MANGINGISDA PATAY SA KIDLAT SA LAOT, 1 NALAPNOS

(NI ANNIE PINEDA)

NATUSTA nang buhay ang isang mangingisda habang lapnos naman ang katawan ng kasama nito makaraan tamaan sila ng kidlat habang nasa gitna ng laot, Martes ng gabi sa Negros Oriental.

Kinilala ang nasawi na si Jaime Flores, habang ginagamot naman sa ospital si Julieto Tumabid, kapwa ng Sta. Catalina, Negros Oriental.

Batay sa report ng pulisya, sakay ng kani-kanilang bangka ang dalawa habang nangingisda sa gitna ng laot sa nasabing lugar.

Bigla na lamang gumuhit ang malakas na kidlat sa kalangitan na tumama sa dalawa at sa lakas ng kidlat pareho silang tumilapon sa kani-kanilang bangka.

Nagawa naman isugod sa ospital ang mga biktima pero wala na rin buhay nang idating si Flores habang patuloy na inoobserbahan si Tumabid sanhi ng matinding mga paso na tinamo sa katawan.

 

Please follow and like us:
Read More

4 sa 11 KASO SA NEGROS KILLINGS, LUTAS NA – PNP

(NI JG TUMBADO)

IPINAGYABANG ng Philippine National Police (PNP) ang kanilang pagkaka resolba sa apat sa 11 kaso ng pagpatay sa probinsya ng Negros Oriental.

Ito ang inihayag ni PNP Chief General Oscar Albayalde sa kanyang pulong balitaan sa Camp Crame kasabay ang paghahain ng kaukulang kasong kriminal laban sa nasangkot na personalidad partikular sa City Prosecutors Office sa Dumaguete City.

“Doon sa mga incidents doon, out of the 11, as I’ve said four cases were already solved… Ibig sabihin nito, we were able to file cases against suspects,” pahayag ni Albayalde.

Kasabay ng pagsasampa ng mga kasong kriminal ay ang patuloy na pagtugis ng pulisya laban sa pitong mga suspek na natukoy na ang pagkakakilanlan.

“Continuous ang operations ng ating security forces doon. Hindi pa rin naman tumitigil ang joint operations ng AFP (Armed Forces of the Philippines) at PNP doon,” dagdag pa ng heneral.

Kaugnay nito, nagtatag ng special investigation task group o SITG ang pamunuan ng Police Regional Office 7 na siyang tututok sa imbestigasyon sa pagpatay sa ilang mga prominenteng indibidwal at opisyales ng gobyerno sa nabanggit na lalawigan.

Nitong nakaraang buwan ng Hulyo ay naging maingay sa mga balitang nasyunal ang lalawigan ng Negros Oriental dahil sa sunud-sunod na patayan na nagaganap sa lugar.

Batay sa datos ng Negros Oriental Provincial Police Office (NOPPO), nasa mahigit 20 indibidwal ang pinaslang simula noong Hulyo 18 hanggang 28 kabilang ang apat na pulis na unang pinahirapan bago isailalim sa summary execution ng hinihinalang mga miyembro ng New People’s Army.

Tatlo sa mga nanguna sa pagpatay sa mga pulis ay nadakip na, siyam na iba pa ang positibong nakilala sa mahigit 30 rebelde at patuloy na rin tinutugis.

Please follow and like us:
Read More

2 NPA SA MASAKER NG 4 PULIS HAWAK NA NG PNP

(NI NICK ECHEVARRIA)

BUMAGSAK na sa kamay ng pulisya ang dalawa sa mga suspek na miyembro ng  New People’s Army (NPA) na  responsable umano sa pagpapahirap at brutal na pagpatay sa apat na pulis sa bayan ng Ayungon, Negros Oriental.

Unang nadakip ang suspek na si Jojo Torres Ogatis, 19,  bandang alas-12:00 ng tanghali sa isang joint combat operation ng militar at pulisya na inilunsad nitong Sabado sa Sitio Sook, Brgy. Mabato sa nasabing bayan, ayon sa ulat ng ng Police Regional Office (PRO) 7, nitong Linggo.

Si Ogatis na nakumpiskahan ng mga baril at pampasabog ay positibong itinuro ng mga saksi na kasama sa mga NPA na nang-torture bago patayin ang apat na pulis nitong July 18 sa Sitio Yamot, Barangay Mabato Ayungon ng nasabing lalawigan.

Itinuro naman ni Ogatis sa isinagawang interogasyon ang isa pang suspek sa malagim na krimen na ngayon ay hawak na rin ng mga awtoridad bagamat hindi pa pinapangalanan.

Sa kasalukuyan, nakakulong ang dalawa sa  704th MC RMFB7 Mabinay, Negros Oriental para sa kaukunang dokumentasyon habang inihahanda ang mga kasong isasampa laban sa kanila.

Tinawag naman ni P/BGen. Bernard Banac, tagapagsalita ng Philippine National Police (PNP), na isang positibong kaganapan sa isinasagawang imbestigasyon sa kaso ang pagkakadakip sa dalawang NPA na kabilang sa mga suspek sa brutal na pagpatay sa apat na pulis sa Negros Oriental.

 

Please follow and like us:
Read More

4 NPA HULI SA NEGROS ORIENTAL

npa12

(NI NICK ECHEVARRIA)

ARESTADO ang apat na armadong miyembro ng New People’s Army (NPA) sa magkakahiwalay na lugar sa inilunsad na joint tactical operations ng Armed Forces of the Philippines (AFP) at Philippine National Police (PNP) sa  bulubunduking bahagi ng mga bayan ng Ayungon, Mabinay at Bindoy sa Negros Oriental.

Nitong July 24, inilunsad ang tactical operations para tugisin at ma-neutralize ang mga suspek sa brutal na pagpatay sa apat na miyembro ng 704th Regional Mobile Force Battalion (RMFB) sa Sitio Yamut, Ayungon ng nasabing lalawigan noong July 18.

Unang nadakip ng militar  sina Onie Bangala, 37, at isang Nerie Boy Bangala, dalawang araw matapos ilunsad ang joint operation sa Brgy. Carol-an, Ayungon, Negros Oriental. Gayunman, nakatakas  si Nerie Boy habang isinasagawa ang tactical interview.

Narekober ng militar mula sa kanila ang homemde shot gun; dalawang .38 calibre revolver na may limang bala; isang 7.62 mm live ammunition ; isang  7.62mm live ammunition, 18 piraso ng 5.56mm live ammunition, 20 piraso ng 7.62 ng mga basyo, 192 piraso ng 5.56 mm empty shells, mga plaster at electronic wires.
Sumunod na naaresto ng mga tauhan ng  RMFB striking force si  Epifanio Romano na residente ng Sitio Sook, Barangay Mabato, Ayungon,  sa isang clearing operations matapos ang 20 minutong engkwentro sa mga rebeldeng grupo sa Sitio Talaptapan, Brgy. Nalundan sa bayan ng Bindoy sa parehong araw na nagsuko ng isang  black bandoleer at isang rifle grenade.

Sabay namang naaresto sina Rico Oracoy at Lito Cadusale, kapwa residente ng Bryg. Mabato sa isang checkpoint sa Sitio Yamut ng nasabing barangay matapos  tumakas sa isang engkwentro sa Brgy. Nalundan.

Narekober mula sa kanila ang dalawang .38 revolver na may 10 bala,
isang rifle grenade at dalawang pampasabog.

Nahaharap ang mga ito sa kasong illegal possession of firearms and ammunition.

Please follow and like us:
Read More

PATAYAN ‘DI MAKONTROL; HEPE NG NEGROS ORIENTAL SIBAK

(NI JG TUMBADO)

SINIBAK na sa puwesto ang hepe ng pulisya sa Negros Oriental dahil sa serye ng patayan sa lalawigan.

Ayon kay Police Brigadier General Bernard Banac, tagapagsalita ng Philippine National Police, inalis sa posisyon si Negros Oriental Police director Col. Raul Tacaca upang bigyang-daan ang patas na imbestigasyon sa posibleng kapalpakan nito kaya’t nakalulusot ang mga pagpaslang sa probinsiya.

Si Central Visayas police chief Brig. Gen. Debold Sinas ang tatayo munang officer-in-charge ng Negros Oriental Police Provincial Office.

Kasabay nito, binigyang-diin ni Banac na kontrolado na ang peace and order situation sa Negros Oriental at naka-full alert na rin ang mga otoridad doon.

Iniutos na rin PNP chief Gen. Oscar Albayalde sa PNP Directorate for Investigation and Detective Management na pangunahan ang task force na sisiyasat sa mga patayan.

Labing-pitong indibidwal ang napatay sa lalawigan sa loob lamang ng buwan ng Hulyo kabilang ang isang human rights lawyer, isang school principal, isang empleyado ng Department of Education at isang barangay chair.

Apat na pulis din ang pinatay sa torture ng mga hinihinalang rebelde.

 

Please follow and like us:
Read More

EX-MAYOR, KONSEHAL, 2 PA PATAY SA NEGROS

MULING dumanak ang dugo sa Negros Oriental matapos paslangin ang dating mayor, ang pinsan nito gayundin ang konsehaL at barangay captain sa dalawang magkakahiwalay na lugar sa lalawigan, Sabado ng umaga.

Umaabot na sa 11 ang bilang ng mga nasasawi sa loob lamang ng anim na araw.

Kinilala ang biktimang sina Edsel Enardecido, 60, dating mayor ng Ayungon town, pinsan nito na si Leo, 45; Canlaon City Councilor Bobby Jalandoni at Ernesto Posadas, barangay captain ng Panubigan village chief sa Canlaon.

Tulad ng mga naunang istilo ng pagpaslang, pinasok ng mga hindi kilalang armado ang bahay ng mga biktimang sina Posadas at Jalandoni bandang alas-12:14 ng madaling araw at pinagbabaril ang mga biktima.

Hindi na umabot nang buhay sa ospital ang mga biktima.

Dalawang oras ang nakalipas, pinasok din ng armadong kalalakihan ang bahay ng mga Enardecido sa Barangay Tampocon 1, Ayungon, Negros Oriental bandang alas-2:30 ng madaling araw at niratrat ang dating mayor at pinsan nito.

Please follow and like us:
Read More

TRAK NA PUNO NG BABOY NAHULOG SA BANGIN; 5 KATAO PATAY

accident121

LIMA ang kumpirmadong namatay habang sugatan ang driver ng trak matapos mawalan umano ng kontrol sa manibela at mahulog sa bangin.

Ang trak ay may lulan na 100 baboy nang maganap ang insidente sa Negros Oriental.

Hindi pa pinapangalanan ang mga nasawi habang isinugod ang driver sa ospital.

Biyernes ng tanghali nang baybayin ng trak ang Zamboanguita, Negros Oriental nang bigla umanong nawalan ng kontrol ang sasakyan at mahulog sa may 40 metrong lalim na bangin.

Nahirapan umano ang mga rescuer sa pagkuha sa mga biktima dahil nadaganan sila ng trak na nahulog sa bangin.

Patuloy na iniimbestigahan ang insidente habang ang ilang baboy na lulan ay nagkanya-kanya ng takbo matapos ang aksidente.

Please follow and like us:
Read More

TATAY, BABY PATAY, NANAY SUGATAN SA NEGROS

(NI ANNIE PINEDA)

NABALOT na ng takot ang mga residente sa Negros Oriental  makaraan isa naman mag-ama ang pinagbabaril patay habang sugatan ang misis nang pasukin ang mga ito sa loob ng kanilang bahay at pinagbabaril ng mga armadong kalalakihan, kagabi (Hulyo 25) sa nasabing probinsya.

Kinilala ang mag-amang namatay na sina Marlon Ocampo, 33, at anak na si Marjun Ocampo, 1-taon , at misis nitong si Angel Miranda, 33, pawang residente ng Sitio Tara, Barangay San Jose Santa Catalina, Negros Oriental.

Batay sa report ng Negros Oriental Police Provincial Office, dakong alas 8:00 ng gabi nang pasukin ng mga suspek ang bahay ng pamilya Ocampo at pinagbabaril ang mga biktima.

Nagtamo ng tama ng bala sa iba’t ibang parte ng katawan ang mag-ama na agad nilang ikinasawi habang dinala naman sa ospital ang sugatan na si Miranda para lapatan ng lunas.

Matapos ang pamamaril tumakas ang mga suspek.

Malaking hamon sa pamunuan ng kapulisan sa Negors Oriental ang sunud-sunod sa patayan sa kanilang nasasakupan.

Inaalam na rin kung iisa lamang ang mga suspek na pumapatay sa nasabing bayan at inaalam ang mga motibo sa krimen.

 

Please follow and like us:
Read More

TSERMAN NA DAWIT SA PAGPATAY SA 4 PULIS, NAG-SUICIDE

(NI JG TUMBADO)

TULUYANG nalagutan ng hininga sa Intensive Care Unit (ICU) sa isang ospital sa Dumaguete City, Negros Oriental ang barangay chair matapos umanong magtangkang magpakamatay nitong ng Lunes.

Alas-11:00 ng tanghali ngayong Martes binawian ng buhay si Sunny Calderon, ng Barangay Mabato sa bayan ng Ayungon kung saan nangyari ang  pagpatay sa apat na pulis ng Regional Mobile Force Battalion-7.

Napag-alaman kay Negros Oriental Police Provincial Director Col. Raul Tacaca, natagpuan si Calderon na nakahiga at nagsusuka sa kanyang bahay, Lunes ng hapon at agad dinala sa ospital.

Hinihinala ng mga awtoridad na uminom ng pesticide si Calderon, pero hindi pa matukoy ang dahilan sa pagpakamatay.

Sinasabi sa ulat na maraming testigo ang mga nakakita sa mga suspek dahil tinipon ng NPA ang mga taga-barangay para saksihan ang “execution” o pagpatay sa mga pulis.

Isa si Calderon umano sa mga kakasuhan ng PNP dahil sa pagsisinungaling nito sa isinasagawang pag-iimbestiga kaugay ng pangyayari

Nabatid sa imbestigasyon na hinarap pa ng barangay captain ang mga pulis na nagtungo sa lugar bandang tanghalian, bago naganap ang krimen ng pasado alas 2:00 ng hapon noong Huwebes.

Samantala, isa na ang naaresto sa mga suspek sa brutal na pagpatay sa apat na pulis.

Please follow and like us:
Read More

CHURCH ADVISER PATAY SA AMBUSH

(NI ANNIE PINEDA)

NALILIGO sa sariling dugo ang isang lalaking church adviser makaraan tambangan at pagbabarilin ng mga hindi pa kilalang suspek habang ang una ay nakasakay sa tricycle , iniulat kaninang umaga sa probinsya ng Negros Oriental.

Kinilala ang biktimang si Salvador Romano, church adviser ng Iglesia Independiente Filipinas Youth group sa Negros Oriental at probinsya ng Siquijor, at residente ng Majuyos, Negros Oriental.

Batay sa report ng pulisya, dakong ala 1:00 ng hapon nang maganap ang insidente sa nasabing lugar.

Lumabas sa pagsisiyasat ng pulisya, galing sa Philippine Independent Church ang biktima at pauwi na sana ito sa kanilang bahay sakay ng tricycle nang biglang sumulpot ang mga armadong kalalakihan.

Dito na pinagbabaril ang biktima na tinamaan sa iba’t ibang parte ng katawan na agad nitong ikinamatay habang mabilis naman tumakas ang mga suspek.

Nagpapatuloy naman ang imbestigasyon ng pulisya para alamin ang tunay na motibo sa pamamaril at pagkakakilanlan sa mga suspek para sa agarang pagkadakip sa mga ito.

Please follow and like us:
Read More

TSERMAN NILIKIDA

crime24

(NI JG TUMBADO)
PINAGBABARIL ng riding in tandem ang isang barangay chairman sa bayan ng Guihulngan sa Negros Oriental Huwebes ng hapon.

Kinilala ang biktima na si Lito Itao, ng Barangay Magsaysay.

Sa nakarating na report sa Police Regional Office-9 Western Visayas, nakatambay lamang umano sa labas ng isang tindahan ang opisyal nang pagbabarilin ito ng lalaki na angkas sa motorsiklo.

Nakatakbo pa umano ang biktima ng ilang metro mula sa kinatatayuan nito hanggang ito ay tumumba.

Agad isinugod sa pinakamalapit na ospital ang biktima subalit idineklara itong dead on arrival bunsod ng tinamong apat na tama ng bala ng .45 baril.

Inaalam pa ng mga awtoridad kung ano ang motibo sa paglikida sa opisyal.

Please follow and like us:
Read More

AGAWAN SA MIKROPONO; MAG-INA PUMATAY

stab

(NI KIKO CUETO)

NANG DAHIL sa pag-aagawan ng micropono pinagsasaksak hanggang sa mapatay ang lalaki sa Siaton, Negros Oriental.

Ayon sa report, pinagsasaksak ang lalaki na nang-agaw umano ng mikropono sa isang videoke bar.

Sa imbestigasyon ng pulisya, lumalabas na nagalit ang suspek na si Rosita Nemaria sa biktimang si Jesus Gainsan. Ito ay nang agawan umano siya nito ng mikropono habang kumakanta sa loob ng isang videoke bar sa Barangay 1 sa Siaton.

Sumaklolo naman ang anak ng suspek na si Roger Nemaria at nagpang-abot din sila ng biktima.

Naisugod pa sa ospital si Gainsan pero hindi na ito nailigtas.

Agad namang nahuli ang mag-inang suspek.

 

 

Please follow and like us:
Read More

MAG-INA INARARO NG TRUCK, NANAY, PATAY

accidentsign1

(NI JG TUMBADO)

HINDI nakaligtas sa kapahamakan ang mag-ina na kahit pa tumatawid sa tamang tawiran ay nabundol pa rin ng isang pick-up truck sa bayan ng Dumaguete, Negros Oriental.

Batay sa report, tanghali nitong Miyerkoles nang mangyari ang insidente habang magkahawak pa umano ng kamay ang hindi na pinangalanang mag-ina habang maingat na tumatawid sa pedestrian lane.

Subalit sa kalagitnaan ng kanilang paglalakad ay nasagasaan sila ng kulay pulang pick-up na mabilis na bumabagtas sa patawid na mga biktima.

Nabatid sa pulisya na nagulungan ng sasakyan ang mag-ina at namatay sa ospital ang ina at nasa malubha naman ang kalagayan ng bata.

Napag-alamang nagkaayos na ang pamilya ng mag-ina at ang driver ng sasakyan matapos na sagutin nito ang pagpapalibing at gastos sa bata.

 

Please follow and like us:
Read More

ANAK PUMATAY NG TATAY ARESTADO

arested45

TILA nawala sa katinuan ang isang 30-anyos na lalaki nang patayin umano sa taga ang tatay nito sa gitna ng mainitang pagtatalo sa Negros Oriental.

Arestado si Arnel Carillo na hindi pa rin maipaliwanag kung bakit pinatay ang ama na si Carlito, 56.

Sinabi ng ina ni Arnel na nagulat siya nang madatnang duguan at halos wala nang buhay ang kanyang asawa. Agad siyang humingi ng tulong sa mga kapitbahay para isugod sa ospital ang biktima ngunit patay na rin ito nang idating.

Nasa Canlaon City PNP na ang suspek na mahaharap sa kasong parricide. Susuriin din ito ng mga doktor sa hinalang may diperensiya ito sa pag-iisip.

Please follow and like us:
Read More

4 OPISYAL SA ‘NEGROS MASSACRE’ SINIBAK

negros oriental

(NI JG TUMBADO, NICK ECHEVARRIA)

APAT na opisyal sa sinasabing Negros massacre ang sinibak, Martes ng tanghali, habang iniimbestigahan ang kaso sa pagpatay umano sa 14 sinasabi nilang miyembro ng komunistang New People’s Army (NPA).

Gayong sinabi ng kapulisan na lehitimong police operations ang naganap, may mga saksi umano ang lumutang na nagsabing pinagpapatay ng mga pulis ang mga biktima na ilan ay matatanda nang magsasaka sa lugar.

Kabilang sa sinibak sa tungkulin sina:

PCOL RAUL TACACAPD, Negros PPO,

 

PLTCOL PATRICIO DEGAY

COP, Canlaon CPS, NOPPO

 

PLT KEVIN ROY MAMARADLO

COP, Manjuyod MPS, NOPPO

 

PCAPT MICHAEL RUBIA

COP, Sta Catalina MPS, NOPPO

(Details to follow)

     SINIBAK NI ALBAYALDE

SINIBAK  sa pwesto ni Philippine National Police (PNP) Chief General Oscar Albayalde ang apat na  police officers sa Negros Oriental upang bigyang-daan ang imbestigasyon kaugnay sa pagkakapatay sa 14 katao sa nabanggit na lalawigan at pagkaaresto sa 12 iba pa sa Canlaon City noong Sabado.

Sinibak sa tungkulin sina  P/Colonel Raul Tacaca, Negros Oriental Provincial Director, P/Lieutenant Colonel Patricio Degay hepe ng Canlaon City  , P/Lieutenant Kevin Roy Mamaradlo  chief  ng Manjuyod municipal police station at P/Captain Michael Rubia na hepe naman ng Santa Catalina police station.

Ang pagsibak ay ginawa ni Albayalde sa kabila ng kanyang pahayag noong Lunes na legitimate operations ang ginawa ng mga tauhan ng PNP sa bisa ng mga search warrants mula sa korte.

Sa report ng  regional director  ang mga napatay ay may mga dati na umanong  kaugnayan at ginagamit ng mga rebelde.

Sinabi rin ni Albayalde na ilan sa  mga sinasabing magsasaka na napatay ay maaaring magsasaka sa araw subalit NPA naman kung gabi, hindi rin aniya nangangahulugan na ang isang magsasaka ay wala nang maaaring maging kaugnayan sa mga rebelde.

Binigyang-diin  din ni Albayalde na hindi massacre ang naganap na pagpatay sa 14 na mga biktima dahil nangyari ito sa magkakahiwalay  at hindi sa iisang lugar at kung may intention aniya ng massacre dapat patay din yung 12 naaresto.

Gayunman ipinabatid ng hepe ng pambansang pulisya na iimbestigahan ng Internal Affairs Service ng PNP ang posibleng pagkakaroon ng lapses ng pulisya sa panahon ng operasyon.

Idinagdag pa ni Albayalde na bukas ang PNP sa anumang imbestigasyon at maging ang mga kasama mismo sa perasyon aniya ay nakahandang humarap sa pagsisiyasat para patunayan na lehitimo ang nangyaring police operation.

Please follow and like us:
Read More

14 NASAWI SA SEARCH OPS MIYEMBRO, SUPPORTERS NG NPA — PNP

negros oriental

NANINDIGAN ang Philippine National Police regional office 7 na ang 14 nasawi sa ginawang pagsalakay sa Negros Oriental ay mga kasapi at supporters ng New People’s Army na nakatakdang lumusob sa Canlaon City police station tulad ng naganap sa Samar nitong linggo.

Sinabi ni Police Brig. Gen. Debold Sinas, director ng Police Regional Office-7 na nakatanggap sila ng impormasyon na may mga grupo na kasapi ng SPARU ng NPA sa mga probinsiya ng Canlaon City, Sta. Catalina at Manjuyod.

Dahil dito agad kumuha ng search warrant matapos makumpirmang may balak gumawa ng karahasan ang mga grupo at makakuha ng impormasyong mga armado ang mga ito.

Nanlaban umano ang mga nasawi nang ikasa ang search warrant habang nakaaresto ng 12 kung saan may mga nakuhang dokumento at mga baril.

Kasama umano sa dokumento ang plano ng NPA na lusubin ang Canlaon PNP. Sinasabing mayroong sketch ng Canlaon City police station gayundin ang listahan at pangalan ng mga pulis at naka-duty na pulis.

Naniniwala ang kapulisan na plano rin ng grupong lusubin ang police station tulad ng naganap sa Samar kung saan nabigo ang rebelde na ikinasawi ng tatlo at pagkaaaresto ng isang sinabing rebelde na iniwan ng grupo habang patakas.

Noong nakaraang linggo ay isinailalim sa red alert status ang Negros Oriental dahil sa intelligence reports na lulusubin ito ng mga rebeldeng grupo.

Please follow and like us:
Read More

GALING SA DANCE TILT: 5 STUDENTS PATAY SA AKSIDENTE

negros

(NI JG TUMBADO)

ANIM katao ang patay habang nasa siyam na iba pa ang nasugatan nang magsalpukan ang isang pampasaherong van at cargo truck sa bayan ng Zamboanguita, Negros Oriental, nitong  Biyernes.

Kabilang sa sakay ng pampasaherong van ang 10 estudyante ng Basay National High School, isang guro at apat na iba pang pasahero.

Sa report ni SPO1 Rosita Mindac ng Zamboanguita Municipal Police Station, kagagaling lamang umano ng mga mag-aaral sa Cebu City, kung saan lumahok sila sa isang dance competition na “MathSayaw2019”.

Kabilang sa mga nasawi ang limang estudyante na nasa edad 14 hanggang 18 anyos habang ang isa ay pasahero rin ng van.

Nabatid na pauwi na sana sa bayan ng Basay nang magkasalubungan ang van at naturang truck sa pakurbadang kalsada sa bahagi ng Barangay Mayabon.
Patuloy pa ang pagsisiyasat ng mga awtoridad kaugnay ng malagim na aksidente.

Please follow and like us:
Read More