BATTILER BABAWI SA GAME 3

NA-FRUSTRATE si NCAA Season 95 MVP Calvin Oftana ng San Beda sa Game 1 performance niya kaya’t bumawi siya sa Game 2 at naitabla ang serye kontra Letran at nakapwersa ng deciding Game 3 sa Martes sa Mall of Asia Arena.

Umiskor ang 6-4 Dumaguete native ng 17 points, kabilang ang go-ahead three-point play sa nalalabing 19.1 seconds na naging susi sa 79-76 panalo ng San Beda noong Biyernes.

“Nung natanggap ko yung ball, sabi ko, ‘Lord, ikaw na bahala rito.’ Yun talaga nasa isip ko. Luckily naipasok ko, foul-counted, at syempre kailangan yung free throw kaya lumamang kami ng isa.”

May pag-asa pa sanang masilat ng Letran ang San Beda ngunit nabigo si Bonbon Batiller na maisyut ang bola.

“Isang shot na lang, isang lay-up ko na lang, (expletive) champion na. Para sa akin ako ang nagpatalo sa game,” naiiyak na sabi ni Batiller matapos ang makapigil-hiningang laro ng dalawang teams.

“Nahihiya ako sa teammates ko kasi, isang shot na lang, isang layup ko na lang, kung na-convert ko yun hindi ganun ang takbo ng game. Pero (expletive) nadulas talaga,” ayon sa transferee mula sa University of the East na si Batiller.

Katulad ni Oftana matapos ang Game 1 loss nila sa Letran, nangako ang 25-anyos na General Santos City native na babawi sa do-or-die sa Game 3.

“Yun na nga sinasabi ng mga boss namin e, sabi ng mga boss and mga coaches, hindi pa tapos at may time pa para bumawi sa Game 3. Positive lang,” ani Batiller.

 

Please follow and like us:
Read More

NCAA SEASON 95 FINAL 4 BUO NA; HULING SILYA SA STAGS

INOKUPAHAN ng San Sebastian College ang huling silya sa Final Four ng NCAA Season 95 seniors basketball tournament Biyernes matapos daigin ang University of Perpetual Help System Dalta, 99-94, Biyernes sa Filoil Flying V Centre.

Nagpasabog ng season-best 44 points, eight rebounds, four assists at steal si Allyn Bulanadi upang akayin ang Golden Stags sa quarterfinal round ng torneo.

“For me, Allyn is ready for the big league. This is for him, in his last year and I guess everybody should know that he’s ready,” sabi ni coach Egay Macaraya patungkol sa sweet-shooting swingman ng San Sebastian.

Nag-ambag naman sina RK Ilagan ng 22 points, seven rebounds, three assists, at steal, at Alvin Capobres 10 points, two boards, two dimes para sa Stags na may 11-7 record sa pagtatapos ng elimination round.

Nakadikit pa ang Altas, 97-94, sa pamamagitan ni Edgar Charcos, ngunit nabigo na maitabla ang score nang sumablay ang tres niya. Swerte naman na naipasok ni Rommel Calahat ang dalawang free throws na nagselyo sa panalo ng San Sebastian, 3.4 segundo ang nalalabi sa orasan.

Nanguna si Charcos na may 22 points, seven assists, at six rebounds habang nagdagdag sina Kim Aurin ng 20 points at six boards, at Jielo Razon 18 points, 10 rebounds, four assists, at two steals para sa Perpetual na may 5-13 kartada sa pagtatapos ng kanilang kampanya ngayong season.

Maliban sa San Sebastian, pasok din sa Final Four ng NCAA Season 95 ang San Besa Red Lions, Lyceum Pirates, at Letran Knights.  (PHOTO BY MJ ROMERO)

Please follow and like us:
Read More

NCAA SEASON 95; MALAS NG CSB NAPUTOL

MAKARAAN ang anim na magkakasunod na talo, sa wakas ay nanalo na ulit ang De La Salle-College of St. Benilde (CSB) courtesy of Emilio Aguinaldo College (EAC), 62-56, sa NCAA Season 95 tournament Martes sa FilOil Flying V Centre, San Juan.

Huling nanalo ang  CSB August 30 kontra Jose Rizal University (JRU), 74-66.

Nag-imprub ang kartada nila sa 7-8 panalo-talo at ngayon ay katabla na sa fifth place ang Mapua University.

“At least we got back to our winning ways,” ani CSB head coach TY Tang. “That’s one thing we’ve been trying to preach. Whatever happens, it’s either we win or we learn.”

Nagbida para sa CSB si Yankie Haruna sa pagposte ng 16 points at 9 rebounds, habang nagdagdag si Justin Gutang ng 12 points, 6 rebounds, at 2 assists.

Dikit ang iskor sa final minutes ng third period, 32-31, nang kumamada ng 9-0 run ang CSB para magtala ng kumportableng abante, 52-44, sa pagpasok ng final quarter.

Dahil sa pagkatalo ay lalong dumausdos ang EAC Generals sa 3-13. Louis Aquino

Please follow and like us:
Read More

NCAA SEASON 95: DEFENDING CHAMP BUTATA SA SAN BEDA

(NI LOUIS AQUINO/PHOTO BY MJ ROMERO)

TULUYANG pinalayas ng San Beda ang defending champion Mapua, 91-82, sa NCAA Season 95 seniors basketball tournament Biyernes ng hapon sa Filoil Flying V Centre, San Juan.

Kumabig si Rhayyan Amsali ng double-double 30 puntos at 12 rebounds, kabilang ang two assists at two steals para ihatid ang Red Cubs sa kanilang 11th straight win.

Nag-ambag ang teammates niyang sina Justine Sanchez ng 15 points, five boards, two dimes, at two blocks, at Tony Ynot, 12 points, four rebounds, at two assists.
Dahi

l sa panalo ay napatatag ng San Beda ang kapit nila sa unahan sa kanilang halos perpektong 15-1 panalo-talo.

“On track naman kami sa goal naming mabalik ang San Beda sa taas. Yung no. 1, nakuha na namin sa eliminations, pero sana magtuloy-tuloy pa,” ayon kay Red Cubs coach Manu Inigo na target makapasok sa Final Four ang San Beda.

Nagtala rin ng double-double si Jonnel Policarpio sa kanyang 29 points at 11 rebounds, kabilang ang two assists at two steals para sa Red Robins, ngunit hindi ito naging sapat para maiwasan nila ang maagang pagkakatalsik sa tournament.

Ito ang ikalimang sunod na talo ng Mapua na lumagapak sa 4-11 kartada at tuluyang naetsapwera sa playoff race.

Box Scores:
SAN BEDA 91 – Amsali 30, Sanchez 15, Ynot 12, Andrada 8, Llarena 7, Delfino 5, Alao 4, Alcantara 3, Pascual 2, Nicdao 2, Oftana 2, Cabanero 1, Peregrina 0.

MAPUA 82 – Policarpio 29, Jugo 11, Parial 10, Lugo 8, Fransman 7, Galang 6, Castor 6, Tadeo 2, Buenaflor 2, Mercado 1, Parinas 0, Duarte 0, Ejercito 0.

Please follow and like us:
Read More

BLAZERS NAAPULA NG CHIEFS

(NI LOUIS AQUINO/PHOTO BY MJ ROMERO)

NAGAWANG agapan ng Arellano University Chiefs ang pagrarali ng College of St. Benilde Blazers at tuluyang binigo ito, 75-69, Biyernes sa NCAA Season 95 seniors basketball tournament sa Filoil Flying V Centre, San Juan.
Abante ng double digits ang Chiefs, 71-54, sa fourth quarter ngunit nagliyab ang Blazers at nagawang maibaba ang kalamangan sa tatlo, 72-69.

Ngunit sa pagtutulungan nina AU’s Kai Oliva, Kent Salado at Dariel Bayla, napigilan nila si CSB’s Justin Gutang na tuluyang nakawin ang panalo sa kanila.

Ito ang ikalimang sunod na pagkatalo ng Blazers, na hindi pa nananalo sa second round ng Season 95. Sa ngayon ay mayroon itong 6-7 panalo-talong kartada, habang 4-10 ang Chiefs.

Box Scores:

ARELLANO 75 — Salado 18, Sablan 14, Arana 13, Bayla 9, Concepcion 8, Talampas 6, Oliva 5, Santos 2, Sunga 0, Alcoriza 0, Espiritu 0.

BENILDE 69 — Gutang 15, Belgica 13, Dixon 9, Nayve 8, Haruna 6, Leutcheu 6, Carlos 5, Naboa 2, Young 2, Flores 2, Sangco 1, Lim 0.

Please follow and like us:
Read More

NCAA 95: EAC NINAKAWAN NG MAPUA

(NI LOUIS AQUINO/PHOTO BY MJ ROMERO)

NAKASIKWAT ng panalo ang Mapua University kontra Emilio Aguinaldo College, 79-76, sa NCAA 95 Men’s Basketball Tournament kahapon sa Filoil Flying V Centre, San Juan.

Bumomba ang Cardinals ng 15-2 run sa huling walo ng minuto sa pamamagitan nina Noah Lugo, Laurenz Victoria at Cyril Gonzales upang mailayo ang iskor sa 75-64 sa nalalabing 4:19 minuto.

Ngunit hindi sumuko ang Generals at sa pamamagitan ng basket ni Marwin Taywan ay muling nakadikit, 78-76. Gayunman, ginamit ng Mapua ang natitirang 46.8 segundo upang mapangalagaan ang kalamangan hanggang sa final buzzer.

Mas dikit naman ang panalo ng Lyceum of the Philippines University kontra College of St. Benilde, 85-83, sa sumunod na laro.

Dumepende sa depensa ang Pirates at hindi pinaiskor ang Blazers sa loob ng mahigit dalawang minuto upang biguin ang Benilde.

Swerte pang naipasok nina Jaycee Marcelino at Mike Nzeusseu ang apat na free throws para selyuhan ang panalo ng LPU.

Please follow and like us:
Read More

NCAA SEASON 95: BOMBERS NILAPA NG LIONS

(NI LOUIS AQUINO)

WAGI ang San Beda University laban sa Jose Rizal University sa low-scoring game, 65-47, na NCAA Season 95 men’s basketball tournament Huwebes sa FilOil Flying V Centre, San Juan.

Lamang pa ang Heavy Bombers, 31-27, sa unang bahagi ng laro hanggang sa umeksena ang Red Lions top MVP candidate Calvin Oftana at umiskor ng 10 puntos sa third quarter. Swerteng pumasok pa ang transition lay-up ni James Canlas na nagpalamang sa San Beda, 44-43, sa nalalabing 1:34.

Pagdating ng fourth quarter ay kumamada ang San Beda ng 11 straight points at hinigpitan ang renda sa depensa para kunin ang 58-43 kalamangan kontra sa JRU. Mula rito ay pinotrektahan na ng Red Lions ang trangko hanggang sa matapos ang game.

Umiskor si Canlas ng 18 points, 7 rebounds, 2 assists, at isang steal, habang nagdagdag si Oftana ng 12 points, 7 rebounds, 3 assists, at 3 blocks para sa San Beda.

Nanguna naman para sa JRU si Agem Miranda sa kanyang 14 points, at John Amores na may 11 markers.
Dahil sa panalo ay nanatiling walang talo ang Red Lions (12-0) habang bumaba ang Heavy Bombers sa 4-8 panalo-talong kartada.

Box scores:
SAN BEDA 65 – Canlas 18, Oftana 12, Nelle 11, Tankoua 10, Doliguez 8, Abuda 2, Alfaro 2, Bahio 2, Carino 0, Cuntapay 0, Etrata 0, Soberano 0.
JOSE RIZAL 47 – Miranda 14, Amores 11, Delos Santos 5, Vasquez 5, Aguilar 4, Dionisio 4, Dela Rosa 3, Jungco 1, Arenal 0, Mactangay 0.

 

Please follow and like us:
Read More

NCAA SEASON 95 MEN’S BASKETBALL: EAC IBINAON NG JRU

(NI LOUIS AQUINO/PHOTO BY MJ ROMERO)

NATULDUKAN ang three-game losing streak ng Jose Rizal University nang sa wakas ay makaiskor ng 69-63 panalo kontra Emilio Aguinaldo College sa NCAA Season 95 men’s basketball tournament sa Filoil Flying V Centre, San Juan kahapon.

Bumida para sa Heavy Bombers si Marwin Dionisio na kumamada ng pito sa kanyang kabuuang 13 points sa fourth quarter upang maitakas ang panalo kontra Generals.

Sa tulong ni Dionisio ay umalagwa ang kalamangan ng JRU sa siyam na puntos, 67-58, sa nalalabing 24 segundo.
Pinagtulungan naman nina CJ Cadua at Jethro Mendoza na makadikit ang EAC, 67-63. Ngunit kinapos sa oras ang Generals.

Nanguna para sa Generals si JP Maguliano na nagtala ng ng 16 points at walong rebounds.

“Thankful kami at least nanalo na ulit,” sabi ni JRU coach Louie Gonzalez matapos ang laro.

Huling nanalo ang JRU laban sa EAC noon pang Agosto 1 sa iskor na 64-58.

Kasalukuyang may 4-7 panalo-talo ang Heavy Bombers na nananatiling buhay ang pagasa na makaabante sa playoffs, habang kulelat ang EAC sa 1-10 rekord.

Please follow and like us:
Read More

LETRAN NASILAT NG MAPUA

(NI LOUIS AQUINO/PHOTO BY MJ ROMERO)

UMABOT sa double overtime bago nahablot ng Mapua ang panalo kontra Letran, 105-101, sa  NCAA Season 95 seniors basketball tournament Biyernes sa Filoil Flying V Centre, San Juan.

Nanguna para sa Cardinals si Noah Lugo na nagpakawala ng career-best 31 points, limang rebounds at apat na assists.

Nagdagdag naman ang mga teammate niyang sina Cyril Gonzales ng 18 points, apat na rebounds, dalawang assists at dalawang steals, at Laurenz Victoria 13 points, tatlong assists at dalawang rebounds.

Gumanda ang kartada ng Mapua sa 4-6 panalo-talo, habang ang Letran ay may 7-4 rekord.
Ilan beses nagkaroon ng pagkakataong manalo ang Knights ngunit mas nanaig ang Cardinals.

Pinangunahan ni Fran Yu ang Letran sa kanyang itinalang 23 puntos, pitong assists, tatlong rebounds at tatlong steals habang nagambag si Ato Ular ng dobule-double 19 points at 23 rebounds.  Louis Aquino

Please follow and like us:
Read More

STAGS SINUWAG ANG BLAZERS

(NI LOUIS AQUINO/PHOTO BY MJ ROMERO)

NAGPOSTE ng career-best 32 points si Allyn Bulanadi upang ihatid ang San Sebastian sa panalo kontra St. Benilde, 83-67, Huwebes sa NCAA Season 95 seniors basketball tournament sa Filoil Flying V Centre, San Juan.

Nagtala ng 5-of-12 shooting from deep, apat na rebounds at tatlong  steals din si Bulanadi para mapatatag ang rekord ng Golden Stags sa 7-3 panalo-talo.

“Last year na rin niya ito and this is his last chance,” sabi ni San Sebastian coach Egay Macaraya patungkol sa star forward ng kanilang team.

Pinangunahan ni Bulanadi ang 12-2 run ng Golden Stags sa third quarter na nagbigay sa kanila ng 18-point kalamangan, 68-50.

Mas lumobo pa ito sa 25 points, 78-53, na tuluyang nagpalabo sa tsansa ng St. Benilde na makahabol. Ito ang ikaapat na talo ng Blazers sa limang games.

Nanguna para sa Blazers si Yankie Haruna na umiskor ng 16 points at siyam na rebound.

Please follow and like us:
Read More

NCAA SENIORS BASKETBALL: EAC DAPA SA SAN BEDA

(PHOTO BY MJ ROMERO)

NANATILING walang mantsa ang kartada ng San Beda makaraang ilampaso ang Emilio Aguinaldo College, 98-66, sa NCAA seniors basketball tournament Martes sa Filoil Flying V Centre, San Juan.

Maaga pang nanalasa ang Red Lions na nagbaon ng pitong tres sa second quarter upang magukit ng double digits na kalamangan, 54-23.

Nagtuloy-tuloy ang mainit na opensa ng San Beda hanggang sa fourth quarter kung saan lumobo pa ang abante nito sa 41 points.

Kasalukuyang may 10-0 panalo-talong kartada ang Red Lions sa NCAA Season 95, habang nasa laylayan ng team standings ang EAC sa 1-9 record nito.

Nagtulong-tulong para sa panalo ng San Beda sina Evan Nelle na nagposte ng 13 points at 11 assists; Clint Doliguez 13 points, pitong rebounds at dalawang steals; AC Soberano 12 points; MVP frontrunner Calvin Oftana 12 points at walong rebounds; at Donald Tankoua 13 points at walong rebounds.

Nanguna naman para sa Generals si Marwin Taywan na nagtala ng 19 points, limang assists, tatlong rebounds at tatlong steals, habang nagdadag si JP Maguliano ng 17 points at pitong rebounds.

Please follow and like us:
Read More

EX-BENCH PLAYER: AU’s ARANA, NCAA PLAYER OF THE WEEK 

(NI LOUIS AQUINO)

PINATUNAYAN ni Arellano University’s Justin Arana na bilog talaga ang bola nang tanghaling  NCAA Player of the Week ng Chooks-to-Go Collegiate Press Corps matapos akayin sa importanteng panalo ang Chiefs kontra Lyceum of the Philippines University.

Si Arana ay tatlong taon naglaro para sa University of Santo Tomas (UST) ngunit bihira siyang magamit noon, ngunit nag-iba ang kapalaran niya nang lumipat siya sa Arellano University.

Ipinakita ng 6-foot-5 big man ang kanyang “best game so far” sa Arellano sa kanyang “crucial plays in crunch time” sa laro kung saan tinalo ng Arellano Chiefs ang Lyceum Pirates noong nakaraang linggo.

Tumapos si Arana na may 24 puntos, 11 rebounds ay 3 blocks sa 87-81 win ng Chiefs kontra Pirates.

“We talk from time to time and I remind him na magaling talaga siya,” sabi Arellano mentor Cholo Martin.

Hindi lang opensa ang gumana kay Arana sa naturang panalo, ipinadama niya rin ang kanyang depensa sa sentro ng Lyceum na si Mike Nzeusseu na hindi niya pinayagang makaiskor sa fourth quarter.

“Sobrang laking bagay sa akin ngayon ‘to kasi before sa UST, quality minutes lang ako. Binigyan ako ng kumpyansa ng Arellano and ng coach namin,” sabi naman ni Arana.

Kabilang sa mga tinalo niya sa NCAA POW ay sina San Beda University’s Calvin Oftana at Evan Nelle, at San Sebastian College’s Allyn Bulanadi.

Please follow and like us:
Read More

 NCAA SEASON 95 SR. BASKETBALL:  KNIGHTS SINUWAG NG STAGS  

(NI LOUIS AQUINO/PHOTO BY MJ ROMERO)

SWERTENG pumasok ang lay-up ni Ken Villapando sa final 18.5 seconds sa overtime na nagpanalo sa San Sebastian kontra sa Letran, 102-101, sa NCAA Season 95 seniors basketball tournament sa Filoil Flying V Centre, San Juan kahapon.

Nagmintis naman ang winning shot sana ni Bonbon Batiller ng Letran sa huling segundo ng laro na nagselyo sa panalo ng San Sebastian.

Dahil sa panalo ay naputol ang three-game losing streak ng Golden Stags na ngayon ay may 3-3 panalo-talong record, habang bumagsak sa 5-3 kartada ang Knights.

Nanguna para sa San Sebastian si RK Ilagan na umiskor ng 22 points, pitong assists at dalawang rebounds bago nag-foul out 3:52 minuto ang nalalabi sa overtime.

Nagdagdag naman ang teammate nito na si Allyn Bulanadi ng 21 puntos, apat na rebounds at dalawang assists, ang huli ay naging daan sa game-winner shot ni Villapando, nagambag ng importanteng anim na puntos at pitong rebounds.

Isa pang Golden Stags na si Alvin Capobres ang nakaiskor ng double figure 19 points, dalawang assists at dalawang steals.

Dahil sa magandang depensa ng San Sebastian ay nalimitahan nila ang Letran sa 36-percent shooting.

“Every practice, yan ang pinapractice natin, yung defense. Kailangan lang naming gawin yung tama lagi which is box out, rebounds, at sumunod lang sa gameplan,” sabi ni assistant coach Melo Banua, pansamantalang pumalit sa nasuspindeng coach na si Egay Macaraya.

Nagposte si Larry Muyang ng career high 32 points, 18 rebounds, two assists, at two blocks para sa Knights, habang nagambag si Jerrick Balanza ng 21 points, apat na rebounds at apat na  assists.

Please follow and like us:
Read More

TINAMBAKAN: MAPUA PANALO SA JRU

(PHOTO BY MJ ROMERO)

HINDI pinaporma ng Mapua Cardinals ang Jose Rizal University Heavy Bombers, 83-63,  sa NCAA Season 95 seniors basketball tournament Biyernes sa Filoil Flying V Centre, San Juan.

Pinagbidahan ni Laurenz Victoria ang Cardinals sa kinamadang 24 points sa 5-of-9 three-point shooting na sinamahan pa ng apat na rebounds.

Nagdagdag naman si Rookie Paolo Hernandez ng career-best 20 points, five boards, three assists, at two steals.
Dahil sa pangatlong sunod na pagwawagi ay nagimprub ang kartada ng Cardinal sa 3-5 panalo-talo kapareho ng JRU.

“I’m happy and satisfied with the three straight wins. Tinrabaho ng players ko yun, tinrabaho ng buong team and credit sa coaching staff dahil talagang after ng 0-5 start namin, binusisi namin kung saan kami nagkamali at nagawan namin ng paraan at nag-respond ang players,” sabi ni coach Randy Alcantara.

Lamang ng 15 puntos ang Mapua, 63-48, sa fourth quarter ngunit nagrali ang Heavy Bombers at naibaba ito sa walong puntos, 69-61.

Ngunit hindi nagpabaya ang Cardinals na sa pangunguna ni Victoria ay sumagot ng 14-2 para maselyuhan ang panalo.

Nanguna para sa Heavy Bombers si Agem Miranda na nagtala ng 19 points, six rebounds, at two assists habang nagambag si Marwin Dionisio ng 14 points, eight boards, at assists.

Box Scores:
MAPUA 83 — Victoria 24, Hernandez 20, Bunag 10, Bonifacio 8, Lugo 7, Gonzales 5, Nieles 5, Serrano 2, Gamboa 2, Aguirre 0, Garcia 0.
JRU 63 — Miranda 19, Dionisio 14, Delos Santos 10, Macatangay 5, Amores 4, Arenal 4, Abaoag 4, Steinl 3, Dela Rosa 0, Jungco 0, Aguilar 0.  EBG

 

Please follow and like us:
Read More

NCAA JUNIORS BASKETBALL: ARELLANO PINIGIL NG LSGH

(PHOTO BY MJ ROMERO)

PINUTOL ng CSB-La Salle Greenhills ang five-game winning streak ng Arellano sa 74-66 panalo Martes sa NCAA Season 95 juniors basketball tournament sa Filoil Flying V Centre, San Juan.

Pinasan ni RC Calimag ang Greenies sa kanyang 19 points, four rebounds, at two assists habang nagambag ang kanyang mga teammate na sina Kobe Palencia ng 17 points; Jiam Quiambao, 13 points, at Gian Arciaga, 10 points.

Maaga pa ay kinontrol na ng LSGH ang game nang magtala ng 10-puntos na kalamangan, 58-48, na nagawang hadlangan ang ilang pagtatangkang makahabol ng Arellano.

Nanguna para sa Braves si Rodman Templonuevo sa itinalang 16 points at six boards, habang si Adrian Rellama ay nagdagdag ng 13 points, six rebounds, three assists, at two steals.

Magkasalo ngayon sa second place ang LSGH at Arellano na parehong may 5-2 panalo-talo.

 

Please follow and like us:
Read More

NCAA SEASON 95 PUNO NG PAGBABAGO 

MARAMING pagbabago ang magaganap sa pagbubukas ng Season 95 ng National Collegiate Athletic Association (NCAA) sa Linggo sa Mall of Asia Arena.

Sinabi ni NCAA Season 95 host Arellano chairman Francis Paulino Cayco, ang mga pagbabagong ito ay simula ng commemoration ng 100th year ng liga.

Mayroong temang “Kaisa sa Pagkakaiba,” layon ng liga na isulong ang pagkakaisa sa kabila ng matinding kompetisyon sa 10 member schools nito.

“Why did we choose this as the theme?” ani Cayco. “Ang NCAA ay para sa lahat. Wala tayong pinipili — bukas ang liga para sa lahat ng pwedeng makasali dito, bukas ang liga sa lahat ng klaseng tao.

“‘Pag nakita niyo ang composition ng mga teams, ng mga officials, iba-iba ang pinanggalingan. With diversity, there is strength, and therefore it will work for the benefit of the league.”

Ayon pa kay Cayco, gumawa rin ng bagong rules at tournament schedules ang NCAA  Management Committee dahil na rin sa nalalapit na paghohost ng bansa sa 2019 Southeast Asian Games sa Nobyembre-Disyembre.

Ginawa na rin regular sport ng liga ang lawn tennis na susundan ng cheerleading sa susunod na season.

Sisimulan na rin ang bagong sport na “HADO” — isang high-tech game ng dodgeball kung saan magbabatuhan ng “virtual fireballs” ang magkalabang teams– na ipapakilala sa Pilipinas sa pamamagitan ng inter-school tournament.

Ang mananalo ay pupunta sa Japan para maging representante ng bansa sa international HADO Finals.
“Instead of bringing in e-sports, we were very fortunate enough to stumble on what we call techno sports,” ani Dino Laurena ng ABS-CBN Sports. “This is an augmented reality sport, and it has the physicality of a traditional sport.”

“It’s easy enough to learn, and we’re going to bring the HADO gaming set-up so that each of the school communities can see and try for themselves,” dagdag ni Laurena.

Sa halip naman na courtside reporters, mga campus correspondent mula sa member-schools na ang magko-cover sa NCAA games. Ang exclusive stories sa kanilang teams at mga atleta ay ilalabas sa social media at ABS-CBN Sports’ online platforms, at maging ang kanilang vlogs ay ipalalabas sa TV in between games.

Sisimulan ang Season 95 men’s basketball ng paghaharap ng Colegio de San Juan de Letran  at Season 94 finalist Lyceum of the Philippines University sa ala-2 ng hapon, na susundan ng laban ng hosts Arellano at three-time defending champion San Beda University sa alas- 4 ng hapon.

Please follow and like us:
Read More