KTV BAR FOR CHINESE ONLY; P15K BAWAT GRO, SINALAKAY NG NBI

(NI ROSE PULGAR /PHOTO BY JOVEN ORTEGA)

NI-RAID ng mga tauhan ng National Bureau of Investigation (NBI) ang isang high-end KTV bar na sinasabing ginagamit umano sa prostitution at na-rescue ang  91 mga babaeng Chinese national at apat na Pinay sa Makati City, Lunes ng gabi.

Nadakip din ang walong kalalakihan na ang apat dito ay Chinese national at ang apat pa ay pawang mga Filipino.

Base sa report, dakong alas-11:00 ng gabi nang isagawa ang pagsalakay ng mga tauhan ng Anti- Fraud Division ng NBI ang Sky Scope International KTV Bar sa Yakal St., Barangay San Antonio Village, nang nasabing lungsod.

Ayon kay Atty. Jun Astreto, executive officer ng Anti-Fraud Division, nakatanggap sila ng tip, na isang KTV bar ay ginagawang prostitution den.

Agad ikinasa ang dalawang linggong surveillance at isang asset ang nagpanggap sa pamamagitan ng pagbo-book nito sa online application sa halagang P29,000.

Naka-line-up ang mga babae na ang presyo ng bawat isa ay nasa P15,000 na bibigyan pa aniya ng vip treatment kapag nakapili na ng babae.

Pahayag pa ni Astreto na bawal sa nabanggit na KTV bar ang customer na Pinoy.

Nang magpositibo, dito na dinakip ang walong suspect at ang 91 na babae dayuhan at apat na Pinay na na-rescue at nakumpiska mula sa KTV bar ang iba’t ibang condom.

Sinabi pa ni Astreto, ito na ang ikatlong insidente na mga dayuhang kababaihan  ang na-rescue  dahil sa pagkakasangkot ng mga ito sa sex trade.

Magugunitang noong Setyembre 4, anim na kababaihang Vietnamese national ang na-rescue mula sa isang condominium sa nabanggit na barangay at sumunod naman noong Setyembre 18 kung saan 53 mga babaeng dayuhan ang na-rescue, 9 na lalaking Chinese national at apat na babaeng Chinese sa Diamond Bay Tower , Baclaran Paranaque  City, na ginagamit ang mga ito sa prostitution.

Agad naman dinala ang mga naaresto sa NBI at sasampahan ng kasong paglabag sa Republic Act 10364 (Expanded Anti-Trafficking in Persons Act of 2012) ang walong suspect na naaresto.

Isasailalim naman sa documentation ang mga Chinese national upang alamin kung ang mga ito ay legal na nakapasok sa bansa para magtrabaho dito.

 

Please follow and like us:
Read More

NIGERIAN SCAMMER PATAY, 3 HULI SA HUMAN TRAFFICKING, CYBERCRIME

(NI HARVEY PEREZ)

ISANG Nigerian national ang napatay habang nadakip naman ang tatlo katao ng mga tauhan ng National Bureau of Investigation-Cyber Crime Division at Anti Human Trafficking , kasama ang dalawang bading na ang isa ay menor de edad at nagbubugaw ng mga menor de edad,   sa isinagawang magkahiwalay na operasyon sa Cavite at Pasig City.

Sa ginanap na press conference,  napatay si  Okoroike Harrison Chibuike, Nigerian national habang arestado si Eduard Parcedes Godoloson, ng 135 St. Michael Subd.Talaba 7, Bacoor, Cavite City noong Setyembre 17.

Nagpanggap pa umanong miyembro ng Philippine Army si Godoloson at tinangka pang itaboy ang mga ahente ng NBI na aaresto sa kanila matapos pagsinungalingan mayroon umano silang on going operation sa lugar.

Hindi naman pinaniwalaan ng NBI ang dahilan ng suspek dahil nagsagawa na sila ng surveillance base sa mga ibinigay sa kanilang impormasyon na sangkot ang dalawa sa online scam kung saan target na biktimahin ay mga Pinay.

Pumalag umano si Chibuike sa NBI dahilan para ito barilin na naging sanhi ng kanyang kamatayan.

Samantala, inaresto rin ng NBI sa Pasig City ang mga suspek na sina Alvin Baldomar, alyas Maja Nicolas, 21; at  Jojo alyas Janet, 17, dahil sa pagbubugaw sa may na kababaihan na menor de edad.

Ibinubugaw umano ng mga suspek sa mga parukyano nila sa online ang mga biktima.

Itinurn-over ang mga kabataang nasagip sa Department of Social Welfare and Development(DSWD).

Sinampahan naman ng kasong  paglabag sa RA 9208(Anti Trafficking in persons Act of 2003) at paglabag sa  RA 7610 (Special Protection againstbchild abuse, exploitation and discrimination) ang dalawang suspek.

 

Please follow and like us:
Read More

KILLER NG RTC JUDGE, ARESTADO

(NI HARVEY PEREZ)

ARESTADO ng pinagsanib na tauhan ng National Bureau of Investigation-Tagum, Naval Intelligence Service Group-Eastern Mindanao(NISG-EM) at Philippine National Police (PNP), ang isa sa tatlong suspek sa pagpatay kay Judge Reymar Lacaya, presiding justice ng RTC Branch 28 Liloy noong Setyembre 2 sa Mati, Davao Oriental.

Iprinisinta ni NBI Deputy director Ferdinand Lavin, ang suspek na si Juliver Cabating, job order personnel ng  RTC Branch 28 at driver at striker ni dating judge Oscar Tomorong, pinalitan na judge ni Lacaya.

Ayon kay  NBI Deputy Director for Regional Office Operation Service Antonio Pagatpat, si Cabating at ang dalawa pang suspek na sina  alyas Jerry at Ramil ay magkakasamang kumakain sa isang lechon house malapit sa korte bago maganap ang krimen, base sa CCTV.

Nabatid na si Lacaya ay pinagbabaril ni Cabating dakong alas 2:45 ng hapon sa loob ng Branch 28 kung saan nagtamo ng dalawang tama ng bala sa kanang pisngi si Lacaya.

Alas 2:48 ng hapon nang makita sa CCTV na nakasakay ng motorsiklo si Jerry at Ramil.

Ayon kay Pagatpat, sinabi ng misis ni Lacaya noong Mayo 5, ilang araw bago siya mapaslang na galit umano sa kanya si Tomorong kung saan may kinalaman umano sa kanilang trabaho ang ikinagagalit nito.

Base sa mga nakuhang ebidensiya sa tatlong suspek ,nagkaroon ng malinaw na indikasyon na sila ang nasa likod ng pagpaslang sa hukom dahilan para kasuhan sila ng murder.

 

Please follow and like us:
Read More

PINOY WANTED SA EUROPOL VS CHILD SEX HULI NG NBI

(NI JULIE DUIGAN)

PINAGSANIB na  puwersa ng National Bureau of Investigation-Anti-Human Trafficking Division (NBI-AHTRAD) at  Philippine National Police-Women and Children Protection Center (PNP-WCPC) ang umaresto sa isang 32-anyos na Pinoy na no. 1 most wanted criminal sa talaan ng European Police Office (Europol)  dahil sa pagpapakalat ng  child sexual exploitation materials (CSEM) sa ‘dark web’.

Iniharap sa mga mamamahayag, sa pangunguna ni NBI-AHTRAD chief, Atty. Janet Francisco, ang suspek na nakilalang si Nelson Siacor Torayno.

Si Torayno ay nadakip sa kanyang inuupahang silid sa  Barangay Luz, Cebu City noon pang Abril 12, 2019 subalit sinadyang  inembargo ang pagpapalabas ng press release upang bigyang-daan ang malalimang imbestigasyon.

Ayon sa NBI at PNP, nasa walong kabataan na may edad 3-11 ang na-rescue nang dakpin si Torayno at nakumpiska mula sa kanya ang libong larawan at videos na naglalaman ng mga sexual na pangmomolestiya  sa mga bata  na sinasabing ibinebenta sa online sa pamamagitan ng ‘dark web’ upang hindi siya matunton.

Nag-ugat ang pag-aresto  nang makipag-ugnayan ang Queensland Police Service (QPS) sa Australian Federal Police (AFP), na ini-refer naman sa NBI at PNP.

Nakakuha ng search warrant noong Abril 11 sa Cebu City Regional Trial Court Branch 11 na ginamit sa pagsalakay sa bahay ni Torayno.

Suportado naman ng International Justice Mission (IJM) ang  Philippine Internet Crimes Against Children Center (PICACC), na noong nakalipas lamang na Pebrero inilunsad, at ang  international partner agencies na  Australian Federal Police (AFP), United Kingdom National Crime Agency (NCA)  na pawang may layunin na sawatain ang child exploitation sa bansa at  transnational  child abuse.

Modus ng suspek na kaibiganin ang mga batang nahihilig sa computer shop sa pamamagitan ng pagbibigay ng pambayad  at saka kukumbidahin sa ibang lugar upang ipagawa ang mga malalaswang eksena sa larawan at video.

Isinailalim sa trauma-informed interventions ang mga naisalbang 8 kabataan na nasa edad  3 hanggang 11 anyos , mula sa Cebu at  8-anyos mula sa Iligan City.

Nahaharap ang suspek sa paglabag sa Anti-Trafficking in Persons Act o Republic Act 9208 (as amended by RA 10364), RA 10175 o Cybercrime Prevention Act, RA 9775 o Anti-Child Pornography Act of 2009 at RA 7610 o Cild Abuse Law.

Please follow and like us:
Read More

MISIS 7-BUWAN CYBER SEX SLAVE NG SRI LANKAN NA MISTER

arrested12

(NI HARVEY PEREZ)

NASAKOTE ng mga operatiba ng  National Bureau of Investigation (NBI), ang isang Sri Lankan national na  inireklamo ng kanyang misis na Pinay matapos siyang gawin na “cyber sex slave” sa loob ng pitong buwan at molestiyahin ang kanyang anak na babae , Biyernes ng gabi sa  San Jose Del Monte, Bulacan.

Napilitan nang ireklamo sa NBI ng ginang na hindi na pinagalanan ang suspek na Sri Lankan national bilang proteksiyon sa kanilang mag-ina nang maging ang kanyang anak na babae sa unang relasyon ay sinimulan na rin nitong molestiyahin.

Dakong alas 8:00 ng gabi nang arestuhin ang suspek sa loob ng kanilang bahay.

Sinabi ng ginang na ibinebenta ng suspect sa online sa mga dayuhan tuwing isasagawa ang pang-aabuso sa kanya.Nalaman din na pinadalhan na rin ng suspek ng mga kopya ng video ang kanilang mga kamag-anak.
Inamin naman ng dayuhan ang pang-aabuso dahil wala siyang pera.

“It’s because we don’t have any option, I don’t have money,” tugon mg dayuhan kay Special Agent Ronald Aguto, hepe ng NBI Interpol kung bakit ginawa ito ng dayuhan sa kanyang asawa at step daughter.

Inihahanda na ng NBI, ang pagsasampa sa dayuhan  ng kasong paglabag sa RA 9208 o Anti-Trafficking in Persons Act of 2003, RA 9262 o Anti-Violence Against Women and Children Act of 2004, at Cybercrime Prevention Act of 2012, sa suspek.

 

Please follow and like us:
Read More

3 KOREANO TIMBOG SA BENTAHAN NG PUSLIT NA YOSI

(NI JULIE DUIGAN/PHOTO BY KIER CRUZ)

BINITBIT ng mga tauhan ng National Bureau of Investigation -Special Action Unit,ang tatlong koreano ,  na nagbebenta nang may P500,000 smuggled na sigarilyo nitong  Martes sa Bacoor,Cavite.

Kasalukuyang nasa kustodiya ng  NBI detention cell sa Taft Avenue sa Ermirt ,ang mga suspek na nakilalang sina Young Kook Kim,Jong Kook Choi,Gee Pong Lee.

Batay sa ulat ni NBI Director Dante Gierran, nakatanggap sila ng impormasyon kaugnay sa iligal na aktibidad ng tatlong suspek at nang makumpirma ay kaagad na ikinasa ang entrapment operation.

Nagpunta sa shop ni Choi,ang nagpanggap na poseur buyer  na mga ahente ng NBI  sa  Unit 3 & 4 Zapote V.Longos,Bacoor at nang hanapan ng dokumento ay walang maipakita ang mga suspek kaya kaagad silang binitbit.

Kinumpiska ng NBI ang mga puslit na sigarilyo na nagkakahalaga ng P.5 milyon.

Sinampahan ng kasong paglabag sa RA 10863 (Custom Modernization and Tariff Act) ang mga suspek sa  Department of Justice-Task Force -Anti Smuggling.

Please follow and like us:
Read More

ENGINEER  KINASUHAN SA PAGPASLANG SA MISIS

crime34

(NI ROSE PULGAR)

KASONG parricide ang isinampa ng Paranaque City Police laban sa inhinyero na pumaslang umano sa sariling misis na nagtamo ng mahigit sa 100 saksak sa iba’t-bang bahagi ng katawan.

Ayon kay Police Col. Rogelio Rosales, hepe ng Paranaque City Police, kinasuhan nila si Noel Torres dahil  lumitaw sa imbestigasyon na siya lamang umano ang itinuturong may dahilan, may history at ng mga sirkumstansya na papatay sa kanyang asawang si Christina.

Magugunitang Hunyo 11 ng hapon, inireport ni Torres sa pulisya at mga kapitbahay na inabutan niya ang kanyang misis na naliligo sa sariling dugo at tadtad ng tama ng saksak sa iba’t ibang bahagi ng katawan.

Isinumbong din nito sa pulisya na dinistrungka ang kanilang vault pero wala naman nakuhang pera at tanging cellphone lamang ang nawala sa kanilang bahay  na pag-aari ng biktima.

Unang pinaghinalaan ang mga construction worker sa tabi ng kanilang bahay na may kagagawan sa krimen.

Sinabi pa ni Rosales, natunton nila na bago mapatay ang ginang, inireklamo na nito ang mister na si Noel dahil sa pananakit dahil umano sa selos.

Base naman sa panig ni Torres, sinabi ng kanyang abogadong si Atty. Jojo Ticman, na may pruweba na nasa trabaho ang kanyang kliyente nang mangyari ang krimen.

Humiling naman sila ng parallel investigation sa National Bureau of Investigation (NBI) hinggil sa insidente.

Hihintayin din ang resolusyon ng piskalya ng Paranaque sa isinagawag pagsampa ng nasabing kaso.

 

Please follow and like us:
Read More

SIYAM TIKLO SA SHABU SA MALACANANG COMPLEX

palasyo shabu12

(NI JULIE DUIGAN/PHOTO BY KIER CRUZ)

SIYAM katao ang dinakip ng mga ahente ng National Bureau of Investigation-Task Force Against Illegal Drugs (NBI-TFAID) sa serye ng anti-illegal drugs operations sa Malacanang Complex, Paco, Maynila, iniulat ngayong Biyernes.

Iniharap sa media  ang mga suspek na sina Rolando Laya, Bryan Jason Batrina, alyas “Ian”, Melvin Santiago, Freddie Nacion Jr., Esperanza Pido, Joan Garcia, Ronnie Gonzales Lao, Sulpicio Reyes Cassiler Jr., at Leonardo Dela Cruz Asa.

Ayon kay NBI Assistant Director for Intelligence Service Eric Distor, sa bisa ng search warrants ay sinalakay nila ang bahay nina Nacion, Pido at Garcia sa Barangay 662, Paco, na nakuhanan ng anim na plastic sachet ng shabu at drug paraphernalia noong Lunes, Hunyo 17.

Nang isailalim sa drug test ay nagpositibo ang tatlo.

Kasabay nito, ibang grupo ng NBI-TFAID naman ang nagtungo sa bahay ni Lao sa Barangay 831 Paco, kung saan naaktuhan naman sa ground floor ng stock room sa isang shabu  session ang mga suspek na sina Lao, Cassiler at Asa , kung saan nasamsam naman ang walong plastic sachet ng shabu, isang sachet ng marijuana, isang baril na may magazine at kargado ng mga bala.

Nag-ugat ang pag-aresto sa mga suspek nang magbigay ng impormasyon ang Presidential Security Group (PSG) hinggil sa pagtutulak umano ng iligal na droga nila Laya at Batrina  sa Malacanang complex. Ikinasa ang buy-bust operation noong Hunyo 6,  at nagawang maka-transaksiyon si Laya at naideliber ito kinabukasan sa loob ng Malacanang compound kung saan inaresto sina Laya, Batrina at Santiago. Positibo rin sila sa paggamit ng droga batay sa drug test results.

Nakakuha rin ng impormasyon sa PSG ang NBI na may iba pang drug den sa loob ng Malacanang Complex dahilan para isunod namang salakayin at madakip ang iba pang suspek.

 

Please follow and like us:
Read More

5 BRANCH NG PERYAHAN NG BAYAN IPINASARA NG NBI, PCSO

perya12

(NI KIKO CUETO)

BACOLOD CITY — Ipinasara ng National Bureau of Investigation (NBI) ang nasa limang branch ng Peryahan ng Bayan sa Negros Occidental.

Ayon sa NBI, ito ay dahil na rin sa iligal na pasugal.

Armado ng search warrant, pinasok ng mga operatiba ang mga branch ng Peryahan ng Bayan sa lalawigan nitong Linggo.

Agad na naaresto ang 36 na kolektor at staff ng peryahan.

Sinabi naman ni Atty. Renoir Baldovino, hepe ng NBI Bacolod, 2014 nang bigyan ng Philippine Charity Sweepstakes Office (PCSO) ng deed of authority ang isang kompanya na mag-operate ng peryahan games sa Negros Occidental.

Pero lumalabas na hanggang 2016 lamang ang deed of authority na ito at hindi na ito na-renew.

Paliwanag ng NBI, dahil diyan ay malinaw na maituturing nang ilegal ang patuloy na operasyon ng mga Peryahan ng Bayan.

Noong 2018, dalawang branches din ang nagawang maisara ng PCSO sa tulong ng NBI.

Ilan sa mga paglabag na nakita ng NBI ang kawalan ng point of sale (POS) device, na siyang naglalabas ng resibo para sa mga taya.

Kinakailangan din na magkaroon ng kinatawan ng PCSO sa bawat gagawing draw.

Bukod dito, hindi rin umano nagre-remit ang mga peryahan ng kanilang kita sa PCSO.

Ipinasara ang mga branch na nasa bayan ng Murcia, E.B. Magalona, Hinigaran, Himamaylan City at Victorias City.

Haharap ng kasong paglabag ng Republic Act 9287 ang mga nahuli na kasalukuyang nasa kustodya ng NBI Bacolod.

 

 

Please follow and like us:
Read More

3 PULIS NA PUMATAY SA ANAK NG MAYOR, LAGLAG SA NBI

sariaya12

(NI JUN V. TRINIDAD)

LUCENA CITY – Pormal na inaresto ng pulisya at mga ahente ng National Bureau of Investigation (NBI) noong Lunes ang tatlong pulis na hinihinalang nasa likod ng pagpaslang sa anak ng mayor ng Sariaya, Quezon at isang kasama nito.

Si PCol. Ramil Montilla, Quezon police director at mga operatiba ng NBI ang naghain ng warrant of arrest laban kina PLt.Col. Mark Joseph Laygo, PCpl. Lonald Sumalpong at PPat. Robert Legaspi, sa police mobile force headquarters sa Camp Soledad Dolor sa bayan ng Candelaria bandang alas-6:00 ng gabi.

Dinala ang mga suspek sa tanggapan ng NBI sa Lucena City para sa kaukulang imbestigasyon at disposisyon.

Ang tatlong pulis ang hinihinalang pumatay kina Christian Gayeta at Christopher Manalo noong Marso 14 sa Tayabas City subalit hindi sa naganap na encounter o shootout batay sa inilabas na police report.

Si Christian ay anak ni Sariaya Mayor Marcelo Gayeta.

Batay sa investigation report ng NBI, walang encounter o shootout na naganap.

“Ang mga biktima ay pinatay mismo ng mga pulis,” ang pagbibigay-diin ni Dominador Villanueva, agent in charge ng NBI Lucena district office.

Noong Marso 22 ay sumuko ang mga suspek kay Chief Supt. Edward Carranza, Calabarzon (Cavite,Laguna,Batangas,Rizal,Quezon) police regional director.

 

Please follow and like us:
Read More

KILLER NG PSG NAARESTO MATAPOS ANG 13-TAON SA LAGUNA

nbi12

(NI JULIE DUIGAN)

MULA pa sa 13 taong pagtatago, naaresto na  ang isang convicted murderer na may kinakaharap pang kasong murder sa Manila court sa pagpatay sa isang pulis na miyembro ng Presidential Security Guard (PSG) noong 2016, matapos madakip ng mga tauhan ng National Bureau of Investigation-Task Force Agianst Illegal Drugs (NBI-TFAID) noong Lunes, sa San Pedro, Laguna.

Iniharap sa mga mamamahayag ni  Atty. Ross Jonathan Galicia, hepe ng NBI-TFAID, ang suspek na nakilalang si Ronnie Rivera, alyas ‘Ogie’ , na convicted sa kasong murder dahil sa pagpatay sa isang Ervick Limpin, sa Maynila noong 2002.

Pinagtibay naman ng Court of Appeals (CA) ang desisyon ng Mababang Korte noong Setyembre 2015 na guilty sa kasong murder si Rivera.

Disyembre 2016 ay naglabas naman ng warrants of arrest ang Manila Regional Trial Court (RTC) para sa kasong murder laban kay Rivera at kanyang mga kasamahan sa pamamaril na ikinamatay ni PO2 Gabriel Gabriel, dating nakatalaga sa Malakanyang, residente ng no. 335 Coral St., Tondo noong Hunyo 19, 2016, na ikinasugat sa ulo ng isang kitchen helper na si Crisanto Lozano.

Marso 19, 2019 nang makatanggap ng impormasyon ang NBI-TFAID na namataan si River a sa Harmony Homes, San Pedro, Laguna kaya agad nagsagawa ng casing at surveillance ang lugar ng mga tauhan ni Deputy Director Eric Distor at maaresto nitong Abril 1.

Nasamsam mula kay Rivera ang isang kalibre 45 baril at magazine na may 5 bala at 14 na bala ng kalibre 38 baril.

Nakuha din sa kaniyang silid ang isang BIR Tin ID na may pangalang “Randy De Guzman”; at Philhealth ID na may pangalang “Mike Dela Cruz Viola” na pinaniniwalaang ginagamit na mga pangalan sa pagtatago.

Isinailalim na sa inquest proceedings sa Prosecutor’s Office ng San Pedro City si Rivera sa mga bagong kasong kahaharapin kaugnay sa .paglabag sa Republic Act 10591 (Comprehensive Firearms and Ammunition Regulation Act) at Batas Pambansa n0.881 (Omnibus Elctions Code of the Phils) at RA 6085 (Illegal Use of Alias).

 

Please follow and like us:
Read More

3 KILONG COCAINE BYAHENG THAILAND NASABAT; 3 ‘COURIER’ HULI

NBI12

(NI JULIE DUIGAN/PHOTO BY KIER CRUZ)

NAHULOG sa kamay ng mga tauhan ng National Bureau of Investigation (NBI) ang tatlong ‘courier’ ng iligal na droga na sinasabing mga recruit ng mga asawang Pinay ng miyembro ng Western African Drug Syndicate (WADS) nang makuhanan ng mahigit 3 kilong cocaine sa tangkang pagpuslit patungong Thailand, sa magkasunod na operasyon sa Pasay at Pasig City, iniulat kahapon.

Sa pulong-balitaan sa NBI headquarters kahapon, ipinrisinta sa mga mamamahayag ang mga suspek na kinilalang sina Ma. Clara Q. Bedico, Alvin J. Avila, at Antonette R. Mendiola, matapos isailalim sa inquest proceedings sa Department of Justice (DOJ) sa paglabag sa Section 11 (Possession of Dangerous Drugs) at Section 5 (Transportation of Dangerous Drugs ) na may kaugnayan sa Section 26 (Conspiracy to Transport Dangerous Drugs) sa ilalim ng Republic Act 9165.

Sinabi ni  NBI deputy for investigative services Vicente De Guzman III na Marso 28, 2019 nang makatanggap sila ng impormasyon hinggil sa ibibiyaheng cocaine ng isang Pinay patungo sa Thailand.

Nakipag-ugnayan sa Philippine Drug Enforcement Agency (PDEA) ang NBI at sa Pasay Police  at  kaagad pinababa sa eroplanong patungong Thailand si Bedico at naroon si Avila na umaalalay sa kaniya, para sa pagpapalusot ng travelling bag na nadiskubreng nakapalaman sa loob ng limang pirasong hard-bound childrens book  ang cocaine na nasa 3,297.5 kilos.

Nabatid na si Bedico at Avila ay nakatakdang makipagkita rin sa isa pang suspek na si Mendiola sa isang motel sa Pasig City para magkostudi pansamantala ng travelling bag na may lamang cocaine, habang naghihintay pa ng rebooking sa flight patungong Thailand si Bedico.

Agad ikinasa ang follow-up operation nitong Marso 29 at nadakip sa isang motel si Mendiola.

Ayon pa sa NBI, ang mga suspek na Pinoy ay nare-recruit lamang sa pamamagitan ng Facebook ng mga Filipina partners ng mga miyembro ng WADS. Nagiging interesado umano ang mga Pinoy na tanggapin ang alok na trabaho na inakala sa una ay magdedeliber lamang ng mga alahas sa iba’t ibang bansa.

Ang nasabing cocaine ay nakatakdang dalhin din mula Thailand patungong Brazil, ayon sa NBI.

Patuloy pang iniimbestigahan ang mga personalidad na nasa likod ng nasabing sindikato.

 

Please follow and like us:
Read More

14 PULIS SIBAK SA P2-B INVESTMENT SCAM

scam12

(NI BONG PAULO)

TINANGGAL sa kanilang puwesto ang 14 na mga pulis ng Police Regional Office o PRO 12 na sinasabing sangkot umano sa Pulis Paluwagan Movement o PPM investment scheme habang iniimbestigahan sa mahigit P2 billion-peso investment scam.

Ayon kay PRO 12 Public Information Officer, Police Col. Aldrin Gonzales,  nitong Biyernes ay tinanggal na sa kanilang pwesto sina Police Lt. Col Henry Binas, Senior Master Sergeant Margild Aranas, Master Seargents Dervin Baluran, Francis Gee Caravalle at Roderick Ringon.

Tanggal din sina Staff Sergeants Joemar Abella, Roger Agodania at Jeannete Dosdos. Kasama ng mga ito ang mga Corporals na sina Rhodora Bombita, Richelle Reyes, Joy Butchie Mae Caravalle, at Daisy Babe Javierto at maging ang mga Patrolman na sina Kristin Buta at Venue Amor Velasco.

Sinabi ni Gonzales na ang pagtanggal sa mga pulis ay ipinag-utos mismo ni PNP 12 Regional Director ni Police Brig. Gen. Elesio Tam Rasco.

Matatandaan na noong Lunes ni-relieve rin ni PNP Chief, General Oscar Abayalde sina PRO 12 Directorial Staff Col. Manuel Lukban at General Santos City Police Director Col. Raul Supiter.

Ang mga ito ay inilipat sa police holding and accounting unit of the Directorate for Personnel Records and Management sa Camp Crame. Ayon kay Gonzales, ito ay bahagi ng standard operating procedure para maiwasan na makaimpluwensya ang mga ito sa imbestigasyon.

Tiniyak din ni Gonzales ang patas na imbestigasyon ng Criminal Investigation and Detection Group o CIDG 12 nasabing investment scam. Nagsasagawa na rin ng hiwalay na imbestigasyon sa nasabing usapin ang National Bureau of Investigation (NBI).

 

Please follow and like us:
Read More

18 CHINESE NATIONAL HULI SA ONLINE GAMBLING

chinese12

(NI JULIE DUIGAN/PHOTO BY KIER CRUZ)

BINITBIT ng mga tauhan ng National Bureau of Investigation-Cybercrime Division (NBI-CCD), ang 18 Chinese national na sangkot sa iligal na online gambling sa isinagawang pagsalakay sa isang gusali noong Marso 18 sa Angeles City.

Iprinisinta ni NBI Deputy Director Ferdinand Lavin ang mga naaresto sa tanggapan ng  Royal Priggish International Development Corp. na matatagpuan sa 3rd floor ng Saver Mall Bldg., Mc Arthur, Highway Balibago, Angeles City.

Ang raid ay isinagawa sa bisa ng search warrant na inisyu ng Capas, Tarlac RTC, Branch 66.

Nakumpiska sa gusali ang mga mobile phones, desktop computers, laptops, blank Java cards, skimming device, iba’t ibang debit cards, hindi pa nagagamit na sim cards, flask drive, routers at network hubs.

Nakatanggap umano ng impormasyon ang NBI kaugnay sa operasyon ng illegal online gambling at nang makumpirma ang operasyon ay kaagad ikinasa ang raid.

Sinampahan ng kasong paglabag sa Access Device Regulation Act, PD 1602 (illegal gambling)  as amended in relation to RA 10175 kilala bilang Cybercrime Prevention Act of 2002.

Please follow and like us:
Read More

NBI PAPASOK SA SILAWAN RAPE-SLAY PROBE

cebu12

(NI TERESA TAVARES)

PASOK na rin ang NBI sa imbestigasyon sa brutal na pagpaslang sa dalagitang si ChristineSilawan sa Lapu-Lapu City, Cebu.

Sa Department Order Number 117 na pirmado ni Justice Secretary Menardo Guevarra, inatasan nito ang NBI na magsagawa ng imbestigasyon at case build-up laban sa mga nasa likod ng pagpatay at hinihinalang paggahasa sa 16 anyos.

Ipinasusumite rin ni Guevarra sa NBI nang direkta sa kanyang tanggapan ang mga reports kaugnay sa imbestigasyon nito sa insidente.

Natagpuan ang bangkay ng biktima sa Sitio Mahayahay sa Barangay Bankal na may mga saksak sa katawan at wala nang damit pang-ibaba. Binalatan din ang mukha ng dalagita at kinuha rin ang ilang internal organs nito.

Please follow and like us:
Read More

PITONG CHINESE NATIONAL TIMBOG SA KIDNAP

nbi12

(NI JULIE DUIGAN)

BINITBIT ng mga tauhan ng National Bureau of Investigation (NBI) ang pitong Chinese national na sangkot sa pagkidnap sa isa nilang kababayan,  Linggo ng hapon sa isang Condominium sa Pasay City.

Martes ng hapon ay ipinirisinta nina Vicente de Guzman, deputy director for Investigation Service at  Atty. Emetrio Dongallo, Jr. Chief SAU, ang mga suspek na sina  Liu Shenshui,Deng Shuijin,Xiong Jinxiang,Xiong Jonpeng  ,Xiong Jilong,Luo Gen Jin, at Chen Yiguo, pawang Chinese nationals at mga turista  na kadarating lamang umano sa bansa.

Ang mga suspek ay sinampahan ng kasong kidnapping at serious  illegal detention sa  Pasay City Prosecutors Office.

Ang pag-aresto sa pito ay matapos na magreklamo si Jian Shi Lun, kapatid ng biktimang si  Jian Shi Xin na dinukot ng mga suspek sa Okada Manila sa Paranaque City at dinala sa hindi alam na condominium, doon idinetine at sinaktan ng mga suspek.

Pinayagan umano ng mga suspek ang biktima na makatawag sa kanyang kapatid para  ipaalam ang kanyang sinapit na pinuwersa ito na magbayad ng P200,000.

Nag-ugat umano ang pagkidnap sa biktima matapos na umuwi sa China ang kanyang kaibigan na nangutang sa mga suspek na umano’y nagpi-finance sa casino.

Hindi umano nakabayad ang kaibigan ng biktima sa mga suspek  kaya siya ang kinuha para ma-pressure ang kaibigan nito na magbayad ng kanyang inutang sa mga suspek.

Sinabi ni De Guzman na kinasuhan ang mga suspek dahil wala naman utang sa kanila ang biktima pero kinidnap nila ito.

 

 

 

 

 

Please follow and like us:
Read More

19-TAON ANG NAKALIPAS, PULIS ARESTADO SA TORTURE NG PRESO

torture1

(NI JULIE DUIGAN/PHOTO BY KIER CRUZ)

NAKAMIT din sa wakas ang hustisya — matapos ang 19 taon  paghihintay – nang madakip ang isang pulis na sangkot sa pagtorture sa bilanggo ng Police Community Precinct sa Tondo, Maynila.

Inaresto si PO1 Nonito Binayug, sa kanyang bahay sa Tondo, Maynila nang salakayin ng mga tauhan ng National Bureau of Investigation (NBI).

Unang naaresto ang kapatid nitong si dating Sr.Insp. Joselito Binayug na noon ay Block Commander ng  Manila Police District -Asuncion PCP, na sakop ng Station 2. Kasalukuyan itong nakatalaga sa New Bilibid Prisons sa Muntinlupa.

Nabunyag ang pagpapahirap na ginawa ng mga ito nang lumabas sa telebisyon ang sinasabing pagtorture sa isang bilanggo.

Base sa ulat ni Atty. Emeterio Dongalo, hepe ng  NBI -Special Action Unit (NBI-SAU) noong 2010 pa naganap ang pagtortyur kay Darius Evangelista.

Dahil dito, nahaharap  ang mag-utol sa  paglabag sa Republic Act 9745 o Anti-torture Act.

Matatandaang kumalat ang  video ng torture kay Evangelista kung saan makikita ,  habang nasa loob ng PCP sa Tondo ,  inilalabas ang ari nito at hinila ng ilang ulit gamit ang tali.

Please follow and like us:
Read More

IMPOSTOR NI PRES’L SPOKESPERSON PANELO HULI NG NBI

panelo

(NI CHRISTIAN DALE)

MAGSISILBING babala sa mga manggagantso ang nangyaring pag-aresto sa impostor ni Presidential spokesman at Chief Presidential Legal Counsel Salvador Panelo.

Ayon sa orihinal at tunay na Sec. Panelo na mahuhuli ng batas ang mga impostor na manloloko at mapapanagot sa batas.

“The person who has been swindling people misrepresenting himself to be me has been arrested in Cebu City last week. And this should serve as a warning to all that the law will always catch up on you people who misrepresents and commit fraud. And of course also caution to those subject of deceit to be more careful and if you think that you are talking to somebody you thought you knew the best way is to call that person. Because when they communicate they use Facebook account so you don’t see the face or twitter or messenger. So the best way is to call,” ayon kay Panelo.

Simple lamang aniya ang estratehiya ng mga manlolokong ito sa pagkuha ng pera mula sa kanilang bibiktimahin.

Una aniya ay hihingi ng donasyon kung saan ay tatawagan ang mga mayayaman at malalapit na kaibigan ng kanilang target at magpapanggap na siya ang hihingi ng donasyon.

“Like in my case… for instance, in my case one of them said that I was asking for some donations. So they will call friends of mine who are wealthy people and will pretend that I am the person asking for donations, that’s one; another one naman iyong iba naman involved yata sa… nakakulong iyong kanilang spouse, relative or children and they will say na… kunwari ako daw iyong nagsasabi, ‘Oh gawan natin ng paraan, puwede nating ipa-release iyan with an amount involved.’ Oh eh ‘di iyon namang ano na gustong ma-release iyong kanilang… or ma-pardon, magbibigay, magde-deposit ng pera. And they always using the bank, they will never appear,” aniya pa rin.

Tinukoy ni Sec. Panelo si dating senador Jinggoy Estrada na nabiktima rin ng kanyang impostor.

Nagkita aniya sila sa isang party at sinabi sa kanya na  ‘Sec., hindi pala ikaw iyon? Akala ko ikaw iyon eh. Kaya lang nagduda ako noong… when I was asking for your personal number, hindi niya maibigay.’

“So sabi ko… fraud. Hindi, hindi na nga natuloy eh kasi nagduda na siya eh, hindi na niya… noong tinanong niya raw, ‘Can you give me your number?’ Hindi na raw ano, biglang pinutol na communication. Hindi ko alam kung—Ang alam ko iyong isang kaibigan ng isang mayaman na nagbigay ng 200,000, iyong isa namang kaklase ko 100,000 daw ang dineposit niya. Hindi, hindi iyon politician.

Sa ikinasang entrapment operation, naaresto ang isang lalaki na nagpakilala na siya si Presidential spokesman at Chief Presidential Legal Counsel Salvador Panelo.

Ayon sa National Bureau of Investigation (NBI), gumawa ang suspek na si Jose Villafuerte ng Facebook account umano ng Office of the Chief Presidential Legal Counsel o (OCPLC).

Mayroon pa itong pangalan at larawan ni Panelo.

Nag-post umano si Villafuerte ng mga legal updates at announcements na kinopya mula sa official account ng (OCPLC).

Isinagawa ng N-B-I ang operasyon sa bahagi ng Cebu City noong February 21.

Humiling kasi ang (OCPLC) na imbestigahan ang naturang poser account.

Marami aniya ang nagpapadala ng mensahe, inquiries na si Panelo lamang ang otorisadong sumagot.

Ginamit pa umano ang poser account para humingi ng pera mula sa tao para umano sa mga proyekto ng tagapagsalita ng Pangulo.

Mahaharap si Villafuerte sa mga kasong paglabag sa computer-related identity theft, obstruction of justice, unlawful use of alias, use of falsified documents, falsification of public documents, usurpation of authority or official functions, at use of fictitious name concealing true name.

 

Please follow and like us:
Read More

TAUHAN NG COAST GUARD SINIBAK SA KOTONG

coast1

(NI JULIE DUIGAN)

SINIBAK na sa puwesto ang isang personnel ng Philippine Coast Guard (PCG) makaraang bitbitin ng  mga tauhan ng National Bureau of Investigation (NBI) sa isang entrapment operation sa Palawan.

Kinumpirma ni PCG Spokesman Capt. Armand  Balilo, na inilagay sa preventive suspension si Ensign Allison Tindog, operations officer ng Coast Guard Distrct Palawan na ngayon ay nasa kustodiya ng NBI.

Nabatid na bukod sa isasampang kasong kriminal, mahaharap din ito sa mga kasong administratibo.

Ayon kay Balilo,  pinahahalagahan ng PCG ang doktrina ng integridad at propesyunlismo lalu na sa pagtupad ng kanilang tungkulin.

Nag -ugat ang pag aresto kay Tindog, nang magreklamo ang isang dayuhang turista.

Nalaman na walang  walang permit ang yate ng dayuhan para makadaong  sa Palawan.

Hiningan umano siya ni Tindog ng P80,000  pero  sa resibo  ay P10,000 lamang ang inilagay ni Tindog.

Nagreklamo sa NBI ang dayuhan at nang ibinigay na nito ang kakulangan na P40,000 sa kanilang pinag-usapan P80,000 dito na inaresto ang suspek.

Please follow and like us:
Read More