2 DALAGITA SINAGIP, VENDOR NALUNOD

PINULIKAT at tuluyang nalunod ang isang 47-anyos na cigarette vendor makaraang sagipin ang dalawang nalulunod na dalagita sa Baseco beach sa Port Area, Manila, iniulat ng pulisya nitong Biyernes.

Kinilala ang biktimang si Rio Santos y Manuela (lalaki), part-time janitor at cigarette vendor, tubong Nueva Ecija, walang permanenteng tirahan sa lungsod.

Base sa ulat na isinumite ni Det. Bernando Cayabyab kay P/Capt. Henry Navarro, hepe ng Manila Police District-Homicide Section, bandang 1:20 ng hapon nitong Huwebes nang mangyari ang insidente sa Baseco beach sa bahagi ng Block 1, Gasangan, Baseco, Port Area.

Salaysay ng dalawang dalagita na sina “Cristine”, 14, ng R-10, Pier 4, at “Nene”, 12-anyos, ng Sta. Rosa, Tondo, kapwa out of school youth, naliligo sila sa dagat kasama ang iba pang mga kaibigan, nang bigla silang lumubog kaya sumigaw ang kanilang mga kasama sa paghingi ng tulong.

Agad namang kumilos si Santos at lumusong sa tubig para sagipin ang dalawang dalagita.

“Nung sinagip niya po kami, magkabilang braso niya ang kinapitan namin pero po nung nagsabi siya na namumulikat siya ay binitawan na kami kaya ‘yung mga ibang nandoon ang tumulong sa amin para doon na kami sa gilid… tapos nakita na lang namin na lumubog na siya at hIndi na namin siya nakita,” ayon sa isang nasagip na dalagita.

Makaraan ang kalahating oras ay lumutang ang katawan ng biktima.

Mabilis namang umanong nakahingi ng tulong ang mga kabataan at nang magresponde sina Pat. Rey Palawing at P/Cpl. Romeo Catabay, kapwa nakatalaga sa Baseco PCP sakop ng Ernita Police Station 5 ng MPD, ay agad iniahon ang biktima ngunit wala na itong buhay.

Salaysay naman ng mga lalaking kasama ng biktima, nagdiriwang sila ng kaarawan ni Santos kaya roon sila sa gilid ng dagat nag-inuman.

Nakainom na umano ang biktima at pabalik-balik sa paglalangoy sa dagat hanggang sa napansin nitong nalulunod ang dalawang dalagita kaya nito sinaklolohan. (RENE CRISOSTOMO)

Please follow and like us:
Read More

UMIHI SA GILID NG BARKO, SEAMAN SWAK SA DAGAT

lunod1

SURIGAO City – Nalunod ang isang seaman makaraang mahulog sa dagat nang umihi sa gilid ng barko, iniulat nitong Lunes ng umaga sa lungsod na ito.

Kinilala ang biktimang si Mark Gil Jarabe, 29-anyos, chief engineer ng barkong M/V Yohan White, at tu-bong Surigao City.

Batay sa report ng Buenvista Police Station, natagpuan na lamang ang bangkay ng biktima sa ilalim ng dagat habang nakaipit sa kahoy sa daungan ng nasabing bayan.

Lumabas sa imbestigasyon, napaulat na nawawala ang biktima noong Biyernes ng gabi at kinabukasan na  ipinagbigay-alam sa pulisya.

Sa pagsisiyasat ng mga awtoridad, nakita sa footage ng CCTV camera bandang alas-12:55 ng madaling araw nang makita ang biktima habang umiihi sa gilid ng barko at biglang nahulog.

Nagsagawa ng search and retrieval operation ang mga awtoridad katuwang Coast Guard sa lungsod at pagkaraan ay natagpuan ang biktima sa ilalim ng daungan habang nakaipit sa isang kahoy na posibleng naging dahilan ng kanyang pagkalunod. (ANNIE PINEDA)

Please follow and like us:
Read More

GRADE 4 PUPIL NALUNOD SA CREEK

lunod2

WALANG buhay nang matagpuan ang grade 4 pupil sa ilalim ng Makati-Mandaluyong Bridge sa Guadalupe, Makati  noong Linggo ng hapon.

Ang biktimang si Yhael Dionisio, 9, ay huling nakita ng kanyang amang si Noel noong ala-6 ng umaga ng Sabado sa kanilang bahay habang nag-aalmusal ito.

Makalipas ang mahigit isang oras, pasado alas-7:00 ,  tatlong bata ang dumating sa kanilang tahanan dala ang pang-itaas at ibabang damit ni Dioniso at ipinaalam sa ama na nalunod ito sa Bambang Creek, Pasig River.

Kaagad na humingi ng tulong ang ama ng nalunod na bata sa mga awtoridad matapos mabatid ang sinapit ng anak.

Kasama ang mga tauhan ng Philippine Coast Guard mabilis silang  nagsagawa ng search and rescue operation subalit bigo silang makita ang bata noong Sabado.

Alas 4:30 na ng hapon nang makita ang nakalutang na bangkay ng batang biktima na kinumpirma naman ng kanyang ama. (Nick Echavarria)

Please follow and like us:
Read More

MAGTIYAHIN, 1 PA NALUNOD

NILUNOD

(NI JG TUMBADO)

PATAY ang magtiyahin at isa pa matapos malunod sa ilog sa bayan ng Narvacan, Ilocos Sur Huwebes ng umaga.

Kabilang sa mga nasawi sina Ibrahim Abdulmajeed, 10, ang tiyahin nito na si Samiah at isa pang batang lalaki.
Sinabi ni Police Lt. Rogelio Ragasa, Deputy chief of police ng Narvacan, naligo sa ilog si Ibrahim kasama ang dalawa pang kaibigan.

Nalunod si Ibrahim at kaibigan nito nang mapadako sa may kalalimang bahagi ng ilog habang ang isa nilang kasama ay agad na nakahingi ng tulong.

Dito ay nakita na sila ni Samiah kaya lumusong din ito sa tubig para sagipin sana sila subalit maging siya ay nalunod din.

Agad naman inilibing ang mga labi ng biktima alinsunod sa paniniwalang Islam.

Naniniwala naman ang mga awtoridad na aksidente lamang ang pangyayari base na rin sa testimonya ng nakaligtas na kaibigan ni Ibrahim.

 

Please follow and like us:
Read More

MAG-AMA NALUNOD SA ILOG

isabela12

PATAY ang mag-ama nang malunod sa malalim na bahagi ng Pinacanauan river sa Isabela, ayon sa report ng pulisya.

Si Loreto Salas Jr., 48, tricycle driver, at anak na si Mia Marloleth, 13, ng Sto Tomas ay sumama sa outing  kasama ang pamilya at kaibigan at nag-picnic sa tabi ng ilog sa Barangay Angancasillian.

Lumangoy umano si Mia sa malalim na bahagi ng ilog kung saan bigla itong naglaho.

Agad namang sumaklolo ang tatay ngunit siya man ay hinigop ng current bandang alas-11:50 ng umaga.

Naiahon ang mga ito ng mga mangingisda kung saan isinugod sa ospital ang mag-ama ngunit patay na nang idating sa Milagros Albano District Hospital.

Please follow and like us:
Read More