Pikit, Cotabato, habang sakay ang mga biktima sa isang motorsiklo.

Dito, bigla na lamang silang hinarang ng mga hindi pa kilalang kalalakihan na armado ng M14 at M16 Armalite rifles saka pinagbabaril sa iba’t ibang parte ng katawan na agad nilang ikinamatay.

Matapos ang pamamaril, mabilis na tumakas ang mga suspek patungo sa liblib na lugar sa bayan ng Pikit.

Nagpapatuloy ang follow-up investigation ng pulisya para alamin ang tunay na motibo sa pamamaril at pagkakakilanlan sa mga suspek para sa agarang ikadarakip sa mga ito.

Please follow and like us:
Read More

8-K TRABAHADOR NG STL SA N. COTABATO, JOBLESS

north cotabato 12

(NI BONG PAULO)

KIDAPAWAN CITY – Nasa 8,000 na trabahador ang nawalan ng trabaho simula Sabado ng umaga matapos ipasara ng Cotabato Police Provincial Office ang Small Town Lottery Outlet sa Quezon Boulevard, Kidapawan City. Mismong si Provincial Director Police Colonel Maximo Layugan ang nanguna sa pagpapasara sa nasabing outlet.

Ang hakbang ay ginawa ng CPPO matapos ipinatigil ni Pangulong Rodrigo Duterte ang operasyon ng Lotto, Small Town Lottery (STL), Keno, Peryahan ng Bayan at lahat ng gaming operation o scheme na may lisensya o prangkisa mula sa Philippine Charity Sweepstakes Office (PCSO).

Sa kanyang mensahe na inilabas ng PCOO Biyernes ng gabi, sinabi ng Pangulo na ang malawakang korapsyon ang dahilan kaya niya ipinahinto ang operasyon ng PCSO games.

Partikular na iniutos ng Pangulo na tigil-operasyon ang lahat ng lotto games, Keno, STL, Peryahan ng Bayan at ibang pang nasa ilalim ng PCSO.

Kasabay nito ay inutusan ng Pangulo ang Philippine National Police (PNP) at Armed Forces of the Philippines (AFP) na ipatupad ang kanyang direktiba at arestuhin ang mga magpapatuloy ng operasyon o lalabag sa kanyang utos.

Samantala,  una na ring inianunsiyo ni dating vice mayor Rodolfo Gantuangco ang operator ng small town lottery sa probinsiya na pinamamahalaan ng miracle pick gaming station na inihinto nila ang operasiyon kasabay ng utos ng Pangulo.

Dahil dito, libong katao na ang nawalan ng trabaho na umaasa lamang sa porsiyento sa pagpapataya ng number games para sa kanilang hanapbuhay araw araw.

Bukod sa main office ng STL sa Kidapawan City ay ipinasara rin ang ilan pang mga yellow booth ng STL sa Makilala, Antipas, President Roxas, Kabacan, Matalam, Mlang, Tulunan, Magpet at Arakan.

 

Please follow and like us:
Read More

BABAENG KAWANI NG LGU ITINUMBA NG TANDEM

sultan kudarat1

(NI BONGN PAULO)

NORTH COTABATO – Patay ang isang empleyado ng pamahalaang lokal ng gobyerno habang naka-angkas sa motorsiklo na minamaneho ng mismong mister nito nang pagbabarilin ng riding in tandem na suspek sa Purok Namnama, Barangay Poblacion, Lambayong, Sultan Kudarat, Miyerkoles ng hapon.

Kinilala ang napatay na si Remesyl Orbigo Valdez, 39, may asawa, isang empleyado ng LGU Lambayong at residente ng nabanggit na bayan.

Sa inisyal na pagsisiyasat ng pulisya, alas-5:30 ng hapon habang sakay umano ang biktima sa motorsiklo nang sundan at tabihan sila ng riding in tandem na suspek at pinagbabaril.

Nagtamo ng apat na tama ng bala sa maraming bahagi ng kanyang katawan si Remesyl na naging sanhi ng agaran nitong kamatayan habang tinutukan naman ng baril ng suspek ang mister.

Tumakas ang mga suspek.

Agad namang dinala sa ospital ang biktima pero hindi na ito umabot pa nang buhay.

Inaalam pa kung personal grudge o anumang motibo ang dahilan ng pagpaslang sa kawani ng LGU.

Please follow and like us:
Read More

SUV VS TRIKE: 5 PATAY, 2 SUGATAN SA NORTCOT

LIMA ang patay at 2 ang sugatan nang magsalpukan ang isang SUV at tricycle matapos pumutok ang gulong ng van sa Barangay Kilada, Matalam, nitong Sabado.

Kinilala ang dalawa sa mga namatay na sina Amil Mamadra, driver ng tricycle, at Pai Mamadra. Patuloy pang inaalam ang pagkakakilanlan ng tatlo pang biktima.

Kabilang sa sugatan ang 9-anyos na bata gayundin si Nasser Raker.

Nabatid na nasa magkabilaang lane ang dalawang sasakyan nang pumutok ang unahang gulong ng SUV. Dahil dito, nawalan ng kontrol ang driver ng SUV at sumalpok sa kasalubong na tricycle.

Parang latang nayupi ang tricycle sa lakas ng impact at tumilapon ang mga sakay nito. Nasa kustodiya ng Matalam Police ang driver ng SUV habang naghihintay ang mga awtoridad na magsampa ng kaso ang mga pamilya ng mga biktima.

Please follow and like us:
Read More

COTABATO NIYANIG NG 5.3 LINDOL; AFTERSHOCKS INAASAHAN

LINDOL-3

(NI KIKO CUETO)

NIYANIG ng magnitude 4.9 na lindol ang North Cotabato kaninang alas 8:56 ng umaga. Ito ay matapos ang lindol na intensity 5.3  na tumama ng Martes ng gabi.

Naramdaman ang intensity V sa Kidapawan City na nakaranas naman ng lindol kagabi na may Magnitude 5.3.

Suspendido ang mga klase ngayong araw sa Kidapawan City pati sa ibang bayan na apektado ng lindol.

Sinabi ng Phivolcs na tectonic ito in origin.

May lalim ito na 21 kilometers, ayon sa Phivolcs.

Naramdaman ang Intensity V sa Kidapawan City.

Habang ramdam ang instrumental intensities sa:

Intensity V – Kidapawan City

Intensity II – Tupi, South Cotabato

Intensity I – Alabel, Sarangani; Cagayan de Oro City

Hindi naman inaasahan ang anumang damage sa aftershocks.

Sinunspinde ngayong Miyerkoles ang klase sa Makilala town sa Kidapawan City at ilan pang paaralan na nakitaan ng pinsala.

 

Please follow and like us:
Read More

ANAK NG EX-MAGUINDANAO GOV, 4 PA PATAY SA CHECKPOINT

north cotabato 12

COTABATO CITY – Napatay ang anak ng dating Maguindanao Governor Norodin Matalam at apat pang iba sa isang checkpoint, Biyernes ng gabi sa Barangay Inug-ug, Pikit, North Cotabato.

Lulan ng kanyang Nissan Patrol van ang napatay na si Datu  Hashim Matalam kasama ang apat na  iba pa nang harangin sa checkpoint, ayon kay Wesmincom Commander Lt. General Cirilito Sobejana.

Isang engkwentro na umano ang naganap nang sa halip huminto ay agad nakipagbarilan ang grupo ng nasawi sa mga namamanman na sundalo sa naturang lugar.

Kinumpirma naman ng mga kaanak na anak ni Norodin Matalam, dating governor ng Maguindanao at mayor ng Pagalungan sa Maguindanao, ang nasawi.

Sinabi ni Brig. Gen. Alfredo Rosario na naghihigpit sa naturang lugar matapos ang sunud-sunod na engkuwentro sa pagitan ng Moro Islamic Liberation Front (MILF) sa kalapit lugar dahil sa nagaganap na clan war o Rido.

Nabawi sa mga nasawi ang high-powered firearms at granada sa loob ng sasakyan.

Please follow and like us:
Read More

TRUCK TUMAGILID; 2 PATAY, 28 SUGATAN

north cotabato 12

(NI NICK ECHEVARRIA)

PATAY ang dalawang sakay habang 28 iba pang mga kasamahan nito ang sugatan matapos mawalan ng kontrol sa manibela ang drayber ng sinasakyan nilang Isuzu Elf cargo truck na nauwi sa isang aksidente sa  North Cotabato, Lunes ng hapon.

Nakilala ang dalawang nasawing sina Akraman Aluyudan, 43, at Huyaan Mamir, 27, kapwa ng Alamada sa nabanggit na lalawigan.

Sa paunang imbestigasyon ni P/Capt.  Pangandigan, acting police chief ng Pikit Municipal Police Station (MPS), patungo sa kabayanan  ang mga biktima sakay ng nasabing truck na minamaneho ni Esmail Manisin Tambag, 43, ng Banisilan,North Cotabato nang mangyari ang insidente.

Dumausdos umano nang patagilid ang truck nang mawalan ng kontrol sa manibela ang drayber sa pababang bahagi ng kalsada sa Barangay Nalapaan, na nagresulta sa pagkamatay ng dalawang biktima ang pagkakasugat ng 28 iba pa.

Ayon sa mga nakasaksi, mabilis umano ang takbo ng naaksidenteng truck lulan ang mga sakay nito habang binabaybay ang naturang lugar bago naganap ang insidente.

Isinugod naman sa Aleosan District Hospital ang biktima na halos pawang magkakamag-anak samantalang mga malubhang nasugatan naman ay dinala sa Cotabato Regional and Medical Center sa Cotabato City.

Please follow and like us:
Read More

PULIS BINARIL NG DYOWA NG EX-GF

north cotabato 12

(NI BONG PAULO)

ARAKAN, NORTH COTABATO – Sugatan ang isang pulis matapos pagbabarilin ng kasintahan ng kanyang dating nobya sa Barangay Ganatan, Arakan, North Cotabato, Biyernes ng umaga.

Kinilala ang biktima na si Patrolman Chris Manuel, 30, residente ng Antipas, North Cotabato at nakatalaga sa Cotabato Provincial Mobile Force Company sa Amas, Kidapawan City.

Kinilala ang suspek na si Ryan Amor, 30, security guard at residente ng Amas, Kidapawan City.

Ayon sa ulat na ipinarating ng Public Information Office ng CPPO, pumunta umano ang pulis sa bahay ng kanyang ex-girlfriend para kunin ang kanilang apat na taong gulang na anak.

Pero biglang dumating ang suspek na siyang live-in partner ng kanyang dating nobya na si Ecel Sajulga.

Nagkaroon umano ng pagtatalo ang biktima at suspek nang bigla na lamang maagaw at mabunot ng suspek ang caliber .45 pistol ng biktimang pulis.

Tinamaan ang pulis sa dalawang hita na agad namang naisugod sa pagamutan matapos ang pamamaril alas-11:00 ng umaga.

Nagsasagawa na ng hot pursuit operation ang mga otoridad laban sa suspek na tumakas.

Samantala, si Patrolman Manuel ay una nang naireport sa Antipas PNP ng isang magsasaka, matapos nitong tutukan ng baril sa  Cadungon Street, Barangay Poblacion, Antipas.

Nabatid na dumulog sa himpilan ng Antipas PNP ang isang Ariel Saludares Portillo, 31, residente ng Barangay Sarayan sa bayan ng Matalam nitong Huwebes.

Ayon sa ulat, naglalaro umano ang dalawa ng playing cards at lasing Manuel habang nasa isang burol sa nabanggit na lugar.

Sa hindi pa malamang kadahilanan, biglang tumayo ang suspek at akmang susuntukin ang biktima.

Dito na umano tinutukan ng pulis ang biktima ng kanyang baril.

Kakaharapin naman ng suspek ang kasong paglabag sa Article 282 ng Revised Penal Code o grave threat.

Hindi naman anya konektado ang dalawang magkahiwalay na insidente na kinasangkutan ng nasabing pulis.

 

Please follow and like us:
Read More

3 UTAS SA HIT AND RUN

north cotabato 12

(NI BONG PAULO)

NORTH COTABATO – Patay ang tatlo katao, kabilang ang 3-anyos na bata, habang isa namang menor de edad ang sugatan makaraang masalpok ng isang van ang kanilang sinasakyang motorsiklo sa Purok Centro, Barangay New Rizal sa bayan ng Mlang ng lalawigang ito, gabi nitong Martes.

Kinilala ang nasawi na si Efren Pacheca Pagdato, 48, isang Barangay Peacekeeping Action Team, drayber, habang patay din ang angkas na si Conchita Buenaventura, 48, may asawa at Ken Nathaniel Cabana Fuentes, 3, habang ginagamot naman ngayon sa ospital si Aldrin Jay Caluna Cabana, 9, lahat ay residente ng nasabing lugar.

Batay sa ulat, alas-7:00 ng gabi habang sakay ang mga biktima sa isang motorsiklo na minamaneho ni Pagdato patungo ng BagonTapay, Mlang ay sumusunod umano ang isang Grandia van sa kaparehong direksiyon at pagdating sa lugar ng aksidente ay nabundol nito ang motorsiklo.

Tumilapon ang mga sakay ng motorsiklo kung saan napuruhan si Buenaventura habang isinugod naman ang mga sugatan pero binawian din ng buhay si Buenaventura at ang 3-anyos na bata.

Sa halip naman umano na tulungan ng drayber ng van ang mga biktima ay tumakas ito.

 

Please follow and like us:
Read More

17-ANYOS DALAGITA PINALAKOL NG STEPFATHER

crime ax 12

(NI BONG PAULO)

NORTH COTABATO – Kalunos-lunos na kamatayan ang sinapit ng isang 17-anyos na dalagita makaraang pagsasaksakin at palakulin ng ama-amahan nito na nagtangka pang gahasain ang biktima sa Brgy Upper Glad 1, Midsayap North Cotabato, Lunes ng umaga. Nakilala ang nasawi na si Jeanny Mae Rollan, grade 11, sa Saint Jude College at residente ng housing area Brgy Upper Glad 1 Midsayap, North Cotabato.

Suspek ang kanyang stepfather na si Jesus Socito.  Naganap ang krimen alas 5:10 ng umaga nitong Lunes.

Ayon sa ulat ng pulisya tinangka umano ng suspek na gahasain ang dalagita ngunit nanlaban ito.

Kumuha ng itak ang stepfather, pinagtataga ang biktima at hinampalos pa ng palakol ang ulo at mukha.

Dead on the spot ang dalagita nang magtamo ng malaking sugat sa ulo at mukha.

Agad namang sumuko ang suspek sa kanyang mga kapitbahay at mga opisyal ng barangay.

Sa ngayon ay nakapiit na ang suspek sa Midsayap PNP at patuloy na iniimbestigahan.

 

Please follow and like us:
Read More

10 BAHAY NAWASAK NG BUHAWI

buhawi12

NORTH COTABATO– SAMPUNG kabahayan ang nasawak sa buhawi sa Mlang, North Cotabato.

Sinabi ni Bernardo Tayong, ng municipal disaster risk reduction and management, ang  buhawi ay buhat sa malakas na ulan sa bahagi ng Barangay Buayan bunsod ng Intertropical Convergence Zone.

Wasak ang mga bahay nang mabagsakan ng mga puno ng niyog at saging.

Wala namang naiulat na nasaktan o namatay sa insidente.

Nagpaabot naman ng tulong pinansiyal ang pamahalaang lokal ng Mlang sa mga apektadong pamilya.

Please follow and like us:
Read More

MAG-AMA NIRATRAT SA DUYAN; TATAY TODAS

north cotabato 12

(NI BONG PAULO)

NORTH COTABATO – Dead on the spot ang isang 40-anyos na mister habang sugatan ang kanyang isang taong gulang na anak matapos pagbabarilin ng hindi pa nakikilalang suspek sa Barangay Takepan, Pikit, North Cotabato, Martes ng tanghali.

Kinilala ng Pikit PNP ang nasawing biktima na si Fortunato Nadela Jr. Ayon sa inisyal na ulat ng pulisya, alas 12:30 ng tanghali nang pagbabarilin ang biktima habang nagpapahinga sa duyan na nasa harap ng kanilang bahay.

Nagtamo ng tama ng bala ang biktima sa iba’t-ibang parte ng kanyang katawan na naging sanhi ng agarang pagkamatay.

Habang tumakas naman ang suspek patungong liblib na lugar ng bayan na lulan ng motorsiklo.

Patuloy namang ginagamot ang anak nitong nasugatan sa kaliwang balikat.

Inaalam pa ng mga otoridad kung ano ang motibo ng mga suspek sa pagbaril at pagpatay sa biktima.

 

Please follow and like us:
Read More

BANGKAY NATAGPUAN SA ABANDONADONG BANGKA

maguindanao map12

(NI BONG PAULO)

COTABATO CITY – Isang bangkay ng lalaki ang natagpuan sa loob ng isang abandonadong bangka sa karagatang malapit sa Bongo Island, Parang, Maguindanao habang arestado naman ang suspek sa pagpatay sa Datu Blah Sinsuat sa Maguindanao, nitong Lunes.

Sa report ng Parang PNP, alas-6:30 ng umaga nang matagpuan ng Parang Bantay Dagat at PNP BARMM Maritime Unit ang RRV-3 Light Boat kung saan naroon ang bangkay na nagmula pa sa Sibago Island, Basilan.

Nakilala naman ang biktima na si Jeorey Pagnete, 31,may asawa at taga Pitogo, Zamboanga del Sur.

Natagpuan din ng Datu Blah Sinsuat PNP, Philippine Coast Guard – Cotabato Station at PNP BARMM Maritime Unit, ang suspek na nakilalang si Bonifacio Segudan Rabe, 43, may asawa at taga Malian, Zamboanga del Sur.

Ang suspek ay nasagip ng mga otoridad habang palutang-lutang sa karagatang sakop ng Datu Blah Sinsuat.

Sa imbestigasyon ng Parang PNP, inamin ni Rabe na pinagsasaksak niya hanggang sa mapatay ang biktimang si Pagnete.

Pagkatapos ay nagpasya siyang tumalon sa dagat at iwan ang bangkay sa naturang bangka hanggang sa mapadpad sa Bongo Island.

Nakakulong naman sa Parang PNP ang suspek habang ang RRV-3 Light Boat ay nasa kustodiya ng PCG-Cotabato.

Please follow and like us:
Read More

KAWANI NG DEPED NILIKIDA

north cotabato 12

(NI BONG PAULO)

KIDAPAWAN CITY – Patay ang isang empleyado ng isang pampublikong paaralan sa bayan ng Arakan makaraang pagbabarilin ng hindi pa nakilalang gunman at itapon ang bangkay nito sa Purok 7, Barangay New Pontevedra sa bayan ng Antipas, North Cotabato, Martes ng gabi.

Kinilala ang biktima na si John Rex Iremedio Daruca, 30, ng Malinan, Kidapawan City at isang administrative assistant ng Department of Education, Cotabato Division. Si Daruca ay bago at kapapasok pa lamang na guro sa naturang paaralan.

Sa ulat ni Police Captain Bernard Abarquez, hepe ng Antipas PNP, nakita na lamang ang bangkay ng biktima dakong alas-11:30 na ng gabi.

Inaalam din ng pulisya kung tinangay ng mga suspek ang gamit nitong motorsiklo.

Narekober sa crime scene ang pitong bala ng kalibre .45 na pistola.

Isa ang personal na alitan at trabaho sa mga sinisilip na anggulo maliban pa sa posibleng politika dahil sa iba’t ibang kandidato ang kanyang sinuportahan noong nakaraang eleksiyon.

Gayunpaman, patuloy ang malalimang imbestigasiyon na ginagawa ng pulisya para mabatid ang totoong motibo sa pagbaril at pagpatay sa biktima.

 

Please follow and like us:
Read More

GULONG SUMABOG: 2 DEDO

blast12

(NI BONG PAULO)

PATAY ang dalawang drayber matapos pumutok sa mukha nila ang wini-welding na gulong ng truck sa Purok Manisi, Barangay Punong Grande sa bayan ng Banga sa South Cotabato, Martes ng hapon.

Kinilala ang mga biktima na sina Orly Cabilez Francisco, 42, driver at residente ng New Bunawan, Tulunan, North Cotabato at kasama nito na kinilala naman na si Ivon Niño Asaña Perez, 28, ng Purok Mahinangpanon, Barangay Punong Grande, Banga.

Ayon kay Police Investigator Police Msg. Roldan Apostol, kagagaling lamang sa vulcanizing shop ang nasabing truck nang napansin ni Francisco na may air leak sa tire na lumalabas sa rim dahilan upang  i-welding nito ang rim na tinulungan naman ni Perez.

Uminit ang gulong kaya sumabog ito sa mukha ng dalawang biktima. Kapwa nagtamo ng malalalang sugat sa katawan ang dalawa.

Dead on the spot si Francisco dahil sa head injury habang naisugod pa sa ospital si Perez ngunit hindi na rin umabot nang buhay.

 

Please follow and like us:
Read More

2 BGY CAPTAIN TIMBOG SA VOTE BUYING

north cotabato 12

(NI JG TUMBADO)

NATIMBOG ng mga awtoridad ang dalawang kapitan ng barangay sa North Cotabato dahil sa kapwa  pagkakasangkot ng mga ito sa pagbili ng boto sa ilang mga residenteng kanilang sinasakupan.

Walang palag nang dakmain ang mga suspek na sina Alfredo Losbañez, kapitan ng Barangay Baynosa at Richard Pandacan, kapitan ng Barangay Caridad, sa bayan ng Tulunan sa nasabing lalawigan.

Batay sa impormasyon, ang dalawa ay naharang ng mga pulis sa isang check point habang sakay ang mga ito ng sasakyan na may government plates patungo sa bayan ng Mlang.

Ang mga sasakyan ay puno ng mga bigas, election campaign materials at nakuhanan din ang dalawang kapitan ng sobre na may mga pera.

Maaari umanong galing sa isang political gathering ang dalawa kung saan nila nakuha ang mga sako ng bigas at pera.

Maghahain ang pulisya ng kaso laban sa dalawang kapitan ng barangay.

Please follow and like us:
Read More

TELLER, SEKYU NG KOOPERATIBA ITINUMBA, PERA TINANGAY

shoot

(NI BONG PAULO)

NORTH COTABATO – Patay ang dalawang empleyado ng Cotabato Electric Cooperative  (Cotelco) makaraang barilin ng hindi pa nakikilalang suspek sa Sitio Lumayong, Barangay Kayaga sa bayan ng Kabacan, North Cotabato, Huwebes ng hapon.

Nakilala ang mga biktima na sina Basser Cabuyao, 35, security guard ng Cotabato Electric Cooperative na nakabase sa Carmen North Cotabato at Karen Callos, teller, 34, ng Purok Masagana Kabacan Cotabato.

Naisugod pa sa ospital ang babaeng biktima pero kalauna’y binawian din ng buhay habang ginagamot.

Ayon sa ulat, mag-aalas 5:00 ng hapon, pauwi na ang dalawa sakay sa motorsiklo galing sa trabaho at nang pagsapit  sa pinangyarihan ng insidente ay binaril ng gunman gamit ang kalibre .45 pistola.

Hold-up ang sinisilip na anggulo sa pagpaslang sa dalawa matapos tangayin  ang bag ng teller na biktima na may laman umanong pera.

Ayon sa ama ng biktima na si Samuel Dapon, wala naman umanong malaking halaga ng pera na dala ang kanyang anak dahil agad naman nilang nilalagak ang koleksiyon sa banko.

Please follow and like us:
Read More

‘CHILDHOOD SWEETHEARTS’ EDAD 17, 13, NAG-SUICIDE

crime123

(NI BONG PAULO)

KIDAPAWAN CITY – Natagpuang wala nang buhay ang dalawang mag-aaral ng University Laboratory School – University of Southern Mindanao (ULS-USM) matapos na pinaniniwalaang nag-suicide sa Purok 6, Barangay Katidtuan sa bayan ng Kabacan, North Cotabato, Lunes ng umaga.

Sa panayam kay Police Lt. Col. Bernard Tayong ng Cotabato Police Provincial Office ang mga biktima na hindi pinangalanan ay edad 17 ang lalaki (grade 10) habang 13-anyos naman ang babae (grade-7).

Sa ulat, alas-9:30 ng umaga nang makarinig ng putok ng baril ang kanilang katiwala sa ikalawang palapag ng bahay.

Agad na umakyat ang caretaker at nakitang duguan ang dalawang menor de edad na kapwa may tama ng bala sa ulo.

Ang kalibre .38 na revolver ay nakita sa paanan ng lalaki na posibleng ginamit nito sa pagbaril sa kanyang ka-MU (mutual understanding) bago naman siya nagbaril sa sarili.

May nakita ring suicide note na ‘My father cares only for my grade.’

Ayon kay Tayong, ang 13-anyos naman na dalagita ay ilang beses ding nag-attempt na kitlin ang kanyang buhay noong mga buwan ng Pebrero at Marso.

Inaalam pa kung kanino ang baril na ginamit ng 17-anyos na binatilyo dahil bago ang insidente ay nakita ng kanilang katiwala na bukas ang silid ng kanyang amo gayung parati naman umanong naka-lock ito kapag aalis ang mag-asawa.

Inilibing na kahapon ng hapon ang bangkay ng lalaki sa Barangay Salapungan batay sa kaugaliang Islam habang nasa isang punerarya naman ang bangkay ng 13-anyos na dalagita.

Gayunpaman patuloy ang imbestigasiyon kung may ‘foul play’ sa pagkamatay ng dalawa.

Please follow and like us:
Read More

TATAY NG RNB SINGER NAGBENTA NG SASAKYAN, TINODAS NG ‘BUYER’

kabacan north cotabato

(NI BONG PAULO)

PINAGBABARIL hanggang sa mapatay ang isang 43-anyos na lalaki ng ka-transaksiyon nitong bibili ng kanyang sasakyan sa Sitio Basak, Barangay Kayaga, Kabacan, North Cotabato, Biyernes ng umaga.

Kinilala ang nasawi na si Tahir Patadon Bualan, alyas ‘Sog’,  ama ng RNB singer na si Jong Madaliday na dati ring sumali sa mga singing contest ng ABS CBN at GMA.

Naganap ang pamamaril pasado alas 10 ng umaga, kung saan nakipagkita ang biktima sa ka-transaksiyon nito na bibili ng kanyang multicab.

Pagdating ng dalawang buyer ay inutusan nila ang biktima na paandarin ang kanyang ibinibentang multicab para malaman kung ito ay running condition.

Habang pinaaandar ng biktima ang kanyang multicab ay pinagbabaril na siya ng mga salarin sa iba’t ibang bahagi ng katawan na naging sanhi ng kanyang agarang kamatayan. Patuloy na nagsasagawa ng imbestigasyon ang Kabacan PNP.

Please follow and like us:
Read More

280% ITINAAS SA KASO NG DENGUE SA NORTH COTABATO

dengue12

(NI BONG PAULO)

SUMAMPA ngayon sa lima katao ang patay dahil sa sakit na dengue sa Rehiyon 12, tatlo rito ay mula sa North Cotabato.

Umabot naman sa 3,211 na kaso ng dengue ang naitala ng Department of Health (DoH) Region 12 , batay sa report ng Regional Epidemiology and Surveillance Unit o RESU.

Ito ay ayon kay DoH-Center for Health and Development Dr. Imelda Quiñones sa isinagawang press conference, nitong Sabado, sa Kidapawan City.

Karamihan sa mga nagkakasakit ng dengue ay mga kabataan at mga sanggol.

Sa nasabing bilang, lima ang naiulat na nasawi  kung saan tatlo rito ay mula sa North Cotabato, partikular sa Kidapawan City-1, Libungan-1 at isa din sa Makilala, isa sa Malapatan, Sarangani province at isa sa Tampakan sa South Cotabato.

Ipinaliwanag naman ni Quinoñes na may tatlong uri ng dengue ito ay ang without warning signs, with warning signs at severe dengue.

Inihayag naman ni North Cotabato Integrated Provincial Health Office Head Dra. Eva Rabaya na umaabot sa 1,162 na kaso ng dengue ang naitala mula buwan ng Enero hanggang sa unang bahagi ng buwan ng Marso.

Sinabi ni Rabaya na nasa 306 lamang na kaso ng dengue ang kanilang naitala noong nakaraang taon sa kaparehong panahon.

Ibig sabihin nasa 280% ang itinaas ng kaso ng dengue sa probinsiya.

Dahil dito pinakikilos na ni Dra. Rabaya ang mga health workers at partners sa 17 mga bayan at isang lungsod sa probinsiya para na mapuksa ang kaso ng dengue.

Please follow and like us:
Read More

SYRIAN PINAGBABARIL SA LOOB NG BAHAY

north

(NI BONG PAULO)

KIDAPAWAN CITY – Dead on the spot ang isang Arabic teacher or Ustadz matapos pagbabarilin sa loob ng kanyang bahay sa Barangay Nasapian, Carmen, North Cotabato.

Kinilala ang biktima na si Shiekh Wasif.

Sa ulat ng Carmen PNP, nangyari ang pamamaril alas-6:05 ng gabi nitong Biyernes kung saan galing ang biktima at ang misis nito sa bahay ng kanilang kaibigan.

Sinundan umano sila ng mga suspek na sakay din ng motorsiklo at pagdating ng mga biktima sa kanilang bahay at niratrat sila ng mga suspek.

Hindi naman sinaktan ng mga suspect ang misis ng biktima na si Tayaan Ambag.

Please follow and like us:
Read More

5 BAYAN SA NORTH COTABATO NASA ‘STATE OF CALAMITY’

el1

KORONADAL CITY – Limang bayan sa North Cotabato ang isinailalim na sa state of calamity dahil sa matinding init na nararanasan bunsod ng El Nino phenomenon.

Ayon kay Provincial Disaster Risk Reduction and Management Council Warning at Action officer Engineer Arnulfo Villaruz, ang nabanggit na mga bayan ang kinabibilangan ng Alamada, Aleosan,Mlang, Tulunan at Pikit sa probinsya ng Cotabato.

Napabilang na ang Region 12 sa low amount of rainfall at halos lahat imano ng munisipyo ay apektado na ng matinding init, ayon sa monitoring ng Pagasa.

Problemado na din ang maraming magsasaka sa rehiyon dahil natutuyot ang kanilang pananim at tiyak umanong apektado ang kanilang pagbuhay.

Tiniyak naman ang pamimiga ng tulong sa naturang mga bayan na apektado ng El Nino.

Please follow and like us:
Read More

P5-M OIL PALM PLANTATION NASUNOG

forest fire

NORTH COTABATO – Ekta-ektaryang pananim na mga oil palm ang nasunog sa bahagi ng barangay Gambodes Arakan North Cotabato, iniulat Sabado ng umaga.

Ayon kay BFP Arakan, Senior Fire Officer 2 Ronald Valle, una silang nakatanggap ng report nitong Huwebes ng tanghali na may forest fire sa lugar.

Bandang alas 4:45 ng hapon ay kumalat na ang nasabing sunog. Ang nasabing oil palm plantation ay pagmamay-ari ng isa sa mga municipal councilor ng Matalam North Cotabato na nasa hangganan na ng Arakan, Bukidnon at Marilog District sa Davao City.

Nasa bulubunduking bahagi ang mga pananim dahilan upang masunog rin ang mga halamang nakapalibot sa bundok. Ayon sa natanggap na report ng BFP mula sa caretaker ng plantasyon,  may nagsusunog umano malapit sa kanilang area na siyang posibleng dahilan ng sunog.

Tinataya sa P5 milyon ang pinsala ng sunog.

Please follow and like us:
Read More